តើតេស្តូស្តេរ៉ូនធ្វើអ្វី?

អ័រម៉ូនតេស្តូស្តេរ៉ូនទទួលខុសត្រូវចំពោះការវិវឌ្ឍន៍នៃចរិតលក្ខណៈបុរស និងរក្សាមុខងាររាងកាយសំខាន់ៗមួយចំនួនពេញមួយជីវិតរបស់បុរស។

ការចែកចាយខ្លាញ់ អ័រម៉ូនតេស្តូស្តេរ៉ូនជួយគ្រប់គ្រងកន្លែងដែលជាតិខ្លាញ់ត្រូវបានរក្សាទុកនៅក្នុងខ្លួន។ បុរសដែលមានកម្រិតតេស្តូស្តេរ៉ូនដែលមានសុខភាពល្អ មានទំនោរមានជាតិខ្លាញ់ក្នុងខ្លួនតិចជាង ជាពិសេសនៅតំបន់ពោះ។ អ័រម៉ូនតេស្តូស្តេរ៉ូនទាប អាចនាំឲ្យមានការបង្កើនការផ្ទុកជាតិខ្លាញ់ ជាពិសេសនៅជុំវិញចង្កេះ។

សក់នៅលើមុខនិងដងខ្លួន ឥទ្ធិពលមួយដែលអាចមើលឃើញបំផុតនៃអ័រម៉ូនតេស្តូស្តេរ៉ូន​ គឺការលូតលាស់នៃសក់មុខ និងរាងកាយ។ អំឡុងពេលពេញវ័យ អ័រម៉ូនតេស្តូស្តេរ៉ូនជំរុញឱ្យមានការវិវត្តនៃរោមមុខ និងបង្កើនការលូតលាស់សក់រាងកាយ។ វាក៏ដើរតួក្នុងការទំពែកគំរូបុរសចំពោះបុគ្គលដែលងាយនឹងហ្សែនផងដែរ។

អ័រម៉ូនតេស្តូស្តេរ៉ូន គឺ anabolic មានន័យថា វាលើកកម្ពស់ការលូតលាស់សាច់ដុំ និងកម្លាំង។ វាបង្កើនការសំយោគប្រូតេអ៊ីនសាច់ដុំ និងជួយរក្សាម៉ាសសាច់ដុំ។ បុរសដែលមានកម្រិតអ័រម៉ូនតេស្តូស្តេរ៉ូនខ្ពស់ ច្រើនតែមានភាពងាយស្រួលក្នុងការកសាង និងរក្សាសាច់ដុំតាមរយៈការធ្វើលំហាត់ប្រាណ និងការហ្វឹកហាត់ធន់។

ការផលិតកោសិកាឈាមក្រហម អ័រម៉ូនតេស្តូស្តេរ៉ូន​ជំរុញការផលិតកោសិកាឈាមក្រហមនៅក្នុងខួរឆ្អឹង។ នេះមានសារៈសំខាន់ណាស់សម្រាប់រក្សាកម្រិតថាមពល និងសុខភាពទូទៅ ដោយសារកោសិកាឈាមក្រហមផ្ទុកអុកស៊ីហ្សែនពេញរាងកាយ។ អ័រម៉ូនតេស្តូស្តេរ៉ូនទាបអាចនាំអោយមានភាពស្លេកស្លាំង និងអស់កម្លាំង។

បង្កើនចំណង់ផ្លូវភេទ តេស្តូស្តេរ៉ូនមានឥទ្ធិពលលើចំណង់ផ្លូវភេទ ការស្រើបស្រាល និងការសម្តែង។ បុរសដែលមានអ័រម៉ូនតេស្តូស្តេរ៉ូនទាប ជារឿយៗជួបប្រទះនឹងការថយចុះនៃចំណង់ផ្លូវភេទ ហើយអាចមានការពិបាកក្នុងការសម្រេចបាន ឬរក្សាការឡើងរឹងរបស់លិង្គ។

យ៉ាងណាមិញ ការធ្វើតេស្តតេស្តូស្តេរ៉ូនអាចផ្តល់នូវព័ត៌មានដ៏មានតម្លៃអំពីសុខភាពអ័រម៉ូនរបស់អ្នក។ វាមានសារៈសំខាន់ជាពិសេសប្រសិនបើអ្នកកំពុងជួបប្រទះរោគសញ្ញាដូចជាការថយចុះចំណង់ផ្លូវភេទ អស់កម្លាំង បាត់បង់សាច់ដុំ ឬការផ្លាស់ប្តូរអារម្មណ៍។ ការរកឃើញដំបូងនៃអ័រម៉ូនតេស្តូស្តេរ៉ូនទាប អាចនាំឲ្យមានការព្យាបាលទាន់ពេលវេលា និងធ្វើឲ្យគុណភាពជីវិតប្រសើរឡើង៕

អត្ថបទ៖ សាង ស្រីល័ក្ខ

ចុចអាន៖ឱសថ ៥ មុខ មានអត្ថប្រយោជន៍ចំពោះសុខភាពផ្លូវភេទបុរស

The post អ័រម៉ូនតេស្តូស្តេរ៉ូន ប៉ះពាល់ដល់សុខភាពបុរសយ៉ាងណាខ្លះ appeared first on Kampuchea Thmey Daily.

១. យកចិត្តទុកដាក់លើរបបអាហាររបស់អ្នក

បុរសបានឈានចូលវ័យពីអាយុ ៥០ ឆ្នាំដើម្បីជៀសវាងការថយចុះអ័រម៉ូន បុរសត្រូវយកចិត្តទុកដាក់ លើរបបអាហាររបស់ពួកគេ។ គួរបន្ថែមប្រូតេអ៊ីនក្នុងរបបអាហារ សាច់គោ សាច់ចៀម សណ្ដែកដី ដែលសម្បូរទៅដោយជាតិស័ង្កសី ហើយការទទួលទានអាហារសមុទ្រខ្លះឲ្យបានត្រឹមត្រូវគឺមានប្រយោជន៍ច្រើនសម្រាប់ការសំយោគអរម៉ូនបុរស ។ អ្នកគួរចៀសវាងទម្លាប់អាក្រក់ដូច ការជក់បារី ផឹកស្រា និងមិនញ៉ាំសាច់ វានឹងប៉ះពាល់ដល់ការសំយោគអរម៉ូនបុរសផងដែរ ។

២. ការធ្វើលំហាត់ប្រាណ

ដោយមិនគិតពីអាយុ បុរសក៏គួរតែយកចិត្តទុកដាក់លើការបង្កើនលំហាត់ប្រាណផងដែរ ដើម្បីលើកកម្ពស់សុខភាពអរម៉ូនបុរស ប្រសិនវ័យអាយុ ៥០ ឆ្នាំឡើងទៅ អ្នកគួរតែធ្វើចលនាជើងរបស់អ្នកឲ្យបានច្រើនក្នុងពេលហាត់ប្រាណ ដើម្បីឲ្យរាងកាយបញ្ចេញសារធាតុ androgens លឿនជួយចិញ្ចឹម ដល់អរម៉ូននិងប្រសើរជាងមុន ។ នៅពេលធ្វើលំហាត់ប្រាណជើង អ្នកអាចជ្រើសរើសការដើរ និងរត់ជាដើម។

៣. អភិវឌ្ឍទម្លាប់ល្អ

អ្នកណាក៏ត្រូវមានទម្លាប់ល្អដែរ ជាពិសេសបុរសដែលមានអាយុក្រោម ៥០ ឆ្នាំបន្តផឹកទឹក និង ការចូលគេងយូរក៏ដូចជាការវានឹងធ្វើឱ្យខូចមុខងារនៃប្រព័ន្ធ endocrine ប៉ះពាល់ដល់ដំណើរការ របស់អង់ដ្រូសែន។ ដូច្នេះ ចូរជៀសឲ្យឆ្ងាយពីទម្លាប់អាក្រក់ទាំងនេះ រក្សាទម្លាប់ឲ្យបានល្អ ហើយកុំ ស្ថិតក្នុងស្ថានភាពបាក់ទឹកចិត្ត ថប់បារម្ភក្នុងរយៈពេលយូរ ។

ប្រែសម្រួល៖នាងតូច

ប្រភព៖laodong

ចុចអាន៖ឧស្សាហ៍កូរពោះឮខ្លាំងៗ អាចសាកល្បងតិចនិកទាំង ៧ នេះ​​​​​​​​​​​​​​​​​​​​​​​​​​​​​​​​​​

The post គន្លឹះ ៣ យ៉ាងជួយបង្កើនអ័រម៉ូនបុរសមានអាយុ ៥០ ឆ្នាំឡើង appeared first on Kampuchea Thmey Daily.

១.ប្រុងប្រយ័ត្នសម្រាប់អ្នកបញ្ហាបេះដូង

អ្នកមានបញ្ហាដូចជា ជំងឺខ្សោយបេះដូង ឬ​ធ្លាប់​មាន​បញ្ហា​គាំងបេះដូង ដែលមិនអាចគ្រប់គ្រងបាន គួរតែប្រុងប្រយ័ត្នឲ្យមែន​ទែន គ្រប់ពេលដែលទៅ សូណា ជាពិសេសសម្រាប់អ្នកដែលទើបតែចាប់ផ្ដើមលើកដំបូង។ នៅក្នុងបន្ទប់​សូណា សីតុណ្ហភាពគឺក្ដៅ ដែលជំរុញឲ្យរាងកាយ​បែកញើសច្រើន ក្នុងខ្លួនប្រាណត្រូវបាត់បង់ជាតិទឹក​ ជាមួយ​ចង្វាក់​បេះដូង​ដើរញាប់ដែលមិនអាចច្របាច់ឈាមចេញពីបេះដូងទៅគ្រប់សរីរាង្គបាន។ ដូចនេះ អ្នកទៅ​​សូណា​នឹង​មាន​អារម្មណ៍ថា អស់កម្លាំង ចង្វាក់បេះដូងប្រែប្រួល ហើយភាគច្រើនអ្នកដែលមានបញ្ហាបេះដូងមិន​អាច ទ្រាំ​នៅក្នុងបន្ទប់សូណាយូរដូចអ្នកធម្មតានោះទេ។ អ្នក​មាន​បញ្ហា​សុខភាព​ទាំង​នោះ គួរ​ចូល​សូណា​ត្រឹមចន្លោះពី ៥ ទៅ ៨ នាទីគឺជាការល្អ។ មួយវិញទៀត ស្ថិតក្នុងបន្ទប់សូណា ប្រសិនជាអ្នកមានអារម្មណ៍ថា ដកដង្ហើមថប់ៗ អ្នកត្រូវប្រញាប់​ចាកចេញពីបន្ទប់ឲ្យបាន​លឿនបំផុត ទោះស្ថិតក្នុងរយៈពេលខ្លីក៏ដោយ។ ម្យ៉ាងវិញទៀត អ្នកមានជំងឺនេះ គួរតែពិភាក្សាជា​មួយ​គ្រូពេទ្យ​ផ្នែកបេះដូងជាមុនសិន ទើបជាការប្រសើរ។

២.ប្រុងប្រយ័ត្នអ្នកមានបញ្ហាប្រតិកម្មស្បែក

អ្នកមានប្រតិកម្មស្បែករហ័ស ឬស្បែកអាលែកហ្ស៊ី អាចមានផលប៉ះពាល់ ជាមួយនឹងកំដៅ និងចំហាយក្លិនរូបមន្ដថ្នាំ​ដែលតែងប្រើនៅក្នុងបន្ទប់សូណា ដែលជាហេតុ ស្បែកអ្នកជំងឺអាចនឹងកើតចេញជាកន្ទួល មានពណ៌​ក្រហម ឬអាចបង្ក​ជាការរមាស់ ក្រហាយ ទៅតាមស្ថានភាពជំងឺ។ ក្នុងស្ថានភាពនោះ អ្នកជំងឺ មានអាការៈ រមាស់ខ្លាំង ឬក្រហាយខ្លាំង ត្រូវប្រញាប់ទៅងូតទឹកឲ្យបានលឿនបំផុត មិនត្រូវទ្រាំ ឬក៏អេះដោយក្រចកដៃនោះទេ ព្រោះ អាច​បង្កឲ្យមានបញ្ហាស្បែកឈានទៅដល់ការរលាកមានភាពធ្ងន់ធ្ង។​ ភាគច្រើន អ្នកដែលជួបនឹងបញ្ហានេះ គឺច្រើន​តែ​អ្នក​ធ្លាប់មានបញ្ហាប្រតិកម្មស្បែកនឹង​គ្រឿងសំអាង ឬផលិតផល​កែសម្ផស្សជាដើម។

៣. ប្រុងប្រយ័ត្នអ្នកមានជំងឺសួត

ជាក់ស្ដែងណាស់ ថាអ្នកមានជំងីសួត ក៏អាចជួបបញ្ហាប្រឈមពិបាកដកដង្ហើម ដូចជា អាចក្អក ឬ ដកដង្ហើមហត់ៗ ជាពិសេសអ្នកមានជំងឺហឺត តែម្ដង​ ព្រោះថានៅក្នុងបន្ទប់សូណា គឺមានសីតុណ្ហភាពក្ដៅ និងមានសំណើម ដែលជំរុញឲ្យសួតត្រូវ ធ្វើការងារខ្លាំងជាង​​​ពេលធម្មតា។ មួយវិញទៀត ទងសួតរបស់អ្នកជំងឺហឺត មានសភាព​រួមតូច​ ដូច្នេះស្ថិតក្នុងដំណាក់កាលសីតុណ្ហភាពក្ដៅ ហើយមានចំហាយទឹកទៀតនោះ សួតត្រូវធ្វើចលនា​បញ្ចេញខ្យល់ដង្ហើម និងស្រូបយកអុកស៊ីសែនឲ្យបានគ្រប់គ្រាន់។ អ្នកជំងឺ អាចតាមដាន ពីសុខភាពផ្ទាល់ ក្នុងកំលុងពេលនោះ បើមានអាការៈ ក្អក ឬ ដកដង្ហើមហត់ៗ អ្នកជំងឺគួរតែឆាប់ចាកចេញពីបន្ទប់សូណា ហើយសម្រាក ឲ្យបានយ៉ាងតិច ១០ ទៅ ១៥នាទីសិន។

៤.គួរកំណត់ពេលវេលាឲ្យបានត្រឹមត្រូវ

សម្រាប់អ្នកដែលចូលចិត្ដទៅសូណា គួរតែនឹកឃើញពីចំណុចនេះមុនគេ គឺការកំណត់ពេលវេលា ឲ្យបានត្រឹមត្រូវ និងការត្រៀមខ្លួន មុនពេលចូលបន្ទប់សូណា​។ មានន័យថា អ្នកអាចចូល សូណា ម្ដងយ៉ាងយូ ២០នាទី អាចមិនលើស​ពី៣ដង ក្នុងមួយពេលៗ​ ព្រោះថា ក្នុងខ្លួនប្រាណរបស់យើង​ត្រូវ​ប្រឈមនឹងកម្ដៅ ជាតិសើម ហើយត្រូវបញ្ចេញជាតិទឹកច្រើនតាមរយៈការចេញញើស។ ថ្វីត្បិតតែ ការបែកញើសល្អ អាចបញ្ចេញជាតិពុលច្រើនមែន ប៉ុន្ដែក្នុងខ្លួនប្រាណរក៏ត្រូវខ្សោះជាតិទឹកបន្ដិចម្ដងៗ ទៅតាមពេល​វេលាកាន់តែយូទៅៗ។ ទន្ទឹមគ្នានោះដែរ មុនពេល ចូលបន្ទប់​សូណា អ្នកអាចញ៉ាំទឹកឲ្យ​បានមួយកែវ ឬអាចលើសពីនោះក៏ប្រសើរដើម្បីរក្សាលំនឹងជាតិទឹកឲ្យបានគ្រប់គ្រាន់ក្នុងរាងកាយ។

៥.សម្រាក ២ទៅ៣នាទីមុនងូតទឹក

គួរចងចាំថាអាងទឹកត្រជាក់ គឺជាកន្លែងដែលលាងសម្អាតញើសសម្រាប់អ្នកដែលទើបតែចេញពីបន្ទប់សូណា។ ដូច្នេះហើយ ក្រោយពេលចេញពី​បន្ទប់សូណា គួរតែរសម្រាកឲ្យបានយ៉ាងតិច ២នាទី ដើម្បីឲ្យស្ងួតញើសបន្ដិចសិន មុនពេលចូល​ងូតទឹកសម្អាតញើស ឬលាង​សម្អាតជាតិពុល។ ក្រោយពេល ដែលខ្លួនយើង ទើបតែស្ថិតក្នុងស្ថានភាពសីតុណ្ហ​ភាព​ក្ដៅមានញើសច្រើន ភ្លាមៗនោះ រន្ធញើសតូចៗ ក៏នៅបើកចំហរជាឱកាសដល់ពពួកបាក់តេរីមួយចំនួន តោង​ជាប់នៅស្បែក មួយវិញទៀត ការណ៍ដែលត្រូវងូតទឹកត្រជាក់ ឬចូលក្នុងអាងទឹកត្រជាក់បន្ទាប់ ចេញពីបន្ទប់សូណា​ភ្លាម ក៏មិនមានផលល្អចំពោះបេះដូង ព្រោះការប្រែប្រួល សីតុណ្ហភាពក្នុងខ្លួន ក៏ត្រូវផ្លាស់ប្ដូរភ្លាមៗដែរ។ ដូច្នេះគួរតែសម្រាកឲ្យបាន យ៉ាងតិច ២នាទី ទើបជាការល្អ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ងូតឬត្រាំទឹកក្ដៅ និងស្ទីមយូរ អាចងាប់មេជីវិត?

The post ប្រុសៗចូលចិត្តស្ទីមសូណា គួរតែប្រយ័ត្នពីបញ្ហាទាំងនេះផង appeared first on Kampuchea Thmey Daily.

១.​ថ្នាំ​ជំនួយ​ផ្លូវ​ភេទ​ជា​អ្វី?

ថ្នាំ​ជំនួយ​ផ្លូវ​ភេទ​បុរស​ ជា​ប្រភេទ​អាហារ​បំប៉ន​មួយ​ប្រភេទ ដែល​គេ​ផលិត​ឡើង​ដើម្បី​ជួយ​បង្កើន​សមត្ថភាព​ផ្លូវ​ភេទ ដោយ​ធ្វើ​ឲ្យ​លិង្គ​ឡើង​រឹង​បាន​យូរ​ តាម​រយៈ​ការ​បង្កើន​លំហូរ​ឈាម​ទៅ​កាន់​លិង្គ​។ ថ្នាំ​ជំនួយ​ផ្លូវ​ភេទ​នេះ​ ត្រូវ​គេ​អះអាង​ថា​អាច​ជួយ​បង្កើន​សមត្ថភាព​ផ្លូវ​ភេទ រួម​ភេទ​បាន​យូរ និង​មាន​ភាព​ស្រើប​ស្រាល​​។ ថ្នាំ​ប្រភេទ​នេះ ត្រូវ​ផលិត​ឡើង​ដោយ​ចម្រាញ់​សារធាតុ​ផ្សំ​ពី​ធម្ម​ជាតិ​។

ការ​សិក្សា​មួយ​ចំនួន​បាន​រក​ឃើញ​ភស្តុតាង​បែប​វិទ្យាសាស្រ្ត​តិច​តួច ដែល​គាំ​ទ្រ​ទៅ​នឹង​ការ​លើក​ឡើង​ថា​អាច​ជួយ​បង្កើន​សមត្ថភាព​ផ្លូវ​ភេទ​នោះ​។ ប៉ុន្តែ​បាន​រក​ឃើញ​ថា​ថ្នាំ​ប្រភេទ​ខ្លះ​ដូច​ជា​ពពួក​ Viagra អាច​ផ្ទុក​សារធាតុ​បង្ក​អាលែកហ្ស៊ី​ធម្មជាតិ​មួយ​ចំនួន​ដែល​គេ​ឲ្យ​ឈ្មោះថា PDE5Is។

​គ្រូពេទ្យ​ចេញ​វេជ្ជបញ្ជា​ឲ្យ​ប្រើ​ថ្នាំ​ប្រភេទ​ថ្នាំ​Viagra នេះ​សម្រាប់​អ្នក​មាន​បញ្ហា​ខ្សោយ​លិង្គ​ ហើយ​ថ្នាំ​ទាំង​នេះ​មិន​មែន​មនុស្ស​ប្រុស​គ្រប់​គ្នា​អាច​ប្រើ​បាន​នោះ​ទេ​។​

២. អ្នក​ណា​ខ្លះ​មិន​គួរ​ប្រើ​ថ្នាំ​ជំនួយ​ផ្លូវ​ភេទ​?

អ្នក​មាន​បញ្ហា​សុខ​ភាព​មួយ​ចំនួន​ មិន​អាច​ប្រើ​ថ្នាំ​ជំនួយ​ផ្លូវ​ភេទ​នេះ​បាន​ទេ។ ជា​វិធី​ល្អ​បំផុត មុន​នឹង​ប្រើ​ប្រាស់​ថ្នាំ​ជំនួយ​ផ្លូវ​ភេទ​ណា​មួយ​គួរ​ពិគ្រោះ​ជាមួយ​គ្រូពេទ្យ​ជាមុន​សិន​។ អ្នក​មាន​បញ្ហា​សុខ​ភាព​ដូច​ខាង​ក្រោម​នេះ មិន​អាច​ប្រើ​ថ្នាំ​ជំនួយ​ផ្លូវ​ភេទ​ផ្ដេសផ្ដាស​បាន​ទេ។

• អ្នក​ធ្លាប់​មាន​ជំងឺ​គាំង​បេះដូង
• អ្នក​ធ្លាប់​មាន​បញ្ហា​គ្រោះ​ថ្នាក់​សរសៃឈាម​ខួរ​ក្បាល​
• អ្នក​ធ្លាប់​មាន​បញ្ហា​ចង្វាក់​បេះ​ដូង​ដើរ​ខុស​ប្រក្រតី​រយៈពេល​ប្រាំមួយ​ខែ​ចុងក្រោយ
• អ្នក​កំពុង​ប្រើ​ថ្នាំ​នីត្រាត ឬ​ alpha-blockers
• អ្នក​មាន​បញ្ហា​ថ្លើម និង​តម្រង​នោម​ធ្ងន់ធ្ងរ
• អ្នក​មាន​បញ្ហា​ភ្នែក​ជាក់​លាក់​ណាមួយ​
• អ្នក​មិន​អាច​គ្រប់​គ្រង​សម្ពាធ​ឈាម​បាន (សម្ពាធ​ឈាម​ឡើង​ខ្ពស់)
• អ្នក​មាន​ជំងឺ​បេះដូង ដែល​គេ​ហាម​មិន​ឲ្យ​មាន​សកម្មភាព​ផ្លូវ​ភេទ​។​​​

ការ​ទិញ​ថ្នាំ​ជំនួយ​ផ្លូវ​ភេទ​ដោយ​មិន​មាន​វេជ្ជបញ្ជា​​ពី​គ្រូពេទ្យ ឬ​ទិញ​នៅ​ទីតាំង​លក់​ខុស​ច្បាប់​ណា​មួយ​ អ្នក​ទិញ​អាច​ទិញ​ប៉ះ​ផលិត​ផល​ក្លែង​ក្លាយ​។ ការ​ទិញ​ថ្នាំ​ជំនួយ​ផ្លូវ​ភេទ​ត្រូវ​ធ្វើ​ឡើង​តាម​វេជ្ជបញ្ជា និង​នៅ​តាម​ឱសថ​ស្ថាន​ស្រប​ច្បាប់​ ដើម្បី​សុវត្ថិភាព​អ្នក​ប្រើ​ប្រាស់​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ រួមភេទជួយកាត់បន្ថយស្ត្រេសបានបែបណាខ្លះ?

ចុចអាន៖ លើសទម្ងន់ អាចនាំឲ្យចំណង់ផ្លូវភេទ ថយចុះ?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

The post ថ្នាំជំនួយផ្លូវភេទបុរសសុវត្ថិភាពអត់? អ្នកណាខ្លះមិនអាចប្រើបាន? appeared first on Kampuchea Thmey Daily.

រោគ​សញ្ញា​នៃ​ភាព​អារ​អត់​កូន​លើ​បុរស

សម្រាប់​រោគ​សញ្ញា​លើ​បុរស​គឺ​ពិត​ជា​ពិបាក​ក្នុង​ការ​ពិនិត្យ​រក​ណាស់។ មនុស្ស​ប្រុស​អារ​ភាគ​ច្រើន​គឺ​មិន​បាន​ដឹង​អំពី​ស្ថានភាព​របស់​ខ្លួន​រហូត​ទាល់​តែ​អ្នកទាំងនោះ​​ព្យាយាម​ចង់​បាន​បេប៊ី​ជា​ច្រើន​ឆ្នាំ​ហើយ​មិន​បាន​ជោគជ័យ។ ដូច​ដែល​បាន​បញ្ជាក់​ខាង​លើ​រោគ​សញ្ញា​នៃ​ភាព​អារ​អត់​កូន​លើ​បុរស​គឺ​អាស្រ័យ​លើ​មូលហេតុ​ដែល​យើង​មិន​អាច​មើល​ឃើញ។ មូលហេតុ​ភាគ​ច្រើន​រួមមាន៖

• ប្រែប្រួល​ក្នុង​ការ​លូតលាស់​សក់
• ប្រែប្រួល​លើ​ចំណង់​ផ្លូវ​ភេទ
• ការ​ឈឺ​ចាប់​ដុំពក​ឬ​ការ​ហើម​ពង​ស្វាស
• ពិបាក​ឡើង​រឹង​និង​ការ​សម្រេច​កាម
• ពង​ស្វាស​រឹង​តូច

គួរ​ទៅ​មន្ទីរ​ពេទ្យ​នៅ​ពេល​ណា?

ប្រុសៗយើង​គួរ​ទៅ​ស្វែង​រក​ការ​ព្យាបាល​ប្រសិន​បើ​មាន​អាយុ​ក្រោម​៣៥​ឆ្នាំ ​និង​បាន​ចំណាយ​ពេល​រាប់​ឆ្នាំ​ដើម្បី​ចង់​បាន​បេប៊ី​ហើយ​មិន​ទទួល​បាន​ជោគជ័យទៀត​នោះ​។ សម្រាប់​ស្ត្រី​វិញ​បន្ទាត់​ពេល​វេលា​គឺ​មាន​ភាព​ខុស​គ្នា។ប្រសិន​បើ​ប្រពន្ធ​របស់​យើង​មាន​អាយុ​លើស ​៣៥ ​ឆ្នាំ​គួរ​តែ​ទៅ​ពិនិត្យ​ជាមួយ​គ្រូពេទ្យ​ជំនាញ​ក្រោយ​ព្យាយាម​អស់​រយៈ​ពេល​៦​ខែហើយ​នៅមិន​បាន​ផល​ទៀតនោះ​។

គ្រូពេទ្យ​អាច​នឹង​ធ្វើ​រោគ​វិនិច្ឆ័យ​អំពី​មូលហេតុ​​បាន​តាម​រយៈ​ការ​ពិនិត្យ​ឈាម​ ទឹក​នោម​ និង​ការ​ធ្វើ​តេស្ត​វិទ្យុសាស្ត្រ​ផ្សេង​ទៀត។ ដើម្បី​ធ្វើ​ការ​ពិនិត្យ​រាប់​ចំនួន​មេ​ជីវិត ​និង​ស្ថានភាព​សុខភាព​របស់​មេ​ជីវិតរបស់​យើង ​គ្រូពេទ្យ​នឹង​ធ្វើ​ការ​ណែនាំ​ឲ្យ​ទៅ​ជួប​ជាមួយ​អ្នក​ឯកទេស​ខាង​វិភាគ​មេ​ជីវិត។

ម៉្យាង​ទៀតយើង​ក៏​ត្រូវ​ទៅ​ជួប​គ្រូពេទ្យ​ឯកទេស​អង់ដូគ្រីន​ខាង​បន្ត​ពូជ​ដើម្បី​ធ្វើ​ការ​ព្យាបាល​ភាព​អារ​អត់​កូន។ យើង​ត្រូវ​រៀប​រាប់​អំពី​រោគ​សញ្ញា​របស់​ខ្លួន ​និង​ប្រវត្តិ​ជំងឺ​ដើម្បី​ឲ្យ​គ្រូពេទ្យ​បាន​ដឹងផង​ដែរ។

• ប្រសិន​បើ​យើងកំពុង​ប្រើ​ថ្នាំ​ណា​មួយ​គួរ​យក​របស់​ទាំង​នោះ​ទៅ​ជាមួយ​ផង​រួមមាន​វេជ្ជបញ្ជា​ វីតាមីន​ថ្នាំ​ជាតិ​រ៉ែ​អាហារ​បំប៉ន​ និង​ថ្នាំ​ដែល​គ្មាន​វេជ្ជ​បញ្ជា​ផ្សេង​ទៀត។
• កត់​ត្រា​ទុក​ឲ្យ​បាន​ក្បោះ​ក្បាយ​តើ​យើងធ្វើ​ការ​រួមភេទ​ដោយ​មិន​បាន​ការពារ​ញឹកញាប់​ប៉ុណ្ណា​ បាន​ព្យាយាម​យូរ​ហើយ​ឬ​នៅ​ និង​កត់​ថ្ងៃ​ចុង​ដែល​យើង​បាន​ព្យាយាម​យក​បេប៊ី។
• សង្កេត​មើល​បំលាស់​ប្ដូរ​រូបរាង​កាយ​ឬ​រោគ​សញ្ញា​ផ្សេងៗ​ដែល​អាច​ពាក់ព័ន្ធ​ជាមួយ​ជំងឺ។
• កុំ​ភ្លេច​ប្រាប់​ទៅ​គ្រូ​ពេទ្យ​និង​យក​ឯកសារ​ដែល​ពាក់ព័ន្ធ​ទៅ​ជាមួយ​ប្រសិន​បើ​យើងធ្វើ​ការ​វះកាត់​ឬ​ព្យាបាល​កាល​ពី​មុន​ដែល​អាច​ប៉ះពាល់​ដល់​ប្រដាប់​ភេទ។
• ប្រាប់​ទៅ​គ្រូពេទ្យ​ប្រសិន​បើ​យើង​ធ្លាប់​ទទួល​ការ​ព្យាបាល​ដោយ​សារធាតុ​វិទ្យុ​សកម្ម​ ឬ​តាម​បែប​គីមី។
• ប្រាប់​អំពី​ទម្លាប់​រស់​នៅ​របស់​យើង​​ដូចជា​ការ​ជក់​បារី​ សេព​គ្រឿង​ស្រវឹង​ និង​ការ​ប្រើប្រាស់​គ្រឿង​ញៀន។
• ប្រាប់​អំពី​ជំងឺ​ដែល​ឆ្លង​តាម​ការ​រួម​ភេទ​(ប្រសិន​បើ​មាន)​ ប្រវត្តិ​ជំងឺ​ផ្ទាល់​ខ្លួន​ ឬ​គ្រួសារ​នូវ​បញ្ហា​សេនេទិច​​ណា​មួយ​ ឬ​ជំងឺ​រ៉ាំរ៉ៃ​ដូចជា​ជំងឺ​ទឹក​នោម​ផ្អែម​ ឬ​ជំងឺ​ក្រពេញ​ទីរ៉ូអ៊ីត​ជាដើម​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សញ្ញា​ទាំង​៤ បញ្ជាក់​ថា​សុខភាព​ផ្លូវ​ភេទ​ប្រុស​ៗ​​មាន​បញ្ហា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ចុចអាន៖ បកស្រាយចម្ងល់! បុរស និងស្ត្រីគួរយកកូននៅ វ័យណាល្អ?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

The post ប្រុសៗការហើយយូរឆ្នាំ​ នៅតែអត់មានកូន តើគួរធ្វើម៉េច? appeared first on Kampuchea Thmey Daily.

១- អាហារ​ជួយ​មេជីវិត​ឈ្មោល​ខ្លាំងជាង​មុន

– ស៊ុត៖ ញ៉ាំ​ស៊ុត អាច​ជួយ​បង្កើន​បរិមាណ​មេ​ជីវិត​ឈ្មោល និង​ចលនា​របស់​វា។ ស៊ុត​មាន​ផ្ទុក​វីតាមីន E និង​ប្រូតេអ៊ីន​យ៉ាង​ច្រើន មាន​តួនាទី​ការពារ​មេ​ជីវិត​ឈ្មោល​ ពី​រ៉ាឌីកាល់​សេរី​មួយ​ចំនួនដែល​ធ្វើ​បរិមាណ​មេ​ជីវិត​ឈ្មោល​ថយ​ចុះ។

– ស្ពៃ​ពួយ​ឡេង៖ រាងកាយ​យើង​ត្រូវ​ការ​ពពួក​អាស៊ីដ​ហ្វូលីក (Folic acid) ដើម្បី​ផលិត​មេ​ជីវិត​ឈ្មោល​ដែល​មាន​សុខភាព​ល្អ។ បើ​រាងកាយ​មិន​មាន​អាស៊ីដ​ហ្វូលីក​គ្រប់គ្រាន់​ទេ មេ​ជីវិត​ឈ្មោល​នឹង​មាន​រូបរាង​មិន​ដូច​ប្រក្រតី​ដូច​គ្នា។ មេ​ជីវិត​ឈ្មោល​មិន​គ្រប់​លក្ខណៈ គ្មាន​កម្លាំង​គ្រប់​គ្រាន់​ចូល​ទៅ​ជួប​អូវុល​ដែល​ជា​មេជីវិត​បន្ត​ពូជ​ញី ដើម្បី​បង្ក​កំណើត​បាន​ទេ។ ក្នុង​ករណី​ បើ​ទោះ​ជា​មេ​ជីវិត​ឈ្មោល ទៅ​ជួប​អូវុល​ និង​អាច​បង្ក​កំណើត​បាន​ក៏​ពិត​មែន ​ប៉ុន្តែ​កូន​អាច​នឹង​មាន​លក្ខណៈ​មិន​ប្រក្រតី។ ដើម្បី​ឲ្យ​រាងកាយ​ទទួល​បាន​អាស៊ីដ​ហ្វូលីក​គ្រប់គ្រាន់ គួរ​ញ៉ាំ​ពពួក​ស្ពៃ​ពួយ​ឡេង ឬ​បន្លៃ​បៃតង​ផ្សេង​ទៀត។

– ចេក៖ ចេក​សម្បូរ​ទៅ​ដោយ​វីតាមីន A, B1 និង C អាច​ជួយ​មេ​ជីវិត​ឈ្មោល​មាន​សុខភាព​ល្អ និង​ជា​ជំនួយ​បង្កើន​បរិមាណ​មេ​ជីវិត​ឈ្មោល​ថែម​ទៀត​ផង។ លើស​ពី​នេះ អង់ស៊ីម​កម្រ Bromelain ដែល​មាន​ក្នុង​ផ្លែ​ចេក ក៏​មាន​នាទី​បង្កើន​បរិមាណ និង​ចលនា​របស់​មេ​ជីវិត​ឈ្មោល​ដូច​គ្នា។

– សូកូឡាខ្មៅ៖ សូកូឡា​ខ្មៅ​សម្បួរ​ទៅ​ដោយ​ពពួក​អាមីណូអាស៊ីដ L-Arginine HCL ដែល​អាច​បង្កើន​បរិមាណ​ទឹក​កាម និង​ចំនួន​មេជីវិត​ឈ្មោល។ ប្រុសៗ​ជា​ច្រើន​ជឿ​ថា សូកូឡា​ខ្មៅ​នឹង​ជំរុញ​ការ​ឈាន​ដល់​ចំណុច​កំពូល​កាន់​តែ​ខ្លាំង​ក្លា។

២- អាហារ​គួរ​ចៀស​វាង​ បើ​មិន​ចង់​ឲ្យ​មេ​ជីវិត​ឈ្មោល​ចុះ​ខ្សោយ

– អាហារ​កំប៉ុង៖ អ្នក​វិទ្យាសាស្ត្រ​ជឿ​ថា សារធាតុ BPA (Bisphenol-A) មាន​នៅ​ក្នុង​ប្លាស្ទិកសម្រាប់​វេច​ខ្ចប់​ផលិតផល​ទាំងឡាយ អាច​ធ្វើ​ឲ្យ​ខ្សោយ​សុខភាព​មេ​ជីវិត​ឈ្មោល។ ជ័រ​សម្រាប់​ប្រើ​បិទ​កំប៉ុង​អាហារ​មាន​ផ្ទុក​ជាតិ BPA ខ្ពស់​ណាស់ ដូច្នេះ​ជម្រើស​ល្អ​បំផុត គួរ​ញ៉ាំអាហារ​ស្រស់ៗ និង​អាហារ​ដាក់​ក្នុង​កែវ ដើម្បី​ចៀសវាង​ជាតិ BPA។

– ស្រា៖ ស្រា ​ជា​មូលហេតុ​បំផ្លាញ​សុខភាព​មេ​ជីវិត​ឈ្មោល។ បើយើង​មាន​បញ្ហា​ពិបាកយក​កូន សូម​គិត​ដល់​ការ​ផឹក​ស្រា​របស់​យើង។ ផឹក​ច្រើន​ដែរ​ទេ? បើ​​ផឹក​ច្រើន ព្យាយាម​ផ្អាក​ការ​ផឹក ឬ​កាត់​បន្ថយ​ការ​ផឹក​ស្រា ក៏​អាច​ជួយ​យើង​មាន​លទ្ធភាព​មាន​បង្ក​កំណើត​វិញ​បាន​ដែរ។

– ខ្លាញ់​ឆ្អែត៖ អាហារ​សម្បួរ​ជាតិ​ខ្លាញ់​ឆ្អែត និង​ខ្លាញ់​មិន​ឆ្អែត (Mono-unsaturated fat) (ដូច​ជា សាច់ សាច់​ក្រក) ធ្វើ​ឲ្យ​សុខភាព​មេ​ជីវិត​ឈ្មោល​ចុះ​ខ្សោយ​ដូច​គ្នា។ ដើម្បី​មេ​ជីវិត​ឈ្មោល​ខ្លាំង​ក្លា ត្រូវ​កាត់​បន្ថយ​ការ​ញ៉ាំ​អាហារ​សម្បូរ​ជាតិ​ខ្លាញ់​ទាំង​នោះ គួរ​ប្ដូរ​មក​ញ៉ាំ​ពពួក​ខ្លាញ់​មិន​ឆ្អែត ដូច​ជា ខ្លាញ់​អូមេហ្ហា ៣ និង​អូមេហ្កា ៦ ជំនួស​វិញ ដែល​សុទ្ធ​សឹង​ពពួក​ខ្លាញ់​ល្អ មាន​នៅ​ក្នុងគ្រាប់​ធញ្ញជាតិ និង​អាហារ​បំប៉ន និង​សាច់​ត្រី​ទឹក​ត្រជាក់ ដូច​ជា ​ត្រី​សាម៉ុន​ ជាដើម៕

អត្ថបទផ្ដល់ដោយ៖ Hello Krupet

ចុចអាន៖មនុស្សវ័យចំណាស់មានបញ្ហាហូប ឬលេបអាហារ គឺជារឿងធម្មតា?

ចុចអាន៖បើឧស្សាហ៍ភ្លេចគួរ យកចិត្តទុកដាក់ញ៉ាំអាហារទាំងនេះ

The post អាហារល្អៗ ប៉ូវឲ្យមេជីវិតប្រុសៗកាន់តែខ្លាំងជាងមុន appeared first on Kampuchea Thmey Daily.

​ក​) មូលហេតុ​៖

– ការរួម​ត្បៀត​តូច​ពី​កំណើត​(Sténoses congénitales)

• ជា​ករណី​កម្រ​

• ការបើក​មិន​ពេញលេញ​នូវ​សន្ទះ​ភ្នាស Uro-génitale

– ការរួម​ត្បៀត​តូច​មកពី​កំហុស​បច្ចេកទេស​

• ជា​ករណី​ដែល​ច្រើន​កើត​ឡើងជា​ញឹកញាប់​

• កើតឡើង​នៅក្រោយពេល ដាក់​សុង​ទឹកនោម ឬ​ការ​លូក​ចូល​នូវ​ឧបករណ៍​ថត​ឆ្លុះ ដែល​បណ្តាល​ឲ្យ​រហែក​ភ្នាស​ខាងក្នុង​របស់​បំពង់​បង្ហូរ​ទឹកនោម​

– ការរួម​ត្បៀត​ក្រោយ​ការប៉ះទង្គិច​ខ្លាំង ​ដែល​បណ្តាល​ឲ្យ​រហែក​បំពង់​បង្ហូរ​ទឹកនោម​

– ការរួម​ត្បៀត​ក្រោយ​មានការ​ឆ្លង​ជំងឺ រលាក​បំពង់​បង្ហូរ​ទឹកនោម​

​ខ​) រោគសញ្ញា​៖

– សញ្ញា​ពាក់ព័ន្ធ​នឹង​ការស្ទះ​ទឹកនោម​

• នោម​ពិបាក ទឹកនោម​ហូរ​យឺត ហូរ​ដាច់ៗ ឬ​ស្រ​ក់​តក់​ៗ​

• ការពិបាក​នោម​អាច​កើតឡើង​ភ្លាមៗ ឬ ដោយ​យឺតៗ រហូតដល់​នោម​លែងចេញ​

​គ​) ផលវិបាក​៖

– ផលវិបាក​បន្ទាប់ពី​មានការ​ឆ្លង​រោគ​

• រលាក​ក្រពេញ​ប្រូ​ស្តា​ត​

• នោម​លែងចេញ​

• រលាក​បំពង់​បង្ហូរ​ទឹកនោម​

• ខ្សោយ​តម្រងនោម​

​ឃ​) ការធ្វើ​រោគវិនិច្ឆ័យ​៖

– រក​ប្រវត្តិ​ធ្លាប់​កើត​ជំងឺ​រលាក​បំពង់​បង្ហូរ​ទឹកនោម ធ្លាប់​ដាក់​សុង​នោម ធ្លាប់​ឆ្លុះ​ប្លោកនោម ឬ​ធ្លាប់​ប៉ះទង្គិច​

– ការពិនិត្យ​មើល​រន្ធ​នោម​ត្បៀត​តូច ឬ​ក្រិន​

– ពិនិត្យមើល​ពោះ រក​ស្ទះ​ទឹកនោម ក្នុង​ប្លោកនោម​

– ពិនិត្យ​ទឹកនោម​រក​មេរោគ​

– ការថត​ដោយ​ចាក់​ថ្នាំ ដើម្បី​មើល​ទីតាំង​ដែល​ត្បៀត​

​ង​) ការព្យាបាល​

– ការព្យាបាល​ដោយ​វះកាត់​តាមផ្លូវ​ធម្មជាតិ​

• ការពង្រីក​បំពង់​បង្ហូរ​ទឹកនោម​

• ការ​កាត់​កន្លែង​ត្បៀត​តូច​ដោយ​ឡាស៊ែ​(​ម៉ាស៊ីន​ដង់​ដូ​ស្កូ​ប​)

• ការដាក់​ប្រូ​តែ​ក្នុង​បំពង់​ទឹកនោម​

– ការព្យាបាល​ដោយ​វះកាត់​ជួសជុល

​សូម​បងប្អូន ដែល​សង្ស័យថា​ខ្លួន​មាន​ជំងឺ​ខាងលើ អញ្ជើញ​មក​ពិគ្រោះ​ជាមួយ​គ្រូពេទ្យ​ឯកទេស​នៅ​មន្ទីរពេទ្យ​កាល់ម៉ែត ដើម្បី​ស្វែងរក​រោគវិនិច្ឆ័យ និង​ពិភាក្សា​អំពី​វិធីសាស្ត្រ​នៃ​ការបង្ការ និង​ព្យាបាល​នៃ​ជំងឺ​នេះ ឲ្យ​បាន​ទាន់ពេលវេលា​ប្រកបដោយ​ប្រសិទ្ធភាព ជៀសវាង​បង្កឲ្យ​មាន​គ្រោះថ្នាក់​ដល់​អាយុជីវិត​៕

អត្ថបទ៖ ​រស្មី​

The post យល់ដឹងពីជំងឺរន្ធនោមត្បៀតតូច និងរោគសញ្ញា appeared first on Kampuchea Thmey Daily.

១. ដុំ​ពក​នៅ​ជិត​ប្រដាប់​បន្ត​ពូជ​

ការ​ពិនិត្យ​មើល​បរិវេណ​ជុំវិញ​ប្រដាប់​​​ភេទ​ ដើម្បី​ដឹង​ថា​យើង​មាន​​ដុំ​ពក​​ឬ​អត់​ ជា​រឿង​សំខាន់​ណាស់​ ពីព្រោះ​បរិវេណ​នោះ​ងាយ​​រង​គ្រោះ ហើយ​ដុំ​ពក​អាច​កើត​មាន​ដោយ​សារ​តែ​រោម​​កប់​ក្នុង​សាច់​។ មួយ​វិញ​ទៀត​ វា​ក៏​អាច​ជា​សញ្ញា​ដុះ​សាច់​លើ​ប្រដាប់​ភេទ​​ឬ​ការ​ឆ្លង​មេរោគ​។

​​២. ការ​​ធ្លាក់​ទឹក​រម្អិល

ប្រសិនបើ​​ប្រុស​ៗ​យើង​សង្កេត​ឃើញ​​មាន​ធ្លាក់​ទឹក​រម្អិល​ខុស​ពី​ធម្មតា​ចេញ​ពី​លិង្គ​ វា​អាច​ជា​សញ្ញា​នៃ​បញ្ហា​សុខភាព​ផ្លូវ​ភេទ​។ ពិត​ណាស់​ ការ​ធ្លាក់​ទឹក​រម្អិល​ដែល​​មាន​ពណ៌​លឿង ឬ​បៃតង អាច​បញ្ជាក់​ពី​ជំងឺ​ប្រមេះ​ទឹក​បាយ​ ខណៈ​ពេល​ដែល​ការ​ធ្លាក់​ទឹក​រម្អិល​ពណ៌​ស​ អាច​ជា​សញ្ញា​នៃ​ជំងឺ​trichomoniasis ប៉ុន្តែ​បើ​​ការ​ធ្លាក់​ទឹក​រម្អិល​ពណ៌​ស​នេះ​មាន​សភាព​ខាប់​​ និង​មិន​មាន​ក្លិន​ទេ​នោះ ​វា​អាច​ជា​សញ្ញា​នៃ​ការ​ឆ្លង​មេរោគ​ផ្សិត​។

៣. ក្រហាយ​នៅ​ពេល​នោម​

​​​​ជាមួយ​គ្នា​នេះ​ដែរ​ ការ​នោម​ក្រហាយ​ ក៏​អាច​បញ្ជាក់​ពី​បញ្ហា​សុខភាព​ផ្លូវ​ភេទ​ដូច​គ្នា។​ ជា​ធម្មតា​ វា​​បង្ហាញ​ពី​ការ​ឆ្លង​មេរោគ​ប្រព័ន្ធ​ទឹក​នោម​​ ដែល​មិន​មែន​ជា​បញ្ហា​ធ្ងន់ធ្ងរ​ក៏​ពិត​មែន​ ប៉ុន្តែ​វា​ក៏​អាច​ជា​ជំងឺ​​កាម​រោគ​ ដូចជា​​​ជំងឺ​ប្រមេះ​ទឹក​ថ្លា​ ឬ​ជំងឺ​​ប្រមេះ​ទឹក​បាយ​ផង​ដែរ​​។

​​​៤. ​ឈឺ​ចាប់​នៅ​បរិវេណ​ប្រដាប់​ភេទ​

ការ​ឈឺ​ចាប់​​នៅ​ផ្នែក​ណា​មួយ​​នៃ​​រាងកាយ​ ជា​សញ្ញា​ដែល​យើង​ចាំបាច់​ត្រូវ​យក​ចិត្ត​ទុក​ដាក់​ ជា​ពិសេស​នៅ​ជិត​បរិវេណ​ប្រដាប់​ភេទ ឬ​ពោះ​។ ឧទាហរណ៍ ​ការ​ហើម​​ពង​ស្វាស​ ការ​ធ្លាក់​ឈាម​ ឬ​ឈឺ​ចាប់​​អំឡុង​ពេល​រួម​ភេទ​ សុទ្ធ​តែ​បញ្ជាក់​ថា​រាងកាយ​របស់​យើង​អាច​កើត​ជំងឺ​កាមរោគ ឬ​ឆ្លង​មេរោគ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សញ្ញាសុខភាពតូចៗ ១៥ យ៉ាង បញ្ជាក់ថា ប្រុសៗអាចអាយុខ្លី បើអត់តាមដាន

ចុចអាន៖ ប្រុសៗមានទម្លាប់អាក្រក់ ៨ យ៉ាងនេះ អាចធ្វើឲ្យអត់កូន

The post សញ្ញា​ទាំង​៤ បញ្ជាក់​ថា​សុខភាព​ផ្លូវ​ភេទ​ប្រុស​ៗ​​មាន​បញ្ហា​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ appeared first on Kampuchea Thmey Daily.