សិស្សានុសិស្ស​ទាំងអស់ ពោរពេញ​ដោយ​ស្នាមញញឹម នៅ​ពេល​បាន​ទស្សនា​នូវ​វត្ថុ​បុរាណ​ដ៏​សម្បូរ​បែប ដែល​វត្ថុ​បុរាណ​ទាំងនោះ មាន​ប្រវត្តិសាស្ត្រ​ដ៏​យូរលង់​ណាស់​មក​ហើយ។ ទាំងនេះ គឺជា​ស្នាដៃ​ដ៏​អស្ចារ្យ​របស់​បុព្វបុរស​ខ្មែរ​បាន​បន្សល់ទុក​មក​រហូត​ដល់​បច្ចុប្បន្ន។

តាមរយៈ​ការ​ធ្វើ​ទស្សនកិច្ច​នេះ ក៏បាន​លើកទឹកចិត្ត​ដល់​កុមារ​កម្ពុជា ឲ្យ​ចូល​ទៅ​ទស្សនា ដើម្បី​សិក្សា និង​ស្វែងយល់​ពី​វត្ថុ​បុរាណ​ទាំងនេះ ក៏ដូចជា​ការ​លើក​កម្ពស់​ក្នុង​ការ​ចូលរួម​អភិរក្ស​នូវ​សម្បត្តិ​វប្បធម៌​របស់​ជាតិ​ផង​ដែរ។

តាម​ការ​គ្រោងទុក ថ្នាក់ដឹកនាំ​សាលា នឹង​បញ្ជូន​សិស្សានុសិស្ស​ចំនួន ១៥០ នាក់ ទៅ​សិក្សា​ស្វែងយល់​ចំនួន ៣ ថ្ងៃ គឺ ថ្ងៃ​ទី ២៣-២៤-២៥ ខែ​ធ្នូ ចុង​ឆ្នាំ ២០២៥ នេះ។

គួរ​ជម្រាប​ថា សារមន្ទីរ​ខេត្ត​កំពង់ឆ្នាំង គឺជា​កន្លែង​ទេសចរណ៍​ដែល​ចាំបាច់​មួយ​ក្នុង​ការ​ទស្សនា​សម្រាប់​អ្នក​ដែល​ចាប់​អារម្មណ៍​លើ​វប្បធម៌ និង​ប្រវត្តិសាស្ត្រ​ខ្មែរ។ សារមន្ទីរ​នេះ ជា​កន្លែង​ប្រមូលផ្ដុំ​វត្ថុ​បុរាណ និង​ស្នាដៃ​សិល្បៈ ដ៏​គួរ​ឲ្យ​ចាប់អារម្មណ៍​ពី​សម័យកាល​ផ្សេងៗ គ្នា នៃ​អតីតកាល​ដ៏​សម្បូរ​បែប​របស់​ជាតិ​ខ្មែរ៕

​​

The post សិស្សសាលាបឋមសិក្សាគំរូក្រុង ចុះទស្សនកិច្ចសិក្សា ស្វែងយល់ពីសមុច្ច័យ ក្នុងសារមន្ទីរខេត្តកំពង់ឆ្នាំង appeared first on Kampuchea Thmey Daily.

សមុច្ច័យចំនួន២២ ដែលប្រគល់ជូនសារមន្ទីរ មានដូចជា កុលាលភាជន៍ចំនួន២១ និងធ្វើអំពីលោហៈចំនួន១ ដែលទទួលបានពីប្រជាជននៅក្នុងភូមិតានី សង្កាត់រុនតាឯក ក្រុងរុនតាឯកតេជោសែន ខេត្តសៀមរាប កាលពី៣០ឆ្នាំមុន។

ក្រសួងបញ្ជាក់ថា ការសម្រេចចិត្តប្រគល់វត្ថុដ៏មានតម្លៃខាងលើមកសារមន្ទីរព្រះនរោត្តមសីហនុ-អង្គរ ដើម្បីថែរក្សា អភិរក្សតាមបច្ចេកទេស ទុកជាសម្បត្តិជាតិ និងសម្រាប់ការសិក្សាស្រាវជ្រាវ ក្រោយរក្សាទុកអស់រយៈពេលប្រមាណ៣០ឆ្នាំមកហើយ ដោយយល់ថា សារមន្ទីរមានតួនាទីសំខាន់ក្នុងការថែទាំ និងអភិរក្ស រួមទាំងតាំងបង្ហាញនូវវត្ថុបុរាណនានាដែលបានមកអំពីការកំណាយស្រាវជ្រាវ និងទទួលបានពីប្រជាពលរដ្ឋផង៕

The post សមុច្ច័យចំនួន២២ ត្រូវបានប្រគល់ជូនសារមន្ទីរព្រះនរោត្តមសីហនុ-អង្គរ ដើម្បីថែរក្សា appeared first on Kampuchea Thmey Daily.

នៅ​ថ្ងៃទី១ ខែ​មិថុនា ឆ្នាំ២០២៣ ម្សិល​មិញ​នេះ​ លោក អ៊ុក សុខា អគ្គនាយ​ នៃ​អគ្គនាយកដ្ឋាន​បេតិកភណ្ឌ ក្រសួង វប្បធម៌​ និង​វិចិត្រសិល្បៈ បាន​ដឹក​នាំ​ក្រុម​ការងារ​នៃ អគ្គនាយក​បេតិកភណ្ឌ សហការ​ជា​មួយ លោក​ឧត្តមនាវាទោ លី ហួត មេ​​បញ្ជាការ​សន្តិសុខលម្ហ​សមុទ្រ មន្ត្រី​ជាន់​ខ្ពស់​នៃ​ទី​បញ្ជាការ​ជួរ​មុខ​អគ្គលេខាធិការដ្ឋាន ​នៃ​គណៈកម្មការ ជាតិ​សន្តិសុខ​លំហ​សមុទ្រ ចុះពិនិត្យ​ និង​វាយតម្លៃពី​សមុច្ច័យ​កុលាលភាជន៍ ជា​​ច្រើន​ប្រភេទ ​ដូច​ជា​ពាង​ត្រចៀក​បួន, ក្រឡ​ត្រចៀក​បួន, ខួច, ក្អម, ចាន, ឆ្នាំង, ជើងក្រាន រួម​ទាំង​វត្ថុ​​ផ្សេង​ៗ​ជា​ច្រើន​​ទៀត​។

ហើយបច្ចុប្បន្ននេះ ត្រូវបានកង​កម្លាំង​នៃ​ទី​បញ្ជាការ​ជួរ​មុខ​អគ្គលេខាធិការដ្ឋាន​ ដែលបានរកឃើញ​​​​ និង​យក​មក​រក្សា​ទុក​នៅ​ទី​បញ្ជាការ​ជួរ​មុខ​អគ្គលេខាធិការដ្ឋាន​នៃ​គណៈកម្មការ​ជាតិ​សន្តិសុខ​លម្ហ​សមុទ្រ ​នៅ​សាលា​ហ្វឹកហ្វឺន​កង​ទ័ព​ជើង​ទឹក​ក្នុង​ខេត្ត​ព្រះសីហនុ។ ​

យ៉ាងណាមិញ ​ក្នុង​នោះ​កុលាលភាជន៍​ភាគ​ច្រើន ត្រូវ​បាន​សន្និដ្ឋាន​ថា ពួក​វា​ត្រូវ​បាន​ដុត​ក្នុង​កម្ដៅ​ខ្ពស់ ​និង​មាន​ផ្ទៃ​រលោង ផលិត​​នៅ​ក្នុង​តំបន់ ដូច​ជា ឡ​មេណាំណយ និង​ឡ​ស្រីសជនាល័យ ក្នុង​ខេត្ត​សិង្ហបុរី និង​សុខោទ័យ ក្នុង​ប្រទេស​ថៃ​សព្វ​ថ្ងៃ​នេះ ។ដោយ​ឡែក​ចំពោះ ភាជន៍​ផលិត​បែប​ប្រពៃណី ​គេ​បាន​ឱ្យ​ដឹង​ថា គឺ​ផលិត​នៅ​តាម​ភូមិ​ក្បែរ​ក្រុង​អយុធ្យា។

​ស្រប​ពេល​ជា​មួយ​គ្នា​នោះ លោក​ អ៊ុក សុខា បាន​ស្នើសុំ លោក ឧត្តមនាវាទោ លី ហួត ជួយ​សហការ​ការ​ការពារ​តំបន់​សំពៅ​លិច​ដោយ​បោះ ផ្ទាំង​សញ្ញា​សម្គាល់​តំបន់​អភិរក្ស​បេតិកភណ្ឌ​ក្រោមទឹក​ក្នុង​ភូមិសាស្ត្រ​សំពៅ​លិច និង​បាន​សុំ​ប្រគល់​វត្ថុ​ដែល​បាន​រក​ឃើញ​ជូន​ក្រសួង វប្បធម៌​ និង​វិចិត្រសិល្បៈ​រក្សា​ទុក​ជា​សម្បត្តិ ជាតិ៕

The post ប្រទះឃើញក្រឡជាច្រើនក្នុងបាតសមុទ្រមានអាយុកាលរាប់រយឆ្នាំ appeared first on Kampuchea Thmey Daily.

ការដាក់តាំងពិព័រណ៌វត្ថុដ៏មានតម្លៃទាំងនេះ ក្នុងបំណងអភិរក្ស ថែរក្សាសិល្បៈតម្បាញហូលពិតានខ្មែរ ស្របពេលដែលចំនួនអ្នកប្រើប្រាស់ហូលពិតានក្នុងសង្គមខ្មែរសម័យថ្មី កំពុងថយចុះគួរឱ្យព្រួយបារម្ភ។ ម្យ៉ាងវិញទៀត ក៏ដើម្បីបង្ហាញដល់សាធារណជន សិស្ស និស្សិត ភ្ញៀវទេសចរជាតិ និងអន្តរជាតិ បានស្វែងយល់ពីកេរ្តិ៍ដំណែល និងស្នាដៃរបស់បុព្វបុរសខ្មែរដែលបានបន្សល់ទុកមក។

លោក សែន គឹមស៊ុន នាយករងស្តីទី នៃសារមន្ទីរវាយនភណ្ឌប្រពៃណីអាស៊ី បានឱ្យដឹងថា សមុច្ច័យទាំងនេះ មានប្រវត្តិនៅជាប់ជាមួយនឹងបុព្វបុរសខ្មែរជាយូរយារណាស់មកហើយ ប៉ុន្តែមួយផ្នែកធំវាត្រូវបានបំផ្លិចបំផ្លាញដោយសាររបបប៉ុល ពត ហើយបច្ចុប្បន្នមិនសូវមានអ្នកនិយមប្រើ ដូចជាហូលពិតានជាដើម ទើបធ្វើឱ្យវិស័យតម្បាញហូលពិតានបានធ្លាក់ចុះ។

ក្រុមអ្នកជំនាញផ្នែកប្រពៃណីនិងវប្បធម៌ពន្យល់ថា ហូលពិតានមានលក្ខណៈពិសេសខុសពីហូលធម្មតា ព្រោះវាមានចងក្បាច់លើកគោមជារូបផ្សេងៗយ៉ាងពិសិដ្ឋ ដែលទាក់ទងទៅនឹងជំនឿសាសនា។ ពីបុរាណកាល គេហាមអ្នកស្រុកមិនឱ្យយកហូលប្រភេទនេះទៅប្រើ ឬស្លៀកដូចហូលធម្មតាទេ បើទោះបីជាហូលនោះនៅថ្មីមិនទាន់បានអភិសេកក៏ដោយ។ គោមដែលប្រើនៅលើហូលពិតានខ្លះ ក៏មិនត្រូវអនុញ្ញាតឱ្យយកទៅត្បាញលើហូលសម្រាប់ស្លៀកពាក់ធម្មតាបានដូចគ្នា។

លោក សែន គឹមស៊ុន បញ្ជាក់ថា ការផលិតហូលពិតានមួយៗត្រូវការចំណាយពេលវេលាយូរ ត្រូវការកម្លាំងមនុស្សច្រើន បច្ចេកទេសចងគោម និងប្រើវត្ថុធាតុដើមសុទ្ធសឹងផលិតចេញពីសរសៃសូត្រធម្មជាតិ ហើយជ្រលក់ពណ៌ធម្មជាតិដែលផ្សំឡើងពីរុក្ខជាតិទៅតាមបច្ចេកទេសបុរាណ មិនប្រើសារធាតុគីមីឡើយ។

ទីតាំងនៃសារមន្ទីរវាយនភណ្ឌប្រពៃណីអាស៊ី ស្ថិតនៅភូមិបឹងដូនប៉ា តាមបណ្តោយផ្លូវសម្តេចវិបុលបញ្ញាសុខ អាន (ផ្លូវ៦០ម៉ែត្រ) សង្កាត់ស្លក្រាម ក្រុងសៀមរាប។ សារមន្ទីរនេះ បានបើកដំណើរការតាំងតែពីអំឡុងខែមេសា ឆ្នាំ២០១៤ ក្រោមកិច្ចសហប្រតិបត្តិការពីបណ្ដាប្រទេសតាមដងទន្លេមេគង្គ-ទន្លេគង្គា ដោយមានប្រទេសចំនួន ៦ ចូលរួមដូចជា ប្រទេសកម្ពុជា ឥណ្ឌា ឡាវ មីយ៉ាន់ម៉ា ថៃ និងវៀតណាម ក្នុងគោលបំណងថែរក្សាប្រពៃណីនៃការផលិតវាយនភណ្ឌក៏ដូចជាការបង្ហាញពីទំនាក់ទំនងរវាងអរិយធម៌ វប្បធម៌ និងពាណិជ្ជកម្មរបស់ប្រទេសជាសមាជិក ដែលមានរយៈពេលជាច្រើនសតវត្សមកហើយ៕

The post សមុច្ច័យ ១១មុខ នៃតម្បាញសូត្រខ្មែរ នឹងដាក់បង្ហាញនៅសារមន្ទីរវាយនភណ្ឌប្រពៃណីអាស៊ី appeared first on Kampuchea Thmey Daily.