លោកស្រី ម៉ាកេតា កូល ហៃកូវ៉ា (Markéta Kolc Hájková) ឯកអគ្គរដ្ឋទូតឆែក បានគូសបញ្ជាក់អំពីទំនាក់ទំនងដ៏យូរអង្វែង និងកិច្ចសហប្រតិបត្តិការល្អរវាងម្ពុជា និងឆែក។ ដោយក្នុងឆ្នាំ២០២៦ ជាខួប៧០ឆ្នាំនៃទំនាក់ទំនងការទូតរវាងប្រទេសទាំងពីរ លោកស្រី បានជម្រាបទៅសម្ដេចធិបតី ថា នឹងពិនិត្យលើកសំណើ ដើម្បីរៀបចំប្រារព្ធខួបនេះឱ្យបានល្អប្រសើរ។

លោកស្រី ឯកអគ្គរដ្ឋទូត គូសបញ្ជាក់ពីការប្តេជ្ញាចិត្តក្នុងការខិតខំជំរុញទំនាក់ទំនង និងកិច្ចសហប្រតិបត្តិការទ្វេភាគីកម្ពុជា និងឆែកឱ្យកាន់តែរីកចម្រើនបន្ថែមទៀត។

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានស្វាគមន៍ និងអបអរសាទរចំពោះលោកស្រី Markéta Kolc Hájková ដែលត្រូវបានតែងតាំងជាឯកអគ្គរដ្ឋទូតប្រចាំកម្ពុជា។ សម្ដេចធិបតី មានជំនឿជឿជាក់ថា ក្នុងអាណត្តិការទូតរបស់លោកស្រី ទំនាក់ទំនង និងកិច្ចសហប្រតិបត្តិការកម្ពុជា និងឆែក នឹងកាន់តែរីកចម្រើនថែមទៀត។

សម្ដេចធិបតី និងលោកស្រីឯកអគ្គរដ្ឋទូត បានពិភាក្សាលើការបន្តជំរុញ និងពង្រីកកិច្ចសហប្រតិបត្តិការរវាងប្រទេសទាំងពីរលើវិស័យសំខាន់ៗ មានជាអាទិ៍៖ អប់រំ សុខាភិបាល សន្តិសុខ ការពារជាតិ កសិកម្ម ទេសចរណ៍ ហេដ្ឋារចនាសម្ព័ន្ធ និងបច្ចេកវិទ្យា។ បន្ថែមលើនេះ ភាគីទាំងពីរ បានឯកភាពលើកកម្ពស់ឱ្យមានការភ្ជាប់ទំនាក់ទំនងរវាងវិស័យឯកជននៃប្រទេសទាំងពីរ ដើម្បីបង្កើនកាលានុវត្តភាពបន្ថែមទៀតក្នុងការជំរុញដល់ការវិនិយោគ។

សម្ដេចធិបតី បានលើកទឹកចិត្តឱ្យលោកស្រីឯកអគ្គរដ្ឋទូត បន្តធ្វើការកាន់តែជិតស្និទ្ធថែមទៀតជាមួយក្រសួង-ស្ថាប័នពាក់ព័ន្ធកម្ពុជា៕

The post ជួបសម្ដេចធិបតី ឯកអគ្គរដ្ឋទូតឆែកប្តេជ្ញាជំរុញទំនាក់ទំនងជាមួយកម្ពុជាឱ្យកាន់តែរីកចម្រើន appeared first on Kampuchea Thmey Daily.

ការសន្យានេះ បានធ្វើឡើងនៅចំពោះមុខសម្ដេចតេជោ ហ៊ុន សែន ប្រធានព្រឹទ្ធសភា ក្នុងជំនួបនាព្រឹកថ្ងៃអង្គារនេះ នៅវិមានព្រឹទ្ធសភា រាជធានីភ្នំពេញ ដោយលោកស្រី លើកឡើងថា ក្នុងអាណត្តិ ដែលលោកស្រីធ្វើជាឯកអគ្គរដ្ឋទូតថ្មីនេះ នឹងធ្វើយ៉ាងណាជំរុញទំនាក់ទំនងកម្ពុជា និងឆែកឱ្យមានភាពរីកចម្រើននិងល្អប្រសើរ ពិសេសគឺទំនាក់ទំនងពាណិជ្ជកម្ម និងការវិនិយោគរវាងប្រទេសទាំងពីរ។

បើតាមលោកស្រី ឯកអគ្គរដ្ឋទូត ថ្លែងប្រាប់សម្ដេចតេជោ ក្នុងពេលខាងមុខនេះ អ្នកវិនិយោគមកពីប្រទេសឆែក នឹងមកប្រទេសកម្ពុជា ដើម្បីវិនិយោគទៅលើវិស័យកសិកម្ម ជាពិសេសនោះ គឺដំណាំម្រេចតែម្ដង។

ជាការឆ្លើយតបរបស់សម្ដេចតេជោ ដែលថ្លែងឱ្យដឹងដោយលោក ជា ធីរិទ្ធ អ្នកនាំពាក្យព្រឹទ្ធសភា សម្ដេចបានចាត់ទុកវត្តមានរបស់លោកស្រីជាឯកអគ្គរដ្ឋទូតឆែកថ្មីប្រចាំកម្ពុជា ដែលមានការតែងតាំងថ្មីដ៏ឆាប់រហ័សនេះ គឺបង្ហាញច្បាស់អំពីការផ្ដល់តម្លៃពីប្រទេសឆែក មកកាន់ប្រទេសកម្ពុជា ចំពោះទំនាក់ទំនងរវាងប្រទេសទាំងពីរ។

សម្ដេចតេជោ ហ៊ុន សែន បានសម្ដែងនូវការពេញចិត្តចំពោះការលើកឡើងរបស់លោកស្រី ឯកអគ្គរដ្ឋទូត ហើយសម្ដេចបានលើកឡើងថា សក្ដានុពលរវាងកម្ពុជា និងឆែក គឺនៅមានចន្លោះជាច្រើនទៀត ដែលអាចធ្វើជាមួយគ្នាឱ្យវាសមស្របទៅនឹងទំនាក់ទំនងការទូត និងនយោបាយរវាងប្រទេសទាំងពីរឱ្យមានភាពល្អប្រសើរ។

សម្ដេចតេជោ សង្ឃឹមថា ឆែក នឹងធ្វើយ៉ាងណាចាត់ទុកកម្ពុជា ជាដៃគូដ៏ល្អក្នុងការពង្រីកទំនាក់ទំនង រួមទាំងពាណិជ្ជកម្មនានា ដែលអាចធ្វើជាមួយគ្នា។ ក្រៅពីដៃគូរទំនាក់ទំនងទ្វេភាគី សម្ដេច ថា កម្ពុជាដែលស្ថិតក្នុងក្របខណ្ឌអាស៊ាន ឯឆែកនៅក្នុងអឺរ៉ុប គឺអាចធ្វើជាមួយគ្នាច្រើន ទាំងទ្វេរភាគី និងពហុភាគី ដែលនឹងអាចនាំយកផ្លែផ្កាដល់តំបន់ទាំងពីរផង និងជាការផ្ដល់ផលប្រយោជន៍ទាំងសងខាងផង៕

The post ឯកអគ្គរដ្ឋទូតឆែក សន្យាកៀរគរអ្នកវិនិយោគរបស់ខ្លួន មកបណ្ដាក់ទុននៅកម្ពុជា appeared first on Kampuchea Thmey Daily.

អ្នកស្លាប់ស្ថិតក្នុង​ចំណោមអ្នករងរបួសធ្ងន់ធ្ងរ ហើយ​​ក្រោយមក​​ប៉ូលិសបាន​បញ្ជាក់​ថា​ អ្នក​ទាំង​ពីរ​បាន​ស្លាប់​។ ការវាយប្រហារនេះបានកើតឡើងនៅក្នុងទីក្រុង Hradec Kralove ចម្ងាយប្រហែល១០០គីឡូម៉ែត្រភាគខាងកើតទីក្រុង Prague ​ប៉ុន្តែ​សមត្ថកិច្ច​​មិន​ទាន់​លាត​ត្រដាង​​អំពីមូលហេតុនោះទេ​។​

ប៉ូលិសបានឲ្យដឹងថា ការវាយប្រហារនេះមិនមែនជាការវាយប្រហារភេរវកម្មនោះទេ ហើយអ្នកវាយប្រហារទំនងជាវាយប្រហារជនរងគ្រោះដោយចៃដន្យ ខណៈជនរងគ្រោះមិនត្រូវបានស្គាល់អត្តសញ្ញាណភ្លាមៗនោះទេ។

បន្ទាប់ពីកើតហេតុប៉ូលិសបានឃាត់ខ្លួនក្មេងប្រុសជនជាតិឆេកអាយុ ១៦ ឆ្នាំប្រហែល ១ គីឡូម៉ែត្រ ពីកន្លែងកើតហេតុភ្លាមៗបន្ទាប់ពីការវាយប្រហារ។ កាំបិតមួយក៏ត្រូវបានគេរកឃើញនៅក្បែរនោះ ខណៈព័ត៌មានលម្អិតអំពីហេតុការណ៍មិនត្រូវបានដឹងនៅឡើយនោះទេ

នាយករដ្ឋមន្ត្រីលោក Petr Fiala ក៏បានបង្ហោះនៅលើXចូលរួមរំលែកទុក្ខដល់សាច់ញាតិសពផងដែរ។

ប៉ូលិសកំពុងធ្វើការស៉ើបអង្គេតលើករណីនេះនៅឡើយ។ មកដល់ពេលនេះស្ថានការណ៍ស្ថិតក្រោមការគ្រប់គ្រង គ្មានគ្រោះថ្នាក់ដល់សាធារណជន ហើយសន្តិសុខនៅក្នុងទីក្រុងមិនត្រូវបានពង្រឹងនោះទេ៕

អត្ថបទ៖ ប៊ុន សុភាព

The post ​ប៉ូលិស​ឆេក​ច្រាន​ចោលការវាយប្រហារ​ក្នុងសាលា​រៀន​​ជាអំពើភេរវកម្ម appeared first on Kampuchea Thmey Daily.

ប៉ូលីសឆេកបាននិយាយនៅលើប្រព័ន្ធផ្សព្វផ្សាយសង្គម X ថា រថភ្លើងពីរគ្រឿង​​​បានបុកគ្នានៅក្នុងសង្កាត់ Prague 8 នៅលើផ្លូវក្បែរស្ពានប្រសព្វជាមួយផ្លូវ Cuprova ដោយបានធ្វើឱ្យមនុស្សជាច្រើននាក់រងរបួសនៅកន្លែងកើតហេតុ។បើយោងតាមសេវាសង្គ្រោះវេជ្ជសាស្ត្រនៅទីក្រុង Prague មានមនុស្ស២៥នាក់រងរបួស ដែលភាគច្រើនមានរបួសត្រង់​អវៈយវៈ​​ដៃជើង​ ឬក្បាល និងបានជម្លៀសអ្នកដំណើរប្រហែល២០០នាក់តាមរយៈរថភ្លើងជម្លៀសពិសេសមួយ​​ទៀត​។

ប្រព័ន្ធផ្សព្វផ្សាយក្នុងស្រុកបានរាយការណ៍ថា រថភ្លើងដឹកអ្នកដំណើរមួយបានបុកជាមួយរថភ្លើងមួយទៀតដែលបានកំពុងឈប់បង្កឲ្យមានគ្រោះថ្នាក់ដល់អ្នកដំណើរ។ ជាមួយគ្នានេះប៉ូលិសកំពុងស៊ើបអង្កេតគ្រោះថ្នាក់នេះ ខណៈការសន្និដ្ឋានដំបូងថាជា «ការធ្វេសប្រហែស» ហើយប៉ូលិសថែមទាំងបានធ្វើតេស្តដង្ហើមរបស់អ្នកបើកបររថភ្លើងម្នាក់គឺវិជ្ជមានជាតិអាល់កុល៕

អត្ថបទ៖ ប៊ុន សុភាព

The post រថភ្លើងបុកគ្នា​បណ្តាលឱ្យ​មនុស្ស​យ៉ាងហោច​២៥​នាក់​រងរបួស​នៅ​សាធារណរដ្ឋឆេក appeared first on Kampuchea Thmey Daily.

ការិយាល័យ​ប្រធានាធិបតី​សាធារណរដ្ឋ​​ឆែក បាន​ឲ្យ​ដឹង​ថា របួស​របស់​លោក Pavel មិន​ជា​ធ្ងន់ធ្ងរ​អ្វី​ទេ ប៉ុន្តែ​ត្រូវ​ស្ថិត​នៅ​ក្រោម​ការ​សង្កេត​មើល​​រយៈពេល​ខ្លី​ជា​បណ្ដោះ​អាសន្ន​សិន។ ព័ត៌មាន​​លម្អិត​បន្ថែម​​ទៀត​មិន​ត្រូវ​បាន​​​បកស្រាយ​ឲ្យ​ដឹង​​នោះ​ឡើយ។

ដោយ​​ឡែក​បើ​តាម​ប៉ូលិស​ឆែក​វិញ បាន​​ប្រាប់​ថា ការ​ស៊ើប​អង្កេត​មិន​ត្រូវ​បាន​ធ្វើ​ឡើង​ទេ ព្រោះ​គ្រោះថ្នាក់​នេះ​​ស្ថិត​នៅ​​ទីលាន​ប្រណាំង​ម៉ូតូ មិន​មែន​ជា​ផ្លូវ​សាធារណៈ។ នៅ​​ពេល​កើត​ហេតុការណ៍ លោក Pavel ត្រូវ​គេ​ជឿ​ជាក់​​ថា លោក​កំពុង​ប្រណាំង​ម៉ូតូ​​ធំ​ប្រភេទ BMW R1200 GS។

លោក Pavel វ័យ​៦២​ឆ្នាំ គឺ​ជា​បុគ្គល​មួយ​រូប ដែល​ស្រឡាញ់​ការ​ជិះ​ម៉ូតូ​កម្សាន្ត។ មុន​ពិធី​ឡើង​កាន់​តំណែង​ប៉ុន្មាន​សប្ដាហ៍​កាលពី​​ឆ្នាំ​២០២៣ លោក Pavel បាន​ទៅ​ជិះ​ម៉ូតូ​ធំ​ចូល​​លេង​រដ្ឋ Bavaria ក្នុង​ប្រទេស​អាល្លឺម៉ង់។

គ្រោះថ្នាក់​​ដែល​កើត​ឡើង​​កាល​ពី​ថ្ងៃ​ទី​២៣​ឧសភា​ម្សិលមិញ មិន​មែន​ជា​បញ្ហា​ទើប​បង្ក​ឡើង​​​លើក​ដំបូង​​ដោយ​ប្រធានាធិបតី​រូប​នេះ​ឡើយ។ នៅ​ឆ្នាំ​២០២៣ លោក​​​ធ្លាប់​បាន​ធ្វើ​ការ​សូម​ទោស​ជា​សាធារណៈ​ម្ដង​រួច​មក​ហើយ​ ដែល​ត្រូវ​គេ​ថត​បាន​ថា លោក​ជិះ​ម៉ូតូ​មិន​ពាក់​មួក​សុវត្ថិភាព។ បន្ថែម​ពី​នេះ នៅ​ខែ​មេសា​កន្លង​ទៅ លោក Pavel បាន​រង​របួស​​ដាច់​​រហែក​​សាច់​ជិត​ចិញ្ចើម​​​ភ្នែក​​ ពេល​កំពុង​លេង​បាញ់​​​កាំភ្លើង​នៅ​ទីលាន​កម្សាន្ត​មួយ​កន្លែង៕

ដោយ៖ ឈាង​

The post ប្រធានាធិបតី​ឆែក ជួប​គ្រោះថ្នាក់ ពេល​​កំពុង​ជិះ​ម៉ូតូ​​​ប្រណាំង​​គ្នា appeared first on Kampuchea Thmey Daily.

ក្នុងសេចក្តីថ្លែងការណ៍មួយ នាយករដ្ឋមន្រ្តីឆែកលោក Petr Fiala និយាយថា “យើងទាំងអស់គ្នា មានការភ្ញាក់ផ្អើលចំពោះករណីដ៏រន្ធត់នេះ។ យើងកំណត់យកថ្ងៃសៅរ៍ជាថ្ងៃកាន់ទុក្ខ ដោយនឹងបង្ហូតទង់ជាតិពាក់កណ្តាលដងនៅតាមអគារសាធារណៈទាំងអស់ ហើយក៏នឹងមានការស្មឹងស្មាធិ៍មួយនាទី នាពេលថ្ងៃត្រង់ផងដែរ ខណៈព្រឹត្តិការណ៍កីឡានិងវប្បធម៌ ក៏ត្រូវផ្អាកដូចគ្នា”។

ក្នុងនាមគឺជាហេតុការណ៍បាញ់ប្រហារសម្លាប់រង្គាលដ៏អាក្រក់បំផុត នៅក្នុងប្រវត្តិសាស្ត្រអឺរ៉ុបសម័យទំនើប, រឿងហេតុបានចាប់ផ្តើមនាម៉ោងប្រហែល៣រសៀល (ម៉ោងក្នុងស្រុក) ថ្ងៃព្រហស្បតិ៍ទី២១ខែធ្នូ នៅមហាវិទ្យាល័យសិល្បៈនៃសាកលវិទ្យាល័យ Charles កណ្តាលរដ្ឋធានីរបស់សាធារណរដ្ឋឆែក។

ខ្មាន់កាំភ្លើងបានបើកការបាញ់ប្រហារមិនរើសមុខនៅតាមច្រកចេញចូលសាលានិងថ្នាក់រៀន ហើយវីដេអូដែលចែកចាយលើបណ្តាញសង្គម បានបង្ហាញឲ្យឃើញពីសិស្សនិស្សិតលោតចុះពីលើអគារផងដែរ។

ប៉ូលិសនិយាយថា ក្នុងចំណោមអ្នករបួស២៥នាក់ក្នុងការបាញ់ប្រហារនេះ មាន១០នាក់ រងរបួសធ្ងន់។

តាមការបញ្ជាក់ពីប៉ូលិស, ខ្មាន់កាំភ្លើងគឺជានិស្សិតអាយុ២៤ឆ្នាំ នៅសាកលវិទ្យាល័យនេះ ហើយមិនធ្លាប់ប្រព្រឹត្តបទល្មើសពីមុនមកទេ។ មុនការបាញ់ប្រហារ ប៉ូលិសបានទទួលរបាយការណ៍ថា ជនសង្ស័យ កំពុងធ្វើដំណើរទៅកាន់ទីក្រុង ប្រាក ហើយ ដោយមានបំណងសម្លាប់ខ្លួន។ ស្រាប់តែមួយសន្ទុះក្រោយមក ឪពុករបស់បុរសខ្មាន់កាំភ្លើង ក៏ត្រូវបានគេរកឃើញស្លាប់។

ទោះបីជាយ៉ាងណាក៏ដោយ មូលហេតុនៃការសម្លាប់រង្គាលនេះ មិនទាន់ត្រូវបានគេដឹងនៅឡើយទេ ហើយប៉ូលិសកំពុងបើកការស៊ើបអង្កេត៕

ប្រែសម្រួល៖ Vann Vann

ប្រភព៖ BBC

ចុចអាន៖ លម្អិតករណីបាញ់ប្រហារដ៏រន្ធត់ នៅសាធារណរដ្ឋឆែក សម្លាប់មនុស្ស១៤នាក់

The post ឆែក ប្រកាសកាន់ទុក្ខ ក្រោយហេតុការណ៍បាញ់សម្លាប់រង្គាល appeared first on Kampuchea Thmey Daily.

ឃាតក ក៏ត្រូវបានគេចោទប្រកាន់ថា សម្លាប់ឪពុករបស់ខ្លួននៅស្រុកកំណើត Kladno ផងដែរ ​មុនពេលធ្វើដំណើរទៅកាន់រដ្ឋធានី ដើម្បីធ្វើអត្តឃាត។

ការបាញ់ប្រហារបានចាប់ផ្តើមនៅម៉ោងប្រហែល ៣រសៀល (ម៉ោងក្នុងស្រុក) នៅអគារមហាវិទ្យាល័យសិល្បៈនៃសាកលវិទ្យាល័យ Charles លើទីលាន Jan Palach។

ដោយត្រូវបានបង្កើតឡើងក្នុងឆ្នាំ១៣៤៧, សាកលវិទ្យាល័យ Charles គឺជាសាកលវិទ្យាល័យចំណាស់ជាងគេ និងធំជាងគេនៅសាធារណរដ្ឋឆែក និងជាស្ថាប័នចំណាស់ជាងគេមួយ នៅអឺរ៉ុប។

មេប៉ូលិសលោក Martin Vondrasek បានប្រាប់អ្នកយកព័ត៌មានថា Kozak បានបើកការវាយប្រហារនេះដោយយកគំរូតាមព្រឹត្តិការណ៍សាហាវៗនៅបរទេស ហើយតែងតែបង្ហោះសារនៅលើបណ្តាញផ្សព្វផ្សាយសង្គម និងគិតតែពីចង់សម្លាប់ខ្លួន។

ទោះជាយ៉ាងណាក៏ដោយ ប្រព័ន្ធផ្សព្វផ្សាយឆែក បានទម្លាយរូបថតអេក្រង់ ថតពីគណនី Telegram ដែល Kozak បង្កើតកាលពីដើមខែនេះ។ នៅក្នុងការបង្ហោះជាភាសារុស្សីកាលពីថ្ងៃទី៩ខែធ្នូ Kozak អះអាងថា រូបគេនឹងប្រើប្រាស់បណ្តាញនេះធ្វើជា កំណត់ហេតុប្រចាំថ្ងៃ សម្រាប់ដំណើរឆ្ពោះទៅរកការបាញ់ប្រហារនៅសាលា។

ក្នុងការអាប់ដេតជាបន្តបន្ទាប់នៅថ្ងៃទី១០ខែធ្នូ ម្ចាស់គណនី បានណែនាំខ្លួនឯងថាឈ្មោះ “David” ហើយប្រកាសចង់បាញ់ប្រហារនៅសាលារៀននិងអាចធ្វើអត្តឃាត ដោយយកតម្រាប់តាម Alina Afanaskina និង Ilnaz Galyaviev។

តាមប្រភពជាច្រើន លោក Kozak គឺជានិស្សិតនៅសាកលវិទ្យាល័យ Charles ដោយគាត់បានសិក្សាប្រវត្តិសាស្រ្ត និងឈ្នះរង្វាន់សម្រាប់និក្ខេបបទថ្នាក់បរិញ្ញាបត្រក្នុងឆ្នាំ២០១៨ទៀតផង។

ក្នុងហេតុការណ៍បាញ់សម្លាប់រង្គាលនេះ ប៉ូលិសមិនទាន់បញ្ជាក់ទេថាតើ គាត់ត្រូវប៉ូលិសបាញ់សម្លាប់ ឬគាត់បាញ់សម្លាប់ខ្លួនឯងនោះទេ។

សូមបញ្ជាក់ថា ការកាន់កាប់កាំភ្លើង គឺជារឿងសាមញ្ញនៅសាធារណរដ្ឋឆែក ហើយរដ្ឋធម្មនុញ្ញរបស់ប្រទេសនេះ បានធានាសិទ្ធិក្នុងការកាន់កាប់អាវុធ និងប្រើប្រាស់អាវុធទាំងនោះដើម្បីការពារខ្លួន៕

ប្រែសម្រួល៖ Vann Vann

ប្រភព៖ RT

ចុចអាន៖ ខ្មាន់កាំភ្លើងបាញ់ប្រហារក្នុងមន្ទីរពេទ្យនៅអាមេរិក បណ្តាលឲ្យមានជនរងគ្រោះច្រើននាក់

The post លម្អិតករណីបាញ់ប្រហារដ៏រន្ធត់ នៅសាធារណរដ្ឋឆែក សម្លាប់មនុស្ស១៤នាក់ appeared first on Kampuchea Thmey Daily.

តាមរយៈសេចក្ដីប្រកាសព័ត៌មាន នៅថ្ងៃទី១៥ ខែមិថុនា ឆ្នាំ២០២៣ លោក ចែម វីទ្យា រដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ នៃកម្ពុជា និងលោក JI KOZAIK អនុរដ្ឋមន្ត្រីការបរទេស នៃសាធារណរដ្ឋឆែក បានធ្វើជា សហប្រធាន នៃកិច្ចពិគ្រោះយោបល់ទ្វេភាគី លើកទី២ រវាងប្រទេសទាំងពីរ នៅទីស្ដីការក្រសួងការបរទេសកម្ពុជា។

នៅក្នុងឱកាសនោះ លោកអនុរដ្ឋមន្ត្រីការបរទេសឆែក បានកោតសរសើរការកើនឡើងយ៉ាងឆាប់រហ័ស នៃសេដ្ឋកិច្ចកម្ពុជា ការធ្វើជាប្រធានអាស៊ានក្នុងឆ្នាំ២០២២ និងការទប់ស្កាត់ការរាតត្បាតនៃជំងឺកូវីដ-១៩ ប្រកបដោយភាពជោគជ័យ។

ទន្ទឹមនេះ ក្នុងកំឡុងកិច្ចពិភាក្សានេះដែរ លោក ចែម វីឌៀ រដ្ឋលេខាធិការ ក្រសួងការបរទេសកម្ពុជា និងលោកអនុរដ្ឋមន្ត្រីការបរទេសឆែក បានកត់សម្គាល់ដោយសេចក្ដីពេញចិត្តចំពោះចំណងមិត្តភាពដ៏ល្អប្រសើរ ជាប្រពៃណី និងកិច្ចសហប្រតិបត្តិការដែលកំពុងលូតលាស់រវាងប្រទេសទាំងពីរ។ សហប្រធានទាំងពីរ បានបង្ហាញការប្តេជ្ញាចិត្តក្នុងការលើកកម្ពស់កិច្ចសហប្រតិបត្តិការទូលំទូលាយដែលជាផលប្រយោជន៍រួមឱ្យកាន់តែប្រសើរថែមទៀត និងបានពិនិត្យឡើងវិញគម្រោងកិច្ចសហប្រតិបត្តិការដែលមានស្រាប់។

ភាគីទាំងពីរ ក៏បានឯកភាពលើកទឹកចិត្តតួអង្គពាក់ព័ន្ធរួមគ្នា ដើម្បីបង្កើតឯកសារគតិយុត្តិ និងការរៀបចំវេទិកាវិនិយោគជាទៀងទាត់នៅក្នុងប្រទេសទាំងពីរ ដើម្បីទទួលបានការចូលរួមកាន់តែសកម្មពីវិស័យឯកជន។

បន្ថែមពីនេះ ភាគីទាំងពីរ បានបង្ហាញចំណាប់អារម្មណ៍ក្នុងការបន្តកិច្ចសន្ទនា តាមរយៈកិច្ចពិគ្រោះយោបល់ទ្វេភាគីរវាងក្រសួងការបរទេសទាំងពីរ ដែលជាយន្តការមានប្រសិទ្ធភាពសម្រាប់តាមដានសកម្មភាពដែលបានឯកភាពកន្លងមក ខណៈកិច្ចពិគ្រោះយោបល់ទ្វេភាគី លើកទី៣ នឹងត្រូវធ្វើឡើងនៅសាធារណរដ្ឋឆែក៕

អត្ថបទ៖ ធឿន វ៉ាន់សុង / រូបភាព៖ ក្រសួងការបរទេសកម្ពុជា

The post មន្ត្រីការទូតឆែក៖ កត្តាស្ថិរភាពនយោបាយ ជំរុញវិនិយោគិនឆែក មកវិនិយោគនៅកម្ពុជា appeared first on Kampuchea Thmey Daily.