លោកសាស្ត្រាចារ្យរង លូ លីឃាង បានមានប្រសាសន៍ថា ការចុះពិនិត្យសុខភាពភ្នែកនាពេលនេះ ក្នុងគោលបំណងដើម្បីចូលរួមចំណែកក្នុងការលើកកម្ពស់សុខភាពភ្នែករបស់ប្រជាពលរដ្ឋឱ្យបានល្អប្រសើរ ព្រោះថា សុខភាពភ្នែកមានសារសំខាន់ណាស់ក្នុងការរស់នៅប្រចាំថ្ងៃ។ ដូចនេះការទៅពិនិត្យភ្នែកឱ្យបានទៀងទាត់ យ៉ាងហោចណាស់ ១ ឆ្នាំម្តង ទោះបីជាភ្នែកមិនមានបញ្ហាក៏ដោយ និងការព្យាបាលភ្នែកឱ្យបានត្រឹមត្រូវ និងសុក្រឹតដោយក្រុមគ្រូពេទ្យជំនាញ នឹងជួយធ្វើឱ្យភ្នែករបស់ពលរដ្ឋមានសុខភាពល្អ។

លោកសាស្ត្រាចារ្យរង លូ លីឃាង បានបន្តថា ការចុះពិនិត្យភ្នែកនេះ មន្ទីរពេទ្យសហការជាមួយអង្គការ ហ្វ្រេដហូឡូ និង មូលនិធិ វ័ន សាញ ក្នុងនោះ មូលនិធិ វ័ន សាញ ចែកវ៉ែនតាជូនដល់ប្រជាពលរដ្ឋដោយឥតគិតថ្លៃនៅពេលគ្រូពេទ្យជំនាញពិនិត្យឃើញថា មានបញ្ហាគំហើញដែលតម្រូវឱ្យពាក់វ៉ែនតា ដើម្បីធ្វើឱ្យភ្នែកបានល្អប្រសើរ។ចំពោះប្រជាពលរដ្ឋដែលមានបញ្ហាភ្នែកឡើងបាយ ឬតម្រូវឱ្យការវះកាត់ភ្នែកអញ្ជើញទៅមន្ទីរពេទ្យព្រះអង្គឌួងឱ្យបានលឿនបំផុត ហើយការវះកាត់គឺមិនគិតថ្លៃទេ ដោយអង្គការហ្វ្រេដហូឡូជាអ្នកជួយឧបត្ថម្ភ។

លោកនាយកមន្ទីរពេទ្យ បានថ្លែងអំណរគុណយ៉ាងជ្រាលជ្រៅចំពោះអាជ្ញាធរស្រុក មន្ទីរសុខាភិបាល នៃរដ្ឋបាលខេត្តកំពង់ចាម ដែលបានសហការយ៉ាងជិតស្និទ្ធក្នុងការរៀបចំ កម្មវិធីដ៏មានអត្ថន័យនេះ ក៏សូមថ្លែងអំណរគុណចំពោះអង្គការ One Sight Essilor Luxottica Foundation, Bloomberg និងមូលនិធិ Fred Hollows Cambodia ដែលបានផ្តល់ការគាំទ្រផ្នែកបច្ចេកទេស និងថវិកា ដើម្បីធ្វើឱ្យកម្មវិធីនេះអាចប្រព្រឹត្តទៅបានដោយជោគជ័យ។

លោក គង់ នាត តំណាងអង្គការ Fred Hollows Foundation Cambodia បានអំពាវនាវដល់ប្រជាពលរដ្ឋ ដែលមានបញ្ហាភ្នែក អញ្ជើញទៅជួបជាមួយគ្រូពេទ្យមានជំនាញឯកទេសត្រឹមត្រូវ ហើយសូមកុំជឿការផ្សព្វផ្សាយតាមបណ្តាញសង្គមមិនមានប្រភពច្បាស់លាស់។ ជាមួយគ្នានេះ ប្រសិនបើពលរដ្ឋមានប័ណ្ណមូលនិធិសមធម៌ ប័ណ្ណ ប.ស.ស. មានលទ្ធភាព ឬមិនមានលទ្ធភាពក្តី សូមមេត្តាទៅឲ្យដល់ជួបជាមួយក្រុមគ្រូពេទ្យជំនាញ ឬក៏ទៅដល់មនី្ទរពេទ្យ ដើម្បីយើងធ្វើការពិនិត្យ ព្យាបាលជំងឺភ្នែកក្នុងមនី្ទរពេទ្យបង្អែកស្រីសន្ធរ ឬទៅមនី្ទរពេទ្យព្រះអង្គឌួងក៏បាន។

លោកស្រីសាស្រ្តាចារ្យជំនួយ ជុកម៉ុល កុសុម៉ា នាយិការង នៃមនី្ទរពេទ្យព្រះអង្គឌួង បានបង្ហាញនូវសេចកី្តសប្បាយរីករាយយ៉ាងខ្លាំងដែលបានឃើញប្រជាពលរដ្ឋជាច្រើន អញ្ជើញមកទទួលការពិនិត្យសុខភាពភ្នែក ក៏ដូចជាទទួលវ៉ែនតា និងថ្នាំបន្តក់ភ្នែកត្រឡប់ទៅគេហដ្ឋានរៀងៗ ខ្លួនវិញ។

ក្នុងនោះ ក្រុមគ្រូពេទ្យជំនាញ បានផ្តល់សេវាអ្នកជំងឺសរុបចំនួន ២ ១២៨ នាក់ ស្រី ១ ៣៤៨ នាក់ , អ្នកជំងឺទទួលវ៉ែនតាមានចំនួន ១ ៧៨៤ នាក់ ស្រី ១ ១១៩ នាក់ , អ្នកជំងឺបញ្ជូន ១៨៩ នាក់ ស្រី ១២៧ នាក់ និងអ្នកជំងឺវះកាត់ ១៤ នាក់ ស្រី ៩ នាក់៕
អត្ថបទ ៖ សំអឿន

The post មន្ទីរពេទ្យព្រះអង្គឌួង ដឹកនាំក្រុមគ្រូពេទ្យចុះពិនិត្យសុខភាពភ្នែក និងចែកវ៉ែនតាដោយឥតគិតថ្លៃជូនពលរដ្ឋជាង ២ ០០០ នាក់ នៅខេត្តកំពង់ចាម appeared first on Kampuchea Thmey Daily.

ភ្នែករមាស់គឺជារូបរាងនៃទឹករំអិលស្អិត ឬស្ងួតនៅជ្រុងភ្នែក និងត្របកភ្នែក។ នេះជាធម្មតាជាសញ្ញានៃការរលាក ឬអាឡ័កស៊ីនៅក្នុងភ្នែក។ មានមូលហេតុជាច្រើននៃស្ថានភាពនេះ។

ការគេង ពេលគេង ភ្នែកមិនព្រិចភ្នែកទេ ដូច្នេះសារធាតុរាវកកកុញនៅជ្រុងភ្នែក និងតាមបណ្តោយរោមភ្នែក បង្កើតជាស្រទាប់នៃស្នាមជ្រួញ ដែលងាយកត់សម្គាល់នៅពេលភ្ញាក់ពីគេង ដែលអាចស្ងួត រឹង ស្អិត សើម ឬសើម។

ការស្ទះបំពង់បង្ហូរទឹកភ្នែក ការស្ទះបំពង់បង្ហូរទឹកភ្នែកគឺជាមូលហេតុទូទៅមួយទៀត ដែលកើតមានជាទូទៅចំពោះទារក ប៉ុន្តែអាចកើតឡើងនៅគ្រប់វ័យ។ នៅពេលដែលក្រពេញបង្ហូរទឹកភ្នែកដំណើរការធម្មតា ប៉ុន្តែទឹកភ្នែកមិនអាចហូរចេញបាន វានឹងបណ្តាលឲ្យមានការរហែក ក្រហម និងស្អិតច្រើន ជាធម្មតាមានពណ៌លឿង ឬបៃតងលឿង។

រលាកភ្នែកអាឡ័កស៊ី ស្រទាប់ខាងក្រៅគឺជាស្រទាប់ជាលិកាស្តើងដែលគ្របដណ្តប់លើផ្នែកពណ៌សនៃភ្នែក និងផ្នែកខាងក្នុងនៃត្របកភ្នែក។ នៅពេលដែលស្រទាប់នេះរលាក ឬហើមដោយសារតែអាឡ័កស៊ី ដូចជារោមសត្វចិញ្ចឹម ផ្សិត និងធូលីដី វានាំឲ្យមានជំងឺរលាកភ្នែកដោយសារអាឡ័កស៊ី។ ស្ថានភាពនេះអាចបណ្តាលឲ្យមានរោគសញ្ញាធម្មតាដូចជា រមាស់ខ្លាំង ភ្នែកស្រវាំង ត្របកភ្នែកហើម និងទឹករំអិលថ្លាស្តើងៗ ជាមួយនឹងស្នាមជ្រួញ។

ភ្នែកស្ងួត ​ភ្នែកស្ងួតគឺជារឿងធម្មតាណាស់ ដែលអាចបណ្តាលឲ្យសរសៃទឹករំអិលជាប់នៅក្នុង ឬជុំវិញភ្នែក។ អ្នកជំងឺក៏អាចមានអារម្មណ៍ក្រហាយ រមាស់ ព្រិលភ្នែក រដុប និងក្រហមភ្នែក។ ការពាក់កញ្ចក់ភ្នែកច្រើនតែបណ្តាលឲ្យមិនស្រួលនៅពេលដែលអ្នកមានភ្នែកស្ងួត។

រលាកភ្នែកដោយសារបាក់តេរី រោគសញ្ញាចម្បងនៃរលាកភ្នែកដោយសារបាក់តេរី (ភ្នែកពណ៌ផ្កាឈូក) គឺភ្នែកឡើងក្រហម ជួនកាលមានអាការៈរមាស់ រមាស់ និងឈឺចាប់។ ការបង្ហាប់ត្រជាក់ និងទឹកភ្នែកសិប្បនិម្មិតជួយកាត់បន្ថយការរលាក និងភ្នែកស្ងួតដែលបណ្តាលមកពីភ្នែកពណ៌ផ្កាឈូក។ អ្នកជំងឺត្រូវឈប់ពាក់កញ្ចក់ភ្នែករហូតដល់រោគសញ្ញានៃភ្នែកពណ៌ផ្កាឈូកបាត់ទៅវិញទាំងស្រុង។ សូមទៅជួបគ្រូពេទ្យឯកទេសភ្នែក ប្រសិនបើរោគសញ្ញានៅតែបន្តលើសពី ៧ ថ្ងៃ ឬប្រសិនបើមានការឈឺចាប់ភ្នែកធ្ងន់ធ្ងរ ព្រិលភ្នែក ឬងាយប្រតិកម្មនឹងពន្លឺលេចឡើង។

ជំងឺរលាកត្របកភ្នែក ជំងឺរលាកត្របកភ្នែក គឺជាជំងឺមិនឆ្លង ដែលបណ្តាលឲ្យត្របកភ្នែករលាក ក្រហម និងរមាស់។ ជំងឺនេះបណ្តាលឲ្យមានស្នាម និងស្នាមនៅលើរោមភ្នែក និងធ្វើឲ្យភ្នែកស្ងួត។ ស្ថានភាពនេះអាចមានលក្ខណៈស្រួចស្រាវ (រយៈពេលខ្លី) ឬរ៉ាំរ៉ៃ (រយៈពេលវែង) ដែលជារឿយៗត្រូវការការគ្រប់គ្រងរយៈពេលវែងដោយការសម្អាតត្របកភ្នែករបស់អ្នកជារៀងរាល់ថ្ងៃ។

ដំបៅភ្នែក ដំបៅភ្នែកជាធម្មតាបណ្តាលមកពីការឆ្លងមេរោគភ្នែក ប៉ុន្តែភ្នែកស្ងួតធ្ងន់ធ្ងរក៏អាចជាមូលហេតុផងដែរ។ រោគសញ្ញារួមមាន ខ្ទុះ រមាស់ខ្លាំង ខ្លាចពន្លឺ ភ្នែកក្រហម ឈឺចាប់ខ្លាំង និងភ្នែកស្រវាំង។

ទោះបីជាការព្រិចភ្នែកអាចជាបាតុភូតធម្មតាក៏ដោយ ក្នុងករណីខ្លះវាអាចជាសញ្ញានៃរោគសាស្ត្រដែលត្រូវការការព្យាបាល។ វិធានការថែទាំដោយខ្លួនឯងមួយចំនួនដែលជួយសម្អាត និងកាត់បន្ថយការរលាកភ្នែករួមមាន ការបង្ហាប់ក្តៅ និងអនាម័យត្របកភ្នែក។

ដើម្បីកាត់បន្ថយហានិភ័យ មនុស្សម្នាក់ៗត្រូវលាងដៃឲ្យបានទៀងទាត់ជាមួយសាប៊ូ និងទឹក ដើម្បីការពារជំងឺរលាកភ្នែកដោយសារបាក់តេរី។ វាត្រូវបានណែនាំឲ្យសម្អាតត្របកភ្នែករបស់អ្នកជារៀងរាល់ថ្ងៃជាមួយទឹក ជាពិសេសនៅពេលដែលអ្នកមានជំងឺរលាកត្របកភ្នែក ឬការកើតឡើងវិញជាញឹកញាប់៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ក្រុមអាហារ ៧ គួរតែកំណត់ ដើម្បីកាត់បន្ថយហានិភ័យនៃជំងឺមហារីក

The post មូលហេតុ ៧ យ៉ាង នាំឲ្យភ្នែកឆ្លងរោគ appeared first on Kampuchea Thmey Daily.

ថ្លែង​ក្នុង​ពិធី​ដាក់ឱ្យ​ដំណើរការ​ជា​ផ្លូវការ​នូវ​គម្រោង “​មណ្ឌល​គ្រប់គ្រង​សុខភាព​ភ្នែក​ឆ្លាត​វៃ នៅ​មន្ទីរពេទ្យ​តេ​ជោ​សែន​កោះធំ ខេត្តកណ្តាល និង​មន្ទីរពេទ្យបង្អែក​គងពិសី ខេត្តកំពង់ស្ពឺ លោកសាស្ត្រាចារ្យ ងី ម៉េង ទីប្រឹក្សា​ក្រសួងសុខាភិបាល ប្រធាន​កម្មវិធី​ជាតិ​សុខភាព​ភ្នែក និង​ជា​នាយក​មន្ទីរពេទ្យ មិត្តភាព​ខ្មែរ​-​សូ​វៀត បាន​ឱ្យដឹងថា គម្រោង​មណ្ឌល​គ្រប់គ្រង​សុខភាព​ភ្នែក​ឆ្លាត​វៃ នឹង​លើក​កម្ពស់​ការ​បម្រើ​សេវា​ពិនិត្យ​វាស់​គំហើញ ថតរូប​បាត​ភ្នែក និង​ធ្វើ​រោគវិនិច្ឆ័យ​បាន ដោយមាន​ជំនួយ​ពី​បញ្ញា​សិប្បនិម្មិត​ (AI) និង​ប្រព័ន្ធគ្រប់គ្រង​ទិន្នន័យ​ឆ្លាត​វៃ ដែល​ធានា​សុវត្ថិភាព​ព័ត៌មាន​អ្នក​ជំងឺ និង​អាច​អនុញ្ញាត​ឱ្យមាន​ការពិគ្រោះ​យោបល់​ពី​ចម្ងាយ​ជាមួយ​អ្នកជំនាញ ព្រមទាំង​ការ​បញ្ជូន​អ្នកជំងឺ​ទៅកាន់​មន្ទីរពេទ្យ​កម្រិត​ខ្ពស់​បាន​ទាន់ពេលវេលា ដែល​ស្របតាម​យុទ្ធសាស្ត្រ​របស់​រាជរដ្ឋាភិបាល និង​ក្រសួងសុខាភិបាល ក្នុងការ​លើកកម្ពស់​គុណភាព​សេវា​សុខាភិបាល​នៅ​មូលដ្ឋាន និង​ការធ្វើ​ទំនើបកម្ម​វិស័យ​សុខាភិបាល​តាម​បែប​ឌីជីថល។

លោក​សាស្ត្រាចារ្យ ងី ម៉េង បាន​បន្តថា ​គម្រោង “​មណ្ឌល​គ្រប់គ្រង​សុខភាព​ភ្នែក​ឆ្លាត​វៃ បង្កើត​ឡើង​តាមរយៈ​កិច្ច​សហ​ប្រតិបត្តិការ​រវាង​កម្មវិធី​ជាតិ​សុខភាព​ភ្នែក និង​មជ្ឈមណ្ឌល​ការពារ និង​ព្យាបាល​ជំងឺ​ភ្នែក​សៀង​ហៃ ក្រោម​ការ​គាំទ្រ​សម្របសម្រួល​ពី មូលនិធិ​ហ្វ្រេ​ដ​ហូ​ឡូ​ ដែលជា​ជំហាន​ថ្មី​មួយ​ទៀត សម្រាប់​វិស័យ​សុខាភិបាល​កម្ពុជា ជាពិសេស​វិស័យ​សុខភាព​ភ្នែក ដែល​បាន​នវានុវត្តន៍​ប្រើប្រាស់​បច្ចេកវិទ្យា​ទំនើប ក្នុងការ​ពិនិត្យ​ស្វែងរក និង​ព្យាបាល​ជំងឺ​ភ្នែក​ ឱ្យបាន​ទាន់ពេលវេលា សុវត្ថិភាព និង​មាន​ប្រសិទ្ធភាព​ខ្ពស់។ លើសពីនេះ​ទៀត​ តាមរយៈ​គម្រោង​នេះ អាច​ជួយ​បង្ការ​ការ​បាត់បង់​គំហើញ ជាពិសេស​ចំពោះ​អ្នក​មាន​បញ្ហា និង​កំហុស​សំណុំ​រូបភាព ជំងឺ​ទឹក​ដក់​ក្នុង​ភ្នែក អ្នកជំងឺ​ទឹកនោមផ្អែម និង​ជំងឺ​ឡើង​សម្ពាធ​ឈាម។

លោកសាស្ត្រាចារ្យ ងី ម៉េង បាន​ណែនាំ​ដល់​បុគ្គលិក​មន្ត្រីរាជការ មន្ទីរពេទ្យ​ទាំងពីរ ត្រូវ​យក​ចិត្ត​ទុក​ដាក់​ថែរក្សា និង​ប្រើប្រាស់​ឧបករណ៍​បច្ចេកទេស​ទំនើប​នេះ ដើម្បី​បម្រើ​សេវា​ពិនិត្យ​ព្យាបាល​ភ្នែក​ជូន​ប្រជាពលរដ្ឋ​ឱ្យ​មាន​ប្រសិទ្ធភាព​ខ្ពស់។ ផ្សព្វផ្សាយ​លើកទឹកចិត្ត ជំរុញ​ឱ្យ​អ្នកជំងឺ​មក​ទទួល​សេវា​ពិនិត្យ​ព្យាបាល​ជំងឺ​ភ្នែក និង​ជំងឺ​ផ្សេងទៀត​ និង​បន្ត​ពង្រឹង​កិច្ចសហការ​ជាមួយ​ដៃគូ​អភិវឌ្ឍន៍ និង​ក្រុម​ការងារ​បច្ចេកទេស​ឱ្យ​រលូន ដើម្បី​ធានា​គុណភាព​ទិន្នន័យ និង​ការ​ពង្រីក​គម្រោង​នា​ពេល​អនាគត៕

អត្ថបទ ៖ សំអឿន

The post ក្រសួងសុខាភិបាល ដាក់ឱ្យដំណើរការមណ្ឌលគ្រប់គ្រងសុខភាពភ្នែកឆ្លាតវៃ ដោយប្រើជំនួយបញ្ញាសិប្បនិម្មិត appeared first on Kampuchea Thmey Daily.

ក្រូច ក្រូចឃ្វិច វីតាមីន C បន្ថែម​សម្រាប់​ឈឺ​ភ្នែក

ក្រូច និង​ក្រូចឃ្វិច​ជា​ផ្លែឈើ​ដែល​ធ្លាប់​ស្គាល់ សម្បូរ​វីតាមីន C និង flavonoids ​ជួយ​ពង្រឹង​ជញ្ជាំង​សរសៃឈាម​រីទីណា។ វីតាមីន C ក៏​មាន​ប្រសិទ្ធភាព​កាត់​បន្ថយ​ស្ត្រេស​អុកស៊ីតកម្ម ​ជា​កត្តា​មួយ​ដែល​ធ្វើ​ឲ្យភ្នែក​អស់កម្លាំង​យ៉ាង​ឆាប់​រហ័ស​នៅ​ពេល​ប៉ះពាល់​នឹង​ពន្លឺ​ពណ៌​ខៀវ។

យោង​តាម​បណ្ឌិត្យសភា​ភ្នែក​អាមេរិក វីតាមីន C ជួយ​បន្ថយ​ដំណើរការ​ខូចខាត​នៃ​កោសិកា​ភ្នែក​ដោយសារ​ការ​ធ្វើការ​នៅ​មុខ​អេក្រង់​យូរ និង​ជួយ​កាត់​បន្ថយ​ស្ត្រេស​ភ្នែក។

ផ្លែ​ប៊្លូបឺរី​ អាហារ​មាស​សម្រាប់​អ្នក​ធ្វើការ​ការិយាល័យ

ផ្លែ​ប៊្លូបឺរី​មាន​ផ្ទុក​សារធាតុ anthocyanins ដែល​ជា​សមាសធាតុ​ប្រឆាំង​អុកស៊ីតកម្ម​ដ៏​មាន​ឥទ្ធិពល​ដែល​មាន​សមត្ថភាព​ធ្វើ​ឱ្យ​ចរន្តឈាម​ទៅ​កាន់​រីទីណា​ប្រសើរ​ឡើង ដែល​ជួយឲ្យភ្នែក​សម្រប​ខ្លួន​បាន​លឿន​ជាង​មុន​ចំពោះ​ការ​ប្រែប្រួល​ពន្លឺ។
លោកវេជ្ជបណ្ឌិត Jeffrey Anshel ជាគ្រូពេទ្យឯកទេសភ្នែក និងជាអ្នកនិពន្ធការសិក្សាជាច្រើនលើអាហារូបត្ថម្ភភ្នែកនៅសហរដ្ឋអាមេរិកបានលើកឡើងថា «សារធាតុ Anthocyanins នៅក្នុងផ្លែប៊្លូបឺរីជួយកាត់បន្ថយភាពអស់កម្លាំងភ្នែក ធ្វើឲ្យប្រសើរឡើងនូវការគ្រប់គ្រង និងមានប្រយោជន៍ជាពិសេសសម្រាប់អ្នកប្រើប្រាស់កុំព្យូទ័ររយៈពេលវែង»។

ចេក កាត់បន្ថយភាពស្ងួតភ្នែក កំណត់ភាពតានតឹងភ្នែក

ចេកសម្បូរទៅដោយប៉ូតាស្យូម និងវីតាមីន B6 ដែលជួយធ្វើឲ្យមានតុល្យភាពសារធាតុរាវនៅក្នុងរាងកាយ និងគាំទ្រដល់ការបញ្ជូនសរសៃប្រសាទ។ កង្វះប៉ូតាស្យូមអាចបណ្តាលឲ្យភ្នែកស្ងួត អស់កម្លាំង និងប្រកាច់ត្របកភ្នែក។

យោងតាមអ្នកជំនាញអាហារូបត្ថម្ភ Samantha Cassetty (សហរដ្ឋអាមេរិក) វីតាមីន B6 នៅក្នុងចេកជួយកាត់បន្ថយភាពតានតឹងសរសៃប្រសាទ ដែលជាមូលហេតុដោយប្រយោលនៃការកើនឡើងនៃភាពអស់កម្លាំងនៅក្នុងភ្នែកនៅពេលដែលការងារផ្លូវចិត្តត្រូវបានអូសបន្លាយ។

អ្នកជំនាញណែនាំថា ផ្លែឈើគួរតែត្រូវបានរួមបញ្ចូលនៅក្នុងអាហារសម្រន់ប្រចាំថ្ងៃ ផឹកទឹកឲ្យបានគ្រប់គ្រាន់ និងអនុវត្តច្បាប់ ២០-២០-២០ (មើលឃើញ ២០ម៉ែត្រក្នុងរយៈពេល ២០វិនាទីរៀងរាល់ ២០ នាទីម្តង) ដើម្បីការពារភ្នែកដែលមានសុខភាពល្អនៅពេលធ្វើការនៅមុខកុំព្យូទ័រ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ចង់បន្ថយជាតិអាស៊ីតអ៊ុយរិក កុំភ្លេចពិសាម្នាស់

The post ភ្នែក​ឈឺ​ពេល​ធ្វើការ​នៅ​មុខ​កុំព្យូទ័រ ផ្លែឈើទាំងនេះ​ជួយ​កាត់​បន្ថយ​បាន appeared first on Kampuchea Thmey Daily.

នៅក្នុង​ឱកាស​អញ្ជើញ​ចូលរួម​កម្មវិធី​ចុះ​ពិនិត្យ​សុខភាព​ភ្នែក​ និង​ចែ​កវែន​តា​ដោយ​ឥតគិតថ្លៃ​ជូន​ប្រជាពលរដ្ឋ​ប្រមាណ​ ៥០០​ នាក់​ រស់នៅ​សង្កាត់​ក្រាំងធ្នង់ ​កាលពី​ថ្ងៃទី ​១០ ​មករា​ លោក​ បាក់ ​តូ​ក្យូ នាយក​ប្រចាំ​ប្រទេស​ នៃ​អង្គការ​ហ្រេ្វ​ដ​ហូ​ឡូ​ បាន​មានប្រសាសន៍ថា​ គុណភាព​ការពិនិត្យ​ព្យាបាល​ភ្នែក​នៅ​កម្ពុ​ជាមាន​លក្ខណៈ​ល្អប្រសើរ​ខ្លាំងណាស់​បើ​ប្រៀបធៀប​ទៅនឹង​បណ្តា​ប្រទេស​មួយចំនួន​។ ជាក់ស្តែង​នៅ​ឆ្នាំ​ ២០២០​ អង្គការ​ហ្វ្រេ​ដ​ហូ​ឡូ ​បាន​អញ្ជើញ​អ្នកជំនាញ​មកពី​អង់គ្លេស ​និង​ស្កុ​តឡែ​ន មក​វាយតម្លៃ​នៅ​កម្ពុជា​ពី​ការផ្តល់សេវា​ភ្នែក​នៅ​កម្ពុជា​។​ ជា​លទ្ធផល​ក្រុម​អ្នកជំនាញ​បាន​ពិនិត្យ​ឃើញ​ថា​ កម្ពុ​ជាមាន​គ្រូពេទ្យ​ភ្នែកមាន​ជំនាញ​ប្រសើរ​ណាស់​ បើ​ធៀប​ទៅនឹង​ប្រទេស​នានា។

លោក​បាន​បន្តថា ​«អីចឹង​ទេ​ សូម​បងប្អូន​យើង​ទុកចិត្ត​ទៅលើ​គ្រូពេទ្យ​យើង​ និង​លើកទឹកចិត្ត​ទទួល​សេវា​នៅ​កម្ពុជា​ដោយ​មិនចាំបាច់​ទៅ​ក្រៅប្រទេស​ ព្រោះថា​គ្រូពេទ្យ​ធ្លាប់​រៀន​នៅ​ប្រទេសជិតខាង​ខ្លះ​ត្រឡប់មកវិញ​មិនល្អ​ប្រសើរ​ដូច​គ្រូពេទ្យ​ធ្វើការ​នៅ​ស្រុក​ខ្មែរ​យើង​ទេ​»​។

លើសពីនេះ​ទៀត​ យោងតាម​ការអង្កេត​ថ្នាក់ជាតិ​ស្តីពី​ពិការភាព​ភ្នែក​ដែល​អាច​ចៀសវាង​បាន​នៅ​កម្ពុជា​រៀបចំឡើង​ដោយ​ក្រសួងសុខាភិបាល ​ក្នុងចំណោម​ប្រជាពលរដ្ឋ​ ១០០ នាក់ មាន​បញ្ហា​ភ្នែក មាន​ ៩២ ​នាក់​ អាច​ចៀសវាង​បាន​បើសិន​គាត់​ទៅពិនិត្យ ​និង​ព្យាបាល​ទៀងទាត់​ និង​ទាន់ពេល​។

លោក​ បាក់ ​តូ​ក្យូ បាន​អំពាវនាវ​ដល់​ប្រជាពលរដ្ឋ​ថា ​នៅពេលដែល​ពលរដ្ឋ​ជួប​គ្រូពេទ្យ​រកឃើញថា​មាន​បញ្ហា​កន្ទុយថ្លែន ​ឬ​បញ្ហា​បាយ​ភ្នែក​ ឬ​បញ្ហា​ផ្សេង​ទៀត​ដែល​ទាមទារ​ឱ្យ​បក​បាយ ​ឬ​វះកាត់​តូច​ណាមួយ​នៅ​មន្ទីរពេទ្យ​ សូម​ទៅ​ចូលរួម​តាម​ការ​ណែនាំ​របស់​គ្រូពេទ្យ​ ព្រោះថា​អ្វីដែល​គ្រូពេទ្យ​ណែនាំ​ត្រឹមត្រូវ​ជួយ​ធ្វើឱ្យ​សុខភាព​ភ្នែក​បានល្អ​ប្រសើរ ​បើ​មិន​ធ្វើតាម​ទេ​ អាច​នឹង​មាន​បញ្ហា​ប្រឈម​ទៅ​ថ្ងៃក្រោយ​ដូចជា​ធ្វើ​ឱ្យ​ពិការ​ភ្នែក​ជាដើម។

លោក ប៉ាង​ ពៅ នាយក​អភិវឌ្ឍន៍​កម្មវិធី​ចិ​រ​ភាព​កម្ពុជា បាន​មានប្រសាសន៍ថា ​ក្នុងការ​ការពារ​សុខភាព​ភ្នែក​ឱ្យបាន​ល្អប្រសើរ ​វា​ទាមទារ​ឱ្យ​ប្រជាពលរដ្ឋ​ចេះ​ថែរក្សា​ភ្នែក​ និង​ទៅពិនិត្យ​ភ្នែក​ឱ្យបាន​ត្រឹមត្រូវ​ផងដែរ ​ពិសេស​ពាក់​វ៉ែនតា​ការពារ​ភ្នែក។

លោក​បាន​ណែនាំ​ថា ​«ជាធម្មតា​វ៉ែនតា​គ្រាន់តែ​ជួយ​កែតម្រូវ​គំហើញ​មួយ​ទេ​ ប៉ុន្តែ​មិន​មានន័យថា​ជួយ​យើង​បាន​គ្រប់​កាលៈទេសៈ​នោះទេ​។​ អីចឹង​បើ​យើង​ប្រើ​បាន​ត្រឹមត្រូវ​នឹង​ជួយ​យើង​ តែបើ​ប្រើ​មិន​បាន​ត្រឹមត្រូវ​ វា​ក៏​អត់​បាន​ជួយ​យើង​ដែរ​ វា​នឹង​ទៅ​ជា​បញ្ហា​ផ្សេង​មួយ​ទៀត ហើយ​មួយទៀត ​ការ​វាស់​ភ្នែក​ពេលនេះ​វា​គ្រាន់តែ​ជា​ការ​វាស់​ភ្នែក​មួយពេល ​មិនអាច​យូរអង្វែង​ទេ​ ដើម្បីឱ្យ​ភ្នែក​បាន​សុខ​ភាព​ល្អ​ ទាមទារ​ឱ្យ​បងប្អូន​ត្រូវ​ឆែក​ភ្នែក​ឱ្យ​បាន​ទៀងទាត់​ ហើយ​ទៅរក​សេវា​ថែទាំ​ភ្នែក​ដែល​មាន​អាជ្ញាបណ្ណ​ត្រឹមត្រូវ​ ពិសេស​ទៅ​មន្ទីរពេទ្យ​ព្រះ​អង្គឌួង»៕

​អត្ថបទ ​៖​ សំអឿន​

The post អ្នកជំនាញសុខភាពភ្នែក លើកទឹកចិត្តពលរដ្ឋផ្តល់ទំនុកចិត្តលើគ្រូពេទ្យក្នុងស្រុក ជាជាងចេញទៅព្យាបាលនៅក្រៅប្រទេស appeared first on Kampuchea Thmey Daily.

ភ្នែកមានទំនាក់ទំនងយ៉ាងជិតស្និទ្ធទៅនឹងប្រព័ន្ធសរសៃឈាម សរសៃប្រសាទ និងប្រព័ន្ធ endocrine ។ ជំងឺជាច្រើននៅដំណាក់កាលដំបូងមិនមានរោគសញ្ញាជាក់ស្តែងទេ ប៉ុន្តែបានសម្ដែងដោយស្ងៀមស្ងាត់តាមរយៈភ្នែក។ ជាពិសេស ដុំសាច់សាហាវមួយចំនួន តែងតែបញ្ជូនសញ្ញាព្រមាន តាមរយៈការបង្ហាញភ្នែក។

យោងតាមវេជ្ជបណ្ឌិត នៅពេលដែលការផ្លាស់ប្តូរទាំង៤ ខាងក្រោមលេចឡើងក្នុងភ្នែក អ្នកត្រូវតែមានការប្រុងប្រយ័ត្នជាពិសេស ហើយមិនគួរសន្មត់ថាវាជាជំងឺភ្នែកនោះទេ ព្រោះពេលខ្លះវាអាចជាសញ្ញានៃជំងឺមហារីក។

១ ភ្នែកពណ៌សប្រែទៅជាពណ៌លឿងក្នុងរយៈពេលយូរ

មនុស្សមួយចំនួនស្រាប់តែសម្គាល់ឃើញថា ភ្នែករបស់ពួកគេប្រែជាពណ៌លឿង អមដោយជំងឺខាន់លឿង។ មនុស្សជាច្រើនយល់ច្រឡំថា បណ្តាលមកពីការចូលគេងយឺត ឬកំដៅខាងក្នុង ប៉ុន្តែការពិតពួកគេត្រូវប្រុងប្រយ័ត្នចំពោះបញ្ហាថ្លើម ឬលំពែង។

ជាពិសេស មហារីកលំពែង មហារីកថ្លើម អាចបង្កឲ្យស្ទះដល់ការសំងាត់នៃទឹកប្រមាត់ ការប្រមូលផ្តុំ bilirubin ក្នុងរាងកាយ នាំឲ្យភ្នែកលឿង។ មិនដូចភ្នែកលឿងដែលបណ្តាលមកពីការចូលគេងយឺតទេ ស្ថានភាពនេះមិនប្រសើរឡើងលឿនទេ ប៉ុន្តែកាន់តែអាក្រក់ទៅៗបន្តិចម្តងៗ។ ប្រសិនបើអ្នកឃើញភ្នែកលឿង អមដោយការបាត់បង់ចំណង់អាហារ ស្រកទម្ងន់ អ្នកត្រូវពិនិត្យថ្លើម-ទឹកប្រមាត់-ប្រព័ន្ធលំពែងឲ្យបានឆាប់។

២ បាត់បង់ការមើលឃើញភ្លាមៗ ឬព្រិលៗ

មនុស្សវ័យកណ្តាល និងវ័យចំណាស់ តែងតែជួបប្រទះនូវជំងឺភ្នែកឡើងបាយ និងមុនអាយុ ប៉ុន្តែប្រសិនបើការមើលឃើញភ្លាមៗមានការថយចុះគួរឲ្យកត់សម្គាល់ ឬភ្នែកម្ខាងព្រិលខុសពីធម្មតា អ្នកត្រូវមានការប្រុងប្រយ័ត្នខ្ពស់។

ដុំសាច់ខួរក្បាល ឬមហារីកសួតមួយចំនួនអាចរាលដាលដល់សរសៃប្រសាទអុបទិក ដែលបណ្តាលឲ្យខូចមុខងារភ្នែក។ អ្នកជំងឺមួយចំនួនដែលមានជំងឺមហារីកកូនកណ្តុរ និងជំងឺមហារីកឈាមក៏អាចបាត់បង់ការមើលឃើញយ៉ាងឆាប់រហ័សផងដែរ ដោយសារតែការខូចខាតភ្នែក។

ប្រសិនបើការមើលឃើញព្រិលៗកើតឡើងភ្លាមៗ ឬវ៉ែនតាផ្លាស់ប្តូរជាបន្តបន្ទាប់ សូមកុំសន្មតថាវាជាជំងឺ presbyopia ប៉ុន្តែត្រូវការការត្រួតពិនិត្យយ៉ាងទូលំទូលាយជាបន្ទាន់។

៣ ការលេចឡើងជាបន្តបន្ទាប់នៃចំណុចខ្មៅ ដូចជារុយហើរ

មនុស្សជាច្រើនត្អូញត្អែរអំពីចំណុចខ្មៅអណ្តែតនៅពីមុខភ្នែករបស់ពួកគេដូចជាមូស ដែលជាបាតុភូតដែលគេស្គាល់ជាទូទៅថាជារុយហើរ។ ករណីភាគច្រើនគឺទាក់ទងទៅនឹងការផ្លាស់ប្តូរនៃរីទីណាក្នុងទឹក និងជាជំងឺភ្នែកទូទៅ។ ទោះជាយ៉ាងណាក៏ដោយ ប្រសិនបើចំណុចខ្មៅកាន់តែក្រាស់ជាមួយនឹងពន្លឺ ភាពមិនច្បាស់ អ្នកត្រូវប្រុងប្រយ័ត្នចំពោះលទ្ធភាពនៃការទាក់ទងនឹងដុំសាច់ក្នុងភ្នែក ឬមហារីកមេតាទិក។

ឧទាហរណ៍ មហារីកសុដន់ មហារីកសួត ជួនកាលរាលដាលដល់ភ្នែក បង្ហាញដោយចំណុចខ្មៅជាប់រហូត អារម្មណ៍មិនសសូវល្អ សូម្បីតែប៉ះពាល់ដល់សកម្មភាពប្រចាំថ្ងៃ។

៤ ការហើមត្របកភ្នែកយូរដែលមិនថយចុះ

មនុស្សជាច្រើនគិតថាការហើមត្របកភ្នែកស្រាលគឺដោយសារតែការគេងមិនគ្រប់គ្រាន់ ឬបញ្ហាតម្រងនោម។ ទោះជាយ៉ាងណាក៏ដោយ ប្រសិនបើការហើមកើតឡើងជាបន្តបន្ទាប់ និងមិនប្រសើរឡើងបន្ទាប់ពីសម្រាក អមដោយភាពអស់កម្លាំងទូទៅ ការសម្រកទម្ងន់ នោះអ្នកត្រូវប្រុងប្រយ័ត្ន។

អ្នកជំងឺមួយចំនួនដែលមានជំងឺមហារីកតម្រងនោម និងជំងឺមហារីកកូនកណ្តុរមានរោគសញ្ញានៃការហើមត្របកភ្នែកតាំងពីដំណាក់កាលដំបូង។ នេះ​ជា​សញ្ញា​នៃ​បញ្ហា​មេតាបូលីស​ទឹក​ក្នុង​ខ្លួន។ ស្ថានភាពនៃការហើមដែលមិនប្រសើរឡើងក្នុងរយៈពេលយូរជាធម្មតាបង្ហាញថាបញ្ហាមិនត្រូវបានកំណត់ចំពោះភ្នែកទេ។

តើធ្វើដូចម្តេចដើម្បីបែងចែករវាងបញ្ហាទូទៅ និងសញ្ញាធ្ងន់ធ្ងរ?

បញ្ហាភ្នែកតូចៗ និងសញ្ញានៃជំងឺមហារីកងាយយល់ច្រឡំ។ វេជ្ជបណ្ឌិត​ណែនាំ​ឲ្យបែងចែក​ដោយ​កត្តា​៣៖

ពេល​វេលា៖ ភ្នែក​មិន​ច្បាស់/លឿង​ដោយ​សារ​តែ​ភាព​នឿយ​ហត់​នឹង​ប្រសើរ​ឡើង​បន្ទាប់​ពី​សម្រាក។ ការផ្លាស់ប្តូរទាក់ទងនឹងជំងឺមហារីកច្រើនតែមានរយៈពេលយូរ និងមិនបាត់ទៅវិញដោយខ្លួនឯង។

រោគសញ្ញាអមជាមួយ៖ យកចិត្តទុកដាក់ជាពិសេសប្រសិនបើភាពមិនធម្មតានៃភ្នែកត្រូវបានអមដោយការស្រកទម្ងន់ អស់កម្លាំង បែកញើសពេលយប់។ល។

អត្រា​នៃ​ការ​វិវត្តន៍៖ ការប្រែប្រួល​ដោយសារ​ជំងឺ​មហារីក​ច្រើន​តែ​ច្បាស់​ជាង​ពេល​វេលា មិន​ខុស​ប្រក្រតី៕

អត្ថបទ៖ សាង ស្រីល័ក្ខ

ចុចអាន៖សញ្ញា​ទាំង​៥​ ក្រោយ​ភ្ញាក់​ពី​គេង​ អាច​ជា​​ជំងឺ​មហារីក​ក្រពេញ​ទីរ៉ូអ៊ីត

The post ការផ្លាស់ប្តូរភ្នែកទាំង៤ ទំនងជាសញ្ញាមហារីកកំពុងសំងំលាក់ខ្លួន appeared first on Kampuchea Thmey Daily.

តើអ្វីបណ្តាលឲ្យភ្នែកលឿង?

ភ្នែកលឿងអាចបណ្តាលមកពីការកើនឡើងនៃ bilirubin នៅក្នុងឈាម ដែលអាចបណ្តាលមកពីមុខងារថ្លើមមិនប្រក្រតី ដូចជាជំងឺរលាកថ្លើម ក្រិនថ្លើម ឬការស្ទះបំពង់ទឹកប្រមាត់ ឬស្ថានភាពដែលកោសិកាឈាមក្រហមបំបែកច្រើនជាងធម្មតា។ លើសពីនេះ ជំងឺមួយចំនួនដូចជា ជំងឺរលាកថ្លើម ការឆ្លងមេរោគ ឬការប្រើប្រាស់ថ្នាំមួយចំនួនក៏អាចបណ្តាលឲ្យភ្នែកលឿងផងដែរ។

ភ្នែកលឿង ខ្វះវីតាមីនអី?

ភ្នែកលឿងអាចទាក់ទងនឹងកង្វះវីតាមីនមួយចំនួន។ ជាពិសេស វីតាមីន B12 ដែលដើរតួនាទីយ៉ាងសំខាន់ក្នុងការផលិតកោសិកាឈាមក្រហម និងដំណើរការនៃប្រព័ន្ធសរសៃប្រសាទ។ ប្រសិនបើរាងកាយខ្វះវីតាមីន B12 វាអាចបណ្តាលឲ្យមានការបង្កើតកោសិកាឈាមក្រហមមិនធម្មតា និងនាំទៅដល់ការប្រមូលផ្តុំនៃសារធាតុ bilirubin នៅក្នុងឈាមដែលបណ្តាលឲ្យភ្នែកលឿង។ លើសពីនេះទៀត កង្វះជាតិ folate (វីតាមីន B9) អាចមានឥទ្ធិពលស្រដៀងគ្នានេះដែរ។

ប្រសិនបើអ្នកមានជំងឺភ្នែកលឿង តើគួរញ៉ាំអ្វីដើម្បីកាត់បន្ថយ

ការជ្រើសរើសអាហារត្រឹមត្រូវអាចជួយបំប៉នថ្លើមរបស់អ្នក និងកាត់បន្ថយភ្នែកលឿងដូចជា៖

-បន្លែស្លឹកបៃតងដូចជា ប្រូខូលី និងខាត់ណាជួយបង្កើនការបន្សាបជាតិពុល។

-ផ្លែឈើពណ៌ទឹកក្រូច និងលឿង ដូចជាការ៉ុត និងល្ពៅមានសារធាតុ Beta-carotene ដែលជួយការពារកោសិកាថ្លើម។

-រមៀតមានសារធាតុ Curcumin ដែលជួយកាត់បន្ថយការរលាកថ្លើម។

-ត្រីដែលមានអាស៊ីតខ្លាញ់អូមេហ្គា ៣ ដូចជាត្រីសាម៉ុង និងត្រីម៉ាខេរ៉េល ជួយកែលម្អមុខងារថ្លើម។

-ផឹកទឹកឥ្យបានគ្រប់គ្រាន់ ដើម្បីជួយបណ្តេញជាតិពុលចេញពីរាងកាយរបស់អ្នក។

អាហារ​ដែល​គួរ​ចៀសវាង​ប្រសិនបើ​អ្នកមាន​ភ្នែក​លឿង​

ចៀសវាងអាហារដែលដាក់សម្ពាធបន្ថែមលើថ្លើមរបស់អ្នក ដូចជាអាហារចៀន អាហារមានជាតិខ្លាញ់ខ្ពស់ គ្រឿងស្រវឹង និងអាហារកែច្នៃ។ ព្រោះវាអាចបង្កើនហានិភ័យនៃជំងឺថ្លើម និងធ្វើឲ្យភ្នែកលឿងកាន់តែធ្ងន់ធ្ងរ។

ថែរក្សាខ្លួនអ្នកនៅពេលអ្នកមានភ្នែកលឿង

ប្រសិនបើអ្នកមានភ្នែកលឿង អ្នកគួរតែសម្រាកឲ្យបានគ្រប់គ្រាន់។ ចៀសវាងអាហារ និងអាកប្បកិរិយាដែលធ្វើឲ្យអ្នកប្រឈមនឹងជំងឺថ្លើម។ ពិនិត្យសុខភាពជាប្រចាំ ហើយអ្នកគួរតែទៅជួបគ្រូពេទ្យ ដើម្បីរកមូលហេតុ និងទទួលការព្យាបាលសមស្រប៕

អត្ថបទ៖ សាង ស្រីល័ក្ខ

ចុចអាន៖មូលហេតុដែលនាំឲ្យមនុស្សវ័យក្មេងកាន់តែច្រើនឡើង មានជំងឺទឹកនោមផ្អែម?

The post ភ្នែក​លឿង គឺជាសញ្ញាព្រមានសុខភាព ពុំគួរមើលរំលងឡើយ appeared first on Kampuchea Thmey Daily.

ក្រសួងកិច្ចការនារី បានទទួលស្គាល់ពីសារៈសំខាន់នៃសុខភាពភ្នែកល្អ ក្នុងការពង្រឹងស្មារតីដល់បុគ្គលនីមួយៗ ជាពិសេសស្ត្រី និងក្មេងស្រី ដែលប្រឈមមុខនឹងការរើសអើងដោយសារការពាក់វ៉ែនតា និងធ្វើឱ្យមានអត្រាស្វែងរកសេវាកម្មថែទាំសុខភាពភ្នែកមានកម្រិតទាប ដើម្បីចូលរួមយ៉ាងពេញលេញក្នុងការអប់រំ ការធ្វើការងារ និងជីវិតរស់នៅប្រចាំថ្ងៃ។

បើតាមសេចក្តីប្រកាសព័ត៌មាន នាថ្ងៃទី១១ ខែមេសា ឆ្នាំ២០២៥ នេះ បានឱ្យដឹងថា កាលពីខែមីនាកន្លងទៅ ក្រសួងកិច្ចការនារី និងក្រសួងសុខាភិបាល បានរៀបកម្មវិធីអប់រំផ្សព្វផ្សាយពី យេនឌ័រ និងសុខភាពភ្នែករួមមានការពិនិត្យ ព្យាបាលភ្នែកឥតគិតថ្លៃ មានដូចជាការធ្វើតេស្តភ្នែក និងផ្តល់វ៉ែនតាដោយឥតគិតថ្លៃដល់ប្រជាពលរដ្ឋដែលនៅក្នុងសហគមន៍នៅខណ្ឌដង្កោ។​ កម្មវិធីនេះ បានផ្តល់ការធ្វើតេស្តភ្នែកដល់ប្រជាពលរដ្ឋគ្រប់អាយុប្រមាណជាង ១,០០០នាក់ ក្នុងរយៈពេលត្រឹមតែមួយថ្ងៃ ដែលជាកំណត់ត្រាថ្មីរបស់មូលនិធិក្នុងកិច្ចការរបស់ខ្លួននៅកម្ពុជា។

មូលនិធិ OneSight EssilorLuxottica បន្តការប្តេជ្ញាចិត្តក្នុងការលុបបំបាត់លើបញ្ហាគំហើញដែលពុំបានពិនិត្យត្រឹមត្រូវដោយបង្កើនលទ្ធភាពលើទទួលបានការថែទាំភ្នែក ការសហការ និងភាពជាដៃគូយុទ្ធសាស្ត្រ ការបង្កើនការយល់ដឹងនៅក្នុងសហគមន៍ និងធានានូវដំណោះស្រាយថែទាំភ្នែករយៈពេលវែងសម្រាប់សហគមន៍ដែលត្រូវការជំនួយ។

 លោកស្រី Patricia Koh ប្រធានមូលនិធិ OneSight EssilorLuxottica នៅអាស៊ីអាគ្នេយ៍ បានលើកឡើងថា «តាមរយៈធ្វើការួមគ្នាជាមួយដៃគូសហការពីរាជរដ្ឋាភិបាល វិស័យសុខាភិបាល និងសង្គមស៊ីវិល យើងកំពុងតែពង្រឹងប្រព័ន្ធថែទាំសុខភាពភ្នែកនៅប្រទេសកម្ពុជា និងធានាឱ្យប្រជាជនកាន់តែច្រើនទទួលបាននូវសេវាកម្មថែទាំសុខភាពភ្នែកដល់ពួកគាត់។ ការវិនិយោគលើការថែទាំភ្នែកមិនត្រឹមតែធ្វើឱ្យប្រជាជនមានជីវភាពល្អប្រសើរឡើងប៉ុណ្ណោះទេ ប៉ុន្តែថែមទាំងកាត់បន្ថយការចំណាយលើថ្លៃសុខាភិបាលរយៈពេលវែង សម្រាលបន្ទុកលើប្រព័ន្ធវេជ្ជសាស្រ្ត និងបង្កើនការចូលរួមក្នុងសេដ្ឋកិច្ចផងដែរ។»

បច្ចុប្បន្ន ដៃគូសហការកំពុងពង្រីកការផ្តល់សេវាថែទាំភ្នែក នៅក្នុងសហគមន៍ទូទាំងប្រទេសកម្ពុជា ដោយផ្តល់ការបណ្តុះបណ្តាលនៅថ្នាក់មូលដ្ឋាន និងថ្នាក់ជាតិ លើការធ្វើតេស្តភ្នែក និងផ្តល់វ៉ែនតាដោយឥតគិតថ្លៃដល់ប្រជាពលរដ្ឋដែលត្រូវការ។ កិច្ចខិតខំប្រឹងប្រែងនេះ គឺដើម្បីគាំទ្រដល់គោលបំណងនៃកម្មវិធីជាតិសម្រាប់សុខភាពភ្នែក (NPEH) ក្នុងការបង្កើនសេវាសុខភាពភ្នែកនៅទូទាំងប្រទេស និងកាត់បន្ថយពិការភាពភ្នែកដែលអាចជៀសវាងបាន និងការចុះខ្សោយនៃការមើលឃើញ។

គួរជម្រាបដែរថា នៅរាជធានីភ្នំពេញ ជំងឺម្ញូប​ភ្នែក​​ (Myopia) បានប៉ះពាល់ដល់មនុស្សពេញវ័យប្រមាណជាង ៤៩.១% ដែលធ្វើឱ្យមានការប៉ះពាល់ដល់ប្រព័ន្ធសុខាភិបាល ការអប់រំ ផលិតភាពសេដ្ឋកិច្ច និងការចូលរួមក្នុងទីផ្សារការងាផងដែរ។ នៅកម្ពុជា ប្រមាណជាង ៦១% នៃការចុះខ្សោយសុខភាពភ្នែកកម្រិតដំបូង គឺបណ្ដាលមកពីកំហុសឆ្គងនៃចំណាំងឆ្លុះ (Refractive Errors) ដែលមិនបានកែតម្រូវ ប៉ុន្តែអាចបង្ការបានដោយការពាក់វ៉ែនតា៕

The post ក្រសួងកិច្ចកានារី កំពុងលើកកម្ពស់ការយល់ដឹងជាមួយដៃគូពាក់ព័ន្ធ លើបញ្ហាភ្នែក ជាពិសេសស្ត្រី និងកុមារ appeared first on Kampuchea Thmey Daily.