លោក​ ឌិត ទីណា មាន​ប្រសាសន៍​ថា​ ដោយ​ពិនិត្យ​ឃើញ​ថា​សហគមន៍​កសិកម្ម​នា​ពេល​បច្ចុប្បន្ន​​ប្រឈម​នឹង​បញ្ហា​​ជា​ច្រើន តាំង​ពី​បញ្ហា​កង្វះ​ដើម​ទុន​ ការ​ដឹក​នាំ កង្វះ​ឥណទាន​ក្នុង​ការ​ប្រាក់​ទាប​ ចង្វាក់​ផលិត​កម្ម​ និង​ការ​ផលិត​មាន​ថ្លៃ​ដើម​ខ្ពស់​ និង​បញ្ហា​ទី​ផ្សារ ដូច្នេះ​រាជរដ្ឋាភិបាល​កម្ពុជា​ មាន​ទស្សនៈ​ទាន​ជំរុញ​ឲ្យ​បង្កើត​សហគមន៍​កសិកម្ម​ទំនើប​ដែល​មាន​កម្រិត​សមាហរណកម្ម​ខ្ពស់ ប្រមូល​ផ្តុំ​ប្រជាកសិករ​ ក្រោម​យន្តការ​ផលិត​កម្ម​កសិកម្ម​តែ​មួយ សំដៅ​ធ្វើ​យ៉ាង​ណា​ឲ្យ​មាន​សេដ្ឋកិច្ច​មាត្រដ្ឋាន។

លើស​ពី​នេះ​ទៀត ការ​បង្កើត​សហគមន៍​កសិកម្ម​ទំនើប​នេះ គឺ​បាន​រួម​ចំណែក​និង​ផ្ដល់​ផល​ប្រយោជន៍​ជា​ច្រើន​ដល់​ប្រជាកសិករ​ ដោយ​ក្នុង​នោះ​កសិករ​ទទួល​បាន​ដូច​ជា ការ​គាំទ្រ​ផ្នែក​បច្ចេកទេស ហេដ្ឋារចនាសម្ពន្ធ​ និង​មធ្យោបាយ​ផលិត​កម្ម ទំនើប ការ​ពិភាក្សា​យោបល់ និង​ការ​គ្រប់គ្រង​មុខ​ជំនាញ​ ទទួល​បាន​​ឥណទាន​ការប្រាក់​ទាប​សំដៅ​ធ្វើ​យ៉ាង​ណា​ជួយ​កាត់​បន្ថយ​ថ្លៃ​ដើម​ផលិត​កម្ម​ឲ្យ​មាន​ប្រសិទ្ធភាព​ខ្ពស់​អាច​ប្រកួត​ប្រជែង​នៅ​លើ​ទីផ្សារ​នៃ​ប្រទេស​ដទៃ​ទៀត​បាន​។

ជាក់ស្ដែង ចាប់​តាំង​ពី​ឆ្នាំ​២០០៣ រហូត​មក​ដល់​ពេល​បច្ចុប្បន្ន​នេះ​ កម្ពុជា​មាន​សហគមន៍​កសិកម្ម​ប្រមាណ​ជា ១២៥១ ក្នុង​នោះ​មាន​សមាជិក​សរុប​ ១៧​ម៉ឺន​នាក់​។ ប៉ុន្តែ​ ចំណោម​សហគមន៍​សរុប​ទាំងអស់ សហគមន៍​កសិកម្ម​រឹងមាំ​គឺ​មាន​​តែ​ ២១៧​សហគមន៍​ប៉ុណ្ណោះ​។ ហើយ​សហគមន៍​ទាំង​អស់​មាន​ដើម​​ទុន​សរុប​ ២៦លាន​ដុល្លារ បើ​គិត​ជា​មធ្យម​ភាគ គឺ​មាន​តែ​ ២ម៉ឺន​ដុល្លារ​ ក្នុង​មួយ​សហគមន៍​។

បន្ថែម​ពី​នេះ​ លោក ឌិត ទីណា បាន​អះអាង​ដែរ​ថា នៅ​ក្នុង​ដំណាក់​កាល​ដំបូង​ ​នៃ​​​កម្មវិធី​គោល​នយោបាយ​អាទិភាព​ទី៥ និង​ទី៦​ របស់​រាជរដ្ឋាភិបាល នីតិកាលទី៧ នៃ​រដ្ឋសភា ក្រសួង​កសិកម្ម​ រុក្ខ​ប្រមាញ់ និង​នេសាទ ក៏​បាន​ត្រៀម​រៀប​ចំ​សហគមន៍​កសិកម្ម​ទំនើប​ សម្រាប់​ដំណាំ​យុទ្ធសាស្ត្រ​ចំនួន ៤​ ដែល​រួម​មាន ​បន្លែ​ ស្រូវ ស្វាយចន្ទី និង​ម្រេច ផង​ដែរ៕

The post លោក ឌិត ទីណា៖ ការបង្កើតសហគមន៍កសិកម្មទំនើបរួមចំណែកផ្ដល់ផលប្រយោជន៍ដល់កសិករ appeared first on Kampuchea Thmey Daily.

នៅក្នុងឱកាសនោះ លោកបណ្ឌិត យ៉ង សាំងកុមារ មានប្រសាសន៍ថា ដើម្បីឲ្យការអនុវត្តកិច្ចសន្យានេះ ទទួលជោគជ័យតម្រូវស្រូវគ្រប់គ្រាន់ ស្រូវមានគុណភាព និងផ្គត់ផ្គង់ទាន់ពេលវេលា ជាដើម។

លោកថា គិតត្រឹមថ្ងៃទី ១៩ ខែកក្កដា ឆ្នាំ ២០២៣នេះ ក្រសួងកសិកម្ម រុក្ខាប្រមាញ់ និងនេសាទ បានដឹកនាំរៀបចំឲ្យមានកិច្ចសន្យាកសិកម្ម រវាងសហគមន៍ និងក្រុមកសិករចំនួន ១០៦ នៅចំនួន ១០ខេត្ត ជាមួយរោងម៉ាស៊ីន និងក្រុមហ៊ុនចំនួន ១៤ ដែលមានកសិករចំនួន ៨,៦២៦ គ្រួសារចូលរួមជាមួយផ្ទៃដីផលិតកម្មស្រូវសរុបចំនួន ២៨,៣១៨ហិកតា និងបរិមាណស្រូវចំនួន ៧៨,៨៩៨តោន។

បើតាមលោកបណ្ឌិត យ៉ង សាំងកុមារ នៅមានកិច្ចសន្យាកសិកម្មបន្តថែមទៀត សម្រាប់រដូវធ្វើស្រែ ២០២៣នេះ។ សម្រាប់អាណត្តិថ្មី រាជរដ្ឋាភិបាលដឹកនាំដោយគណបក្សប្រជាជនកម្ពុជា ផ្តល់អាទិភាពដល់យន្តការកិច្ចសន្យាកសិកម្ម ដើម្បីដោះស្រាយបញ្ហាទីផ្សារ រក្សាលំនឹងថ្លៃកសិផល និងទុនជូនកសិករ និងដាក់ពង្រាយមន្រ្តីសម្របសម្រួលកសិកម្មនៅគ្រប់ឃុំ ដើម្បីគាំទ្រកសិករចងក្រងជាសហគមន៍ ចូលរូមកិច្ចសន្យាកសិកម្ម៕

The post សហគមន៍ចំនួន ១០ នៅស្រុកជើងព្រៃចុះកិច្ចសន្យាកសិកម្មជាមួយរោងម៉ាស៊ីនកិនស្រូវ appeared first on Kampuchea Thmey Daily.

បើតាម លោក ណុប នុន ប្រធានក្រុមប្រឹក្សាភិបាល សហគមន៍កសិកម្មតាសីសាមគ្គី បានមានប្រសាសន៍ថា ទោះបីជាស្ថិតក្នុងស្ថានភាព នៃការរីករាលដាលនៃជំងឺឆ្លងកូវីដ-១៩ក៏ដោយ ក៏សហគមន៍នៅតែអាចបង្កើនចំនួនបញ្ជាទិញ និងការផ្គត់ផ្គង់បន្លែសុវត្ថិភាព ទៅកាន់ទីផ្សារប្រមាណជាង ៧២០តោន ក្នុងឆ្នាំ ២០២១ ដែលចំនួននេះបានកើនឡើងរហូតដល់ទៅ ៤០% បើធៀបទៅនឹងឆ្នាំ២០២០ និងបានផ្តល់ឱកាសការងារ ជូនដល់សមាជិកបានប្រមាណជាង ១៨០គ្រួសារ និងទទួលបានប្រាក់ចំណូលជាមធ្យមប្រមាណ ៥០០ដុល្លារក្នុង ១ខែ។

លោកបានបន្តថា សហគមន៍កសិកម្មតាសីសាមគ្គី មានទីតាំងស្ថិតក្នុងភូមិតាសី ឃុំតាម៉ឺន ស្រុកថ្មគោលខេត្តបាត់ដំបង បានចុះបញ្ជីនៅមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង នាថ្ងៃទី១៤ ខែកញ្ញា ឆ្នាំ ២០១៧ មានសមាជិកចំនួន ៩២គ្រួសារ (ស្រ្តី ៣៦នាក់) មានភាគហ៊ុនចំនួន ២០០ហ៊ុន និងមានទុនសរុបចំនួន ១០លានរៀល។ បច្ចុប្បន្ននេះ សមាជិកកើនឡើងរហូតដល់ទៅ ១២៩គ្រួសារ (ស្រ្តី ៣៥ នាក់) មានផ្ទៃដីដាំដុះបន្លែ ៣៧ហិកតា មានភាគហ៊ុនចំនួន ៩០១ហ៊ុន ទុនកើនឡើងដល់ទៅ ៥២លានរៀល។

លោកបានបន្តទៀតថា ក្រៅពីនេះ សហគមន៍មានធនធានជាទ្រព្យសម្ភារៈមួយចំនួន សម្រាប់បម្រើក្នុងផលិតកម្ម និងអាជីវកម្មដូចជា៖ រោងដែកស័ង្កសីចំនួន ១ខ្នង សម្រាប់ប្រមូលផ្តុំ និងវេចខ្ចប់បន្លែ ឃ្លាំងត្រជាក់ចំនួន ១កន្លែង សម្រាប់ស្តុកបន្លែ ទូរកញ្ចក់ចំនួន ១ រថយន្តដឹកបន្លែចំនួន ៣គ្រឿង (ចំណុះ ២,៥ តោន ចំនួន ២ និងរថយន្ត ១២កៅអីចំនួន ១គ្រឿង) សម្រាប់ដឹកជញ្ជូនបន្លែទៅកាន់ទីផ្សារ។ ក្រៅពីដាំបន្លែ សហគមន៍ក៏មានសេវាផ្តល់ឥណទាន ការផ្គត់ផ្គង់ធាតុចូលកសិកម្ម ទីផ្សារ (ទិញ និងលក់បន្លែសុវតិ្ថភាព) និងផ្តល់សេវាកម្មសាងសង់ផ្ទះសំណាញ់ និងសេវាកម្មផ្សេងៗទៀត។

លោក ណុប នុន បានឲ្យដឹងថា សមាជិកសហគមន៍ទាំងអស់ កំពុងដាំដុះបន្លែសុវត្ថិភាពក្នុងផ្ទះសំណាញ់ជាង ២០មុខ រួមមាន៖ ស្ពៃខៀវ ស្ពៃបូកគោ ស្ពៃក្ដោប ស្ពៃក្រញាញ់ខ្មែរ ស្ពៃហាង ស្ពៃតឿ ស្ពៃក្រញាញ់ផ្អែមម៉ាទ្បេស៊ី ស្ពៃចង្កឹះ ខាត់ ណាដើម ខាត់ណាផ្កា ត្រសក់ ត្រឡាច ជីរណា និងប៉េងបោះ។ល។ អាចផ្គត់ផ្គង់បន្លែ ឲ្យទីផ្សារបានរាល់ថ្ងៃសម្រាប់រយៈពេលពេញ ១ឆ្នាំនូវបន្លែចំនួន ៨មុខ គឺស្ពៃក្តោប ខាត់ណាផ្កា ខាត់ណាដើម ស្ពៃហាង ស្ពៃ ក្រញាញ់ ស្ពៃ ក្រញាញ់ផ្អែមម៉ាទ្បេស៊ី  ស្ពៃតឿ និងស្ពៃចង្កឹះ ក្នុងបរិមាណចន្លោះពី ១-២តោន ទៅកាន់ទីផ្សារក្នុងខេត្ត និងរាជធានីភ្នំពេញចំនួន ១០ ហើយទទួលបានប្រាក់ចំណូលជាមធ្យមប្រមាណ ១ ៥០០ ០០០រៀលក្នុង ១ថ្ងៃ។

លោកបានបន្ថែមទៀតថា សហគមន៍មានផែនការដាំបន្លែចំនួន ៣មុខបន្ថែមទៀត ដើម្បីផ្គត់ផ្គង់ទីផ្សារគឺប៉េងបោះឆេរីក្រហម និងលឿង ប៉េងបោះហាវៃ និងម្ទេសហាវៃក្រហម និងលឿងផងដែរ ដោយសហការជាមួយសាកលវិទ្យាល័យភូមិន្ទកសិកម្ម ដើម្បីធ្វើការពិសោធន៍ស្រាវជ្រាវ ហើយនៅក្នុងឆ្នាំ ២០២១ សហគមន៍បានចុះកិច្ចសន្យា ផ្គត់ផ្គង់បន្លែសុវត្ថិភាពជាមួយផ្សារ និងភោជនីយដ្ឋានចំនួន ១៩ នៅរាជធានីភ្នំពេញ និងខេត្តបាត់ដំបង។

ក្នុងចំណោមកិច្ចសន្យាផ្លូវការទាំងអស់ សហគមន៍បានចុះកិច្ចសន្យាជាមួយផ្សារ និងក្រុមហ៊ុនចំនួន៧ នៅរាជធានីភ្នំពេញ រួមមានក្រុមហ៊ុនរ៉េមិច (REMIC) ចំនួន ៣៥តោន ផ្សារអាលីម៉ង់ចំនួន ៥តោន និងផ្សារចំនួនប្រាំផ្សេងទៀត ក្នុងបរិ មាណប្រមាណ ១០តោន។ ក្រៅពីនេះ សហគមន៍បានចុះកិច្ចសន្យាមិនផ្លូវការជាមួយផ្សារ និងភោជនីយដ្ឋានចំនួន ១២ ទៀត នៅរាជធានីភ្នំពេញ និងខេត្តបាត់ដំបង ដើម្បីផ្គត់ ផ្គង់បន្លែសុវត្ថិភាពប្រមាណ ១០តោន/ឆ្នាំ។ សហគមន៍ ក៏បានទទួលទិញបន្លែសុវត្ថិភាពពីសហគមន៍កសិកម្មចំនួន ១០ នៅខេត្តបាត់ដំបង ប៉ៃលិន និងបន្ទាយមានជ័យ ដើម្បីជួយដោះស្រាយបញ្ហាទីផ្សាររបស់សហគមន៍កសិកម្មទាំងនោះផងដែរ។

លោក ណុប នុន បានបញ្ជាក់ថា ក្រៅពីការដាំដុះបន្លែសម្រាប់ផ្គត់ផ្គង់ទីផ្សារ សហគមន៍បានបង្កើតក្រុមអ្នកបច្ចេកទេស សាងសង់ផ្ទះសំណាញ់ ជូនដល់កសិករនៅទូទាំងប្រទេសចំនួនមួយក្រុម ដែលមានសមាជិកចំនួន ២៥នាក់ ភាគច្រើនជាអ្នកធ្វើចំណាកស្រុកទៅប្រទេសថៃ។ ជាក់ស្តែងនៅឆ្នាំ២០២០-២០២១ សហគមន៍សង់ផ្ទះសំណាញ់បានចំនួន ១១៦ខ្នង ជូនសមាជិក និងកសិករក្រៅសហគមន៍ ក្នុងតម្លៃ ៨ដុល្លារ/ម៉ែត្រ ការ៉េ ផ្ទះសំណាញ់ទំហំ ១០ម x ២៥ម កំពស់ ៤,៥ម គឺមានតម្លៃ ២ ០០០ដុល្លារ។ ក្រៅពីផ្តល់សេវាសាងសង់ផ្ទះសំណាញ់ សហគមន៍បានជួយបង្រៀនបច្ចេកទេសដាំដុះបន្លែ ដល់កសិករផងដែរ។

លោកក៏បានជូនបទពិសោធន៍ថា ដើម្បីទទួលបានស្ថិរភាពតម្លៃ និងស្ថិរភាពទីផ្សារ “កសិករត្រូវដាំបន្លែដែលទីផ្សារត្រូវការ និងអនុវត្តបច្ចេកទេសបានត្រឹមត្រូវ សិក្សាពីតម្រូវការទីផ្សារ ស្វែងរកដៃគូអាជីវកម្ម ប៉ាន់ប្រមាណសមត្ថភាពផ្គត់ផ្គង់ឲ្យទីផ្សារ រៀបចំផែនការនៃការដាំ ដុះ និងប្រមូលផល។

គួរបញ្ជាក់ថា ក្នុងរយៈពេល ៥ឆ្នាំ សហគមន៍សម្រេចបាននូវសមិទ្ធផលសំខាន់ៗចំនួន ៣គឺ ៖ ទី១៖ បង្កើនសមត្ថភាព ក្នុងការគ្រប់គ្រងសហគមន៍ គ្រប់គ្រងអាជីវកម្ម និងហិរញ្ញវត្ថុត្រូវបាន ពង្រឹងតាមរយៈការបណ្តុះបណ្តាល ពីសំណាក់មន្រ្តីជំនាញបច្ចេកទេស របស់នាយកដ្ឋានអភិវឌ្ឍន៍សហគមន៍កសិកម្មនៃអគ្គនាយកដ្ឋានកសិកម្ម និងស្ថាប័នដៃគូផ្សេងៗ ទៀត។

ទី២៖ ទទួលការគាំទ្រហិរញ្ញប្បទាន ពីធនាគារអភិវឌ្ឍន៍ជនបទ និងកសិកម្មចំនួន ៣៧ម៉ឺនដុល្លារ និង ១០ម៉ឺនដុលា្លរពី គម្រោងជំរុញទីផ្សារ សម្រាប់កសិកម្មខ្នាតតូច(AIMS)។ តាមរយៈហិរញ្ញប្ប ទាននេះ សហគមន៍បានពង្រីកអាជីវកម្ម កសាងការិយាល័យ ឃ្លាំងស្តុកបន្លែ រថយន្តបំពាក់ដោយទូរត្រជាក់ និងសម្ភារមួយចំនួនទៀតសម្រាប់អនុវត្តការងារ និងពង្រីកអាជីវកម្ម។ ទី៣៖ មានគំនិតផ្តួចផ្តើមក្នុងការពង្រឹងមុខរបរ ដែលមានស្រាប់ និងបង្កើតមុខរបរថ្មី ដើម្បីបង្កើតឱកាសការងារ កាត់បន្ថយចំណាកស្រុក និងបង្កើនប្រាក់ចំណូលជូនដល់សមាជិក។

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចាត់ទុកផលិតកម្មកសិកម្មតាមកិច្ចសន្យា បាននិងកំពុងដើរតួនាទីជាស្ពានចម្លង រវាងកសិករ ឬអ្នកផលិតជាមួយវិស័យឯកជន ដើម្បីជួយជំរុញកំណើនផលិតកម្មកសិ កម្ម តាមរយ:ការធានាបរិមាណផ្គត់ផ្គង់គុណភាព និងសុវត្ថិភាពផលិតផលទីផ្សារនិងតម្លៃ។ មិនតែប៉ុណ្ណោះ ភាគីប្រមូល ទិញ ក៏នឹងជួយជាបច្ចេកទេសផ្គត់ផ្គង់ធាតុចូលកសិកម្ម ឥណទាន ព័ត៌មាន និងសេចក្តីត្រូវរបស់ទីផ្សារ៕

អត្ថបទ៖ សំអឿន

The post ឆ្នាំនេះការបញ្ជាទិញបន្លែសុវត្ថិភាពពីសហគមន៍ មានការកើនឡើង ៤០ភាគរយ appeared first on Kampuchea Thmey Daily.

អង្គការ​សុខភាព​ពិភពលោក (WHO) បាន​សម្ដែង​ការ​ព្រួយបារម្ភ​ថា ​កូវីដ​ត្រូវ​បាន​រីក​រាលដាល​ជាទូទៅ លើ​ក្រុម​មនុស្ស​មាន​អាយុពី ២០ ទៅ ៤០ ឆ្នាំ ដែល​ពួកគេ​ភាគច្រើន​មិន​បាន​ដឹង​អំពី​ការ​ឆ្លង។ ប្រការ​នេះ​ធ្វើ​ឲ្យ​​ក្រុម​មនុស្ស​ទាំងនោះ ​​​ចុះ​ខ្សោយ​លឿន ​និង​កាន់​តែ​ងាយ​ឆ្លង Delta។

ដោយឡែក​សម្រាប់​ប្រទេស​កម្ពុជា​យើង​វិញ ខណៈ Deltaកំពុង​រាលដាល​ឆ្លង​​ចូល​ក្នុង​សហគមន៍​កាន់​តែ​ច្រើន​ ក្នុង​នោះ​ដែរ​ គេ​ក៏​​ឃើញ​យុវវ័យ​និង​យុវជន​ស្រករក្រោយ ​ដែល​និយម​ភ្លើតភ្លើន​ពពាក់ពពូន​ប្រមូល​ផ្ដុំ​គ្នា​ តាម​ហាង​កាហ្វេ​ ហាង​អាហារ​ហូបចុក​ ហាង​ផឹកស៊ី​និង​កន្លែង​ផ្សេងៗ​ទៀត ​កកកុញ​មនុស្ស​មិន​ភ័យខ្លាច​មេរោគ​សូម្បី​តែ​បន្តិច​ណា។

ចូល​មក​ដល់​ពេល​វេលា​នេះ​អ្នកណា​ក៏​មាន​ហានិភ័យ​ដែរ បើ​មិន​ចេះ​ការពារ​ខ្លួន មិន​ប្រយ័ត្ន និង​មើល​ស្រាល​ជំងឺ​គិត​ថា​មិន​អី។ បើ​យុវជន​ម្នាក់ៗ​មើល​រំលង​វិធីសាស្ត្រ​របស់​ក្រសួងសុខាភិបាល​ ហើយ​គិត​ថា ឲ្យ​តែ​ពាក់​ម៉ាស​បាញ់​អាកុល​ពេល​ចេញ​ក្រៅ​ គឺ​បាន​ហើយ នោះ​វីរុស​បំប្លែង​ខ្លួន Delta នឹង​វាយលុក​ក្នុង​សហគមន៍​កាន់​តែ​ខ្លាំងក្លា​ជាង​មុន​ទ្វេដង។

បើ​ទោះ​បី​ជា​យើង​ ត្រូវ​រស់នៅ​ជាមួយ​មេរោគ​ក្ដី​ តែ​យើង​ក៏​ត្រូវ​ចេះ​ការពារ​ខ្លួនឯង ​និង​អ្នក​ជុំវិញ​ខ្លួន ចេះ​ប្រុងប្រយ័ត្ន​និង​មាន​វិន័យ​ក្នុង​ការ​រស់នៅ ​ក្នុង​សម័យ​រាតត្បាត​នេះ។

យុវវ័យ ជា​ទំពាំង​ស្នង​ មិនមែន​ជា​ជន​ចម្លង​​មេរោគ​ទៅ​កាន់​គ្រួសារ​ឡើយ។ ចូរ​ធ្វើអ្វី​ឲ្យ​មាន​ប្រយោជន៍ ​ជួយ​ដល់​ប្រទេស​ជាតិ ​ក្នុង​វិបត្តិ​នេះ។ ម្នាក់ៗ​ត្រូវ​ទទួលខុស​ត្រូវ​លើ​ខ្លួនឯង​រៀងៗ​ខ្លួន ទាំង​ទំនួល​ខុស​ត្រូវ​សង្គម និង​ទំនួល​ខុសត្រូវ​សម្រាប់​គ្រួសារ​ ៕ 

អត្ថបទ៖ សាង ស្រីល័ក្ខ

ចុចអាន៖សភាពការណ៍កំពុងខិតចូលបន្ទាត់ក្រហម ពលរដ្ឋម្នាក់ៗ មានទំនួលខុសត្រូវយ៉ាងណា ដើម្បីជួយសង្គម

ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់

ចុចអាន៖អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ

The post យុវវ័យ បើនៅតែមើលស្រាល នោះ Delta នឹងវាយលុកក្នុងសហគមន៍​ កាន់តែខ្លាំងក្លាជាងមុន appeared first on Kampuchea Thmey Daily.

តាម​របាយការណ៍​ដដែល​បាន​បញ្ជាក់​ថា គិត​ត្រឹម​ឆ្នាំ​២០២០​នេះ សហគមន៍​កសិកម្ម​រំដួល​សាមគ្គី​មានជ័យ​ម្លូព្រៃពីរ ស្ថិតនៅឃុំម្លូព្រៃពីរ ស្រុកឆែប ខេត្តព្រះវិហារ មានសមាជិកចំនួន ១១១ គ្រួសារ បានចុះ​កិច្ចសន្យា​រួមគ្នាផលិតស្រូវលក់ជូនក្រុមហ៊ុន Signature of Asia ក្នុងបរិមាណប្រមាណ ៣៨៩ ០៥៣គីឡូ ក្នុង​នោះ​មាន​(១).ស្រូវផ្ការំដួលស្ងួត ៨២ ៥០​២​គីឡូ (២). ស្រូវ​ផ្កាម្លិះ​ក្រហម ស្ងួត ១៣៥ ៦៥០គីឡូ និង​(៣).ស្រូវសរ ស្ងួត ១៦៩ ៩០០គីឡូ។

សូមបញ្ចាក់ដែរថា ​តម្លៃ​ស្រូវ​ដែលក្រុមហ៊ុនផ្តល់ជូន​សហគមន៍​ រួមមាន៖ស្រូវផ្កាម្លិះក្រហម ស្ងួត លេខ១ មានតម្លៃ​១៥៥០រៀល​ក្នុង១គីឡូក្រាម ​និងស្រូវផ្កាម្លិះក្រហម ស្ងួត លេខ២ មានតម្លៃ១៤៧០រៀល ក្នុង​១គីឡូក្រាម ​៕

​

The post ស្រូវ​សហគមន៍​កសិកម្ម​រំដួល​សាមគ្គី​មានជ័យ​ម្លូព្រៃពីរ ទទួលតម្លៃរហូត១៥៥០រៀល appeared first on Kampuchea Thmey Daily.

ជាក់ស្តែងនៅព្រឹកថ្ងៃទី២១ ខែវិច្ឆិកា ឆ្នាំ២០២០ នេះ លោកឃួង ស្រេង អភិបាលរាជធានីភ្នំពេញ​និង​លោកស្រី ជា ស៊ីណា ឃួង ស្រេង បានចុះចែកម៉ាសរបស់សម្ដេចតេជោ ហ៊ុន សែន នាយក​រដ្ឋ​មន្ត្រី​កម្ពុជា​​ដល់តាមខ្នងផ្ទះនៅក្នុងសហគមន៍ក្រីក្រ នាភូមិអណ្តូង និងភូមិកប់ស្រូវតូច ស្ថិតក្នុងសង្កាត់គោករការ ខណ្ឌ​ព្រែកព្នៅ ដើម្បីបង្ការនិងទប់ស្កាត់ការឆ្លងកូវីដ-១៩ ។

លោកឃួង ស្រេង បានមានប្រសាសន៍ថា ម៉ាសដែលបានផ្ដល់ជូន គឺជាជាអំណោយ​របស់សម្ដេច​តេជោ​ហ៊ុន សែន នាយករដ្ឋមន្ត្រី​កម្ពុជា ផ្ដល់មករដ្ឋបាលរាជធានីភ្នំពេញ ជាម៉ាសដែលអាចបោកទឹកបាន។
​លោក​បានណែនាំឲ្យ​ប្រជាពលរដ្ឋរស់នៅមានអនាម័យ សំអាតខ្លួនប្រាណ ​លាងដៃជាមួយសាប៊ូ ជែល និងពាក់ម៉ាស ជាប្រចាំ ។

លោកលើកឡើងដែរថា ​ ព្រឹត្តិការណ៍​​​៣វិច្ឆិកា បានបិទបញ្ចប់ទាំងស្រុងហើយ តែវិធានការ​បង្ការ និងទប់​ស្កាត់​ការឆ្លងកូវីដ-១៩ ​នៅតែបន្តធ្វើ ទៅតាមការណែនាំរបស់ក្រសួងសុខាភិបាល ​ដោយសារថា យើងអាច​ភ្លេចកូវីដ-១៩ តែ​កូវីដ-១៩ មិនបានភ្លេចយើងនោះទេ៕

​អត្ថបទ ៖ ស្រីរ័ត្ន

The post អភិបាលរាជធានី ចែកម៉ាសជូនប្រជាពលរដ្ឋនៅក្នុងសហគមន៍ក្រីក្រ appeared first on Kampuchea Thmey Daily.