យ៉ាងណា ក៏មានអ្នកខ្លះបារម្ភថា ការទទួលទានសាច់មាន់នៅតំបន់ទាំងពីរនោះអាចបង្កឲ្យមានជំងឺមហារីក ប៉ុន្តែមតិនោះមិនមានមូលដ្ឋានច្បាស់លាស់នោះទេ។ ទោះជាយ៉ាងណាក៏ដោយ យោងទៅតាម Mashed បញ្ចាក់ថា នេះគឺជាផ្នែកមួយដែលខ្លាញ់បំផុតនៃសាច់មាន់ វាផ្ទុកទៅដោយជាតិពុល និងកខ្វក់ដែលអាចបង្កហានិភ័យនៃផលប៉ះពាល់អវិជ្ជមានដល់សុខភាព។

យោងតាមលោក Fatsecret និយាយថា នៅក្នុង ១០០ ក្រាមនៃគូថមាន់មានរហូតដល់ទៅ ២៩០ កាឡូរី, ជាចម្បងខ្លាញ់ (៥៥%), កាបូអ៊ីដ្រាត (១៣%) និងប្រូតេអ៊ីន (៣២%) ។ ជាពិសេស វារួមបញ្ចូលខ្លាញ់ ១៧ ក្រាម (២២% នៃតម្រូវការប្រចាំថ្ងៃ) ៨៧mg នៃកូលេស្តេរ៉ុល (២៩%) អំបិល ២៩២mg (១៣%) និងវីតាមីន កាល់ស្យូម ស័ង្កសី និងជាតិដែកតិចតួចណាស់។

អ្នកជំនាញផ្នែកអាហារូបត្ថម្ភរបស់ហុងកុង លោក Fion Chow បានបញ្ជាក់ថា «មិនមានការស្រាវជ្រាវណាមួយដែលបង្ហាញពីទំនាក់ទំនងរវាងការទទួលទានគូថមាន់ និងជំងឺមហារីកនោះទេ»។ ប៉ុន្តែបើយោងតាមអ្នកជំនាញនេះ ផ្នែកចុងក្រោយនៃសាច់មាន់មានផ្ទុកជាតិខ្លាញ់ និងកាឡូរីច្រើន ហើយការលើសទម្ងន់ត្រូវបានផ្សារភ្ជាប់ទៅនឹងជំងឺមហារីកជាច្រើនប្រភេទ ជាពិសេសមហារីកពោះវៀនធំ ដែលជាមហារីកទូទៅក្នុងពិភពលោក។

អ្នកជំនាញ Chow បន្ថែមថា ជាតិខ្លាញ់ឆ្អែតអាចបណ្តាលឲ្យមានកំណកកំបោរ ដែលរឹតត្បិតចរាចរឈាម។ ដូច្នេះ គាត់ណែនាំមនុស្សឲ្យញ៉ាំសាច់ទ្រូងមាន់ ឬភ្លៅដែលគ្មានស្បែក។ អ្នកអាចប្រើអាហារដែលមានជាតិខ្លាញ់មិនឆ្អែតដូចជាប្រេងអូលីវ ត្រី និងគ្រាប់ស្រូវសាលី។

លើសពីនេះ គូថមាន់ក៏​មាន​ភាព​កខ្វក់​ច្រើន​ដែរ សូម្បី​តែ​ដុំ​សាច់​ក៏​ដោយ ទោះបី​វា​ត្រូវ​បាន​គេ​សម្លាប់​មេរោគ​យ៉ាង​ហ្មត់ចត់​ក៏​ដោយ ក៏​វា​នៅ​មាន​ហានិភ័យ​នៃ​សំណល់​ដែល​នៅ​សេសសល់។ នេះគឺជាការប្រមូលផ្តុំនៃកូនកណ្តុរជាមួយ macrophages ដែលស៊ីបាក់តេរីនិងជាតិពុល។ យូរៗទៅសារធាតុដែលបង្កគ្រោះថ្នាក់កកកុញនៅក្នុងការនោះ ដែលនាំឲ្យមានជំងឺ។ ដូច្នេះហើយ គ្រូពេទ្យជឿថា ប្រសិនបើមនុស្សចេតនាទទួលទានផ្នែកនេះជាប្រចាំ នោះមនុស្សកំពុងដាក់ជាតិពុលចូលទៅក្នុងខ្លួន។

ជាពីសេស ផ្នែកខ្លះទៀតនៃសាច់មាន់ក៏មិនល្អសម្រាប់សុខភាពដែរ។ ក្បាល និងកមាន់អាចផ្ទុកបាក់តេរី និងមេរោគមួយចំនួន។ ថ្លើមមាន់គឺជាកន្លែងដែលជាតិពុលចូលទៅក្នុងខ្លួនត្រូវបានដំណើរការ ដូច្នេះវាអាចផ្ទុកសារធាតុមួយចំនួនដែលបង្កើនហានិភ័យនៃជំងឺបេះដូង និងមហារីក។

ផ្នែកដែលមានសុវត្ថិភាពបំផុតនៃសាច់មាន់គឺសាច់ទ្រូង វាមានជាតិខ្លាញ់ទាប ប៉ុន្តែមានតម្លៃអាហារូបត្ថម្ភខ្ពស់។ ប្រូតេអ៊ីនដែលមានជាតិខ្លាញ់ទាបនៅក្នុងទ្រូងមាន់អាចផ្តល់នូវអត្ថប្រយោជន៍យ៉ាងសំខាន់ដែលធ្វើឲ្យអាហារនេះជាការបន្ថែមដ៏មានប្រយោជន៍ដល់របបអាហារជាច្រើនដូចជាការបង្កើនម៉ាសសាច់ដុំ សុខភាពឆ្អឹង ការគ្រប់គ្រងចំណង់អាហារ និងថែមទាំងធ្វើអោយអារម្មណ៍ និងការគេងកាន់តែប្រសើរឡើង។​ ប៉ុន្តែ​ផល​ប៉ះពាល់​ខាង​លើ​មិន​មាន​ន័យ​ថា អ្នក​គួរ​ញ៉ាំ​សាច់ទ្រូងមាន់​រាល់​ថ្ងៃ​នោះ​ទេ។ ការញ៉ាំអាហារជាច្រើនប្រភេទគឺជាអាហាររូបត្ថម្ភដ៏ល្អបំផុតសម្រាប់រាងកាយរបស់អ្នក៕ឮ

អត្ថបទ៖ សាង ស្រីល័ក្ខ

ចុចអាន៖អាហារថៃនិងឡាវមួយប្រភេទ ក្លាយជាឃាតកលាក់មុខ សម្លាប់មនុស្សសឹងរាល់ឆ្នាំ

The post ចុងស្លាប-គូថមាន់ ជាផ្នែកពុលនិងកខ្វក់ ដែលមនុស្សជាច្រើនចូលចិត្តញ៉ាំបំផុត appeared first on Kampuchea Thmey Daily.

ស្ត្រីម្ចាស់ទីតាំងផលិតផលសាច់មាន់ ឈ្មោះ ជា ដានី អាយុ ២៩ ឆ្នាំ រស់នៅភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

លោក ហ៊ុយ ទូច ប្រធានការិយាល័យផលិតកម្ម និងបសុព្យាបាលប្រាប់ថា ក្រោយពីធ្វើការដកហូត ផលិតផលសាច់មាន់ តាមចម្លើយរបស់ម្ចាស់ទីតាំងឈ្មោះ ជា ដានី ប្រាប់សមត្ថកិច្ចថា ស្លាបមាន់ចម្រុះទាំងអស់នេះគាត់បានទិញពីឈ្មួញ ដែលនាំចូលពីប្រទេសថៃយកមកលក់ឲ្យគាត់ ហើយគាត់បានលក់ចែកចាយក្នុងភូមិ និងបន្តចែកចាយក្នុងផ្សារខេត្តបន្ទាយមានជ័យ។

លោក ហ៊ុយ ទូច បាននិយាយបញ្ជាក់ឲ្យដឹងបន្តទៀតថា សមត្ថកិច្ចចម្រុះបានធ្វើការដកហូត វត្ថុតាងមានផលិតផលសាច់មាន់ចម្រុះសរុប៣.១០០ គីឡូក្រាម។

ហើយបានធ្វើកំណត់ហេតុ ផលិតផលសាច់មាន់ចម្រុះសរុប ៣.១០០ នេះគឺគ្មានច្បាប់អនុញ្ញាតពីក្រសួងកសិកម្មរុក្ខាប្រមាញ់​ និងនេសាទ និងអគ្គនាយកដ្ឋានសុខភាពសត្វ និងផលិតកម្មសត្វ ពិនិត្យឃើញថា ការវេចខ្ចប់ ការដឹកជញ្ជូន និងការថែរក្សា ផលិតផលទាំងអស់ខាងលើ មិនអនុលោមតាមខ្លឹមសារច្បាប់ ស្ដីពីសុខភាពសត្វ និងផលិតកម្មសត្វ ដែលធ្វើឲ្យបាត់បង់នូវបរិមាណដើម ឬខូចគុណភាព គឺមិនអនុញ្ញាតឲ្យលក់ដូរនៅលើទីផ្សារបានជាដាច់ខាតឡើយ ព្រោះអាចឲ្យប្រជាពលរដ្ឋទិញយកទៅបរិភោគខូចសុខភាព។

ក្រោយពីធ្វើកំណត់ហេតុហើយសមត្ថកិច្ចចម្រុះបានឲ្យឈ្មោះ ជា ដានី ម្ចាស់ទីតាំង ផ្តិតមេដៃឲ្យឈប់បន្ត​ទិញផលិតកម្មសត្វដែលគ្មានគុណភាពបន្តទៀតទុកជាភស្តុតាងទៀតផង។

ចំណែក ផលិតផលសាច់មាន់ចំរុះរឹបអូសបាននោះសមត្ថកិច្ចចម្រុះបានយកទៅដុតកម្ទេចចោលនៅល្ងាចថ្ងៃដដែលផងដែរ៕

អត្ថបទ៖ វ៉ាន់ ណាង

The post សមត្ថកិច្ចចុះឆែកឆេរផ្ទះឈ្មួញ ក្នុងភូមិជោគជ័យ រឹបអូសសាច់មាន់ជាង ៣ តោនយកទៅកម្ទេចចោល appeared first on Kampuchea Thmey Daily.

១. ស៊ុត

ក្រោយ​ពី​វះកាត់​ហើយ រាងកាយ​យើង​ត្រូវការ​ប្រូតេអ៊ីន​បន្ថែម​ចន្លោះ​ ១,៥-២ក្រាម​ក្នុង​មួយ​គីឡូក្រាម​នៃ​ទម្ងន់​របស់​យើង។ បើ​យើង​មាន​ទម្ងន់ ៦៨គីឡូក្រាម​មាន​ន័យ​ថា​យើង​ត្រូវ​ការ​ប្រូតេអ៊ីន ១០៥-១៣៥ក្រាម។ ស៊ុត​មិន​ត្រឹម​តែ​សម្បូរ​ប្រូតេអ៊ីន​ទេ​ វានៅ​ផ្តល់​សារធាតុ​ចិញ្ចឹម​ផ្សេង​ទៀត​ដូចជា​វីតាមីន A វីតាមីន B12 ជាតិ​ស័ង្កសី និង​ជាតិដែក ​ដែល​ជួយ​ទ្រទ្រង់​ដល់​សុខភាព​ប្រព័ន្ធ​ភាព​ស៊ាំ និង​ការ​ជា​សះ​ស្បើយ​របស់​របួស។

២. គ្រាប់​ផ្លែឈើ (Nuts)

គ្រាប់​ផ្លែឈើ​ដូចជា​គ្រាប់​អាល់ម៉ុង គ្រាប់​walnut និង​គ្រាប់​ផ្កាឈូករ័ត្ន​សុទ្ធតែ​អាច​ជួយ​ដល់​រាងកាយ​អំឡុងពេលវិវត្ត​ទៅ​រក​ភាព​​ជា​សះស្បើយ។ គ្រាប់​ផ្លែឈើ​ទាំង​នេះ​ជា​ប្រភព​ល្អ​នៃ​ជាតិស័ង្កសី វីតាមីន E ម៉ង់កាណែស និង​ម៉ាញេស្យូម។ វីតាមីន E ដើរ​តួ​ជា​សារធាតុ​ប្រឆាំង​អុកស៊ីតកម្ម​ការពារ​ការ​ខូចខាត​កោសិកា និង​សំខាន់​សម្រាប់​សុខភាព​ប្រព័ន្ធ​ភាព​ស៊ាំ។

៣. សាច់​មាន់

សាច់​មាន់​សម្បូរ​ដោយ​អាស៊ីដ​អាមីណូ glutamine និង​arginine ដែល​ជួយ​ដល់​ការ​ជា​សះស្បើយ។ Glutamine ផ្តល់​ការ​ការពារ​ដល់​កោសិកា​អំឡុង​ពេល​ស្ត្រេស​ដូចជា​ពេល​ឈឺ និង​រង​របួស ចំណែក​ឯ​ arginine ជួយ​ដល់​ការ​ផលិត​ខូឡាជេន​ និង​ការ​ជាសះស្បើយ​របស់​របួស។

៤. គ្រឿង​ក្នុង​សត្វ

គ្រឿង​ក្នុង​សត្វ​សម្បូរ​ដោយ​សារធាតុ​ចិញ្ចឹម​ដែល​ជួយ​ពង្រឹង​ដល់​ប្រព័ន្ធ​ភាព​ស៊ាំ​។ សារធាតុ​ចិញ្ចឹម​ទាំង​នោះ​មាន​ដូចជា​វីតាមីន A ស័ង្កសី ជាតិ​ដែក វីតាមីន B និង​ជាតិ​ស្ពាន់។ វីតាមីន A សំខាន់​សម្រាប់​ការ​ឆ្លើយ​តប​របស់​ប្រព័ន្ធ​ភាពស៊ាំ ជួយ​រារាំងការ​រលាក​កោសិកា​ និង​ជួយ​ឲ្យ​របួស​ជា​សះស្បើយ​ឆាប់​រហ័ស។ ម៉្យាងទៀត គ្រឿង​ក្នុង​ក៏​សម្បូរ​ប្រូតេអ៊ីន​ដែល​សំខាន់​សម្រាប់​ការ​ជាសះស្បើយ​ក្រោយ​​ពី​វះកាត់ ឬ​ជា​ពី​ជំងឺ​ផ្សេងៗផងដែរ។

៥. ដំឡូង​ជ្វា

ដំឡូង​ជ្វា​ជា​អាហារ​មាន​កាបូអ៊ីដ្រាត​ខ្ពស់ ហើយ​កាបូអ៊ីដ្រាត​អាច​ផ្ដល់​ថាមពល​ដែល​កោសិកា​ត្រូវ​ការ​សម្រាប់​ការ​ជាសះស្បើយ។ ការ​ទទួល​បាន​កាបូអ៊ីដ្រាត​មិន​គ្រប់គ្រាន់​អាច​ធ្វើ​ឲ្យ​ការ​ជា​ពី​របួស​មាន​ភាព​យឺត​យ៉ាវ។ ដំឡូងជ្វា​ក៏​មាន​វីតាមីន C ម៉ង់កាណែស និងសារធាតុ ​carotenoid ដែល​ជួយ​ដល់​ការ​ឆ្លើយ​តប​របស់​ប្រព័ន្ធ​ភាព​ស៊ាំ និង​ជួយ​រាងកាយ​ជា​សះស្បើយ។

ក្រៅ​ពី​របប​អាហារ​ល្អ​ហើយ យើង​ក៏​អាច​ពន្លឿន​ការ​ជា​សះស្បើយ​បាន​តាមរយៈ៖

• ការ​សម្រាក៖ ការ​គេង​ឲ្យ​បាន​គ្រប់គ្រង​អាច​ជួយ​ដល់​ដំណើរការ​ជួសជុល​របស់​រាងកាយ​បាន​។
• ការ​ផឹក​ទឹក៖ ការ​ផឹក​ទឹក​ឲ្យ​គ្រប់គ្រាន់​ជួយ​ដល់​ការ​ជាសះស្បើយ​មិនថា​ពេល​រង​របួស ឬ​ពី​ជំងឺ​ដែល​បង្ក​ឲ្យ​មាន​ការ​បាត់បង់​ជាតិ​ទឹក​ដូចជា​គ្រុនក្ដៅ និង​រាករូស។
• ចៀសវាង​បារី និង​គ្រឿង​ស្រវឹង៖ បារី និង​គ្រឿង​ស្រវឹង​អាច​ពន្យារ​ការ​ជា​សះស្បើយ និង​ធ្វើ​ឲ្យ​ប្រព័ន្ធ​ភាព​ស៊ាំ​ចុះ​ខ្សោយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហូបតែបៃតង៣ដង ក្នុង១សប្តាហ៍បង្ការជំងឺបានច្រើន ហើយជួយខួរក្បាលទៀត

ចុចអាន៖ ទាំងស្លឹកនិងមើមដំឡូងមីឃើញចឹងទេ តែមានគុណប្រយោជនដ៏មហាសាល ដល់ប្រព័ន្ធភាពស៊ាំ​

The post អាហារ ៥ មុខនេះអាច​ជួយរាងកាយជាសះស្បើយពីរបួស ឬជំងឺផ្សេងៗ​បាន​លឿន appeared first on Kampuchea Thmey Daily.

​ការឃាត់​នេះ​ គឺ​បាន​ប្រព្រឹត្ត​ឡើង​កាលពី​ល្ងាច​ថ្ងៃ​ទី​៦ ខែ​មិថុនា ឆ្នាំ​២០២១ ក្នុងភូមិ​សាស្ត្រ​ស្រុក​កំ​រៀរ ខេត្តបាត់ដំបង ដែល​កម្លាំង​បង្ក្រាប​នោះ​មាន​ប៉ូលិស​សេដ្ឋកិច្ច ប៉ូលិស​ច្រកព្រំដែន កម្លាំង​នាយកដ្ឋាន​ការពារ​អ្នកប្រើប្រាស់​កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ​( ក​.​ប​.​ប ) ដឹកនាំ​ដោយ​លោក ហាក់ សិខរិន និង កម្លាំង​ការិយាល័យ​ស្រាវជ្រាវ និង​បង្ក្រាប​អំពើ​រត់ពន្ធ ប្រចាំ​តំបន់​៤ ដឹកនាំ​ដោយ​លោក សាយ ហឿន។​

​កិច្ចប្រតិបត្តិការ​នេះ​គឺ​ឃាត់​បាន​រថយន្ត​ម៉ាក​សាំង​យ៉ុង ១ គ្រឿង ដែលមាន​ដឹក​សាច់មាន់​ខូចគុណភាព​ចម្រុះ​សរុប​ទម្ងន់ ៥០៣៦ គីឡូក្រាម និង​អ្នកបើកបរ​ម្នាក់​។ នៅវេលា​ម៉ោង​២​រសៀល ថ្ងៃទី​៧ ខែ​មិថុនា នេះដែរ កម្លាំងចម្រុះ​ក៏បាន​រៀបចំ​ពិធី​ដុត​កម្ទេច​នៅ​ទីលាន​ចាក់សំរាម ក្នុងភូមិ​សាស្ត្រ​ស្រុក​ឯក​ភ្នំ ដើម្បី​ទប់ស្កាត់​នូវ​ការប៉ះពាល់​ដល់​សុខភាព​របស់​ប្រជាពលរដ្ឋ ក្រោម​ការដឹកនាំ​ផ្ទាល់​របស់លោក ផេង សិទ្ធី អភិបាលក្រុង​បាត់ដំបង​៕

អត្ថបទ៖ សោ និយម​រ័ត្ន​

សូមចុចអាន៖ ឃាត់ខ្លួននារីវ័យក្មេងពីរនាក់កំពុងឈរចែកចាយថ្នាំញៀន​

The post ដុត​កម្ទេច​សាច់មាន់​ខូចគុណភាព​ជាង ៥ តោន​ដែល​លប​ឆ្លងដែន​ពី​ប្រទេស​ថៃ​​ appeared first on Kampuchea Thmey Daily.

មន្ត្រី​ជំនាញ​បាន​ប្រាប់​អ្នក​យក​ព័ត៌មាន​ឲ្យដឹងថា ចំណាត់​ការ​ត្រួតពិនិត្យ​រឹត​បន្តឹង បាន​ធ្វើ​ឡើង​តាម​ការ​ណែ​នាំ​ពី​មន្ត្រី​ក្រសួង​ពាណិជ្ជកម្ម លោក​អភិបាល​ខេត្ត​បន្ទាយមានជ័យ ដើម្បី​មាន​វិធានការ​ទប់ស្កាត់​ទំនិញ​គ្មាន​ច្បាប់  និង ខូចគុណភាព ដែល​ឈ្មួញ លួច​នាំ​ចូល ពី​ប្រទេស​ជិតខាង ​​។

​មន្ត្រី​ជំនាញ​ បាន​ឲ្យ​ដឹង​ថា សាច់​មាន់​ជា​ច្រើន​ស្បោង ​ដែល​បាន​បង្ក្រាប គឺស្មើនឹង​ទម្ងន់ ៣៥០ គីឡូក្រាម ដែល​ឈ្មួញ​លួច នាំ​ចូល​តាម​ច្រក​របៀង អូរ​បី​ជាន់ ​ ស្រុក​អូរ​ជ្រៅ ខេត្ត​បន្ទាយមានជ័យ ​ក្នុង​គោលបំណង​ ចែកចាយ នៅ​ផ្សារ ក្រុង​ប៉ោយ​ប៉ែ​ត  ឬលក់តាមផ្សារមួយចំនួនទៀត ក្នុង​ខេត្ត​បន្ទាយមានជ័យ ផងដែរ ។

​មន្ត្រី​ជំនាញ បញ្ជាក់​ថា ​សាច់មាន់​ខុស​ច្បាប់ ​និង​ខូចគុណភាព ក្រោយ​ពី​បង្ក្រាប​បាន​ហើយ ត្រូវ​យក​ទៅ​ដុត កម្ទេច​ចោល ចំណែក​វត្ថុ​តាង​ជា​មធ្យោបាយ​ដឹក​ទំនិញ រួម​ទាំង​ម្ចាស់ ក៏​ត្រូវ​បាន​អនុវត្តន៍​ទៅ​តាមច្បាប់ រីឯឈ្មួញវិញ  កំពុង​ស្រាវជ្រាវ​ ដើម្បី​ចាត់ការ​តាមច្បាប់​ ៕

អត្ថបទ ៖ វ៉ាន់ ណាង

The post ​​បង្ក្រាប​សាច់​មាន់​គ្មាន​ច្បាប់ និង​ខូចគុណភាព​ ជិត៤០០គីឡូ​ក្រាម appeared first on Kampuchea Thmey Daily.

រថយន្ត​ដែល​សមត្ថកិច្ច​ឃាត់ ម៉ាក ហ៊ី​យ៉ាន់​ដាយ ពណ៌ ស ពាក់​ស្លាក​លេខ​ 2C.7818 ដឹកសាច់មាន់​ ​​តាម​ច្រករបៀង​ជោគជ័យ ឈម​ជា​មួយ ច្រកណងចាន់។

មន្ត្រី​នគរបាល​ប៉ុស្តិ៍ បាន​ប្រាប់​អ្នក​យក​ព័ត៌មាន​ឲ្យ​ដឹង​ថា ការ​ឃាត់​រថយន្ត​ដឹក​សាច់​មាន់​ ខូច​គុណភាព​នេះ​ដើម្បី​ទប់ស្កាត់​នូវ​រាល់​ទំនិញ​ខូចគុណភាព ​ទប់ស្កាត់​ជំងឺ​ឆ្លង និង​វិធានការ របស់​អគ្គនាយកដ្ឋាន សុខភាព​សត្វ និង​ផលិតកម្ម​សត្វ នៃ​ក្រសួងកសិកម្ម រុក្ខា​ប្រមាញ់ និង​នេសាទ ​​ដែល​ជា​ហេតុ​បង្ក​ផល​ប៉ះពាល់​ដល់​បរិមាណ គុណភាព សុវត្ថិភាព​ដល់​អ្នក​ទទួលទាន​ផង​ដែរ។

សមត្ថកិច្ច បាន​បញ្ជាក់​ឲ្យ​ដឹង​ទៀត​ថា រថយន្ត​ដឹក​សាច់​មាន់​ដែល​បាន​ឃាត់​ គឺ​ខុស​លក្ខណៈ​បច្ចេក​ទេស ដែល​នាំ​ឲ្យ​ខូច​គុណភាព សាច់​មាន់​ទាំងអស់ ត្រូវ​កម្ទេច​ចោល ​ចំណែក​រថយន្ត ត្រូវបាន​រៀប​ចំ​សំណុំរឿង​ចាត់ការ​តាម​នីតិវិធី​ច្បាប់៕

អត្ថបទ ៖ វ៉ាន់ ណាង

The post ឃាត់រថយន្ដដឹកសាច់មាន់ខូចគុណភាព១គ្រឿង​​ ចេញ​ពី​ប្រទេស​ថៃ តាម​ច្រក​របៀង appeared first on Kampuchea Thmey Daily.