ក្រោយពីបាននាំយកអដ្ឋិធាតុ មកតម្កល់នៅក្នុងវត្តកណ្ដាលនាក្រុង​បាត់ដំបង រដ្ឋបាលខេត្តបានរៀបចំដាំដើមដូងរ៉បមាត់ស្ទឹងសង្កែ ត្រើយខាងកើតខាងមុខវត្តកណ្ដាលចំនួន ១០ ដើម ដែលជាតំណាងនូវបទ (ម្លប់ដូងទីដប់) របស់ម្ចាស់កវីស្ទឹងសង្កែ ដែលទាំងនេះ​សបញ្ជាក់ឲ្យឃើញថា បើទោះបីជាកវីនិពន្ធបានលាចាកលោកទៅហើយក្តី ក៏ទឹកដៃនិពន្ធ និងកិត្តិសព្ទ មិនរលាយសាបសូន្យទៅជាមួយរាងកាយរបស់លោកឡើយ។

ជាមួយគ្នានេះ​រូបសំណាករបស់លោក ត្រូវ​បាន​កសាងឡើងនៅខាងមុខប្រាង្គសម្រាប់តម្កល់អដ្ឋិធាតុ សម្រាប់ទុកឱ្យក្មេងជំនាន់ក្រោយបានស្គាល់ប្រវត្តិរបស់លោក ដែលជាអ្នកនិពន្ធជើងចាស់ និងមានទឹកដៃគ្មានគូប្រៀប។

ព្រះចៅអធិការវត្តកណ្ដាលនៅក្រុង​បាត់ដំបង​មានសង្ឃដីកាប្រាប់​កម្ពុជាថ្មី​ថា យូរៗម្ដងទើបឃើញក្រុមគ្រួសារនិងសាច់ញាតិ​របស់លោក​មកមើលនិងសំអាតប្រាង្គ ដែលពួកគាត់សុទ្ធសឹងជាអ្នកនៅក្រៅប្រទេសទាំងអស់ ប៉ុន្តែទោះយ៉ាងនេះក្តីក៏ទីអារាមនៅតែមានការថែទាំទៅលើប្រាង្គនេះដែរ។

បើគេនិយាយអំពីឈ្មោះម្ចាស់កវីស្ទឹងសង្កែ លោក គង្គ ប៊ុនឈឿន គេអាចនឹកដល់បទចម្រៀងជាច្រើនដែលជាស្នាដៃនិពន្ធរបស់លោកក្នុងការចងក្រងឡើង ទៅតាមទិដ្ឋភាពនិងភូមិសាស្ត្រនានាតាមបណ្ដោយដងស្ទឹងសង្កែ ក្នុងខេត្តបាត់ដំបង ដែលបទចម្រៀងទាំងនោះបានបន្សល់ទុករហូតមកដល់សព្វថ្ងៃ ដែលមិនមានការសាបសូន្យនោះឡើយ ដូចជាបទ << ម្លប់ដូងទីដប់ , រំដួលដងស្ទឹងសង្កែ , កុលាបវត្តកែវ , សែនស្ដាយថ្ពាល់ស្ដាំ , ស្ទឹងសម្ងាត់ , ស្ពានឈើអភ័ព្វ , ភូមិវត្តកំផែង >>ជាដើម។ បទចម្រៀងមួយចំនួនត្រូវបានម្ចាស់កវីស្ទឹងសង្កែ លោក គង្គ ប៊ុនឈឿន បានបញ្ចូលរឿងពិតខ្លះៗដែលបានកើតមានឡើងនៅក្នុងសង្គមទៅក្នុងបទចម្រៀងទាំងនោះ ធ្វើឱ្យអ្នកស្ដាប់ទាំងឡាយហាក់បានមើលឃើញនិងទៅដល់ទីតាំងដែលលោកនិពន្ធឡើង។

លោក គង្គ ប៊ុនឈឿន កើតនៅថ្ងៃទី ១៧ ខែតុលា ឆ្នាំ១៩៣៤ នៅលើទឹកដីខេត្តបាត់ដំបង និងបានទទួលមរណភាព មួយថ្ងៃទី ១៧ ខែមេសា ឆ្នាំ២០១៦ នៅប្រទេសន័រវេស ដោយរោគាពាធ និងបានបញ្ជូនអដ្ឋិធាតុមកតម្កល់ទុកនៅក្នុងប្រាង្គមួយកន្លែងក្នុងវត្តកណ្ដាល ស្ថិតក្នុងភូមិរំចេក ៤ សង្កាត់រតនៈ ក្រុងបាត់ដំបង ខេត្តបាត់ដំបង ដោយបានកសាងរូបសំណាករបស់លោកអង្គុយកាន់សៀវភៅនិងប៉ាក់កា នៅខាងមុខប្រាង្គថែមទៀតផង ដោយលោកមានភរិយាឈ្មោះ តាត គឹមលន៕

អត្ថបទ : សោ និយមរ័ត្ន

The post ​ដើម​ដូង ១០ ដើម ដាំមុខ​វត្តកណ្តាល រំលឹកចងចាំស្នាដៃ​ម្ចាស់​​កវី​ដងស្ទឹងសង្កែ លោក គង្គ ប៊ុនឈឿន appeared first on Kampuchea Thmey Daily.

ដោយឡែកនៅលើទំព័រហ្វេសប៊ុករបស់តារាសម្តែងអ្នកនាងអម្ពរ ទេវី ក៏បានបង្ហាញការសោកសៅដូច្នេះថា «គ្រាន់តែបានទទួលដំណឹងភ្លាម ខ្ញុំសែនរន្ធត់ចិត្តណាស់សូមឲ្យដួងវិញ្ញាណក្ធន្ធរបស់បងបានទៅកាន់ទីឋានសុគតិភពកុំបីឃ្លាងឃ្លាតឡើយ»។

មរណភាពរបស់តារាភាពយន្តជើងចាស់លោក​ ពេជ្រ​ ភារុណ ជាការបាត់បង់ធនធានមនុស្សដ៏មានតម្លៃផ្នែកវិស័យភាពយន្តរបស់ខ្មែរ។ តាមរយ:ដំណឹងនេះគេឃើញមានមហាជននិងអ្នកគាំទ្រព្រមទាំងសិល្បករ-សិល្បការិនីខ្មែរជាច្រើនបានសម្តែងការសោកស្តាយនិងមានក្តីរន្ធត់ចិត្តខ្លាំងចំពោះការបាត់បង់វីរ:សិល្បករខ្មែររូបនេះ៕

អត្ថបទ៖ ចាន់រ៉ា

The post តារាភាពយន្តខ្មែរនាទសវត្សរ៍ឆ្នាំ ៨០-៩០ លោក ពេជ្រ ភិរុណ ទទួលមរណភាពមុននេះ appeared first on Kampuchea Thmey Daily.

បើគិតមកដល់ពេលនេះចំណងស្នេហារវាងនាង និងស្វាមី បានចែកផ្លូវគ្នាមានរយ:ពេល ១ ឆ្នាំហើយ ខណ:កន្លងមកតារាស្រី លី ម៉ារីណា មិនធ្លាប់ទម្លាយមូលហេតុច្បាស់ពីការបែកបាក់គ្នាទេពោលគឺ គ្រាន់តែនិយាយថារស់នៅមិនចុះសម្រុង។រឿងដែលចាប់អារម្មណ៍ពេលនេះ លី ម៉ារីណា បានបង្ហើបមូលហេតុខ្លះៗនៃការបែកគ្នាជាថ្មីជាមួយការនិយាយថា​នាងធ្លាប់ជួបបញ្ហាបាក់ទឹកចិត្តធ្ងន់ធ្ងរក្រោយអស់ទ្រព្យសម្បត្តិពីខ្លួន។

តារាសម្តែង លី ម៉ារីណា បានផ្តល់កិច្ចសម្ភាសន៍តាមរយ:កម្មវិធីមួយកាលពីថ្មីៗនេះថាទោះបីនាងនិងស្វា មីបានផ្តាច់ចំណងអាពាហ៍ពិពាហ៍ជាមួយគ្នាក៏ពិតមែ នប៉ុន្តែសម្រាប់ទំនាក់ទំនងរវាងអតីតស្វាមីនឹងកូននាងមិនបានកាត់ផ្តាច់ទេគឺផ្តល់ការទាក់ទងគ្នាធម្មតា។ដោយឡែ កនៅពេលសួរថាកន្លងមកគេតែងឃើញអ្នកនាងនិងអតី តស្វាមីបណ្តើរគ្នាចូលរួមកម្មពិធីហាក់មានភាពសិទ្ធស្នា លផ្អែមល្ហែមនឹងគ្នាដូចគ្មានរឿងអ្វីកើតឡើយតើនៅក្រោ យសកម្មភាពនោះមានលក្ខ ណ:ស្វីតដូចនេះទេ?។

ឆ្លើយតបនឹងសួរបែបនេះ ត្រូវបានអ្នកនាង លី ម៉ារីណា បញ្ជាក់ថា ជួលកាលវាជារឿងក្លែងក្លាយព្រោះពេលខ្លះដើរទៅចូលរួមកម្មវិធីគឺផ្លូវតែមួយតែពេលខ្លះចេញមកដល់ខាងក្រៅក៏អាចមានការប៉ះទង្គិតសម្តីជាមួយគ្នាខ្លះដែរ។ លី ម៉ារីណា និយាយទៀតថា ពេលបែកគ្នាជាមួយស្វាមីដំបូង នាងបាក់ទឹកចិត្តខ្លាំងពាក់ព័ន្ធការសួរនាំមួយចំនួនរឿងទ្រព្យសម្បត្តិពីមនុស្សនៅជុំវិញខ្លួន។

លី ម៉ារីណា បន្តថា អំឡុងពេលបែកបាក់គ្នានោះគឺអតីតស្វាមីបានប្រមូលទ្រព្យទៅអស់ពីខ្លួន តែចំណុចនេះហើយបានធ្វើឲ្យនាងកាន់តែបាក់ទឹកចិត្តធ្ងន់ធ្ងរនឹងស្លុចចិត្តខ្លាំងបំផុត ព្រោះមិននឹកស្មានគាត់បំផ្លាញទំនុកចិត្តហើយក្តីស្រលាញ់។ អ្វីដែល​សំខាន់បំផុតទៀតនោះ គឺនាងបានបាត់បង់ស្មារតីគេងមិនលក់ចាប់ផ្តើមមានបញ្ហាខួរក្បាលកើតជាជំងឺស្ត្រេសខ្លាំងអ ស់កម្លាំងចិត្តធ្វើការ អត់កំលាំងចិត្តឡាយលក់និងចេញទៅថតផ្សព្វផ្សាយផលិតផលខាងក្រៅសម្រាប់ភ្ញៀវតែម្តង៕

អត្ថបទ៖ ចាន់រ៉ា

The post លី ម៉ារីណា ទម្លាយរឿងបាក់ទឹកចិត្តធ្ងន់ធ្ងរ ក្រោយអស់ទ្រព្យសម្បត្តិពីខ្លួន appeared first on Kampuchea Thmey Daily.

ជា​ការ​ពិត​ណាស់ អ្នក​ដែលអាច​ឈរ​ជើង​ជា​គណៈកម្មការ​ក្នុង​កម្មវិធី​លំដាប់​ពិភព​លោក អាច​និយាយ​បាន​ថា​​ជា​អ្នក​មាន​សមត្ថភាព​ និង​មិន​សូវ​ធ្វើ​ឲ្យ​មហាជន​មាន​ការ​ខក​បំណង​នោះ​ឡើយ។ នៅ​ក្នុង​កម្មវិធី​ប្រឡង​ចម្រៀង​ «The Voice Kid Cambodia រដូវ​កាល​ទី​៣នេះ ​អ្នក​នាង​ឱក សុគន្ធកញ្ញា និង​អ្នក​នាង​ សគន្ធ នីសា នៅ​តែ​រក្សា​តំណែង​ខ្លួន​ឯង​បាន​យ៉ាង​ល្អ។

​ក្រឡេកមក​មើល​ពី​គណៈកម្មការ ​អ្នក​នាង​ឱក សុគន្ធកញ្ញា ដែលជា​កំពូល​តារា​ចម្រៀង​មួយ​ដួងប្រចាំ​ផលិតកម្ម​រស្មីហង្សមាស ទទួល​បាន​ការ​ស្រលាញ់​ចូល​ចិត្ត និង​គាំ​ទ្រ​យ៉ាង​ខ្លាំង​​ពី​មហាជន​មិន​ថា​ចាស់ ឬ​ក្មេង​។ មិន​តែ​ប៉ុណ្ណោះ​ រាល់​ការ​គ្រង​កៅអី​ជា​គណៈកម្មការ​របស់​អ្នក​នាង ឱក សុគន្ធកញ្ញា ក៏មាន​កូន​ក្រុម​របស់​នាង​ជា​ច្រើន​ ​ដែលទទួល​បាន​ជោគជ័យ ព្រមទាំង​ការបង្ហាត់​បង្រៀន​ យ៉ាង​យក​ចិត្ត​​ទុក​ដាក់​ទៅ​កាន់​កូ​ន​ក្រុម​ទាំង​គ្រប់​រដូវ​កាល ​ខណៈពេលនាង​បាន​គ្រង​កៅ​អី​ជា​គណៈកម្មការ​។

ពាក់ព័ន្ធ​រឿង​នេះ អ្នកនាង​ហាក់មិន​សូវ​ធ្វើ​ឲ្យ​មហា​ជន​​ខក​បំណង​ឬ​មាន​ប្រតិកម្ម​អ្វី​ខ្លាំង​នោះ​ទេ កំឡុង​ពេ​ល​ធ្វើជា​គណៈកម្មការនោះ។ គួរ​រំលឹក​ផង​ថា អ្នក​នាង​ឱក​ សុគន្ធកញ្ញា​ ធ្លាប់​អង្គុយ​លើ​កៅអី គណៈកម្មការ​ ករ​ប្រឡង​កម្រិត​ពិភព​លោក​ដូចជា​ Cambodian Idol ទាំង៤រដូវកាល , កម្មវិធី The Voice Cambodia ទាំង២រដូវកាល , The Voice Kid ទាំង២រដូវកាល និងរដូវកាលទី៣ កម្មវិធី X Factor Cambodia។

ទន្ទឹម​នេះ អ្នក​នាង​សុគន្ធ ​នីសា ក៏​ជា​គណៈកម្មការ​មួយ​រូប​ដែល​មាន​សមត្ថភាព​​មិន​ធម្មតា​ ហើយ​ស្ទើរ​តែ​គ្រប់​កម្មវិធី​ប្រឡង​ចម្រៀង​លំដាប់​ពិភព​លោក​នៃ​ផលិតកម្ម​រស្សីហង្ស​ តែង​ឃើញលេច​វត្តមាន​អ្នក​នាង​ សុគន្ធ​ នីសារ ពិសេស​នៅ​ក្នុង​កម្មវិធី​ប្រឡង​ចម្រៀង​កុមារ​កម្រិត​ពិភព​លោក The Voice Kid Cambodia រដូវកាល​ទី ៣ នេះ។ ចំពោះ​ការ​គ្រងកៅអីជា​គណៈកម្មការ​ មិន​ថា​នៅ​ក្នុង​រដូវ​កាល​ចាស់ៗ ឬ​រដូវ​កាល​ថ្មី​នោះ​ទេ អ្នក​នាង​​ក៏​មិន​សូវ​ទទួល​បាន​ការ​រិះ​គុណ​ពី​សំណាក់​មហា​ជន​​នោះទេ។ មិន​តែ​ប៉ុណ្ណោះ​ អ្នក​នាង​សុគន្ធ​ នីសា​​ ក៏​ត្រូវ​បាន​សរសើរ​ពី​សំណាក់​អ្នក​គាំ​ទ្រនៅ​ក្នុង​រដូវកាល​ថ្មី​នេះ​ផង​ថា «ឲ្យ​តែ​បទ​ណា​រាង​កំសត់​នោះ​ បង​នីសា​ត្រូវ​ចិត្ត​ណាស់​ ហើយ​ដឹង​តែ​បង​នីសា​ទៀត​ហើយ»។

គួរ​បញ្ជាក់​ថា តាម​រយៈ​ការ​ប្រឡង​ចម្រៀង​កម្រិត​ពិភព​លោក​នៅ​រដូវ​កាល​ថ្មី​នេះ​និង​មាន​អ្វី​ពិសេស​ជាង​ឆ្នាំ​​មុនៗ ហើយ​ថា​តើ​រវាង​កូន​ក្រុម​នៃ​កំពូល​តារា ចម្រៀង​ទាំង​៣ ដួង​អ្នក​នាង​ ឱក សុគន្ធកញ្ញា អ្នក​នាង​សុគន្ធ នីសា និង​លោក ហ្សូ ណូ មួយណា​នឹង​ក្លាយ​ជា​ម្ចាស់​ពាន​នៅ​រដូវ​កាល​ថ្មី​នេះ៕

ដោយ៖ ឌឿនចាន់ ថារី

The post ឱក សុគន្ធកញ្ញា និង​​ សុគន្ធ នីសា បន្ត​​គ្រង​កៅអី​កម្ម​វិធី​ប្រឡង​ចម្រៀង​លំដាប់​ពិភព​លោក appeared first on Kampuchea Thmey Daily.

ជា​ការ​ពិត​ណាស់ តារា​ទាំង​ ៣ ​ដួង​ខាង​លើ​បាន​រក្សា​ឈ្មោះ​នៅ​ក្នុងរង្វង់​សិល្បៈ​ជាយូរណាស់​មក​ហើយ​ និង​បាន​ទាក់​ទាញ​អារម្មណ៍​ពី​បណ្ដា​អ្នក​គាំ​ទ្រ​យ៉ាង​ខ្លាំង​ ជា​ពិសេស​គឺ​​ការ​តុប​តែង​ខ្លួន​របស់​ពួកគេ​។

១.អ្នក​នាងឱក​ សុគន្ធកញ្ញា

អ្នក​នាងឱក សុគន្ធកញ្ញា​ ​ជា​តារា​ចម្រៀង​លេចធ្លោមួយដួង នៅ​ក្នុង​ផលិត​កម្ម​រស្មី​ហង្ស មាស។ អ្នកនាង​បានរៀប​ការ​មាន​គ្រួសារ​ ​និង​ទទួល​បាន​កូន​ប្រុស​មួយ​រូបជា​ចំណង​ដៃ​​។

បើ​ងាក​មក​មើល​ពី​រូប​សម្រស់​និង​ការ​តុប​តែង​ខ្លួន​របស់​អ្នក​នាងតែងទាក់ទាញការ​ចាប់​អារម្មណ៍​ពី​មហាជន ជាង​នៅ​ក្រមុំ​ទៅ​ទៀត។ ​ការ​តុប​តែង​ខ្លួន​របស់ម្តាយ​វ័យ​ក្មេង​​រូប​នេះ​​ គ្រប់​ទម្រង់​មិន​ថា​បែប​បុរាណ​ ឬ​សម័យ​ ការ​ផាត់​មុខ ស្តាយ៍នៃ​ការ​តុប​តែង​នៅ​ពេល​ចូល​រួម​កម្ម​វិធី​ផ្សេងៗ​ បាន​ទាក់​ទាញ​នៅ​ចំណាប់​អារម្មណ៍​ពី​សំណាក់​អ្នក​គាំ​ទ្រ​យ៉ាង​ខ្លាំង​ និង​កោត​សរសើរ​ពី​រូប​សម្រស់​អ្នកនាង​។

២. អ្នក​នាង​សុគន្ធ នីសា

តារា​ចម្រៀង​រូប​ស្រស់​ សំឡេង​ស្រទន់ ​ថ្នម​ អ្នក​នាង​សុគន្ធ​ នីសា ថ្វី​ក្បិត​តែ​មាន​អាយុ​ច្រើន​បន្តិច​មែន ប៉ុន្តែ​រូប​សម្រស់​របស់​អ្នក​នាង​ហាក់​មិន​ចាស់​ដូច​អាយុ ហើយ​នៅ​តែ​ក្មេង​ជាង​វ័យ ទាំង​ស្បែក​ស​ខ្ចី​មត់​រលោង​ គួប​ផ្សំ​នឹង​រូប​​រាង​ដ៏​តូច​ច្រឡឹង​ ​ការ​តុប​តែង​យ៉ាង​ស្រស់​ស្អាត​គ្រប់​ទម្រង់​ស្ទើរ​តែ​មហាជន​អ្នក​គាំទ្រ​រក​កន្លែង​ទាស់​រូបនាងគ្មាន​ឡើយ។

តាំង​ពី​តារា​ចម្រៀង​មួយ​ដួង​នេះ​បាន​រៀប​ការ​មាន​ស្វាមី​រួច​មក ​ការ​តែង​ខ្លួន​របស់​​នាង​​កាន់​តែ​ស្អាត​ប្លែក​ជាង​ពី​ពេល​មុនៗ​ទៅ​ទៀត​ ដែល​រូប​សម្រស់​មួយ​នេះ​ក្មេងៗ​មួយ​ចំនួនស្ទើរតែ​សុំ​ខ្មាស​។

៣.​កញ្ញា​ ពេជ្រ ​សោភា

​កញ្ញា​ពេជ្រ​ សោភា ភ្លេចៗ​អាយុ​៣៩ ឆ្នាំ​ទៅ​ហើយ​តែ​កុំនិយាយ​ពីសម្រស់​ និង​រូប​រាង​របស់នាង នៅ​តែ​ក្មេង​​ ស្រស់ស្អាត​។ ​បើ​ទោះ​បី​ជា​តារា​ចម្រៀង​រូប​នេះ​បាន​ចូល​ប្រ​លូក​ក្នុង​វិថី​សិល្បៈ​យូរយ៉ាង​ណា​ក៏​ដោយ​ ក៏​សម្រស់​របស់​នាង​​​កាន់​តែ​ស្អាត​ប្លែក​ពី​មួយ​ឆ្នាំ​ទៅ​ឆ្នាំ ក្នុង​នោះ​ឃើញ​ថា ទាំង​ការ​តុប​តែង​ខ្លួន​ ដែលបានបង្ហាញ​នៅ​រូប​ភាព​មួយ​សន្លឹកៗ​ចេញ​មក​តាម​បណ្ដាញ​​សង្គម​ ត្រូវ​បាន​មហាជន​សរសើរ​ថា​នៅ​តែ​ស្រស់ស្អាត​រក្សា​សម្រស់​បាន​ពីធម្មជាតិ ​មិន​សម​នឹង​អាយុ​របស់​នាង​នោះឡើយ៕

​

The post តារា ៣ ដួង អាយុកាន់តែច្រើន តុបតែង​ខ្លួននៅ​តែ​ស្អាត​ទាក់​ទាញ​ appeared first on Kampuchea Thmey Daily.

ក្រោយពេលតារាសម្ដែងជើងចា ស់អ្នកស្រី ច័ន្ទ ជាលី​ដា បានប្រកាសពីដំណឹងដ៏ភ្ញាក់ផ្អើលនិងកើតទុក្ខព្រួយបារម្ភចំពោះកូនស្រីបណ្តូលចិត្ត ដែលកំពុងសម្រាកព្យាបាលនៅមន្ទីពេទ្យដោយសារជំងឺមហារីកខួរក្បាលប្រភេទថ្មី មានអ្នកគាំទ្រមិត្តភក្តិ​សិល្ប:ជាច្រើនបានសម្តែងការអាណិត និងផ្ញើសារជូនពរព្រមទាំងលើកទឹកចិត្តឲ្យកូនស្រីតារាសម្តែងរូបនេះឆាប់ជា​សះស្បើយ​ពីជំងឺកាចសាហាវមួយនេះគ្រប់គ្នា។

បើតាមការរៀបរាប់របស់អ្នកស្រី ច័ន្ទ ជាលីដា បានបញ្ជាក់ថា «កូនម្ដាយតើអោយម្ដាយជួយកូនរបៀប ណាទៅ អ្វីដែលម្ដាយមិនចង់ជួបវាបានធ្លាក់មកលើកូនស្រីម្ដាយខ្ញុំហើយ បងប្អូនអើយឥឡូវនេះពេទ្យអោយចម្លើយថាកូនខ្ញុំកើតមហារីកខួរក្បាលប្រភេទថ្មីដែលពួកគេមិនដែលជួបពីមុនមក។ព្រះអើយជួ យកូនខ្ញុំផងកូនខ្ញុំនាងនៅក្មេងណាស់»។

អតីតតារាសម្តែងរូបនេះបន្តថា កូនស្រីរបស់គាត់ដែលមានអាយុទើបតែ ១៤ ឆ្នាំគឺបានជួបរឿងដ៏មិននឹកស្មានដល់នេះកាលពីអំឡុងម៉ោង ១និង៣០នាទី ថ្ងៃទី១១ ខែកញ្ញាកន្លងទៅ។ អ្នកស្រីនិយាយទាំងសោកសៅថា គិតទៅគ្មានអ្វីទៀងទាត់​ទេមិនថាចាស់ឬក្មេងថ្ងៃអាទិត្យទី១១.០៩.២០២២ ម៉ោង៨ព្រឹក កូនស្រីមាសម្ដាយលេងស្ពតម៉ោង ១និង៣០នាទីរសៀល។ ក្នុងថ្ងៃតែមួយកូនចូលមន្ទីពេទ្យសង្គោះជាបន្ទាន់ ហើយក៏តម្រូវត្រូវវះកាត់ខួរក្បាលដើម្បីយកដុំឈាម ដែលនៅក្នុងខួរក្បាលមិនដឹងវាមានតាំងពីអង្កាល។

អ្នកស្រី ច័ន្ទ ជាលីដា បន្ថែមនៅក្នុងការឡាយទៀតថា ក្រោយពេលការវះកាត់ចោះខួរក្បាល ដើម្បីយកដុំឈាមដែលក្រុមគ្រូពេទ្យបញ្ជាក់ថាជាជំងឺមហារីកខួរក្បាលប្រភេទថ្មី បច្ចុប្បន្នខាងគ្រូពេទ្យជំនាញកំពុងយកចិត្តទុកដាក់ក្នុងការ​ជួយ​សង្រ្គោះ​យ៉ាងយកចិត្តទុកដាក់នាមន្ទីពេទ្យប្រទេសអូស្រ្តាលី។

សូមបញ្ជាក់ថា អ្នកស្រី ច័ន្ទ ជាលី​ដា គឺជា​អតីត​តារា​សម្ដែង​ស្រី​ឈ្មោះម្នាក់ក្នុង​ឆ្នាំ​១៩៩៨ ដែលអ្នកស្រីក្តាប់បានតំណែងជាតួឯកក្នុងភាពយន្តខ្មែររឿង «​រាត្រីមួយក្រោយសង្គ្រាម» ដឹកនាំ​សម្ដែង​ដោយ​លោក ប៉ាន់ រិ​ទ្ធី​។ កាលនោះអ្នកស្រី​គឺទទួល​​បានការ​គាំទ្រខ្លាំងពីសំណាក់ទស្សនិកជនគ្រប់មជ្ឈដ្ឋាន តែក្រោយមកអ្នកស្រីក៏បានបាត់វត្តមានពីវិថីមួយនេះដោ យ​បច្ចុប្បន្នកំពុងរស់នៅលើទឹកដី​ប្រទេស​អូស្ត្រាលីជាមួយនឹង​ក្រុម​គ្រួសារ​៕

អត្ថបទ៖ ចាន់រ៉ា

The post កូនស្រីអតីតតារាសម្តែង​ល្បី​ឈ្មោះម្នាក់​ កើតមហារីកខួរក្បាលប្រភេទថ្មី appeared first on Kampuchea Thmey Daily.

តារាសម្តែងស្រី កញ្ញា វ៉ាន់ វីតា បានឲ្យកម្ពុជាថ្មីដឹងថា កញ្ញាបានចូលក្នុងរង្វង់សិល្បៈតាំងពីឆ្នាំ ២០១៥ ហើយនៅឆ្នាំ ២០១៩ បានចាប់យកអាជីពមួយទៀតជាអ្នកចម្រៀងរហូតមកដល់បច្ចុប្បន្ននេះ នឹងទទួលបានការគាំទ្ររគួរឲ្យកត់សម្គាល់។

កញ្ញា វីតា បានប្រាប់ថា នៅក្នុងរង្វង់សិល្បៈមានរឿងរ៉ាវគ្រប់យ៉ាង ប៉ុន្តែវាអាស្រ័យទៅលើមនុស្សម្នាក់ៗដែលចេះកំណត់ និងស្គាល់ច្បាស់ពីផ្លូវលើវិថីមួយនេះ សិល្បៈងាយទទួលរងការចាប់កំហុសការលាបពណ៌ពីក្នុងបរិបទផ្ទាល់ និងមហាជន​។ នៅពីក្រោយខ្នងរឿងនេះ ក៏មានអ្នកសិល្បៈខ្លះចូលចិត្តធ្វើឲ្យជីវិតរីករាយតាមបែបការពិត និងខ្លះទៀតគ្រាន់តែព្យាយាមសម្របទៅតាមមនុស្សដែលនៅសង្គមខាងក្រៅប៉ុណ្ណោះ។

ស្របជាមួយគ្នានេះ សម្រាប់មតិរបស់មហាជនដែលបាននិយាយថា​ សិល្បៈជាសង្គមដែលប្រឈមគ្រោះថ្នាក់ និងជាអាវុធមុខពីនោះ កញ្ញា វីតា បានលើកឡើងថា «វាជាការពិតណាស់ពាក្យទាំងអស់ គឺនេះមានការលើកឡើង ទាំងទស្សនិកជន អ្នកគាំទ្រ ដោយសារនៅក្នុងសិល្បៈមានបញ្ហាច្រើននឹងមិនស្គាល់ច្បាស់ពីសិល្បៈ តែសម្រាប់ខ្ញុំ សិល្បៈជាសង្គមដែលផ្សព្វផ្សាយវប្បធម៌រឿងរ៉ាវផ្សេងៗទៅកាន់ទស្សនិកជន និងផ្តល់ជាការកំសាន្តអារម្មណ៍មួយផ្នែកដែរ តាមរយៈការច្រៀង ការសម្តែងរឿងផ្សេងៗរបស់សិល្បៈករគ្រប់រូប»។

វីតា បន្ថែមបែបនេះ «សង្គមសិល្បៈអាចគ្រោះថ្នាក់ ងាយទទួលរងការលាបពណ៌ ព្រោះអ្នកសិល្បៈរស់នៅក្នុងជីវិតសម្តែង នាំឲ្យមានមនុស្សដែលតែងតែគិតថា ខ្លាចអ្នកណាល្អជាង មានការងារច្រើនជាង ហើយក៏ទៅនិយាយបញ្ចេញបញ្ចូល ឃើញជីវិតយើងសប្បាយ មានអ្វីល្អជាង ជាហេតុធ្វើឲ្យមិនពេញចិត្ត ឬគាត់អាចទៅនិយាយ បង្កើតឲ្យមានការយល់ច្រឡំ ឈ្លោះប្រកែកគ្នាជាដើម»។

ទាក់ទងនឹងបញ្ហានេះ តារាសម្តែងជើងចាស់មួយរូបលោក លាង ឧត្តម បានឱ្យដឹងថា លោកបានចូលសិល្បៈតាំងពីឆ្នាំ ២០០៤ ដែលគិតមកដល់បច្ចុប្បន្នប្រហែលជិត ១៨ ឆ្នាំ។ ការចូលប្រលូកក្នុងសិល្បៈដំបូងប្រឈមបញ្ហាខ្លាំង ដោយសារដំបូងមិនទាន់យល់ពីសិល្បៈបានច្បាស់ ម្យ៉ាងវិញទៀតតម្លៃនៃការថតបានទាប ដូច្នេះ គឺថវិកា ដែលត្រូវចំណាយ ទៅលើការជិះរថយន្ត សម្លៀកបំពាក់ជាដើម។ ទស្សនិកជន ឬអ្នកគាំទ្ររ អាចមើលឃើញថា អ្នកសិល្បៈជាមនុស្សសប្បាយ មិនមានបញ្ហា ប៉ុន្តែនៅពីក្រោយខ្នងអ្នកសិល្បៈតែងជួបបញ្ហាគ្រាន់តែថា តិចឬច្រើនតែប៉ុណ្ណោះ។

លោក លាង ឧត្តម បានគូសបញ្ជាក់ដែរថា «កាលដំបូងឡើយ គឺមិនមានបញ្ហាច្រើនដូចពេលនេះទេ តែមកពេលក្រោយៗនេះការកើតមាន មានការរីកចម្រើននៅសង្គមហ្វេសប៊ុក បើតាមខ្ញុំដែលបានសិក្សាខ្លះពីរាមច្បងនោះគឺមិនអីនោះទេ ប៉ុន្តែដល់មកសម័យនេះ វាធ្វើឲ្យសិល្បៈក្លាយជាអាវុធមុខពីរ គឺវាជារឿងពិត  ហើយពេលខ្លះប្រជាជនមិនបានដឹងច្បាស់ពីបុគ្គលសិល្បៈរាងៗខ្លួនបែជាចោទអ្នកសិល្បៈគ្រប់រូប តែជាក់ស្តែងអ្នកសិល្បៈល្អច្រើន»។

លោក លាង ឧត្តម បានបង្ហាញថា ជាក់ស្តែងណាស់ សង្គមសិល្បៈដែលមហាជននិយាយថា សម្តែងវាជាការពិត ព្រោះដោយសារមានសិល្បៈករខ្លះពិតជាបានសម្តែង ធ្វើជាឈ្មោះគ្នា បង្កើតរឿងរ៉ាវផ្សែងៗ ដើម្បីទទួលបានប្រជាប្រិយភាព ការទាក់ទាញចំណាប់អារម្មណ៍ពីមហាជន ប៉ុន្តែដោយសារទង្វើរបស់សិល្បៈករទាំងអស់នោះ បានធ្វើឲ្យមហាជនមួយចំនួន ចាំតែចាប់កំហុស និងធ្វើការវាយប្រហារមកលើអ្នកសិល្បៈតាមពេញទំហឹងតាមសង្គមហ្វេសប៊ុក។

លោកថា មួយទៀតជុំវិញ ការរិះគុណមកលើអ្នកសិល្បៈតែងមានការរិះគុណ ការជាន់ពន្លិចពិសេសអ្នកដែលទើបចូលសិល្បៈថ្មីថ្មោង នៅរឿងអ្វីដែលមិនមែនជាការពិត។

លោកបានបង្ហើបថា «ចំពោះអ្នកសិល្បៈដែលចង់ជោគជ័យ និងដើលើផ្លូវសិល្បៈបានយូរ គឺ ត្រូវផ្តោតលើពេលវេលា ការទំនាក់ទំនង និងយកចិត្តទុកដាក់​ពីការសម្តែងទៅកាន់មហាជន ហើយក៏សំណូមពរដល់សិល្បៈករជំនាន់ក្រោយ គួរមានសុវជីវធម៌ ពេលបានចូលក្នុងសិល្បៈ មិនត្រូវមានភាពតម្កើនឬក ក្រអើតក្រទម ឆ្មើងឆ្មៃ តាំងខ្លួនជាអ្នកសិល្បៈទាំងដែលមិនទាន់មានអ្វីសោះ»៕

The post តារាសម្តែង​ ២ ដួង ​លើកពីបញ្ហាប្រឈម​ក្នុងវិថីសិល្បៈ​និង​ត្រួសត្រាយ​ផ្លូវខ្លះៗ​ appeared first on Kampuchea Thmey Daily.

នុងការប្រកួត Miss Grand Cambodia 2022 តារាស្រី អៀ ម៉េងលិ មានអាយុ២៤ឆ្នាំមាន​កម្ពស់ ១​ម៉ែត្រ ៧០ និង​ទម្ងន់ ៤៥ គីឡូក្រាម បាន​ប្រកាស​ការ​តាំងចិត្តខ្ពស់ដោយ​សន្យានឹងប្រឹងប្រែងឱ្យអស់ពីសមត្ថភាព ដើម្បីទទួលបានជោគជ័យ​។ ប៉ុន្តែទោះយ៉ាងណា ការបង្ហាញវត្តមានក្នុងវិធីខាងលើនោះមិនទាន់បានប៉ុន្មានផង ស្រាប់តែតារាសម្តែងរូបស្រស់សាច់ខ្ចី អៀ ម៉េងលិ បានប្រកាសដកខ្លួនវិញធ្វើឱ្យអ្នកគាំទ្រមានការខកចិត្តជាខ្លាំង។

ចំពោះការសម្រេចដកខ្លួនចេញនេះដែរគឺកញ្ញា អៀ ម៉េងលិ ក៏បានធ្វើការសុំទោសចំពោះអ្នកគាំទ្ររបស់ខ្លួនរួចហើយនិងបាននិយាយពីមូលហេតុដែលនាងដកខ្លួនចេញពីវិស័យប្រកួតប្រជែងមួយនេះថា ដោយសារមានបញ្ហាខ្លះៗហើយមួយវិញទៀត មិនមានពេលវេលាគ្រប់គ្រាន់ក្នុងការចូលរួមប្រឡងនោះឡើយ ទើបតម្រូវឲ្យនាងដកខ្លួនចេញវិញតែម្តង។

តារាស្រីកញ្ញា អៀ ម៉េងលិ បានលើកឡើងដូច្នេះថា នាងខ្ញុំ អៀ ម៉េងលិ មានដំណឹងចង់ប្រាប់បងប្អូនថា នាងខ្ញុំបានដកពាក្យចេញពី Miss Grand Cambodia ហើយមូលហេតុគឺមកពីបញ្ហាខ្លះជាពិសេសនាងខ្ញុំគ្មានពេលវេលាគ្រប់គ្រាន់អរគុណ។ សូមជម្រាបដែរថា តារាស្រីកញ្ញា អៀ ម៉េងលិ ជារឿយៗនាងតែងបង្ហាញមុខជាមួយរូបសម្ផស្សដ៏សិចស៊ីបើទោះបីជាតារាស្រីរូបនេះ រងការរិះគន់យ៉ាងចាស់ដៃពីទស្សនិកជននិងអ្នកប្រើប្រាស់បណ្តាញសង្គមក៏ដោយនោះ៕

អត្ថបទ៖ ចាន់រ៉ា

The post អៀ ម៉េងលិ ប្រកាសដក​ខ្លួន​ពី​ការ​ប្រឡង Miss Grand Cambodia យ៉ាង​តក់ក្រហល់  appeared first on Kampuchea Thmey Daily.