លោក Iwan Ramdani ប្រធានការិយាល័យស្វែងរក និងជួយសង្គ្រោះ Ternate បានប្រាប់ The Straits Times ថា៖ « ជនរងគ្រោះទាំងពីរនាក់ស្ថិតនៅចម្ងាយប្រហែលត្រឹមតែ​ ៥០ ម៉ែត្រពីកំពូលភ្នំ​ដែលផ្ទុះ​នោះ ហើយត្រូវបានគេជឿថាបានស្លាប់។ ក្រុមជួយសង្គ្រោះកំពុងព្យាយាមរកឲ្យ​ឃើញ​សាកសពពួកគេ ប៉ុន្តែការជម្លៀសត្រូវបានរារាំងដោយភ្លៀង ហើយប្រតិបត្តិការនេះត្រូវបានផ្អាកជាបណ្តោះអាសន្ន»។

The Straits Times បាន​ស្រង់សម្តី​ លោក Riswan Umar អ្នកស្រុកម្នាក់ដែលចូលរួមក្នុងប្រតិបត្តិការជួយ​សង្គ្រោះ បានប្រាប់ «ក្រុមជួយសង្គ្រោះបានរកឃើញជនរងគ្រោះ។ ជនរងគ្រោះត្រូវបានកប់នៅក្រោម​សំណល់​ភ្នំភ្លើង ហើយ​ត្រូវបានគេជឿថាបានស្លាប់»​។

ឧបសគ្គដំបូងបានកើតឡើងយូរមុនពេលក្រុមជួយសង្គ្រោះអាចទៅដល់រណ្ដៅភ្នំភ្លើងមួយក្នុងចំណោមភ្នំភ្លើងដែលងាយនឹងបង្កជាហេតុបំផុតរបស់ប្រទេសឥណ្ឌូនេស៊ី។

ក្រោយ​ពេល​ព្រឹក​ព្រលឹម​ថ្ងៃ​ទី ១០ខែ​ឧសភា ក្រុម​ស្វែងរក និង​ជួយ​សង្គ្រោះ​រួម​របស់​ឥណ្ឌូណេស៊ី​បាន​ចេញ​ដំណើរ​ទៅ​កាន់​ភ្នំ​​​ភ្លើង ​Dukono ដែល​ផ្ទុះ​នោះ​​​ម្តង​ទៀត ជា​កន្លែង​ដែល​អ្នក​ឡើង​ភ្នំ​សិង្ហបុរី​ពីរ​នាក់​នៅ​បាត់​ខ្លួន​បន្ទាប់​ពី​ភ្នំ​ភ្លើង​បាន​ផ្ទុះ​នៅ​ថ្ងៃ​ទី៨ ខែ​ឧសភា។

ប៉ុន្តែ​ភ្លៀង​ធ្លាក់​ខ្លាំង​ពេញ​មួយ​យប់​​ល្បាប់​ភក់​ជ្រៅ​បាន​នាំ​ល្បាប់​ភក់​ច្រើន​​ទៅ​កាន់​ផ្លូវ​ដី​តូច​ចង្អៀត​​​​​សម្រាប់​ការ​ធ្វើដំណើរ​ទៅ​កាន់​ភ្នំ​នោះ​។

ពី​ប៉ុស្តិ៍​ត្រួតពិនិត្យ​ភ្នំភ្លើង​សំខាន់​នៅ​ក្នុង​ភូមិ​ម៉ាមូយ៉ា វា​មាន​ចម្ងាយ​ប្រហែល ១០គីឡូម៉ែត្រ​ ទៅ​កាន់​ប៉ុស្តិ៍​សង្កេត​ដំបូង​នៅ​ជើង​ភ្នំ​ Dukono។ ផ្លូវ​នេះ​ឆ្លង​កាត់​តាម​ព្រៃ​ក្រាស់ និង​ចម្ការ ហើយ​ផ្នែក​ធំៗ​អាច​ចូល​ទៅ​ដល់​បាន​តែ​តាម​ផ្លូវ​ដី​រដិបរដុប​ប៉ុណ្ណោះ៕

ប្រែសម្រួល រើយ​

The post ​អ្នកឡើងភ្នំ​ជនជាតិ​សិង្ហបុរី​២នាក់ ត្រូវ​បានអះអាង​​ថា ស្លាប់​កប់​​​ក្នុង​ភ្នំភ្លើង​ដែលផ្ទុះ​​ appeared first on Kampuchea Thmey Daily.

រដ្ឋមន្ត្រីការបរទេសសិង្ហបុរី បានបង្ហោះសារលើទំព័រហ្វេសប៊ុកផ្លូវការ ក្រោយពីជំនួបជាមួយរដ្ឋមន្ត្រីការបរទេសកម្ពុជាដូច្នេះថា៖«យើងសង្ឃឹមថាសមាជិកអាស៊ានទាំងពីរអាចបន្តអនុវត្តលើបទឈប់បាញ់បច្ចុប្បន្ន និងដោះស្រាយភាពខុសគ្នារបស់ពួកគេដោយសន្តិវិធីតាមរយៈការសន្ទនា និងការចរចា។ »។​

គួរកត់សម្គាល់ថា សិង្ហបុរី ប្រទេសដែលមាន​ឥទ្ធិពល​នយោបាយ​​​​​​​​ដ៏​ខ្លាំង​នៅ​​​​​ក្នុងតំបន់អាស៊ាន តែងតែបង្ហាញជំហរប្រយ័ត្នប្រយែងក្នុងការអត្ថាធិប្បាយលើបញ្ហាជម្លោះរវាងកម្ពុជា-ថៃ ចាប់តាំងពីមានករណីយោធាថៃបាញ់សម្លាប់យោធិនកម្ពុជាម្នាក់ ក្នុងថ្ងៃទី២៨ ខែឧសភា ឆ្នាំ២០២៥ នៅតំបន់មុំបីក្នុងទឹកដី និងដែនអធិបតេយ្យកម្ពុជា។   ក្នុងនាមជាសមាជិកអាស៊ាន សិង្ហបុរី តែងតែអំពាវនាវឱ្យកម្ពុជា-ថៃ អត់ធ្មត់ឱ្យបានខ្ពស់បំផុត និងបន្តកិច្ចសន្ទនា ដោះស្រាយបញ្ហាដោយសន្តិវិធី ស្របតាមច្បាប់អន្តរជាតិបែបនេះ យ៉ាងហោចណាស់៥ដងមកហើយ។

កម្ពុជា-ថៃ ឯកភាពឱ្យមានបទឈប់បាញ់ត្រឹមម៉ោង១២៖០០នាទីថ្ងៃត្រង់ ថ្ងៃទី២៧ ខែធ្នូ ឆ្នាំ២០២៥ ក្រោយពីភាគីថៃបើកការវាយប្រហារទ្រង់ទ្រាយធំឈ្លានពាន បង្ខំឱ្យកម្ពុជាប្រើសិទ្ធិការពារខ្លួនឆ្លើយតបដោយអាវុធ ផ្ទុះចេញជាជម្លោះប្រដាប់អាវុធរយៈពេល២១ថ្ងៃ បណ្ដាលឱ្យពលរដ្ឋខ្មែរភៀសសឹកជាង៦៤ម៉ឺននាក់ និងបាត់បង់ជីវិតជាង៣០នាក់ របួសជិត១០០នាក់។

ត្បិតមានបទឈប់បាញ់ ប៉ុន្តែភាគីកម្ពុជា អះអាងថា ភាគីថៃ បានបំផ្លិចបំផ្លាញផ្ទះសម្បែងពលរដ្ឋខ្មែរ ហេដ្ឋារចនាសម្ព័ន្ធស៊ីវិល រាយបន្លាលួស ដាក់ទូកុងតឺន័រ ចូលជ្រៅមកក្នុងទឹកដីកម្ពុជា កាន់កាប់លើទីតាំងយ៉ាងហោចណាស់ចំនួន១៤ ក្នុងខេត្តចំនួន៤ ដូចជាខេត្តពោធិ៍សាត់ បន្ទាយមានជ័យ ឧត្ដរមានជ័យ និងព្រះវិហារ។

កាលពីពាក់កណ្ដាលខែកុម្ភៈ  សម្ដេច ហ៊ុន ម៉ាណែត នាយករដ្ឋមន្ត្រីកម្ពុជា បានប្រាប់ទីភ្នាក់ងារព័ត៌មាន AFP ថាបទឈប់បាញ់រវាងកម្ពុជា-ថៃ នៅតែមានភាព«ផុយស្រួយ»  ពីព្រោះកងទ័ពថៃ  រំលោភ​លើ​អធិបតេយ្យភាព និង​បូរណភាព​ទឹក​ដីរបស់កម្ពុជា រាយបន្លាលួស ដាក់ទូកុងទឺន័រចូលជ្រៅក្នុងទឹកដីកម្ពុជា លើសពីអ្វីដែលភាគីថៃធ្លាប់ទាមទារជាឯកតោភាគីលើខ្សែបន្ទាត់ព្រំដែនទៅទៀត។   សម្ដេច ហ៊ុន ម៉ាណែត ថា «កម្ពុជា មិនចោទប្រកាន់ថៃទេ ប៉ុន្តែវាគឺជាសេចក្ដីថ្លែងការណ៍ពិតដែលកំពុងកើតនៅលើដីជាក់ស្ដែង»។

ចាប់តាំងពីបទឈប់បាញ់បានចូលជាធរមាន កម្ពុជា តែងតែអំពាវនាវឱ្យថៃ ចូលមកដោះស្រាយបញ្ហាព្រំដែនតាមរយៈកិច្ចប្រជុំគណៈកម្មការ​ចម្រុះ​ខណ្ឌ​សីមា​ព្រំដែន​គោក ​ (​JBC) និងស្នើឱ្យចាត់បញ្ជូនក្រុមការងារវាស់វែងចម្រុះដើម្បីចុះធ្វើការងារនៅលើដីជាក់ស្តែងយ៉ាងហោចណាស់៥លើក   ប៉ុន្តែនៅថ្ងៃទី១១ ខែមីនា រដ្ឋមន្ត្រីការបរទេសថៃ Sihasak Phuangketkeow  អះអាងថា ថៃនឹងចូលកិច្ចប្រជុំនេះ ប៉ុន្តែត្រូវរង់ចាំរហូតដល់រដ្ឋាភិបាលថៃថ្មី ចូលកាន់អំណាចសិន៕

ដោយ៖ ង៉ិល ណារ៉ាត់

​

The post សិង្ហបុរីសង្ឃឹមថាកម្ពុជា-ថៃ បន្តអនុវត្តបទឈប់បាញ់ ខណៈបទឈប់បាញ់នៅតែ«ផុយស្រួយ» appeared first on Kampuchea Thmey Daily.

​​​​សិង្ហបុរី​ជា​ប្រទេស​តូច​​​​បំផុត​នៅ​ក្នុង​​ប្លុក​អាស៊ាន ប៉ុន្តែ​ជា​ប្រទេស​ដែលមាន​ឥទ្ធិពល​នយោបាយ​​​​​​​​ដ៏​ខ្លាំង​នៅ​​​​​ក្នុងតំបន់នេះ​ដែល​មាន​សមាជិក​១១​ប្រទេស ដោយសារ​តែ​​នយោបាយ​ការទូត ទំនាក់​ទំនង​​ជាមួយសម្ព័ន្ធ​មិត្ត​​​នៃ​ប្រទេសអភិវឌ្ឍន៍​ដ៏​មានប្រសិទ្ធភាព និង កា​រអភិវឌ្ឍ​សេដ្ឋកិច្ច​​​ដ៏ខ្លាំង​និង​​រឹងមាំ​​របស់​ខ្លួន​។ ក្នុងពេល​កន្លងមក សិង្ហបុរី​​​​​​​តែងតែ​រក្សា​​គោល​ជំហរ​​ប្រយ័ត្ន​​ប្រយែង​​ក្នុង​ការ​អត្ថាធិប្បាយ​​​ក្នុងជម្លោះ​កម្ពុជានិង​ថៃ​ ដោយ​បាន​ធ្វើ​​ឡើង​​តែ​ក្នុង​ក្របខ័ណ្ឌ​អាស៊ាន​ប៉ុណ្ណោះ ឬ​អំពាវ​នាវ​​ឲ្យ​ភាគី​ទាំងពីរ​រក្សា​ការ​អត់ធ្មត់ប៉ុណ្ណោះ​ ប៉ុន្តែ​ពេលនេះ​ សិង្ហបុរី​​​បាន​​​​បង្ហាញ​ជំហរ​​ផ្ទាល់ខ្លួន​ក្នុងការ​ជំរុញ​​ឲ្យ​ភាគី​ថៃ​​ដោះស្រាយ​ជម្លោះ​នោះ​ដោយសន្តិវិធី។

​​ក្នុងជំនួប​​ទ្វេភាគី​ជាមួយ​​រដ្ឋមន្ត្រី​ការបរទេសថៃ​ លោក ​ស៊ីហៈសាក់ ភួង​កេតុកែវ​ (​​Sihasak Phuangketkeow)​ នៅ​​ឯក្រៅ​កិច្ច​ប្រជុំ​រដ្ឋមន្ត្រី​កា​របរទេសអាស៊ាន​​នៅ​​​ទក្រុង​ស៊ីប៊ូ ប្រទេសហ្វីលីពីន រដ្ឋមន្ត្រី​ការបរទេសសិង្ហបុរី​ លោក ​វីវ៉ាន់ បាឡា​គ្រឹស្នាន់ ​(Vivian Balakrishnan) បាន​​ជំរុញ​​ឲ្យ​​ដោះស្រាយ​ដោយ​សន្តិភាព​​នូវ​​តានតឹង​​​​តាមបណ្តោយ​​​ព្រំដែន​​ថៃ​និង​កម្ពុជា​។

លោក ​វីវ៉ាន់ បាឡា​គ្រឹស្នាន់ ដែល​បាន​បង្ហោះ​សារ​តាមបណ្តាញ​សង្គមហ្វេសប៊ុក និង​ដក​​ស្រង់​​ដោយ​សារ​ព័ត៌មាន Straits Times បាន​និយាយថា​៖«សង្ឃឹមថាសន្តិភាពនឹង​ស្តែង​ឡើង​ ហើយភាគីទាំងពីរនឹងអាចដោះស្រាយភាពខុសគ្នារបស់ពួកគេតាមរយៈការសន្ទនា និងការចរចា»។

​​​ជម្លោះ​​ព្រំដែនរវាង​ថៃ​និង​កម្ពុជា ហាក់​បាន​ទាញទម្លាក់​​​​​គុណតម្លៃ​របស់​អាស៊ាន ដែល​ជា​សហគមន៍​​សន្តិភាព​ រួម​វាសនា​តែមួយ​ នោះ ​ដោយសារ​តែ​​​ភាគី​ថៃ​​​ដែលមានទំនាស់​នយោបាយ​​ផ្ទៃ​ក្នុង រួច​​បង្វែរ​ជម្លោះ​​ផ្ទៃក្នុងនោះ​មក​កាន់​ព្រំដែន​ជាមួយកម្ពុជា ដោយ​បង្ក​ហេតុ​ឲ្យ​មានការ​ផ្ទុះ​អាវុធ និង​ប្រើប្រាស់​មធ្យោបាយ​ប្រយុទ្ធ​ដ៏សាហាវ​ដើម្បី​កាន់​កាប់​​តំបន់​មួយចំនួន​របស់​កម្ពុជា ក្នុងន័យ​ផ្គាប់ចិត្ត​ក្រុម​អ្នក​ជាតិនិយមថៃ​។

បើទោះបី​​ជា ប្រទេស​កម្ពុជា​និង​ថៃ​សម្រេច​បាន​នូវ​កិច្ច​ព្រមព្រៀង​បទ​ឈប់បាញ់រហូតដល់​ទៅ២លើក និង កិច្ច​ព្រមព្រៀង​សន្តិភាព​​​ដ៏ទូលំទូលាយ​ ក្រោម​វត្តមាន​​មហាអំណាច​សហរដ្ឋអាមេរិក និង​ប្រធានអាស៊ាន​ក៏ដោយ ប៉ុន្តែ​​​យោធា​របស់​ប្រទេសថៃ​នៅមិនទាន់​ចូលរួម​អនុវត្ត​ពេញលេញ​ដោយ​ដកចេញពី​ទឹកដី​របស់​កម្ពុជា​នៅឡើយ ដោយ​បំពាន​លើ​​​ជនស៊ីវិល និង​​បូរណៈភាព​ទឹកដី​កម្ពុជា​យ៉ាងធ្ងន់ធ្ងរ​។

​​កម្ពុជា​ដែល​ជា​ប្រទេសរងគ្រោះ​ក្នុង​ជម្លោះ​នយោបាយ​ថៃ​​ បាន​អំពាវ​នាវម្តងហើយម្តងទៀត ​​​​ឲ្យ​ភាគី​ថៃ​​ចូលរួម​អនុវត្តកិច្ច​ព្រម​ព្រៀង​សន្តិភាព​កូឡាំឡាំពូ​​ដែលចុះ​ហត្ថលេខា​កាលថ្ងៃទី​​២៦​ខែ​តុលា​២០២៥ ​​​ឲ្យ​បាន​ពេញលេញ​ ដើម្បីស្តារ​សន្តិ​ភាព និង​កសាងទំនុកចិត្តគ្នាឡើង​វិញ៕

រ៉ាន់ រើយ​​

The post ​សិង្ហបុរីប្រាប់ថៃ​ចំៗ ឲ្យ​​ដោះស្រាយ​ជម្លោះ​​​​ជាមួយកម្ពុជា​ដោយ​សន្តិវិធី​ appeared first on Kampuchea Thmey Daily.

អាហារូបករណ៍ថ្នាក់អនុបណ្ឌិត ពីសាលា Lee Kuan Yew School of Public Policy នៃសាកលវិទ្យាល័យ National University of Singapore សម្រាប់ឆ្នាំសិក្សា ២០២៦ តាមរយៈ ស.ស.យ.ក. រាជធានីភ្នំពេញ សិក្សាលើជំនាញសំខាន់ៗចំនួន៣ ដូចជា ១.រដ្ឋបាលសាធារណៈ (Public Administration), ២. គោលនយោបាយសាធារណៈ (Public Policy) និងទី៣. កិច្ចការអន្តរជាតិ (International Affairs)។

ចំពោះលក្ខខណ្ឌទទួលបានអាហារូបករណ៍នេះ មានដូចជា៖ ជាមន្ត្រីរាជការកំពុងបម្រើការនៅស្ថាប័នរដ្ឋ, មានបទពិសោធន៍ការងារចាប់ពី ២ឆ្នាំឡើងទៅ, មានសញ្ញាបត្រថ្នាក់បរិញ្ញាបត្រឡើងទៅ,មានពិន្ទុ TOEFL IBT / IELTS។ ចំណែកឯកសារតម្រូវផ្សេងៗ មាន (Resume, Personal Statement Reference Letter)។ អាហារូបករណ៍ខាងលើ ឈប់ទទួលពាក្យនៅថ្ងៃទី២៦ ខែតុលា ឆ្នាំ២០២៥៕

The post សហភាពសហព័ន្ធយុវជនកម្ពុជា ប្រកាសពីអាហារូបករណ៍ថ្នាក់អនុបណ្ឌិតសម្រាប់មន្ត្រីរាជការសិក្សានៅប្រទេសសិង្ហបុរី appeared first on Kampuchea Thmey Daily.

ការលើកឡើងនេះ ធ្វើនៅក្នុងអំឡុងទស្សនកិច្ចនៃ កម្មវិធី Lee Kuan Yew Exchange Fellowship នាថ្ងៃទី២៤ ខែមេសា ឆ្នាំ២០២៥ របស់រដ្ឋមន្ត្រីអប់រំកម្ពុជា នៅប្រទេសសិង្ហបុរី ដោយលោកបានដឹកនាំប្រតិភូក្រសួងអប់រំ យុវជន និងកីឡា ទទួលជួបសំណេះសំណាលជាមួយតំណាងយុវជន និងនិស្សិតកម្ពុជា ចំនួន ៨រូប ដែលកំពុងសិក្សាថ្នាក់បរិញ្ញាបត្រជាន់ខ្ពស់នៅប្រទេសសិង្ហបុរី លើជំនាញរដ្ឋបាលសាធារណៈ ជំនាញគោលនយោបាយសាធារណៈ ជំនាញវិទ្យាសាស្រ្តសាសនា និងជំនាញការអប់រំសាសនាគ្រិស្ត។​

ក្នុងជំនួបខាងលើ លោក ហង់ជួន ណារ៉ុន បាននិយាយថា៖ “តាងនាមក្រសួងអប់រំ យុវជន និងកីឡា សូមជូនពរដល់និស្សិតទាំងអស់ឱ្យមានសុខភាពល្អ និងទទួលបានជោគជ័យក្នុងការសិក្សា ព្រមទាំងបានផ្ដល់អនុសាសន៍ដល់និស្សិតទាំងអស់ឱ្យខិតខំប្រឹងប្រែងយកចិត្តទុកដាក់សិក្សារៀនសូត្រក្រេបយកចំណេះវិជ្ជាថ្មីៗ ទាំងនៅក្នុងសាលា និងពីមជ្ឈដ្ឋានខាងក្រៅឱ្យអស់ពីលទ្ធភាព ដើម្បីជាទុនក្នុងការអភិវឌ្ឍខ្លួនក្លាយជាបញ្ញវន្តដែលមានចំណេះដឹងច្បាស់លាស់ និងជំនាញពិតប្រាកដ ជាទំពាំងដ៏ល្អក្នុងការចូលរួមកសាងប្រទេសជាតិ នៅពេលវិលត្រឡប់មកមាតុប្រទេសវិញ”។

ក្នុងឱកាសនេះ លោកក៏បានផ្តាំដល់និស្សិតគ្រប់រូបយកចិត្តទុកដាក់មើលថែសុខភាពឱ្យបានល្អ ហើយលោកក៏បានចែករំលែកបទពិសោធជាមួយពួកគេ និងស្វែងយល់អំពីស្ថានភាពការសិក្សារៀនសូត្រ បទពិសោធដែលទទួលបានពីការរស់នៅសិង្ហបុរី ក៏ដូចជាការប្រឈមនានា។

រដ្ឋមន្ត្រីអប់រំក៏បានបញ្ជាក់ដែលថា ឆ្នាំ២០២៥នេះ បានឈានចូលខួបគម្រប់ ៦០ឆ្នាំហើយនៃការផ្សារភ្ជាប់ទំនាក់ទំនងការទូតជាផ្លូវការរវាងកម្ពុជា និងសិង្ហបុរី។ ជាមួយគ្នានេះ តាមរយៈការផ្តល់អាហារូបករណ៍នេះ លោករំពឹងថាទំនាក់ទំនងដ៏ល្អផូរផង់នេះនឹងបន្តរីកចម្រើនជានិរន្តរ៍៕

The post រដ្ឋមន្ត្រីអប់រំ ផ្តាំនិស្សិតអាហារូបករណ៍កម្ពុជាដែលកំពុងរៀននៅសិង្ហបុរី ឱ្យខិតខំរៀនសូត្រដើម្បីមានជំនាញពិតមកអភិវឌ្ឍន៍ប្រទេស appeared first on Kampuchea Thmey Daily.

ការ​គូស​បញ្ជាក់​នេះ ក្នុង​ឱកាស លោក ហេង សួរ អញ្ជើញ​ជា​អធិបតី​ក្នុង​ពិធី​បិទ​សិក្ខាសាលា​ស្ដីពី «ការ​គិត​ឡើងវិញ​លើ​ឧត្ដមភាព​អប់រំ​បណ្ដុះបណ្ដាល​បច្ចេកទេស និង​វិជ្ជាជីវៈ (អ​.​ប​.​វ) សម្រាប់​បរិវត្ត​កម្ម និង​ផល​ជះ​ប្រកប​ដោយ​និរន្តរភាព​» និង​ពិធី​ប្រគល់​ពានរង្វាន់​គំរូ​ឧត្ដមភាព​សកល​សម្រាប់​ការ​អប់រំ និង​បណ្ដុះបណ្ដាល​ជំនាញ នៃ​ប្រទេស​សិង្ហបុរី ជូន​វិទ្យាស្ថាន​ជាតិ​ពហុបច្ចេកទេស​កម្ពុជា (NPIC) និង​វិទ្យាស្ថាន​ជាតិ​បណ្ដុះបណ្ដាល​បច្ចេកទេស (NTTI) កាលពី​រសៀល​ថ្ងៃ​ទី ២៤ ខែ​មេសា ឆ្នាំ ២០២៥ នៅ​វិទ្យាស្ថាន​ជាតិ​បណ្ដុះបណ្ដាល​បច្ចេកទេស (NTTI)។

នា​ឱកាស​នោះ លោក ហេង សួរ មាន​ប្រសាសន៍​ថា ការ​រៀបចំ​ស្តង់ដារ​កម្មវិធី​សិក្សា និង​ការ​អភិវឌ្ឍ​ម៉ូឌុល​សិក្សា​ឲ្យ​ស្រប​ទៅ​តាម​តម្រូវការ​ទីផ្សារ​ការងារ​ក្នុង​ការ​ពង្រឹង​ចំណេះដឹង , វិន័យ , សីលធម៌ និង​ឥរិយាបថ​របស់​សិក្ខាកាម សិស្ស និស្សិត គឺជា​មូលដ្ឋានគ្រឹះ​ដ៏​ចម្បង​ក្នុង​ការ​បង្កើត និង​អភិវឌ្ឍន៍​ធនធាន​មនុស្ស ខណៈ កម្ពុជា កំពុង​ត្រូវការ​កម្លាំង​ពលកម្ម​ដែល​មាន​ជំនាញ​ច្បាស់លាស់ និង​អ្នក​បច្ចេកទេស​យ៉ាង​ច្រើន​គ្រប់​វិស័យ។

ជាមួយ​នេះ លោក​រដ្ឋមន្ត្រី បាន​គូស​បញ្ជាក់ និង​សម្ដែង​ការ​អបអរសាទរ​ដល់​វិទ្យាស្ថាន​ជាតិ​ពហុ​បច្ចេកទេស​កម្ពុជា (NPIC) ដែល​ទទួល​បាន​ពានមាស (Gold Award) និង​វិទ្យាស្ថាន​ជាតិ​បណ្ដុះ​បណ្ដាល​បច្ចេកទេស (NTTI) ទទួល​បាន​ពានប្រាក់ (Silver Award) ដែល​ជា​ពានរង្វាន់ GEMSET Award ពី ITE Education Services (ITEES) នៃ​ប្រទេស​សិង្ហបុរី ដោយ​ពានរង្វាន់​នេះ គឺជា​ការ​ឆ្លុះ​បញ្ចាំង​ការ​រីក​ចម្រើន នៃ​វិស័យ TVET នៅ​កម្ពុជា។ ទន្ទឹម​នេះ ក៏​ជា​ការ​ស​បញ្ជាក់​យ៉ាង​ច្បាស់​ផង​ដែរ​អំពី​ដំណើរ​វិវត្ត​វិជ្ជមាន នៃ​ការ​ឆ្លើយតប​នឹង​ចំណុច​អាទិភាព “មនុស្ស” ដែល​បាន​ឆ្លុះបញ្ចាំង​ជា​ចម្បង​ក្នុង​បញ្ចកោណ​ទី ១ “ការ​អភិវឌ្ឍ​មូលធន​មនុស្ស” នៃ​យុទ្ធសាស្ត្រ​បញ្ចកោណ​-​ដំណាក់កាល​ទី ១ ផង​ដែរ។

លោក​រដ្ឋមន្ត្រី ក៏បាន​វាយតម្លៃ​ខ្ពស់​ចំពោះ​កិច្ច​សហប្រតិបត្តិការ​រវាង ក្រសួង​ការងារ និង​បណ្ដុះ​បណ្ដាល​វិជ្ជាជីវៈ និង ITEES ដែល​កន្លងមក​បាន​សហការ​រៀបចំ​វគ្គ​បណ្ដុះបណ្ដាល​ក្នុងស្រុក ​រួមមាន​វគ្គ​គ្រប់គ្រង និង​ភាព​ជា​អ្នកដឹកនាំ , វគ្គ​គរុកោសល្យ។ ទន្ទឹម​នេះ ក៏​មាន​វគ្គ​បណ្ដុះបណ្ដាល​នៅ​សិង្ហបុរី រួមមាន វគ្គ​ជំនាញ​ព័ត៌មានវិទ្យា , អេឡិចត្រូនិក និង​បច្ចេកវិទ្យា​រថយន្ត និង​សិក្ខាសាលា​ចែករំលែក​បទ​ពិសោធ​ជាច្រើន។ ជាពិសេស​តាមរយៈ​សិក្ខាសាលា​ដែល​រៀបចំ​នៅ​កម្ពុជា​នា​ពេលនេះ នឹង​ជួយ​ពង្រឹង និង​កំណត់​នូវ​តម្រូវការ​ឧត្ដមភាព​សម្រាប់ TVET ក្នុង​ដំណើរ​ឆ្ពោះ​ទៅ​រក​ការ​កែលម្អ​ជា​បន្ត​បន្ទាប់​តាមរយៈ​ការ​វាស់វែង និង​វាយតម្លៃ​ជា​រួម​ទៅ​លើ​ប្រព័ន្ធ​អេកូ​របស់ TVET ដើម្បី​រក​ឲ្យ​ឃើញ​នូវ​ផល​ប៉ះពាល់ និង​លទ្ធផល​ប្រកបដោយ​និរន្តរភាព និង​ការ​ចែករំលែក​ពី​បទ​ពិសោធ​របស់​សិង្ហបុរី​សម្រាប់​ឧត្ដមភាព​លើ​ការ​ធ្វើ​បរិវត្ត​កម្ម និង​ផល​ជះ​ប្រកប​ដោយ​និរន្តរភាព​ឆ្ពោះ​ទៅ​រក​ការ​អនុវត្ត​កម្រិត​ពិភពលោក៕

អត្ថបទ ៖ ពិសី

The post លោក ហេង សួរ ៖ ពានរង្វាន់ GEMSET Award សិង្ហបុរី ដែលវិទ្យាស្ថាន TVET ទទួលបាន ឆ្លុះបញ្ចាំងការរីកចម្រើនវិស័យ TVET នៅកម្ពុជា appeared first on Kampuchea Thmey Daily.

RSAF បាននិយាយនៅថ្ងៃទី១៨ខែមីនាថា ខ្លួនមានយន្តហោះ២៦គ្រឿង ប្រព័ន្ធការពារដែនអាកាស១០គ្រឿង និងកងទ័ពជាង៧០០នាក់ដែលចូលរួមក្នុងសមយុទ្ធ Cope Tiger លើកទី៣១។

ដំណាក់កាលទីមួយនៃសមយុទ្ធត្រីភាគី ដែលជាលំហាត់បញ្ជាការត្រូវបានធ្វើឡើងពីថ្ងៃទី១៧ ដល់ថ្ងៃទី១៩ខែធ្នូ ឆ្នាំ ២០២៤ នៅមជ្ឈមណ្ឌលប្រតិបត្តិការ និងសមយុទ្ធពហុជាតិ នៅមូលដ្ឋានទ័ពជើងទឹក Changi សិង្ហបុរី។ ដំណាក់​កាល​ទី​២ ដែល​ជា​លំហាត់​ហ្វឹកហ្វឺន​ហោះ​ហើរ​នៅ​មូលដ្ឋាន​អាកាស​ Korat និង​ទីលាន Chandy ក្នុង​ប្រទេស​ថៃ បាន​ចាប់​ផ្តើម​នៅ​ថ្ងៃ​ទី១៧ខែ​មីនា ហើយ​នឹង​បញ្ចប់​នៅ​ថ្ងៃ​ទី ២៨ខែ​មីនា។

សមយុទ្ធនេះត្រូវ​បាន​សហ​ការ​ដោយ​ប្រធាន​កង​ទ័ព​អាកាស​របស់​សិង្ហបុរី ឧត្តម​សេនីយ៍ Kelvin Fan, អគ្គមេបញ្ជាការ​​កង​ទ័ព​អាកាស​ថៃលោក Punpakdee Pattanakul, និងមេបញ្ជាការទ័ពអាកាសទីប្រាំ នៃកងទ័ពអាកាសប៉ាស៊ីហ្វិក ឧត្តមសេនីយ៍ឯក Stephen F. Jost ។

គួរបញ្ជាក់ថាសមយុទ្ធ Cope Tiger បានចាប់ផ្ដើមតាំងពីឆ្នាំ ១៩៩៤ កំពុងបង្កើនជំនាញវិជ្ជាជីវៈ និងទំនាក់ទំនងការពារជាតិរវាងសិង្ហបុរី ថៃ និងសហរដ្ឋអាមេរិក ក៏ដូចជាការលើកកម្ពស់ទំនាក់ទំនងកាន់តែជិតស្និទ្ធ និងការយោគយល់គ្នាទៅវិញទៅមកក្នុងចំណោមកងទ័ពរបស់ប្រទេសទាំងបី៕

អត្ថបទ៖ ប៊ុន សុភាព

The post ទ័ពអាកាស សិង្ហបុរី ថៃ និងអាមេរិក ធ្វើសមយុទ្ធរួមគ្នាដើម្បីបង្កើនការត្រៀមខ្លួន appeared first on Kampuchea Thmey Daily.

ក្នុងជំនូបជាមួយគណៈប្រតិភូ​មកពីអង្គភាព Infrastructure Asia ដែលមានមូលដ្ឋាននៅប្រទេសសិង្ហបុរី កាល​ពី​​ថ្ងៃ​ទី​១១ ខែ​មីនា កន្លង​ទៅ​នេះលោករដ្ឋមន្ត្រី ហែម វណ្ណឌី បាន​លើក​ឡើង​ពីការប្តេជ្ញាចិត្តរបស់​រាជរដ្ឋាភិបាលកម្ពុជា​ចំពោះ​របៀបវារៈបៃតង ដោយ​រំលេច​ជា​ឧទាហរណ៍​នូវគំនិតផ្តួចផ្តើមដូចជា កម្មវិធីពានរង្វាន់ឧស្សាហកម្មបៃតង ព្រមទាំងលក្ខខណ្ឌតម្រូវរបស់ទីផ្សារសម្រាប់ការផលិតប្រកបដោយការទទួលខុសត្រូវចំពោះបរិស្ថាន។

បន្ថែម​ពី​នេះ លោករដ្ឋមន្ត្រី ក៏​ចង់ឱ្យ អង្គភាព Infrastructure Asia បង្កើត​សម្ព័ន្ធ​ជា​មួយ​វិស័យ​ហិរញ្ញវត្ថុ​នៅ​កម្ពុជា ដើម្បី​កៀរគរ​ការ​វិនិយោគ​សម្រាប់​វិស័យបច្ចេកវិទ្យា និង​ដំណោះ​ស្រាយ​បៃ​តង និងជំ​រុញ​ឱ្យអង្គភាពនេះពិចារណាប្រើប្រាស់វិធីសាស្រ្តភាពជាដៃគូរដ្ឋ និងឯកជន ដើម្បីទាក់ទាញការវិនិយោគមកកាន់ប្រទេសកម្ពុជា។

លោករដ្ឋមន្ត្រី ក៏បានអះអាងដែរថា កម្ពុជា​បន្តទទួលបានការវិនិយោគ​ជា​ច្រើន ​ដែល​រោងចក្រខ្លះបានផ្លាស់​ប្តូរមូលដ្ឋានផលិតកម្ម​មក​កម្ពុជា និងបាន​អនុលោមតាមលក្ខខណ្ឌតម្រូវទាំង​នេះ ប៉ុន្តែនៅមានរោងចក្រ​មួយចំនួន​ទៀតដែលនៅបន្តបញ្ចេញកាបូន​ច្រើន។

ទាក់ទងនឹងការគ្រប់គ្រងសំណល់ឧស្សាហកម្ម លោក​រដ្ឋមន្ត្រី ក៏​បានសង្កត់ធ្ងន់​លើតម្រូវការ​ក្របខ័ណ្ឌ​ច្បាស់លាស់ គោលនយោបាយ និង​ហេដ្ឋារចនាសម្ព័ន្ធ​ជាក់លាក់ ជាពិសេសសម្រាប់សំណល់ឧស្សាហកម្មដែល​មានហានិភ័យខ្ពស់។

អង្គភាព Infrastructure Asia ដែលបច្ចុប្បន្នកំពុង​ស្នើ​អនុវត្តគម្រោងគ្រប់គ្រង​​សំណល់ឧស្សាហកម្ម​​នៅក្នុងប្រទេសហ្វីលីពីន បាន​បង្ហាញអារម្មណ៍ក្នុងការអនុវត្តគំនិតផ្តួចផ្តើមស្រដៀងគ្នានេះ នៅក្នុង​ប្រទេសកម្ពុជា​ផងដែរ៕

The post រដ្ឋមន្ត្រីឧស្សាហកម្មកម្ពុជា ស្នើសិង្ហបុរី វិនិ​យោគលើវិស័យបច្ចេកវិទ្យា appeared first on Kampuchea Thmey Daily.