១. ការពារជំងឺផ្តាសាយ

ការសិក្សារបស់អង់គ្លេសបានរកឃើញថា ជាតិផ្អែមរបស់សូកូឡាអាចកាត់បន្ថយហានិភ័យនៃការ កើតផ្តាសាយបាន។ Theo bromine ដែលមាននៅក្នុងសូកូឡាមានអត្ថប្រយោជន៍ សម្រាប់សុខភាព នៃ ប្រព័ន្ធសរសៃប្រសាទ និងមានប្រសិទ្ធិភាពកាត់បន្ថយការក្អកប្រសើរជាងថ្នាំផ្តាសាយទូទៅ។

២. បន្ថយសម្ពាធឈាម
ការស្ទង់មតិលើមនុស្សពេញវ័យដែលមានសុខភាពល្អ ៤៤ នាក់ដោយអ្នកស្រាវជ្រាវអាល្លឺម៉ង់បាន រកឃើញថាបន្ទាប់ពី ១៨ សប្តាហ៍នៃការញ៉ាំសូកូឡាខ្មៅដែលមានកាឡូរីមិនលើសពី ៣០ ក្នុងមួយ ថ្ងៃសម្ពាធឈាមរបស់ពួកគេបានធ្លាក់ចុះជាមធ្យម។

៣. ធ្វើឱ្យជាតិស្ករក្នុងឈាមមានស្ថេរភាព

ដូចដែលបានរាយការណ៍ ការសិក្សារបស់អ៊ីតាលីបានរកឃើញថាមនុស្សដែលមានសុខភាពល្អ ដែលញ៉ាំសូកូឡាខ្មៅ ១០០ ក្រាមក្នុងមួយថ្ងៃរយៈពេល ១៥ ថ្ងៃជាប់ៗគ្នាបានបង្កើនភាពប្រែប្រួល អាំងស៊ុយលីន។វេជ្ជបណ្ឌិតនិយាយថាសូកូឡាខ្មៅអាចជួយអ្នកជំងឺទឹកនោមផ្អែម ហើយការសិក្សាថ្មីៗនេះ ក៏បានរកឃើញថាសារជាតិ flavanols នៅក្នុងសូកូឡាខ្មៅអាចធ្វើអោយកម្រិតជាតិ ស្ករក្នុងឈាម មានស្ថេរភាព។

៤. ព្យាបាលរាគ

សារធាតុកាកាវនៅក្នុងសូកូឡាខ្មៅមានចាប់ពី ៥០ ទៅ ៩០ ភាគរយ ។ កាកាវសម្បូរទៅដោយ សារធាតុ polyphenols ដែលហៅថា flavonoids ដែលអាចរារាំងការស្រូបយកប្រូតេអ៊ីន ក្លរួអ៊ីយ៉ុង និងទឹកនៅក្នុងពោះវៀន ជាពិសេសវាកាត់បន្ថយការខះជាតិទឹក ការពាររាគចំពោះមនុស្សខ្សោះជាតិទឹក។

៥. ការការពារគ្រោះថ្នាក់សរសៃឈាមខួរក្បាល
អ្នកស្រាវជ្រាវអាមេរិកបានរកឃើញថា សូកូឡាខ្មៅមានផ្ទុកសារធាតុម្យ៉ាងដែលអាចកាត់បន្ថយការ ខូចខាតខួរក្បាលក្នុងរយៈពេល ៣ទៅ ៥ ម៉ោងចំពោះអ្នកជំងឺដាច់សរសៃឈាមខួរក្បាល។ អ្នកស្រាវ ជ្រាវបាននិយាយថា ការញ៉ាំសូកូឡាមួយដងក្នុងមួយសប្តាហ៍អាចកាត់បន្ថយហានិភ័យនៃជំងឺដាច់ សរសៃឈាមខួរក្បាលបាន ២២ ភាគរយ។

៦. មានប្រយោជន៍សម្រាប់បេះដូង

សូកូឡាខ្មៅមានសារធាតុប្រឆាំងអុកស៊ីតកម្មសារធាតុ flavonoids ដែលអាចការពារការសរសៃ ឈាម បង្កើនភាពរឹងមាំនៃសាច់ដុំបេះដូង និងការពារកូឡេស្តេរ៉ុលពីការប្រមូលផ្តុំ នៅក្នុងសរសៃ ឈាម។ ក្នុងពេលជាមួយគ្នានេះ វាមានឥទ្ធិពលការពារ និងព្យាបាលជំងឺសរសៃ ឈាមបេះដូង ។

៧.បំបាត់ភាពតានតឹង
សូកូឡាអាចបង្កើនកម្រិតនៃសារធាតុគីមីមួយហៅថា serotonin ក្នុងខួរក្បាល ហើយវាអាចផ្តល់នូវ អារម្មណ៍ល្អ បំបាត់ភាពតានតឹងបានកាន់តែប្រសើរ និងដើរតួជាថ្នាំបំបាត់ស្ត្រេស៕

ប្រែសម្រួល៖នាងតូច

ប្រភព៖laodong

ចុចអាន៖ហេតុអ្វីបានជាមនុស្សមួយចំនួន ផឹកកាហ្វេហើយទៅរាគរូស ?

The post អត្ថប្រយោជន៍សុខភាពទាំង ៧ របស់សូកូឡា appeared first on Kampuchea Thmey Daily.

សូកូឡា មានសារជាតិម៉្យាងហៅថា Theobromine ដែលស្រដៀងទៅនឹងជាតិកាហ្វេអ៉ីន វាជាជាតិពុលចម្បងសម្រាប់សត្វឆ្កែ។ បរិមាណជាតិពុលរបស់សូកូឡាទៅដល់ឆ្កែ គឺអាស្រ័យលើកម្រិតរបស់សូកូឡា និងអាយុរបស់សត្វឆ្កែ។ ជួនកាល រសជាតិសូកូឡាខ្លាំងពេក អាយុឆ្កែនៅតិច គឺបណ្តាលឱ្យស្លាប់ភ្លាមៗតែម្តង។

សូកូឡាកាន់តែខ្មៅ និងល្វីង ពោលគឺ សូកូឡារសជាតិដើមតែម្តង នឹងប្រឈមគ្រោះថ្នាក់សម្រាប់សត្វឆ្កែកាន់តែខ្លាំង។ ចំពោះសូកូឡាដែលមួយចំនួនលាយជាមួយទឹកដោះគោ និងស្ករច្រើន មិនបណ្តាលឱ្យឆ្កែងាប់ទេ ប៉ុន្តែក៏អាចឱ្យពួកគេឈឺជារោគផ្សេងៗដោយសារជាតិខ្លាញ់ និងស្ករនៅក្នុងសូកូឡា។ បើសិនជាឆ្កែអ្នកមានបញ្ហាក្រពះ នោះនឹងងាយប្រឈមចំពោះជំងឺរលាកលំពែង។

អាការៈទូទៅដែលនាំឱ្យឆ្កែពុលសូកូឡាមានដូចជា ក្អួត រាគ ស្រេចទឹក ថប់ដង្ហើម នោមច្រើន និងចង្វាក់បេះដូងលោតញាប់។ ក្នុងករណីធ្ងន់ធ្ងរ អាចធ្វើឱ្យឆ្កែប្រកាច់ ញ័រសាច់ដុំ និងខ្សោយបេះដូង។

យ៉ាងណាក៏ដោយ សម្រាប់សត្វឆ្កែភាគច្រើនដែលស៊ីសូកូឡាមានជាតិទឹកដោះគោច្រើនខ្លាំង មិនបណ្តាលឱ្យពួកវាគ្រោះថ្នាក់ដល់ជីវិតទេ។ ទោះបីជាដូច្នេះមែន ប៉ុន្តែ អ្នកដែលជាម្ចាស់ឆ្កែមិនអាចព្រងើយកន្តើយចំពោះបញ្ហានេះបានឡើយ ត្រូវធ្វើយ៉ាងណាចៀសវាងឱ្យបាន កុំឱ្យឆ្កែរបស់លោកអ្នកប៉ះពាល់ជាមួយសូកូឡាឱ្យសោះ ដើម្បីការពារជីវិតរបស់ពួកគេ៕

ដោយ៖ អុន ស្រីមាន

The post តើអ្នកដឹងទេ ប្រសិនជាឆ្កែស៊ីសូកូឡាអាចបណ្តាលឱ្យងាប់បាន? appeared first on Kampuchea Thmey Daily.

លើសពីនេះ សូកូឡាខ្មៅផ្ទុកសារធាតុប្រឆាំងអុកស៉ីតកម្មដ៏មានឥទ្ធិពលគឺ Flavonols ដែលជាសមាសធាតុមាននៅក្នុងរុក្ខជាតិជួយប្រឆាំងការរលាក និងប្រឆាំងការខូចខាតកោសិកាដែលបណ្តាលមកពីរ៉ាឌីកាល់សេរីទៀតផង។

អត្ថប្រយោជន៍នៃ សូកូឡាខ្មៅ ចំពោះសុខភាព៖

១. ជំនួយសុខភាពបេះដូង: សារធាតុប្រឆាំងអុកស៉ីតកម្មជួយសម្រួលសម្ពាធឈាម ការពារការកកឈាម ជួយឲ្យឈាមដើរស្រួលទៅដល់បេះដូង កាត់បន្ថយជំងឺដាច់សរសៃឈាមខួរក្បាល ស្ទះសរសៃឈាមបេះដូងនិងហានិភ័យនៃការស្លាប់ដោយសារជំងឺបេះដូង។

២. រក្សាស្ថេរភាពប្រព័ន្ធភាពផ្ស៉ាំ: Flavonols ការពារប្រព័ន្ធភាពផ្ស៉ាំ កាត់បន្ថយភាពតានតឹងអុកស៊ីតកម្មដែលជាអតុល្យភាពបណ្តាលមកពីកោសិកាប្រឆាំងនឹងរ៉ាឌីកាល់សេរីនិងជាមូលហេតុនាំឲ្យឈឺច្រើន។

៣. ប្រឆាំងជំងឺទឹកនោមផ្អែម: Epicatechin ការពារកោសិកា ធ្វើឱ្យពួកវាកាន់តែរឹងមាំ និងគាំទ្រដំណើរការដែលជួយឱ្យរាងកាយប្រើប្រាស់អាំងស៊ុយលីនបានល្អប្រសើរ។

៤. ជំនួយខួរក្បាល: សារធាតុ Flavonols នៅក្នុងសូកូឡាខ្មៅមានឥទ្ធិពលវិជ្ជមានទៅលើមុខងារខួរក្បាលដូចជា បង្កើនលំហូរឈាមទៅកាន់ខួរក្បាល និងការចងចាំកាន់តែខ្លាំងជាដើម។ 

៥. បង្កើនភាពសកម្ម: Epicatechin នៅក្នុងសូកូឡាខ្មៅបង្កើនការផលិតនីទ្រីកអុកស៊ីតក្នុងឈាមដែលសម្រួលចលនាឈាម និងកាត់បន្ថយបរិមាណអុកស៊ីសែនដែលអត្តពលិកប្រើ​ ខណៈពេលធ្វើលំហាត់ប្រាណកម្រិតមធ្យម ជាពិសេសជួយឱ្យអត្តពលិករក្សាអាំងតង់ស៊ីតេនៃការហាត់ប្រាណបានយូរផងដែរ។

៦. កាត់ស្ត្រេស: អ្នកស្រាវជ្រាវបញ្ជាក់ថា បន្ទាប់ពីញ៉ាំសូកូឡាខ្មៅ អរម៉ូនស្ត្រេសចាប់ផ្ដើមកាត់បន្ថយគួរឲ្យកត់សម្គាល់។

ដើម្បីទទួលប្រសិទ្ធិភាពពិតៗពីសូកូឡាខ្មៅ អ្នកត្រូវពិនិត្យមើលបរិមាណកាកាវដែលប្រើក្នុងសូកូឡាព្រោះកាកាវកាន់តែច្រើនកាន់តែមានប្រសិទ្ធិភាព អាស្រ័យអត្ថប្រយោជន៍ច្រើនដូចខាងលើនេះហើយ អ្នកគប្បីចាប់ផ្ដើមបន្ថែមវត្តមានសូកូឡាខ្មៅចូលទៅក្នុងរបបអាហារប្រចាំថ្ងៃផងដើម្បីទទួលបានសុខភាពល្អរឹងមាំ៕

ប្រែសម្រួលដោយ៖ វារី

ចុចអាន៖ នឹកស្មានមិនដល់ ទឹកអង្ករមានអត្ថប្រយោជន៍ច្រើនម្ល៉ឹងសោះ

ចុចអាន៖ ស្រាយ​ចម្ងល់​ សូកូឡា​ក្ដៅ​​អាច​កាត់បន្ថយ​អាការ​ឈឺ​ពោះ​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

The post មកដឹងពីអត្ថប្រយោជន៍នៃ សូកូឡាខ្មៅ ចំពោះសុខភាព appeared first on Kampuchea Thmey Daily.

១- តែខ្ញីក្រូចឆ្មា

នរណាៗក៏ដឹងដែរថា ខ្ញី​​មាន​ប្រយោជន៍​សម្រាប់​សុខភាព​ និងត្រូវបាន​ប្រើប្រាស់​​ជា​ថ្នាំ​បុរាណ​ព្យាបាល​ជំងឺទៀតផង។ ចំណែកតែខ្ញីលាយចំណិតក្រូចឆ្មា ឬបើអាចបន្ថែមទឹកឃ្មុំចូល​បន្តិចរស់ជាតិ​កាន់តែ​ពិសេស។

ក្នុងរដូវត្រជាក់នេះ តែខ្ញីក្រូចឆ្មាជាភេសជ្ជៈល្អបំផុតសម្រាប់រាងកាយ បើអាច​ផឹក​​រាល់ថ្ងៃ នោះនឹងទទួលបាន​អត្ថប្រយោជន៍កាន់តែ​ច្រើន​។ វាល្អ​ចំពោះ​ប្រព័ន្ធ​រំលាយអាហារ បង្ការ​ជំងឺ​ទឹកនោម​ផ្អែម ជួយ​ដល់​ការ​សម្រក​ទម្ងន់ ជួយ​ដល់​សក់និង​ស្បែក ការពារ​ពី​ជំងឺ​ភ្លេចភ្លាំង បំបាត់​ការ​ឈឺចុកចាប់ ជួយ​ទ្រទ្រង់​ប្រព័ន្ធ​ភាពស៊ាំ និង​បង្ការ​ជំងឺ​មហារីក។

២-តែទឹកឃ្មុំ

​ទម្លាប់​ផឹក​ទឹកក្ដៅឧណ្ហៗលាយជាមួយនឹង​ទឹក​ឃ្មុំ​រៀង​រាល់ព្រឹក នឹង​ផ្តល់​គុណសម្បត្តិ​ដល់​សុខភាពយ៉ាងលើសលុប។ តែទឹកឃ្មុំបន្ថយ​ឧស្ម័ន​អាក្រក់ក្នុង​ពោះវៀន ពង្រឹង​ប្រព័ន្ធ​ភាពស៊ាំ បញ្ចេញ​ជាតិ​ពុល ស្បែក​ភ្លឺ​រលោង ជួយ​សម្រក​ទម្ងន់ សម្រួល​ដល់​អាការៈ​ឈឺ ក រក្សា​កម្រិត​ជាតិស្ករ​ក្នុង​ឈាម ព្រមទាំងបង្ការ​ជំងឺ​បេះដូង។ កាន់តែល្អថែមទៀតនោះ វាជួយពង្រឹងប្រព័ន្ធភាពស៊ាំឱ្យរឹងមាំ។

៣- តែគល់ស្លឹកគ្រៃ

កុំទាន់ចម្លែកពេលឮឈ្មោះតែគល់ស្លឹកគ្រៃ! តែនេះមានជាយូរមកហើយ គ្រាន់តែប្រជាជនយើងមិនសូវនិយមទទួលទានប៉ុណ្ណោះ។ តែគល់ស្លឹកគ្រៃមិនពិបាកធ្វើទេ មានតែទឹកក្ដៅមួយកែវ លាយជាមួយស្លឹកគ្រៃមួយគល់ហាន់ជាចំណិតៗបង់ចូលកែវ ជាការស្រេច។ ស្លឹកគ្រៃមាន​ផ្ទុក​សារធាតុ​សំខាន់​មួយ​ឈ្មោះ citral ដែល​មាន​ប្រយោជន៍​ជួយ​ដោះ​ស្រាយ​បញ្ហា​ទាក់ទង​នឹង​ប្រព័ន្ធ​រំលាយ​អាហារ​។ ក្រៅពីនោះវាមានផ្ទុកសារធាតុចិញ្ចឹម​ល្អៗ​ដូច​ជា​អាស៊ីដ​ហ្វូលិក វីតាមីន​B1 ជាតិ​ដែក ប៉ូតាស្យូម និង​ស័ង្កសី ទប់ស្កាត់ផ្ដាសាយ ជួយ​ដល់​​បញ្ហា​រំលាយ​អាហារ ​បញ្ហា​ស្លេក​ស្លាំង សម្រកទម្ងន់​ ​គ្រប់​គ្រង​សម្ពាធឈាម និងជួយ​ស្បែក​ឱ្យមាន​សុខ​ភាព​ល្អ។​

៤-សូកូឡាក្តៅ

សូកូឡាក្ដៅៗមួយកែវសម្បូរសារធាតុចិញ្ចឹម ជាតិ​​សរសៃ​ ជាតិ​ដែក​ ជាតិ​ទង់ដែង​ ម៉ង់កាណែស​ ប៉ូតាស្យូម​ ហ្វូស្វ័រ​ ស័ង្កសី​និង​ សេលេញ៉ូម​ ដែលអាចសម្រួលលំហូរឈាម បន្ថយសម្ពាធឈាម ក៏ដូចជាបន្ថយហានិភ័យជំងឺសរសៃឈាមបេះដូងផងដែរ។ ភេសជ្ជៈនេះសក្តិសមផឹកសម្រាប់រដូវត្រជាក់សានេះ៕

ប្រែសម្រួល៖ សន្យា

ប្រភព៖ YAVA

ចុចអាន៖ ហូបតែបៃតង៣ដង ក្នុង១សប្តាហ៍បង្ការជំងឺបានច្រើន ហើយជួយខួរក្បាលទៀត

ចុចអាន៖ អាហារ ៥ មុខនេះអាច​ជួយរាងកាយជាសះស្បើយពីរបួស ឬជំងឺផ្សេងៗ​បាន​លឿន

The post ភេសជ្ជៈ ៤មុខ ជួយពង្រឹងប្រព័ន្ធភាពស៊ាំបានល្អ សក្តិសមបំផុតសម្រាប់រដូវរងា appeared first on Kampuchea Thmey Daily.

​​​​សូកូឡា​ខ្មៅ

រាល់​សូកូឡា​ទាំង​អស់​សុទ្ធ​តែ​មាន​សារធាតុ​Flavanoids ជា​សារធាតុ​ប្រឆាំង​នឹង​អុកស៊ីតកម្ម​ដែល​អាច​ជួយ​ការពារ​យើង​ពី​ជំងឺ​មួយ​ចំនួន។​ ពិត​ណាស់​ សូកូឡា​ខ្មៅ​មាន​ផ្ទុក​សារធាតុ​នេះ​ច្រើន​ជាង​សូកូឡា​ពណ៌​ទឹក​ដោះ​គោ​។ ជា​ទូទៅ សូកូឡា​មាន​គុណប្រយោជន៍​ជួយ​ដល់​ការ​បន្ទោបង់​ ក៏​ដូចជា​កាត់​បន្ថយ​ការ​ឈឺ​ពោះ​ដែល​​បណ្ដាល​មក​ពី​បាក់តេរី ដូចជា​ការ​ពុល​អាហារ​ជា​ដើម​។

​ទឹក​ដោះ​គោ​

នៅ​ក្នុង​ករណី​ដែល​​អាការឈឺ​ពោះ​ ជា​រោគ​សញ្ញា​នៃ​ការ​មិន​រំលាយ​អាហារ​ ឬ​ក្រហាយ​ទ្រូង ទឹក​ដោះ​គោ​អាច​ជួយ​បំបាត់​រោគសញ្ញា​នេះ​បាន​យ៉ាង​ស័ក្ដិសិទ្ធិ។ ​ទឹក​ដោះ​គោ ឬ​ទឹក​ដោះ​គោ​ជូរ ​អាច​ជួយ​កាត់​បន្ថយ​ជាតិ​អាស៊ីដ​ដែល​បណ្ដាល​ឲ្យ​ក្រហាយ​ទ្រូង​ និង​ឈឺ​ពោះ​។ ​ជាមួយ​គ្នា​នេះ​ដែរ ទឹក​ដោះ​គោ​ក្ដៅ​​ក៏​ជា​រូបមន្ត​ព្យាបាល​ការ​ក្រហាយ​ទ្រូង​ និង​ការ​មិន​រលាយ​អាហារ​។ យ៉ាង​ណា​មិញ គ្នា​យើង​មួយ​ចំនួន​ក៏​អាច​ជួប​ប្រទះ​អាការៈ​ហើម​ពោះ ចង្អោរ ​បញ្ហា​ក្រពះ​ និង​ពោះវៀន​នៅ​ពេល​ញ៉ាំ​ទឹក​ដោះ​គោ​។

អត្ថប្រយោជន៍​ដទៃ​ទៀត​នៃ​សូកូឡា​ក្ដៅ

សូកូឡា​​​ក្ដៅ​ពណ៌​ខ្មៅ​មាន​អត្ថប្រយោជន៍​យ៉ាង​ច្រើន​ វា​មិន​ត្រឹមតែ​ជួយ​ដោះស្រាយ​បញ្ហា​​ឈឺ​ពោះ​ប៉ុណ្ណោះ​ទេ​ វា​ក៏​អាច​ជួយ​ការពារ​​យើង​ពី​ជំងឺ​បេះដូង​ ដោយ​សារ​តែ​សារធាតុ​Flavanoids ​ប្រឆាំង​នឹង​ការ​បំផ្លាញ​ពី​រ៉ាឌីកាល់​សេរី​​ចំពោះ​កោសិកា​។ បន្ថែម​ពី​នេះ​ សូកូឡា​ខ្មៅ​ក៏​អាច​ជួយ​បន្ថយ​សម្ពាធ​ឈាម​ និង​កូលេស្តេរ៉ូល​អាក្រក់​។ គ្នា​យើង​គប្បី​ញ៉ាំ​សូកូឡា​ខ្មៅ​ដែល​មាន​ផ្ទុក​បរិមាណ​កាកាវ​ច្រើន​ ទើប​ជា​ការ​ប្រសើរ​៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រយ័ត្ន! ប្រភេទ​អាហារ​​​មិន​គួរ​ទទួលទាន​ក្នុង​រដូវ​នេះ ​អាច​​មាន​អាក្រក់​​ចំពោះ​ពោះវៀន​ធ្ងន់ធ្ងរ

ចុចអាន៖ ប្រភេទអាហារ ញ៉ាំហើយ ​ធ្វើឲ្យ​បេះដូង​លោត​​ខុស​ធម្មតា

The post ស្រាយ​ចម្ងល់​ សូកូឡា​ក្ដៅ​​អាច​កាត់បន្ថយ​អាការ​ឈឺ​ពោះ​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ appeared first on Kampuchea Thmey Daily.