មុន​បញ្ចប់​បេសកកម្ម​នៅ​សៀមរាប មន្រ្តី​អ្នក​នាំ​ពាក្យ​ក្រសួង​កសិកម្ម រុក្ខា​ប្រមាញ់ និង​នេសាទបាន​ជួប​ដោយ​ចៃដន្យ ជា​មួយ​កសិករ​បារាំង​ម្នាក់​ដែល​បាន​ដាំ​ដុះ​ប្រភេទ​ដំណាំ​វ៉ានីឡានៅស្រុកបន្ទាយស្រី​។

កញ្ញា អ៉ឹម រចនា បាន​ឱ្យដឹង​ថា មុនឈានដល់ការដាំដំណាំវ៉ានីឡានេះ កាល​ដើម​ឡើយ​ដំណាំ​ស្រកានាគ​ធ្លាប់​ជា​ដំណាំ​ចម្បង​របស់​កសិករ​បារាំង​រូប​នេះ​ ប៉ុន្តែ​ដោយ​សារ​តែ​ឆ្នាំនេះ​មាន​បញ្ហា​ធាតុអាកាសក្ដៅខ្លាំង ស្រកានាគ​ពុំផ្ដល់​ផល។ ហេតុដូចនេះ លោក​ក៏​បាន​ឆ្លៀត​ពេល​រៀប​ចំ​ដី​សារឡើងវិញ និង​ដាំដំណាំផ្សេងទៀត ដូចជា​ក្រូច​ឡេម៉ុន ដើម Acai និងវ៉ានីឡា​ ជា​ដើម។

វ៉ានីឡាដែល​លោក Christophe Richard បាន​ដាំ​នៅ​ក្នុង​រោង ក៏រង​​ផល​​ប៉ះពាល់​ពី​កម្តៅ​ដែរ។ ប៉ុន្តែលោក Christophe Richard បាន​លើក​ឡើង​ថា «លោក​សំណាងល្អ​ដែល​ចេះ​ប្រមូល​ផល​វ៉ានីឡា​ស្តុក​ទុកកាល​ពីរដូវមុន សម្រាប់ល​ក់​ចេញ​នារ​ដូវនេះ»។

បើ​តាម​កញ្ញា អ៉ឹម រចនា ដំណាំវ៉ានីឡា​នៅ​ស្រុកខ្មែរមាន​ដាំតិចតួចបំផុត ហើយ​ភាគច្រើនជា​ការ​ដាំសាក​ល្បង។ អ្នក​ដាំវ៉ានីឡា​ភាគ​ច្រើន ពុំ​ចេះ​ច្នៃវ៉ានីឡា​ស្រស់ឲ្យ​ទៅជា​ផលិតផល​សម្រេចដើម្បីដាក់លក់លើទីផ្សារនោះ​ទេ៕

The post កសិករបារាំងនៅ​ស្រុកបន្ទាយស្រី ច្នៃលក់វ៉ានីឡា ត្រឹម ៣០០ ក្រាម ​បាន​​ជាង​ ១​ ពាន់​ដុល្លារ​អាមេរិក appeared first on Kampuchea Thmey Daily.

ម្ចាស់ទីតាំងនេះត្រូវបានគេស្គាល់ឈ្មោះថា អ្នកស្រី ហេង ចន្ថា ​បានចាប់ផ្តើមដំណើរការបានជាង ១ ឆ្នាំមកហើយ។

បើតាមម្ចាស់ទីតាំង​អ្នកស្រី ហេង ចន្ថា ថ្ងៃធម្មតាភ្ញៀវមក​កម្សាន្ត​ និងមក​ញាំ​អាហារ ផឹក​កាហ្វេ ក្នុងមួយថ្ងៃ ចន្លោះពី​ ១០០ នាក់ដល់ ៥០០ នាក់ និងនៅថ្ងៃបុណ្យទានអាចកើនដល់ពាន់នាក់ក្នុងមួយថ្ងៃ ។

អ្នកស្រីថា បច្ចុប្បន្នមានភ្ញៀវជិតឆ្ងាយមកកម្សាន្ត និង​ញាំ​កាហ្វេ​មិនដែលដាច់ទេ។ ការពេញនិយមរបស់ក្រុមយុវជននិងយុវនារីគឺនៅពេលព្រឹកនិងពេលថ្ងៃចាប់ពីម៉ោង ១១ ថ្ងៃដល់ល្ងាច ឬដល់យប់។ ក្រៅពីនេះក៏សម្បូរភ្ញៀវមក​ញាំ​អាហារជាលក្ខណះគ្រួសារ​ដោយ​ពួកគេ​ចូលចិត្តអង្គុយញាំ​អាហារផ្សេងៗ ថតរូបអនុស្សាវរីយ គយគន់​វាលស្រែ និងស្រូប​យក​ខ្សល់​អាកាសបរិសុទ្ធ ប្រកប​ដោយទឹកមុខស្រស់ស្រាយ រីករាយគ្រប់ៗគ្នា។

ទោះ​បី​គ្មានបទពិសោធន៍ពីអាជីវកម្ម​នេះ​​ពី​មុន​អ្នកស្រី ហេង ចន្ថា បាន​បញ្ជាក់ថា នេះជាលើកទីមួយក្នុងជីវិត​ដែល​អ្នកស្រី និងស្វាមីបានសម្រេចក្តីសុបិននេះទាំងមិនធ្លាប់មានបទពិសោធន៍កន្លងមក ហើយការរៀបចំ​ឌីហ្សាញទីតាំងគឺរៀបចំដោយខ្លួន​ឯងតាមការ​ស្រមៃ​ប៉ុណ្ណោះ។ ក្នុងនោះទាំងស្ពានដើរនិងតូបអង្គុយ​ញាំ​អាហារផ្សេងៗ​និងលំហែកាយ គឺ​ធ្វើ​ដោយ​ខ្លួនឯងដោយ​ប្រើប្រាស់​ឈើ​ចាស់ៗដែលអ្នកស្រី​មាននៅ​សល់យក​មកកែច្នៃ។

ទីតាំង​កន្លែង​កម្សាន្ត​នេះ​បាន​ដាំដុះស្រូវ និងផ្កា​ឈូកដើម្បីទាក់ទាញភ្ញៀវមកលេង​កម្សាន្តលើទំហំដី ១០ ហិកតា បង្កើត​ជា​រមនីយដ្ឋាន​តាមបែបធម្មជាតិ។

អ្នកស្រីបន្តថា ការ​បង្កើត​រមណីយដ្ឋាននេះ​ជាចំណែក បាន​​ជួយរកការងារ​និងប្រាក់ចំណូលដល់អ្នកភូមិ​កាត់បន្ថយសំណាកស្រុកដោយប្រថុយប្រថាន ដែល​បច្ចុប្បន្នហាង​អ្នកស្រីបាន​ទាញ​យក​បុគ្គលិក​ជាង ២០ នាក់ ដែលជាកូនអ្នកស្រុក​ភូមិ។ ក្នុងនោះអ្នកស្រីក៏បានទទួលទិញដូចជា មាន់ស្រែ​ពីអ្នក​ភូមិ​ចិញ្ចឹម ត្រី អន្ទង់ កង្កែប កំពិស ក្តាម ខ្សងជាដើម ដែលអ្នកភូមិរកបាននៅតាមបឹងនិង វាលស្រែ​យកមកលក់​ដល់ហាងជារៀងរាល់ថ្ងៃតែម្តង។

ដោយដំណើរការ​ចាប់បើកពី ម៉ោង ៧ ព្រឹក ដល់ម៉ោង១០យប់ ភ្ញៀវដែលមកលេង​កម្សាន្ត​និងញាំអាហារភាគច្រើន​ភ្ញៀវមកពីចម្ងាយ​បានឮតៗគ្នា និងបានដឹងតាមបណ្តាញសង្គមផង។ បើ​តាម​អ្នកស្រី ហេង ចន្ថា នៅ​ថ្ងៃខាងមុខអ្នក​ស្រី​នឹងពង្រីកកញ្ចុះ​អង្គុយ​លេង កន្លែង​ថតរូប​និងកន្លែង​កម្សាន្ត​ផ្សេងៗ​បន្ថែម​ទៀត។

ហាង​​ស្រែ​ស្រូវ​កាហ្វេស្ថិតនៅភូមិស្វាយជ្រំ ឃុំជ្រៃ ស្រុកថ្មគោល ខេត្តបាត់ដំបង បើធ្វើដំណើរពីរូបសំណាកលោកតាដំបងក្រញូងមកតាម​ផ្លូវជាតិ​លេខ ​៥ ចម្ងាយ ៧ គីឡូម៉ែត្រ រួច​បត់ឆ្វេង ៧០០ ម៉ែត្រនឹង​ទៅ​ដល់ទីតាំងនេះ៕

អត្ថបទ៖ សៅ សារិទ្ធ

The post កន្លែងកម្សាន្ត​មួយ​ កែច្នៃដាំស្រូវ ​ដាំឈូក​បង្កើតបរិយាកាស​ធម្មជាតិ ​ទាក់ទាញ​ទេសចររាប់រយ​នាក់ក្នុង​ ១ ថ្ងៃ appeared first on Kampuchea Thmey Daily.

ទេសចរណ៍​​កម្សាន្ត​ផ្សងព្រេង​ដោយរថយន្ត Jeep ដែល​បាន​បើកដំណើរការ​ជាង ១០ ឆ្នាំ នៅ​ខេត្ត​សៀមរាប ទាក់ទាញ​ច្រើន​​ភ្ញៀវទេសចរបរទេស ខណៈភ្ញៀវខ្មែរមានមួយៗដោយកម្រ។ នេះ​បើ​តាម​ការគូស​បញ្ជាក់ពីបុគ្គលិកក្រុមហ៊ុនផ្តល់សេវាកម្សាន្ត​ដោយ​រថយន្ត Jeep របស់ក្រុមហ៊ុន Adventures Cambodia។

ក្រៅពីទស្សនាប្រាសាទបុរាណ​ដែលជាគោលដៅចម្បងរបស់ទេសចរភាគច្រើន មគ្គុទ្ទេសក៍​ក្រុមហ៊ុន​បាន​ណែនាំដល់ភ្ញៀវគួរទៅ​ទស្សនាតំបន់ទេសចរណ៍​មួយកន្លែងលាក់ខ្លួន​នៅលើភ្នំគូលែន​ ដែលទេសចរ​ភាគច្រើនកម្រទៅដល់ដែលមានភាពអស្ចារ្យហើយ​ដែល​នឹង​ផ្តល់បទពិសោធន៍​ដ៏ចងចាំ​សម្រាប់​ទេសចរ​គ្រប់គ្នា៕

The post ជិះរថយន្ត Jeep រុកព្រៃទៅទស្សនាទីតាំងទេសចរណ៍​​​លាក់ខ្លួន​កម្រ​ភ្ញៀវទៅដល់​នៅលើ​ភ្នំគូលែន​ appeared first on Kampuchea Thmey Daily.