បំណងចង់ឱ្យដាក់បញ្ចូលកម្មវិធីប្រតិបត្តិសមាធិក្នុងកម្មវិធីសិក្សារបស់ពុទ្ធិកសិក្សាគ្រប់កម្រិត គឺត្រូវបានសម្តេចធិបតី ហ៊ុន ម៉ាណែត គូសបញ្ជាក់ថា ដើម្បីពង្រឹងគុណភាពអប់រំ កសាងឱ្យបានមូលធនមនុស្ស មានទាំងសុខភាពផ្លូវកាយ សុខភាពផ្លូវចិត្ត បញ្ញាស្មារតី និងការទទួលខុសត្រូវក្នុងការរស់នៅក្នុងសង្គម។

ភ្ជាប់ជាមួយគ្នានេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏ណែនាំឱ្យក្រសួងធម្មការ និងសាសនា សហការជាមួយគណៈសង្ឃទាំងពីរគណៈ ក្នុងការរៀបចំបណ្តុះបណ្តាលតួនាទី ភារកិច្ចដល់ព្រះមន្ត្រីសង្ឃ អាចារ្យ គណៈកម្មការវត្ត ជាពិសេសប្រព័ន្ធសង្ឃាភិបាល ឱ្យបានទូលំទូលាយទូទាំងប្រទេស ដើម្បីពង្រឹងសមត្ថភាព និងបង្កើនការយល់ដឹងពីតួនាទី និងភារកិច្ច ស្របតាមបទដ្ឋានគតិយុត្ត សំដៅបង្ការ ទប់ស្កាត់ និងកាត់បន្ថយឱ្យបាននូវអធិករណ៍តាមវត្តអារាម។

នៅចំពោះព្រះវត្តមានសម្ដេចព្រះសង្ឃនាយក សម្ដេចព្រះសង្ឃនាយករង សម្តេច ព្រះរាជាគណៈ ព្រះថេរានុត្ថេរៈគ្រប់ព្រះអង្គ សម្ដេចធិបតី ហ៊ុន ម៉ាណែត ក៏បានបន្តទទូចឱ្យជួយដល់សង្គមលើការលើកកម្ពស់គុណធម៌ សីលធម៌ សុជីវធម៌ ថែរក្សាវប្បធម៌ ប្រពៃណី ទំនៀមទម្លាប់ដ៏ល្អ របស់ជាតិ តាមរយៈការសម្តែងធម្មទេសនានៅគ្រប់ទីកន្លែង និងការផ្សព្វផ្សាយតាមបណ្តាញសង្គមផ្សេងៗ ដើម្បីជួយឱ្យប្រជាជនមានព្រហ្មវិហារធម៌ កាត់បន្ថយអំពើអនាចារ អបាយមុខ អំពើហិង្សា អសីលធម៌ និងជួយឱ្យសង្គមជាតិ មានសុខដុមរមនា និងពង្រឹងសាមគ្គីធម៌។

តាមរបាយការណ៍របស់រដ្ឋមន្ត្រីក្រសួងធម្មការ និងសាសនា លោក ចាយ បូរិន គិតទល់បច្ចុប្បន្ន នៅទូទាំងប្រទេសកម្ពុជា មានវត្តចំនួន ៥ ១៤៦វត្ត មានព្រះសង្ឃសរុបចំនួន ៧១ ១៧៩ព្រះអង្គ ហើយលើវិស័យពុទ្ធិកសិក្សា បានបណ្ដុះបណ្ដាលព្រះសង្ឃ តាំងពីថ្នាក់ធម្មវិន័យ ពុទ្ធិកបឋមសិក្សា រហូតដល់ពុទ្ធិកឧត្តមសិក្សា និងក្រោយឧត្តមសិក្សា៕

ដោយ៖ ធឿន វ៉ាន់សុង

The post សម្ដេចធិបតីឱ្យក្រសួងធម្មការ ពិចារណាដាក់«សមាធិ»ក្នុងកម្មវិធីសិក្សារបស់ពុទ្ធិកសិក្សា appeared first on Kampuchea Thmey Daily.

ខាងក្រោមនេះ ជាបច្ចេកទេស ៥យ៉ាង សម្រាប់អ្នកពូកែគិតច្រើន ជួយឲ្យអារម្មណ៍មូលនៅតែក្នុងរង្វង់សមាធិប៉ុណ្ណោះ។

១ សមាធិជាមួយមនុស្សផ្សេងទៀត

មនុស្សជាច្រើនប្រហែលជាមានរូបភាពថា ការធ្វើសមាធិត្រូវធ្វើតែម្នាក់ឯង គេចពីមនុស្ស ពិតណាស់វាមិនខុសទេ ប៉ុន្តែអ្នកជំនាញខាងសមាធិ Candice Fairoth និយាយថា ការធ្វើសមាធិជា​មួយម​នុស្សផ្សេងទៀត មានឥទ្ធិពលគួរឲ្យ​ចាប់អារម្មណ៍មួយចំនួន។ វាអាចធ្វើឲ្យ​យើង​ផ្ដោត​អារម្មណ៍​កាន់តែច្រើន។ ផ្នែកមួយនេះអាចបណ្តាល​មកពីការស្ទាក់ស្ទើររបស់​យើង​ក្នុង​ការ​រំខាន​អ្នកដទៃ​ ដែល​កំពុងធ្វើសមាធិ ហើយវាជាធម្មជាតិ​របស់​មនុស្ស​ក្នុង​ការ​ធ្វើ​សកម្មភាព​ឲ្យ​បាន​ពេញលេញ​នៅ​ពេលធ្វើអ្វីមួយដែលស្រដៀងគ្នា។

២ ព្យាយាម​ផ្តោត​អារម្មណ៍ដោយប្រើបច្ចេកវិទ្យា

កាសស្តាប់ត្រចៀក វ៉ែនតា VR បច្ចេកវិទ្យាអាចជាជម្រើសមួយផ្សេងទៀតសម្រាប់អ្នកដែលគិតច្រើនពេក ប៉ុន្តែចង់ផ្តោត​អារម្មណ៍។ មនុស្សមួយចំនួនអាចជ្រើសរើសជម្រើសផ្សេងៗដូចជាព្រៃឈើ ឆ្នេរសមុទ្រ ភ្នំ ទឹកជ្រោះ តាមរយៈ VR ដែលធ្វើឲ្យពួកគេកាត់ចេញពីពិភពខាងក្រៅ ហើយធ្វើឲ្យចិត្តរបស់ពួកគេស្ងប់ស្ងាត់ និងផ្តោតអារម្មណ៍បានល្អ។ជាងនេះទៅទៀត ប្រសិនបើអ្នកណាមិនមានថវិកាសម្រាប់ទិញវ៉ែនតា VR អ្នកក៏អាចសាកល្បងមើល Youtube មើលពីវីដេអូដែលអ្នកចូលចិត្តបំផុត។

៣ យូហ្គា

មនុស្សមួយចំនួនប្រហែលជាមិនអាចផ្តោតអារម្មណ៍នៅពេលដែលរាងកាយនៅស្ងៀមទ្រឹង។ ពេលនៅស្ងៀម ហើយគិតច្រើនជាងមុន យូហ្គាគឺជាចម្លើយមួយទៀតដែលអាចជួយអ្នកបាន។ យូហ្គាគឺជាការរួមបញ្ចូលគ្នានៃសមាធិ។ ការដកដង្ហើមនិងចលនា ជាការពិតណាស់ គោលដៅធ្វើឲ្យអ្នកផ្តោតអារម្មណ៍កាន់តែច្រើន។

៤ តន្ត្រី តន្ត្រីអាចជួយបាន

តន្ត្រីធ្វើឲ្យអ្វីៗកាន់តែប្រសើរឡើង ជាពិសេសការផ្តោតអារម្មណ៍ផងដែរ។ ការសិក្សាមួយចំនួនបានរាយការណ៍ថា តន្ត្រី​អាច​បង្ហាត់​ខួរក្បាលឲ្យ​មាន​ការ​ផ្តោត​អារម្មណ៍​កាន់​តែ​ខ្លាំង។ របាយការណ៍ខ្លះថែមទាំងនិយាយថា តន្ត្រីប៉ះពាល់ដល់ចង្វាក់បេះដូង។ សូមព្យាយាមស្វែងរកបទចម្រៀងដែលសក្តិសមនឹងអ្នកដើម្បីជួយបង្កើនការផ្តោតអារម្មណ៍ឲ្យកាន់តែល្អប្រសើរ។

៥ ការគិតច្រើន គឺជារឿងធម្មតា

ការគិតច្រើនពេក ការរក្សាគំនិតរបស់អ្នក គឺជារឿងធម្មតា។ យើង​រស់នៅ​ក្នុង​សង្គម​ដែល​លើកទឹកចិត្ត​ឲ្យ​មាន​ការ​គិតថេរ។ ដូច្នេះវាមិនមែនជារឿងគួរឲ្យ​ភ្ញាក់ផ្អើល​ទេ​ ដែល​មនុស្ស​ជា​ច្រើន​មាន​បញ្ហា​នេះ។ ពេល​ដឹង​ថា​អ្នក​កំពុង​តែ​គិត​លើស​ហើយ​ ទាញ​វា​មក​វិញ។

រឿងមួយទៀត ដែលគួរធ្វើគឺធ្វើជាប្រចាំ គឺពេលវេលាសម្រាប់​ធ្វើ​​សមាធិ នៅពេលដែលយើងធ្វើវាកាន់​តែញឹកញាប់ យើងនឹងផ្តោតអារម្មណ៍កាន់​តែច្រើន​រហូត​ក្លាយជាទម្លាប់៕

ប្រែសម្រួល៖ សាង ស្រីល័ក្ខ

ចុចអាន៖សមាធិពេលព្រឹកមានប្រសិទ្ធភាពជាងកាហ្វេ ហើយជួយពេញមួយថ្ងៃ

The post គន្លឹះសមាធិ ៥ យ៉ាង សម្រាប់មនុស្សគិតច្រើនពេក appeared first on Kampuchea Thmey Daily.

១ ទាន

សម្ភារៈដែលបានផ្តល់ឲ្យ ត្រូវតែបរិសុទ្ធ​ មាន​ន័យ​ថា​ អ្វី​ដែល​អាច​ទទួល​បាន​ដោយ​ខ្លួន​ឯង​ បានមកជាមួយ​ភាព​បរិសុទ្ធ មិន​ទៅ​រំលោភ​លើ​នរណា​ម្នាក់ ឬ​បាន​មក​ចេតនា​ណាមួយ។ ពោល​គឺ​មុន​នឹង​ឲ្យ​ទាន​ ត្រូវ​តែ​មាន​ជំនឿ។ ឲ្យ​ដោយ​សេចក្តី​រីករាយ ហើយ​បន្ទាប់​ពី​បាន​ឲ្យ​​ទៅ គិត​ត្រឡប់​ទៅ​កាន់​ទាន​ដែល​ឲ្យ​នោះ​ ​ហើយត្រេក​អរ ឬ​រីករាយ​នឹង​អ្វី​ដែល​​បាន​ធ្វើ។

២ រក្សាសិក្ខាបទ

សិក្ខាបទ​ទាំង ៥ ដែល​ជា​ពាក្យ​ប្រៀនប្រដៅ​របស់​ពុទ្ធសាសនិកជន គឺ វៀរចាក​ការ​សម្លាប់​សត្វ​មាន​ជីវិត វៀរចាក​ការ​លួច វៀរចាក​ការ​ប្រព្រឹត្ត​ខុស​ក្នុង​កាម វៀរចាក​ការ​ភូតភរ និង វៀរចាក​ការ​សេពសុរា។ យ៉ាងណាមិញ​ យើងត្រូវ​តែ​ជា​អ្នក​រក្សា​សិក្ខាបទ​ដោយ​បរិសុទ្ធ​ ទើបទទួល​បាន​ផល​បុណ្យដោយចិត្តបរិសុទ្ធដែរ។

៣ សមាធិ​

ធ្វើ​ចិត្ត​ឲ្យ​ស្ងប់ ផ្ចង់​អារម្មណ៍ មិន​រវើរវាយ បំបាត់​នូវ​អារម្មណ៍​ផ្សេងៗ ហើយ​នៅ​ពេល​ដែល​ចិត្ត​មាំទាំ​ក្នុង​សមាធិ រឿង​បន្ទាប់​គឺ​អភិវឌ្ឍ​ប្រាជ្ញា​ ដែល​នេះ​ខុស​ពី​ការ​ធ្វើ​សមាធិ គឺ​យើង​ត្រូវ​ប្រើ​គំនិត ​ហើយ​ធ្វើ​សមាធិ​ដើម្បី​ឃើញ​ការពិត អ្វីៗ​ក្នុង​លោក​នេះ កើត​មក​មាន​ហើយរលត់​ទៅ​ដោយ​ធម្មជាតិ អនិច្ចា ទុគ៌ត មិនមែនជារបស់ខ្លួនឡើយ។ ដូច្នេះ​កុំ​លោភលន់​ កុំ​ចង់​បាន កុំ​អួត កុំ​ធ្វើ​បាប​គេ ​យក​ជា​ឈ្នាន់​សប្បាយ​របស់​ខ្លួន។

ចុងក្រោយនេះ កាល​បើ​ពិចារណា​ឃើញ​នូវ​ធម៌​ទាំង ៣ យ៉ាង​នោះ​ហើយ ត្រូវគិតថា អ្វី​ទាំងអស់​កើត​ចេញ​ពី​យើង​ទាំងអស់​គ្នា។ មិន​ថា​ជា​កាយវិការ ការ​និយាយ ចិត្ត អ្វី​ដែល​សំខាន់​មួយ​ទៀត​នោះ​គឺ​ថា ​បុណ្យ​នឹង​មាន​ច្រើន​ឬ​តិច វា​អាស្រ័យ​លើ​ចេតនា​របស់​អ្នក ជំនឿ​របស់​អ្នក ដើម្បី​ធ្វើវា​ផង​ដែរ៕

គ្រូ ណុប

ចុចអាន៖ទម្លាប់ចាយលុយអស់ៗគ្មានសល់ តាមជំនឿ អាចមកពីកម្មផលចាស់ៗពីអតីតជាតិ

ចុចអាន៖វិបស្សនាជាអ្វី ហើយមានគោលបំណងដើម្បីអ្នកណា?

The post សាងបុណ្យដោយវិធី ៣ នេះ នឹងទទួលបានកុសលចម្រើនដល់ខ្លួនឯង និងអ្នកដទៃ appeared first on Kampuchea Thmey Daily.

អត្ថបទនេះ គឺល្អ​សម្រាប់អ្នកគិតច្រើន វាជាបច្ចេកទេសដ៏អស្ចារ្យមួយគួរតែអាន និងអនុវត្ត។

១ សមាធិ​ជាមួយ​មនុស្ស​ផ្សេងទៀត

មនុស្ស​ជាច្រើនប្រហែលជាស្រមៃថា ការធ្វើសមាធិត្រូវធ្វើតែម្នាក់ឯង ឆ្ងាយពីមនុស្ស ពិតណាស់​វា​មិន​ខុស​ទេ។ ប៉ុន្តែអ្នកជំនាញខាងសមាធិ Candice Fairoth និយាយថា​ ការធ្វើសមាធិ​ជាមួយ​មនុស្សផ្សេងទៀត មានឥទ្ធិពលគួរឲ្យ​ចាប់អារម្មណ៍។ វាអាចធ្វើឲ្យ​យើង​ផ្តោត​អារម្មណ៍ បាន​កាន់​តែច្រើន។

២ សាកល្បង​ធ្វើសមាធិ​ដោយប្រើបច្ចេកវិទ្យា

កាសស្តាប់ត្រចៀក វ៉ែនតា VR បច្ចេកវិទ្យាអាចជា​ជម្រើសមួយផ្សេង​ទៀត សម្រាប់អ្នក​ដែល​គិតច្រើន ប៉ុន្តែ​ច​ង់ធ្វើសមាធិដូចគេឯង។ ការប្រើប្រាស់រូបភាព និងសំឡេង ​ជាក់ស្តែងអាច​ជួយ​មនុស្ស​ជា​ច្រើន​មាន​អារម្មណ៍​ស្ងប់។ មនុស្ស​មួយ​ចំនួន​អាច​ជ្រើសរើស​ទេសភាព​ព្រៃ ឆ្នេរ ភ្នំ ទឹកជ្រោះ តាមរយៈ VR ដែល​វា​កាត់​ពួកគេ​ចេញ​ពីពិភពខាងក្រៅ ហើយ​ធ្វើឲ្យ​ចិត្តរបស់ពួកគេស្ងប់ស្ងាត់ និង​ផ្ដោត​អារម្មណ៍​បាន​ល្អ។ ប្រសិនបើអ្នកមិនមានថវិកាច្រើន អ្នកអាចចាប់ផ្តើមដោយបើក Youtube និងបើកមើលអ្វីដែលចូលចិត្ត។

៣ យូហ្គា

មនុស្សមួយចំនួនប្រហែលជាមិនអាច​ផ្តោត​អារម្មណ៍បានល្អ នៅពេលដែលរាងកាយរបស់ពួកគេសម្រាក។ នៅពេលអ្នកស្ងប់ស្ងាត់ ហើយគិតច្រើន យូហ្គា​គឺ​ជា​ចម្លើយ​មួយ​ទៀត​ដែលជួយ​អ្នក។ យូហ្គាគឺជាការបញ្ចូលគ្នានៃសមាធិ ការដកដង្ហើមនិងចលនា គោលដៅ​ធ្វើឲ្យ​អ្នក​កាន់​តែ​ផ្ដោត​អារម្មណ៍បានប្រសើរ។

៤ តន្ត្រី អាច​ជួយ​បាន

តន្ត្រី​ធ្វើឲ្យ​អ្វីៗកាន់តែប្រសើរឡើង ក្នុងពេលកំពុងសមាធិ​ផងដែរ។ ការ​សិក្សា​ខ្លះ​បាន​រាយការណ៍​ថា តន្ត្រី​អាច​ហ្វឹកហាត់​ខួរ​ក្បាល​ឲ្យ​ផ្ដោត​អារម្មណ៍​កាន់​តែ​ច្រើន។ របាយការណ៍​ខ្លះ​ថែមទាំង​និយាយ​ថា ​តន្ត្រី​ប៉ះពាល់​ដល់​ចង្វាក់បេះដូង។ ព្យាយាម​ស្វែងរក​បទចម្រៀង​ដែល​សក្ដិសម​នឹង​អ្នក ប្រហែល​ជា​វា ​នឹង​ជួយ​កែលំអ​ការ​ផ្ដោត​អារម្មណ៍​ផង​ដែរ។

៥ ការ​គិត​ច្រើន​ពេក ​គឺ​ជា​រឿង​ធម្មតា

ជាចុងក្រោយ សូមទទួលស្គាល់ថា ការគិតច្រើនពេក និង​ការ​មិន​សប្បាយចិត្ត គឺជារឿងធម្មតា។ យើង​រស់នៅក្នុងសង្គម​ដែល​ជំរុញ​ការ​គិតគ្រប់ពេលវេលា។ ដូច្នេះហើយ វាមិនគួរឲ្យ​ភ្ញាក់ផ្អើលទេ​ ដែល​មនុស្ស​ជាច្រើន​មាន​បញ្ហា​នេះ។ ពេល​ដឹង​ថា​គិត​ច្រើន​ពេក ទាញ​ខួរក្បាល​មក​វិញឲ្យរហ័ស។

រឿងល្អមួយទៀត ដែលត្រូវធ្វើ គឺត្រូវសមាធិជាប្រចាំ ពេល​ធ្វើ​វាឲ្យ​បាន​ញឹកញាប់ យើង​នឹង​ផ្ដោត​អារម្មណ៍​កាន់​តែ​ច្រើន​ទៅ​តាម​នោះ។ ដល់ពេលនោះ កំហឹង ការគុំគួន ការគិតច្រើនឥតបានការ ក៏លែងមានទៀតដែរ។ បើទោះជាមាន ក៏មានតិចជាងពីមុនដែរ៕

ប្រែសម្រួល៖ សាង ស្រីល័ក្ខ

ចុចអាន៖សមាធិពេលព្រឹកមានប្រសិទ្ធភាពជាងកាហ្វេ ហើយជួយពេញមួយថ្ងៃ

ចុចអាន៖បុគ្គលមានអំនួតខ្លាំងពេក ឬ មោទនភាពហួសហេតុ នឹងជួបផលអវិជ្ជមាន ៥ នេះ ក្នុងជីវិត

The post ៥ គន្លឹះ សម្រាប់មនុស្សឧស្សាហ៍គិតច្រើន អាចសមាធិបានស្ងប់អារម្មណ៍ល្អ appeared first on Kampuchea Thmey Daily.

​ការសិក្សា​ថ្មី​មួយ​បាន​រកឃើញថា ការធ្វើ​សមាធិ​ទៀងទាត់​ជួយ​ធ្វើឱ្យ​ខួរក្បាល​ក្មេង​ជាង​វ័យ​ដល់​ទៅ ៧ ឆ្នាំកន្លះ ចំពោះ​មនុស្ស​វ័យ​កណ្តាល​។​

ក្រុម​អ្នកស្រាវជ្រាវ​បានឲ្យដឹងថា ការផ្តោត​អារម្មណ៍​ខ្លាំង និង​ការ​សម្រាកនៅពេលសមាធិ​អាចជួយ​ធ្វើឱ្យ​លូតលាស់​កោសិកា​ខួរក្បាល​ថ្មី​។ ពួកគេ​បន្ថែមទៀតថា ជាទូទៅ​ការ​រួញ​ខួរក្បាលឬភាថាសាមញ្ញថា ក្រញ៉ាញ់ខួរ ត្រូវបាន​ផ្សារភ្ជាប់​ទៅនឹង​ជំងឺ​បាត់បង់​ការចងចាំ និង​ជំងឺ​ទាក់ទង​នឹង​ការចុះ​ខ្សោយ​ការចងចាំ​ជាច្រើន​ទៀត​។

​អ្នកវិទ្យាសាស្ត្រ​បាន​ស្កែ​ន​ខួរក្បាល​បុរស​ស្ត្រី​អាមេរិក​ចំនួន ៥០ នាក់ ដែល​ធ្វើ​សមាធិ​ជា​ទៀងទាត់ និង អ្នក​មិន​ធ្វើ​សមាធិ​សោះ​ចំនួន ៥០ នាក់​ទៀត​។

ការ​ស្កែ​ន​នេះ​ត្រូវបាន​បញ្ចូល​ទៅ​កម្មវិធី​កុំព្យូទ័រ ដែល​វិភាគ​ទៅលើ​ខួរក្បាល និង​ផ្តល់នូវ​អាយុ​ពិត​សម្រាប់​ខួរក្បាល​នីមួយៗ​ផ្អែកលើ​ស្ថានភាព​រូបរាង​ជាក់ស្តែង​របស់​ខួរក្បាល​។ លទ្ធផល​ចេញមក​គឺ​ពិតជា​គួរឱ្យភ្ញាក់ផ្អើល​។​

ជាទូទៅ អាយុ​របស់​ខួរក្បាល​របស់​អ្នក​មិន​ធ្វើ​សមាធិ និង​អាយុ​ពិត​ជាក់ស្តែង​របស់​ពួកគេ​គឺ​ដូចគ្នា ពោលគឺ​មនុស្ស​វ័យ ៥៥ មាន​ខួរក្បាល​អាយុ ៥៥ ដូចគ្នា​។ ប៉ុន្តែចំពោះខួរក្បាល​របស់​អ្នកធ្វើ​សមាធិ​មាន​អាយុ​ក្មេង​ជាង​វ័យ ដោយ​មនុស្ស​វ័យ ៥០ ជា​មធ្យម​មាន​ខួរក្បាល​អាយុ​ប្រហែល ៤២ ទៅ ៤៣ ឆ្នាំ​ប៉ុណ្ណោះ​៕

ប្រែសម្រួល៖ សន្យា

ចុចអាន៖ សមាធិជាគន្លឹះដ៏​មាន​ប្រសិទ្ធភាព​បំផុត​សម្រាប់​​អ្នកជំងឺ​បាក់​ទឹក​ចិត្ត និង​ថប់​បារម្ភ

ចុចអាន៖ សមាធិពេលព្រឹកមានប្រសិទ្ធភាពជាងកាហ្វេ ហើយជួយពេញមួយថ្ងៃ

The post ដឹងគុណសម្បត្តិមួយនេះ អ្នកខ្ជិលសមាធិនឹងភ្ញាក់ខ្លួនមិនខាន appeared first on Kampuchea Thmey Daily.

១ ការធ្វើសមាធិពេលព្រឹកពិតជា​មានប្រសិទ្ធភាពជាងគ្រាប់កាហ្វេ

អ្នកណាដែលបាន​ធ្វើសមាធិនៅពេលព្រឹកព្រហាម នៅតែមានថាមពលពេញមួយថ្ងៃដោយមិនពឹងផ្អែកតែលើជាតិកាហ្វេអ៊ីនទៀតឡើយ។ ការធ្វើសមាធិរយៈពេល ១០ ទៅ ២០ នាទីធ្វើឱ្យប្រព័ន្ធប្រសាទរីករាលដាលនិងបញ្ចេញអរម៉ូនអ៊ីប៉ូលីនដែលជួយបង្កើនថាមពលធ្វើឱ្យយើងកាន់តែមានអារម្មណ៍រីករាយនិងស្រស់ថ្លាពេញមួយថ្ងៃ។

២  វាធ្វើឱ្យយើងមាន​ទម្លាប់នៃការញ៉ាំដ៏មាន​សុខភាពល្អ

នៅពេលយើងស្ថិតក្នុងអារម្មណ៍អវិជ្ជមានយើងច្រើនតែឃ្លានអាហារមិនល្អដូចជា ត្រូវការ​រសជាតិផ្អែមខ្លាំង ហាងខ្លាំង​ជូរឬហឹរ​ខ្លាំង។ ចិត្តស្ងប់ធ្វើឱ្យអណ្តាតយើងស្រូបយករសជាតិបានយ៉ាងល្អក្នុងអាហារទំាងដែលមិនចាំបាច់ប្រើធំបិលខ្ពស់​ឬវាកាន់តែងាយស្រួលក្នុងការកាត់ផ្តាច់ជាតិស្ករនិងខ្លាញ់ចេញពីរបបអាហារជោគជ័យបាន។

៣ ពន្លឿនការរំលាយអាហារនិងសំអាតពោះវៀន

ថាមពលវិជ្ជមាននិងការស្ងប់ ១០ នាទីជួយពន្លឿនការរំលាយអាហារនិងសំអាតពោះវៀនដែលជាហេតុធ្វើឱ្យយើងមានអារម្មណ៍ឆ្អែតឆាប់ សម្រកបានល្អ​និងមិនសូវទាក់ទាញនឹកនាដល់ជម្រើសអាហារមិនល្អនានា​ដែលគេដាក់លក់តាមផ្លូវ។​កាលដែលយើងដឹងថា​យើងញៀននឹងអាហារមិនល្អក៏ជាស្ត្រេស​ ព្រោះយើងមិនមានវិន័យគ្រប់គ្រាន់ក្នុងការផ្តាច់តែសមាធិអាចជួយបាន។

៤ សមាធិពេលព្រឹកការពារភាពតានតឹងបាន​ពេញមួយថ្ងៃ

ការធ្វើសមាធិនៅពេលព្រឹកគឺជាការការពារខ្លួនចំពោះភាពតានតឹងនិងការឃ្លានខ្លាំង។ ការធ្វើសមាធិធ្វើឱ្យក្រពេញភីតូរីសនៅក្នុងខួរក្បាលដែលបញ្ចេញអរម៉ូន endorphins ឬអរម៉ូនរីករាយដំណើរការរលូន។ អ្នកស្រាវជ្រាវយល់ស្របថាមនុស្សដែលចាប់ផ្តើមការងាររបស់ពួកគេរៀងរាល់ព្រឹកបន្ទាប់ពីការធ្វើសមាធិរយៈពេលខ្លីមានអារម្មណ៍ថាខ្លួនគេមានភាពស្និទ្ធស្នាលជាងមុនហើយអាចបំបាត់ភាពតានតឹងបានយ៉ាងងាយស្រួល។
ការតាំងសមាធិមិនដែលមានវិធីត្រឹមត្រូវឬខុសក្នុងការធ្វើវាឡើយ។ ចាប់អនុវត្តទៅ!នៅពេលណាក៏បាន កន្លែងណាក៏បាន!

ប្រែសម្រួល៖ ឡាហ្សូលី

ចុចអាន៖ សាកវិធីធ្វើសមាធិប៉ុន្មាននេះ បើមានអារម្មណ៍តានតឹងពិបាកគ្រប់គ្រង

ចុចអាន៖ សមាធិជួយឱ្យវដ្តរដូវទៀងទាត់ បន្ថយការឈឺចាប់ និងបំបាត់បញ្ហាមុនលើវ័យជំទង់

The post សមាធិពេលព្រឹកមានប្រសិទ្ធភាពជាងកាហ្វេ ហើយជួយពេញមួយថ្ងៃ appeared first on Kampuchea Thmey Daily.

ខាងក្រោមជាគោលការណ៍សុខភាពទាំង ៧ ដែលអាចជួយពង្រឹងភាពស៊ាំ ដើម្បីប្រឆាំងនឹងកូវីដអំឡុងនៅផ្ទះ៖

១. ទទួលទានអាហារជីជាតិ

អាហាររពិតជាសំខាន់សម្រាប់ទ្រទ្រង់រាងកាយនិងការពាខ្លួនប្រាណឱ្យរឹងមាំ ចៀសបាននូវការវាយលុកពីជំងឺនានា។ សូមជ្រើសរើសអាហារបរិភោគឱ្យបានគ្រប់ជីជាតិរួមមាន បន្លែ ​ត្រីសាច់ ស៊ុត និង​ផ្លែឈើ។ល។

កាលណាសុខភាពមាំហើយ ទោះជំងឺចង់ក្បែរ ក៏ពិបាករុកគួនដែរ។

២. ធ្វើលំហាត់ប្រាណទៀងទាត់

មិនថា ស្ថិតក្នុងកាលៈទេសៈណា ការហាត់ប្រាណនៅតែជាសកម្មភាពសំខាន់ មិនអាចអាក់ខាន ដើម្បីប្រព័ន្ធភាពស៊ាំរឹងមាំ និងយកឈ្នះការយាយីពីជំងឺ។ ហាត់ប្រាណគ្រប់ទម្រង់ទាំងការដើរយឺតៗ រត់ ហាត់យូហ្កា និងវិធីផ្សេងទៀត សុទ្ធតែមានប្រយោជន៍ទាំងអស់។ អ៊ីចឹង! កុំខ្ជិល ចាប់ផ្ដើមពីពេលនេះទៅ ដើម្បីពង្រឹងសុខភាពខ្លួនឯង។

៣. ផឹកទឹកឱ្យបានគ្រប់គ្រាន់

ទឹកជាប្រភពនៃជីវិត និងសុខភាពល្អ។ ផឹកទឹកគ្រប់គ្រាន់ចាប់ពីពេល ២ លីត្រឡើងទៅ មិនត្រឹមតែអាចការពារខ្លួនប៉ុណ្ណោះទេ តែអាចព្យាបាលជំងឺមួយចំនួនថែមទៀត។ ជាពិសេសទឹកមួយកែវពេលព្រលឹមឡើង ហើយបើសិនជាបានផឹកទឹកក្ដៅឧណ្ហៗទៀត វាកាន់តែជួយច្រើនដល់សុខភាពរាងកាយ។

៤. ទទួលយកពន្លឺព្រះអាទិត្យ​និងស្រូបខ្យល់បរិសុទ្ធ

ពន្លឺព្រះអាទិត្យជាឱសថធម្មជាតិ ជំនួយរាងកាយ បន្ថែមវីតាមីន D និងសម្លាប់មេរោគ។  រីឯខ្យល់អាកាសបរិសុទ្ធ នាំឱ្យដកដង្ហើមបានស្រួល សួតមានសុខភាពល្អ ព្រមទាំងលូតលាស់នូវកោសិកាថ្មី។ ដូច្នេះ កុំភ្លេចស្រូបយកពន្លឺឱ្យបានរាល់ព្រឹក និងបើកទ្វារបង្អួចផ្ទះឱ្យមានពន្លឺនិងខ្យល់ចេញចូលគ្រប់គ្រាន់ ដើម្បីកម្ចាត់មេរោគឬបាក់តេរី។

៥. សម្រាកគ្រប់គ្រាន់

គេងបានគ្រប់គ្រាន់ ជួយផ្ដល់នូវថាមពលដែលបាត់បង់ត្រឡប់មកវិញ​ ក៏ដូចជាការពារជំងឺដូចគ្នាដែរ។ ការសិក្សាថ្មីៗនេះ ក៏បានលើកឡើងដែរថា សម្រាកមិនគ្រប់ នាំឱ្យវីរុសងាយនឹងចម្លងបំផុត។ សម្រាកមិនសំដៅតែលើការគេងនោះទេ តែជាការបន្ធូរដៃពីការងារខ្លះ កុំប្រឹងដល់ថ្នាក់ គ្មានពេលផឹកទឹក​ ច្បាស់ណាស់ថា អ្នកប្រាកដជាឈឺមិនខានទេ។

៦. ចេះប្រមាណ

ចេះកំណត់ការងារប្រចាំ មិនបន្ថែមសម្អាធដល់ខួរក្បាល មិនបរិភោគអាហារបង្ខូចសុខភាព ចេះផឹកភេសជ្ជៈល្អៗដោយចៀសវាង ភេសជ្ជៈមានអាល់កុល កាហ្វេអ៊ីន ជាតិហ្កាស ជាការចេះប្រមាណ គិតគូរដល់សុខភាពខ្លួនឯង។

៧. ទម្លាប់សមាធិជាប្រចាំ

ការ​ធ្វើ​សមាធិ​អាច​ជួយ​ឲ្យ​ប្រព័ន្ធ​ភាពស៊ាំ​ដំណើរការ​បាន​យ៉ាង​ល្អ ដោយអាច​ជួយ​ឲ្យ​រាងកាយ​ឆ្លើយ​តប​នឹង​ស្ថានភាព​តានតឹង​បាន​ប្រសើរ​ឡើង។ ដើម្បី​ចាប់ផ្តើម​សមាធិ គ្រាន់តែ​ផ្ដោត​អារម្មណ៍​ទៅ​លើ​ដង្ហើម​របស់​អ្នក ហើយ​ការ​អង្គុយ​ត្រង់​ខ្នងក៏​អាច​ជួយ​បាន។ ប្រសិនជា​មាន​អារម្មណ៍មិនមូល ចេះតែមានគំនិត​ផ្សេង​មក​រំខាន អ្នក​អាច​ត្រលប់​ទៅ​ផ្ដោត​លើ​ដង្ហើម​​ជាថ្មី​វិញ។ ​ត្រូវ​អនុវត្ត​យ៉ាង​តិច ១០នាទី​ក្នុង​មួយ​ថ្ងៃ​រយៈពេល​៨​ទៅ​១០សប្ដាហ៍​ដើម្បី​ទទួល​បាន​អត្ថប្រយោជន៍ទាំងផ្លូវចិត្តនិងរាងកាយ៕

ប្រែសម្រួល៖ សន្យា

ចុចអាន៖ តិចនិកថែ​សុខភាព​ឲ្យ​ក្មេង​ជាង​វ័យ ជំងឺ​កាច​សាហាវ​មិន​ហ៊ាន​យាយី

ចុចអាន៖ អ្នកញ៉ាំសាច់ បើឆ្លងកូវីដហើយ ប្រឈមនឹងការវិវត្តទៅរកភាពធ្ងន់ធ្ងរជាងអ្នកញ៉ាំបួស ឆ្ងាយណាស់

The post គោលការណ៍សុខភាពទាំង ៧ អាចជួយពង្រឹងភាពស៊ាំប្រឆាំងនឹងកូវីដ អំឡុងនៅផ្ទះ appeared first on Kampuchea Thmey Daily.

១. ពេលវេលាធ្វើសមាធិ

ជាទូទៅការធ្វើសមាធិនៅពេលព្រឹកអាចជួយកាត់បន្ថយភាពតានតឹងពេញមួយថ្ងៃ។ ជាពិសេសប្រសិនសមាធិមុនពេលចាប់ផ្ដើមសកម្មភាពប្រចាំថ្ងៃ វាអាចជំរុញផលិតភាពការងារកាន់តែប្រសើរ។​ ប៉ុន្តែប្រសិនបើអ្នកជាមនុស្សដែលពិបាកចូលដំណេក ការធ្វើសមាធិមុនពេលចូលគេងក៏ជាជាជម្រើសល្អដែរ។

យ៉ាងណាមិញ ពេលណាធ្វើសមាធិ មិនជាបញ្ហាចោទទេ សំខាន់អ្នកត្រូវញែកពេលជាក់លាក់មួយដើម្បីសមាធិឱ្យបានរាល់ថ្ងៃ ទើបផ្ដល់ប្រសិទ្ធភាពខ្ពស់ចំពោះសុខភាពផ្លូវកាយនិងផ្លូវចិត្ត។

២. ឥរិយាបថធ្វើសមាធិ

អ្នកខ្លះចូលចិត្តឈរ  អ្នកខ្លះអង្គុយលើកៅអី និងអ្នកខ្លះទៀតអង្គុយពែនលើគ្រែ។ល។

ទោះបីអ្នកជ្រើសរើសជំហរណាក៏ដោយ ត្រូវប្រាកដថាវាជាជំហរដែលប្រើហើយ អាចជួយរក្សារយៈពេលនៃការអនុវត្តសមាធិបានស្រួលដល់អ្នក។

៣. ការស្លៀកពាក់ធ្វើសមាធិ

វានឹងបង្កការពិបាក បើសិនអ្នកប្រើសម្លៀកបំពាក់តឹងពេក ឬប្រើខ្សែក្រវ៉ាត់រឹតចង្កេះ ឬពាក់គ្រឿងអលង្ការជ្រែកខ្លួនជាដើម។ មិនថាស្លៀកពាក់អ្វីទេ ឱ្យតែអ្នកខ្លួនឯងយល់ថាវាផ្ដល់ផាសុកភាព នោះការធ្វើសមាធិនឹងកាន់តែប្រសើរ។ ប៉ុន្តែយកល្អ គួរស្លៀកពាក់រលុងៗ ព្រោះងាយស្រួលឱ្យស្រូបខ្យល់ ក៏ដូចជាងាយបត់បែនឥរិយាបថ។

៤. បិទទូរសព្ទពេលធ្វើសមាធិ

បើដាក់ខ្លួននៅទីតាំងស្ងាត់ហើយ ការរំខានពីឧបករណ៍អេឡិចត្រូនិកដូចជាសារឬអ៊ីមែលផ្ញើចូល គួរតែបិទបណ្ដោះអាសន្នសិន។

បើអាចធ្វើបាន សូមបិទទ្វារឬចូលទៅកន្លែងដែលអ្នកអាចនៅម្នាក់ឯង ទម្រាំការធ្វើសមាធិបញ្ចប់ទាំងស្រុង។

៦. សមាធិគឺរក្សាភាពស្ងប់ស្ងាត់

ទោះបីនៅក្នុងទីក្រុងអ៊ូអ៊រ នៅតាមផ្លូវ ឬរវល់អ្វីក៏ដោយ ក៏អ្នកអាចធ្វើសមាធិបានដែរ។ ជាមួយនឹងអារម្មណ៍ស្ងប់ ដោយអាចគ្រប់គ្រងមិនឱ្យសំឡេងមករំខានបាន នោះចាត់ទុកថាជាការធ្វើសមាធិដោយជោគជ័យ។

៦. សមាធិគឺផ្ដោតលើការដកដង្ហើម

សមាធិ គឺអង្គុយស្ងៀមស្ងាត់ ហើយផ្តោតចិត្តលើខ្យល់ដង្ហើម។ ការអនុវត្តបែបនេះនឹងជាជំនួយដ៏មានប្រយោជន៏ដើម្បីធ្វើចិត្តឱ្យត្រជាក់នៅពេលស្មុគស្មាញ។

ផ្ដោតលើដកដង្ហើមតាមច្រមុះ មិនលឿនពេក មិនយឺតពេក មិនវែងពេក និងមិនខ្លីពេក។ ដកដង្ហើមបណ្ដើរ ដាស់សតិអារម្មណ៍ឱ្យរឭកដល់រឿងល្អៗបណ្ដើរមិនថា ​វាធ្លាប់កើតឡើង ឬមិនទាន់កើតក៏ដោយ។

ចងចាំថា ការធ្វើសមាធិមិនខុសអីពីការបួងសួងឡើយ ហើយមិនថាសមាធិរយៈពេល ១ នាទីឬ ៣០ នាទីនោះទេ នៅពេលបញ្ឈប់ សូមកុំតក់ក្រហល់ដោយងើបឡើងភ្លាមៗពេក៕

ប្រែសម្រួល៖ សន្យា

ប្រភព៖ Healthline

ចុចអាន៖ សមាធិពេលព្រឹកមានប្រសិទ្ធភាពជាងកាហ្វេ ហើយជួយពេញមួយថ្ងៃ

ចុចអាន៖ ចាប់ផ្ដើមសមាធិ អាចជួយផ្លូវចិត្តធូរស្រាលអំឡុងវិបត្តិកូវីដ-១៩

The post សមាធិជាគន្លឹះដ៏​មាន​ប្រសិទ្ធភាព​បំផុត​សម្រាប់​​អ្នកជំងឺ​បាក់​ទឹក​ចិត្ត និង​ថប់​បារម្ភ appeared first on Kampuchea Thmey Daily.