ត្រលប់ទៅខែតុលាវិញ Pete បានបង្អួតរូបថតបង្ហាញសាក់លើសាច់ថា “My girl is a lawyer ឬ មនុស្សស្រីរបស់ខ្ញុំគឺជាមេធាវី” សម្ដៅឲ្យ Kim ព្រោះនាងរៀនច្បាប់ ។

ពាក់ព័ន្ធនឹងបញ្ហានេះ អ្នកតាមដានធ្វើការសន្និដ្ឋានថា Pete បាញ់ឡេស័រលុបសាក់បាត់ទៅហើយ ។ ចំណែកសាក់មួយទៀតសរសេរថា “Jasmin and Aladdin” ដែលសម្ដៅលើស្នាមថើមលើកដំបូងរបស់ពួកគេក៏ត្រូវបាត់ដូចគ្នា ។

Pete ​ធ្លាប់ប្រាប់​ Kim ​ថា “ខ្ញុំ​មិន​ចង់​លុប​បំបាត់ ឬ​បិទបាំង​វា​ទេ គ្រាន់​តែ​ចង់​បាន​វា​ជាស្លាកស្នាមលើខ្ញុំប៉ុណ្ណោះ” ។ ជាក់ស្ដែងសាក់ចុងក្រោយជាឈ្មោះ Kim ក៏ Pete មិនទុកដែរ យ៉ាងណាក្ដីសាច់របស់លោកនៅតែបន្សល់ស្លាកស្នាមពីការលុបសាក់ដដែល ។ ​

បច្ចុប្បន្នតារាកំប្លែងវ័យ ២៩ ឆ្នាំរូបនេះ មានស្នាមសាក់លើស ៧០ ឌីសាញ ពាសពេញរាងកាយ ប៉ុន្តែលោកមានគម្រោងលុបវាទាំងអស់ពេលដល់អាយុ ៣០ ឆ្នាំ ដូច្នេះចាំតាមដានថាគាត់ពិតជាធ្វើតាមគម្រោងនេះឬយ៉ាងណា ៕

ប្រែសម្រួលដោយ ៖ វារី

ចុចអាន ៖ Travis Barker បង្ហាញស្នាមសាក់ថ្មី ជារូបភ្នែករបស់ Kourtney Kardashian

ចុចអាន ៖ អត្ថន័យសាក់ទាំង ១៧ កន្លែងរបស់ Selena Gomez 

The post Pete Davidson លុបសាក់ចោលអស់ ក្រោយបែកជាមួយ Kim Kardashian appeared first on Kampuchea Thmey Daily.

អាចារ្យធំ បានឲ្យ«កម្ពុជាថ្មី» ដឹងតាមរយៈប្រព័ន្ធតេឡេក្រាមថា​ ចាស់ពីដើមបានសាក់ជាជំនឿអាគមបារមី ជាប់លាប់​របស់​​មនុស្សខ្មែរតាំងពីសម័យបុរាណ សម័យមហានគររហូតមកដល់បច្ចុប្បន្នភាព ទោះបីនាសម័យមុនមានកើតសង្គ្រាម​​ណាមួយក៏ដោយ ប៉ុន្តែនៅសម័យនេះមិនអាចបាត់បង់ការសាក់នេះះបានដែរ ព្រោះវាបានផ្សារភ្ជាប់ជាមួយមនុស្សខ្មែរគ្រប់ជំនាន់មកហើយ។ 

«សាក់ទី១មានជំនឿថា នឹងញាំង​ខ្លួនឯងឲ្យក្លាយជាវិសេសជនណាមួយ មានយ័ន្តដើម្បីការពារឃុំគ្រងវាជាផ្លូវចិត្តមួយ។ ទី២ អបីយជំនឿដែលតពីដូនតាមកនោះ សាក់ដើម្បីបានគង់វង្សស្ថិតស្ថេរ ក្នុងនាមជាមរតកវប្បធម៏ខ្មែរកុំឲ្យបាត់ដានទៅ ថែររក្សាឲ្យគង់ និងបង្ហាញទៅឲ្យមហាជនទូទៅឬក៏ជាតិសាស្រ្តដទៃ តាមរយះពណ៌​សម្បុរ អត្ថសញ្ញាណតាមរយៈការសាក់លើខ្លួន បួកជាមួយយ័ន្តបុរាណនោះ»។ លោកអាចារ្យធំ បានបន្ថែមបែបនេះ។

ពាក់ព័ន្ធការសាក់យ័ន្តបានដិតដាមជាមួយផ្នត់គំនិតខ្មែររាប់​ពាន់​ឆ្នាំមកហើយ។ យ័ន្តទាំងអស់ត្រូវបានឧប្បត្តិក​ដោយ​អាគមគាថា បាលីដែលអ្នកប្រាជ្ញជំនាន់ចាស់លោកបានចងក្រងនៅក្នុងបរិបទនៃសម័យកាលនីមួយៗ។ យ័ន្តខ្លះប្រើសម្រាប់មេត្តា​មហានិយម យ័ន្តស្នេហ៏ យ័ន្តខ្លះសម្រាប់ការពារខ្លួន បញ្ជៀសអំពីអាវុធផ្សេងៗពីសត្រូវ ព្រូញ ស្នា ធ្នូ។ យ័ន្តខ្លះទៀតជាយ័ន្តស្បែកគង់ដែលគេគិតថាកាប់មិនមុត តាម​អត្ថន័យផ្សេងគ្នាទៅតាមប្រភេទ។

អាចារ្យធំ បានលើកឡើងទៀតថា បច្ចុប្បន្ន​យុវវ័យមួយចំនួនសាក់យ័ន្តគិតថាជាសិល្បៈ។ យ័ន្ត ៥ ជួរដែលថៃគេកាត់មកហៅថាយ័ន្តហាថែវ យ័ន្តមហាកម្រើក យ័ន្តប្រាំទិស មានន័យដូចម្តេច ពួកគេមិនបានដឹង តែចាក់ដោយសារមើលឃើញតារាហូលីហ្វូត អេន ជេលីណា សាក់យ័ន្ត ៥ ជួរស្អាត នោះមានទំនោរ ជោរតាមគ្នា តែមិនបានដឹងពីអត្ថន័យនៃរូបយ័ន្តនីមួយៗ។

បន្ថែមពីនេះ ចំពោះផ្នត់គំនិតមហាជនមួយចំនួនតូចដែលបានគិតថា មនុស្សមានសាក់សុទ្ធ​តែអ្នកលេង មនុស្សមិនល្អនោះ អាចារ្យធំបាននិយាយថា« គាត់បាននិយាយមកជាង ១០ ឆ្នាំហើយពីបញ្ហាមួយនេះ ខ្ញុំថាជាផ្នត់គំនិតអវិជ្ជមាន និងអាចមេរោគមួយដែលជ្រៀតជ្រែកចូលក្នុងសង្គមខ្មែរមួយធ្វើឲ្យយើងកើតមានគំនិតស្អប់ខ្ពើមនៅមរតនៅបុព្វការីជន វាយតម្លៃមនុស្សតែសំបកក្រៅ ដោយមើលតែសំបកសៀវភៅរហែកវាយតម្លៃដល់ខ្លឹមសារនៅក្នុងសៀវភៅ ដូច្នេះយើងមិនអាចទាយមនុស្សត្រឹមសំបកក្រៅថាល្អឬអាក្រក់នោះទេ»។ ទន្ទឹមនេះ អាចារ្យធំ បានគូសបញ្ជាក់ថា មិនមែនត្រឹមតែយ័ន្តទេ រហូតមាននៅពាក្យខ្លះៗ «កុំរៀនចាប៉ី ប្រយ័ត្ន​ខ្វាក់ភ្នែក គួរទៅរៀនហ្គីតា កុំផ្លុំខ្លុយប្រយ័ត្ន​សុំទាន ទៅផ្លុំសាក់សូហ្វូនបានកាលីប ទៅចុចតាខេអាហ្នឹងក្រ​ ទៅចុចអ័កបានកាលីបមានទីផ្សារ»។

អាចារ្យធំ លើកឡើងទៀតថា បើទោះបីអ្នកណាមានគំនិតល្អ ឬមិនល្អ វិជ្ជមានឬអវិជ្ជមានទាក់ទងទៅនឹងសិល្បៈនៃការសាក់រូប ជាសិទ្ធិ​របស់បុគ្គល។ តែសូមឲ្យមានការថ្លឹងថ្លែងបែងចែកឲ្យបានច្បាស់លាស់អំពីរឿងរួមជាចេនារបស់បុគ្គល​ណា​ម្នាក់ ដែលចង់ដែលរក្សាអភិរក្ខនៅយ័ន្ត និងចេនាមួយណាផ្សេងទៀត។

បច្ចុប្បន្ននេះ សិល្បៈនៃការសាក់រូបបានក្លាយជាការពេញនិយមខ្លាំង សម្រាប់មនុស្សទូទៅនៅលើពិភពលោក។ ការ​សាក់រូប​នៅលើផ្នែកផ្សេងៗនៃរាងកាយ ការសាក់រូបមានគ្រប់ម៉ូត គ្រប់ប្រភេទទៅតាមតែការកម្មងចង់បានរបស់យុវវ័យ។

អាចារ្យធំបាន​បញ្ជាក់ថា ជំនាញ​សាក់នេះ​អាច​ត្រូវ​បាន​រៀន​ពី​ជំនាន់​មួយ​ទៅ​ជំនាន់​មួយ​​តាមរយៈ​ព្រះសង្ឃ​ ឬ​គ្រូ​មន្តអាគម​ហើយ​ភាព​ស្អាត​អាស្រ័យ​លើ​ការ​រចនា​នៃ​អ្នក​ចាក់សាក់​។ ប៉ុន្តែ​អ្នក​ចាក់សាក់​ខ្លះ​មិន​ចេះ​សូត្រ​ប្រោះ​ព្រំ​មន្តអាគម​ទេ។

ការ​ចាក់​សាក់​យ័ន្ត​ត្រូវ​​បានគេ​ជឿ​ថា​នឹង​ការពារ​បាន​តាំងពី​គ្រាប់​កាំភ្លើង​រហូត​ដល់​ខ្មោច​ព្រាយ​បិសាច​ ការសាក់ដោយការប្រសិទ្ធិ ឬបញ្ចុះមន្តអាគមក្នុងការការពារខ្លួនពីអំពើរអាប ធ្មបផ្សេងៗ ​​អាស្រ័យ​ទៅ​លើ​ប្រភេទ​យ័ន្តនីមួយៗ។

អាចារ្យធំបាន​លើកទឹកចិត្តដល់មនុស្សខ្មែរថា «បើ​ចង់សាក់អ្វីក៏សាក់ទៅព្រោះជាសិល្បៈ ប៉ុន្តែសុំសាក់ឲ្យចំណេញសាក់ឲ្យ​មើលមកឃើញថាវាយកជាការបាន ដោយមិនត្រូវសាក់រូប កាំភ្លើង រូបកំបិត ពូថៅ ពាក្យពេចន៍​ណាដែលឆ្គាំឆ្គង ប្តូរមកសាក់​ជារូបយ័ន្តបុរាណ ឲ្យចំជាយ័ន្តបុរាណ សាក់ជារូបអប្សរា ល្ខោនខោល អង្គវត្ត ប្រាសាទបាយ័ន្ត ព្រោះកូណាអង្គជ័យវរ្ម័នទី៧ រូបផែនទីខ្មែរ អក្ខរក្រមនៃភាសារខ្មែរ  កុំឲ្យគេមើលមកសាក់ដែរតែប្រលាក់ជារឿងគ្មានប្រយោជន៍»៕

The post អាចារ្យ​ធំនិយាយពីការ​ចាក់សាក់​​ ប្រវត្តិ​រាប់ពាន់ឆ្នាំ​ មាន​អត្ថន័យផ្សេងៗ​គ្នា appeared first on Kampuchea Thmey Daily.

ចំពោះជនជាតិ ម៉ៅរី ការចាក់សាក់ត្រូវបានភ្ជាប់ទៅនឹងអារម្មណ៍នៃមោទកភាព និងកិត្យានុភាពក្នុងសង្គម ហើយការចាក់សាក់លើផ្ទៃមុខ ត្រូវជនជាតិនេះចាត់ទុកជារឿងអស្ចារ្យណាស់ ព្រោះវាបង្ហាញពីឋានៈសង្គមដ៏ខ្ពង់ខ្ពស់។

ជាធម្មតាផ្ទៃមុខស្ត្រីជនជាតិ ម៉ៅរី ត្រូវសាក់ត្រង់ចង្កា ឬភាសាដើមរបស់ពួកគេហៅថា “moko kauae” ។ ក្រៅពីចង្កា ស្ត្រីខ្លះក៏សាក់ត្រង់បបូរមាត់ផងដែរ។ ទំនៀមទម្លាប់ចាក់សាក់មួយនេះ មានដើមកំណើតតាំងពីសតវត្សរ៍ទី៥មកម្ល៉េះ ដែលវាចង់បង្ហាញពីតម្លៃរបស់ស្ត្រី ក៏ដូចជាបង្ហាញពីភាពស្រស់ស្អាតរបស់ពួកនាង ដើម្បីទាក់ទាញមនុស្សភេទផ្ទុយ។ មកទល់នឹងបច្ចុប្បន្ន ​ប្រសិនបើអ្នកទៅលេងប្រទេសនូវែលសេឡង់ អ្នកនឹងឃើញស្ត្រីជនជាតិ ម៉ៅរី ទាំងអស់សាក់ “moko kauae” គ្រប់គ្នាតែម្ដង។

យ៉ាងណាមិញ ក្រៅពីស្រ្តី បុរសនៃជនជាតិដើមភាគតិច ម៉ៅរី ក៏ចាក់សាក់លើដងខ្លួនផងដែរ។ ជាទូទៅបុរសៗសាក់នៅលើផ្ទៃមុខ កំប៉េះគូទ និងភ្លៅ។ ចំណែកស្ត្រីសាក់នៅលើបបូរមាត់ និងចង្កា។ ដោយឡែកផ្នែកផ្សេងទៀតនៃរាងកាយដែលគេសាក់ដែរនោះរួមមាន ថ្ងាស ភ្លៅ ក ខ្នង ពោះ និងកំភួនជើងជាដើម។

ប្រជាជន ម៉ៅរី ជឿថា នៅពេលណាមនុស្សមកពីកុលសម្ព័ន្ធផ្សេង បានឃើញរូបសាក់របស់ពួកគេ គេអាចអានរឿងរ៉ាវជាច្រើនរបស់ម្ចាស់ស្នាមសាក់បានយ៉ាងងាយ ហើយអាចប៉ាន់ស្មានថា ពួកគេមានភាពគ្រួសារបែបណាទៀតផង៕

ប្រែសម្រួល៖ សន្យា

ចុចអាន៖ វិធីថែរក្សាសម្រស់ដ៏ចម្លែករបស់ស្រ្តីកុលសម្ព័ន្ធនៅ មីយ៉ាន់ម៉ា

ចុចអាន៖ ស្ត្រីកុលសម្ព័ន្ធមួយ ពាក់ចានបបូរមាត់ឲ្យកាន់តែធំ បើចង់បានថ្លៃបណ្ណាការខ្ពស់

The post ទំនៀមទម្លាប់សាក់លើចង្កា និងបបូរមាត់ ដើម្បីទាក់ទាញភេទផ្ទុយ appeared first on Kampuchea Thmey Daily.

អ្នកស្រី Kerstin ​ជា​អ្នក​រត់​តាក់ស៊ី​​ម្នាក់​ដែល​មាន​ចំណង់​ចំណូល​ចិត្ត​លើ​ស្នាមសាក់។ កាលពី ៥ឆ្នាំមុន អ្នកស្រីមានស្នាមសាក់តែមួយនៅលើដៃប៉ុណ្ណោះ ប៉ុន្តែបច្ចុប្បន្ននេះ រាងកាយរបស់អ្នកស្រីបានគ្របដណ្តប់ដោយស្នាមសាក់ ៩០ភាគរយឯណោះ។

ក្នុងរយៈពេល ៥ឆ្នាំ Kerstin Tristan បាន​ប្រើ​លុយ​ដែល​​សន្សំ​បាន​ពី​ការ​រត់តាក់ស៊ី​ចំនួន ៤ម៉ឺនដុល្លារអាមេរិក ដើម្បី​ទទួល​ចាក់​​សាក់​ពាសពេញ​ខ្លួនប្រាណ។ ពីមុនអ្នកស្រីជាមនុស្សស្អប់ការទុកទឹកថ្នាំនៅលើរាងកាយខ្លាំងណាស់ ប៉ុន្តែដោយគិតថាការងារជាអ្នករត់តាក់ស៊ី គួរឱ្យធុញទ្រាន់ពេក ទើបអ្នកស្រីទៅទទួលសេវាចាក់សាក់ ដើម្បីឱ្យរាងកាយមានពណ៌ស្រស់ឆើតឆាយ ហើយក្រោយ​ពី​ទទួល​បាន​ស្នាម​សាក់​លើក​ដំបូង ស្ត្រីវ័យចំណាស់រូបនេះ បាន​ក្លាយ​ជា​មនុស្សញៀន​នឹង​ការ​សាក់។

Kerstin ជឿថាស្នាមសាក់បាននាំមកនូវថាមពលផ្លូវចិត្តដ៏អាថ៌កំបាំង និងជួយឱ្យមានអារម្មណ៍សប្បាយរីករាយ ហើយវាធ្វើឱ្យអ្នកស្រីក្មេងជាងវ័យជាមួយនឹងពណ៌ចម្រុះ។ បច្ចុប្បន្នរាងកាយទាំងមូលរបស់អ្នកស្រី Kerstin Tristan សុទ្ធតែស្នាមសាក់ គ្មានចន្លោះទេ លើកលែងតែមុខប៉ុណ្ណោះដែលនៅទំនេរ។

យ៉ាងណាមិញ ក្រោយពីការបង្ហោះរូបសាក់នៅលើផេកហ្វេសប៊ុកផ្ទាល់ខ្លួន  Kerstin Tristan ត្រូវមនុស្សជាច្រើនបានស្គាល់ ដូច្នេះហើយទើបអ្នកស្រីទទួលបានការផ្សាយពាណិជ្ជកម្មមួយចំនួន។ ចាប់តាំងពីពេលនោះមក អ្នកស្រីបានលាឈប់ពីការងារជាអ្នករត់តាក់ស៊ី ហើយចាប់អាជីពជាថតរូបសិល្បៈ និងទទួលផ្សព្វផ្សាយពាណិជ្ជកម្មផ្សេងៗ។ ប្រភពចំណូលទាំងនេះ បានជួយឱ្យអតីតអ្នករត់តាកស៊ីរូបនេះ មានជីវភាពរស់នៅប្រសើរជាងមុន៕

ប្រែសម្រួល៖ សន្យា

ចុចអាន៖ សេដ្ឋីនីចម្លែក​ ចូលចិត្ត​សាក់រូបមួយតំណាងឱ្យ​មិត្តប្រុសម្នាក់ៗលើរាងកាយ

ចុចអាន៖ រឿងរ៉ាវ ៨ យ៉ាងដែលយើងមិនដឹងពីតារា YouTube និង Instagram ដ៏មានប្រជាប្រិយ Jeffree Star

The post ហេតុតែស្រឡាញ់ ស្រ្តីរត់តាក់ស៊ី សន្សំលុយ៥ឆ្នាំ យកទៅចាក់សាក់ពេញខ្លួន appeared first on Kampuchea Thmey Daily.

ថ្ងៃនេះ កម្ពុជាថ្មី នឹងចែករំលែកនូវចំណេះដឹងដ៏មានអត្ថប្រយោជន៍ ទាក់ទងនឹងការចាក់សាក់ទាំង៥ តាម​រយៈ​ការ​ស្រាវជ្រាវ និង​បទពិសោធន៍​របស់​អ្នក​ជំនាញ​បរទេស។

១.​ទំហំ​អាស្រ័យ​តាម​ពេលវេលា

ជាទូទៅ ស្នាម​សាក់​ដែល​ធំ ឬមាន​ម៉ូដ​ច្រើន ត្រូវចំណាយពេលច្រើនដង ទើបរួចរាល់។ ដូចនេះ​ស្នាម​សាក់​របស់​អ្នក​ប្រហែលជាមិនទាន់រួចរាល់ពេញលេញទេ​ ក្នុងវគ្គដំបូង។ ដោយរូបសាក់​ផ្ទាំងធំៗ និង​ពណ៌​ច្រើន​អាច​ចំណាយ​ពេល​ពីរ​ដង។ បើសិនជា​ម៉ូដ​សាក់ពេញទាំងដៃទាំងមូល អាច​ចំណាយពេល​ដល់ទៅមួយខែ ហើយតម្លៃក៏ថ្លៃតាមនឹងដែរ។ សម្រាប់​ស្នាមសាក់​សាមញ្ញ តូចៗ ដូចជា រូបផ្កាយ ឬរូបបេះដូង ចំណាយពេលប្រហែល ៥នាទី ប៉ុណ្ណោះ។ ម្យ៉ាង អ្នក​ក៏​អាច​នាំ​មិត្តភក្តិ ឬអ្នកស្គាល់ដែលពួកគេធ្លាប់មាន​បទពិសោធន៍​ក្នុងការចាក់សាក់ ដើម្បីជួយណែនាំ និង​ចចារ​ជាមួយ​ជាង​សាក់​ចៀសវាង​ការ​ចាញ់​បោក​ក្នុង​ប្រការណាមួយ។

២.អ្នក​អាច​មាន​ប្រតិកម្ម​ជាមួយ​ទឹក​ថ្នាំ

អ្នកជំនាញខាង​សាល​ស្បែក​បាន​និយាយថា ប្រតិកម្ម​ចំពោះការចាក់សាក់ និងទឹកថ្នាំ​អាច​កើត​មាន​ចំពោះ​មនុស្សមួយចំនួន ប៉ុន្តែមិនកើតឡើងលើប្រភេទស្បែកមនុស្សជាទូទៅទេ។ ជាធម្មតា អ្នក​ដែល​មាន​ស្បែក​ងាយ​ប្រតិកម្ម​​ អាចមាន​បញ្ហា​ស្បែក​ក្នុង​អំឡុងពេល​ចាក់សាក់ ដូចជា​ដំណើរការ​សម្អាត និង​សម្លាប់​មេរោគ​ទៅ​លើ​ស្បែក មិន​ចាំ​បាច់​តែ​ប៉ះផ្ទាល់នឹងទឹកថ្នាំចាក់សាក់ឡើយ។ បើសិនជាអ្នកប្រឈមនឹងការ​អាឡ័កស៊ី​ស្បែក​ធ្ងន់ធ្ងរ​ បន្ទាប់ពី​ការ​ចាក់​សាក់​ដែល​មាន​រោគ​សញ្ញា​ដូចជា ស្នាម​កន្ទួល​រមាស់​ក្រហម​នៅលើស្បែក អ្នកអាច​ទៅ​ជួប​ពេទ្យ​សាល​ស្បែក​បាន។ បើ​តាម​វេជ្ជបណ្ឌិត​ជំនាញ គឺ​ថា​អាច​ព្យាបាល​បាន​ដោយ​គ្រាន់​តែ​ប្រើ​ថ្នាំ steroids និង គ្រីម hydrocortisone តាម​ការ​ណែនាំ។

៣. គ្រប់​អាយុ (ចាប់ពី១៨ ឆ្នាំ)

នៅតាមប្រទេសមួយ​ចំនួន បើ​សិន​ជា​ក្មេងក្រោម ១៨ ឆ្នាំ មិន​អនុញ្ញាត​ឱ្យ​ចាក់សាក់​បានទេ ដូច​ទៅ​នឹង​ភាពយន្ត១៨+ ឬ ភាពយន្ត​ភ័យរន្ធត់​ជាដើម។ ប៉ុន្តែ​បើ​ក្នុង​ប្រទេស​ដែល​មិន​កំណត់​អាយុ អ្នក​មាន​បំណង​ចាក់​សាក់ ត្រូវ​ឆ្លង​កាត់​ការ​អនុញ្ញាត​ពី​អាណាព្យាបាល​សិន។

៤. ត្រួតពិនិត្យ​សម្ភារៈ​ចាក់​សាក់

អ្នកត្រូវ​ប្រាកដថា​ ជាង​សាក់​ប្រើប្រាស់​សម្ភារៈ​ថ្មីទាំងអស់ រួម​មាន​ម្ជុល​ថ្មី ទឹកថ្នាំ​មាន​គុណភាព និង​រក្សា​អនាម័យ​ដោយ​ប្រើប្រាស់​ស្រោមដៃ​បាន​ត្រឹមត្រូវ។ ចៀសវាង​ការ​ប្រើប្រាស់​ម្ជុល​ចាស់​ដដែល​គ្នា ដែលអាចចម្លងមេរោគ ឬ​បណ្ដាល​ឱ្យ​អ្នក​ឆ្លង​នូវ​ជំងឺ​ធ្ងន់ធ្ងរ ដូចជា មេរោគ​អេដស៍ ឬ​រោគ​រលាក​ថ្លើមប្រភេទ B ជាដើម។  មួយវិញទៀត វត្ថុមួយ​ចំនួន​ដូចជា ដែលធ្វើ​ឡើង​ពីថ្លើមថ្ម ឬឈើ មិនមែន​ជា​ជម្រើស​ល្អក្នុងការយក​មកចាក់សាក់នោះទេ ពីព្រោះវា​មាន​ភាព​លំបាក​ក្នុង​ការ​សម្អាត​អនាម័យ​ឱ្យ​បាន​ពេញលេញ។ ដែកអ៊ីណុក​ជា​វត្ថុធាតុដើម​ស័ក្ត​សម​បំផុត ក្នុង​ការ​យក​មក​ធ្វើ​ជា​សម្ភារៈ​ចាក់​សាក់។

៥. កុំ​ទទួល​សេវាកម្ម​ដែល​មិន​តាម​តម្រូវចិត្ត​អ្នក

បើសិនជាម្ចាស់ហាង ឬជាងសាក់ មិនព្រមធ្វើតាមតម្រូវការរូបរាង ឬម៉ូដសាក់​ដែល​អ្នក​ស្រឡាញ់​ទេ អ្នកគួរតែ​បញ្ឈប់​ទទួល​សេវាកម្ម​របស់​ពួកគេតែ​ម្ដង។ ជាពិសេស នៅពេល​ដែល​ពួកគេ​និយាយ​រិះគន់​ពី​ចំណង់ចំណូលចិត្ត រូបភាពសាក់របស់អ្នក ឬធ្វើ​ឱ្យ​អ្នក​មាន​អារម្មណ៍​មិន​ស្រណុក​ក្នុង​ចិត្ត​ជាដើម។ អ្នកត្រូវ​ប្រាកដថា គួររក​សេវាកម្ម​ពីជាងសាក់ណាដែលស្រប​តាម​ចំណង់ចំណូលចិត្ត និង​ពន្យល់​ណែនាំ​អ្នក​បានត្រឹមត្រូវល្អ៕

ប្រែសម្រួល៖ លីលី

ចុចអាន៖ហេតុផល ៦យ៉ាង ​ដែល​យើង​គួរ​គិត​​ហើយ​គិត​ទៀត​ មុន​សម្រេចចិត្តចាក់​សាក់

ចុចអាន៖១០ វិធី លុបស្នាមសាក់ចេញពីដងខ្លួន បានយ៉ាងមានប្រសិទ្ធភាព

The post ចំណេះដឹងសំខាន់ៗ មុនពេលសម្រេចចិត្តចាក់សាក់លើកដំបូង appeared first on Kampuchea Thmey Daily.

យុវវ័យឥឡូវ ចាត់ទុកស្នាមសាក់លើដងខ្លួន ប្រៀបបាននឹងគ្រឿងអលង្ការតុបតែងលម្អរបស់ពួកគេ។ ស្រីៗនិយមសាក់រូបតូចៗ ខ្យូតៗ ឯប្រុសៗវិញ និយមរូបកាចៗ។ អ្នកខ្លះវិញចាក់សាក់លាក់ដោយអត្ថន័យដែលបង្ហាញពីអត្តសញ្ញាណរបស់គេផ្ទាល់ ឬពីបុគ្គលដែលគេស្រឡាញ់ជាទីបំផុតក្នុងជីវិត។

មិនថាប្រិយមិត្តកំពុងអានពេលនេះជាយុវវ័យដែលកំពុងស្វែងរកការចាក់សាក់លើកដំបូង ​ឬជាអ្នកធ្លាក់ភ្លក់ស្នាមសាក់រួចហើយក្ដី សង្គមបច្ចុប្បន្ន ​មិនមានការរើសអើសអើង ស្អប់ខ្ពើម ឬប្រឆាំងជាមួយអ្នកឡើយ។ ​មនុស្សអាក្រក់ ឬល្អ មិនមើលដោយសម្បកក្រៅទេ ​សូមឱ្យតែចិត្តល្អបរិសុទ្ធទៅគ្រប់គ្រាន់ហើយ។

ទោះយ៉ាងណា ថ្ងៃនេះ កម្ពុជាថ្មី មានរឿងសំខាន់ៗមួយចំនួន ទុកគ្រាន់ប្រិយមិត្ត​អានហើយពិចារណា មុនហ៊ានសម្រេចឱ្យមានស្នាមលើស្បែក។

១-ស្វែងរកអ្នកបច្ចេកទេសដែលមានជំនាញត្រឹមត្រូវ កុំចង់បានតែកន្លែងធូរថ្លៃ ប្រយ័ត្នបំបៅខ្លួន។

២-កន្លែងចាក់សាក់មួយចំនួននឹងមិនអនុញ្ញាតឱ្យចាក់សាក់សម្រាប់មនុស្សវ័យក្មេងអាយុក្រោម ១៨ឆ្នាំទេ ព្រោះពួកគេមិនទាន់មានភាពចាស់ទុំក្នុងការសម្រេចចិត្ត។

៣-ការចាក់សាក់នឹងនៅជាមួយអ្នកអស់មួយជីវិត។ សូម្បីតែក្រោយពីលុបចេញក៏ដោយ ក៏នៅ​តែ​មាន​ស្នាម​ ដូច្នេះ​ត្រូវ​សម្រេច​ចិត្ត​ឲ្យ​បាន​ច្បាស់លាស់ ​មុន​នឹង​ទទួល​យក​ស្នាម​សាក់។

៤-ការចាក់សាក់ជាធម្មតាមានការឈឺចាប់ខ្លាំង។ ស្នាមសាក់តូច ឈឺតិចតួច ហើយស្នាមធំនឹងឈឺខ្លាំង។ ​យ៉ាងណាមិញ កម្រិតនៃការឈឺចាប់អាស្រ័យលើតំបន់សាក់ដូចជា នៅកណ្តាលខ្នង ឬឆ្អឹងជំនីរចំហៀង វានឹងឈឺចាប់ជាងតំបន់ដែលគ្មានឆ្អឹង។

៥-ទាក់ទងនឹងតម្លៃ ជាធម្មតា ស្នាមសាក់តូចៗចាប់ផ្តើមពី ១០ដុល្លារ និងឡើងរហូតដល់ រាប់រយដុល្លារ អាស្រ័យលើទំហំ ពណ៌ និងជំនាញរបស់អ្នកសាក់។

៦-រយៈពេលនៃការសាក់នីមួយៗ ចំណាយពេលតិចនោះទេ។ សាក់តូច រចនាអក្សរតិច ត្រឹមតែ ១៥នាទីប៉ុណ្ណោះ។ ដោយសារបច្ចុប្បន្នមានឧបករណ៍ប្រើប្រាស់ទំនើបៗ ដំណើរការសាក់អាចធ្វើបានលឿន។ ប៉ុន្តែ​បើសិន​ចង់​បាន​ស្នាម​សាក់​ដែល​ស្មុគស្មាញ​ ​នឹង​ត្រូវ​ចំណាយ​ពេល​យូរ​តាមហ្នឹងដែរ។

៧-វាជារឿងសំខាន់​ណាស់​ក្នុង​ការ​ថែរក្សា​ស្នាម​សាក់​ថ្មី​ដែល​នៅ​របួស យ៉ាងហោច ២សប្ដាហ៍ ទើបរូបសាក់មានភាពប្រក្រតី។

៨-ត្រូវប្រាកដថា ហាងដែលយើងសម្រេចចិត្តចូលទទួលសេវា ធានាបាននូវភាពស្អាត និងមានសុវត្ថិភាពខ្ពស់។

៩-សូម្បីការ​លុប​ស្នាម​សាក់​វិញ ​ត្រូវធ្វើ​តាម​របៀប​ដែល​មាន​សុវត្ថិភាព​បំផុត និងច្រើនជម្រើសផងដែរ។ ដូច្នេះមុន​ពេល​ ​​សម្រេច​ចិត្ត​ចាក់​សាក់​ ត្រូវប្រាកដខ្លួនឯងថា ទៅថ្ងៃក្រោយនឹងមិនស្ដាយក្រោយទេ៕

ប្រែសម្រួល៖ សន្យា

ចុចអាន៖ ហានិភ័យ​សុខភាព ៥ យ៉ាង​ ដែល​ត្រូវ​ប្រុង​ប្រយ័ត្ន​មុន​ពេល​សម្រេចចិត្ត​ចាក់​សាក់

ចុចអាន៖ ហេតុផល ៦យ៉ាង ​ដែល​យើង​គួរ​គិត​​ហើយ​គិត​ទៀត​ មុន​សម្រេចចិត្តចាក់​សាក់

The post ចំណុចសំខាន់ៗ ត្រូវគិតហើយគិតទៀត សម្រាប់អ្នកចាក់សាក់លើកដំបូង appeared first on Kampuchea Thmey Daily.