សកម្មភាពនេះត្រូវបានរៀបចំឡើង ដើម្បីឆ្លើយតបទៅនឹងស្ថានភាពរដូវប្រាំង ដែលមានអាកាសធាតុក្តៅហួតហែងខ្លាំង ដែលអាចបណ្តាលឱ្យដើមឈើលម្អតាមទ្រូងផ្លូវក្រៀមស្វិត ឬងាប់ ប្រសិនបើខ្វះការថែទាំ និងការផ្គត់ផ្គង់ទឹកមិនបានគ្រប់គ្រាន់។

គួរជម្រាបជូនថា អត្ថប្រយោជន៍នៃការស្រោចស្រពទឹក ក្នុងដំណាក់កាលនេះ រួមមាន៖ ការសង្គ្រោះជីវិតដើមឈើ៖ ការផ្តល់សំណើមចំពេលដែលអាកាសធាតុក្តៅខ្លាំង ជួយឱ្យដើមឈើរក្សាបាននូវភាពស្រស់បំព្រង និងបន្តលូតលាស់បានល្អ បញ្ជៀសការខូចខាតទ្រព្យសម្បត្តិសាធារណៈ , ការកាត់បន្ថយកម្តៅ និងធូលី៖ ការស្រោចទឹកមិនត្រឹមតែជួយដើមឈើប៉ុណ្ណោះទេ ប៉ុន្តែថែមទាំងជួយកាត់បន្ថយកម្តៅហួតហែងលើដងផ្លូវ និងកាត់បន្ថយធូលីហុយ ដែលផ្តល់ផាសុកភាពដល់អ្នកធ្វើដំណើរ

ការរក្សាសោភ័ណភាពខេត្ត៖ ដើមឈើដែលរស់រវើកនៅតាមទ្រូងផ្លូវជាតិលេខ៥ គឺជាមុខមាត់របស់ខេត្តពោធិ៍សាត់ បង្ហាញពីការយកចិត្តទុកដាក់ខ្ពស់លើបរិស្ថានបៃតង និងការទទួលស្វាគមន៍យ៉ាងកក់ក្តៅដល់ភ្ញៀវទេសចរដែលឆ្លងកាត់។

ក្នុងឱកាសនោះដែរ លោក អភិបាលខេត្ត ក៏បានអំពាវនាវដល់ប្រជាពលរដ្ឋ ដែលមានលំនៅឋានតាមសងខាងផ្លូវ សូមចូលរួមជួយថែរក្សា និងស្រោចទឹកដើមឈើនៅមុខផ្ទះរៀងៗខ្លួនបន្ថែមទៀត ដើម្បីរួមគ្នាធ្វើឱ្យខេត្តពោធិ៍សាត់ ក្លាយជាខេត្តដែលមានបរិស្ថានស្អាត និងមានភាពទាក់ទាញគ្រប់រដូវកាល៕

The post អភិបាលខេត្តពោធិ៍សាត់ ដឹកនាំកម្លាំងអន្តរាគមន៍ស្រោចស្រពសង្គ្រោះដើមឈើលម្អទ្រូងផ្លូវតាមបណ្តោយផ្លូវជាតិលេខ៥ appeared first on Kampuchea Thmey Daily.

មន្ត្រីអន្តរក្រសួងបានឱ្យដឹងថា​ ប្រជាពលរដ្ឋអាចចូលទស្សនាជុំវិញតំបន់ និងអាគារជាច្រើន ក្នុង​នោះមានអាគារផ្លិត និង​ប៉មបញ្ជាហោះហើរ ដែលត្រូវបានកសាងឡើងនៅទសវត្សរ៍ឆ្នាំ ១៩៥០។ ​

​រាជរដ្ឋាភិបាល​បានតុបតែងលម្អនៅតំបន់មួយចំនួន ​និង​ដាក់បដាផ្សេងៗ ​ដែល​មានរូបភាព​ជាល្បែង​ប្រពៃណី ដើម្បីអបអរបុណ្យចូលឆ្នាំ នៅក្នុងបរិវេណព្រលានយន្តហោះ។

​ការបើកសាកល្បងមានរយៈពេល ៩ ថ្ងៃ ចាប់ពីថ្ងៃសៅរ៍ទី ១១ ខែមេសា រហូតដល់ថ្ងៃអាទិត្យទី ១៩ មេសា ២០២៦ ដោយអនុញ្ញាតឱ្យប្រជាពលរដ្ឋចូលចាប់ពីម៉ោង ៥ ព្រឹក ហើយត្រូវចាក​ចេញ​នៅ​ម៉ោង​ ៩ យប់។ ​ការផ្ញើម៉ូតូ ​ត្រូវបង់កម្រៃ ១០០០ រៀល ​និងរថយន្ត ២០០០ ​រៀល។​

​​រាជរដ្ឋាភិបាល​បានតែងតាំង​សមាស​ភាព​ក្រុម​ការងារអន្តរក្រសួង ​ដើម្បី​អភិវឌ្ឍអាកាសយានដ្ឋាន​អន្តរជាតិភ្នំពេញ ទៅជា​សួន​សាធារណៈ ​និងមួយ​ផ្នែក​បម្រុង​ទុកការចុះចត​យន្តហោះ​ពេលមាន​អាសន្ន។ ​

​​អាកាសយានដ្ឋានអន្តរជាតិភ្នំពេញ ​ត្រូវបានកសាងឡើង​នៅឆ្នាំ ​១៩៥៤ ​លើផ្ទៃដី ​៣៨៦ ​ហិកតា ស្ថិត​នៅ​ខណ្ឌពោធិ៍សែនជ័យ ​រាជធានីភ្នំពេញ៕

អត្ថបទ៖ ឡេង ដេត

The post ​សួន​សាធារណៈព្រលានយន្តហោះចាស់ នឹងបើក​ឱ្យ​ពលរដ្ឋចូលទស្សនា ​នៅចុងសប្ដាហ៍នេះ​ appeared first on Kampuchea Thmey Daily.

​សម្ដេចមហាបវរធិបតី ហ៊ុន ម៉ាណែត ​នាយករដ្ឋមន្ត្រីកម្ពុជា ​បានសម្រេច​តែងតាំង​សមាស​ភាព​ក្រុម​ការ​ងារអន្តរក្រសួង មានសមាសភាព ១៤ រូប ដឹកនាំដោយលោក ឈាង វណ្ណារិទ្ធិ ​រដ្ឋលេខាធិការ នៃទីស្ដីការគណៈរដ្ឋមន្ត្រី ជា​ប្រធាន និងអនុប្រធាន ២ រូប គឺលោក ជា អូន រដ្ឋលេខាធិការ នៃរដ្ឋលេខាធិការដ្ឋាន​អាកាសចរស៊ីវិល និងលោក ផាន់ ផល្លារ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ​ព្រមទាំងសមាជិក ១១ រូប។​

​លោក ស៊ីន ចាន់សិរីវុត្ថា រដ្ឋលេខាធិការ និង​ជាអ្នកនាំពាក្យរដ្ឋលេខាធិការដ្ឋាន​អាកាស​ចរណ៍​ស៊ីវិល ​ប្រាប់កម្ពុជាថ្មីថា ​គណៈកម្មការគ្រប់គ្រងព្រលាសយន្តហោះអន្តរជាតិភ្នំពេញមានភារកិច្ច សំដៅលើការគ្រប់គ្រងហេដ្ឋារចនាសម្ព័ន្ធ ​ដែល​មាន​បច្ចុប្បន្ន ​ហើនឹងថវិកាដែលរដ្ឋប្រគល់ឱ្យ​ដើម្បីថែរក្សាអ្វីៗ​ដែលចាំបាច់ឱ្យ​ដំណើរ​ការ​ជាប្រក្រតី​ឡើង​វិញ ដូចជាប្រព័ន្ធ ទឹកភ្លើង លូ ស្ថានីយបូបទឹក ស្មៅ សួនច្បារ ដែល​ជាហេដ្ឋា​រចនា​សម្ព័ន្ធ​បន្ទាប់​បន្សំ។​

​លោកបានថ្លែងបញ្ជាក់ថា៖ «ឧទារហណ៍មានក្រុមហ៊ុនឯកជនចង់ធ្វើសំណើវិនិយោគ ​ធ្វើ​អ្វីមួយ ​គឺក្រុមការងារជាអ្នកពិនិត្យ និងសម្រេច ​មិនមែនរដ្ឋលេខាធិការដ្ឋាន​អាកាសចរណ៍​ស៊ីវិល​តែ​ឯងទេ»។

​រដ្ឋាភិបាលរំពឹងថា ​ការរៀបចំហេដ្ឋារចនាសម្ព័ន្ធ ​ការអភិវឌ្ឍន៍អាកាសយានដ្ឋានអន្តរជាតិភ្នំពេញ ​ទៅជាសួនសារធារណៈ ​នឹងរួចរាល់នៅក្នុងឆ្នាំ ២០២៦ ដែលនឹងចំណាយប្រមាណ ៣ លានដុល្លារ​ក្នុង​មួយឆ្នាំ ទៅលើការថែទាំ។​

​អាកាសយានដ្ឋានអន្តរជាតិភ្នំពេញ បានដាក់ឱ្យដំណើរការប្រមាណជិត ៧០ ឆ្នាំ មុនពេលបិទ ដំណើរ​ការនៅខែកញ្ញា ឆ្នាំ ២០២៥៕

អត្ថបទ៖ ឡេង ដេត

The post ​គណៈកម្មការ​គ្រប់គ្រង​ព្រលានយន្តហោះ​ចាស់ ​មាន​ភារកិច្ចពិនិត្យ ​និង​សម្រេច ​លើ​សំណើ​វិនិយោគ​ពីវិស័យ​ឯកជន​ appeared first on Kampuchea Thmey Daily.

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ឱ្យរដ្ឋបាលរាជធានីភ្នំពេញរៀបចំសួនសាធារណៈទំហំ៧០ហិកតា នៅភូមិសាស្ត្រទំនប់កប់ស្រូវ។ សម្ដេចធិបតី ហ៊ុន ម៉ាណែត បង្ហើបឱ្យដឹងពីគម្រោងបង្កើតសួនសាធារណៈបែបនេះ នៅក្នុងពិធីសម្ពោធដាក់ឱ្យប្រើប្រាស់ស្ពានអាកាសមរតកតេជោ នាព្រឹកថ្ងៃទី០៧ ខែមេសា ឆ្នាំ២០២៥។

សម្ដេចធិបតី ហ៊ុន ម៉ាណែត ឱ្យដឹងបែបនេះ៖« នៅរាជធានីភ្នំពេញ ខ្ញុំឱ្យរៀបចំនៅកន្លែងផ្លូវកប់ស្រូវ ត្រៀមដីប្រហែលជាង៧០ហិកតា ដើម្បីធ្វើសួនសាធារណៈឱ្យអ្នករាជធានីភ្នំពេញ លេងកម្សាន្ត សម្រាប់ធ្វើទីតាំងប្រគុំតន្ត្រីនាថ្ងៃសៅរ៍ អាទិត្យ ដើម្បីបង្កភាពសប្បាយរីករាយ ។»។

សម្ដេចធិបតី ហ៊ុន ម៉ាណែត ក៏បង្ហើបឱ្យដឹងថា ស្របពេលដែលកំណត់យកទីតាំងដីទំហំ៧០ហិកតានៅតំបន់កប់ស្រូវធ្វើជាសួនសាធារណៈ មានអ្នកផ្ដល់យោបល់ឱ្យសម្ដេចរើសយកទីតាំងផ្សេង ពីព្រោះដីតំបន់នោះជាដីតម្លៃមានតម្លៃថ្លៃ ពោលគឺទំហំ៧០ហិកតាមានតម្លៃ៧០លានដុល្លារ ដែលគួរអភិវឌ្ឍគម្រោងផ្សេងក្រៅពីសួនច្បារសាធារណៈ ប៉ុន្តែសម្ដេចបដិសេធចំពោះការផ្ដល់យោបល់នេះ ពោលគឺប្រកាន់ជំហរដាច់ខាតថាត្រូវតែធ្វើសួនឱ្យបានដើម្បីជាកន្លែងហាត់ប្រាណ និងទីសម្រាកកម្សាន្តរបស់ពលរដ្ឋ។

ជាមួយគ្នា សម្ដេចនាយករដ្ឋមន្ត្រី ឱ្យដឹង លោក ឃួង ស្រេង អភិបាលរាជធានីកំពុងតែបណ្ដុះកូនឈើជាច្រើនដើម ទុកដាំដើម្បីកាត់បន្ថយកម្ដៅ និងដាំនៅសួនសាធារណៈផ្សេងៗទៀត។

សម្ដេចធិបតី ហ៊ុន ម៉ាណែត ក៏ឱ្យដឹងដែរថា រដ្ឋាភិបាលគ្រោងបង្កើតសួនច្បារសាធារណៈជាច្រើនបន្ថែមទៀតនៅក្នុងភូមិសាស្ត្ររាជធានីភ្នំពេញទុកឱ្យសម្រាប់ប្រជាពលរដ្ឋហាត់ប្រាណ និងដើរកម្សាន្តសប្បាយ បន្ទាប់ពីធ្វើការនឿយហត់។

សម្ដេចប្រមុខរាជរដ្ឋាភិបាល ក៏ឱ្យរដ្ឋបាលខេត្តត្រៀមរៀបចំដីទំហំរាប់រយហិកតា ដើម្បីធ្វើជាសួនសាធារណៈឱ្យហើយ ដើម្បីជាផលប្រយោជន៍ជូនពលរដ្ឋ។

សម្ដេចធិបតី ក៏គាំទ្រចំពោះខេត្តកែប ដែលបានធ្វើសួនឆ្នេរខ្សាច់តាមមាត់សមុទ្រ ដើម្បីទាក់ទាញភ្ញៀវទេសចរ ទាំងជាតិ អន្តរជាតិ៕

The post សម្ដេចធិបតី ឱ្យរៀបចំសួនសាធារណៈទំហំ៧០ហិកតានៅទំនប់កប់ស្រូវ ដើម្បីពលរដ្ឋហាត់ប្រាណ appeared first on Kampuchea Thmey Daily.