វត្តមានសិល្ប:រៀមច្បងដែលធ្លាប់មានគុណជួយដល់កូនស្រីទី២របស់ខ្លួននោះ ត្រូវបានលោក សឿន វីតា បញ្ជាក់ថា រៀមច្បងរូបនេះជាតារាចម្រៀងជើងចាស់លោក ឃុំ ប៉ុណ្ណាដែត ដែលបានជួយថវិកាមួយចំនួន ដើម្បីអាចឲ្យលោកមានលទ្ធភាពនាំយកកូនស្រីជាទីស្រលាញ់ទៅមន្ទីពេទ្យ។

លោក សឿន វីតា បានរំលឹកថា ក្នុងថ្ងៃទី០៥ ខែ៣ ឆ្នាំ២០២៥ បងប្រុសបានជួយសង្គ្រោះជីវិតកូនស្រីទី២ របស់ខ្ញុំពេលដែលឈឺខ្លាំងកំដៅ ៤០អង្សារ ពេលនោះខ្ញុំអស់ផ្លូវដើរជំពាក់គេដើរដល់ផ្លូវទាលបានឆាតទៅគាត់សុំខ្ចីបង ១៥០ដុល្លារដើម្បីជូនកូនទៅពេទ្យ បងប្រុសឃើញភ្លាមបាញ់លុយមកភ្លាមដើម្បីជួយកូនខ្ញុំ ហើយប្រាប់ថាលុយនេះឲ្យជូនកូនប្អូនទៅណា។

លោក សឿន វីតា បាននិយាយទៀតថា គុណបុណ្យរបស់លោក ឃុំ ប៉ុណ្ណាដែត គឺលោកមិនដែលភ្លេចគុ ណទេហើយគាត់តែងផ្តល់កំលាំងចិត្តអោយរហូត។ចំ ណែកលោក ឃុំ ប៉ុណ្ណាដែត បានបញ្ជាក់ដែរថានេះ ទឹកចិត្តបន្តិចបន្តួចក្នុងពេលមានអាសន្នលោកក៏សប្បាយចិត្ត ពេលឃើញវីតាអាចងើបឈរបានខ្លះ និងអរគុណដល់ម្ចាស់បំណុលដែលយោគយល់ដល់គាត់ដូចគ្នា។

ជាការពិតតារាសម្តែងលោក សឿន វីតា សព្វថ្ងៃកំពុងតែរួមរឹតដោយសារជំពាក់បំណុលគេរាប់ម៉ឺនដុល្លារ ខណ:តារាប្រុសរូបនេះបានតស៊ូលក់ត្រីងៀតផ្អក និងម្ហូបផ្សេងៗទៀត ដើម្បីរើបម្រាស់ដោះស្រាយរឿងជំពាក់លុយគេ។ ទោះបីយ៉ាងណាលោក សឿន វីតា បានដាក់ក្តីសង្ឃឹមថាឆ្លងផុតឆ្នាំ២០២៤នេះ នឹងអាចដោះបំណុលបានច្រើន៕ អត្ថបទ៖ ចាន់រ៉ា

The post សឿន វីតា ទម្លាយរៀមច្បងសិល្ប:មួយរូបធ្លាប់ជួយ សង្គ្រោះជីវិតកូនស្រីពេលខ្លួនធ្លាក់ដល់ចំណុចសូន្យ appeared first on Kampuchea Thmey Daily.

តាមរយៈវីដេអូប្រមាណ ១២នាទី លោក សឿន វីតា បានស្នើដល់មហាជនជួយបរិច្ចាគថវិកាដល់និស្សិតពេទ្យស្រីរូបនេះ ដែលធ្លាក់ខ្លួនឈឺដល់ថ្នាក់ត្រូវលាងឈាម ខណៈបច្ចុប្បន្នកំពុងស្នាក់នៅបន្ទប់ជួលមួយកន្លែង ក្នុងភូមិសាស្ត្រ ភូមិចម្រើនផល សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។

គួរជម្រាបថា យុវតី ហឿន ស្រីនីត ធ្លាក់ខ្លួនឈឺត្រូវលាងឈាមតាំងពីឆ្នាំ២០២២ ខណៈដែលខ្លួនកំពុងសិក្សានៅឡើយ ហើយគ្រួសារត្រូវបង្ខំលក់ទ្រព្យសម្បត្តិខ្ទេចខ្ទី ដើម្បីចំណាយលើការព្យាបាល ដោយតម្រូវឱ្យលាងឈាម ១សប្តាហ៍ ចំនួន ២ដង រហូតធ្លាក់ខ្លួនជួលបន្ទប់ផ្ទះគេស្នាក់នៅ។

ឯមូលហេតុដែលឈានដល់ដំណាក់កាលលាងឈាមនេះ គឺដោយសារតែកាលពីកុមារភាព ឧស្សាហ៍មានបញ្ហាសុខភាពតម្រងនោម និងមាននោមឈាមទៀតផង។ សូមស្តាប់ការបញ្ជាក់បន្ថែម ក្នុងបទសម្ភាសរវាងយុវតីរូបនេះ ជាមួយលោក បូ ភក្ត្រា ។

ដោយក្តីអាណិតអាសូរ យុវតី ហឿន ស្រីនីត ក៏ត្រូវបានសាធារណជនស្រាក់ដៃគ្នាជួយជាថវិកាខ្លះ ដើម្បីបានបន្តការព្យាបាលផងដែរ។ ប៉ុន្តែយ៉ាងណាមិញ ស្ថានភាពរបស់នាង ក៏មិនខុសពីអ្នកមានបញ្ហាតម្រងនោមដែលត្រូវការលាងឈាមដទៃទៀតនោះដែរ ពោលគឺការវះកាត់ប្តូរក្រលៀន ប៉ុន្តែការចំណាយលើការវះកាត់នេះ គឺមានតម្លៃថ្លៃ ហួសលទ្ធភាពគ្រួសាររបស់នាង។

តែទោះបែបនេះ លោក សឿន វីតា ស្នើដល់មហាជនដែលមានចិត្តសប្បុរស ចូលរួមជាថវិកាតិចក្តីច្រើនក្តីទៅតាមលទ្ធភាព ដើម្បីសង្គ្រោះនារីម្នាក់ដែលធ្លាប់ជាទាហានអាវស ដោយបានរួមចំណែកជួយពលរដ្ឋក្នុងគ្រានៃជំងឺកូវីដកាលពីពេលកន្លងទៅ៕

The post សឿន វីតា កំពុងកៀរគរសប្បុរជនជួយនិស្សិតពេទ្យបញ្ចប់ការសិក្សាម្នាក់ ដែលត្រូវលាងឈាម (មានវីដេអូ) appeared first on Kampuchea Thmey Daily.

តាមរយៈគណនីហ្វេសប៊ុកផ្ទាល់ខ្លួន លោកបានបញ្ជាក់ដើមហេតុដែលធ្វើឱ្យបុរសចំណាស់រូបនោះ ប្រើពាក្យមិនសមរម្យលើខ្លួន គឺបន្ទាប់ពីលោកបានសរសេរសារមួយ បង្ហាញអារម្មណ៍ដឹងខុសក្រោយលើកឡើងរឿងអណ្តើក និងត្រូវគេមិនពេញចិត្តថ្មីនេះ ដោយរៀបរាប់ថា “ប្រពន្ធខ្ញុំគាត់ញាំបាយបណ្តើរនិយាយប្រាប់ថា បងត្រូវនិយាយអីត្រូវប្រុងប្រយ័ត្ន ព្រោះពេលខ្លះបងនិយាយទៅមិនត្រូវទាំងអស់ទេ។ អរគុណអូនដែលមិនស្តីបន្ទោសបងបន្ថែម។ អរគុណបងប្អូនដែលមិនខឹងខ្ញុំបន្ត”។

ក្រោយការសរសេររៀបរាប់បែបនេះ ស្រាប់តែម្ចាស់គណនីខាងលើប្រើភាសាមិនសមរម្យប្រមាថលោកតែម្តង ធ្វើឱ្យសាមុីខ្លួនលោកផ្ទាល់ទ្រាំមិនបាន ប្រតិកម្មតបសួរទៅបុរសចំណាស់រូបនោះវិញថា “លោកពូ ហេតុអីសម្តីពូលេងដល់ម៉ែខ្ញុំបែបនេះ លោកពូគួរតែសរសេរណែនាំខ្ញុំឱ្យសរសេរអក្សខ្មែរឱ្យបានត្រឹមត្រូវ លោកពូស្អប់ខ្ញុំ លោកពូជេរត្រឹមខ្ញុំបានហើយ តែនេះលោកពូសម្តីរដូចលើសហើយ ។ ចង់ជេរខ្ញុំ ដៀលខ្ញុំម៉េច ខ្ញុំទទួលយកបានដែរ តែកុំលេងដល់ម៉ែខ្ញុំអី“។

ជុំវិញរឿងរ៉ាវនេះ មហាជនបានសម្តែងការហួសចិត្ត ចំពោះបុរសចំណាស់រូបនោះ ដោយមតិខ្លះលើកឡើងថា នេះពុំមែនជាកំហុសឆ្គងអ្វីណាស់ណានោះទេ ដែលត្រូវប្រើពាក្យជេប្រទិច ពិសេសប្រមាថដល់អ្នកមានគុណលោកថែមទៀត។ ក្នុងនោះ អ្នកខ្លបញ្ចេញមតិថា បើខុសគួរជួយប្រាប់ កុំយកកំហុសតិចតួចជាធំ ព្រោះបើគ្មានខុស ក៏មិនអាចរកត្រូវឃើញដែរ៕

The post គ្រាន់តែសរសេរពាក្យ «ញុំា» ខុស! សឿន វីតា ត្រូវបុរសចំណាស់ម្នាក់ប្រមាថដល់អ្នកមានគុណ appeared first on Kampuchea Thmey Daily.

ក្នុងនោះតារាសម្តែងប្រុសរូបនេះក៏បានបញ្ជាក់ថានៅ ក្នុងខែធ្នូនាបំណាច់ឆ្នាំ២០២៤នេះ លោកត្រូវសងលុយគេ ៩០០០ដុល្លារ ព្រោះម្ចាស់បំណុលដែលលោកសន្យាចំនួន ៨នាក់ត្រូវសងដាច់។ ម្យ៉ាងទៀត លោកបានបង្ហាញគោលជំហរថា នៅឆ្នាំ២០២៥ខាងមុខឆាប់នេះ ខ្លួននឹងអាចមានលទ្ធភាពសងម្ចាស់បំណុលឯទៀតបានច្រើនទៅតាមសមត្ថភាពនៃការរកប្រាក់ចំណូល។

លោក សឿន វីតា បាននិយាយថា “សង្ឃឹមថាឆ្លងផុតលុយ៩០០០ដុល្លារនេះហើយខែមករាឆ្នាំ២០២៥ គឺត្រូវសងម្ចាស់បំណុលចិត្តធម៌ម្ចាស់លុយចិត្តបុណ្យ អរគុណម្ចាស់លុយចិត្តបុណ្យដែលលើកទឹកចិត្តមិនជេរមិនមើលងាយមិនទាហើយថែមទាំងជួយបាញ់លុយអោយថែមចឹញ្ចឹមគ្រួសារទៀត”។

តារាសម្តែងប្រុសលោក សឿន វីតា ដូចដែលអ្នកគាំ ទ្រដឹងហើយថា បច្ចុប្បន្នលោកកំពុងជួបការលំបាកដោយផុងខ្លួនរឿងរ៉ាវជំពាក់បំណុលគេរាប់ម៉ឺនដុល្លារ ខណ:កន្លងមកលោកក៏បានចេញសារដាស់តឿនម នុស្សមួយចំនួនកុំគិតខ្លីត្រូវប្រឹងប្រែងតស៊ូរបើនៅមានជីវិត ។

ប្រាកដណាស់តារា​សម្តែង​លោក សឿ​ន វី​តាធ្លាប់បាន ចេញមកទម្លាយការពិតជុំវិញរឿងរ៉ាវ ធ្លាក់ខ្លួនដល់​ចំណុចសូន្យ​បន្ទាប់​ពី​លោក​លង់ខ្លួនក្នុងកាជំពាក់បំណុល ​ដោយសារការចាញ់បោកនិងជួយអាសារដល់បុគ្គលមួយចំនួនដែលជាមនុស្សស្គាល់រាប់អានគ្នានិងមិត្តភក្តិជាដើម៕ ចាន់រ៉ា

The post សឿន វីតា សង្ឃឹមឆ្លងផុតឆ្នាំ២០២៤ អាចដោះបំណុលបានច្រើន appeared first on Kampuchea Thmey Daily.

សកម្មភាពនេះត្រូវបានមហាជនជាច្រើន បានសម្តែងការកោតសរសើរ និងគាំទ្រចំពោះទង្វើល្អពីសំណាក់តារាសម្តែងលោក សឿន វីតា និង តារាប្រុសលោកលោក អ៊ុន សិទ្ធា ដែលជាមិត្តភក្តិជិតស្និទ្ធនឹងគ្នា។ ដោយឡែក លោក អ៊ុន សិទ្ធា បានបញ្ជាក់ថា វីរៈ​សិល្បករ​ជេីងចាស់ បេីគ្មានពួកលោកទេក៏មិនអាចជំរុញលោកមកដល់ពេលនេះលេី​វិថី​សិល្បៈ​ដែរ។

លោក អ៊ុន សិទ្ធា បានឲ្យដឹងទៀតថា ការធ្វេីដោយទឹកចិត្ត​គោរព​ស្រលាញ់នឹងជ្រះថ្លាទោះតិចក្តី​ក៏ជាក្តីសុខដែរ ប្រសិនខ្ញុំនៅមានបុណ្យហេីយមាន​លទ្ធភាព​ច្រើន​ នឹងបានជួបជុំហេីយច្រេីនជាងនេះ​ ជាពិសេស​ វវីរៈសិល្បករជេីងចាស់។ លោកថាសូមឱ្យខ្ញុំក្លាយជាអ្នកមានឆាប់ៗក្នុងឆ្នាំថ្មីនេះ ​ដេីម្បីងាយស្រួលចែករំលែកក្តីស្រលាញ់បន្តទៀត​។

តាមរយ:នេះក៏មានការលើកឡើងថា មានទឹកចិត្តល្អណាស់ សឿន វីតា បើទោះបីខ្លួនលំបាកមិនសូវមានជីវភាពធូរធារដូចមុនបានរួមគ្នាជាមួយលោក អ៊ុន សិទ្ធា បង្កើតកម្មវិធីសប្បុរសធម៌ជួយដល់សិល្បករវ័យច្រើនហើយទទួលបានការសារទរយ៉ាងច្រើន៕ ចាន់រ៉ា

The post ទោះខ្លួនលំបាក សឿន វីតា និង អ៊ុន សិទ្ធា រួមគ្នាបង្កើតកម្មវិធីសប្បុរសធម៌ជួយដល់សិល្បករវ័យចាស់ appeared first on Kampuchea Thmey Daily.

ក្រោយប្រកាសរឿងបំណុលរបស់រាប់ម៉ឺនដុល្លារ មិនខ្វល់នឹងសម្តីអ្នកណា តារាសម្តែងប្រុស សឿន វីតា តែងតែបង្ហាញការតស៊ូនិងពុះពាររបស់ខ្លួន ក្នុងការប្រឹងប្រែងរកលុយដើម្បីសងប្រាក់ដល់ម្ចាស់បំណុលខ្លួន បើទោះបីជាលោកគ្មានលទ្ធភាពសងទាំងដុលក៏ដោយ ខណៈរាល់ថ្ងៃ លោកត្រូវប្រឹងប្រកបរបរដើម្បីផ្គង់ផ្គត់គ្រួសារផង និងដោះបំណុលគេផង។ តែទោះជាបែបនេះ លោកនៅតែព្យាយាមប្រកបរបរដោះបំណុលគេ និងបានចេញសារដាស់តឿនជារឿយៗ ដល់អ្នកដែលកំពុងស្ពាយបំណុលដូចជាលោក កុំគិតខ្លី និងត្រូវប្រឹងប្រែងតស៊ូដោះស្រាយបញ្ហាបំណុលរបស់ខ្លួនឱ្យអស់ពីលទ្ធភាព។

ជុំវិញការជំពាក់បំណុលនេះដែរ លោក សឿន វីតា ធ្លាប់បានបង្ហើបថា មូលហេតុដែលលោកផុងខ្លួនរឿងរ៉ាវជំពាក់បំណុលគេរាប់ម៉ឺនដុល្លារនេះ គឺដោយសារការចាញ់បោក និងជួយអាសារបុគ្គលមួយចំនួនដែលជាមនុស្សស្គាល់រាប់អានគ្នា រួមនិងមិត្តភក្តិ។

ដោយមើលឃើញពីការប្រឹងប្រែងដើម្បីដោះស្រាយបំណុល ប្រកបដោយទំនួលខុសត្រូវនេះ លោកក៏ត្រូវបាnសាធារណជន និងអ្នករាប់គ្នាមួយចំនួន បង្ហាញការសរសើរដល់លោកផងដែរ ដែលមិនចុះចាញ់នឹងបញ្ហា ហើយនៅតែរឹងមាំតស៊ូដោះស្រាយជានិច្ច។

គួររំលឹកថា កន្លងមក លោក សឿន វីតា តែងតែលើកឡើងពីគុណរបស់ម្ចាស់បំណុល ខណៈលោកក៏យល់ពីការលំបាករបស់ម្ចាស់បំណុលដែរ ជាហេតុដែលលោកមិនធ្លាប់គេចវេសពីឆាត ឬខល របស់ម្ចាស់បំណុលឡើយ ជាមួយនឹងទំនួលខុសត្រូវ។ លោកថា បើទោះជាបច្ចុប្បន្ន លោកមិនទាន់អាចសងបំណុលទាំងអស់បាន តែលោកក៏បាននិងកំពុងតស៊ូព្យាយាមរកស៊ីលក់ម្ហូបត្រីសាច់គ្រប់មុខតាមអនឡាញ ដើម្បីរក​លុយដោះបំណុល​គេ និង​សម្រាប់​ផ្គត់ផ្គង់​គ្រួសារផងដែរ៕

The post មិនដែលគេចវេស! សឿន វីតា តែងបង្ហាញឆន្ទៈរកប្រាក់សងគេ និងណែនាំកូនបំណុលដទៃទៀត ធ្វើដូចខ្លួន appeared first on Kampuchea Thmey Daily.

ជុំវិញរឿងរ៉ាវធ្លាក់ខ្លួនដល់​ចំណុចសូន្យ​ តារា​សម្តែង​រូបនេះ ធ្លាប់បានចេញមកទម្លាយការពិតរួចមកហើយ គឺដោយសារតែ​លោក​ចាញ់បោក និងជួយអាសារដល់បុគ្គលមួយចំនួន ដែលជាមនុស្សស្គាល់រាប់អានគ្នានិងមិត្តភក្តិជាដើម ទើបធ្វើឱ្យជីវិតលោកត្រូវដើរដល់ចំណុចមួយពិបាកឥតពណ៌នា ដោយត្រូវប្រឹងប្រកបរបរដើម្បីផ្គង់ផ្គត់គ្រួសារផង និងដោះបំណុលគេផង។

យ៉ាងណាមិញ លោក សឿន វីតា នៅតែប្រឹងប្រែងដើម្បីដោះស្រាយបំណុលខ្លួនដោយមានទំនួលខុសត្រូវ និងឆ្លៀតលើកទឹកចិត្ត អ្នកដែលមានបញ្ហាក្នុងជីវិត កុំគិតខ្លីឲ្យសោះ។ លោកថា “មុនអ្នកគិតខ្លី ចូរមើលជីវិតខ្ញុំដែលកំពុងខំប្រឹងដោះបំណុលគេ ២៩មុឺនដុល្លារ ទាំងយប់ទាំងថ្ងៃ ដោយសេចក្តីជឿជាក់ថា នឹងសងគេរួច ១០០ភាគរយឆាប់ៗខាងមុខនេះ”។

លោក សឿន វីតា បន្ថែមថា រាល់ថ្ងៃលោកមិនមែនមិនដឹងថា ម្ចាស់បំណុលរបស់លោកក៏កំពុងលំបាកនោះទេ ហើយលោកតែងឆាតតបតជាមួយម្ចាស់លុយរាល់ថ្ងៃ ក្នុងទំនួលខុសត្រូវ។ បើទោះជាបច្ចុប្បន្ន លោកមិនទាន់អាចសងបំណុលទាំងអស់បាន តែលោកក៏បាននិងកំពុងតស៊ូព្យាយាមរកស៊ីលក់ម្ហូបត្រីសាច់គ្រប់មុខតាមអនឡាញ ដើម្បីរក​លុយដោះបំណុល​គេ និង​សម្រាប់​ផ្គត់ផ្គង់​គ្រួសារផងដែរ៕ អត្ថបទ៖ ចាន់រ៉ា

The post សឿន វីតា ដាស់តឿនអ្នកគិតខ្លី ឲ្យមើលជីវិតរបស់លោក ដែលកំពុងតស៊ូដោះបំណុលគេជាង ២០មុឺនដុល្លារ appeared first on Kampuchea Thmey Daily.

លោក សឿន វីតា លើក​ឡើង​ថា នេះ​គឺជា​ការ​ជួយ​ចែករំលែក​ទឹកចិត្ត​ដ៏​ល្អ​ពី​សំណាក់​តារា​ចម្រៀង​អ្នកនាង សុគន្ធ នីសា ដើម្បី​លើកទឹកចិត្ត និង​ជួយ​ដល់​ការ​ខ្វះខាត នា​ពេលនេះ។

លោក វីតា លើក​ឡើង​បន្ត​ថា «ប្អូន​សែន​អរគុណ IdOl បងស្រី ដែល​ជួយ​ទិញ​ម្ហូប​ប្អូន ហើយ​ប្រាប់​ពី​របៀប​ព្យាបាល​របៀប​ខ្មែរ និង​ផ្ញើ​ស្រា.ស សុទ្ធ​មក​ឲ្យ​ត្រាំ​ថ្នាំ​ញាំ បារម្ភ​ក្រែង​ស្រា​ទិញ​ខ្លួនឯង​មិន​សុទ្ធ»។

លោក​លើក​ឡើង​បន្ត​ទៀត​ថា «មិន​ដែល​ជួប​មុខ​បងស្រី មិន​ដែល​ស្គាល់​គ្នា តែ​បងស្រី​សួរនាំ​សុខភាព រហូត ជូនពរ​បងស្រី​មាន​សុខភាព​ល្អ សម្រស់​កាន់តែ​ស្អាត ជោគជ័យ​គ្រប់​ការងារ»។ ជាមួយ​គ្នា​នេះ​ដែរ គេ​ក៏​ឃើញ​អ្នក​គាំទ្រ​មួយ​ចំនួន បាន​លើកទឹកចិត្ត​ដល់​តារា​សម្ដែង​លោក សឿន វីតា ឲ្យ​មាន​ភាព​តស៊ូ និង​រឹងមាំ​ផង​ដែរ។

សូម​ជម្រាប​ថា តារា​សម្ដែង​លោក សឿន វីតា កន្លងមក​ធ្លាប់​បាន​ចេញ​មក​ទម្លាយ​ការ​ពិត​ជុំវិញ​រឿងរ៉ាវ​ធ្លាក់​ខ្លួន​ស្ទើរ​ដល់​ចំណុចសូន្យ បន្ទាប់ពី​លោក​លង់ខ្លួន​ក្នុង​បំណុល​ដោយសារ​ការ​ចាញ់​បោក និង​ជួយ​អាសា​ដល់​បុគ្គល​មួយ​ចំនួន​ដែល​ជា​មនុស្ស​ស្គាល់​រាប់អាន​គ្នា។ យ៉ាងណាមិញ បច្ចុប្បន្ន លោក វីតា បាន​និង​កំពុង​តស៊ូ​ព្យាយាម​រកស៊ី​លក់​ម្ហូប​ត្រី​សាច់​គ្រប់មុខ​នៅ​តាម​អន​ឡាញ ដើម្បី​រក​លុយ​ដោះ​បំណុល​គេ និង​សម្រាប់​ផ្គត់ផ្គង់​គ្រួសារ៕

អត្ថបទ ៖ ចាន់រ៉ា

The post តារាសម្ដែង សឿន វីតា សរសើរចរិត សុគន្ធ នីសា ដែលជួយខ្លួនពេលជួបទុក្ខលំបាក appeared first on Kampuchea Thmey Daily.