សោភាទេពី Archives - Kampuchea Thmey Daily

សោភា ទេពី ចេញមុខមកស្រាយក្រោយរងការចោទប្រកាន់ថាយកប្តីគេ

Chan Sotheavy — Tue, 05 May 2026 09:48:50 +0000

តារាចម្រៀងសាច់ខ្ចីកញ្ញា ញឹមសួន សោភាទេពី បានបង្ហាញការហួសចិត្ត និងបញ្ចេញប្រតិកម្មឆ្លើយតបបន្ទាប់ពីរងការរិះគន់ដោយការចោទប្រកាន់ថានាងលួចទំនាក់ទំនងយកប្តីគេ។

ការចេញមុខបកស្រាយពីសំណាក់តារាចម្រៀង សោ ភាទេពី ពេលនេះបានធ្វើឱ្យមហាជនអ្នកគាំទ្រមានការភ្ញាក់ផ្អើលនិងចាប់អារម្មណ៍ខ្លាំងព្រោះសុខៗសម្រាប់នាងចេញមកទម្លាយនូវរឿងរ៉ាវដ៏ហួសចិត្តខាងលើនេះ ទាំងផ្ទុះកំហឹងខ្លាំងៗបែបនេះ។

កញ្ញា សោភា ទេពី បានរៀបឱ្យដឹងថាកន្លងមកយករឿងមានផ្ទៃពោះឥឡូវមកបង្កើតសាច់រឿងថ្មីធ្វើសុីខ្ញុំពន្លើសកុហកថាខ្ញុំសុីប្តីគាត់នឹងចេះតែ edit video ចាស់ដែលខ្ញុំបានបែកគ្នាតាំងពីមួយឆ្នាំមុន ដែលខ្ញុំធ្លាប់ស្រលាញ់គ្នាទាំងដែលពួកគាត់បែកគ្នាដាច់ស្រាច់អស់៣ខែ ទើបខ្ញុំនឹងម្នាក់ប្រុសនឹងទាក់ទងគ្នា ប៉ុន្តែឥឡូវនេះម្នាក់ប្រុសនឹងម្នាក់ស្រីនោះគំរាមខ្ញុំជិត១ឆ្នាំហើយពេលគេត្រូវគ្នាវិញក៏ចូលដៃជើងគ្នាដើម្បីជាន់ពន្លិចខ្ញុំបែបនេះ។

តារាស្រី ញឹមសួន សោភាទេពី បានបញ្ជាក់បន្ថែមថា អ្នកណាដែលចូលដៃជើងប្រយ័ត្នផងនាងនឹងចាត់វិធា នការតាមផ្លូវច្បាប់ត្រូវ ចងចាំមាសសុទ្ធមិនខ្លាចភ្លើងទេខ្ញុំអះអាង ១០០០០ភាគរយ ហើយ យករឿងការងារខ្លួនមកផុសគឺបានន័យថាមានបំណងចង់បំផ្លាញការងារនាង ឬគំរាមថាបំផ្លាញការងារនឹងកេរិ៍ឈ្មោះខ្លួនព្រមទាំងអ្នកផ្ទះរបស់នាងក៏ដឹងឭគ្រប់គ្នាតែនាងប្លុកចោលរហូត។

គួរកត់សម្គាល់ថា តារាចម្រៀងវ័យក្មេងកញ្ញា ញឹមសួន សោភាទេពី ស្របពេលដែលអាជីពសិល្ប:កាន់តែមានភាពរីកចម្រើន និងទទួលបានការគាំទ្រនោះបច្ចុប្បន្ននាងក៏បានវិវឌ្ឍន៍ខ្លួនខ្លាំង ដើម្បីប្រជែងយកទីផ្សារសិល្ប:ក្តោបឱ្យណែនក្នុងដៃផងដែរ៕ ដោយ: ចាន់រ៉ា

The post សោភា ទេពី ចេញមុខមកស្រាយក្រោយរងការចោទប្រកាន់ថាយកប្តីគេ appeared first on Kampuchea Thmey Daily.

សោភា ទេពី បំផុសកូនខ្មែរចូលថែរក្សាវប្បធម៌ប្រពៃរបាំបុរាណ គុនល្បុក្កតោ ឱ្យអន្តរជាតិឃើញពីភាពដ៏អស្ចារ្យកម្ពុជា

Chan Sotheavy — Fri, 30 Jan 2026 10:28:32 +0000

តារាចម្រៀងកញ្ញា សោភាទេពី ថ្មីៗនេះបានចេញមកបំផុសក៏ដូចជាអំពាវនាវដល់កូនខ្មែរគ្រប់រូបត្រូវរួបរួមគ្នាក្នុងការថែរក្សាសម្បត្តិវប្បធម៌ ប្រពៃណី របាំបុរាណ គុនល្បុក្កតោ ឱ្យបានល្អដើម្បីបង្ហាញអន្តរជាតិឃើញនូវភាពដ៏អស្ចារ្យរបស់ប្រទេសកម្ពុជា។

តារាចម្រៀងវ័យក្មេង សោភាទេពី ក្រោយចូលប្រឡូកក្នុងវិស័យសិល្បៈរយៈពេលប៉ុន្មានឆ្នាំមកនេះ បច្ចុប្បន្នគេកត់សម្គាល់ថា ទាំងប្រជាប្រិយភាព និងសន្ទុះនៃការគាំទ្រហក់ឡើងមិនចាញ់តារារៀមច្បងនោះឡើយ។ មិនតែប៉ុណ្ណោះ រូបសម្ផស្សរបស់នាងក៏ជាលទ្ធភាពក្នុងការទាក់ទងបុរសៗឱ្យលង់ស្នេហ៍ទៀតផង។

ស្របពេលជាមួយគ្នានេះ តារាចម្រៀងសិចស៊ីកញ្ញាទេ ក៏បានចេញបំផុសតាមរយ:ខ្លឹមសារថាខ្មែរមានវប្បធម៌ អរិយធម៌មានរបាំអប្សរាដ៏អស្ចារ្យមានក្បាត់គុនល្បុក្កតោដ៏ខ្លាំងក្លា មានប្រាសាទរូបចម្លាក់ក្បូរក្បាច់រចនា មានច្រើនល្អប្រពៃយ៉ាងសម្បូរបែប ក្នុងនាមទេពីមានឈាមជ័រជាកូនខ្មែរ មានចិត្តក្លាហ៊ានបង្ហាញនូវអរិយធម៌ដ៏ល្អប្រពៃរបស់ខ្មែរ។

តារាចម្រៀងកញ្ញា ញឹមសួន សោភាទេពី បានបញ្ជាក់ថាខ្ញុំមានចិត្តអង់អាចហាត់រៀននៅក្បាច់គុនល្បុក្កតោ នឹងគុនខ្មែរទាំងខ្លួនជាមនុស្សស្រី សូមឱ្យបងប្អូនខ្មែរជំនាន់ក្រោយនឹងអន្តរជាតិបានឃើញថា ខ្មែរយើងមានរបាំមានប្រាសាទដ៏ទន់ភ្លន់និងអស្ចារ្យចូលថែរក្សាវប្បធម៌យើងទាំងអស់គ្នា”។

បើតាមការឱ្យដឹងពីស្រីស្អាត សោភាទេពី កាលពីកន្លងទៅនាងបានបញ្ជាក់ថា សម្រាប់ខ្លួននាងគឺអាចច្រៀងចម្រៀងទាំងភាសារខ្មែរ និងបរទេសបានរហូតដល់ ៨ភាសារឯណោះ។ ចំនួននេះត្រូវបានអ្នកគាំទ្រយល់ថា នាងជាតារាខ្មែរម្នាក់ដែលមានទេពកោសល្យ និងសមត្ថភាពខ្ពស់ដែលតារាមួយចំនួនទៀតពុំទាន់អាចធ្វើបានទេ៕ ដោយ : ចាន់រ៉ា

The post សោភា ទេពី បំផុសកូនខ្មែរចូលថែរក្សាវប្បធម៌ប្រពៃរបាំបុរាណ គុនល្បុក្កតោ ឱ្យអន្តរជាតិឃើញពីភាពដ៏អស្ចារ្យកម្ពុជា appeared first on Kampuchea Thmey Daily.

សោភាទេពី ស្នើទស្សនិកជនបោះឆ្នោតគាំទ្រ ដើម្បីសម្រេចក្តីស្រមៃក្នុងវិស័យ HipHop

អ៊ិន ពិសី — Fri, 22 Dec 2023 03:32:29 +0000

ជាការកត់សម្គាល់តារាចម្រៀងវ័យក្មេង ញឹមសួន សោភាទេពី ក្រោយចូលប្រឡូកវិស័យសិល្បៈ រយៈពេលប៉ុន្មានឆ្នាំមកនេះ បច្ចុប្បន្នគេមើលឃើញថា ទាំងប្រជាប្រិយភាព និងសន្ទុះ នៃការគាំទ្រគឺមានការហក់ឡើងមិនចាញ់តារារៀមច្បងនោះឡើយ។ មិនតែប៉ុណ្ណោះ រូបសម្ផស្សរបស់នាង ក៏ជាអំណោយផលក្នុងការទាក់ទាញបុរសៗ លង់ស្នេហ៍ទៀតផង។

ក្នុងនោះអ្វីដែលធ្វើឲ្យអ្នកគាំទ្រ និងប្រើប្រាស់បណ្ដាញសង្គមហ្វេសប៊ុកចាប់អារម្មណ៍ខ្លាំងជាងនេះគឺតារាស្រីកញ្ញា សោភាទេពី ថ្មីៗនេះ បានលេចវត្តមានចូលរួមប្រឡងកម្មវិធី The Rapper Cambodia រដូវកាលទី ១ ធ្វើឲ្យហ្វេនៗ និងគណៈកម្មការ ភ្ញាក់ផ្អើលជាខ្លាំង ព្រោះកន្លងមកនាងពុំធ្លាប់បង្ហើបឲ្យនរណាម្នាក់ដឹងទេថានឹងចូលច្រៀងរ៉េបបែបនេះ។

ជាមួយគ្នា នៃការបង្ហាញវត្តមានប្រឡងនេះដែរ កញ្ញា ញឹមសួន សោភាទេពី បានចេញមកស្នើសុំទស្សនិកជនបោះឆ្នោតគាំទ្រ ដើម្បីសម្រេចនូវក្តីស្រមៃក្នុងវិស័យ HipHop ខណៈកម្មវិធីប្រឡង «The Rapper Cambodia» ជាកម្មវិធីប្រឡងចម្រៀងបែបរ៉េបដ៏ល្បីមួយមានផ្សាយលើកញ្ចក់ទូរទស្សន៍បាយ័ន។

កញ្ញា សោភាទេពី បានលើកឡើងថា «ជម្រាបសួរ បងប្អូនទាំងអស់គ្នា ដែលស្រឡាញ់ និងគាំទ្រ ទេពី សូមបងប្អូនជួយបោះឆ្នោតគាំទ្រសម្រាប់ (Fan Favorite) ឲ្យនាងខ្ញុំបានសម្រេចនូវក្តីស្រមៃដែលស្រឡាញ់វិស័យ HipHop ដែលអ្នកឈ្នះគឺមានតែ ១ នាក់គត់ លេខសម្គាល់របស់ខ្ញុំ គឺ FF20»។

គួរបញ្ជាក់ថា កញ្ញា សោភាទេពី សព្វថ្ងៃក៏បានកំពុងក្លាយជាទីចាប់អារម្មណ៍របស់មហាជន និងអ្នកគាំទ្រផងដែរ តាមរយៈទេពកោសល្យសិល្បៈ និងទឹកដមសំឡេងច្រៀងយ៉ាងពីរោះផ្អែមបំពេអារម្មណ៍អ្នកស្តាប់។ ម្យ៉ាងទៀត នាង ក៏ត្រូវបានទស្សនិកជនសរសើរ ព្រោះតារាវ័យជាង ២០ ឆ្នាំ រូបនេះ អាចច្រៀងចម្រៀងបានគ្រប់ចង្វាក់ ហើយច្រើនភាសាថែមទៀត។

បើតាមការឲ្យដឹងពីស្រីស្អាត ញឹមសួន សោភាទេពី កាលពីកន្លងទៅបានបញ្ជាក់ថា សម្រាប់ខ្លួននាងគឺអាចច្រៀងចម្រៀងទាំងភាសាខ្មែរ និងបរទេសបានរហូតដល់ ៨ ភាសាឯណោះ។ ចំនួននេះត្រូវបានអ្នកគាំទ្រយល់ថា នាងជាតារាខ្មែរម្នាក់ មានទេពកោសល្យ និងសមត្ថភាពខ្ពស់ ដែលតារាមួយចំនួនទៀតពុំទាន់អាចធ្វើបានទេ៕

អត្ថបទ ៖ ចាន់រ៉ា

The post សោភាទេពី ស្នើទស្សនិកជនបោះឆ្នោតគាំទ្រ ដើម្បីសម្រេចក្តីស្រមៃក្នុងវិស័យ HipHop appeared first on Kampuchea Thmey Daily.