នៅក្នុងជំនួបដោយចៃដន្យនោះ សម្តេចកិត្តិសង្គហបណ្ឌិត ក៏បានពាំនាំនូវការផ្តាំផ្ញើសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចមហាបវរធិបតី ហ៊ុន ម៉ាណែត នាយកដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការសមាគមកាយឬទ្ធិនារីកម្ពុជា ជូនដល់ចៅៗ និង ក្មួយៗ នាពេលនេះ ដោយក្តីនឹករលឹក និង ការយកចិត្តទុកដាក់យ៉ាងជ្រាលជ្រៅបំផុត។ ជាមួយគ្នានេះផងដែរ សម្តេចកិត្តិសង្គហបណ្ឌិត ក៏តែងតែផ្សារភ្ជាប់នូវក្តីស្រឡាញ់ដល់ចៅៗ នៅគ្រប់ទីកន្លែង។

ក្នុងជំនួបចៃដន្យនោះ សម្តេចកិត្តិសង្គហបណ្ឌិត ក៏បានផ្តាំផ្ញើដល់ចៅៗ ដើម្បីជាទុនគំនិត និងជាត្រីវិស័យបង្ហាញផ្លូវ រួមមាន ៖ ១.ត្រូវខិតខំយកចិត្តទុកដាក់ក្រេបជញ្ជក់ចំណេះដឹង ទាំងចំណេះដឹងទូទៅ និង ជំនាញវិជ្ជាជីវៈ ទោះបីជាស្ថិតក្នុងកាលៈទេសៈលំបាកយ៉ាងណាក៏ដោយ ព្រោះមានតែការសិក្សាប៉ុណ្ណោះ ទើបអាចកែប្រែវាសនា និង អនាគតរបស់ខ្លួនឯង និង គ្រួសារបាន។ ២.ត្រូវយកចិត្តទុកដាក់លើការរស់នៅស្អាត ហូបស្អាត ផឹកស្អាត និង រក្សាអនាម័យខ្លួនប្រាណឱ្យបានល្អជាប្រចាំ ដើម្បីជៀសផុតពីជំងឺដង្កាត់ផ្សេងៗ ដែលធ្វើឱ្យខាតបង់ទាំងពេលវេលាសិក្សា និង ថវិកា។ ៣.ជៀសឆ្ងាយពីគ្រឿងញៀន និង អំពើអបាយមុខ ដាច់ខាតកុំប៉ះពាល់ ឬ សាកល្បងគ្រឿងញៀន ល្បែងស៊ីសង និង ការសេពគប់មិត្តភក្តិមិនល្អ ដែលនាំឱ្យខូចអនាគត និង បង្កភាពវឹកវរដល់សង្គមជាតិ។ ៤.ធ្វើជាកូនល្អ សិស្សល្អ និង ពលរដ្ឋល្អ ត្រូវមានសីលធម៌ រស់នៅមានគុណធម៌ ចេះគោរពចាស់ទុំ ស្តាប់បង្គាប់លោកគ្រូអ្នកគ្រូ អាណាព្យាបាល និង អ្នកមានគុណដែលបានជួយជ្រោមជ្រែង។ ៥.រក្សាស្មារតីតស៊ូ និង ក្ដីសង្ឃឹម ដោយមិនត្រូវបោះបង់ក្តីសង្ឃឹមក្នុងជីវិតឡើយ ត្រូវមានការអត់ធ្មត់ ភាពជឿជាក់លើខ្លួនឯង និង តស៊ូជម្នះរាល់ឧបសគ្គ ដើម្បីក្លាយជាទំពាំងស្នងឫស្សីដ៏រឹងមាំ និងជាធនធានមនុស្សដ៏មានតម្លៃសម្រាប់អភិវឌ្ឍន៍ប្រទេសជាតិនាពេលខាងមុខ។

គួររំលឹកផងដែរថា អង្គការផ្ទះបាយកុមារ គឺជាទីកន្លែងដ៏មានសារៈសំខាន់មួយ ដែលបាននិងកំពុងផ្តល់អាហារដោយឥតគិតថ្លៃជូនដល់កុមារប្រមាណពី ២០០ ទៅ ២៥០ នាក់ ជាប្រចាំរៀងរាល់ថ្ងៃ។ កុមារដែលទទួលបានការឧបត្ថម្ភទាំងនោះ ភាគច្រើនគឺជាកុមាររស់នៅតាមសួនសាធារណៈ កុមារគ្មានផ្ទះសម្បែង កុមារត្រូវរ៉ាប់រងបន្ទុករកស៊ីចិញ្ចឹមគ្រួសារ កុមារមិនមានការយកចិត្តទុកដាក់ថែរក្សាពីអាណាព្យាបាល និង កុមារអនាថារស់នៅក្នុងតំបន់អនាធិបតេយ្យនានាក្នុងរាជធានីភ្នំពេញ។

ទន្ទឹមនោះដែរ សម្តេចកិត្តិសង្គហបណ្ឌិត ក៏បានឧបត្ថម្ភដល់ លោកគ្រូ-អ្នកគ្រូ ចំនួន ១៥ នាក់ ក្នុង ១ នាក់ ថវិកា ៣ ម៉ឺនរៀល និង ចំពោះក្មេងៗ ជាង ១០០ នាក់ ក្នុងម្នាក់ៗ ថវិកា ១ ម៉ឺនរៀល៕

អត្ថបទ ៖ វិមាន

The post សម្តេច ម៉ែន សំអន ជួបចៃដន្យជាមួយកុមារជាង ១០០ នាក់ នៃអង្គការផ្ទះបាយកុមារ ហើយបានផ្តល់ក្តីអាណិតស្រឡាញ់ដ៏សែនកក់ក្តៅ appeared first on Kampuchea Thmey Daily.

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈពេលអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី ១ ឆ្នាំ ២០២៦ និង ទិសដៅការងារបន្តរបស់គណៈចលនាមហាជន កាលពីរសៀលថ្ងៃចន្ទ ៧ រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី ៦ ខែកក្កដា ឆ្នាំ ២០២៦។

កិច្ចប្រជុំនេះបានប្រព្រឹត្តទៅនៅវិមាន ៧ មករា ទីស្នាក់ការកណ្តាលគណបក្សប្រជាជនកម្ពុជា ដោយមានការចូលរួមពី ឯកឧត្តម លោកជំទាវ អនុប្រធាន សមាជិក សមាជិកា អគ្គលេខាធិការ អគ្គលេខាធិការរង និង មន្រ្តីគណបក្ស សរុបប្រមាណ ៤៥ រូប។

ឯកឧត្តម ហ៊ុន ម៉ានី សមាជិកគណៈអចិន្រ្តៃយ៍គណៈកម្មាធិការកណ្តាល និងជាអគ្គលេខាធិការ នៃអគ្គលេខាធិការដ្ឋានគណៈចលនាមហាជន និង លោក នួន ផារ័ត្ន សមាជិកគណៈកម្មាធិការកណ្តាល និងជាអគ្គលេខាធិការរង បានធ្វើរបាយការណ៍សង្ខេបអំពីសកម្មភាពការងារក្នុងឆមាសទី ១ ឆ្នាំ ២០២៦ កន្លងមក ដែលរួមមានវឌ្ឍនភាពការងារពីគ្រប់គណៈចលនាជំនាញ អគ្គលេខាធិការដ្ឋាន រចនាសម្ព័ន្ធចលនាមហាជនទូទាំងប្រទេស និង ការងារតាមដានសភាពការណ៍ និង សតិអារម្មណ៍មហាជន ព្រមទាំងទិសដៅការងារបន្ទាប់ជូនអង្គប្រជុំ។

មានមតិដឹកនាំទៅកាន់អង្គប្រជុំ សម្តេចកិត្តិសង្គហបណ្ឌិត ប្រធានគណៈចលនាមហាជន បានធ្វើការថ្លែងអំណរគុណជូនដល់សមាជិក សមាជិកាគ្រប់រចនាសម្ព័ន្ធដែលបានខិតខំប្រឹងប្រែងបំពេញភារកិច្ចជូនគណបក្សកន្លងមក។ សម្តេច ក៏បានដាក់ចេញនូវអនុសាសន៍ដឹកនាំសម្រាប់ការងារឆមាសបន្ទាប់ជូនដល់សមាជិក សមាជិកា អគ្គលេខាធិការដ្ឋាន និងគ្រប់រចនាសម្ព័ន្ធទាំងអស់បន្តអនុវត្ត ដើម្បីធានាប្រសិទ្ធភាព និងទទួលបានជោគជ័យជូនគណបក្សលើការបោះឆ្នោតនាពេលខាងមុខផងដែរ។

សូមបញ្ជាក់ថា កិច្ចប្រជុំក៏ទទួលបានការចូលរួមមតិយោបល់លើរបាយការណ៍វឌ្ឍនភាព ក៏ដូចជាការសង្កេតសភាពការណ៍សតិអារម្មណ៍មហាជន ពីសំណាក់ឯកឧត្តម លោកជំទាវ សមាជិក សមាជិកាគណៈចលនាមហាជន នៃគណៈកម្មាធិការកណ្តាលជាច្រើនរូបផ្សងទៀតផងដែរ៕
អត្ថបទ ៖ វិមាន

The post សម្តេច ម៉ែន សំអន ៖ គ្រប់រចនាសម្ព័ន្ធត្រូវបន្តខិតខំប្រឹងប្រែងបំពេញភារកិច្ចជូនគណបក្សតាមអនុសាសន៍ថ្នាក់ដឹកនាំ ដើម្បីបម្រើពលរដ្ឋជាកត្តាចម្បង appeared first on Kampuchea Thmey Daily.

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ក្នុងពេលអញ្ជើញជាអធិបតីក្នុងពិធី ប្រគេន ទៀនព្រះវស្សា ព្រះសង្ឃគង់ចាំព្រះវស្សាអស់ត្រីមាស នៅចំនួន១៩វត្ត នៅខេត្តស្វាយរៀង ដែលបានរៀបចំឡើងនៅវត្តព្រៃឆ្លាក់ ស្ថិតក្នុងក្រុងស្វាយរៀង ខេត្តស្វាយរៀង នាព្រឹកថ្ងៃសៅរ៍ ៥រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី៤ ខែកក្កដា ឆ្នាំ២០២៦។

‎តាមទំនៀមជាប្រពៃណីនៃព្រះពុទ្ធសាសនាព្រះសង្ឃគ្រប់ព្រះអង្គទាំងឡាយ គ្រប់វត្តអារាម ក្នុងព្រះរាជាណាចក្រកម្ពុជា ត្រូវនិមន្តចូលកាន់ព្រះវស្សាអស់ថេរវេលា ៣ខែ ចាប់តាំងពីថ្ងៃ ១រោច ខែអាសាធ តទៅ ដល់ថ្ងៃ១៥កើត ខែកត្តិក)។

‎ពិធីបុណ្យនេះដែរ ក៏មានជួបជុំពុទ្ធបរិស័ទនមស្សការព្រះរតនត្រ័យ និមន្តព្រះសង្ឃ ចម្រើនព្រះបរិត្ត ដើម្បីឧទ្ទិសមហា កុសលផលបុណ្យ ជូនដល់ញ្ញាតិការទាំង ៧សន្តាន និងបុព្វការីជនដែលបានចែកឋានទៅកានបរមលោកខាងមុខ មកទទួលយកផល្លាអានិសង្ឃ ដែលកើតចេញ អំពីបុណ្យក្នុងថ្ងៃនេះ តាមបែបប្រពៃណីព្រះពុទ្ធសាសនា ដែលជាសាសនារបស់រដ្ឋ។

ទេយ្យទានដែលបានវេរ និងប្រគេនដល់ព្រះសង្ឃដល់វត្តទាំង៣រួមមាន ៖ ទៀនព្រះវស្សា (ក្បាច់) ១គូ, អង្ករ ២បាវ, ទឹកសុទ្ធ ៥កេសតូច, ទឹក COCA ២ កេស, ទឹក IZE ទឹកក្រូច ២ កេស, ទឹក IZE ២កេស, ទឹក WURKZ ២កេស, ទឹក EXPREZ ២កេស, អំពូល សូឡា ៣ គ្រាប់, សាប៊ូក្រូចឆ្មា ៣ធុង, សាប៊ូលាងចាន ២កេស, សាប៊ូលាងបន្ទប់ទឹក ១ កេស, ទឹកដោះគោខាប់ ១ កេស, ទឹកដោះគោខ្ទិះ ១កេស, ទឹកដោះគោឆៅ ២កេស, ត្រីខ ១កេស, ស្ករស ៥គីឡូក្រាម, ខ្ទឹមស ២ គីឡូក្រាម, ខ្ទឹមក្រហម ៥គីឡូក្រាម, ទឹកស៊ីអ៊ីវ ៥យួរ, ទឹកត្រី ៥យួរ, ប៊ីចេង ៥គីឡូក្រាម, មីកញ្ចប់ ៥កេសតូច, ធូប ២ ដុំ, ត្រីងៀត ៥គីឡូក្រាម និងទៀនក្រមួន ២ គីឡូក្រាម៕
អត្ថបទ ៖ វិមាន

The post សម្តេច ម៉ែន សំអន ៖ រាជរដ្ឋាភិបាល បានចាត់ទុកព្រះពុទ្ធសាសនាគឺជាសាសនារបស់រដ្ឋ appeared first on Kampuchea Thmey Daily.

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈអញ្ជើញជួបសំណេះសំណាល និងនាំយកអំណោយរបស់ សម្តេចតជោ ឧបត្ថម្ភជូនដល់គ្រួសារអតីតយុទ្ធជនចំនួន ២៥គ្រួសារ ដែលរស់ខេត្តស្វាយរៀង ដែលបានរៀបចំឡើងនៅក្នុងវត្តព្រៃឆ្លាក់ខេត្តស្វាយរៀង នាព្រឹកថ្ងៃសៅរ៍ ៥រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី៤ ខែកក្កដា ឆ្នាំ២០២៦។

សម្តេចកិត្តិសង្គហបណ្ឌិត បានពាំនាំនូវប្រសាសន៍សាកសួរសុខទុក្ខ ប្រកបដោយមនោសញ្ចេតនានឹករលឹក និងការដឹងគុណយ៉ាងជ្រាលជ្រៅបំផុតពីសំណាក់ សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់អតីតយុទ្ធជន និងគ្រួសារទាំងអស់ ដែលជានិច្ចកាល សម្តេចទាំងទ្វេ តែងតែមានការនឹករលឹក និងបារម្ភពីសុខទុក្ខ ព្រមទាំងជីវភាពរស់នៅរបស់អតីតយុទ្ធជននៅគ្រប់ទីកន្លែង ដោយមិនទុកឱ្យបងប្អូនណាម្នាក់រស់នៅដោយអត់ឃ្លាន ហើយគ្មានការជួយឧបត្ថម្ភដោះស្រាយនោះឡើយ។

សម្តេចកិត្តិសង្គហបណ្ឌិត បានគូសបញ្ជាក់បន្ថែមថា «បងប្អូនអតីតយុទ្ធជន គឺជាអ្នកដែលមានគុណបំណាច់យ៉ាងធំធេងចំពោះជាតិមាតុភូមិ។ គឺជានិមិត្តរូបនៃលះបង់ សាច់ស្រស់ ឈាមស្រស់ ក្នុងការតស៊ូ រំដោះជាតិ និងចូលរួមអនុវត្តនយោបាយឈ្នះ-ឈ្នះ នាំមកនូវសុខសន្តិភាពពេញលេញ ជូនដល់ប្រជាជាតិកម្ពុជារហូតដល់សព្វថ្ងៃ»។

ដើម្បីជួយសម្រាលបន្ទុកជីវភាពចំពោះមុខ សម្តេចកិត្តិសង្គហបណ្ឌិត ក៏នាំបានប្រគល់ជូននូវអំណោយដ៏ថ្លៃថ្លារបស់ សម្តេចតេជោ ដល់គ្រួសារអតីតយុទ្ធជនទាំង ២៥គ្រួសារ ដោយក្នុងមួយគ្រួសារៗទទួលបាន៖ អង្ករ ១បេ, មីយើង ១កេស, ទឹកត្រី ១យួរ, ទឹកស៊ីអ៊ីវ ១យួរ, ត្រីខ ១យួរ, សារុង ១, ក្រម៉ា ១, អំពូល សឡា ២ ថ្នាំពេទ្យ ១កញ្ចប់ និង ថវិកា ២០ម៉ឺនរៀល។

ជាការឆ្លើយតបនឹងកាយវិការសប្បុរសធម៌ដ៏ឧត្តុង្គឧត្តមនេះ ក្រុមគ្រួសារអតីតយុទ្ធជនទាំងអស់ បានសម្តែងនូវក្តីរំភើបរីករាយ និងសេចក្តីដឹងគុណយ៉ាងជ្រាលជ្រៅបំផុត ជូនចំពោះ សម្តេចតេជោ ហ៊ុន សែន និងថ្នាក់ដឹកនាំសមាគមអតីតយុទ្ធជនគ្រប់លំដាប់ថ្នាក់ ដែលតែងតែផ្តល់ភាពកក់ក្តៅ និងមិនដែលបោះបង់បងប្អូនអតីតយុទ្ធជនចោលក្នុងគ្រាលំបាកនោះឡើយ ព្រមទាំងបានបួងសួងជូនពរដល់សម្តេច និងថ្នាក់ដឹកនាំទាំងអស់ មានសុខភាពល្អបរិបូរណ៍ ដើម្បីបន្តដឹកនាំ និងជាម្លប់ដល់អតីតយុទ្ធជនតទៅមុខទៀត៕
អត្ថបទ ៖ វិមាន

The post សម្តេច ម៉ែន សំអន ៖ អតីតយុទ្ធជន គឺជាអ្នកមានគុណបំណាច់យ៉ាងធំធេងចំពោះជាតិមាតុភូមិមិនអាចបំភ្លេចបាន appeared first on Kampuchea Thmey Daily.

សម្តេចកិត្តិសង្គហបណ្ឌិត ក៏បានពាំនាំការផ្តាំផ្ញើនឹករលឹកពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន , សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត ជូន លោកស្រី រស់ សូយឿ និង លោកកិត្តិនីតិកោសលបណ្ឌិត ព្រមទាំងក្រុមគ្រួសារ ដោយសេចក្តីនឹករលឹក។

ជាការឆ្លើយតប លោកកិត្តិនីតិកោសលបណ្ឌិត អ៊ឹម ឈុនលឹម បានថ្លែងអំណរគុណយ៉ាងជ្រាលជ្រៅជូនចំពោះ សម្តេចតេជោ ហ៊ុន សែន , សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន , សម្តេចធិបតី ហ៊ុន ម៉ាណែត , លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដែលបានយកចិត្តទុកដាក់អំពីសុខទុក្ខរបស់ក្រុមគ្រួសាររបស់លោក និង សូមអរគុណ សម្តេចកិត្តិសង្គហបណ្ឌិត ម៉ែន សំអន ដែលបានអញ្ជើញមកសួរសុខទុក្ខដល់គេហដ្ឋាននាពេលនេះ។

ជាថ្មីម្តងទៀត សម្តេចកិត្តិសង្គហបណ្ឌិត ក៏សូមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក មហិទ្ធិឫទ្ធិ បុណ្យបារមីដ៏ខ្លាំងក្លា នៃទេវតារក្សាព្រះមហាស្វេតច្ឆត្រ ទេវតាថែរក្សាទឹកដី នៃព្រះរាជាណាចក្រកម្ពុជា សូមតាមជួយថែរក្សា អភិបាលប្រោះព្រំ លោកស្រី រស់ សូយឿ ឆាប់បានជាសះស្បើយ និង សូមទទួលបាននូវពរជ័យ បវរសួស្តី សិរីមង្គល វិបុលសុខមហាប្រសើរ និង សូមសមប្រកបនឹងព្រះពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
អត្ថបទ ៖ វិមាន

The post សម្តេច ម៉ែន សំអន បួងសួងសូមឲ្យភរិយា លោកកិត្តិនីតិកោសលបណ្ឌិត អ៊ឹម ឈុនលឹម ឆាប់ជាសះស្បើយ appeared first on Kampuchea Thmey Daily.

ការបួងសួងនេះធ្វើឡើង ខណៈពេល សម្តេចកិត្តិសង្គហបណ្ឌិត ម៉ែន សំអន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង ឧត្តមប្រឹក្សាផ្ទាល់ព្រះមហាក្សត្រ និង លោកជំទាវ នៅគេហដ្ឋានរបស់ សម្តេច ស្ថិតក្នុងខណ្ឌចំការមន រាជធានីភ្នំពេញ កាលពីរសៀលថ្ងៃពុធ ២ រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី ១ ខែកក្កដា ឆ្នាំ ២០២៦។

សម្តេចកិត្តិសង្គហបណ្ឌិត ក៏បានពាំនាំការផ្តាំផ្ញើនឹករលឹកពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន , សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត ជូន សម្តេចឥស្សរវិទេសបញ្ញា ហោ ណាំហុង និង លោកជំទាវ ព្រមទាំងក្រុមគ្រួសារដោយសេចក្តីនឹករលឹក។

សម្តេចឥស្សរវិទេសបញ្ញា ហោ ណាំហុង មានប្រសាសន៍ថា ក្រុមគ្រួសារពិតជាមានសេចក្តីរំភើបរីករាយយ៉ាងខ្លាំង មិនអាចយកអ្វីមកប្រៀបផ្ទឹមបានឡើយ និង សូមសម្តែងនូវការដឹងគុណយ៉ាងជ្រាលជ្រៅចំពោះ សម្តេចតេជោ ហ៊ុន សែន, សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន , សម្តេចធិបតី ហ៊ុន ម៉ាណែត , លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចំពោះសារផ្តាំផ្ញើរនូវការសាកសួរសុខទុក្ខ និង សូមអរគុណ សម្តេចកិត្តិសង្គហបណ្ឌិត ម៉ែន សំអន និង ប្រតិភូអមដំណើរ ដែលបានអញ្ជើញមកសួរសុខទុក្ខដល់គេហដ្ឋាន នាពេលនេះ។

សម្តេចកិត្តិសង្គហបណ្ឌិត ក៏បានបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក មហិទ្ធិឫទ្ធិ បុណ្យបារមីដ៏ខ្លាំងក្លា នៃទេវតារក្សាព្រះមហាស្វេតច្ឆត្រ ទេវតាថែរក្សាទឹកដី នៃព្រះរាជាណាចក្រកម្ពុជា សូមតាមជួយថែរក្សា អភិបាលប្រោះព្រំ សម្តេចឥស្សរវិទេសបញ្ញា ហោ ណាំហុង និង លោកជំទាវ ព្រមទាំងក្រុមគ្រួសារ សូមទទួលបាននូវពរជ័យ បវរសួស្តី សិរីមង្គល វិបុលសុខមហាប្រសើរ និង សូមសមប្រកបនឹងព្រះពុទ្ធពរទាំង ៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
អត្ថបទ ៖ វិមាន

The post សម្តេច ម៉ែន សំអន បួងសួងសូមឲ្យ សម្តេច ហោ ណាំហុង និង លោកជំទាវ មានសុខភាពល្អ ជន្មាយុយឺនយូរ appeared first on Kampuchea Thmey Daily.

គួររំលឹកផងដែរថា នៅឆ្នាំនេះ ទិវាមច្ឆជាតិ នឹងត្រូវប្រារព្ធធ្វើនៅទន្លេវ៉ៃគោ ជាលើកទី ០២ នៅថ្ងៃទី ០១ ខែកក្កដា ឆ្នាំ ២០២៦ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហើយដែលលើកទី ០១ បានប្រព្រឹត្តទៅកាលពីឆ្នាំ ២០១១ (ទិវាមច្ឆជាតិ លើកទី ០៩) ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី។

ទិវាមច្ឆជាតិ ធ្វើឡើងក្នុងគោលបំណង ដើម្បីផ្សព្វផ្សាយ និង បំផុសស្មារតីឱ្យប្រជាពលរដ្ឋនៅទូទាំងប្រទេស ចូលរួមអភិរក្ស និង អភិវឌ្ឍន៍ធនធានជលផល ប្រកបដោយនិរន្តរភាព សំដៅបង្កើនផលស្តុកមច្ឆជាតិ ដើម្បីបំពេញសេចក្តីត្រូវការអាហារមូលដ្ឋានប្រចាំថ្ងៃ ធានាសន្តិសុខស្បៀង និង ជួយទ្រទ្រង់ជីវភាពប្រជាពលរដ្ឋ។ ជារៀងរាល់ឆ្នាំ ត្រីមេពូជ កូនត្រី និង វារីសត្វពូជក្នុង ស្រុកប្រមាណ ៥ លានក្បាល ត្រូវបានលែងចូលទៅក្នុងដែនទឹកធម្មជាតិ៕
អត្ថបទ ៖ វិមាន

The post សម្តេច ម៉ែន សំអន ចុះពិនិត្យទីតាំងប្រារព្ធពិធីទិវាមច្ឆជាតិ នៅទន្លេវ៉ៃគោ appeared first on Kampuchea Thmey Daily.

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ក្នុងពេលអញ្ជើញនាំយកទៀនព្រះវស្សាប្រគេនព្រះសង្ឃគង់ចាំព្រះវស្សាអស់ត្រីមាស នៅចំនួន ៥ វត្ត គឺ វត្តក្រចេះក្រុង វត្តភ្នំសំបុក វត្តវិហារសសរ១០០ វត្តវិហារគោក និង វត្តវិហារលាវ ស្ថិតក្នុងខេត្តក្រចេះ កាលពីព្រឹកថ្ងៃអាទិត្យ ១៤ កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹង ថ្ងៃទី ២៨ ខែមិថុនា ឆ្នាំ ២០២៦។

បើយោងទៅតាមទំនៀមជាប្រពៃណី នៃព្រះពុទ្ធសាសនា ព្រះសង្ឃគ្រប់ព្រះអង្គទាំងឡាយ គ្រប់វត្តអារាម ក្នុងព្រះរាជាណាចក្រកម្ពុជា ត្រូវនិមន្តចូលកាន់ព្រះវស្សាអស់ថេរវេលា ៣ខែ ចាប់តាំងពីថ្ងៃ ១រោច ខែអាសាធ តទៅ ដល់ថ្ងៃ១៥កើត ខែកត្តិក)។

ពិធីបុណ្យនេះដែរ ក៏មានជួបជុំពុទ្ធបរិស័ទនមស្សការព្រះរតនត្រ័យ និមន្តព្រះសង្ឃ ចម្រើនព្រះបរិត្ត ដើម្បីឧទ្ទិសមហា កុសលផលបុណ្យ ជូនដល់ញ្ញាតិការទាំង ៧សន្តាន និងបុព្វការីជនដែលបានចែកឋានទៅកាន់បរមលោកខាងមុខ មកទទួលយកផល្លាអានិសង្ឃ ដែលកើតចេញអំពីបុណ្យក្នុងថ្ងៃនេះ តាមបែបប្រពៃណីព្រះពុទ្ធសាសនា ដែលជាសាសនារបស់រដ្ឋ។

ទេយ្យទានដែលបានវេរ និងប្រគេនដល់ព្រះសង្ឃដល់វត្តទាំង៣រួមមាន៖ ទៀនព្រះវស្សា (ក្បាច់) ១គូ, អង្ករ (១០០គីឡូ), ទឹកសុទ្ធកម្ពុជា ៥ កេសតូច, ទឹក COCA ២ កេស, ទឹក IZE ទឹកក្រូច ២ កេស, ទឹក IZE ទំពាំងបាយជូរ ២ កេស, ទឹក WURKZ ២ កេស, ទឹក EXPREZ ២ កេស, អំពូល សូឡា ៣ គ្រាប់, សាប៊ូលាងចាន កញ្ចប់ ២ កេស, សាប៊ូលាងបន្ទប់ទឹក ១ កេស, ទឹកដោះគោខាប់ ១ កេស, ទឹកដោះគោ ១ កេស, ទីដោះគោឆៅ ២ កេស, សាប៊ូម្សៅ ៣ ធុង, នំ Hanami ៣ កេស, ប្រេងឆា 230 ml ៦ កេស, ប្រេងឆា 1000 ml ២ ដប, ទឹកស៊ីអ៊ីវ ២ យូរ, ទឹកត្រី ២យួរ, អំបិល ២ គីឡូ 21. ស្កសរ ២ គីឡូ, ខ្ទឹមសរ ២ គីឡូ, ប៊ីចេង ២ គីឡូ, មីកញ្ចប់ ៣ កេស, ធូប ២ ដុំ, និង ទៀនក្រមួន ២ គីឡូក្រាម។

សម្តេចកិត្តិសង្គហបណ្ឌិត និងប្រតិភូអមដំណើរ ក៏បានអញ្ជើញថ្វាយគ្រឿងសក្ការៈដល់ព្រះនាងក្រពុំឈូក និងទីសក្ការៈបារមីលោកជំទាវ «កន្ទោងខៀវ» ដើម្បីសុំសេចក្តីសុខសេចក្តីចម្រើនជូនដល់ថ្នាក់ដឹកនាំគ្រប់លំដាប់ថ្នាក់ ក៏ដូចជាប្រជាពលរដ្ឋនៅទូទាំងប្រទេសកម្ពុជា សូមមានភាពសម្បូរណ៍សប្បាយគ្រប់ៗ ក្រុមគ្រួសារ ជាពិសេសសូមឱ្យប្រទេសជាតិជៀសផុតពីជំងឺកាចសាហាវផ្សេងៗ និងមានការរីកចម្រើនលើគ្រប់វិស័យ៕
អត្ថបទ ៖ វិមាន

The post សម្តេច ម៉ែន សំអន បួងសួងសុំសេចក្តីសុខសេចក្តីចម្រើនជូនដល់ថ្នាក់ដឹកនាំគ្រប់លំដាប់ថ្នាក់ ក៏ដូចជាប្រជាពលរដ្ឋនៅទូទាំងប្រទេសកម្ពុជា appeared first on Kampuchea Thmey Daily.