សម្ដេចកិត្តិសង្គហបណ្ឌិត ម៉ែន សំអន ថ្លែងបែបនេះ ក្នុងពេលអញ្ជើញទស្សនាសួនច្បារ និងផ្សារផលិតផលខ្មែរ នៅក្រុងកំពង់ចាម ខេត្តកំពង់ចាម កាលពីរសៀលថ្ងៃទី ៣ ខែឧសភា ឆ្នាំ ២០២៦ ថ្មីៗ នេះ។ ក្នុងពិធីនោះផងដែរ ក៏មានការអមដំណើរដោយ លោកស្រី ញូង ចរិយា អ៊ុន ចាន់ដា ប្រធានកិត្តិយសសាខាសមាគមនារីខេត្តកំពង់ចាម និង លោក លោកស្រី ប្រធានមន្ទីរពាក់ព័ន្ធជុំវិញខេត្តផងដែរ។

សម្តេចកិត្តិសង្គហបណ្ឌិត ក៏បានថ្លែងកោតសរសើរដល់រដ្ឋបាលខេត្ត និង សមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ចាម ដែលបានចូលរួមយ៉ាងសកម្មក្នុងការជំរុញ និងលើកស្ទួយនូវផលិតផលខែ្មរឲ្យកាន់តែមានតម្លៃ និងបានចូលរួមចំណែកក្នុងការលើកស្ទួយដល់សេដ្ឋកិច្ចគ្រួសារផងដែរ។

ទន្ទឹមនោះដែរ សម្តេចកិត្តិសង្គហបណ្ឌិត ក៏បានសំណូមពរដល់ប្រជាកសិករទាំងអស់គ្នា ត្រូវធានាបាននូវផលិតផលដែលគ្មានជាតិគីមី និងត្រូវពង្រឹងគុណភាព នៃការដាំដុះ ដោយគោរពតាមក្បួនខ្នាតរបស់ក្រសួងកសិកម្ម។ ចំណែកអាជីវករវិញ ត្រូវចេះវេចខ្ចប់ និងប្រើប្រាស់ស្លាកសញ្ញាដែលជារបស់ខ្មែរ និងត្រូវចេះផ្សព្វផ្សាយអំពីផលិតផលខ្មែរ និងមិនត្រូវកេងចំណេញខ្លាំងពេកពីប្រជាកសិករ រួមទាំងការដំឡើងថ្លៃខុសប្រក្រតី។

សម្តេចកិត្តិសង្គហបណ្ឌិត បានបន្តទៀតថា ផ្សារផលិតផលខ្មែរនេះ គឺជាការលើកកម្ពស់ និងប្រើប្រាស់ផលិតផលខ្មែរ និងជាការរួមចំណែកបង្កើនផលិតភាពផលិតផលក្នុងស្រុក បង្កើនប្រាក់ចំណូល និងលើកស្ទួយជីវភាពប្រជាជន និងជំរុញអភិវឌ្ឍន៍សេដ្ឋកិច្ច-សង្គម ឲ្យកាន់តែប្រសើរឡើង។

សម្តេចកិត្តិសង្គហបណ្ឌិត ក៏បានសាទរដល់រដ្ឋបាលខេត្តដែលបានរៀបចំឲ្យមានតំបន់ទេសចរណ៍ជាច្រើន រួមទាំងបានកែលំអនូវសួនច្បារ ច្រាំងទន្លេ និងកែលំអសោភ័ណភាពខេត្ត ជាទីកន្លែងដ៏ទាក់ទាញសម្រាប់ទេសចរជាតិ និងអន្តរជាតិ ក៏ដូចជាអ្នកហាត់ប្រាណប្រចាំថ្ងៃផងដែរ។ មិនត្រឹមប៉ុណ្ណោះ ខេត្តកំពង់ចាម មានកំពង់ផែទេសចរណ៍ស្តង់ដារមួយដែលមានសោភ័ណភាព នឹងលេចចេញនៅពេលខាងមុខនេះ ដែលអាចប្រែក្លាយទៅជាច្រកទ្វារសំខាន់ក្នុងការទាក់ទាញទេសចរ និងបង្កើនតភ្ជាប់ផ្លូវទឹកទៅកាន់ខេត្តផ្សេងៗ តាមបណ្តោយទន្លេ និងបង្កើនសក្តានុពលសេដ្ឋកិច្ចតាមបណ្តោយផ្លូវទឹក។

គួររំលឹកផងដែរថា ក្រោមការគាំទ្ររបស់ក្រសួងពាណិជ្ជកម្ម និងក្រោមការយកចិត្តទុកដាក់ខ្ពស់របស់រដ្ឋបាលខេត្តកំពង់ចាម និងមានការសម្របសម្រួលរបស់មន្ទីរពាណិជ្ជកម្មខេត្តកំពង់ចាម គឺផ្សារលក់ផលិតផលខ្មែរបានដាក់ឲ្យដំណើរការចាប់តាំងពីឆ្នាំ ២០១៩ រហូតមកដល់បច្ចុប្បន្ន។ ផ្សារផលិតផលខ្មែរខេត្តកំពង់ចាម បាននិងកំពុងដំណើរការលក់កសិផល និងផលិតផលខ្មែរ ដែលបានដាំដុះ និងកែច្នៃដោយកសិករ ផលិតករ និងសិប្បករខ្មែរ នៅក្នុងខេត្តកំពង់ចាម នៅរៀងរាល់ថ្ងៃសៅរ៍-អាទិត្យ ចាប់ពីម៉ោង ៨ ព្រឹក ដល់ ៨ ល្ងាច៕
អត្ថបទ ៖ វិមាន

The post សម្ដេច ម៉ែន សំអន ជំរុញឲ្យស្ត្រីក្នុងសមាគមនារីគាំទ្រខេត្តកំពង់ចាមបន្តបង្កើនផលិតភាពផលិតផលក្នុងស្រុក ដើម្បីប្រាក់ចំណូលលើកស្ទួយជីវភាពប្រចាំថ្ងៃ appeared first on Kampuchea Thmey Daily.

ពិធីនេះមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិក សមាជិកា នៃរដ្ឋសភា, សមាគមអតីតយុទ្ធជន និងនិវត្តជនកម្ពុជា, ក្រុមប្រឹក្សាខេត្ត, អភិបាលខេត្ត និងថ្នាក់ដឹកនាំខេត្ត ក្រុង ស្រុក មន្ទីរ-អង្គភាពពាក់ព័ន្ធ កងកម្លាំងប្រដាប់អាវុធទាំងបីប្រភេទ រួមទាំងគ្រួសារ គណៈយុទ្ធមិត្តបម្រើកងទ័ពឆ្នាំ១៩៧៨ ជាម្ចាស់ផ្ទះទាំង៥០គ្រួសារ និងគ្រួសារអតីតយុទ្ធមិត្តចំនួន ១២៥ គ្រួសារផ្សេងទៀត។

សម្តេចកិត្តិសង្គហបណ្ឌិត ម៉ែន សំអន បាននាំនូវប្រសាសន៍ផ្តាំផ្ញើ និងសាកសួរសុខទុក្ខពីសំណាក់ សម្តេចតេជោ ហ៊ុន សែន សម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ្រ ចន្ទមុនី ជូនគណៈយុទ្ធមិត្តបម្រើកងទ័ពឆ្នាំ១៩៧៨ និងមានប្រសាសន៍ក្នុងពិធីថា ការផ្តល់ផ្ទះ និងដីឡូត៍លំនៅដ្ឋាន ជូនគ្រួសារអតីតយុទ្ធមិត្តឆ្នាំ១៩៧៨ គឺជាគោលនយោបាយរបស់ សម្តេចតេជោ ហ៊ុន សែន អតីតនាយករដ្ឋមន្ត្រី ដើម្បីជាការតបស្នងសងគុណដល់យុទ្ធមិត្តដែលបានរួមអាវុធ តស៊ូក្នុងភ្លើងសង្គ្រាមជាមួយ សម្តេចតេជោ ដើម្បីរំដោះប្រទេសចេញពីរបបប្រល័យពូជសាសន៍ ប៉ុល ពត ។

សម្តេចកិត្តិសង្គហបណ្ឌិត មានប្រសាសន៍បន្តថា សម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានគិតគូរខ្ពស់ដល់សុខទុក្ខរបស់យុទ្ធជន និងអតីតយុទ្ធជនដែលបានបូជាកម្លាំងកាយចិត្ត និងជីវិត ដើម្បីការពារជាតិមាតុភូមិ។ តាមរយៈការផ្តល់ផ្ទះនេះ ក៏បានបង្ហាញអំពីគោលនយោបាយយូរអង្វែង ក្រោមពាក្យស្លោក «មិនទុកអ្នកណាម្នាក់ឲ្យនៅឯកោ» ដែលជាគោលការណ៍សំខាន់ក្នុងការដឹកនាំ និងអភិវឌ្ឍន៍ប្រទេស។

ឱកាសនោះដែរសម្តេចកិត្តិសង្គហបណ្ឌិត ម៉ែន សំអន ក៏បានថ្លែងអំណរគុណដល់ លោកកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា និងថ្នាក់ដឹកនាំក្រសួងរៀបចំដែនដីនគរូបនីយកម្មនិងសំណង់ ថ្នាក់ដឹកនាំខេត្ត និងអង្គភាពជុំវិញខេត្តត្បូងឃ្មុំ ដែលបានជួយសម្របសម្រួល ដោយការយកចិត្តទុកដាក់ខ្ពស់ចំពោះសុខទុក្ខរបស់អតីតយុទ្ធមិត្តឆ្នាំ១៩៧៨ទាំងអស់។

សូមបញ្ជាក់ថា បន្ទាប់ពីប្រគល់ផ្ទះ និងដីឡូត៍លំនៅដ្ឋានជូនចំពោះគ្រួសារអតីតយុទ្ធមិត្តចំនួន៥០គ្រួសាររួច សម្តេចក៏បាននាំយកអំណោយគ្រឿងឧបភោគបរិភោគ និងថវិកា ចែកជូនដល់អ្នកចូលរួមចំនួនទាំង ៣២០គ្រួសារ៕

The post សម្តេចកិត្តិសង្គហបណ្ឌិត ម៉ែន សំអន ប្រគល់ផ្ទះ ៥០ខ្នងជូនអតីតយុទ្ធមិត្តឆ្នាំ១៩៧៨ នៅខេត្តត្បូងឃ្មុំ appeared first on Kampuchea Thmey Daily.

សម្ដេចកិត្តិសង្គហបណ្ឌិត ម៉ែន សំអន លើកឡើងដូច្នេះ ក្នុងពេលអញ្ជើញជួបសំណេះសំណាលជាមួយរចនាសម្ព័ន្ធគណៈចលនាមហាជន ចំណុះគណៈកម្មាធិការបក្ស ខេត្តព្រៃវែង នារសៀលថ្ងៃទី២១ ខែកុម្ភៈ ឆ្នាំ២០២៦។ ពិធីសំណេះសំណាលនេះ មានវត្តមានអមសម្តេចអនុប្រធានគណបក្សនាឱកាសនោះរួមមាន ឯកឧត្តម ហ៊ុន ម៉ានី សមាជិកអចិន្រ្តៃយ៍គណៈកម្មាធិការកណ្តាល និងជាអគ្គលេខាធិការគណៈចលនាមហាជន ឯកឧត្តម លោកជំទាវ អគ្គលេខាធិការរង ប្រធាន អនុប្រធានផ្នែក ចំណុះអគ្គលេខាធិការដ្ឋាន ថ្នាក់ដឹកនាំគណៈកម្មាធិការបក្សខេត្ត ក្រុង-ស្រុក និងឃុំ-សង្កាត់ ព្រមទាំងរចនាសម្ព័ន្ធគណៈចលនាមហាជនទូទាំងខេត្តព្រៃវែងសរុបប្រមាណ ៤៥៨ រូប។

សម្តេចអនុប្រធានបានផ្តាំផ្ញើការសាកសួរសុខទុក្ខពីសម្តេចប្រធានបក្ស សម្តេចប្រធានកិត្តិយស និងសម្តេចអនុប្រធានបក្សជូនដល់មន្រ្តីគណបក្សទាំងអស់ ក៏ដូចជាធ្វើការកោតសរសើរ និងវាយតម្លៃខ្ពស់ចំពោះឯកឧត្តម លោកជំទាវ អនុប្រធាន សមាជិក សមាជិកាបក្ស ដែលបានខិតខំប្រឹងប្រែងអនុវត្តការងារគណបក្ស និងការចុះពង្រឹងមូលដ្ឋាន ជាពិសេសការងារគណៈចលនាមហាជន ដើម្បីរក្សាប្រៀបឈ្នះរបស់គណបក្សប្រជាជនកម្ពុជានាពេលកន្លងមក។

ក្នុងឱកាសនោះ សម្តេចបានលើកឡើងពីស្ថានភាពព្រំដែនកម្ពុជា-ថៃ និងបានគូសរំលេចអំពីកិច្ចខិតខំប្រឹងប្រែងរបស់រាជរដ្ឋាភិបាល ដោយបញ្ជាក់ថា គោលជំហររបស់ថ្នាក់ដឹកនាំកម្ពុជាក្នុងការពារបូរណភាពទឹកដី និងប្រជាជនកម្ពុជា គឺមានភាពច្បាស់លាស់ និងមិនដែលប្រែប្រួលឡើយ។

សម្ដេចប្រធានបក្ស ក៏បានសំណូមពរដល់មន្ត្រីបក្ស សមាជិក សមាជិកាគណបក្សគ្រប់រូបបន្តជឿជាក់លើរាជរដ្ឋាភិបាល ថែរក្សារក្សាសាមគ្គីភាព និងចូលរួមពង្រឹងសមត្ថភាពរបស់ខ្លួនជាប្រចាំ ដើម្បីបម្រើប្រជាជនដោយស្មោះត្រង់ ដោយអនុវត្តអភិក្រមទាំង ៥ របស់សម្ដេចប្រធានបក្ស ដែលបានដាក់ចេញ គឺ «ឆ្លុះកញ្ចក់ ងូតទឹក ដុះក្អែល ព្យាបាល និងវះកាត់»៕

The post សម្ដេច ម៉ែន សំអន៖ សន្តិភាព និងការអភិវឌ្ឍដូចបច្ចុប្បន្ន គឺជាកេរតំណែលប្រវត្តិសាស្ត្រ ដែលខ្មែរត្រូវតែរួបរួម បន្តថែរក្សាការពារឱ្យបានដាច់ខាត ទោះក្នុងតម្លៃណាក៏ដោយ appeared first on Kampuchea Thmey Daily.

សម្តេច​កិត្តិ​សង្គហ​បណ្ឌិត ម៉ែន សំអន ថ្លែង​បែបនេះ​ក្នុងឱកាស​ សម្ដេច ​អញ្ជើញ​កិច្ចប្រជុំ​បូកសរុប​លទ្ធផល​ នៃ​ការអនុវត្ត​ការងារ​របស់​គណៈកម្មាធិការ​គណបក្ស​ខេត្ត ប្រចាំ​ខែកញ្ញា និង​ទិសដៅ​ភារកិច្ច​សំខាន់ៗ ​ប្រចាំ​ខែតុលា របាយការណ៍​ប្រចាំ ៩​ ខែ និង​ទិសដៅ​សម្រាប់​អនុវត្ត​បន្ត​នៅ​ត្រីមាស​ទី ​៤ ​ឆ្នាំ​ ២០២៥ ​ប្រព្រឹត្តទៅ​នៅ​ស្នាក់​ការ​គណៈកម្មាធិការ​គណបក្ស​ប្រជាជន​កម្ពុជា​ខេត្ត​ស្វាយរៀង កាលពី​ថ្ងៃទី ​១៨ ខែតុលា ឆ្នាំ ​២០២៥ ដោយ​មាន​ការ​ចូលរួម​ពី ​ឯកឧត្តម លោកជំទាវ លោក លោក​ស្រី ជា​មន្ត្រី​ក្រុមការងារ​ថ្នាក់កណ្តាល ថ្នាក់​ខេត្ត ស្រុក ក្រុង ចុះ​ជួយ​ខេត្ត​ប្រមាណ​ជាង ​១០០ ​នាក់ ផង​ដែរ។

ទាក់ទង​​នឹង​ស្ថានភាព សន្តិសុខ និង​សេដ្ឋកិច្ច សម្តេច​ បាន​បញ្ជាក់ថា បើទោះជា​ប្រទេស​ថៃ​បង្ក​ភាព​អសកម្ម​មកលើ​កម្ពុជា គ្រប់​សកម្មភាព គិត​រហូតមកដល់​បច្ចុប្បន្ន ក្រោម​ការ​ដឹកនាំ​របស់​ សម្ដេច​តេ​ជោ ហ៊ុន សែន​ ប្រធានព្រឹទ្ធសភា និង ​សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី​ នៃ​កម្ពុជា រក្សា​បាន​នូវ​បូរណភាព​ទឹកដី​នៅ​គ្រប់​តំបន់ ដែល​ថៃ​ចូល​ទន្ទ្រាន​ឈ្លានពាន ក្នុង​នោះ រាជរដ្ឋាភិបាល ​រក្សាបាន​ល្អ​លើ​កំណើន​សេដ្ឋកិច្ច​ជាតិ បើទោះជា​ប្រទេស​ថៃ​បាន​បិទ​ច្រក​ទ្វារ​ព្រំដែន​អន្តរជាតិ​ដោយ​ឯកតោភាគី​ក្តី។

សម្ដេច​បាន​បញ្ជាក់​ទៀត​ថា រោងចក្រ សហគ្រាស និង​គ្រឹះស្ថាន​ផ្សេងៗ ដែល​កើតមាន​នៅតាម​មូលដ្ឋាន គឺជា​សមិទ្ធផលដែល​កកើត​ឡើង​ក្រោម​ការដឹកនាំ​របស់​គណបក្ស​ប្រជាជន​កម្ពុជា និង​រាជរដ្ឋាភិបាល ដូច្នេះ មន្ត្រី​បក្ស​គ្រប់​ឋានានុក្រម​ត្រូវ​ចូលរួម​អប់រំ​កម្មករ កម្មការិនី ឲ្យ​យល់​ពី​សារប្រយោជន៍ នៃ​រោងចក្រ សហគ្រាស និង​គ្រឹះស្ថាន ដើម្បី​ឲ្យ​ពួកគាត់​ចូលរួម​ថែរក្សា​ការពារ​សមិទ្ធផល​ទាំងនោះ​ឲ្យ​បាន​គង់វង្ស ដើម្បី​ទាញយក​ផលប្រយោជន៍​ពី ​រោងចក្រ សហគ្រាស ​និង​គ្រឹះស្ថាន​ទាំង​នោះ​មក​បម្រើ​ជីវភាព​ និង​អភិវឌ្ឍន៍​គ្រួសារ ខណៈ​ខេត្តស្វាយរៀង ​មាន​ក្រុមហ៊ុន​ចូល​មក​វិនិយោគ បង្កើត​ការងារ​ជូន​ពលរដ្ឋ​ក្នុង​ខេត្ត​ និង​ខេត្ត​ជិតៗ​ រាប់ពាន់​កន្លែង។

សម្តេច ​បាន​ណែនាំ​ដល់​មន្ត្រី​ក្រុមការងារ​ចុះជួយ​ស្រុក ក្រុង ត្រូវធ្វើ​ការអប់រំ​សតិអារម្មណ៍​ប្រជាពល​រដ្ឋ ពិសេស​យុវជន​ឲ្យ​ចូលរួម​អនុវត្ត​គោលនយោបាយ​ភូមិ​-ឃុំ​មាន​សុវត្ថិភាព និង​ថែរក្សា​សមិទ្ធផល​នានា​ដែល​កើតមាន​នៅតាម​មូលដ្ឋាន ដើម្បី​ជា​ប្រយោជន៍​រួម​ដល់​ពលរដ្ឋ​ក្នុង​ការ​ប្រើប្រាស់។

សម្តេច​ ក៏បាន​ជំរុញ​ដល់​រដ្ឋបាល​មូលដ្ឋាន សហការ​ជាមួយ​ក្រុមការងារ​ចុះជួយ​ស្រុក ឃុំ បន្ត​ចុះ​ចលនា​ពលរដ្ឋ ពិសេស​ពលករ​ដែល​មកពី​ថៃ ឲ្យ​ពួកគាត់​ទៅ​ទទួលយក​ការបណ្តុះបណ្តាល​ជំនាញ​វិជ្ជាជីវៈ ពី​វិទ្យាស្ថាន​បច្ចេកទេស​ភូមិភាគ​តេ​ជោ​ហ៊ុន សែន ស្វាយរៀង ដើម្បី​ទទួលបាន​ចំណេះដឹង​យកទៅ​រក​ការងារ​ធ្វើ ស្រូប​កម្រៃ​ពលកម្ម ដើម្បី​លើកស្ទួយ​ជីវភាព​គ្រួសារ និង​រួមចំណែក​អភិវឌ្ឍន៍​សង្គមជាតិ។

ទន្ទឹម​នឹង​នោះ​ដែរ សម្តេច​អនុប្រធាន​គណបក្ស ក៏បាន​ថ្លែង​នូវ​ការ​កោតសរសើរ​ចំពោះ ឯកឧត្តម លោកជំទាវ លោក លោកស្រី ជា​ក្រុមការងារ​ថ្នាក់កណ្តាល ថ្នាក់​ខេត្ត ស្រុក ក្រុង ដែល​កន្លងមក​បាន​ដឹកនាំ​អនុវត្ត​គោលនយោបាយ​គណបក្ស ក្នុង​កិច្ចការ ការពារ និង​ការងារ​អភិវឌ្ឍន៍​មូលដ្ឋាន​បានល្អ ធ្វើ​ឲ្យ​ពលរដ្ឋ និង​ក្រុម​អ្នក​វិនិយោគ មាន​ជំនឿ​មក​លើ​ការ​ដឹកនាំ​របស់​ សម្តេច​តេ​ជោ និង​សម្តេច​មហា​បវរ​ធិបតី ហ៊ុន ម៉ាណែត គ្រប់​កាលៈទេសៈ​ផង​ដែរ៕

អត្ថបទ ៖ វិមាន

The post សម្ដេច ម៉ែន សំអន ៖ ទោះបីថៃបិទច្រកទ្វារព្រំដែនអន្តរជាតិដោយឯកតោភាគីក្ដី ក៏កម្ពុជារក្សាបានល្អលើកំណើនសេដ្ឋកិច្ចជាតិ appeared first on Kampuchea Thmey Daily.

សម្ដេច​កិត្តិ​សង្គហ​បណ្ឌិត ម៉ែន សំអន ថ្លែង​បែបនេះ​ ក្នុង​ឱកាស​ទទួល​ជួប​គណៈប្រតិភូ​គណៈកម្មាធិការ​មជ្ឈិម​រណសិរ្ស​មាតុភូមិ​វៀតណាម ដែល​ដឹកនាំ​ដោយ ឯកឧត្តម ង្វៀន កុង​ធូ​យ Nguyen Cong Thuy អនុប្រធាន​គណៈកម្មាធិការ​មជ្ឈិម​រណសិរ្ស​មាតុភូមិ​វៀតណាម នៅ​សណ្ឋាគារ Tan Son Nhat ប្រទេស​វៀតណាម កាលពី​រសៀល ថ្ងៃ​អង្គារ ៧​ រោច ខែអស្សុជ ឆ្នាំម្សាញ់ សប្តស័ក ព​.​ស​. ២៥៦៩ ត្រូវ​នឹង ថ្ងៃទី​ ១៤ ខែតុលា ឆ្នាំ ២០២៥។

គួរ​រំលឹក​ផង​ដែរ​ថា ជំនួប​នេះ​អាច​ប្រព្រឹត្ត​ទៅ​បាន ខណៈពេលដែល សម្តេច ​អញ្ជើញ​ដឹកនាំ​គណៈ​ប្រតិភូ​ក្រុមប្រឹក្សា​ជាតិ​រណសិរ្ស​សាមគ្គី អភិវឌ្ឍន៍​មាតុភូមិ​កម្ពុជា ចូលរួម​កិច្ចប្រជុំ​លើក​ទី​ ៨ ស្តីពី​”​ការ​អនុវត្ត​គម្រោង​សាងសង់ ជួសជុល កែលំអ លើក​សោភ័ណភាព ស្តូប​មិត្តភាព​កម្ពុជា​-​វៀតណាម នៅ​ព្រះរាជាណាចក្រ​កម្ពុជា នៅ​ថ្ងៃស្អែក​នេះ៕

អត្ថបទ ៖ វិមាន

The post សម្ដេច ម៉ែន សំអន គាំទ្រដំណើរការសាងសង់ ជួសជុល កែលំអ លើកសោភ័ណភាព ស្តូបមិត្តភាពកម្ពុជា-វៀតណាម appeared first on Kampuchea Thmey Daily.

សម្ដេច​កិត្តិ​សង្គហ​បណ្ឌិត ម៉ែន សំអន ថ្លែង​បែបនេះ ​ក្នុងពេល​អញ្ជើញ​ជា​អធិបតី​ក្នុង​ពិធី​អភិសេកព្រះ​សេ​អា​មេត្រី ដែលមាន​ទីតាំង​ស្ថិតនៅ​ភ្នំ​ម្រោម ស្រុក​អង្គរជ័យ ខេត្តកំពត កាលពី​ព្រឹក​ថ្ងៃ​ពុធ ១១​រោច ខែស្រាព​ណ៍ ឆ្នាំម្សាញ់ សប្តស័ក ព​.​ស​.២៥៦៩ ត្រូវ​នឹង​ថ្ងៃទី​២០ ខែសីហា ឆ្នាំ​២០២៥។

សម្ដេច​កិត្តិ​សង្គហ​បណ្ឌិត ម៉ែន សំអន បាន​ថ្លែងថា សមិទ្ធផល​ថ្មី​នេះ​ មិន​ត្រឹម​ចាត់ទុកជា​ទីសក្ការៈ និង​ទុកជា​មជ្ឈមណ្ឌល​វប្បធម៌ សាសនា​ ប៉ុណ្ណោះ​ទេ​ ក៏បាន​ប្រែក្លាយ​តំបន់​នេះ​ទៅជា​តំបន់​ទេសចរណ៍​ប្រកបដោយ​ភាព​ទាក់ទាញ ពិសេស​បាន​ចូលរួមចំណែក​នៅក្នុង​កា​រ​លើកស្ទួយ​ខេត្ត​កំពត​តែម្ដង។

សូម​ជម្រាប​ផងដែរ​ថា ព្រះ​សេ​អា​មេត្រី បាន​ចំណាយពេល​សាងសង់​អស់​រយៈពេល​១០​ខែ និង​ចំណាយ​ថវិកា​អស់ ៩​ម៉ឺន​៧​ពាន់​ដុល្លារ ក្រោម​គំនិត​ផ្តួចផ្ដើម​កសាង​ដោយ សម្ដេច​កិត្តិ​សង្គហ​បណ្ឌិត ម៉ែន សំអន រួមជាមួយ ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ព្រមទាំង​ពុទ្ធបរិស័ទ​ជិត​ឆ្ងាយ​ទាំងអស់ បាន​មូលមតិ​គ្នា​កសាង​នូវ​សមិទ្ធផល​ថ្មី​នេះ​ឡើង ដើម្បី​ទុកជា​ទីសក្ការៈ និង​ទុកជា​មជ្ឈមណ្ឌល​វប្បធម៌ សាសនា។ ម្យ៉ាងទៀត ក៏បាន​ប្រែក្លាយ​តំបន់​នេះ​ក្លាយទៅជា​តំបន់​ទេសចរណ៍​ប្រកបដោយ​ភាព​ទាក់ទាញ ពិសេស​បាន​ចូលរួមចំណែក​នៅក្នុង​ការ​លើកស្ទួយ​ខេត្តកំពត ក៏ដូចជា​ការលើកស្ទួយ​នូវ​វិស័យ​ព្រះពុទ្ធសាសនា​នៅ​កម្ពុជា​ឱ្យ​កាន់តែ​មាន​ភាព​រីកចម្រើន​បន្ថែមទៀត​ផងដែរ៕

អត្ថបទ ៖ វិមាន

The post សម្ដេច ម៉ែន សំអន ៖ ការមូលមតិគ្នាកសាងសមិទ្ធផលថ្មីនេះឡើង ដើម្បីទុកជាទីសក្ការៈ និងទុកជាមជ្ឈមណ្ឌលវប្បធម៌ សាសនា ប្រែក្លាយតំបន់នេះជាតំបន់ទេសចរណ៍ appeared first on Kampuchea Thmey Daily.

សម្ដេច​កិត្តិ​សង្គហ​បណ្ឌិត ម៉ែន សំអន ឧត្ដម បាន​សម្តែង​ការគាំទ្រ​នេះ​ធ្វើឡើង​ក្នុងពេល​អញ្ជើញ​ចូល​ថ្វាយបង្គំ ថ្វាយ​ភួងផ្កា ថ្វាយ​របាំ ដល់​ព្រះ​ប្រតិមា​អង្គ​ថ្មី​ដែល​ទើប​ប្រទះឃើញ ដែលមាន​យកមក​តម្កល់​រក្សាទុក​នៅ​សារមន្ទីរ​ខេត្តកំពង់ធំ នា​ព្រឹក​ថ្ងៃអាទិត្យ ៨​រោច ខែស្រាព​ណ៍ ឆ្នាំម្សាញ់ សប្ដស័ក ព​.​ស​.២៥៦៩ ត្រូវ​នឹង​ថ្ងៃទី​១៧ ខែសីហា ឆ្នាំ​២០២៥។

ក្នុង​ឱកាស​នោះ​ក៏​មានការ​អម​ព្រះរាជដំណើរ ដោយ​សម្ដេចព្រះ​រាជបុត្រី ព្រះអនុជ នរោត្តម អរុណរស្មី រោ​ត្ត​ម អរុណរស្មី និង​អមដំណើរ​ដោយ លោក​ទេសរដ្ឋមន្ត្រី ថោង ខុន និង​លោក​អភិបាល​ខេត្ត អាជ្ញាធរ​ពាក់ព័ន្ធ​ អញ្ជើញ​ចូល​ថ្វាយបង្គំ ថ្វាយ​ភួងផ្កា ថ្វាយ​របាំ ដល់​ព្រះ​ប្រតិមា​អង្គ​ថ្មី​ដែល​ទើប​ប្រទះឃើញ។

នា​ឱកាស​ថ្វាយបង្គំ ថ្វាយ​ភួងផ្កា ថ្វាយ​របាំ ដល់​ព្រះ​ប្រតិមា​អង្គ​ថ្មី នោះ​ សម្ដេច​កិត្តិ​សង្គហ​បណ្ឌិត ម៉ែន សំអន បាន​បួងសួង​សូម​ឲ្យ​ប្រជាជន​ទូទាំងប្រទេស​កម្ពុជា​ ពិសេស​ថ្នាក់ដឹកនាំ​. កងទ័ព​អង់អាច​ក្លាហាន​កំពុង​ការពារ​បូរណភាព​ទឹកដី ទទួលបាន​សុខ​សុវត្ថិភាព សន្តិ​ភាពជា​រៀងរហូត។

លោក​ប្រធាន​មន្ទីរ​វប្បធម៌ ​និង​វិចិត្រសិល្បៈ​ខេត្តកំពង់ធំ សូម​ជម្រាប​ជូនដំណឹង​ដល់​សាធារណជន​ជ្រាបថា ព្រះ​ប្រតិមា​អង្គ​ថ្មី​ដែល​ទើប​រកឃើញ​នេះ នឹងដាក់​តាំង​បង្ហាញ​ក្នុង​អគារ​សារមន្ទីរ​ខេត្តកំពង់ធំ​ក្នុង​រយៈពេល​១​សប្ដាហ៍ ចាប់ពី​ថ្ងៃទី​១៧ ដល់​ថ្ងៃទី​២៣ ខែសីហា ឆ្នាំ​២០២៥ មុននឹង​ធ្វើការ​រក្សាទុក ដើម្បី​ធ្វើការ​សម្អាត និង​ជួសជុល មុននឹង​ដាក់​បង្ហាញ​ម្ដងទៀត៕

អត្ថបទ ៖ វិមាន

The post សម្ដេច ម៉ែន សំអន គាំទ្រចំពោះអាជ្ញាធរដាក់តាំងបង្ហាញព្រះប្រតិមាអង្គថ្មី ក្នុងអគារសារមន្ទីរ ដើម្បីពលរដ្ឋគោរពបូជា appeared first on Kampuchea Thmey Daily.

សម្តេច​កិត្តិ​សង្គហ​បណ្ឌិត សូម​សម្តែង​នូវ​មនោសញ្ចេតនា​យ៉ាង​ជ្រាលជ្រៅ​ជូន​ចំពោះ សម្ដេច​អគ្គ​មហា​ពញា​ចក្រី ហេង សំរិន ប្រធានកិត្តិយស​គណបក្ស​ប្រជាជន​កម្ពុជា​, ប្រធានកិត្តិយស​ក្រុម​ឧ​ត្ត​ម​ប្រឹក្សា​ផ្ទាល់​ព្រះមហាក្សត្រ និង​ជា​ប្រធានកិត្តិយស​ក្រុមប្រឹក្សា​ជាតិ​រណសិរ្ស​សាមគ្គី អភិវឌ្ឍន៍​មាតុភូមិ​កម្ពុជា ព្រមជាមួយ​អំណរ​សាទរ សូម​ប្រសិទ្ធិ​ពរជ័យ សិរី​សួស្តី មហា​ជ័យ​មង្គល និង​សូម​បួងសួង​ដល់​គុណបុណ្យ​ព្រះ​រតនត្រ័យ កែវ​ទាំងបី និង​វត្ថុ​ស័ក្តិសិទ្ធិ​ក្នុង​លោក ទេវតា​ថែរក្សា​ព្រះរាជាណាចក្រ​កម្ពុជា ទេវតា​ឆ្នាំ​ថ្មី ជូន​ចំពោះ សម្ដេច​អគ្គ​មហា​ពញា​ចក្រី ហេង សំរិន និង​សម្តេច​ធម្ម​វិសុទ្ធ​វង្សា សៅ ទី ហេង​សំរិន សូម​បាន​ប្រកបដោយ​សុខភាព​ល្អ​បរិបូរណ៍ សិរី​មង្គល វិបុល​សុខ មហាប្រសើរ​គ្រប់ប្រការ មាន​ជន្មាយុ​យឺនយូរ ដើម្បី​បានជា​ម្លប់​ដ៏​ត្រជាក់ យូរអង្វែង​តទៅ​៕

អត្ថបទ ៖ វិមាន​

The post សម្ដេច ម៉ែន សំអន គោរពជូនពរ សម្តេចអគ្គមហាពញាចក្រី ហេង សំរិន មានសុខភាពល្អ ព្រះជន្មាយុយឺនយូរ ក្នុងឱកាសចូលឆ្នាំថ្មី appeared first on Kampuchea Thmey Daily.