ផ្ដើមចេញពីផលិតផលពេញនិយមក្នុងសហគមន៍ ឆ្ពោះទៅកាន់មហិច្ឆតាកម្រិតថ្នាក់ជាតិ៖ ហាង ផ្ទាល់ខ្លួន ទី២ របស់ក្រុមហ៊ុនVinamilk ក្នុងទីក្រុងភ្នំពេញ នាំមកនូវស្តង់ដាអាហារូបត្ថម្ភថ្មី និង បទពិសោធន៍ ផលិត ផល កាន់តែសម្បូរ បែប មក កាន់តែកៀក ប្រជាជន នៅក្នុងសហគមន៍មូលដ្ឋាន។ 

ភ្នំពេញ ៖ ក្រុមហ៊ុន Vinamilk ជាក្រុមហ៊ុនផលិតផលិតផលទឹកដោះគោឈានមុខគេ កម្រិតសកល ដែលត្រូវបានដាក់ឈ្មោះថាជា ម៉ាកយីហោទឹកដោះគោ ដែលមាន សក្ដានុពលបំផុត លើពិភពលោក  (World’s Most Promising Dairy Brand) ដោយBrand Finance ក្នុងរបាយការណ៍ម្ហូបអាហារ និងភេសជ្ជៈ ឆ្នាំ២០២៥ បាន បើកសម្ពោធហាងផ្ទាល់ខ្លួន ទី២ របស់ខ្លួនជាផ្លូវការ កាលពីថ្ងៃទី១ខែឧសភា ឆ្នាំ២០២៦ ក្នុងរាជធានីភ្នំពេញ ដែលមាន ទីតាំង ស្ថិត នៅ លើផ្លូវលេខ៤៨៨ ក្បែរផ្សារដើមថ្កូវ។ 

ការបើកសម្ពោធនេះ គឺជាការ បោះ ជំហាន មួយជំហាន ទៀត នៅ ក្នុង ការប្តេជ្ញាចិត្ត រយៈពេលវែងរបស់ក្រុមហ៊ុន Vinamilk ចំពោះប្រទេសកម្ពុជា ពោលគឺ  Vinamilk មិន មែនគ្រាន់តែ ជាហាងលក់រាយប៉ុណ្ណោះទេ ប៉ុន្តែ គឺ ជាម៉ាកយីហោ មួយដែល កំពុង ក្លាយ ជា ផ្នែកមួយនៃជីវភាពរស់នៅប្រចាំថ្ងៃរបស់គ្រួសារកម្ពុជា។

ផ្ដើម ពីការឈានជើងចូលទីផ្សារ រហូតឈានទៅ ដល់ការចាក់ឫសយ៉ាងរឹងមាំ

នៅពេល ក្រុមហ៊ុន  Vinamilk បានបើកហាងផ្ទាល់ខ្លួនដំបូងរបស់ខ្លួននៅលើមហាវិថី ហ្សាវ៉ាហារឡាលនេហ៍រុ កាលពីខែមីនា ឆ្នាំ២០២៦ នោះ គឺជាការ បង្ហាញខ្លួន ជំហានដំបូងជាផ្លូវការ។ សម្រាប់ ហាងថ្មី នៅ លើ ផ្លូវ៤៨៨ នេះ គឺ មាន អត្ថន័យកាន់តែ សំខាន់ ជាង មុន ថែមទៀតហើយនេះ គឺ ជា សញ្ញា បង្ហាញថា Vinamilk នឹង បន្ត មាន វត្តមាន  និងបន្តរីកចម្រើនឥតឈប់ឈរនៅទីនេះបន្ថែមទៀត។ ហាងផ្ទាល់ខ្លួន ទី២ នេះ គឺជា ផ្នែក មួយ នៃ ផែនការពង្រីកការវិនិយោគរបស់ក្រុមហ៊ុននៅក្នុងប្រទេសកម្ពុជា ហើយការគាំទ្រយ៉ាង ច្រើន ដែល ហាង ទី១ បានទទួល គឺ ជា ការ សាង ទំនុក ចិត្ត ឱ្យ ក្រុមហ៊ុនកាន់តែខ្លាំង ។ ចាប់តាំង ពី បើក ដំណើរការ នៅលើមហាវិថី ហ្សាវ៉ាហារឡាលនេហ៍រុ មកហាង ផ្ទាល់ខ្លួនផ្លូវការទី១ នេះ  បាន ទទួល ស្វាគមន៍ អតិថិជន យ៉ាងច្រើនកុះករពីគ្រប់មជ្ឈដ្ឋាន រាប់តាំងពី អាណាព្យាបាល ដែល មក ជាវផលិតផល ទឹកដោះគោ ស្រស់សម្រាប់បុត្រធីតា សម្រាប់ យកទៅ សាលា រហូត ដល់ បុគ្គលិក ការិយាល័យ ដែល ចូល មកទទួលទានការ៉េមម៉ាឆាជេឡាតូ ឬភេសជ្ជៈ Sparkling Kombucha បន្ទាប់ ពី ចេញ ពី ធ្វើការ។ ជ្រុងម្ខាង នៃ ហាង ដែល មានព័ត៌មាន រៀបរាប់ពីប្រវត្តិម៉ាកយីហោ និងធ្នើដាក់ផលិតផល គឺជា កន្លែង ដែលអតិថិជន ចូល ទស្សនា ច្រើន ជាង គេ។ ការចុះឈ្មោះ ជា សមាជិក ក៏ មាន ការ កើនឡើង ខ្លាំងផងដែរ ដោយ អតិថិជន ភាគច្រើន បាន ដឹង និងរកឃើញ នូវ ផលិតផល ទឹកដោះគោ ស្តង់ដា អន្តរជាតិ មានតម្លៃសមរម្យជាងអ្វីដែលពួកគាត់រំពឹងទុក។

ការពង្រីក ទីផ្សាររបស់ ក្រុមហ៊ុន Vinamilk ក្នុងប្រទេសកម្ពុជា នឹងមិនបញ្ឈប់ត្រឹមនេះទេ។ ក្រុមហ៊ុន មានបំណងបន្តពង្រីកវត្តមានរបស់ខ្លួន នៅតាមតំបន់សំខាន់ៗ ទូទាំងប្រទេស ដើម្បី នាំ យក បទពិសោធន៍ទិញទំនិញដ៏អស្ចារ្យនេះឱ្យខិត ទៅ កាន់តែកៀក ជាមួយ សហគមន៍ កម្ពុជា ក្នុង រយៈពេល ប៉ុន្មាន ខែខាងមុខទៀត។

ផលិតផលដែលរចនាឡើង ស្រប ទៅ តាមបរិបទ រស់នៅរបស់ប្រជាជនកម្ពុជា

ហាងថ្មីនៅលើផ្លូវ៤៨៨ នេះ មានលក់ផលិតផលគ្រប់ប្រភេទរបស់ក្រុមហ៊ុន Vinamilk ដែល ត្រូវបាន ជ្រើសរើស យ៉ាងយកចិត្តទុកដាក់  តម្រូវ ទៅ តាម តំរូវ ការប្រចាំថ្ងៃរបស់ប្រជាជនកម្ពុជា។ ផលិតផល ទឹកដោះគោ ខាប់ ដែលជាគ្រឿងផ្សំមិនអាចខ្វះបានក្នុងវប្បធម៌កាហ្វេរបស់កម្ពុជា ក៏ ត្រូវបានដាក់លក់ ទន្ទឹម គ្នា ជាមួយទឹកដោះគោស្រស់ និងទឹកដោះគោ UHT សម្រាប់អាហារពេលព្រឹកក្នុងគ្រួសារ និង អាហារូបត្ថម្ភ សម្រាប់កុមារ។ លើសពីនេះ ហាងផ្ទាល់ខ្លួននេះ ក៏បានណែនាំផលិតផលថ្មីៗ ដែល លើក កម្ពស់ ជម្រើសរបស់អតិថិជនកម្ពុជាផងដែរ។

ទឹកដោះគោប្រភេទ Pasteurised និង Organic Green Farm ព្រមទាំង ទឹកដោះគោស្រស់ ប្រភេទ ស្ករតិច ទទួលបានការគាំទ្រយ៉ាងខ្លាំងពី អតិថិជន ដែលយកចិត្តទុកដាក់ លើ សុខភាព។ រីឯទឹកដោះគោ យ៉ាអួ ម៉ាក Susu ក៏ បាន ក្លាយជាភេសជ្ជៈប្រចាំថ្ងៃសម្រាប់មនុស្សជាច្រើនផងដែរ។ ចំពោះ អ្នកដែលស្វែងរកបទពិសោធន៍ថ្មីវិញហាងក៏មាន បញ្ជរការ៉េមជេឡាតូ  ដែល មាន រសជាតិ លំដាប់ ខ្ពស់ រួមទាំងរសជាតិម៉ាឆា ផងដែរ កំពុង ផ្តល់ ជូន នូវ បទពិសោធន៍ ដែល កម្រ មាន នៅ លើទីផ្សារ។

លើសពីនេះ ហាងក៏ បាន នាំមកនូវជម្រើសអាហារូបត្ថម្ភ ពិសេសៗ ជាច្រើន ទៀត មកកាន់រាជធានី ភ្នំពេញ ផងដែរ រួមមាន៖ ទឹកដោះគោប្រូតេអ៊ីនខ្ពស់ និងយ៉ាអួក្រិចប្រូតេអ៊ីនខ្ពស់ សម្រាប់ អ្នក ផ្តោត លើ សុខភាព  និងរាងកាយសកម្ម, ភេសជ្ជៈ Sparkling Kombucha សម្រាប់ អ្នកចូលចិត្ត ភេសជ្ជៈ សុខភាព បែបទំនើប និងជម្រើសទឹកដោះគោ សរីរាង្គ  សម្រាប់ អ្នក ដែល ផ្តល់ អាទិភាព លើ ប្រភព ធម្មជាតិ សុទ្ធ។ ផលិតផលទាំងអស់នេះ មិនត្រឹមតែបង្កើនជម្រើសមុខទំនិញ សម្រាប់អតិជន តែ ប៉ុណ្ណោះ ទេ ប៉ុន្តែ ក៏ បានលើកកម្ពស់ស្តង់ដានៃការលក់រាយនូវផលិតផលទឹកដោះគោ និង អាហារូបត្ថម្ភ នៅ ក្នុង ប្រទេសកម្ពុជាទៀតផង។

ពិធី បើកសម្ពោធហាង

ដើម្បីស្វាគមន៍សហគមន៍ជុំវិញតំបន់ផ្សារដើមថ្កូវ ក្រុមហ៊ុន  Vinamilk នឹងរៀបចំសកម្មភាព និង ការ ផ្តល់ជូនពិសេសៗជាច្រើនក្នុងអំឡុងពេលសម្ពោធនេះ។ ហាងបើកបម្រើជារៀងរាល់ថ្ងៃ ចាប់ពី ម៉ោង ៨:០០ នាទីព្រឹក ដល់ ៩:០០ នាទីយប់។

កម្មវិធីទី១ — ការផ្តល់កាដូអនុស្សាវរីយ៍៖

• ជាវអស់ $10 ទទួលបានកែវព័រសឺឡែន  Vinamilk ដ៏ប្រណីតចំនួន ១

• ជាវអស់ $15 ទទួលបានថង់យួរ ក្រណាត់ ម៉ាក Vinamilkចំនួន ១

• ជាវអស់ $25 ទទួលបានថង់ យួរឆ្នូតរូត  ម៉ាក  Vinamilk ចំនួន១

កម្មវិធីទី២ — ការផ្តល់កាដូប្រចាំថ្ងៃ (ចន្ទ–សុក្រ)៖ សម្រាប់អតិថិជន៣០នាក់ដំបូង ចាប់ពីម៉ោង ៥:០០–៨:០០ នាទីល្ងាច នឹងទទួលបាន៖

• បន្តោង សោរូបខ្លាឃ្មុំ ឬកែវមានដៃ  ចំនួន ១ សម្រាប់ការជាវចាប់ពី $5 ឡើងទៅ

• ថង់ក្រណាត់ យួរ ចំនួន ១ (អាចជ្រើសរើសពណ៌បាន) សម្រាប់ការជាវចាប់ពី $10 ឡើងទៅ

បញ្ជាក់៖ ការផ្តល់ជូនពិសេសនេះ ដំណើរការត្រឹមថ្ងៃទី៣១ ខែឧសភា ឆ្នាំ២០២៦ តែប៉ុណ្ណោះ។

លោក Pham Hong Y ប្រធានផ្នែកលក់រាយ (Head of Retail) នៅ Vinamilk បានមានប្រសាសន៍ថា៖ “កម្ពុជា គឺជាទីផ្សាររយៈពេលវែងសម្រាប់យើង ហើយការពង្រីក សាខា មក កាន់ ទីនេះ ត្រូវ បាន ធ្វើ ឡើង ដោយការយកចិត្តទុកដាក់បំផុត។ ពួកយើង ទទួល បាន សញ្ញាជា វិជ្ជមាន ពីការ បើកដំណើរការ ហាងផ្ទាល់ខ្លួនទី១ របស់ យើង នៅលើមហាវិថី ហ្សាវ៉ាហារឡាលនេហ៍រុ ដែលស្ដែងចេញ តាមរយៈ ចំនួន សមាជិក ដែលបានចុះឈ្មោះ និងរបៀបដែលអតិថិជនបានស្វែងយល់ពីប្រវត្តិម៉ាកយីហោ និង ផលិតផល របស់យើង។ ហាងថ្មីនៅលើផ្លូវ ៤៨៨ នេះ គឺជាការ បោះមួយ ជំហានទៀត ក្នុង ការ នាំយក បទពិសោធន៍ របស់ Vinamilk ឱ្យកាន់តែខិត មកជិត គ្រួសារកម្ពុជា បន្ថែមទៀត ហើយយើងសង្ឃឹម ថា នឹង អាច កសាងទំនាក់ទំនងដ៏ល្អ នៅក្នុងសហគមន៍មួយនេះផងដែរ។”

អំពីក្រុមហ៊ុន VINAMILK

ក្រុមហ៊ុន Vinamilk ត្រូវបានបង្កើតឡើងក្នុងឆ្នាំ១៩៧៦ ជាក្រុមហ៊ុនទឹកដោះគោ និងអាហារូបត្ថម្ភឈានមុខគេ ដែលដំណើរការកសិដ្ឋានជីវថាមពលចំនួន ១៥កន្លែង  និងរោងចក្រផលិតចំនួន ១៦កន្លែង ពាសពេញពិភពលោក រួមទាំងនៅសហរដ្ឋអាមេរិកផងដែរ។ ក្រុមហ៊ុន ចែកចាយ ផលិតផល របស់ខ្លួនក្នុងប្រទេស និងដែនដី សរុប ជាង ៦៥ ប្រទេស រួមមាននៅអាស៊ី មជ្ឈិមបូព៌ា អឺរ៉ុប អាមេរិកអូស្ត្រាលី និងទីផ្សារថ្មីៗ នៅអាហ្វ្រិក និងអាមេរិកឡាទីន។

ក្រុមហ៊ុន Vinamilk បានបញ្ចូលបច្ចេកវិទ្យាទំនើប ក្នុងការរក្សាអាហារូបត្ថម្ភ ធានាសុវត្ថិភាពផលិតផល និងបន្តបង្កើនគុណភាព នៅគ្រប់ស្រឡាយផលិតផលនានា រាប់តាំងពីទឹកដោះគោលាយតាមស្តង់ដារគ្លីនិក រហូតដល់ទឹកដោះគោស្រស់ សម្បូរដោយរសជាតិប្លែកៗ។ ក្រុមហ៊ុន Vinamilk ទទួលបាន ការទទួលស្គាល់ជាសកលជាច្រើន រួមមាន ចំណាត់ថ្នាក់ ក្នុងចំណោមម៉ាកយីហោលំដាប់ពិភពលោកឈានមុខគេខាងផលិតផលទឹកដោះគោដោយ Brand Finance, ពានរង្វាន់ World Dairy Innovation Awards ឆ្នាំ២០២៥, ពានរង្វាន់ Clean Label Project Purity Award (សហរដ្ឋអាមេរិក), ពានរង្វាន់គុណភាព Monde Selection (បែលហ្ស៊ិក) និង ពាន រង្វាន់ Superior Taste Award ដោយវិទ្យាស្ថានរសជាតិអន្តរជាតិ (ទីក្រុងព្រុចសែល ប្រទេស បែលហ្ស៊ិក) ដែល ជា ការ ឆ្លុះបញ្ចាំង ឱ្យ ឃើញ នូវ ស្ដង់ដា គុណភាព ពិនិត្យ ផ្ទៀងផ្ទាត់ ដោយ ស្ថាប័ន ឯករាជ្យ នានាដែល មាន ការទទួលស្គាល់ នៅក្នុងទីផ្សារទាំងមូល។

ម្យ៉ាងទៀត ម៉ាកសញ្ញា Green Farm របស់ Vinamilk បានក្លាយជា ផលិតផល ដំបូងគេ នៅ លើ ពិភពលោក ដែលទទួលបាន «ការទទួលស្គាល់ចំនួន ៣» (Triple recognition) ក្នុងនោះ រួម មាន៖ ពានរង្វាន់ Clean Label Project Purity Award, ពានរង្វាន់កម្រិតមាស Monde Selection Gold Quality Award និងពានរង្វាន់ Superior Taste Award  ដែលជាលទ្ធផល បាន ឆ្លងកាត់ ការធ្វើតេស្តដោយឯករាជ្យយ៉ាងតឹងរ៉ឹង ពីស្ថាប័នបញ្ជាក់ស្តង់ដាអន្តរជាតិចំនួន ៣ ផ្សេង គ្នា៕

The post ក្រុមហ៊ុន Vinamilk ពង្រីកវត្តមាននៅកម្ពុជាបន្ថែមទៀត ដោយ បើកសម្ពោធហាងផ្ទាល់ខ្លួន ទី២ ជា ការ ស្ដែង ឱ្យឃើញ ជាថ្មី នូវការប្តេជ្ញាចិត្ត យូរអង្វែង របស់ ក្រុមហ៊ុន សម្រាប់ គ្រួសារកម្ពុជា appeared first on Kampuchea Thmey Daily.

ទូលព្រះបង្គំជាខ្ញុំ សូមសម្តែងនូវក្តីបារម្ភ ក្រោយពីទទួលព័ត៌មានថា ព្រះរោគមហារីកក្រពេញប្រូស្តាត (prostate cancer) របស់ព្រះករុណា ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត តម្រូវឱ្យព្រះអង្គទទួលការព្យាបាលដោយការវះកាត់តាមវេជ្ជបញ្ជា នៅមន្ទីរពេទ្យនារដ្ឋធានីប៉េកាំង នៃសាធារណរដ្ឋប្រជាមានិតចិន និងបន្តគង់ប្រថាប់នៅទីនោះមួយរយៈពេល ដើម្បីតាមដានត្រួតពិនិត្យ និងព្យាបាលព្រះរោគ ចាប់ពីថ្ងៃទី១៨ ខែមេសា ឆ្នាំ២០២៦នេះ។

ទូលព្រះបង្គំជាខ្ញុំ ទាំងអស់គ្នា សូមឧទ្ទិសបុណ្យកុសលទាំងឡាយ ដែលទូលព្រះបង្គំជាខ្ញុំទាំងអស់គ្នា បានកសាងកន្លងមក និងកម្លាំងចិត្ត ថ្វាយព្រះករុណា ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ឆ្លងកាត់ការវះកាត់ដោយជោគជ័យ ព្រមទាំងមានជំនឿជឿជាក់យ៉ាងមុតមាំថា ក្រោមការយកចិត្តទុកដាក់ខ្ពស់ក្នុង ការតាមដានត្រួតពិនិត្យ និងព្យាបាលពីសំណាក់ក្រុមគ្រូពេទ្យឯកទេស និងជំនាញៗ នៃសាធារណរដ្ឋប្រជាមានិតចិន ព្រះករុណា ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត នឹងបានឆាប់ជាសះស្បើយពីព្រះរោគជាក់ ជាពុំខាន។

ទូលព្រះបង្គំជាខ្ញុំទាំងអស់គ្នា សូមលើកហត្ថប្រណមបួងសួងដល់គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតារក្សាព្រះមហាស្វេតច្ឆត្រ ព្រះបារមីអតីតព្រះមហាវីរក្សត្រ ព្រះមហាក្សត្រ ព្រះមហាក្សត្រិយានីគ្រប់ព្រះអង្គ ជាទីគោរពសក្ការៈ សូមព្រះរាជមេត្តាអភិបាលថែរក្សា ព្រះករុណា ជាអម្ចាស់ជីវិត លើត្បូងជាទីគោរពសក្ការៈដ៏ខ្ពង់ខ្ពស់បំផុត ឆាប់បានជាសះស្បើយពីព្រះរោគ ព្រមទាំងមានព្រះរាជសុខភាពល្អ បរិបូរ កម្លាំងពលំមាំមួន ដើម្បីយាងនិវត្តន៍បន្តគង់ប្រថាប់ ក្នុងព្រះបរមរាជសម្បត្តិ ជាម្លប់ដ៏ត្រជាក់ត្រជុំរបស់មាតុភូមិកម្ពុជា និងប្រជានុរាស្ត្រខ្មែរគ្រប់រូបនៅទូទាំងព្រះរាជាណាចក្រកម្ពុជា ជាដរាបតរៀងទៅ។

សូម ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទ្រង់ព្រះមេត្តាប្រោស ទទួលនូវគារវភក្តីដ៏មហាខ្ពង់ខ្ពស់បំផុតពីទូលព្រះបង្គំជាខ្ញុំទាំងអស់គ្នា៕

The post ទូលព្រះបង្គំឃួង ស្រេងក្រាបបង្គំទូលថ្វាយព្រះពរព្រះករុណាជាអម្ចាស់ជីវិតលើត្បូងជាទីគោរពសក្ការៈដ៏ខ្ពង់ខ្ពស់បំផុតសូមឆាប់បានជាសះស្បើយពីព្រះរោគ appeared first on Kampuchea Thmey Daily.

ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា បងប្អូនដែលជាអតិថិជនបុរីឡេង ណាវ៉ាត្រា គម្រោងផ្លូវ៥១ និងគម្រោងកូនចាស្ម៊ីន ឡេង ណាវ៉ាត្រា (Jasmine) ខេត្តកំពង់ស្ពឺ ឲ្យបានជ្រាបថានេះជាថ្ងៃទី១ នៃដំណើរការទទួលពាក្យស្នើសុំធ្វើបណ្ណកម្មសិទ្ធិ ដោយនៅសល់រយៈពេល ៤ថ្ងៃបន្ថែមទៀត។

ទីតាំង៖ https://maps.app.goo.gl/1QWqJxtcAVAmYbF86?g_st=ic

ការបន្តទទួលពាក្យស្នើរសុំផ្ទេរកម្មសិទ្ធជូនអតិថិជនទាំងពីរគម្រោងខាងលើនេះ នឹងធ្វើឡើងចាប់ពីថ្ងៃទី៣០ ខែមីនា ឆ្នាំ២០២៦ រហូតដល់ថ្ងៃទី៣ ខែមេសា ឆ្នាំ២០២៦ ចាប់ពីម៉ោង ៨:៣០ព្រឹក រហូតដល់ម៉ោង ៥:០០ល្ងាច នៅសាលប្រជុំ៣៨៦ ជាន់ទី១ នៃទីស្នីការក្រសួងរៀបចំដែនដីនគររូបនីយកម្ម សំណង់ ដោយភ្ជាប់មកជាមួយនូវឯកសារដូចខាងក្រោម៖
១.កិច្ចសន្យាលក់ទិញដីឡូត៍និង/ឬផ្ទះ (ច្បាប់ដើម)។
២.វិក្កយបត្របង់ប្រាក់ ឬឯកសារបញ្ជាក់ការបង់ប្រាក់ (ច្បាប់ដើម)។
៣.ឯកសារពាក់ព័ន្ធនឹងការស្នើសុំចុះបញ្ជីផ្ទេរកម្មសិទ្ធិ ដូចមានក្នុងឧបសម្ព័ន្ធ។

The post ក្រុមការងារក្រសួងរៀបចំដែនដី ជួបជាមួយអតិថិជនគម្រោង ឡេង ណាវ៉ាត្រា ផ្លូវជាតិលេខ៥១ និងគម្រោង ឡេង ណាវ៉ាត្រា (Jasmine) appeared first on Kampuchea Thmey Daily.

នៅក្នុងកម្មវិធីសម្ពោធនេះ អ្នកចូលរួមទាំងអស់បានទទួលបទពិសោធន៍យ៉ាងពិសេស តាមរយៈកម្មវិធីដ៏សម្បូរបែបដូចជា ការធ្វើបទបង្ហាញពីផលិតផល HONOR Pad X8b និង HONOR X8d ដែលបង្ហាញពីសមត្ថភាពពិសេសៗ បច្ចេកវិទ្យាថ្មីៗ ព្រមទាំងមានការសម្តែងពីតារាកិត្តិយសល្បីៗ ដែលបាននាំមកនូវភាពសប្បាយរីករាយ។ អ្វីដែលគួរឲ្យចាប់អារម្មណ៍ក៏មានកម្មវិធី Talkshow ពី KOLs ដើម្បីចែករំលែកបទពិសោធន៍ពិតៗពីការប្រើប្រាស់ផលិតផលទាំងពីរនេះ។

·      HONOR Pad X8b ជម្រើសដ៏ឆ្លាតវៃសម្រាប់ជីវិតប្រចាំថ្ងៃ 

តម្លៃត្រឹមតែ $179 (WIFI) | $199 (LTE) មកជាមួយជាលក្ខណៈសម្បត្តិដូចជា ៖​

. ថាមពលថ្មធំ 10100mAh ប្រើប្រាស់ដោយគ្មានការបារម្ភ

. អេក្រង់ធំ 11Inch ងាយស្រួលមើល ជាមួយមុខងារការពារភ្នែក

. រូបរាងលោហៈធន់ អាចការពារគ្រប់ជ្រុងមាំគ្រប់កាលៈទេសៈជាមួយភាពធន់កម្រិតផ្កាយ 5 ពី SGS 

. Speaker 4 គ្រាប់គ្រប់ជ្រុង អាចទស្សនាវីដេអូដ៏ជក់ចិត្តជាមួយកម្រិតសំឡេងខ្លាំង ពីរោះ នាំមកនូវការកម្សាន្តដ៏រីករាយ

. HONOR Pad X8b អាចប្រើប្រាស់លើឯកសារការិយាល័យគ្រប់ប្រភេទ និងជួយឲ្យប្រសិទ្ធភាពការងារកាន់តែខ្ពស់ជាងមុន

. HONOR Pad X8b បំពាក់នូវមុខងារ Kid Mode បង្កើតនូវការកម្សាន្ត និងរៀនសូត្រសម្រាប់កូនៗរបស់អ្នកប្រកបដោយសុវត្ថិភាពបំផុត ដែលអាចគ្រប់គ្រងមាតិកាសមស្របសម្រាប់កុមារ កំណត់ពេលវេលាប្រើប្រាស់ច្បាស់លាស់ បច្ចេកវិទ្យាការពារភ្នែគ ជួយឲ្យកុមារលេងដោយគ្មានកង្វល់។ 

·        HONOR X8d ស្មាតហ្វូនដែលស៊ីវិល័យ ផ្តល់នូវបទពិសោធថ្មីលើសពីការរំពឹងទុក 

តម្លៃត្រឹមតែ $249 បាននាំមកនូវលក្ខណៈពិសេសៗជាច្រើនរួមាន៖ 

. រូបរាងស្តើង7.45mm ទម្ងន់ស្រាល 183.5g ប្រកបដោយភាពទាន់សម័យ និងងាយស្រួលចាប់កាន់

. ថាមពលថ្មធំ 7000mAh ប្រើបានពេញមួយថ្ងៃ ជាមួយនឹងបច្ចេកវិទ្យាសាកលឿន 45W

. ប៊ូតុងចុចប្រើប្រាស់ AI រហ័ស

. ធន់នឹងការធ្លាក់ពីកម្ពស់ 2ម៉ែត្រ និងការពារទឹកកម្រិត IP65 ការពារគ្រប់ជ្រុងជ្រោយ ជាមួយនឹងវិញ្ញាបនបត្រភាពធន់ SGS

. កាមេរ៉ាទំហំ 108MP Ultra-Clear ដែលអាចថតរូបបានច្បាស់ខ្លាំង ទោះហ្សូមក៏នៅតែច្បាស់ និងអាចរក្សាគុណភាពបានយ៉ាងច្បាស់ ជាមួយនឹង 3x Portrait Mode អាចថតរូបបាន Portrait បានស្អាតស្រស់ស្អាតតាមបែបធម្មជាតិ។ លើសពីនេះវាមាន AI Photo Editing ដែលជួយកែរូបភាពបានយ៉ាងឆ្លាតវៃដូចគ្នា ៖ AI Ultra HD (បង្កើនភាពច្បាស់រូបភាព) | AI Photo Expansion (ពង្រីកផ្ទៃរូបភាព) | AI Eraser (លុបវត្ថុដែលមិនចង់បានក្នុងរូបភាព) | AI Cutout (កាត់យកវត្ថុ ឬមនុស្សចេញពីផ្ទៃខាងក្រោយបានងាយ)

HONOR X8d មិនត្រឹមតែជាស្មាតហ្វូនទេ តែប្រៀបដូចមានជំនួយការនៅក្នុងដៃសំខាន់ៗដូចជា ៖ 

. AI Button 2.0 (AI Screen Translator \ AI Voice cloning detecting)  

. AI Long Press (Circle to Search \ AI Summary \ AI subtitle) 

. Double Click (AI memory 2.0 \ Single Press \ និង AI ផ្សេងៗទៀតជាច្រើន) 

. HONOR X8d មាន RAM 16GB (8+8GB) | ROM 128GB 

. HONOR X8d មាន 3 ពណ៌ Light Blue, Velvet Black, Velvet Grey 

សម្រាប់អតិថិជនដែលមានចំណាប់អារម្មណ៍ HONOR Pad X8b តម្លៃត្រឹមតែ $179 (WIFI) | $199 (LTE) ថែមកាដូដូចជា Case, Screen និង Keyboard។ សម្រាប់អតិថិជនដែលមានចំណាប់អារម្មណ៍ HONOR X8d តម្លៃ $249 ថែមកាដូ ដូចជា Case, Screen និង Speaker៕

The post តម្លៃលើសពីការរំពឹងទុក! HONOR សម្ពោធជាផ្លូវការនូវ HONOR Pad X8b និង HONOR X8d ជាមួយតម្លៃចាប់ពី $179 ប៉ុណ្ណោះ appeared first on Kampuchea Thmey Daily.

ឆ្លើយតបទៅនឹងដំណឹងនេះ ក្រុមហ៊ុន Sabay Digital Group បានសម្រេចចិត្តទិញយកភាគហ៊ុនទាំងមូលដែលធ្លាប់ត្រូវបានកាន់កាប់ដោយក្រុមហ៊ុន Major Cineplex Group ដែលនាំឲ្យប្រតិបត្តិការអាជីវកម្មរោងភាពយន្ត និងប៊ូលីងត្រូវបានកាន់កាប់ និងគ្រប់គ្រងដោយជនជាតិកម្ពុជាទាំងស្រុង។

ការផ្លាស់ប្តូរនេះ មិនមែនត្រឹមតែជាការសម្រេចចិត្តអាជីវកម្មជាលក្ខណៈយុទ្ធសាស្រ្តប៉ុណ្ណោះទេ ប៉ុន្តែវាជាការបោះជំហានដ៏មានអត្ថន័យដែលឈានឆ្ពោះទៅរកការពង្រឹងឧស្សាហកម្មវប្បធម៌ជាតិ និងកំណត់អនាគតនៃវិស័យភាពយន្តនិងការកម្សាន្តដែលឋិតក្នុងដៃរបស់ប្រជាជនកម្ពុជាយ៉ាងរឹងមាំ។

ជាផ្នែកមួយនៃការផ្លាស់ប្តូរនេះ ម៉ាកយីហោប៊ូលីង Blue-O ដែលមានស្រាប់នឹងត្រូវបានប្តូរទៅជា Sabay Rhythm & Bowl ដែលឆ្លុះបញ្ចាំងពីចក្ខុវិស័យរបស់ក្រុមហ៊ុន Sabay ក្នុងការបង្កើតការកម្សាន្តបែបទំនើបដែលពេញលេញដោយពង្រីកវិសាលភាពលើសពីខ្សែភាពយន្ត និងលើកកម្ពស់បែបផែននៃការរស់នៅ និងបទពិសោធន៍សង្គមសម្រាប់ទស្សនិកជនគ្រប់ជំនាន់។

ពិធីបើកសម្ពោធជាផ្លូវការនេះត្រូវបានធ្វើឡើងនៅសាលរោងភាពយន្ត Sabay ដែលស្ងិតនៅជាន់ទីពីរនៃផ្សារទំនើបAEON Mall ភ្នំពេញ ដោយមានការអញ្ជើញចូលរួមពីស្ថាប័នសារព័ត៌មានឈានមុខក្នុងស្រុក ថ្នាក់ដឹកនាំឧស្សាហកម្ម អ្នកជំនាញវិស័យកម្សាន្ត និងភ្ញៀវកិត្តិយសនានា។ វត្តមានរបស់ពួកគេបានបង្ហាញពីទំនុកចិត្តយ៉ាងខ្លាំងសម្រាប់សាធារណជន តម្លាភាព និងការប្តេជ្ញាចិត្តរយៈពេលវែងរបស់ Sabay ចំពោះឧស្សាហកម្មមួយនេះ។

ប្រតិបត្តិការនៅតាមបណ្តាទីតាំងរោងភាពយន្តទាំងប្រាំមួយនឹងនៅតែបន្តដោយគ្មានផលរំខាន។ ទស្សនិកជននឹងទទួលបានបទពិសោធន៍នៃអត្តសញ្ញាណម៉ាក់យីហោថ្មី ស្តង់ដាសេវាកម្មដែលល្អប្រសើរជាងមុន និងយុទ្ធសាស្រ្តឈានឆ្ពោះទៅមុខដែលសំដៅពង្រឹងវិស័យភាពយន្ត និងកម្សាន្តរបស់ប្រទេសកម្ពុជា។ Sabay នឹងទទួលខុសត្រូវរ៉ាប់រងទាំងស្រុងចំពោះបុគ្គលិក កន្លែងរោងភាពយន្តនិងប៊ូលីង សម្ភារៈ និងបច្ចេកវិទ្យា។

ក្រុមហ៊ុននឹងគ្រប់គ្រង និងវិនិយោគដោយឯករាជ្យទៅលើប្រព័ន្ធរបស់ខ្លួន រួមមានបច្ចេកវិទ្យា IMAX Laser និង ScreenX ដែលទើបដំឡើងថ្មី ក៏ដូចជាហេដ្ឋារចនាសម្ព័ន្ធបញ្ចាំងដែលមានស្រាប់។ ប្រព័ន្ធលក់សំបុត្រភាពយន្តថ្មី ការកក់សំបុត្រតាមប្រព័ន្ធអ៊ីនធឺណិត និងការផ្លាស់ប្តូរម៉ាក់យីហោថ្មីដែលកាន់តែប្រសើរជាងមុននឹងត្រូវបានណែនាំផងដែរ។ លើសពីនេះទៅទៀត ទីតាំងនៅក្នុងសាលនៃរោងភាពយន្ត Sabay នឹងត្រូវបានអភិវឌ្ឍជាថ្មីអោយមានបរិយាកាសដែលងាយស្រួលសម្រាប់អតិថិជន រួមមានទីតាំងធ្វើការរួមគ្នា ហាងកាហ្វេ និងទីតាំងកម្សាន្តដែលរចនាឡើងដើម្បីគាំទ្រទៅដល់ផលិតករភាពយន្តវ័យក្មេងនានាតាមរយៈបណ្តាញទំនាក់ទំនង ការសហការគ្នា និងឪកាសទទួលបានការបណ្តុះបណ្តាលនានា។

ថ្លែងក្នុងពិធីសម្ពោធជាផ្លូវការនេះ លោក ជី សិលា ដែលជាម្ចាស់រោងភាពយន្ត Sabay បានមានប្រសាសន៍ថា៖ “ថ្ងៃនេះ គឺជាថ្ងៃដែលបង្ហាញពីការប្តេជ្ញាចិត្តរបស់យើងចំពោះតម្លាភាព និងជាការចាប់ផ្តើមនៃដំណើររបស់រោងកុន Sabay ក្នុងការកសាងគ្រឹះដ៏រឹងមាំមួយនៅក្នុងប្រទេសកម្ពុជា ខណៈពេលដែលយើងកំពុងលើកកម្ពស់ស្តង់ដានៃឧស្សាហកម្មភាពយន្ត និងកម្សាន្តរបស់ប្រទេស។”

ក្រោមការដឹកនាំរួមគ្នាតែមួយ រោងភាពយន្ត Sabay នឹងបន្តរីកចម្រើនជាមួយមហិច្ឆតាច្បាស់លាស់ពីររួមមាន៖

•  ពង្រឹង និងវិនិយោគទៅលើវិស័យភាពយន្ត និងកម្សាន្តរបស់ប្រទេសកម្ពុជា

•  លើកកម្ពស់វិស័យកម្សាន្តជាតិតាមរយៈភាពរីកចម្រើនដោយចីរភាព

ខណៈជំពូកថ្មីនេះត្រូវបានចាប់ផ្តើម រោងភាពយន្ត Sabay តាំងជំហរជាសហគ្រាសដែលដឹកនាំដោយជនជាតិកម្ពុជាហើយប្តេជ្ញាក្នុងការផ្តល់អានុភាពទៅកាន់ទេពកោសល្យក្នុងស្រុក ការរីកចម្រើនដោយឯករាជ្យ និងជម្រុញអនាគតនៃឧស្សាហកម្មភាពយន្តនិងកម្សាន្តរបស់ប្រទេស។

អំពីរោងភាពយន្ត Sabay 

រោងភាពយន្ត Sabay ផ្តល់ជូននូវបទពិសោធន៍ភាពយន្តលំដាប់ពិភពលោកនៅទូទាំងប្រទេសកម្ពុជា ដោយរួមបញ្ចូលគ្នានូវបច្ចេកវិទ្យាទំនើបៗ ក្រុមការងារក្នុងស្រុកដែលមានបទពិសោធន៍ និងចក្ខុវិស័យយុទ្ធសាស្ត្ររយៈពេលវែង។ ម៉ាកយីហោនេះប្តេជ្ញាលើកកម្ពស់វិស័យភាពយន្ត និងការកម្សាន្តរបស់ប្រទេស ខណៈបង្កើតបទពិសោធន៍ដ៏មានអត្ថន័យ និងរីករាយសម្រាប់ទស្សនិកជនទូទាំងប្រទេស។

អំពីក្រុមហ៊ុន Sabay Digital Group

ក្រុមហ៊ុន Sabay Digital Group គឺជាក្រុមហ៊ុនប្រព័ន្ធផ្សព្វផ្សាយ និងបច្ចេកវិទ្យាឈានមុខគេមួយរបស់កម្ពុជា ដែលបង្កើតឡើងក្នុងឆ្នាំ ២០០៧ ជាមួយនឹងប្រតិបត្តិការចម្រុះលើខ្លឹមសារឌីជីថល ការកម្សាន្ត និងអាជីវកម្មទាក់ទងនឹងបែបផែនជីវិតរស់នៅ។ ចាប់តាំងពីឆ្នាំ ២០១០ មក Sabay បានវិនិយោគយ៉ាងសកម្មនៅក្នុងឧស្សាហកម្មភាពយន្ត និងភាពយន្ត រួមទាំងការចែកចាយភាពយន្ត ការផលិត និងវិនិយោគភាពយន្តក្នុងស្រុក និងប្រតិបត្តិការភាពយន្ត ដែលដើរតួនាទីយ៉ាងសំខាន់ក្នុងការអភិវឌ្ឍប្រព័ន្ធវិស័យកម្សាន្តបែបទំនើបរបស់ប្រទេសកម្ពុជា៕

The post រោងភាពយន្ត Sabay ដែលជាសមិទ្ធផលថ្មីក្នុងវិស័យភាពយន្ត និងការកម្សាន្តមានមោទកភាពប្រកាសពីការទិញសិទ្ធិផ្ដាច់មុខ appeared first on Kampuchea Thmey Daily.

The post សេចក្តីជូនដំណឹងស្តីពី ការអញ្ជើញចូលរួមពិគ្រោះថ្លៃ សម្រាប់ឆ្នាំ២០២៦ ជូនមន្ទីរកិច្ចការនារីខេត្តព្រះសីហនុ appeared first on Kampuchea Thmey Daily.

នាព្រឹកថ្ងៃអង្គារ ទី១០ ខែកុម្ភៈ ឆ្នាំ២០២៦ ដោយទទួលបានការចង្អុលបង្ហាញពីលោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ លោក ហុក សុទិត្យា ប្រធានការិយាល័យសាធារណៈការ ដឹកជញ្ជូន អនាម័យ បរិស្ថាន និងសណ្តាប់ធ្នាប់សាធារណៈ បានដឹកនាំក្រុមការងារចុះរៀបចំសណ្តាប់សាធារណៈរុះរើតូបលក់ដូរបាន១០០% នៅតាមបណ្តោយរោងចក្រ លើផ្លូវ១៣៤កាបេ ស្ថិតនៅក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ដើម្បីកាត់បន្ថយការកកស្ទះ​ ដោយនៅតំបន់នេះមានភាព មមាញឹកខ្លាំងដោយសាររោងចក្រច្រើន ដែលបង្កឱ្យមានការកកស្ទះចរាចរណ៍រាល់ថ្ងៃ ជាពិសេសពេលកម្មករចេញ-ចូលធ្វើការ។

អាជ្ញាធរបានឱ្យដឹងថា​ ដំណាក់កាលទី១ (ការជូនដំណឹង)៖ អាជ្ញាធរបានចុះចែកសេចក្តីជូនដំណឹងដល់ម្ចាស់តូប និងអាជីវករទាំងអស់ ដោយទុកឱកាសឱ្យពួកគេរុះរើដោយស្ម័គ្រចិត្តក្នុងរយៈពេលកំណត់, ដំណាក់កាលទី២ (ការចុះអប់រំផ្ទាល់)៖ កម្លាំងចម្រុះខណ្ឌ និងសង្កាត់ បានចុះណែនាំបន្ថែមដល់អ្នកដែលនៅរឹងរូស មិនទាន់អនុវត្តតាមសេចក្តីជូនដំណឹង, ដំណាក់កាលទី៣ (ការចុះរុះរើ)៖ ក្រោយផុតកំណត់ ក្រុមការងាររដ្ឋាបាលខណ្ឌ បានចុះរុះរើសំណង់ដែលមិនរុះរើតាមការកំណត់ ដើម្បីបើកមុខផ្លូវឱ្យមានភាពទូលាយឡើងវិញ។ ក្រោយពីរុះរើរួច​ ឃើញថា​ផ្លូវធំទូលាយ​ មានភាពស្រឡះល្អជាងមុន។

សូមបញ្ជាក់ថា ទីតាំងខាងលើបានសាងសង់តូបលក់ដូរអនាធិបតេយ្យ លើចិញ្ចើមផ្លូវ បង្កឱ្យមានសំរាម​ និងបាត់បង់សណ្តាប់ធ្នាប់សាធារណៈ។ ការប្រើប្រាស់ផ្លូវខុសគោលដៅ៖ ការរំលោភយកចិញ្ចើមផ្លូវធ្វើជាកន្លែងលក់ដូរផ្ទាល់ខ្លួន ដែលប៉ះពាល់ដល់អ្នកថ្មើរជើង និងយានយន្ត។ ​

អាជ្ញាធរបានបញ្ជាក់ថា​ វិធានការនេះគឺជាផ្នែកមួយនៃគោលនយោបាយភូមិ-សង្កាត់មានសុវត្ថិភាព និងការលើកកម្ពស់មុខមាត់រាជធានីភ្នំពេញឱ្យកាន់តែមានរបៀបរៀបរយ៕ អត្ថបទ ៖ សុខា

The post អាជ្ញាធរខណ្ឌពោធិ៍សែនជ័យ រុះរើតូបលក់ដូររំលោភ លើផ្លូវសាធារណ: ក្រោយជូនដំណឹងរួចមិនព្រមអនុវត្តតាម appeared first on Kampuchea Thmey Daily.

Please submit debt claims to:
Liquidator: REACHS & PARTNERS CO., LTD.
Address: #2282, St. 1970, Sangkat Phnom Penh Thmey, Khan Sen Sok, Phnom Penh, Cambodia
Tel: 023 230 333
Email: info@reachspro.com / sodanith@reachspro.com
pisey@reachspro.com / nasy@reachspro.com

The post Reminder and Re-notification to Creditors – Invitation to creditors to submit debt claims appeared first on Kampuchea Thmey Daily.