កិច្ចព្រមព្រៀងនេះ បានលេចចេញជារូបរាង បន្ទាប់ពីរដ្ឋបាលលោក ដូណាល់ ត្រាំ រៀបចំការចរចាជាមួយភាគីទាំងពីរ ដាច់ដោយឡែកពីគ្នានៅទីក្រុងរីយ៉ាដ នៃប្រទេសអារ៉ាប៊ីសាអូឌីត រយៈពេល៣ថ្ងៃ។

ទោះបែបនេះ ភាគីរុស្ស៊ីក៏បានដាក់លក្ខខណ្ឌផងដែរថា បទឈប់បាញ់ដែនសមុទ្រនេះ អាចចូលជាធរមានបានលុះត្រាតែ ប្រទេសលោកខាងលិចដកទណ្ឌកម្មមួយចំនួនលើការធ្វើពាណិជ្ជកម្មស្បៀងនិងជីរបស់ខ្លួន ជាមុនសិន។

ជាសញ្ញាល្អមួយទៀត! ក្រៅពីបទឈប់បាញ់នៅសមុទ្រខ្មៅហើយនោះ ភាគីទាំងពីរក៏ប្តេជ្ញាចិត្ត ពង្រឹងវិធានការដើម្បីអនុវត្តបទឈប់បាញ់ដែលព្រមព្រៀងលើកមុន លើការវាយប្រហារលើហេដ្ឋារចនាសម្ព័ន្ធថាមពលរបស់គ្នាទៅវិញទៅមកផងដែរ។ 

ពាក់ព័ន្ធរឿងនេះ ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលេនស្គី បានសាទរបទឈប់បាញ់នៅសមុទ្រខ្មៅ ថាជាជំហាននៅលើផ្លូវដ៏ត្រឹមត្រូវ។

សូមជម្រាបថា ដោយមានការសម្របសម្រួលពីអង្គការសហប្រជាជាតិ និងប្រទេសតួកគីក្នុងខែកក្កដាឆ្នាំ២០២២, «គំនិតផ្តួចផ្តើមគ្រាប់ធញ្ញជាតិសមុទ្រខ្មៅ» គឺមានគោលបំណងធានាការនាំចេញកសិផលរបស់អ៊ុយក្រែនប្រកបដោយសុវត្ថិភាព ជាថ្នូរនឹងការបន្ធូរបន្ថយទណ្ឌកម្មដែលលោកខាងលិចដាក់លើពាណិជ្ជកម្មគ្រាប់ធញ្ញជាតិនិងជីរបស់រុស្ស៊ី។

យ៉ាងណា ទីក្រុងមូស្គូមិនព្រមបន្តកិច្ចព្រមព្រៀងនេះទេនៅឆ្នាំ២០២៣ ដោយចោទថា បស្ចិមប្រទេសមិនគោរពតាមសន្យារបស់ខ្លួន៕

អត្ថបទ៖ សុខ សុវណ្ណ

ចុចអាន៖ អាមេរិក បង្ហាញប្រធានបទ ដែលនឹងត្រូវពិភាក្សាជាមួយរុស្ស៊ី ក្នុងទីក្រុង រីយ៉ាដ

The post រុស្ស៊ី-អ៊ុយក្រែន យល់ព្រមឈប់បាញ់នៅសមុទ្រខ្មៅ appeared first on Kampuchea Thmey Daily.

លោកបញ្ជាក់រឿងនេះទៅកាន់សារព័ត៌មាន CBS កាលពីថ្ងៃអាទិត្យទី២៣ខែមីនាឆ្នាំ២០២៥ ហើយក្រៅពីប្រធានបទខាងលើ ភាគីទាំងសងខាងនឹងពិភាក្សាគ្នាលើកិច្ចខិតខំប្រឹងប្រែង ធ្វើយ៉ាងណាឲ្យបទឈប់បាញ់ពេញលេញមួយ លេចចេញជារូបរាងផងដែរ។

យោងតាមមន្ត្រីអាមេរិក, បើសិនជាបទឈប់បាញ់នៅសមុទ្រខ្មៅ បានសម្រេចមែននោះ វានឹងអនុញ្ញា​តឲ្យទាំងរុស្ស៊ីនិងអ៊ុយក្រែន អាចដឹកជញ្ជូនគ្រាប់ធញ្ញជាតិនិងប្រេងឥន្ធនៈ ហើយធ្វើពាណិជ្ជកម្មជាមួយគ្នាសាជាថ្មី បន្ទាប់ពីការរាំងស្ទះចាប់តាំងពីរុស្ស៊ីធ្វើសង្គ្រាមលុកលុយអ៊ុយក្រែន ក្នុងខែកុម្ភៈឆ្នាំ២០២២មក។

បញ្ហា​បទ​ឈប់​បាញ់​លើ​ដែន​សមុទ្រនេះ ក៏​ត្រូវ​បាន​ប្រធានាធិបតី​អាមេរិក​ ដូណាល់ ត្រាំ លើក​ឡើង​ក្នុង​អំឡុងកិច្ច​សន្ទនា​តាម​ទូរស័ព្ទ​ជាមួយ​លោក ពូទីន កាលពីសប្តាហ៍មុនដែរ ដោយប្រធានាធិបតី​រុស្ស៊ី​បាន​គាំទ្រ​គំនិត​នេះ ហើយ​យល់ព្រម​ផ្តួចផ្តើម​ការចរចា​លើ​សេចក្តីលម្អិត​នៃ​បទឈប់បាញ់មួយ។

សូមជម្រាបថា កាលពីថ្ងៃអាទិត្យ គណៈប្រតិភូអាមេរិក-អ៊ុយក្រែន ក៏បានជួបពិភាក្សាគ្នាជាថ្មីនៅប្រទេសអារ៉ាប៊ីសាអូឌីតផងដែរ ដោយផ្តោតសំខាន់លើបទឈប់បាញ់ក្នុងសង្គ្រាមអូសបន្លាយពេល៣ឆ្នាំ។ ការពិភាក្សានេះគឺជាកិច្ចខិតខំប្រឹងប្រែងផ្នែកការទូត ដឹកនាំដោយរដ្ឋបាលលោកត្រាំ ក្នុងការធានាបទឈប់បាញ់ដ៏ធំមួយឲ្យបានត្រឹមថ្ងៃទី២០ខែមេសា។

ទន្ទឹមនោះ បេសកជនពិសេសរបស់សហរដ្ឋអាមេរិកលោក Steve Witkoff ក៏បានសម្តែងសុទិដ្ឋិនិយមអំពីការសម្រេចបាននូវបទឈប់បាញ់នៅសមុទ្រខ្មៅ និងការបញ្ឈប់អរិភាពកាន់តែទូលំទូលាយផងដែរ៕

អត្ថបទ៖ សុខ សុវណ្ណ

ចុចអាន៖ គណៈប្រតិភូអាមេរិក-អ៊ុយក្រែន ជួបពិភាក្សាគ្នាជាថ្មី នៅ អារ៉ាប៊ីសាអូឌីត

The post អាមេរិក បង្ហាញប្រធានបទ ដែលនឹងត្រូវពិភាក្សាជាមួយរុស្ស៊ី ក្នុងទីក្រុង រីយ៉ាដ appeared first on Kampuchea Thmey Daily.

ប្រសិនបើជោគជ័យមែន កិច្ចខិតខំប្រឹងប្រែងបែបនេះនឹងដោះស្រាយវិបត្តិសេដ្ឋកិច្ច និងពាណិជ្ជកម្មអ៊ុយក្រែន ហើយនឹងអនុញ្ញាតឲ្យទីក្រុងមូស្គូទទួលបានស្ពានអាកាសទៅកាន់តំបន់ផ្តាច់ខ្លួន Transnistria របស់ប្រទេសម៉ុលដាវី ដែលជាកន្លែងផ្ទុកមូលដ្ឋានយោធារុស្ស៊ី ។

គួរបញ្ជាក់ថា បច្ចុប្បន្នកំពង់ផែសមុទ្រខ្មៅរបស់អ៊ុយក្រែនដែលស្ថិតក្រោមការគ្រប់គ្រងរបស់រដ្ឋាភិបាលទីក្រុងកៀវ ប្រឈមមុខនឹងការបិទផ្លូវពីសំណាក់កងទ័ពជើងទឹករុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Sky News

ចុចអាន ៖ រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន

The post រុស្ស៊ី ចង់កាត់ផ្ដាច់ អ៊ុយក្រែន ចេញពីសមុទ្រខ្មៅទាំងស្រុង appeared first on Kampuchea Thmey Daily.

នាវា Vasily Bekh ត្រូវ​បាន​គេ​រាយការណ៍​ថា ​មាន​ប្រព័ន្ធ​កាំជ្រួច Tor SAM នៅ​ពេលរងការ​វាយ​ប្រហារ។

កាលពីខែមេសា មន្ត្រីរុស្ស៊ីបានច្រានចោលការអះអាងរបស់ទីក្រុង កៀវ ដែលថា កងកម្លាំងអ៊ុយក្រែន បានធ្វើឲ្យខូចខាតដល់នាវាចម្បាំងរបស់កងនាវាចរសមុទ្រខ្មៅរុស្ស៊ីឈ្មោះ Moskva។

ប៉ុន្តែក្រោយមក ពួកគេបានរាយការណ៍ថា Moskva ដែលជានាវាដឹកកាំជ្រួចមីស៊ីល ធ្លាប់បំពេញកាតព្វកិច្ចនៅហ្សកហ្ស៊ី គ្រីមៀ និងស៊ីរី បានលិចខណៈពេល កំពុងអូសទៅជួសជុល៕

ប្រែសម្រួល៖ Vann Vann

ប្រភព៖ SKY, RFERL

ចុចអាន៖ រុស្ស៊ី ថា ខ្លួនមិនបានលុកលុយ អ៊ុយក្រែន ទេ

The post អ៊ុយក្រែន អះអាងបាញ់កម្ទេច នាវារុស្ស៊ីដែល ដឹកអាវុធនៅ សមុទ្រខ្មៅ appeared first on Kampuchea Thmey Daily.

កងកម្លាំងអ៊ុយក្រែនបាននិយាយទៀតថា ពេលនេះរុស្ស៊ីមានកាំជ្រួចមីស៊ីលនាំផ្លូវនៅសមុទ្រខ្មៅចំនួន ៤០ គ្រាប់ហើយកំពុងដាក់គោលដៅលើអ៊ុយក្រែន ។

បច្ចុប្បន្នកងទ័ពជើងទឹករុស្ស៊ីក៏កំពុងរារាំងការធ្វើនាវាចរណ៍របស់អ៊ុយក្រែននៅភាគពាយព្យនៃសមុទ្រខ្មៅផងដែរ ខណៈសម្រាប់កងកម្លាំង​ជើងគោក​រុស្ស៊ី​ដែល​ចូល​លុកលុយ​ភាគខាងត្បូង​អ៊ុយក្រែន​វិញបាន​និង​កំពុង​ដាំ​គ្រាប់​មីន​នៅលើ​ផ្លូវថ្នល់ ស្ពាន និង​កន្លែង​ផ្សេងទៀត ។

ការដាក់ពង្រាយមីស៊ីលបន្ថែមនេះក៏កើតឡើង ស្របពេលដែលអ៊ុយក្រែនបាន​អង្វរ​ដល់​ប្រទេស​លោក​ខាង​លិចឲ្យ​ផ្តល់​សព្វាវុធ​លឿន​ជាង​មុនដល់ទីក្រុងកៀវ ខណៈ​កម្លាំង​រុស្ស៊ីបន្ត​ការ​វាយលុក​​នៅ​តាម​បណ្តោយ​ភាគ​ខាង​កើត​​ប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី នឹងវាយដណ្ដើមយកទីក្រុងភាគខាងកើតរបស់ អ៊ុយក្រែន ត្រឹមថ្ងៃស្អែក (មានវីដេអូ)

The post រុស្ស៊ី បន្ថែមមីស៊ីលបាញ់ចេញពីនាវាមុជទឹកនៅសមុទ្រខ្មៅ ត្រៀមបាញ់ទៅ អ៊ុយក្រែន appeared first on Kampuchea Thmey Daily.

អ៊ុយក្រែន ដែលជាប្រទេសផលិតគ្រាប់ធញ្ញជាតិដ៏ធំបំផុតមួយរបស់ពិភពលោក ធ្លាប់នាំចេញទំនិញភាគច្រើនរបស់ខ្លួនតាមរយៈកំពង់ផែនេះ ប៉ុន្តែចាប់តាំងពីរុស្ស៊ីបញ្ជូនកងទ័ពចូលទៅក្នុងប្រទេសអ៊ុយក្រែនមក ខ្លួនត្រូវបង្ខំចិត្តនាំចេញទំនិញតាមរថភ្លើង ឬតាមច្រកទន្លេ Danube ដ៏តូចរបស់ខ្លួនវិញ។

កាលពីថ្ងៃពុធទី១៨ខែឧសភា ប្រធានផ្នែកស្បៀងអាហាររបស់អង្គការសហប្រជាជាតិ លោក David Beasley បានអំពាវនាវ ទៅកាន់ប្រធានាធិបតីរុស្ស៊ី លោក វ្ល៉ាឌីមៀរ ពូទីន ដោយនិយាយថា “ប្រសិនបើអ្នកមានបេះដូង សូមបើកច្រកទាំងនេះទៅ”។

ការដាក់លក្ខខណ្ឌរបស់រុស្ស៊ី កើតឡើងមួយថ្ងៃបន្ទាប់ពី អង្គការសហប្រជាជាតិ​ (UN) ព្រមានថា ការលុកលុយរបស់រុស្ស៊ីលើអ៊ុយក្រែន អាចបណ្តាលឲ្យមានកង្វះខាតស្បៀងអាហារជាសកល ក្នុងរយៈពេលប៉ុន្មានខែខាងមុខនេះ។

អគ្គលេខាធិការ Antonio Guterres បាននិយាយថា សង្រ្គាម បានធ្វើឲ្យអសន្តិសុខស្បៀងកាន់តែអាក្រក់ទៅៗនៅក្នុងប្រទេសក្រីក្រ ដោយសារតែតម្លៃកើនឡើង។ ពិភពលោកអាចប្រឈមនឹងគ្រោះទុរ្ភិក្សដែលអូសបន្លាយពេលច្រើនឆ្នាំ ប្រសិនបើការនាំចេញរបស់អ៊ុយក្រែនមិនត្រូវបានស្ដារឡើងវិញក្នុងកម្រិតមុនសង្គ្រាមទេនោះ។

ជម្លោះនេះ បានកាត់ផ្តាច់ការផ្គត់ផ្គង់ចេញពីកំពង់ផែរបស់អ៊ុយក្រែន ដែលធ្លាប់តែនាំចេញប្រេងឆាក្នុងបរិមាណដ៏ច្រើន ព្រមទាំងធញ្ញជាតិដូចជាពោត និងស្រូវសាលីជាដើម។

នេះ បានកាត់បន្ថយការផ្គត់ផ្គង់សកល និងបណ្តាលឲ្យតម្លៃកើនឡើងខ្ពស់។ យោងតាម UN, តម្លៃ​អាហារជា​សកល​គឺសឹងតែ​ខ្ពស់​ជាង​ពេល ៣០% បើប្រៀបធៀបនឹងរយៈពេលដូចគ្នាកាលពីឆ្នាំមុន។

ថ្លែងនៅក្នុងទីក្រុងញូវយ៉កកាលពីថ្ងៃពុធទី១៨ខែឧសភា លោក Guterres និយាយថា ជម្លោះនេះកំពុងគំរាមកំហែង ធ្វើឲ្យមនុស្សរាប់សិបលាននាក់ធ្លាក់ចូលទៅក្នុងអសន្តិសុខស្បៀងអាហារ បន្ទាប់មកនឹងមានកង្វះអាហារូបត្ថម្ភ ភាពអត់ឃ្លាននិងគ្រោះទុរ្ភិក្សនៅក្នុងវិបត្តិមួយ ដែលអាចអូសបន្លាយរាប់ឆ្នាំឯណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ លោក Blinken៖ ទណ្ឌកម្មលោកខាងលិចលើរុស្ស៊ី មិនបង្កឲ្យមានអសន្តិសុខស្បៀងអាហារជាសកលទេ

The post រុស្ស៊ី បង្ហាញលក្ខខណ្ឌ បើចង់ឲ្យបើកច្រកកំពង់ផែ អ៊ុយក្រែន នាំចេញទំនិញ (មានវីដេអូ) appeared first on Kampuchea Thmey Daily.

ខាងក្រោមជារឿង ៦យ៉ាង គួរត្រៀមជាស្រេច មុនពេលទៅលេងសមុទ្រ៖

១. ឡេឬគ្រីមការពារកម្តៅថ្ងៃ

កុំអាងថា ទៅលេងឆ្នេរ ងូតទឹកសមុទ្រត្រជាក់ៗ ស្បែកនឹងមិនអី គិតខុសហើយ។ ទឹកប្រៃមិនដូចទឹកសាបទេ ទោះបីមេឃស្រទុំក៏ដោយ ក៏អាចបណ្ដាលឱ្យស្បែករបស់យើងជាំបាន​ ដោយមិនដឹងខ្លួនដែរ។ ដូច្នេះត្រូវមានឡេឬគ្រីមការពារកម្ដៅថ្ងៃ ទុកក្នុងកាបូបជាស្រេច គ្រាន់នឹងប្រើលាបការពារស្បែក មិនថាដើរឆ្នេរ ឬមុជទឹក។

ម្យ៉ាងទៀតកុំចាំដល់សមុទ្រហើយ ទើបស្រវេស្រវាទិញឡេការពារកម្ដៅថ្ងៃមកលាប ព្រោះតម្លៃអាចខ្ពស់ជាងតម្លៃនៅលើទីផ្សារទូទៅ។

២. ​វ៉ែនតាខ្មៅ និងមួក

កម្រមាននរណាដែលថាទៅលេងសមុទ្រហើយ បែរជាអត់មានវ៉ែនតាខ្មៅពាក់ ​ព្រោះថាវាអាចជួយការពារភ្នែកពីកម្ដៅព្រះអាទិត្យ និងជួយលើកសម្រស់ពេលថតរូបទៀតផង។ ក្រៅពីវ៉ែនតាខ្មៅ​ មួកក៏ចាំបាច់ដែរ វាអាចការពារកម្ដៅថ្ងៃបានល្អ ប្រសិនត្រូវជិះទូក ស្ទូចត្រី ឬដើរលំហែតាមឆ្នេររយៈពេលយូរ។

៣. កាបូបប្លាស្ទិកដាក់ទូរសព្ទដៃ

កាបូបប្លាស្ទិក មិនអាចអត់បានទេ បើយើងជាអ្នកដើរលេងឆ្នេរ ឬជាអ្នកចូលចិត្តមុជទឹកលេង។ វាអាចដាក់សម្ភារសំខាន់ៗមិនឱ្យសើម ឬខូចដោយសារទឹក ជាពិសេសទូរសព្ទដៃតែម្ដង។ ក្រៅពីនោះ កាបូបប្លាស្ទិកអាចការពារពេលទឹកខ្ទាតសើមពេលជិះទូក ឬពេលមានភ្លៀងធ្លាក់ដោយចៃដន្យ មិនឱ្យបង្ខូចទូរសព្ទ កាត និងលុយជាដើម។

៤. អាហារសម្រន់

ពន្លឺព្រះអាទិត្យ បូករួមនឹងទឹកប្រៃ ជាកត្តារួមចំណែកធ្វើឱ្យឆាប់ឃ្លាន ខុសធម្មតា។ ធម្មតាទេ ដើរលេងទីណា ក៏គួរមានអាហារសម្រន់ ត្រៀមសម្រាប់ឃ្លានភ្លាមៗ ក៏ដូចជាកំដរមាត់ ពេលជិះទូក ឬអានសៀវភៅមាត់ឆ្នេរ។ល។ យ៉ាងណាមិញ អាហារសម្រន់ អាចមានឬគ្មាន អាស្រ័យចំណូលចិត្តដែរ​ ព្រោះអ្នកខ្លះ ពេលឃ្លានភ្លាមៗ និយមកុម្មង់អាហារសមុទ្រញ៉ាំភ្លែតអ៊ីចឹងទៅ។

៥. ឈុតហែលទឹក

ទោះបីជាទៅតែមួយថ្ងៃ ឬពីរថ្ងៃក៏ដោយ យើងភាគច្រើនប្រាកដជាចុះហែលទឹកសមុទ្រលេង ឬយ៉ាងហោចណាស់ក៏មុជទឹកលេងនៅអាងហែលទឹកដែរ។ ហេតុនេះ​ យើងមិនអាចមុជទឹកដោយស្លៀករ៉ូប ឬសម្លៀកបំពាក់ដំណើរកម្សាន្តទូទៅបានទេ។ អ៊ីចឹងហើយ មុនឡើងឡានដល់ឆ្នេរ ត្រូវមានឈុតហែលទឹកមួយឈុតយ៉ាងតិចទៅជាមួយដែរ។

៦. ម្សៅទារក

ដើម្បីការពារពងជើងដោយសារដីខ្សាច់ ឬមានខ្សាច់ជាប់ប្រតាកជើង ក្រោយពីដើរលើឆ្នេរ គួរមានម្សៅកូនង៉ាតាមខ្លួនដែរ ទុកសម្រាប់លាបលើបាតជើង ដើម្បីជម្រះខ្សាច់បានល្អ និងការពារបាតជើងមិនឱ្យសង្កៀរ៕

ប្រែសម្រួល៖ សន្យា

ចុចអាន៖ ចង់ដើរលេងបានសប្បាយ ឈប់ប្រព្រឹត្តទង្វើទាំង ៥ នេះទៀត

ចុចអាន៖ វត្ថុ ៥យ៉ាង ​មិនគួរទុកក្នុងកាបូបលុយ ពេលដើរលេងផ្លូវឆ្ងាយ

The post ៦ យ៉ាង ត្រូវត្រៀមជាស្រេច មុនពេលទៅលេងសមុទ្រ appeared first on Kampuchea Thmey Daily.

យោងតាមយោធារុស្ស៊ីបានឲ្យដឹងថា កាលពីថ្ងៃទី៩ ខែធ្នូ រ៉ាដារុស្ស៊ីបានរកឃើញគោលដៅ អាកាសរបស់យន្តហោះទាំងនោះខិតជិតព្រំដែនរដ្ឋរុស្ស៊ីលើដែនទឹកអព្យាក្រឹតនៃសមុទ្រខ្មៅ ។

NDCC បាននិយាយថា “ដើម្បីកំណត់គោលដៅ តាមអាកាស និងរារាំងពួកគេមិនឲ្យឆ្លងកាត់ព្រំដែនរដ្ឋរបស់រុស្ស៊ី យន្តហោះចម្បាំង Su-27 ចំនួន ៣ គ្រឿងមកពីកងកម្លាំងការពារដែនអាកាស Southern Military District បានប្រញាប់ប្រញាល់អមដំណើរយន្តហោះទាំងនោះ” ។

NDCC បានបញ្ជាក់យ៉ាងច្បាស់ថា “យន្តហោះបរទេសដែលត្រូវបានរុស្ស៊ីបណ្ដេញចេញពីសមុទ្រខ្មៅ នោះមាន យន្តហោះចម្បាំងយុទ្ធសាស្ត្ររបស់កងកម្លាំងអាកាសបារាំង ២ គ្រឿងគឺ Mirage-2000 និង Rafale, យន្តហោះឈ្លបយកការណ៍របស់កងទ័ពសហរដ្ឋអាមេរិក CL-600 Artemis, យន្តហោះឈ្លបយកការណ៍យុទ្ធសាស្ត្រ RC-135 របស់កងទ័ពអាកាស និងយន្តហោះដឹកប្រេង KS-135 របស់កងកម្លាំងអាកាសបារាំង ។

គួរបញ្ជាក់ថា ការហោះហើររបស់យន្តហោះចម្បាំងរុស្ស៊ីត្រូវបានអនុវត្តយ៉ាងតឹងរ៉ឹងជាមួយនឹងច្បាប់អន្តរជាតិសម្រាប់ការប្រើប្រាស់ដែនអាកាសលើដែនទឹកអព្យាក្រឹត ដោយមិនឆ្លងកាត់ផ្លូវអាកាស និងការទាក់ទងគ្នាដ៏គ្រោះថ្នាក់ជាមួយយន្តហោះរបស់រដ្ឋបរទេស ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី បញ្ជាយន្តហោះ អ៊ីស្រាអែល ប្ដូរផ្លូវហោះហើរចៀសវាងប៉ះជាមួយ យន្តហោះចារកម្ម អាមេរិក (មានវីដេអូ)

The post យន្តហោះចម្បាំង រុស្ស៊ី បណ្ដេញយន្តហោះយោធា អាមេរិក និងបារាំង ៥ គ្រឿងលើសមុទ្រខ្មៅ (មានវីដេអូ) appeared first on Kampuchea Thmey Daily.