​លោក វ៉ា ចាន់អ៊ូ ប្រធានស្ថានីយជញ្ជីង និង​លោក ស្រស់ ស៊ីថារិទ្ធ អនុប្រធានស្ថានីយជញ្ជីង ត្រូវ​បាន​រដ្ឋមន្រ្តីបញ្ចប់មុខតំណែង និងភារកិច្ចពីតួនាទី​​ប្រធាន និងអនុប្រធានស្ថានីយជញ្ជឹងអចល័តថ្នល់កែង ខេត្តកំពង់ចាម ឲ្យ​ទៅបម្រើការងារនៅ​អង្គភាពដើមវិញ។

ដើម្បី​​អនុវត្ត​ការងារ​បន្ត​ លោក​រដ្ឋមន្រ្តី​បាន​​ប្រគល់ភារកិច្ចជូនលោក សៅ រ័ត្ន ដែល​ជាមន្ត្រីនៅនាយកដ្ឋានផ្លូវថ្នល់ បច្ចុប្បន្នជាអនុប្រធានស្ថានីយជញ្ជាំងត្រពាំងក្រហម ខេត្តរតនគិរី ទៅជាអនុប្រធាននិង​ជាប្រធានស្តីទីនៅស្ថានីយជញ្ជឹងអចល័តថ្នល់កែង ខេត្តកំពង់ចាម។

ក្នុង​គោលដៅ​បង្កើន​ប្រសិទ្ធភាពលើការគ្រប់គ្រង​ការងារ​នៅស្ថានីយ​ជញ្ជីងអចល័ត​ទូទាំងប្រទេស រដ្ឋមន្រ្តី​ក្រសួង​សាធារណការ​ និងដឹកជញ្ជូន​ លោក ប៉ែង ពោធិ៍នា បាន​​ដាក់បញ្ជាឲ្យ​គ្រប់ស្ថានីយថ្លឹង​រថយន្ត​ទូទាំងប្រទេស ត្រូវ​ភ្ជាប់ប្រព័ន្ធ​កាមេរ៉ា​​សុវត្ថិភាព CCTV មក​ការិយាល័យកណ្តាល ដើម្បី​ងាយស្រួល​តាមដានប្រសិទ្ធភាព​នៃ​ការ​អនុវត្តការ​ត្រួតពិនិត្យ​យានយន្ត​​ដឹកលើសទម្ងន់ និង​ដើម្បីធានា​ការ​ដឹកជញ្ជូន​ស្រប​តាមបច្ចេកទេសឈាន​គ្រប់គ្រង​ការការដឹកលើសទម្ងន់​ ដែលនាំ​ខូចខាតហេដ្ឋារចនាសម្ព័ន្ធ​ផ្លូវថ្នល់។

ថ្លែង​នៅក្នុងពេល​​ឆ្មក់​ចុះ​ពិនិត្យផ្ទាល់សកម្មភាពត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់នៅស្ថានីយថ្លឹង​រថយន្ត​ព្រៃព្នៅ ស្ថិត​នៅទីតាំងចំណុចផ្លូវលេខ ៣៨៤ ភូមិភ្លយ សង្កាត់តាកោ ក្រុងព្រៃវែង ខេត្តព្រៃវែង​កន្លងទៅថ្មីៗនេះ លោក​ ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និង​ជា​ប្រធាន​គណៈកម្មាធិការដឹកនាំការងារត្រួតពិនិត្យ​យានយន្ត​ដឹកលើសទម្ងន់កម្រិតកំណត់ បាន​ប្រកាស​ដាក់ចេញនូវវិធានការតឹងរ៉ឹងជាបន្ទាន់ បន្ទាប់ពីបានរកឃើញជាក់ស្តែងនូវរថយន្តដឹកទំនិញលើសទម្ងន់កម្រិតកំណត់រហូតដល់ទៅ ៨៣ តោន។

លោករដ្ឋមន្រ្តី​​បាន​ដាក់​បញ្ជា​ឲ្យ​រៀបចំដំឡើងប្រព័ន្ធកាមេរ៉ាសុវត្ថិភាព CCTV នៅគ្រប់ស្ថានីយជញ្ជីងអចល័តទាំងអស់ទាំង ៤៣ ទូទាំងប្រទេស ដែល​ប្រព័ន្ធនេះនឹងត្រូវតភ្ជាប់មកប្រព័ន្ធកណ្តាលរបស់ក្រសួងសាធារណការ និងដឹកជញ្ជូន ព្រមទាំងតភ្ជាប់ដោយផ្ទាល់មកកាន់ទូរសព្ទដៃរបស់ថ្នាក់ដឹកនាំ ដើម្បីងាយស្រួលក្នុងការត្រួតពិនិត្យបន្ថែម។

ក្នុងការ​ឆ្មក់ចុះត្រួតពិនិត្យ លោកបានព្រមានពីការ​អនុវត្ត​អភិក្រមវះកាត់លើមន្ត្រីពាក់ព័ន្ធ ប្រសិនបើរកឃើញមានមន្ត្រីណាម្នាក់ជាប់ពាក់ព័ន្ធ ឬចូលរួម​សកម្មភាពអនុញ្ញាតឱ្យមានការដឹកជញ្ជូនលើសទម្ងន់ ដោយយកអភិក្រមវះកាត់មកអនុវត្តតែម្តងដោយគ្មានការលើកលែងឡើយ។

លោករដ្ឋមន្រ្តី​បន្តថា គណៈកម្មាធិការដឹកនាំការងារត្រួតពិនិត្យយានយន្តដឹកលើសទម្ងន់កម្រិតកំណត់ ក៏​នឹង​បង្កើតក្រុមការងារពិសេសមួយដើម្បីចុះទប់ស្កាត់ និងបង្ក្រាបយ៉ាងម៉ឺងម៉ាត់បំផុតចំពោះយានយន្តដឹកលើសទម្ងន់ទាំង​ឡាយណាដែលព្យាយាមបើកគេច ឬបើកវាងមិនព្រមចូលថ្លឹងនៅស្ថានីយ។

ជាមួយ​គ្នានេះ លោក​ណែនាំ​ឲ្យ​ដំឡើងផ្លាកសញ្ញានិងដាក់ពង្រាយមន្ត្រីចល័ត ដើម្បីផ្តល់ដំណឹងដល់អ្នកដឹកជញ្ជូនទាំងអស់​​ឱ្យបានដឹងថានៅខាងមុខស្ថានីយគឺមានវត្តមានមន្ត្រីចល័ត ដែលរង់ចាំទប់ស្កាត់រាល់សកម្មភាពបើកគេចមិនចូលស្ថានីយ​ថ្លឹង​ឲ្យបានត្រឹមត្រូវ៕

The post បញ្ចប់​តំណែង​ប្រធាន និងអនុប្រធាន​​ស្ថានីយជញ្ជីង​អចល័តថ្នល់កែង​ ជំនួស​មន្រ្តីមកពីខេត្តរតនគិរី appeared first on Kampuchea Thmey Daily.

គម្រោង​ហេដ្ឋារចនាសម្ព័ន្ធ​ទាំង​នោះ​រួមមាន៖

-គម្រោង​សាងសង់​ស្ពាន​មិត្តភាព​កម្ពុជា-កូរ៉េ (ផ្សារ​រាត្រី-អរិយក្សត្រ) ប្រើប្រាស់​ថវិកា​ពី​រដ្ឋាភិបាល​​កូរ៉េ
-គម្រោង​ស្តារឡើងវិញកំណាត់ផ្លូវជាតិ​លេខ ៧ ផ្នែក​ខាងជើង ប្រើប្រាស់​ថវិកា​ពី​រដ្ឋាភិបាល​ចិន
-គម្រោង​សាងសង់​ផ្លូវជាតិ​លេខ ៥០សេ ប្រើប្រាស់​ប្រើប្រាស់​ថវិកា​ពី​រដ្ឋាភិបាល​ចិន
-គម្រោង​ស្តារនិង​លើកកម្រិត​គុណភាព​កំណាត់​ផ្លូវជាតិ​លេខ ៦ (ត្រពាំងធំដល់ស្លក្រាម ខេត្ត​សៀមរាប​ ​ប្រើប្រាស់​ថវិកា​ពី​រដ្ឋាភិបាល​ចិន
-គម្រោង​សាងសង់​ផ្លូវវាង​ក្រុងសៀមរាប​ប្រវែង ៤៥,៧៧ គ.ម ប្រើប្រាស់​ថវិកា​ពី​រដ្ឋាភិបាល​កូរ៉េ

ក្រៅពី​គម្រោង​ផ្លូវ​ស្ពាន​ធំៗ ដែល​ដាក់ក្នុងផែនការ​ជំរុញ​បើក​ការដ្ឋាន​សាងសង់​បន្ត​បន្ទាប់ មានគម្រោង​ហេដ្ឋារចនាសម្ព័ន្ធ​ផ្លូវថ្នល់ចំនួន ៧ ដែល​​ទើប​តែ​បាន​បញ្ចប់​ការ​សាងសង់​នៅ​​ក្នុង​ឆ្នាំ ២០២៥។ ​ក្នុង​នោះ​​រួមមាន៖

១)ផ្លូវជាតិលេខ ១០ (វាលវែង-សំឡូត-ខេត្តកោះកុង) ប្រវែង ១៩៧,៣៦គ.ម
២)ផ្លូវជាតិ​លេខ​ ២៣ (ស្ពានកោះធំ-ស្រុកលើកដែក ខេត្តកណ្តាល) ប្រវែង ១៩,៨៣គ.ម
៣)​ផ្លូវជាតិ​លេខ ៤៨ (ស្រែអំបិល-ទីរួម ខេត្តកោះកុង) ប្រវែង ១៤៨គ.ម
៤)ផ្លូវជាតិលេខ ៧៣ (ផ្លូវបំបែក​ប្រធាតុ-ស្ពាន​កំពង់រាំង ខេត្តត្បូងឃ្មុំ) ប្រវែង ៤៩,៨១គ.ម
៥)ផ្លូវខេត្តលេខ ៣១២ (បំបែកពីផ្លូវជាតិលេខ១ ដល់​ព្រំប្រទល់កម្ពុជា-វៀតណាម ស្ថិត​ក្នុង​ស្រុក​ព្រះស្តេច ខេត្តព្រៃវែង) ប្រវែង ២៨,៣៧គ.ម
៦)ផ្លូវ​ខេត្តលេខ ៣៧៧ និង​៣៧៧A (រង្វង់មូលព្រាប ស ក្រុងក្រចេះ-ឃុំសណ្តាន់ ខេត្តក្រចេះ) ប្រវែង​សរុប ៤៨,៥៩គ.ម។

បន្ថែមពីនេះ ក៏មាន​ការដ្ឋាន​​ផ្លូវ​និង​ស្ពាន​ចំនួន ៧ គម្រោង ​កំពុង​ដំណើរការ​សាងសង់​គ្រោង​បញ្ចប់​ក្នុង​ពេល​ឆាប់ៗ​ខាង​មុខ​នេះ។ គម្រោង​ហេដ្ឋារចនាសម្ព័ន្ធ​​ទាំង​នោះ​​រួម​មាន៖

-ផ្លូវជាតិ​លេខ ៤ (ភ្នំពេញ-ក្រុងព្រះសីហនុ)
-កំណាត់​ផ្លូវជាតិ​លេខ ៥ ភាគ​កណ្តាល (សិរីសោភ័ណ-ប៉ោយប៉ែត)
-កំណាត់​ផ្លូវជាតិ​លេខ ៧ (ស្គន់-កំពង់ចាម)
-ផ្លូវ​ល្បឿន​លឿន​ភ្នំពេញ-បាវិត
-ស្ពាន​ឆ្លងកាត់​ទន្លេ​បាសាក់ (ចាក់អង្រែក្រោម-ព្រែកប្រា)
-ស្ពាន​ឆ្លងកាត់​ទន្លេ​មេគង្គ “ដីឥដ្ឋ-ថ្មគរ”
-ស្ពាន​ឆ្លងកាត់​ទន្លេ​មេគង្គ នៅ​ខេត្តក្រចេះ

The post គម្រោង​ផ្លូវ​និង​ស្ពាន​ធំៗ​ចំនួន ៥ ជា​អាទិភាព​ ​ជំរុញ​បើក​ការដ្ឋាន​សាងសង់​ឆាប់ៗ​នេះ appeared first on Kampuchea Thmey Daily.

បន្ថែមពីនេះ ថ្លែង​នៅ​ក្នុងកិច្ចប្រជុំបូកសរុបលទ្ធផលការងារប្រចាំខែមេសា និង​លើកទិសដៅអនុវត្តការងារបន្ត របស់រដ្ឋបាលខេត្ត លោក វ៉ា ថន អភិបាលខេត្តក្រចេះ ក៏​បានណែនាំដល់អាជ្ញាធរក្រុង/ស្រុក ត្រូវបន្តពង្រឹងការទទួលខុសត្រូវ​លើ​បទល្មើស ដែលកើតមានក្នុងដែនសមត្ថកិច្ចរបស់ខ្លួន និងត្រូវស្វែងយល់បន្ថែមលើការងារនីតិវិធីដោះស្រាយ ដើម្បីជាមូលដ្ឋានគ្រឹៈ។

ជាមួយ​គ្នានេះ មន្ទីរពាក់ព័ន្ធត្រូវបន្តសហការគ្នាចុះត្រួតពិនិត្យតាមដានតាមបណ្តាស្ថានីយ និងដេប៉ូលក់ប្រេងឥន្ធនៈដើម្បីស្វែងរកស្ថានីយ និងដេប៉ូដែលមិនមានអនុលោមភាពផ្នែកបរិមាណ តម្លៃ និងគុណភាព។

សម្រាប់ការងារសន្តិសុខសណ្តាប់ធ្នាប់សាធារណៈ លោកអភិបាលខេត្ត​បាន​ក្រើនរំលឹក​ដល់​អាជ្ញាធរក្រុង/ស្រុក ត្រូវបន្តចុះពិនិត្យរៀបចំកែសម្រួលនូវរាល់ការរំលោភយកដីចំណីផ្លូវសាធារណៈ ធ្វើអាជីវកម្មដើម្បីបញ្ជៀសគ្រោះថ្នាក់ ការកកស្ទះ និងផ្តល់ភាពងាយស្រួលដល់ការជួយសង្គ្រោះនានា។

ទន្ទឹមនឹងនោះ រដ្ឋបាលស្រុកនីមួយៗត្រូវណែនាំដល់មេឃុំចៅសង្កាត់ ត្រូវបន្តពង្រឹងការដឹកនាំរដ្ឋឃុំសង្កាត់ខ្លួន លើការអនុវត្ត​គោលនយោបាយ ភូមិ-ឃុំ សង្កាត់មានសុវត្ថិភាពរបស់ខ្លួនក្នុងស្មារតីទទួលខុសត្រូវ ដោយផ្តោតការយកចិត្តទុក​ដាក់ទៅលើបញ្ហាគ្រឿងញៀន ក្មេងទំនើង ចរាចរណ៍ ល្បែងស៊ីសងខុសច្បាប់គ្រប់ប្រភេទ និងបទល្មើសឆបោកតាមប្រព័ន្ធបច្ចេកវិទ្យាជាដើម៕

អត្ថបទ៖ ប្រុញ វិធិន

The post អភិបាលខេត្តក្រចេះ ណែនាំ​មន្ទីរសាធារណការខេត្ត​ឲ្យ​​តាមដានត្រួតពិនិត្យ​រថយន្ដ​ដឹក​លើស​ទម្ងន់​​បើកគេចជញ្ជីងថ្លឹង​ appeared first on Kampuchea Thmey Daily.

គម្រោង​ហេដ្ឋារចនាសម្ព័ន្ធ​ដែលកំពុង​ដំណើរការសាងសង់​ ហើយ​គ្រោង​បញ្ចប់​បន្តបន្ទាប់​ទាំង​នោះ​​រួមមាន៖

-ផ្លូវជាតិលេខ ៤ (ភ្នំពេញ-ក្រុងព្រះសីហនុ)

ផ្លូវ​ជាតិ​លេខ​ ៤​ ជា​​ខ្សែផ្លូវជាតិ​​ដ៏​​មាន​សារៈសំខាន់​បំផុត​​ ព្រោះ​ផ្លូវ​មួយ​ខ្សែ​នេះ​ជា​បណ្តាញ​ត​ភ្ជាប់ពី​​រាជធានី​ភ្នំពេញ​ដែល​ជា​តំបន់​អភិវឌ្ឍ​ ជា​មជ្ឈមណ្ឌល​សេដ្ឋកិច្ច​ហិរញ្ញវត្ថុនិង​ឧស្សាហកម្ម​ទៅ​ខេត្ត​​ព្រះសីហនុ ដែល​ជា​ទី​ក្រុង​កំពង់ផែ​សមុទ្រ​ទឹក​ជ្រៅ​តែ​មួយ​គត់​របស់​ប្រទេស​កម្ពុជា​។

ដោយ​ប្រើប្រាស់​ហិរញ្ញប្បទានពីធនាគារពិភពលោក ផ្លូវ​ជាតិលេខ ៤ ដែលកំពុង​ដំណើរការ​ស្ថាបនា​កែលម្អ រហូត​មក​ដល់ពេលនេះ​​សម្រេច​បានប្រមាណ ៩០%។ ការ​​ស្ថាបនា​ត្រូវ​បាន​​​ពង្រី​កពី ២ គន្លង ទៅ​ ៤ គន្លង មាន​ប្រវែង​ ៤៥ គីឡូម៉ែត្រ​ និងពង្រីក​ពី​ទទឹង ៧ ម៉ែត្រ ទៅ​ទទឹង ១០​ ម៉ែត្រ មាន​​​​ប្រវែង ១៥១ គីឡូម៉ែត្រ​។

ផ្លូវ​ជាតិ​លេខ ​៤ មុន​ពេល​ក្រសួងសាធារណការនិងដឹកជញ្ជូន​​ យក​ដាក់ក្នុងផែនការការស្ថាបនាកែលម្អឡើងវិញ​ គឺ​មាន​សភាព​ខូចខាត​​ដែល​ធ្វើ​​ឱ្យ​ការ​ដឹក​ជញ្ជូន​ទៅ​មក​មាន​ការ​លំបាក​ខ្លាំង។ កន្លង​មក​ផ្លូវ​មួយ​ខ្សែ​នេះ​លិច​ទឹក​ ១ ​ឆ្នាំ​ ៥ ទៅ ៦ ​ដង​ នៅ​ពេល​ដែល​​មាន​ភ្លៀង​ធ្លាក់​ខ្លាំង ធ្វើ​ឱ្យ​មាន​ការ​លំបាក​ដល់​ប្រជាពលរដ្ឋ​នៅ​ក្នុង​ការ​រស់​នៅ​មិន​អាច​ទៅ​សាលា ទៅ​ផ្សារ ឬ​ទៅ​មន្ទីរ​ពេទ្យ ហើយ​​ឡាន​ដឹក​ទំនិញ​ត្រូវ​រង់​​ចាំ​រហូត​ដល់​ទឹក​ស្រក ពេល​ខ្លះ​ដឹក​ទំនិញ​ទៅ​ដល់​​កប៉ាល់​មិន​ទាន់​ជា​ដើម​។

-កំណាត់ផ្លូវជាតិលេខ ៥ ភាគកណ្តាល (សិរីសោភ័ណ-ប៉ោយប៉ែត)

គិតត្រឹមសប្តាហ៍ទី១ ខែមេសា ឆ្នាំ២០២៦ កំណាត់ចុងក្រោយនៃគម្រោងស្តារនិងលើកកម្រិតគុណភាពផ្លូវជាតិ​លេខ​ ៥ (សិរីសោភ័ណ-ប៉ោយប៉ែត) ខេត្តបន្ទាយមានជ័យ ស្ថាបនា​សម្រចបានលទ្ធផលជារួមបានប្រមាណ ៥១,០៧%។

តាមផែនការ គម្រោងស្តារនិងលើកកម្រិតគុណភាពផ្លូវជាតិលេខ ៥ (សិរីសោភ័ណ-ប៉ោយប៉ែត) ដែលមាន​ប្រវែង ៣៥,១៤ គីឡូម៉ែត្រ គ្រោងបញ្ចប់នៅអំឡុងឆ្នាំ២០២៧។

-កំណាត់ផ្លូវជាតិលេខ ៧ (ស្គន់-កំពង់ចាម)

គម្រោងពង្រីក​ និង​លើកកម្រិតផ្លូវជាតិលេខ ៧ ​ចាប់ពីទីប្រជុំជនស្គន់រហូតដល់​​ក្រុង​កំពង់​ចាម ​ស្ទើរ​តែឈាន​បញ្ចប់ ១០០% ខណៈ​គម្រោងនឹងបញ្ចប់​នៅអំឡុង​ឆ្នាំ​២០២៦ ​នេះ។​

ផ្លូវជាតិលេខ ៧ ​បាន​បើកការដ្ឋាន​សាង​សង់កាល​ពី​ថ្ងៃទី ០៩ ខែមករា ឆ្នាំ ២០២៣ ក្រោមកម្ចីសម្បទានជាង ១០០ លាន​ដុល្លារ​ពី​​រដ្ឋាភិបាល​ចិន។ ​កំណាត់ផ្លូវជាតិលេខ ៧ ត្រូវ​បាន​សាងសង់​​ពង្រីកពី ២ គន្លងទៅ ៤ គន្លង ​មានប្រវែង ៤៥ គីឡូម៉ែត្រ។ តាមរយៈ​កំណាត់ផ្លូវនេះ​ជួយ​សម្រួល​ដល់​ការធ្វើដំណើរ, ​ការ​ដឹកជញ្ជូនផលិតផលកសិកម្ម, កសិឧស្សាហកម្ម ព្រមទាំងលើក​កម្ពស់​ការអភិវឌ្ឍ និងសកម្មភាពសេដ្ឋកិច្ច-សង្គមជាតិ។​

–ផ្លូវ​ល្បឿនលឿន​ភ្នំពេញ-បាវិត

កាលពីអំឡុង​ខែធ្នូ ឆ្នាំ២០២៥​ លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បាន​ដឹកនាំកិច្ចប្រជុំ​​ពិភាក្សាពី “វឌ្ឍនភាព និងបញ្ហាប្រឈមនៃការអនុវត្តគម្រោងសាងសង់​ផ្លូវល្បឿន​លឿន​ភ្នំពេញ-ក្រុងបាវិត”។

កិច្ចប្រជុំ​នេះ​ក៏​មានការចូលរួមពីលោក ស៊ុន ចាន់ថុល ឧបនាយករដ្ឋមន្រ្តី អនុប្រធានទីមួយក្រុមប្រឹក្សាអភិវឌ្ឍន៍កម្ពុជា និង​លោក ប៉េង ពោធិ៍នា រដ្ឋមន្រ្តីក្រសួង​សាធារណការ និងដឹកជញ្ជូន។

ផ្លូវល្បឿនលឿនភ្នំពេញ-បាវិត បាន​បើកការដ្ឋានសាងសង់​កាលពី​ខែមិថុនា ឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន អតីត​នាយករដ្ឋមន្ត្រីនៃកម្ពុជា ដែលចំណាយថវិកាសាងសង់​សរុបប្រមាណ ១,៣៥ ពាន់​លាន​ដុល្លារ ក្រោម​ទម្រង់​វិនិយោគ​សាងសង់-ប្រតិបត្តិការ-ផ្ទេរ (BOT) ដែលមានរយៈពេលប្រតិបត្តិការចំនួន ៥០ ឆ្នាំ។

ពាក់ព័ន្ធ​វឌ្ឍនភាព​នៃ​ការអនុវត្តគម្រោងផ្លូវល្បឿន​លឿន​ភ្នំពេញ-ក្រុងបាវិត ​មន្រ្តីអ្នកនាំពាក្យក្រសួងសាធារណការ និងដឹកជញ្ជូនមិន​បានបញ្ជាក់​មក​ដល់ពេលនេះសម្រេច​បាន​វឌ្ឍនភាព​យ៉ាងណា ខណៈ​បើ​តាមផែនការ​គ្រោង​បញ្ជប់នៅឆ្នាំ ២០២៧​​។

-ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា)

គិតត្រឹមថ្ងៃទី ២០ ខែមេសា ឆ្នាំ២០២៦ ដំណើរការ​ស្ថាបនា​ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) ​​​​សម្រេចបានប្រមាណ ៦៨% ដែលផ្អែកតាមលទ្ធផលនេះ​ការសាងសង់គឺ​​លឿនជាងផែនការ ៦%។

ស្ពានឆ្លង​ទន្លេ​​ (ចាក់អង្រែក្រោម-ព្រែកប្រា) ដែលកំពុងដំណើរការ​សាងសង់​​មានប្រវែងសរុប ១ ៦៥០ ម៉ែត្រ (ប្រវែងស្ពាន ៨៤៥,៧០ ម៉ែត្រ, ទទឹងផ្លូវ​ ២៧ ម៉ែត្រ ផ្លូវតភ្ជាប់ក្បាលស្ពានប្រវែង ៨០៤,៣០ ម៉ែត្រ ទទឹងធម្មតាផ្លូវ ២០ម៉ែត្រ)។

ស្ពានឆ្លងទន្លេបាសាក់ (ចាក់អង្រែក្រោម-ព្រែកប្រា) បាន​បើកការដ្ឋានកាលពី​ខែកុម្ភៈ ឆ្នាំ២០២៤ ក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា។

នៅពេលស្ថាបនា​បញ្ចប់​ដាក់​ឲ្យដំណើរការ នឹងជួយកាត់បន្ថយការកកស្ទះចរាចរណ៍លើស្ពានព្រះមុនីវង្ស ក៏ដូចជា​​ជួយពង្រឹងដល់ទំនាក់ទំនងសេដ្ឋកិច្ចសង្គមរវាងរាជធានីភ្នំពេញប៉ែកខាង​ត្បូង ព្រលាន​​យន្តហោះអន្តរជាតិតេជោក្រុងតាខ្មៅ កាត់បន្ថយការកកស្ទះចរាចរណ៍នៅតាមដងទន្លេបាសាក់ និង​ជួយ​ពន្លឿនការអភិវឌ្ឍតំបន់នោះ ជាពិសេសធ្វើឱ្យប្រសើរឡើងដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ។

-ស្ពានឆ្លងកាត់ទន្លេមេគង្គ នៅខេត្តក្រចេះ

ដូចការគ្រោងទុក “ស្ពានមិត្តភាពកម្ពុជា-ចិន មេគង្គក្រចេះ” បានបើកឲ្យប្រជាពលរដ្ឋឆ្លងកាត់ជាអចិន្ត្រៃយ៍នៅថ្ងៃទី១ ខែមេសា ឆ្នាំ២០២៦។

ស្ពានមិត្តភាពកម្ពុជា-ចិន មេគង្គក្រចេះ បានបើកការដ្ឋានសាងសង់កាលពីថ្ងៃទី ០២ ខែមករា ឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន អតីតនាយករដ្ឋមន្ត្រី និងលោក វ៉ាង វិនធៀន អតីតឯកអគ្គរដ្ឋទូតចិនប្រចាំកម្ពុជា។

ស្ពានមិត្តភាពកម្ពុជា-ចិន មេគង្គក្រចេះ ជាស្ពានយុទ្ធសាស្ត្រភ្ជាប់ពីស្រុកចិត្របុរីនៅត្រើយខាងកើត ទៅ​ស្រុកព្រែកប្រសព្វ នៅត្រើយខាងលិច។

​“ស្ពានមិត្តភាពកម្ពុជា-ចិន មេគង្គក្រចេះ” ជាគម្រោងហេដ្ឋារចនាមសម្ព័ន្ធ​យុទ្ធសាស្រ្តមួយដ៏សំខាន់ ដែល​នឹងចូលរួមបង្កើន​ប្រសិទ្ធភាពនៃវិស័យដឹកជញ្ជូន ពិសេសការដឹកជញ្ជូនទិន្នផលកសិ-ឧស្សាហកម្ម ភ្ជាប់ទីប្រជុំជន​ខេត្តក្រចេះទៅខេត្តកំពង់ធំ រួមទាំងការតភ្ជាប់វិស័យទេសចរណ៍ទៅកាន់ខេត្ត​ភូមិភាគឦសាន​ដែលមាន​ខេត្តស្ទឹងត្រែង រតនគិរី និង​មណ្ឌលគិរី​ជាមួយបណ្តាញ​ផ្លូវជាតិសំខាន់ៗផ្សេងទៀត។

-ស្ពានឆ្លងកាត់ទន្លេមេគង្គ “ដីឥដ្ឋ-ថ្មគរ”

ស្ពានដីឥដ្ឋ-ថ្មគរ ដែលបើកការដ្ឋានសាងសង់ស្របជាមួយគម្រោងផ្លូវល្បឿនលឿនភ្នំពេញ-បាវិត គិតត្រឹមថ្ងៃទី ២២ ខែមេសា ឆ្នាំ២០២៦ សាងសង់​សម្រេចវឌ្ឍនភាពការងារ​បានប្រមាណ ៤៧,៦ % លឿនជាងផែនការ ២,៦០%។

ស្ពានដីឥដ្ឋ-ថ្ម​គរ បាន​បើកការដ្ឋាន​សាងសង់​កាលពី​ថ្ងៃទី ៧ ខែមិថុនា ឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ធសភា និងលោក វ៉ាង វិនធៀន អតីតឯកអគ្គរដ្ឋទូតចិនប្រចាំកម្ពុជា។

គិតត្រឹមថ្ងៃទី២២ ខែមេសា ឆ្នាំ២០២៦ ការដ្ឋាន​សាងសង់ស្ពានដីឥដ្ឋ-ថ្ម​គរ សម្រេចបានវឌ្ឍនភាពការងារ ៤៧,៦ % ខណៈ​តាមផែនការ​គ្រោង​បញ្ចប់នៅ​ឆ្នាំ ២០២៧ ទន្ទឹម​ការដ្ឋាន​សាងសង់​ផ្លូវល្បឿនលឿន​ភ្នំំពេញ​បាវិត។

ស្ពាន​នេះជាគម្រោងដ៏សំខាន់សម្រាប់ការតភ្ជាប់សេដ្ឋកិច្ច ការដឹកជញ្ជូន ពីភាគខាងត្បូងនិងខាងកើត រាជធានីភ្នំពេញ ដោយ​ភា្ជប់មហាវិថី ស៊ី ជីនពីង (ក្រវាត់ក្រុងទី៣) ត្រង់ចំណុចផ្លូវជាតិលេខ ១ និងត្រើយខាងកើតភ្ជាប់ទៅផ្លូវល្បឿន​លឿន​ភ្នំពេញ-បាវិត៕

The post ផ្លូវ​ និង​ស្ពានចំនួន ៧ ​គម្រោង​ធំៗ​ចាយទុន​ខ្ទង់​ពាន់លាន​ដុល្លារកំពុង​ដំណើរការ​សាងសង់​ គ្រោង​បញ្ចប់​ឆាប់ៗ​នេះ appeared first on Kampuchea Thmey Daily.

កំណាត់ផ្លូវជាតិលេខ ២៣ មានចំណុច​ចាប់ផ្តើមចេញ​ពីគីឡូម៉ែត្រលេខ ៣៤+៤០០ (ពី​គល់​ស្ពានកោះធំ) ស្ថិតក្នុងឃុំ ជ្រោយតាកែវ ឆ្លងកាត់ឃុំលើកដែក ស្រុកកោះធំ រហូតដល់ឃុំពាមរាំង ស្រុកលើកដែក (តភ្ជាប់ជាមួយផ្លូវជាតិ​លេខ​១៤) ត្រង់គីឡូម៉ែត្រលេខ ៥៤+២៣៣ នៃភូមិសាស្រ្តខេត្តកណ្តាល។

ផ្លូវ​ដែ​ល​សម្ពោធ​ដាក់​ឲ្យ​ប្រើប្រាស់​នេះ​មានទទឹងតួផ្លូវប្រវែង ១១ ម៉ែត្រ ជាប្រភេទផ្លូវក្រាលកៅស៊ូ AC កម្រាស់ ៨ សង់​ទី​ម៉ែត្រ មានគន្លងផ្លូវសម្រាប់រថយន្តនិងទោចក្រយានធ្វើចរាចរណ៍ (២ គន្លង ទៅ-មក)។

ការ​ស្ថាបនា​ផ្លូវ​នេះ​រួមបញ្ចូលការស្ថាបនាស្ពានចំនួន ៣ កន្លែង ប្រវែងសរុប ១១៦,៤០ ម៉ែត្រ ការដាក់លូគ្រប់ប្រភេទកាត់ទទឹងផ្លូវចំនួន ៤៨ កន្លែង និងលូតាមប្រឡាយផ្លូវចំនួន ៨ កន្លែងប្រវែងសរុប ២ ៣៤២ ម៉ែត្រ បំពាក់អំពូលសូឡា LED ចំនួន ៨០ កន្លែង ព្រមទាំងការបំពាក់ផ្លាកសញ្ញា គូសគំនូសសញ្ញា ដាំបង្គោលគីឡូម៉ែត្រ និងបង្គោលសុវត្ថិភាពទៅតាមបទដ្ឋានបច្ចេកទេសផ្លូវថ្នល់។ លើសពីនេះ គម្រោងក៏មានការស្ថាបនារង្វង់មូល ១ កន្លែង នៅត្រង់ចំណុចផ្លូវប្រសព្វទិស ចុះពីស្ពានកោះធំ ដើម្បីសម្រួលនិងបញ្ចៀសទិសដៅចរាចរណ៍ទៅមកប្រកបដោយសុវត្ថិភាព។

គួរបញ្ជាក់ថា កំណាត់ផ្លូវជាតិលេខ ២៣ បានបើកការដ្ឋានសាងសង់កាលពីថ្ងៃទី២០ ខែមិថុនា ឆ្នាំ២០២៣ ក្រោមអធិបតីភាព​លោក​ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ៕

The post ផ្លូវកាត់​ថ្មី​ប្រវែង ១៩,៨៣ គីឡូម៉ែត្រ ពីគល់ស្ពានកោះធំបន្ត​ដល់ស្ពានអ្នក​លឿងសម្ពោធ​ដាក់​ឲ្យដំណើរការ​ជា​ផ្លូវការ appeared first on Kampuchea Thmey Daily.

គម្រោងប្រវត្តិសាស្ត្រនេះនឹង​នាំ​ផលប្រយោជន៍យ៉ាង​ច្រើន​ កាត់បន្ថយថ្លៃដើមដឹកជញ្ជូន និង​ជំរុញ​ដល់ការ​អភិវឌ្ឍ​​សេដ្ឋកិច្ចកម្ពុជា​បន្ថែមទៀត។

ព័ត៌មានសំខាន់ៗជុំវិញដំណើរការ​សាងសង់​ព្រែកជីកហ្វូណនតេជោ ដែលនឹងបើកការដ្ឋានសាងសង់នៅថ្ងៃ​ស្អែកនេះមាន​ដូចតទៅ៖

១. ទិដ្ឋភាពទូទៅនៃគម្រោង

គម្រោងគ្រប់គ្រងធនធានទឹកចម្រុះហ្វូណនតេជោ គឺជាគម្រោងប្រវត្តិសាស្ត្រលើកទីមួយក្នុងវិស័យដឹកជញ្ជូនតាមផ្លូវទឹករបស់​​ប្រទេស​កម្ពុជា ដែលតភ្ជាប់ប្រព័ន្ធទន្លេមេគង្គទៅកាន់ផ្លូវសមុទ្រ និងដើរតួជាច្រករបៀងដ៏សំខាន់ក្នុងការដឹកជញ្ជូនពី រាជធានីភ្នំពេញទៅកាន់តំបន់ឆ្នេរ ជំរុញ​ការអភិវឌ្ឍឧស្សាហកម្ម និងគាំទ្រដល់​ចក្ខុវិស័យយុទ្ធសាស្ត្ររបស់​កម្ពុជាក្នុងការ​ក្លាយជា​ប្រទេសមានចំណូល​ខ្ពស់នៅឆ្នាំ ២០៥០។

២. ការបែងចែកកំណាត់សាងសង់

គម្រោងព្រែកជីកហ្វូណនតេជោមានប្រវែងសរុប ១៧២,៦ គីឡូម៉ែត្រ និង​ដំណើរការ​សាងសង់​ចែកចេញជា ២ កំណាត់៖

កំណាត់ទី១៖ មាន​ប្រវែង ២១ គីឡូម៉ែត្រ ចាប់ពី​ព្រែកតាកែវ​នៃ​ទន្លេមេគង្គ ដល់​ព្រែកពោធិ៍​នៃ​ទន្លេ​បាសាក់ បាន​បោះ​បង្គោលនិយាមការ​​ចំនួន ១៥៥ បង្គោល។ ការវាស់វែងព្រំប្រទល់ដី និង​ដោះ​ស្រាយ​ផល​ប៉ះពាល់​សម្រាប់​កំណាត់​នេះ បាន​បញ្ចប់​រួចរាល់នៅថ្ងៃទី ៨ ខែមេសា ឆ្នាំ ២០២៥។ គម្រោងកំណាត់ទី១ នេះ ត្រូវបានប្រកាសជាផ្លូវការកាលពីថ្ងៃទី ៥ ខែសីហា ឆ្នាំ ២០២៤ ក្រោម​អធិបតីភាព​សម្ដេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

កំណាត់ទី២៖ មាន​ប្រវែង ១៥១,៦ គីឡូម៉ែត្រ និងបាន​បោះបង្គោលចំនួន ១៧៦៥ បង្គោល។ កំណាត់​នេះ​នឹង​ត្រូវ​សាង​សង់​​​​ដោយ​ក្រុមហ៊ុន China Road and Bridge Corporation ដោយ​មាន​ក្រសួង​សាធារណការ និងដឹកជញ្ជូនជាម្ចាស់គម្រោង។ ពិធីបើកការដ្ឋានសាងសង់កំណាត់ទី២ នឹង​ប្រព្រឹត្តទៅ​នៅ​ថ្ងៃសៅរ៍ ទី ១១ ខែ​មេសា ឆ្នាំ ២០២៦ ក្រោម​អធិបតីភាពសម្ដេច​មហាបវរ​ធិបតី ហ៊ុន ម៉ាណែត។

៣. លក្ខណៈបច្ចេកទេស និងហេដ្ឋារចនាសម្ព័ន្ធ

-ផ្លូវ​នាវាចរណ៍មាន​ជម្រៅប្រមាណ ៤,៧ ម៉ែត្រ (ធៀបនឹង​នីវ៉ូទឹកសមុទ្រជាមធ្យម) និង​មាន​ទទឹង​បាតក្រោម​​ប្រឡាយ ៦០ ម៉ែត្រ។
-សមត្ថភាព​ផ្ទុក អាចអនុញ្ញាតឲ្យនាវាចំណុះ ៣ ០០០ តោន ធ្វើនាវាចរណ៍បាននៅរដូវប្រាំង និង​ចំណុះ ៥ ០០០ តោន នៅរដូវវស្សា។
-ហេដ្ឋារចនាសម្ព័ន្ធអមគម្រោង មានសន្ទះផ្លូវ​នាវាចរណ៍ចំនួន ២ កន្លែង (ស្ថិតនៅខេត្តតាកែវ និង​ខេត្តកែប) ស្ពាន​ចំនួន ៦ កន្លែង ទីតាំង​បោះ​យុថ្កា​ចំនួន ៥ កន្លែង បំពង់​បន្ទេរ (ស៊ីហ្វុង) ចំនួន ២៩ កន្លែង និង​ទ្វារ​ទឹក​ចំនួន ៦៩ កន្លែង។
-ការធ្វើនាវាចរណ៍មិនចាំបាច់ចូលចត និងឆ្លងកាត់ដោយស្វ័យប្រវត្តិ ព្រម​ទាំង​មានការទូទាត់កម្រៃសេវាភ្លាមៗដោយប្រព័ន្ធស្វ័យប្រវត្តិកម្ម។

៤. កម្លាំងប្រតិបត្តិការ និងការដ្ឋាន

-គ្រឿងចក្រនិងឧបករណ៍បច្ចេកទេសចំនួន ៣ ២៤០ គ្រឿង ជាមួយ​​បុគ្គលិកនិងកម្មករសរុបចំនួន ៧ ៦៨៨ នាក់ នឹង​ពាក់ព័ន្ធ​សម្រាប់​ដំណើរការសាងសង់។
-នៅតាមបណ្ដោយផ្លូវគម្រោងទាំងមូល មាន​ការដ្ឋានសរុបចំនួន ១១ ត្រូវបានបង្កើតឡើង ហើយ​ដែល​ស្នាក់ការ​នីមួយៗ​អាចផ្ទុកបុគ្គលិកគ្រប់គ្រងបានចំនួន ២៥ នាក់ និងកម្មករចំនួន ៤០០ នាក់។

តើគម្រោងនេះផ្តល់អត្ថប្រយោជន៍សេដ្ឋកិច្ចអ្វីខ្លះដល់កម្ពុជា?

គម្រោងគ្រប់គ្រងធនធានទឹកចម្រុះហ្វូណនតេជោ នឹង​ផ្តល់អត្ថប្រយោជន៍សេដ្ឋកិច្ចសំខាន់ៗ​ជាច្រើន​ដល់​កម្ពុជា ដែល​នឹង​បង្កើតជាច្រករបៀងផ្លូវទឹកដ៏សំខាន់ ​ត​ភ្ជាប់​ការដឹកជញ្ជូនពីរាជធានីភ្នំពេញទៅកាន់តំបន់ឆ្នេរសមុទ្រកម្ពុជា ក៏ដូចជាតភ្ជាប់ផ្លូវទឹក​ក្នុងប្រទេស​ទៅនឹងផ្លូវសមុទ្រនៃបណ្តាប្រទេសក្នុងតំបន់ និងសកលលោក។

តាមរយៈការតភ្ជាប់ហេដ្ឋារចនាសម្ព័ន្ធនិងសកម្មភាព​សេដ្ឋកិច្ច​ នឹង​​ជួយជំរុញដល់ការធ្វើឧស្សាហកម្ម និង​ការរីកចម្រើន​នៃហេដ្ឋារចនាសម្ព័ន្ធ ព្រមទាំងជួយតភ្ជាប់បន្ថែមនូវតំបន់សេដ្ឋកិច្ចច្រក​របៀងត្រី​និងស្រូវ និង ច្រករបៀងឧស្សាហកម្មនិងរ៉ែនៃទន្លេមេគង្គលើ។

គម្រោងប្រវត្តិសាស្ត្រនេះ​ ក៏​នឹង​ដើរ​តួនាទីយ៉ាងសំខាន់​ក្នុងការគាំទ្រដល់​ចក្ខុវិស័យអភិវឌ្ឍន៍​ជាយុទ្ធសាស្ត្ររបស់កម្ពុជា ក្នុងការប្រែ​ក្លាយខ្លួនទៅជា​ប្រទេសដែល​មាន​ចំណូល​ខ្ពស់នៅក្នុងឆ្នាំ ២០៥០៕

The post ​​ព័ត៌មានសំខាន់ៗ​ជុំវិញ​ព្រែក​ជីក​ហ្វូណន​តេ​ជោ ​បើកការដ្ឋាន​សាងសង់ដំណាក់កាលទី ២ ស្អែកនេះ appeared first on Kampuchea Thmey Daily.

ថ្លែង​នៅក្នុងពេល​​ឆ្មក់​ចុះ​ពិនិត្យផ្ទាល់សកម្មភាពត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់នៅស្ថានីយថ្លឹង​រថយន្ត​ព្រៃព្នៅ ស្ថិត​នៅទីតាំងចំណុចផ្លូវលេខ ៣៨៤ ភូមិភ្លយ សង្កាត់តាកោ ក្រុងព្រៃវែង ខេត្តព្រៃវែង លោក​ ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និង​ជា​ប្រធាន​គណៈកម្មាធិការដឹកនាំការងារត្រួតពិនិត្យ​យានយន្ត​ដឹកលើសទម្ងន់កម្រិតកំណត់ បាន​ប្រកាស​ដាក់ចេញនូវវិធានការតឹងរ៉ឹងជាបន្ទាន់ បន្ទាប់ពីបានរកឃើញជាក់ស្តែងនូវរថយន្តដឹកទំនិញលើសទម្ងន់កម្រិតកំណត់រហូតដល់ទៅ ៨៣ តោន។

ដើម្បីធានាប្រសិទ្ធភាពក្នុងការតាមដាន គ្រប់គ្រង និងត្រួតពិនិត្យ លោករដ្ឋមន្រ្តី​​បាន​ដាក់​បញ្ជា​ឲ្យ​រៀបចំដំឡើងប្រព័ន្ធកាមេរ៉ាសុវត្ថិភាព CCTV នៅគ្រប់ស្ថានីយជញ្ជីងអចល័តទាំងអស់ទាំង ៤៣ ទូទាំងប្រទេស។ ប្រព័ន្ធនេះនឹងត្រូវតភ្ជាប់មកប្រព័ន្ធកណ្តាលរបស់ក្រសួងសាធារណការ និងដឹកជញ្ជូន ព្រមទាំងតភ្ជាប់ដោយផ្ទាល់មកកាន់ទូរសព្ទដៃរបស់ថ្នាក់ដឹកនាំ ដើម្បីងាយស្រួលក្នុងការត្រួតពិនិត្យបន្ថែម។

ក្នុងការ​ឆ្មក់ចុះត្រួតពិនិត្យ លោកបានព្រមានពីការ​អនុវត្ត​អភិក្រមវះកាត់លើមន្ត្រីពាក់ព័ន្ធ ប្រសិនបើរកឃើញមានមន្ត្រីណាម្នាក់ជាប់ពាក់ព័ន្ធ ឬចូលរួម​សកម្មភាពអនុញ្ញាតឱ្យមានការដឹកជញ្ជូនលើសទម្ងន់ ដោយយកអភិក្រមវះកាត់មកអនុវត្តតែម្តងដោយគ្មានការលើកលែងឡើយ។

លោកបន្តថា គណៈកម្មាធិការដឹកនាំការងារត្រួតពិនិត្យយានយន្តដឹកលើសទម្ងន់កម្រិតកំណត់ ក៏​នឹង​បង្កើតក្រុមការងារពិសេសមួយដើម្បីចុះទប់ស្កាត់ និងបង្ក្រាបយ៉ាងម៉ឺងម៉ាត់បំផុតចំពោះយានយន្តដឹកលើសទម្ងន់ទាំង​ឡាយណាដែលព្យាយាមបើកគេច ឬបើកវាងមិនព្រមចូលថ្លឹងនៅស្ថានីយ។

ជាមួយ​គ្នានេះ លោក​ណែនាំ​ឲ្យ​ដំឡើងផ្លាកសញ្ញានិងដាក់ពង្រាយមន្ត្រីចល័ត ដើម្បីផ្តល់ដំណឹងដល់អ្នកដឹកជញ្ជូនទាំងអស់​​ឱ្យបានដឹងថានៅខាងមុខស្ថានីយគឺមានវត្តមានមន្ត្រីចល័ត ដែលរង់ចាំទប់ស្កាត់រាល់សកម្មភាពបើកគេចមិនចូលស្ថានីយ​ថ្លឹង​ឲ្យបានត្រឹមត្រូវ៕

The post ​​ស្ថានីយជញ្ជីងថ្លឹង​រថយន្ត​ទូទាំង​ប្រទេស នឹង​​ភ្ជាប់​កាមេរ៉ាមកថ្នាក់ដឹកនាំ​ផ្ទាល់​ តាមដាន​មន្រ្តី​អនុវត្ត​​​​​ត្រួត​ពិនិត្យ​​​រថយន្ត​ដឹក​លើស​ទម្ងន់ appeared first on Kampuchea Thmey Daily.

ហេដ្ឋារចនាសម្ព័ន្ធផ្លូវថ្នល់ទាំង ៧ ខ្សែ​ ​សាងសង់​ដោយប្រើប្រាស់ថវិកាហិរញ្ញប្បទាន​ដៃគូ​អភិវឌ្ឍន៍​ក្នុង​នោះ​​រួមមាន ១)ផ្លូវជាតិលេខ១០ (វាលវែង-សំឡូត-ខេត្តកោះកុង) ប្រវែង១៩៧,៣៦គ.ម ២) ផ្លូវជាតិ​លេខ​២៣ (ស្ពានកោះធំ-ស្រុកលើកដែក ខេត្តកណ្តាល) ប្រវែង ១៩,៨៣គ.ម ៣)​ផ្លូវជាតិ​លេខ ៤៨ (ស្រែអំបិល-ទីរួម ខេត្តកោះកុង) ប្រវែង ១៤៨គ.ម ៤) ផ្លូវជាតិលេខ ៧៣ (ផ្លូវបំបែក​ប្រធាតុ-ស្ពាន​កំពង់រាំង ខេត្តត្បូងឃ្មុំ) ប្រវែង ៤៩,៨១គ.ម ៥) ផ្លូវខេត្តលេខ ៣១២ (បំបែកពីផ្លូវជាតិលេខ១ ដល់​ព្រំប្រទល់កម្ពុជា-វៀតណាម ស្ថិតក្នុងស្រុកព្រះស្តេច ខេត្តព្រៃវែង) ប្រវែង ២៨,៣៧គ.ម និង ៦)ផ្លូវ​ខេត្តលេខ ៣៧៧ និង​៣៧៧A (រង្វង់មូលព្រាប ស ក្រុងក្រចេះ-ឃុំសណ្តាន់ ខេត្តក្រចេះ) ប្រវែងសរុប ៤៨,៥៩គ.ម។

ប្រភពពី​​​មន្រ្តី​ក្រសួង​សាធារណការ​និង​ដឹកជញ្ជូនបាន​ឲ្យដឹង​ថា ផ្លូវ​ដែល​បញ្ចប់​ការ​សាងសង់​ទាំង ៧ ខ្សែ​ ក្រសួងគ្រោង​នឹងគោរពស្នើសុំសម្តេចធិបតីនាយករដ្ឋមន្ត្រី រៀបចំពិធីសម្ពោធ​បើកឱ្យ​ប្រើប្រាស់​ជា​ផ្លូវការ​នាពេលវេលា​សម​ស្រ​បខាងមុខ។

​បើតាម​របាយការណ៍​ពី​​ក្រសួង​សាធារណការ​និង​ដឹកជញ្ជូន​ គិត​ត្រឹម​ឆ្នាំ ២០២៥ ក្រសួង​បាន​កំពុង​ធ្វើការ​គ្រប់គ្រង​ផ្លូវជាតិ និង​ផ្លូវខេត្ត​សរុប​ចំនួន ៨៨៤ ខ្សែ មាន​ប្រវែងសរុប ២០ ៧៣៣,៩១​គ.ម (កើន ៣០​ខ្សែ ធៀបនឹងឆ្នាំ២០២៤) ដែល​ក្នុងនោះ​​ផ្លូវ​ក្រាលកៅស៊ូ និងបេតុងសរុប ១២ ៤៣៩,៤៨​​គ.ម ស្មើនឹង ៦០% នៃប្រវែងផ្លូវសរុបដែល​ក្នុងនោះមាន៖

-ផ្លូវជាតិកម្រិត ១ មាន​ចំនួន ៩ ខ្សែ ប្រវែងសរុប ២ ២៥៤ គ.ម បានក្រាលកៅស៊ូ និងបេតុង១០០%
-ផ្លូវ​ជាតិកម្រិត ២ មានចំនួន ៨០ ខ្សែ ប្រវែងសរុប ៥ ២៥៣,២១គ.ម បានក្រាលកៅស៊ូ និង បេតុងចំនួន ៤ ២២៨,៤៧គ.ម ស្មើនឹង ៨០,៤៩%
-ផ្លូវខេត្តមានចំនួន ៧៩៥ ខ្សែ ប្រវែងសរុប ១៣ ២២៦,៧១គ.ម បានក្រាលកៅស៊ូ និងបេតុង ចំនួន ៥ ៩៥៧,០២ គ.ម ស្មើនឹង ៤៥,០៤%
-ផ្លូវល្បឿនលឿនមានចំនួន ២ ខ្សែ មានប្រវែងសរុប ៣២២,១៥គ.ម ក្នុងនោះផ្លូវល្បឿន​លឿន​ភ្នំពេញ-ក្រុងព្រះសីហនុ បានបញ្ចប់ការសាងសង់មានប្រវែង ១៨៧,០៥គ.ម និងផ្លូវល្បឿន​លឿន​ភ្នំពេញ-ក្រុងបាវិត កំពុងដំណើរការសាងសង់មានប្រវែង ១៣៥,១០គ.ម។

ជាមួយគ្នានេះ ក្រសួងក៏បានកំពុងគ្រប់គ្រង និងថែទាំស្ពានតូចធំគ្រប់ប្រភេទចំនួន ២ ៦២១ ស្ពាន មាន​ប្រវែង​សរុប ៩៣,៣០គ.ម៕

The post ផ្លូវ​ជាតិ​​ធំៗ ៧ ខ្សែ​ប្រវែង​ជាង ៤៩១ គីឡូម៉ែត្រ​​​បញ្ចប់​ការ​សាងសង់​ទាំងស្រុង ​រង់ចាំ​សម្ពោធ​ជា​ផ្លូវការ appeared first on Kampuchea Thmey Daily.