យោងសារាចរស្តីពីការរៀបចំទិវាមនុស្យចាស់កម្ពុជា និងមនុស្សចាស់អន្តរជាតិ របស់នាយករដ្ឋមន្រ្តី សម្តេចធិបតី ហ៊ុន ម៉ាណែត ចុះថ្ងៃទី ២៥​ខែកញ្ញា ឆ្នាំ ២០២៥ បានគូសបញ្ជាក់ថា ការប្រារព្ធទិវានេះមានគោលបំណងលើកកម្ពស់កិច្ចគាំពារដ៏មានប្រសិទ្ធភាព សំដៅលើកស្ទួយ សុខុមាលភាពរបស់មនុស្សវ័យចាស់ឱ្យកាន់តែប្រសើរឡើង ហើយទិវានេះក៏បង្ហាញឱ្យឃើញអំពីតួនាទី ដ៏សំខាន់របស់មនុស្សវ័យចាស់ បុព្វការីជន ដែលបានបង្កើតធនធានដ៏មានសារប្រយោជន៍ ព្រមទាំងផ្តល់នូវចំណេះដឹង ចំណេះធ្វើ និងបទពិសោធយ៉ាងច្រើនឥតគណនាសម្រាប់មនុស្សជំនាន់ក្រោយ។

សម្រាប់ប្រធានបទនៃទិវាមនុស្សចាស់កម្ពុជានិងទិវាមនុស្សចាស់អន្តរជាតិលើកទី២៧ ថ្ងៃទី១ ខែតុលា ឆ្នាំ២០២៥ ត្រូវបានកំណត់ថា «វ័យចាស់ដោយសេចក្តីថ្លៃថ្នូរ»។ ដើម្បីរៀបចំទិវានេះ ឱ្យបានទូលំទូលាយនិងផ្សព្វផ្សាយឱ្យប្រជាជនកម្ពុជាគ្រប់វ័យបានយល់ដឹងកាន់តែច្បាស់អំពីអត្ថន័យនៃទិវានេះ រាជរដ្ឋាភិបាល បានធ្វើការណែនាំដល់បណ្តាក្រសួងស្ថាប័ន ក្នុងនោះក្រសួងសង្គមកិច្ច អតីតយុទ្ធជន និងយុវនីតិសម្បទា គណៈកម្មាធិការជាតិកម្ពុជាដើម្បីមនុសចាស់ ត្រូវសហការជាមួយក្រសួង ស្ថាប័ន ដៃគូអភិវឌ្ឍ អង្គការមិនមែនរដ្ឋាភិបាលនិងអង្គការអន្តរជាតិនានា ដែលពាក់ព័ន្ធដើម្បីអបអរសាទរទិវាមនុស្សចាស់ឱ្យបានអធិកអធម។

រដ្ឋបាលរាជធានី ខេត្ត ត្រូវរៀបចំពិធីអបអរសាទរទិវាមនុស្សចាស់ ដោយបង្កលក្ខណៈឱ្យមន្ត្រីរាជការ កងកម្លាំងប្រដាប់អាវុធគ្រប់លំដាប់ថ្នាក់ ព្រះសង្ឃ បព្វជិត លោកយាយ លោកតា ព្រមទាំងប្រជាជនគ្រប់វ័យ ដើម្បីបង្កើនការយល់ដឹងឱ្យកាន់តែទូលំទូលាយអំពីសារៈសំខាន់នៃគុណប្រយោជន៍របស់មនុស្សវ័យចាស់។ រដ្ឋបាលថ្នាក់ក្រោមជាតិ ត្រូវបន្តជំរុញនិងពង្រឹងសមាគមមនុស្សចាស់នៅតាមសហគមន៍ឱ្យ ដំណើរការ និងមាននិរន្តរភាពទូទាំងរាជធានី ខេត្ត ស្របតាមផែនការដែលបានកំណត់ដោយឈរលើ ស្មារតីសាមគ្គីភាពជួយគ្នាទៅវិញទៅមករវាងមនុស្សវ័យចាស់ទូទៅ ជាពិសេសយកចិត្តទុកដាក់ជួយ មនុស្សវ័យចាស់ ជរា ព្យាធិ ពិការ ក្រីក្រ គ្មានទីពឹង ហើយដៃគូអភិវឌ្ឍ អង្គការមិនមែនរដ្ឋាភិបាល និង អង្គការអន្តរជាតិនានា សូមបន្តជួយគាំទ្រដល់កម្មវិធីអភិវឌ្ឍសមាគមមនុស្សចាស់ដែលមានស្រាប់។

ក្នុងសារាចរ បានណែនាំឱ្យ ក្រសួងអប់រំ យុវជន និងកីឡា ត្រូវធ្វើសេចក្តីណែនាំដល់គ្រប់សាកលវិទ្យាល័យ វិទ្យាស្ថាន មន្ទីរអប់រំ យុវជន និងកីឡា រាជធានី ខេត្ត ជំរុញចលនា សិស្ស និស្សិត ឱ្យចេះគោរពដំបូន្មាន របស់មាតាបិតា ជីដូនជីតា ចាស់ព្រឹទ្ធាចារ្យ និងឱ្យយល់ដឹងអំពីការប្រែប្រួលរបស់មនុស្សវ័យចាស់ ព្រមទាំងបង្កើតកម្មវិធីក្រៅម៉ោងសិក្សាចុះសួរសុខទុក្ខមនុស្សវ័យចាស់។

ដើម្បីអបអរសាទរទិវាមនុស្សចាស់កម្ពុជានិងទិវាមនុស្សចាស់អន្តរជាតិ ១ តុលា រដ្ឋាភិបាលបានលើកឡើងនូវឃ្លាដ៏មានអត្ថន័យមួយចំនួនដូចជា មនុស្សវ័យចាស់ជាមរតកដ៏សំខាន់ក្នុងការអភិវឌ្ឍគ្រួសារនិងសង្គមជាតិ, គោរពដឹងគុណចំពោះមនុស្សវ័យចាស់គឺជាកតញ្ញូតាធម៌, គ្រួសារមានសុភមង្គល សង្គមរីកចម្រើន កសាងសង្គមដែលមានការអភិវឌ្ឍសម្រាប់មនុស្សគ្រប់វ័យ, ចូលរួមគាំទ្រថែទាំសុខុមាលភាពមនុស្សចាស់គឺជាកត្តាដ៏សំខាន់ក្នុងការអនុវត្តប្រព័ន្ធគាំពារមនុស្សគ្រប់វ័យក្នុងសង្គមជាតិនៅកម្ពុជា, ការជួយមនុស្សចាស់គឺជួយយើងទាំងអស់គ្នា, មនុស្សចាស់គឺជាសេដ្ឋកិច្ចពណ៌ប្រាក់និងភាគលាភពណ៌ប្រាក់, វ័យចាស់ដោយសេចក្តីថ្លៃថ្នូរ។

គួរជម្រាបថា រាជរដ្ឋាភិបាលកម្ពុជា បានបង្កើតគណៈកម្មាធិការជាតិកម្ពុជាដើម្បីមនុស្សចាស់ តាមរយៈអនុក្រឹត្យ ចុះថ្ងៃទី១៥ ខែកក្កដា ឆ្នាំ២០១១ ស្តីពីការបង្កើតគណៈកម្មាធិការជាតិកម្ពុជាដើម្បីមនុស្សចាស់ និងអនុក្រឹត្យ ចុះថ្ងៃទី៦ ខែមិថុនា ឆ្នាំ២០២៤ ស្តីពីការកែសម្រួលអនុក្រឹត្យស្តីពីការបង្កើត គណៈកម្មាធិការជាតិកម្ពុជាដើម្បីមនុស្សចាស់ ដោយកំណត់យកថ្ងៃទី១ ខែតុលា ជារៀងរាល់ឆ្នាំ រួមជាមួយ ទិវាមនុស្សចាស់អន្តរជាតិ៕

The post នាទិវាមនុស្សចាស់ រដ្ឋាភិបាលកម្ពុជាជំរុញពលរដ្ឋចេះគោរព និងស្តាប់ដំបូន្មានចាស់ព្រឹទ្ធាចារ្យ appeared first on Kampuchea Thmey Daily.

១. លេច​នោម​ ឬ​ទល់​លាមក

​បញ្ហា​លេច​នោម​ដោយ​មិន​ដឹងខ្លួន និង​ទល់​លាមក​ ជា​លក្ខខណ្ឌ​បញ្ហា​សុខ​ភាព​មួយ​ដែល​ច្រើន​កើត​មាន​លើ​មនុស្ស​វ័យ​ចំណាស់ ដែល​នាំ​ឲ្យ​ប៉ះពាល់​គុណភាព​ជីវិត​។ បញ្ហា​នេះ អាច​កើត​ឡើង​ដោយ​សារ​ការ​បាត់​បង់​សមត្ថភាព​គ្រប់​គ្រង​សាច់​ដុំ និង​បញ្ហា​របប​អាហារ​។​

២. ការ​ចង​ចាំ​ធ្លាក់​ចុះ​

ការ​ចងចាំ​ធ្លាក់​ចុះ​ ជា​បញ្ហា​សុខ​ភាព​មួយ​របស់​មនុស្ស​វ័យ​ចំណាស់​។ បញ្ហា​នេះ​មាន​ដូច​ជា​ជំងឺ​ចាស់​វង្វេង ដែល​ជា​ប្រភេទ​ជំងឺ​ធ្ងន់​ធ្ងរ​មួយ​។ អ្នក​ជំងឺ​ដែល​មាន​បញ្ហា​ធ្លាក់​ចុះ​ការ​ចង​ចាំ​ធ្ងន់ធ្ងរ​ ចាំ​បាច់​ត្រូវ​មាន​អ្នក​មើល​ថែ​ប្រចាំ​។

៣. បាត់​បង់​លំនឹង​

ការ​ដួល ជា​បញ្ហា​មួយ​របស់​មនុស្ស​វ័យ​ចំណាស់ ដែល​នាំ​ឲ្យ​មាន​របួស​កើត​ឡើង​បាន​។ ការ​ដួល អាច​កើត​ឡើង​ដោយ​សារ​តែ​មនុស្ស​វ័យ​ចំណាស់​ជួប​បញ្ហា​បាត់​បង់​លំនឹង ឈរ ឬ​ដើរ គ្មាន​លំនឹង​ល្អ។ គ្នា​យើង​មាន​សមាជិក​គ្រួសារ​ជា​មនុស្ស​វ័យ​ចំណាស់ ត្រូវ​តែ​យក​ចិត្ត​ទុក​ដាក់​រឿង​នេះ​ឲ្យ​មែនទែន​។

៤. បញ្ហា​មាត់​ធ្មេញ​

មនុស្ស​វ័យ​ចំណាស់​​មិន​តិច​នាក់​ទេ ដែល​ជួប​បញ្ហា​សុខភាព​មាត់​ធ្មេញ ដូច​ជា​បញ្ហា​អញ្ចាញ​ធ្មេញ និង​ ពុក​ធ្មេញ​។ មនុស្ស​វ័យ​ចំណាស់​ដែល​ជួប​បញ្ហា​ទាំង​នេះ នឹង​អាច​បាត់​បង់​ធ្មេញ ហើយ​នាំ​ឲ្យ​មាន​ការ​ពិបាក​ញ៉ាំ​អាហារ​។

៥. បញ្ហា​ឆ្អឹង​

មនុស្ស​វ័យ​ចំណាស់​ក៏​ងាយ​នឹង​កើត​មាន​ជំងឺ​រលាក​សន្លាក់​ឆ្អឹង និង​ពុក​ឆ្អឹង។ មនុស្ស​មាន​អាយុ​ចាប់ពី​៥០​ឆ្នាំ​ឡើង អាច​មាន​បញ្ហា​រលាក​សន្លាក់​ឆ្អឹងហើយ​ ពិសេស​អ្នក​មាន​អាយុ​​៨០​ឆ្នាំ ឬ​លើស​ពី​នេះ​​ងាយ​កើត​ជាង​គេ​។

៦. បញ្ហា​ផ្លូវ​ដង្ហើម​

ជំងឺ​ផ្លូវ​ដង្ហើម​មួយ​ចំនួន ដូច​ជា​ជំងឺ​ហឺត និង​ជំងឺ​រលាក​ផ្លូវ​ដង្ហើម​រ៉ាំរ៉ៃ​ជា​ដើម អាច​ធ្វើឲ្យ​សុខ​ភាព​មនុស្ស​វ័យ​ចំណាស់​កាន់​តែ​អាក្រក់​។ មនុស្ស​វ័យ​ចំណាស់​ ជា​ក្រុម​មនុស្ស​ដែល​ងាយ​​កើត​​ជំងឺឆ្លង​ដែល​ប៉ះពាល់​ដល់​ប្រព័ន្ធ​ផ្លូវ​ដង្ហើម​។

ក្រៅពី​នេះ​ មនុស្ស​វ័យចំណាស់​ក៏​អាច​ប្រឈម​​ជំងឺ​ទឹកនោមផ្អែម ខ្សោយ​ភ្នែក ខ្សោយ​ត្រចៀក បញ្ហា​បេះដូង និងខ្វះ​អាហារូបត្ថម្ភ​ផង​ដែរ​។ ដោយ​សារ​តែ​មនុស្ស​វ័យ​ចំណាស់​អាច​ជួប​បញ្ហា​សុខភាព​ច្រើន​យ៉ាង ការ​ដឹង​ពី​បញ្ហា​សុខ​ភាព​ទាំង​នេះ អាច​ជួយ​ឲ្យ​មនុស្ស​វ័យ​ចំណាស់​បង្ការ​ខ្លួន ឬ​គ្រប់​គ្រង​ស្ថាន​ភាព​សុខ​ភាព​នេះ​បាន​៕

អត្ថបទផ្ដល់ដោយ៖Hello Krupet

ចុចអាន៖កុំទុកយូរ! បើគេងមិនលក់រាល់ថ្ងៃ ដល់កម្រិតនេះហើយ គួរទៅជួបពេទ្យ

ចុចអាន៖គន្លឹះល្អៗទាំង ៤ បង្ការជំងឺស្លេកស្លាំងបែបធម្មជាតិ

The post បញ្ហា​សុខ​ភាព​ទាំង​នេះ មនុស្ស​វ័យ​ចំណាស់​ច្រើន​ជួប​ប្រទះ appeared first on Kampuchea Thmey Daily.

គិលានុបដ្ឋាយិកា Julie ធ្លាប់សង្កេតមើលអ្នកជំងឺដែលជិតស្លាប់ជាច្រើនតែងបង្ហាញអាការៈដូចជា គេងច្រើន មិនសូវបរិភោគអាហារក្នុងរយៈពេល ២-៣ខែ ពួកគេអាចផ្លាស់ប្ដូរបុគ្គលិកលក្ខណៈទាំងស្រុង និងព្យាយាមរក្សាគម្លាតពីមនុស្សជាដើម ។   ជូលីពន្យល់ថា អ្នកជំងឺជិតស្លាប់ឧស្សាហ៍ស្វែងរកជំនួយចំពោះរឿងបន្តិចបន្តួចរួមមាន ទៅបន្ទប់ទឹក ផឹកទឹក ឬយកអ្វីមួយ ក្រៅពីនេះពួកគេនឹងចាប់ផ្ដើមមើលឃើញអមនុស្ស និងនិយាយជាមួយទេពអប្សរ សាច់ញាតិ សត្វចិញ្ចឹម ដែលចែកឋានទៀតផង ។ នាងបញ្ជាក់ដែរថា សឹងតែគ្រប់គ្នាទៅហើយដែលលេចចេញសញ្ញាទាំងនេះបូករួមទាំងការផ្លាស់ប្ដូររបៀបដកដង្ហើម និងការផ្លាស់ប្ដូរពណ៌ស្បែកមុនស្លាប់ ។

យ៉ាងណាមិញ គិលានុបដ្ឋាយិកាវ័យ ៤០ឆ្នាំខាងលើនេះបង្ហើបប្រាប់ថា ការស្រមើស្រមៃឃើញអមនុស្សមុនស្លាប់មិនមែនជារឿងគួរឲ្យខ្លាចទេ វាជាការពិតដែលអ្នកជំងឺឃើញ និងជះឥទ្ធិពលវិជ្ជមានឲ្យអ្នកជំងឺស្ងប់ចិត្តស្លាប់ទៅឲ្យអស់ចិត្ត ៕

ប្រែសម្រួលដោយ ៖ វារី

ចុចអាន ៖ ភាពឯកោ ធ្វើឲ្យមនុស្សចាស់ ប្រឈមហានិភ័យសុខភាពច្រើន

The post គិលានុបដ្ឋាយិកាមួយរូប ចែករំលែកបទពិសោធន៍សម្គាល់មនុស្សជិតស្លាប់ appeared first on Kampuchea Thmey Daily.

១.ផ្សិត

ក្នុង​របបអាហារ​ប្រចាំ​ថ្ងៃ គួរតែមានវត្ដមានមុខម្ហូបណាមួយដែលមានធាតុផ្សំជាមួយផ្សិត។ នេះបើយោងតាមការលើកឡើងរបស់អ្នកស្រី Leslie Bonci នាយកគ្រប់គ្រងផ្នែកអាហាររូបត្ថម្ភកីឡាប្រចាំនៅសាកលវិទ្យាល័យ វេជ្ជសាស្រ្ត Pittsburgh សហរដ្ឋអាមេរិក។ អ្នកស្រីបន្ដទៀតថា ពពួកអាហារផ្សិត មានកាឡូរីត្រឹមតែ ២០កាឡូរីប៉ុណ្ណោះក្នុងមួយពែង ហើយមានផ្ទុកប៉ូតាស្យូមមានប្រយោជន៍ច្រើន ក្នុងការប៉ះប៉ូវពីការខូច​ខាត ​ដោយសារធាតុសូដ្យូមដែលជាផ្នែកមួយបង្កជាជំងឹលើសឈាម។

២.ផ្លែ Cherry

ផែ្លឈើប្រភេទនេះមានមុខងារសំខាន់ ជួយកាត់បន្ថយជំងឺរលាកផ្សេងៗបាន។ អ្នកស្រី Leslie Bonci ក៏បានណែរនាំក្រុមកីឡាករ ឲ្យញ៉ាំផ្លែឈើប្រភេទនេះ មិនថាជាផ្លែឈើ ឬជាទឹកចម្រាញ់ហើយក៏ដោយក្ដី សុទ្ធតែមានអត្ថប្រយោជន៍​ដល់សុខភាព។ ការសិក្សាមួយបានបង្ហាញក្នុងឆ្នាំ២០១៣ បានបញ្ជាក់ថា ការញ៉ាំទឹកផ្លែឈើនេះ អាចរួមចំណែកជួយពង្រឹងទៅដល់សមត្ថភាពសាច់ដុំ រារាំងការរលាក និងកាត់បន្ថយភាពតានតឹងដែលបង្កឡើងពីអុកស៊ីតកម្មដែលបណ្តាលមកពីការលំហាត់ប្រាណ និង កាត់បន្ថយការឈឺចាប់ផងដែរ។ ជាធម្មតា យើងអាចញ៉ាំផ្លែឈើ នេះបានយ៉ាងហោច ១០ផ្លែក្នុងមួយថ្ងៃ អាចជួយដល់សុខភាព។

៣.ស៊ុត

សម្រាប់បុរសដែលមានអាយុចាប់ពី ៥០ឡើង សមត្ថភាពសាច់ដុំនៅផ្នែកផ្សេងៗក្នុងរាងកាយនឹងថយចុះ។ ដូច្នេះស៊ុតគឺជាប្រភេទអាហារល្អបំផុតសម្រាប់ទ្រទ្រង់សុខភាព ព្រោះអាហារប្រភេទនេះមានផ្ទុកទៅដោយ ប្រូតេអ៊ីនខ្ពស់​។ ក្រៅពីនេះ ស៊ុតក៏មានផ្ទុកនូវសារជាតិ lutein ដែលអាចកាត់បន្ថយហានិភ័យនៃជំងឺភ្នែកឡើងបាយ ដែលអាចបណ្តាលឲ្យងងឹតភ្នែក។ ការបន្ថែមមុខម្ហូបនេះ សម្រាប់អាហារបីពេលគឺជារឿងល្អសម្រាប់សុខភាព។

៤.ផ្លែប៊ឺរី

ផ្លែប៊ឺរីមានតួនាទីសំខាន់ជួយកាត់បន្ថយហារនិភ័យមហារីកបាន។ តាមការសិក្សាស្រាវជ្រាវ ក្នុងឆ្នាំ២០១៣ បានបញ្ជាក់ថា ផ្លែឈើប្រភេទនេះមិនថាជាប៊ឺរីក្រហម ខៀវនោះទេ សុទ្ធតែមានសមត្ថភាពក្នុងការទប់ស្កាត់បញ្ហារលាក ដែល​ជាហេតុចំបង ឈានទៅដល់ការកើតជំងឺមហារីក។ ការញ៉ាំផ្លែប៊ឺរី អាចជាក្រៀម ស្រស់ ឬជាទឹក សុទ្ធសឹង​តែ​ជួយដល់សុខភាព។ ដូច្នេះយើងក៏អាចច្នៃទៅតាមចំណូលចិត្ដ បន្ថែមចូលទៅក្នុងអាហារប្រចាំថ្ងៃសម្រាប់សុខភាព។

៥.ផ្លែប៊ឺ

បើគិតទៅផ្លែប៊ឺមានអត្ថប្រយោជន៍ច្រើនទៅដល់សុខភាព។ តាមការសិក្សាថ្មីបានរកឃើញថា ការញ៉ាំផ្លែប៊ឺយ៉ាង​ហោច​​​​បានឲ្យពីរពេល ក្នុងមួយសប្ដាហ៍អាចធ្វើឲ្យសុខភាពបេះដូងល្អប្រសើរ ព្រោះថា សារធាតុចិញ្ចឹមមាននៅក្នុងផ្លែប៊ឺ មាន​ផ្ទុកទៅដោយសារធាតុខ្លាញ់មិនឆ្អែត ដែលមានអត្ថប្រយោជន៍ខ្លាំងជួយរក្សាកម្រិតកូលេស្ដេរ៉ូលនៅក្នុង​ឈាម​។ ​ហេតុនេះហើយអត្ថប្រយោជន៍អាចជាតម្រូវការចាំបាច់សម្រាប់វ័យ៥០ឡើង។ លើសពីនេះទៅទៀត ប្រភេទផ្លែឈើមួយនេះ ក៏ត្រូវបានអ្នកជំនាញផ្នែកសុខភាព ណែរនាំផងដែរសម្រាប់អ្នកដែលធ្វើការសម្រកគីឡូ។

៦.សណ្ដែកក្រហម

សណ្ដែកក្រហមក៏ជាបណ្ដុំនៃប្រូតេអ៊ីនផងដែរ។ ប្រូតេអ៊ីនតូចៗទាំងនេះមានអត្ថប្រយោជន៍ជាច្រើនក្នុង​ឈាម ដែលអាចជួយរក្សាជំងឺបេះដូង និងទឹកនោមផ្អែមប្រភេទទី២។ តាមការសិក្សាបែបវិទ្យាសាស្ដ្រ បានចេញផ្សាយលទ្ធផលកាលពីឆ្នាំ ២០១៤ បានបញ្ជាក់ថា ការញ៉ាំទឹកសណ្តែក ៣ទៅ៤ ពែងជារៀងរាល់ថ្ងៃអាចបន្ថយកម្រិតកូឡេស្តេរ៉ុល LDL (អាក្រក់) បាន៥ភាគរយ ដែល​អាចកាត់បន្ថយហានិភ័យនៃជំងឺ​បេះដូង និងគ្រោះថ្នាក់សរសៃឈាមខួរក្បាល។ បើសម្រាប់អ្នកមានជំងឺទឹកនោមផ្អែម គួរញ៉ាំ១ពែងក្នុងមួយថ្ងៃ គឺជាការល្អ ព្រោះវាអាចកាត់បន្ថយកម្រិតជាតិស្ករក្នុងឈាម។

អត្ថបទផ្ដល់ដោយ៖Hello Krupet

ចុចអាន៖ហេតុអ្វីអ្នកខ្លះញ៉ាំហឹរហើយរាគ ប៉ុន្តែខ្លះ មិនអីទៅវិញ?

ចុចអាន៖សារធាតុចិញ្ចឹមដ៏អស្ចារ្យទាំង ៨ នៅក្នុងស៊ុត ជួយពង្រឹងសុខភាពរាងកាយ

The post អាហារ ៦ ប្រភេទនេះ មិនគួររំលងឡើយសម្រាប់អ្នកមានវ័យចំណាស់ appeared first on Kampuchea Thmey Daily.

ម៉េច​បាន​អ្នក​អាយុ​​៦០​ឆ្នាំឡើង​​ គួរ​ចាក់​ដូស​​​ជំរុញ​ទី​៤?

ជា​ទូទៅ កត្តា​អាយុ​អាច​បង្កើន​ឱកាស​នៃ​ការ​កើត​ជំងឺ​រួម​ផ្សំ​មួយ​ចំនួន ហេតុ​នេះ​ហើយ​អ្នក​ដែល​មាន​វ័យ​កាន់​តែ​ច្រើន​គួរ​ប្រុងប្រយ័ត្ន​​​ឲ្យ​បាន​ដិតដល់ ដើម្បី​​​​​ប្រឆាំង​នឹង​ការ​ឆ្លង​វីរុស​កូវីដ​-១៩​​ ដ៏​កាច​សាហាវ​នេះ​។ យ៉ាង​ណា​មិញ យោង​តាម​ការ​សិក្សា​ថ្មី​មួយ​​របស់​ក្រុម​អ្នក​ស្រាវជ្រាវ​អ៊ីស្រាអែល​បាន​បង្ហាញ​ថា ​​ដូស​​ជំរុញ​ទី​៤ មាន​ប្រសិទ្ធភាព​ការពារ​ខ្ពស់​ជាង​មុន​រហូត​ដល់​៣​ដង​ ប្រឆាំង​នឹង​ជំងឺ​ធ្ងន់ធ្ងរ ចំពោះ​អ្នក​ដែល​មាន​អាយុ​ចាប់​ពី​៦០​ឆ្នាំ​ឡើង​ទៅ។

ជាក់​ស្ដែង វ៉ាក់សាំង​ដូស​ទី​៤​​នេះ មិន​ត្រឹម​តែ​​មាន​​គុណប្រយោជន៍​ជួយ​កាត់បន្ថយ​អត្រា​នៃ​​ការវិវត្ត​ជំងឺទៅ​ជា​ធ្ងន់ធ្ងរ​​ប៉ុណ្ណោះ​ទេ វា​ថែម​ទាំង​ជួយ​ឲ្យ​ប្រព័ន្ធ​ភាព​ស៊ាំ​​យើង​នៅ​​រឹងមាំ​​​ក្រោយ​រយៈពេល​៨​សប្ដាហ៍​ ក្រោយ​ចាក់​វ៉ាក់សាំង​រួច​​ថែម​ទៀត​ផង​។ ទន្ទឹម​នឹង​នេះ​ដែរ ការ​សិក្សា​ក៏​បាន​បង្ហាញ​ផង​ដែរ​ថា អត្រា​​ឆ្លង​កូវីដ​-១៩ នៃ​អ្នក​ដែល​បាន​ទទួល​ដូស​ជំរុញ​ទី​៤ ​មាន​ចំនួន​ទាប​ជាង​អ្នក​ដែល​ទទួល​បាន​​ត្រឹម​ដូស​ជំរុញ​លើក​ទី​៣ ដល់​ទៅ​២​ដង​ឯ​ណោះ​។ ទោះ​ជា​យ៉ាង​នេះ​ក្ដី ការ​ការពារ​ប្រឆាំង​នឹង​ការ​ឆ្លង​វីរុស​កូវីដ-១៩​​ ហាក់​ដូចជា​មាន​រយៈពេល​ខ្លី​ប៉ុណ្ណោះ ដូច​នេះ​ហើយ​ យើង​មិន​ត្រូវ​ធ្វេសប្រហែស​ឡើយ​ និង​ចាំបាច់​​ត្រូវ​​អនុវត្ត​​វិធានការ​ការពារ​បន្ថែម​ឲ្យ​បាន​​ខ្ជាប់ខ្ជួន​ជានិច្ច​។

អត្ថបទផ្ដល់ដោយ៖Hello Krupet

ចុចអាន៖ក្រោយចាក់ដូសជំរុញ ហេតុអ្វីអ្នកខ្លះអត់ស្រួលខ្លួន តែខ្លះស្រស់ស្រាយធម្មតា?

ចុចអាន៖ដុកទ័របកស្រាយលម្អិត Omicron ឆ្លងប៉ុន្មានថ្ងៃ ទើបបង្ហាញរោគសញ្ញាឲ្យដឹងខ្លួន

The post ការពារកុំឲ្យធ្លាក់ខ្លួនឈឺធ្ងន់ អ្នកអាយុ ៦០ ឆ្នាំឡើង គួរចាក់ដូសជំរុញទី ៤ appeared first on Kampuchea Thmey Daily.

របៀបរស់នៅប្រចាំថ្ងៃ និងរបបអាហារមានឥទ្ធិពលយ៉ាងខ្លាំងទៅលើសុខភាពខួរក្បាលរបស់យើង ដូច្នេះយើងត្រូវ៖

១. កាត់បន្ថយជាតិស្ករ និងអាហារកែច្នៃ

យើងគួរចៀសវាងអាហារ ឬភេសជ្ជៈដែលមានជាតិស្ករខ្ពស់ដូចជា ទឹកក្រូចកំប៉ុង នំ បង្អែម។ល។ និង​អាហារ​កែច្នៃដូចជា សាច់ក្រក សាច់កំប៉ុង ប្រហិត ព្រោះអាហារទាំងនេះអាច​ធ្វើឱ្យខួរក្បាល​យើង​រលាកដែលប៉ះពាក់ដល់មុខងារខួរក្បាល និងការចងចាំរបស់យើង។

២. ញុំាខ្លាញ់ល្អ

យើងគួរញុំាខ្លាញ់ល្អ (អូមេហ្កា ៣) ដែលមានក្នុងអាហារដូចជា ប្រេងដូង ប្រេងអូលីវ គ្រាប់ផ្លែឈើ គ្រាប់​ធញ្ញជាតិ ស៊ុត ផ្លែប័រ ត្រីសាល់ម៉ុន ត្រីធូណាជាដើម ព្រោះអាស៊ីដខ្លាញ់អូមេហ្កា ៣ អាចជួយ​ឱ្យ​ជាលិកាខួរក្បាលដុះ​លូតលាស់ ជំរុញចលនាឈាមរត់ និងកាត់បន្ថយការរលាកក្នុងខួរក្បាល ។

៣. ព្យាបាលបញ្ហាក្រពេញទីរ៉ូអ៊ីត

យើងត្រូវពិនិត្យសុខភាពក្រពេញទីរ៉ូអ៊ីត ព្រោះក្រពេញទីរ៉ូអ៊ីតគ្រប់គ្រងដំណើរការមេតាបូលីស (ដំណើរ​ការ​បំប្លែងអាហារទៅជាថាមពល)។

ប្រសិន​​បើការបំប្លែងអាហាររបស់យើងលឿនពេក យើងអាច​​ច្របូកច្របល់ ហើយប្រសិនបើការបំប្លែងអាហារយឺតពេក យើងអាចអសកម្ម និង​​បាក់​ទឹក​ចិត្ត។

ការមានបញ្ហាក្រពេញទីរ៉ូអ៊ីតអាចបណ្តាល​ឱ្យយើងមានបញ្ហាក្នុងការចង​ចាំ​ដូចជា ភ្លេចភ្លាំង និងពិបាកក្នុងការ​ផ្តោត​អារម្មណ៍។

៤. កាត់បន្ថយស្ត្រេស

ការមានភាពតានតឹងយូរអង្វែងប៉ះពាល់ដល់រាងកាយ និងមុខងារខួរក្បាលរបស់យើង។ យើង​អាច​កាត់បន្ថយស្រ្តេសតាមរយៈការដកដង្ហើមវែងៗ តាំងសមាធិ ហាត់យូហ្កា ស្តាប់តន្រ្តី ឬ​សម្រាក​លំហែ​ជាដើម។

៥. គេងឲ្យបានគ្រប់គ្រាន់

តាមការ​សិក្សាបាន​បង្ហាញ​ថា ការ​គេង​មិន​គ្រប់គ្រាន់បង្កើន​ហានិភ័យ​ចុះខ្សោយខួរក្បាល និង​កើត​ជំងឺ​វង្វេង។ យើងគួរគេង​ឱ្យ​បាន​យ៉ាង​ហោច​​ណាស់ ៨ ម៉ោង​​ជា​រៀង​រាល់​យប់​ដើម្បី​ជួយ​ដល់​ការ​ចងចាំ​របស់យើង។​

៦. ហាត់ប្រាណជាប្រចាំ

តាមការសិក្សាបង្ហាញថា ការហាត់ប្រាណអាចការពារ និងពន្យឺតល្បឿន​នៃការចុះខ្សោយ​របស់​ខួរក្បាល ព្រោះការហាត់ប្រាណបង្កើនរំហូរឈាមទៅកាន់រាងកាយទាំងមូល និងខួរក្បាលដែល​ជួយ​ដល់ការចង់ចាំរបស់យើង។ យើងគួរហាត់ប្រាណយ៉ាងតិចណាស់ ១៥០ នាទីក្នុងមួយសប្តាហ៍។

៧. កត់ត្រាទុក

ពេលយើងនឹកឃើញចង់ធ្វើអ្វី មានណាត់ ឬមានកម្មវីធីអ្វីនៅថ្ងៃណា យើង​ត្រូវកត់ទុកក្នុង​កូន​សៀវភៅ ឬថតសំឡេងទុកដាក់ក្នុងទូរស័ព្ទដៃ។ ប្រសិនបើភ្លេច យើងអាចបើកសៀវភៅមើល ឬចាក់​សំឡេងស្តាប់បាន។

៨. ដាក់របស់របរតាមកន្លែង

យើងត្រូវកំណត់កន្លែងដាក់របស់សំខាន់ៗ ឬរបស់ដែលត្រូវប្រើចាំបាច់ដូចជា សោ វ៉ែនតា កាបូប​លុយ​ជាដើម។ ពេលមកពីក្រៅវិញ ឬពេលប្រើហើយ យើងត្រូវទុកដាក់នៅកន្លែង​ដដែរវិញ​ដើម្បី​ចៀសវាងរង្វេងដៃ។

៩. រក្សាទំនាក់ទំនងក្នុងសង្គម

ការរក្សាទំនាក់ទំនងក្នុងសង្គមអាចកាត់បន្ថយជំងឺបាក់ទឹកចិត្ត និងភាពតានតឹង ដែលជាហេតុធ្វើ​ឱ្យ​ការចងចាំយើងចុះខ្សោយ។ យើងអាចឧស្សាហ៍ជជែកលែងជាមួយអ្នកជិតខាង ​មិត្តភ័ក្ត​ ឬ​សាច់​ញាតិ ក៏ដូចជាចូលរួមកម្មវិធីនានាឱ្យបានច្រើន មិនថាកម្មវិធីបុណ្យទាន ឬការ​ទេ​ដើម្បី​​បង្កើន​ទំនាក់​ទំនង​ក្នុងសង្គម។

១០. ហ្វឹកហាត់ខួរក្បាល

ការហ្វឹកហាត់ខួរក្បាលធ្វើឱ្យខួរក្បាលយើងមានសុខភាពល្អ និងជួយបង្កើន​ការចងចាំ។ យើង​អាច​ហ្វឹកហាត់ខួរក្បាលតាមរយៈការធ្វើសកម្មភាពណាដែលត្រូវប្រើខួរក្បាលដូចជា លេង​ល្បែង​ផ្គុំ​រូប ឬផ្គុំពាក្យ ​លេង​អុក​ លេងតន្រ្តី ជាដើម។

១១. កាត់បន្ថយគ្រឿងស្រវឹង

ការ​ញុំា​គ្រឿង​ស្រវឹង​ច្រើន​ធ្វើ​ឱ្យ​ពុល​​កោសិកា​ខួរក្បាល នាំឱ្យការ​ចងចាំចុះខ្សោយ និងបង្កើន​ហានិភ័យ​កើតជំងឺវង្វេង។ ប្រសិនបើចៀសមិនបាន​ទេ យើងគួរយូរៗញុំាម្តង ហើយក្នុងម្តងញុំា​តែ​បន្តិច​បានហើយ។

១២. ចៀសវាងជក់បារី

ជាតិនីកូទីន និងសារធាតុគីមីផ្សេងទៀតនៅក្នុងបារី​បង្កើនហានិភ័យក្នុងការកើតជំងឺសរសៃឈាម​ដែល​អាចបណ្តាលឱ្យដាច់សរសៃឈាមខួរក្បាល និងធ្វើឱ្យសរសៃឈាមដែលបញ្ជូន​អុកស៊ីសែន​ទៅ​ខួរក្បាលរួមតូច ដូច្នេះធ្វើឱ្យការចងចាំរបស់យើងចុះខ្សោយ។ ។

ចាស់ៗឧស្សាហ៍ភ្លេចមុខភ្លេចក្រោយតិចតួចគឺជារឿងធម្មតា ដូច្នេះយើងត្រូវញុំាអាហារ​ដែលល្អ​ចំពោះ​សុខភាពដូចជា បន្លែ ផ្លែឈើ ត្រី គ្រាប់ធញ្ញជាតិ គ្រាប់ផ្លែឈើ ទឹកដោះគោ និងទឹក​ឱ្យបាន​ច្រើន​ដើម្បីបង្កើនការចងចាំឡើងវិញ៕

អត្ថបទផ្ដល់ដោយ៖Hello Krupet

ចុចអាន៖ការជក់បារី បង្កផលប៉ះពាល់ច្រើនដល់សុខភាពស្បែក

ចុចអាន៖ប្រែបបូរមាត់ពីខ្មៅស្រអាប់ ទៅជាទន់ល្មើយផ្កាឈូក ដោយរូបមន្ត ៨ យ៉ាងនេះ

The post ចាស់ៗឧស្សាហ៍ភ្លេចភ្លាំង គួរបង្កើនការចងចាំតាមវិធីណា? appeared first on Kampuchea Thmey Daily.

បើ​និយាយ​ពី​រោគ​សញ្ញា ក្រុម​គ្រូពេទ្យ​សង្កេត​ឃើញ​ថា អ្នក​ជំងឺ​វ័យ​ចំណាស់​ទាំង​នោះ​ មាន​ចេញ​សញ្ញា​ជំងឺ​រលាក​សួត​ស្រួច​ស្រាល ​បន្ទាប់​ពី​ឆ្លង​វីរុស​អូមីក្រុង​បំប្លែង BA.2។

យោង​តាម​សារព័ត៌មាន The Daily Express លោក​វេជ្ជបណ្ឌិត Akira Kano នាយក​មន្ទីរពេទ្យ​សង្គ្រោះ​បន្ទាន់ Fujimino ក្នុង​ប្រទេស​ជប៉ុន​បាន​ឲ្យ​ដឹង​ថា កត្តា​នេះ​បាន​ធ្វើ​ឲ្យ​មនុស្ស​ចាស់​វិវត្ត​ទៅ​ជា​រោគ​សញ្ញា​កូវីដ-១៩​ កាន់​តែ​ធ្ងន់ធ្ងរ។

“ក្រុម​អ្នក​ជំងឺ​វ័យ​ចំណាស់​ បាន​ទទួល​វ៉ាក់សាំង​ការពារ​កូវីដ​-១៩ យ៉ាង​ហោច​ណាស់ ​ក៏​គ្រប់​ចំនួន​២​ដូស​ដែរ ប៉ុន្តែ​វា​ហួស​ពេល​យូរ​ដែរ​ហើយ​ បន្ទាប់​ពី​យុទ្ធនា​ការ​ចាក់​វ៉ាក់សាំង ហើយ​ឥឡូវ​នេះ​អ្នក​ជំងឺ​វ័យ​ចំណាស់ ​កំពុង​ទទួល​រង​នូវ​ជំងឺ​រលាក​សួត​ស្រួច​ស្រាល។”

វេជ្ជបណ្ឌិត​ខាង​លើ​បាន​ឲ្យ​ដឹង​ថា វីរុស​អូមីក្រុង​បំប្លែង BA.2 ត្រូវ​បាន​អ្នក​ជំនាញ​ជា​ច្រើន​លើក​ឡើង​ថា ​មិន​សូវ​បង្ក​គ្រោះ​ថ្នាក់​ដល់​សុខភាព​ធ្ងន់ធ្ងរ​នោះ​ទេ ប៉ុន្តែ​ការ​ពិត​ទៅ ​វា​អាច​ធ្វើ​ឲ្យ​សុខភាព​យើង​ប្រឈម​គ្រោះ​ថ្នាក់ ​បើ​ផ្អែក​ទៅ​តាម​អ្វី​ដែល​រក​​ឃើញលើមនុស្ស​វ័យ​ចំណាស់ ​​ក្នុងក្នុង​ប្រទេស​ជប៉ុន​​ ពេល​បច្ចុប្បន្ន​នេះ៕

អត្ថបទផ្ដល់ដោយ៖ Hello Krupet

ចុចអាន៖អ្នកវិទ្យាសាស្ត្រ បង្កើនការប្រុងប្រយ័ត្ន ខណៈ វីរុសអូមីក្រុងបំប្លែង BA.2 រាលដាល

ចុចអាន៖Omicron រាលដាលនៅ ជប៉ុន ខ្លាំង រហូតមន្ទីរពេទ្យ មិនទទួលអ្នកជំងឺស្រាលៗឡើយ

The post វីរុសអូមីក្រុងបំប្លែង BA.2 អាចវាយលុកខ្លាំង លើសុខភាពមនុស្សចាស់ appeared first on Kampuchea Thmey Daily.

ក្រុម​អ្នក​ស្រាវ​ជ្រាវ​នៅ​សាកល​វិទ្យាល័យ Chicago បាន​បង្ហាញ​ថា​ភាព​ឯកោ​ខ្លាំង ឬ​នៅ​តែ​ឯង មាន​គ្រោះ​ថ្នាក់​ដល់​សុខភាព​មនុស្ស​វ័យ​ចំណាស់​ពីរ​ដង​ខ្ពស់​ជាង​ជំងឺ​ធាត់​។

ការ​លើក​ឡើង​បែប​នេះ គឺ​ក្រោយ​អ្នក​ស្រាវ​ជ្រាវ​សិក្សា​លើ​មនុស្ស​​២ ០០០​នាក់​វ័យ​៥០​ឆ្នាំ​ឡើង អស់​រយៈ​ពេល​ជាង​ប្រាំមួយ​ឆ្នាំ។ ការ​សិក្សា​បញ្ជាក់​ថា​មនុស្ស​វ័យ​ចំណាស់​ដែល​បាន​និយាយ​ថា​ខ្លួន​ជា​មនុស្ស​រស់​នៅ​តែឯង ឬ​ឯក​កោ មាន​​​១៤ ភាគ​រយ​ប្រឈម​នឹង​អត្រា​ស្លាប់​ខ្ពស់​ជាង​មនុស្ស​ធម្មតា​។​​​​​​​

១.​​ភាព​ឯក​កោ និង​កត្តា​ប្រឈម​របស់​មនុស្សចាស់

មនុស្ស​វ័យ​ចំណាស់​ មិន​សូវ​មាន​កូនចៅ​នៅ​ជាមួយ​ទៀត​ទេ ក្នុង​បរិបទ​សង្គម​សព្វថ្ងៃ។ ការ​សិក្សា​រក​ឃើញ​ថា មនុស្ស​ចាស់​ដែល​រស់នៅ​តែ​ឯង មាន​ផល​ប៉ះពាល់​ធ្ងន់​ធ្ងរ​ទាំង​លើ​ផ្នែក​សុខភាព​ផ្លូវ​កាយ និង​ផ្លូវ​ចិត្ត​។

សាស្រ្តាចារ្យ John Cacioppo ប្រចាំសាកល​វិទ្យាល័យ Chicago បាន​កត់​សម្គាល់​ពី​ភាព​ធ្លាក់​ចុះ​នៃ​សុខភាព​ផ្លូវ​កាយ និង​ចិត្ត របស់​មនុស្ស​វ័យ​ចំណាស់ ហើយ​ថា​ការ​ធ្លាក់​ចុះ​នេះ​អាច​មាន​កម្រិត​ផ្សេង​គ្នា​​ពី​មនុស្ស​ម្នាក់​ទៅ​ម្នាក់ទៀត​អាស្រ័យ​លើ​ទំនាក់​ទំនង​គ្រួសារ​ដែល​អ្នក​ទាំង​នោះ​មាន។

២. ភាព​ឯក​កោ និង​សម្ពាធ​ឈាម​ខ្ពស់​​​

ការ​សិក្សា​របស់សាកល​វិទ្យាល័យ Chicago បាន​រក​ឃើញ​ពី​ទំនាក់ទំនង​ដោយ​ផ្ទាល់​រវាង​ភាព​ឯកោ​យូរអង្វែង និង​ការ​កើន​ឡើង​​សម្ពាធ​ឈាម​។ ការ​មិន​សូវ​មាន​ទំនាក់​ទំនង​ក្នុង​សង្គម អាច​ជា​ហេតុ​ផល​មួយ​ធ្វើ​ឲ្យ​អ្នក​ឯក​កោ​មាន​សម្ពាធ​ឈាម​ឡើង​ខ្ពស់។

ការ​សិក្សា​រយៈពេលជាង​​បួន​ទៅ​ប្រាំ​​ឆ្នាំ លើ​មនុស្ស​២២៩​នាក់​មាន​វ័យ​ចន្លោះ​ពី៥០​ទៅ​៦៨​ឆ្នាំ បាន​រក​ឃើញ​ថា​អ្នក​ចូល​រួម​ដែល​រស់នៅ​ឯក​កោ​ សម្ពាធ​ឈាម​អ្នក​ទាំង​នោះ​​ឡើង​ដល់​១៤,៤​មិល្លីម៉ែត្រ​ខ្ពស់​ជាង​អ្នក​​មាន​ទំនាក់​ទំនង ឬមិត្ត​ភក្តិ​ច្រើន​ក្នុង​សង្គម​។ ការ​សិក្សា​បាន​លើ​ក​ឡើង​ថា​មនុស្ស​នៅ​ដាច់​តែឯង​កាន់​តែ​យូរ បញ្ហា​សុខភាព​ក៏​កើត​ឡើង​កាន់​តែ​ច្រើន​ដែរ។

ការ​សិក្សា​បញ្ជាក់​ថា​ដើម្បី​បំបាត់ ឬ​ការ​ពារ​មនុស្ស​វ័យ​ចំណាស់​ពីអារម្មណ៍​ឯកកោ​ត្រូវ​ ឲ្យ​ពួកគាត់​​ដឹង​ពី បញ្ហា និង​បញ្ឈប់​ការ​គិត​បែប​អវិជ្ជមាន​ចំពោះ​គំនិត​ខ្លួន​ឯង។ យ៉ាងណា​ស្ថាន​ប័ន​ធ្វើ​ការ​លើ​សុខ​ភាព​មនុស្ស​ចាស់ បាន​លើក​ឡើង​ថា​មនុស្ស​វ័យ​ចំណាស់ គួរ​ឧស្សាហ៍​ជួប​ជុំ​និយាយ​គ្នា​លេង​ជាមួយ​អ្នក​ជិត​ខាង​ ឬ​មិត្ត​ភក្ដិ ឬ​អាច​ធ្វើ​ដំណើរ​កម្សាន្ត ក៏​ដូចជា​ធ្វើ​ការ​ផ្សេងៗ​បំបាត់​ភាព​អផ្សុក​​ជាដើម។ ក្រៅ​ពី​នេះ កាយ​ក​ចិត្ត​ទុក​ដាក់​លើ​សុខភាព​ផ្ទាល់​ខ្លួន ដូច​ជា​ការ​ធ្វើ​លំ​ហាត់​ប្រាណ ជា​ដើម ក៏​សុទ្ធ​តែ មាន​ប្រយោជន៍​ដល់​មនុស្ស​វ័យ​ចំណាស់​ដើម្បី​កម្ចាត់​នូវ​ភាព​ឯក​កោ​របស់​ខ្លួន​ផង​ដែរ​៕

អត្ថបទផ្ដល់ដោយ៖ Hello Krupet

ចុចអាន៖យាយតា ចំណាយពេលមើលថែចៅៗ ត្បិតហត់ បន្តិច តែល្អចំពោះសុខភាពខ្លាំង

ចុចអាន៖មនុស្សវ័យចំណាស់មានបញ្ហាហូប ឬលេបអាហារ គឺជារឿងធម្មតា?

The post ភាពឯកោ ធ្វើឲ្យមនុស្សចាស់ ប្រឈមហានិភ័យសុខភាពច្រើន appeared first on Kampuchea Thmey Daily.