នៅក្នុងការចុះពិនិត្យនេះ អាជ្ញាធរបានរកឃើញសំណង់ដែលកំពុងដំណើរការសាងសង់យ៉ាងសកម្ម ប៉ុន្តែនៅពេលមន្ត្រីជំនាញសាកសួររកលិខិតអនុញ្ញាតសាងសង់ (ច្បាប់សាងសង់) ម្ចាស់សំណង់មិនមានឯកសារមកបង្ហាញជូនក្រុមការងារនោះទេ។ ការចុះពិនិត្យនេះធ្វើឡើងបន្ទាប់ពីមានការរាយការណ៍ និងដើម្បីធានាថា រាល់ការសាងសង់ទាំងអស់ត្រូវតែគោរពតាមប្លង់គោលនគរូបនីយកម្ម និងបទដ្ឋានបច្ចេកទេសជាធរមាន។

ក្រោយពីការពិនិត្យ អាជ្ញាធរបានសម្រេចអនុវត្តវិធានការផ្អាកការសាងសង់ និងបញ្ឈប់រាល់សកម្មភាពមេជាង និងកម្មករមិនឱ្យបន្តការងារនៅទីតាំងនោះរហូតដល់មានការដោះស្រាយ។ ក្នុងនោះផងដែរក្រុមការងារបានធ្វើកំណត់ហេតុផ្អាកសកម្មភាព និងឱ្យមេជាងដែលជាអ្នកម៉ៅការសាងសង់ផ្តិតមេដៃទទួលដឹងឮ ព្រោះម្ចាស់សំណង់មិនបានចូលរួម។

ក្នុងនោះ លោកហាក់ សុខមករា អភិបាលរងខេត្តកណ្តាល បានបញ្ជាក់ថា៖ការសាងសង់ដោយគ្មានច្បាប់អនុញ្ញាត មិនត្រឹមតែល្មើសនឹងច្បាប់ស្តីពីសំណង់ប៉ុណ្ណោះទេ ប៉ុន្តែវាក៏អាចបង្កហានិភ័យដល់សុវត្ថិភាពអ្នករស់នៅ និងប៉ះពាល់ដល់សណ្តាប់ធ្នាប់សាធារណៈផងដែរ។

អាជ្ញាធរខេត្ត ក៏បានអំពាវនាវដល់ប្រជាពលរដ្ឋ ក៏ដូចជាម្ចាស់សំណង់ និងអ្នកអភិវឌ្ឍន៍ទាំងអស់ សូមមេត្តាសុំច្បាប់អនុញ្ញាតសាងសង់ជាមុនសិន មុននឹងចាប់ផ្តើមដំណើរការសាងសង់ ដើម្បីជៀសវាងការខាតបង់ពេលវេលា និងថវិកា នៅពេលអាជ្ញាធរចុះអនុវត្តវិធានការច្បាប់បែបនេះ ហើយនឹងបន្តតាមដានយ៉ាងយកចិត្តទុកដាក់បំផុត ចំពោះរាល់សំណង់ទាំងឡាយណាដែលសាងសង់ដោយបំពានច្បាប់៕

The post អាជ្ញាធរខេត្តកណ្តាល ចុះផ្អាកសំណង់គ្មានច្បាប់អនុញ្ញាតមួយកន្លែងនៅស្រុកស្អាង appeared first on Kampuchea Thmey Daily.

ការ​ស្នើ​នេះ​ក្នុង​ឱកាស លោកស្រី បាន ស្រីមុំ អញ្ជើញ​ដឹកនាំ​កិច្ចប្រជុំ​ស្ដីពី​ការ​ត្រួតពិនិត្យ​ការងារ​គ្រប់​គ្រង​សំណង់​នានា ក្នុង​ភូមិសាស្ត្រ​ខេត្ត​ប៉ៃលិន ជាមួយ​មន្ត្រី​ជំនាញ និង​អាជ្ញាធរ​មូលដ្ឋាន ព្រមទាំង​តំណាង​ម្ចាស់​សំណង់ កាលពី​ព្រឹក​ថ្ងៃ​ទី ០១ ខែ​កញ្ញា ឆ្នាំ ២០២៥។

នា​ឱកាស​នោះ លោកស្រី បាន ស្រីមុំ លើក​ឡើង​ថា បច្ចុប្បន្ន រដ្ឋបាល​ខេត្ត​ប៉ៃលិន បាន​និង​កំពុង​ពង្រឹង​នូវ​យន្តការ​ទាំងឡាយ​ទាក់ទង​នឹង​ច្បាប់​សាងសង់ ដោយ​ធ្វើ​យ៉ាងណា​ឱ្យ​ខេត្ត​មាន​សំណង់​ប្រកប​ដោយ​សុវត្ថិភាព សោភ័ណភាព ព្រមទាំង​បាន​ខិតខំ​កែលំអ​ហេដ្ឋារចនាសម្ព័ន្ធ​សាធារណៈ​នានា រួម​ទាំង​ការ​ដាំ​ដើមឈើ ការ​ដាំ​ផ្កា​លំអ​បន្ថែម ការ​ថែទាំ ការ​កែលំអ​ហេដ្ឋារចនាសម្ព័ន្ធ​សួនច្បារ សួន​ពុះ​ចែក​ទ្រូងផ្លូវ ឱ្យ​កាន់តែ​ល្អ​ឡើង ដើម្បី​ឆ្លើយតប​តម្រូវការ​របស់​ប្រជាពលរដ្ឋ​លើ​ផ្នែក​បរិស្ថាន សុខភាព ក៏​ដូចជា​បន្ថែម​ក្រវាត់​ពណ៌​បៃតង​ក្នុង​ទីក្រុង ប្រកប​ដោយ​សោភ័ណភាព​ស្រស់បំព្រង ក្នុង​ការ​ទាក់ទាញ​ភ្ញៀវ​ជាតិ និង​អន្តរជាតិ មក​កម្សាន្ត​ក្នុង​ខេត្ត​ប៉ៃលិន ឱ្យ​កាន់តែ​ច្រើន ដែល​ជា​កត្តា​មួយ​ចូលរួម​ចំណែក​ជំរុញ​កំណើន​សេដ្ឋកិច្ច​ជីវភាព​ពលរដ្ឋ​កាន់តែ​ប្រសើរ។

លោកស្រី បាន ស្រីមុំ បាន​អំពាវនាវ​ដល់​ប្រជាពលរដ្ឋ​រស់នៅ​តាម​ដង​ផ្លូវ​ទាំងអស់ ត្រូវ​រួមគ្នា​គោរព​ច្បាប់ ហើយ​ប្រសិន​បើ​មាន​ការ​សាងសង់​ផ្ទះ ឬ សាងសង់​កន្លែង​អាជីវកម្ម​ផ្សេងៗ ត្រូវ​សុំ​ច្បាប់​សាងសង់​ជាមុន​សិន ជៀសវាង​មាន​បញ្ហា​ប្រឈមមុខ​នានា ដូចជា សំណង់​គ្មាន​ច្បាប់​អនុញ្ញាត សំណង់​ខុស​បច្ចេកទេស និង​ការ​សង់​រំលោភ​លើ​ដី​ចំណី​ផ្លូវ​តាម​សាធារណៈ ដែល​បណ្ដាល​ឱ្យ​ខាត​ពេលវេលា និង​ថវិកា។

ជាមួយ​នេះ លោកស្រី​អភិបាល​ខេត្ត ក៏បាន​ជំរុញ​មន្ត្រី​ជំនាញ​គ្រប់​ជាន់ថ្នាក់ និង​អាជ្ញាធរ​មូលដ្ឋាន ត្រូវ​បន្ត​ទប់ស្កាត់​ការ​រំលោភ​លើ​ដី​សាធារណៈ ដូចជា ៖ ដី​ចំណី​ផ្លូវ​សាធារណៈ និង​សួនច្បារ​សាធារណៈ ដែល​ធ្វើ​ឱ្យ​ប៉ះពាល់​ដល់​សោភ័ណភាព សណ្ដាប់ធ្នាប់ និង​សុវត្ថិភាព​សាធារណៈ នៅ​តាម​ទីក្រុង ទីប្រជុំជន ជាពិសេស​ការ​ទប់ស្កាត់​ឱ្យ​បាន​រាល់​ការ​សាងសង់​សំណង់​ខុសច្បាប់ ព្រមទាំង​បន្ត​ផ្សព្វផ្សាយ និង​ធ្វើការ​ណែនាំ​ដល់​ប្រជាពលរដ្ឋ ម្ចាស់​សំណង់ និង​អ្នក​អភិវឌ្ឍន៍​អចលវត្ថុ ឱ្យ​យល់ដឹង​អំពី​ច្បាប់ និង​លិខិត​បទដ្ឋាន​គតិយុត្តិ​ពាក់ព័ន្ធ​វិស័យ​សំណង់ និង​គោលការណ៍​ណែនាំ​ផ្សេងៗ របស់​រាជរដ្ឋាភិបាល៕

អត្ថបទ ៖ សេង សុវណ្ណារិទ្ធ

The post អភិបាលខេត្តប៉ៃលិនស្នើពលរដ្ឋសហការជាមួយមន្ត្រីជំនាញ ទប់ស្កាត់សំណង់​ខុសបច្ចេកទេស និងសង់រំលោភលើដីចំណីផ្លូវ appeared first on Kampuchea Thmey Daily.

លោក យុិន វុធ ចៅសង្កាត់ច្បារអំពៅទី២ បានឲ្យដឹងថា នៅព្រឹកថ្ងៃទី៨ខែកក្កដានេះ លោកបានដឹកនាំកម្លាំងចម្រុះចុះរុះរើរោងអនាធិបតេយ្យចំនួន៤ដែលកំពុងសាងសង់ស្នាក់នៅដោយខុសច្បាប់លើដីហាមឃាត់ស្ថិតនៅដំបន់ច្រាំងទន្លេក្នុងភូមិដើមចាន់១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

លោកចៅសង្កាត់បានបន្តថា ចំពោះក្រុមដើរសង់រោងស្នាក់នៅដោយខុសច្បាប់នេះ បើសិនជាមិនទប់ស្កាត់ទាន់ពេលទេនោះ គឺធ្វើឲ្យអ្នកដ៏ទៃមកចាប់ដីសង់រោងរស់នៅខុសច្បាប់រួចទាមទារប្រាក់សំណងពីរដ្ឋ ហើយបើមិនឲ្យគឺពួកគេច្បាស់ជាឡាំប៉ាជាពុំខាន។ ក្នុងសកម្មភាពខាងលើនេះ ប្រជាពលរដ្ឋសាទរចំពោះអាជ្ញាធរដែលបានទប់ស្កាត់ទាន់ពេល ព្រោះជនទាំងនេះដើរចាប់ដីទំនេៗមិនដឹងជារបស់រដ្ឋឬឯកជនឡើយ៕

អត្ថបទ៖ នរា

The post អាជ្ញាធរសង្កាត់ច្បារអំពៅទី២ ចុះរុះរើរោងស្នាក់នៅសង់បែបអនាធិបតេយ្យលើដីច្រាំងទន្លេ appeared first on Kampuchea Thmey Daily.

លោក ម៉ឹង វុធី អភិបាលរងខេត្ត កាលពីព្រឹកថ្ងៃទី ០៦ ខែមករា ឆ្នាំ២០២៥ បានដឹកមន្រ្តីជំនាញនៃមន្ទីរវប្បធម៌ និងវិចិត្រសិល្បៈ មន្ទីរធម្មការ និងសាសនា មន្ទីររៀបចំដែនដី នគរូបនីយកម្ម សំណង់ និងសុរិយោដី មន្ទីរព័ត៌មាន និងអាជ្ញាធរស្រុកព្រៃកប្បាស ឃុំចំប៉ា ភូមិចំប៉ា ដើម្បីពិនិត្យសំណង់ និងរូបបដិមារមួយចំនួនដែលបាននឹងកំពុងសាងសង់ និងបានសម្រេចផ្អាកភ្លាមៗនូវការសាងសង់សំណង់នានា ព្រោះតែគ្មានច្បាប់អនុញ្ញាត និងគ្មានលក្ខណៈត្រឹមត្រូវតាមបច្ចេកទេសសំណង់។

លោក ម៉ឹង វុធី អភិបាលរងខេត្តតាកែវ ដែលបានដឹកនាំមន្រ្តីជំនាញចុះពិនិត្យទីតាំងនេះ បានគូសបញ្ជាក់ថា ទីតាំងនេះសាងសង់នេះ សង់លើផ្ទៃដីទំហំប្រមាណសរុប១៤ហិកតា សាងសង់តាំងពីឆ្នាំ២០១៤ រហូតមកដល់បច្ចុប្បន ហើយមានរូបបដិមាករជាច្រើន មិនសមស្របតាមលក្ខណៈរចនាបទបច្ចេកទេសរបស់វប្បធម៌ខ្មែរ ការសាងសង់សំណង់នានា(អគារគុណមាតាមិតា ប្រាសាទជល់មុន្នី១៨សែនកោដ អគារកម្ពស់៥ជាន់)មិនបានឆ្លងកាត់ជំនាញវិស្វករ ត្រួតពិនិត្យ និងមិនមានច្បាប់អនុញ្ញាត(ធ្វើតាមការបញ្ជាពី លោក ធាន វុទ្ធី) និងរូបបដិមាករគ្មានការពិនិត្យពីជំនាញ និងមិនមានក្បួនខ្នាតត្រឹមត្រូវ ឡើយ។ លោក ម៉ឹង វុធី បានបន្ថែមទៀតថា ក្រោយពីក្រុមការងារជំនាញ បានចុះពិនិត្យយ៉ាងយកចិត្តទុកដាក់ និងល្អិតល្អន់ ក៏បានសម្រេចណែនាំឱ្យផ្អាករាល់ការសាងសង់ទាំងអស់ និងសូមឱ្យម្ចាស់ការដ្ឋានសាងសង់សហការជាមួយអាជ្ញាធរ និងមន្ទីរអង្គភាពជំនាញ ដើម្បីសហការចុះត្រួតពិនិត្យលក្ខណៈបច្ចេកទេស រូបបដិមា សំណង់នានា ការគ្រប់គ្រងកម្មករសាងសង់ ឲ្យស្របតាមនីតិវិធីច្បាប់ត្រឹមត្រូវវិញ។ 

សូមរំឮកដែរថា​ លោក​ ធាន​ វុទ្ធី​ កន្លងមកធ្លាប់មានរឿងអាស្រូវពាក់ព័ន្ធនឹងការតាំងខ្លួនធ្វេីជាព្រះសិអាមេត្រី ធ្វេីឱ្យព្រះសង្ឃបួសក្នុងព្រះពុទ្ធសាសនាថ្វាយបង្គំ​ គោរពគាត់ទៀតផង៕​

អត្ថបទ៖ វីរៈ

The post អាជ្ញាធរសម្រេចផ្អាកការសាងសង់សំណង់នានារបស់លោក​ ធាន​ វុទ្ធី​ ព្រោះគ្មានបច្ចេកទេស  appeared first on Kampuchea Thmey Daily.

អាជ្ញាធរខណ្ឌពោធិ៍សែនជ័យបានឲ្យដឹងថា កាលពីរសៀលថ្ងៃទី១៩ ខែកក្កដា កម្លាំងអាជ្ញាធរបានជូនដំណឹងដល់ឈ្មោះហ៊ុល ភា ជាម្ចាស់សំណង់សង់រំលោភផ្លូវសាធារណៈឲ្យរុះរើចេញតែត្រូវបានម្ចាស់ទីតាំងចេញមកស្រែកឡូឡា ដោយមិនព្រមធ្វើតាមការណែនាំរបស់អាជ្ញាធរនោះទេ។ អាជ្ញាធរបញ្ជាក់ថា សំណង់នេះបានសង់រំលោភចំណីផ្លូវ៥,៥០ម៉ែត្រ ហើយតម្រូវឲ្យម្ចាស់ទីតាំងធ្វើកិច្ចសន្យាបញ្ឈប់ការសាងសង់ និងត្រូវរុះរើចេញជាបន្ទាន់។

លោក សក់ ច័ន្ទកាញ្ញារិទ្ធ អភិបាលខណ្ឌពោធិ៍សែនជ័យបានថ្លែងថា ក្នុងឆ្នាំ២០២៤នេះ ត្រូវបញ្ឈប់ឲ្យមានការសាងសង់សំណង់រំលោភចំណីផ្លូវកើតឡើងថ្មីទៀត ហើយអាជ្ញាធរខណ្ឌពោធិ៍សែនជ័យត្រូវមានវិធានការរក្សាចាស់ មិនឲ្យបង្កើតថ្មីនោះទេ។ ដើម្បីងាយស្រួលចាត់វិធានការរុះរើសំណង់ចាស់ដែលសង់រំលោភចំណីផ្លូវរួចកន្លងមក ធ្វើយ៉ាងណាសម្អាតឲ្យស្អាតចេញពីដំណីផ្លូវ ឲ្យផ្លូវមានសោភ័ណភាព លុបបំបាត់ភាពអនាធិបតេយ្យ៕

អត្ថបទ៖ ម៉េង

The post អាជ្ញាធរខណ្ឌពោធិ៍សែនជ័យដាក់កម្លាំងចុះរុះរើសំណង់មួយកន្លែងដែលសង់រំលោភចំណីផ្លូវជាតិលេខ៣ appeared first on Kampuchea Thmey Daily.

សំណង់ដែលគ្មានច្បាប់អនុញ្ញាតមួយកន្លែងនេះគឺជារបស់ឈ្មោះ ថៃ ស្ថិតលើដីចំណីផ្លូវជាតិលេខ ៥៧ B ក្នុងភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង ក្បែរផ្លូវចូលផ្សារតាស្ដា។

កន្លងមកកម្ពុជាថ្មី បានចេញផ្សាយម្តងរួចមកហើយជុំវិញការសាងសង់សំណង់ខុសច្បាប់មួយកន្លែងខាងលើនេះ ខណៈលោក ថុល មន្ត្រីភូមិបាល ស្រុកសំពៅលូនបានលើកឡើងយ៉ាងច្បាស់ថា ធាតុពិតសំណង់មួយនេះគឺគ្មានច្បាប់អនុញ្ញាតឡើយ ហើយម្យ៉ាងវិញទៀតដីកម្មសិទ្ធិមានតែ ១០ ម៉ែត្រការ៉េប៉ុណ្ណោះ ក្រៅពីនោះគឺជាដីចំណីផ្លូវរបស់រដ្ឋទាំងស្រុងហើយបញ្ហានេះលោកបានសរសេររបាយការណ៍ផ្ញើជូនទៅលោកអភិបាលស្រុករួចរាល់ហើយដើម្បីជ្រាប និងចាត់វិធានការ។

ចំណែកលោក ហម សំខាន់ អភិបាលស្រុកសំពៅលូនបានបញ្ជាក់ថា លោកបានរៀបចំលិខិតបេសកកម្មឲ្យទៅលោក យ៉ាវ អនាកុល ជាអភិបាលរងស្រុកទទួលបន្ទុកការងារនេះឱ្យចុះទៅពិនិត្យ និងណែនាំដល់ម្ចាស់សំណង់ ដែលក្នុងនោះក៏តម្រូវឱ្យម្ចាស់ធ្វើកិច្ចសន្យាដើម្បីអនុវត្តតាមការណែនាំផងដែរ។

ដោយឡែក លោកអភិបាលរងទទួលបន្ទុកជំនាញគឺលោក យ៉ាវ អនាកុល បានប្រាប់កម្ពុជាថ្មីថា លោកបានចុះសិក្សាអំពីបញ្ហានេះ រួចហើយ និងពិនិត្យឃើញថា ពិតជាខុសច្បាប់មែនដោយបានបំពានមកលើដីរដ្ឋយ៉ាងពិតប្រាកដ ហើយនៅ​ពេលនោះដែររូបលោកផ្ទាល់ជាមួយមន្ត្រីជំនាញភូមិបាល បានកំណត់ឱ្យម្ចាស់ត្រូវកាត់សសរទាំង៤ដើមខាងមុខចេញដើម្បី​ធ្វើជាវេរ៉ង់ដា ឯប៉ែកខាងក្រោយក៏ត្រូវវាយជញ្ជាំងឥដ្ឋចោលមួយចំហៀងផងដែរ គឺនៅពេលនោះដែរ ទាំងម្ចាស់ផ្ទះ ក៏ដូចជាមេជាងបានផ្តិតមេដៃដើម្បីអនុវត្តតាមការណែនាំ។

ចាប់តាំងពីពេលនោះមកគេសង្កេត ឃើញថា ហាក់ដូចជាមានការត្រូវដងត្រូវផ្លែគ្នា ព្រោះមជ្ឈដ្ឋាននានាបាននិយាយថាសំណង់មួយនេះនៅតែបន្តសកម្មភាពសាងសង់ទៅជាន់ទី ២ យ៉ាងស្ងៀមស្ងាត់ ព្រោះម្ចាស់សំណង់បានហ៊ុព័ទ្ធសំណាញ់ស្បៃយ៉ាងជិត ដោយសម្ភារ:សំណង់នៅតែដឹកចូល និងយប់ឡើងមានបើកភ្លើងនៅក្នុងស្បៃនោះផង។

បើដូច្នេះមែននោះបន្តិចទៀតដីចំណីផ្លូវរបស់រដ្ឋនិងក្លាយជារបស់ឯកជនទាំងអស់ហើយសំណង់រឹងក៏នឹងចាប់ផ្ដើមរីកលូតលាស់ដូចផ្សិតផងដែរ ដោយពលរដ្ឋសំណូមពរឱ្យអាជ្ញាធរខេត្តជួយពិនិត្យមើលសកម្មភាពរបស់មន្ត្រីតាមបណ្ដាស្រុកផងពិសេសគឺសំណង់រឹងលើដីរដ្ឋនេះតែម្ដង ព្រោះស្ងាត់ៗមួយរយៈពេលបើកស្បៃចេញមកស្រាប់តែអង្ករក្លាយជាបាយ តើ​អាជ្ញាធរ​ត្រូវធ្វើបែបណា?៕

អត្ថបទ៖ សោ និយមរ័ត្ន

The post សំណង់ខុសច្បាប់​ កំពុងក្តោបសំណាញ់​ ទំនង​លប​សាងសង់បន្ត ​ក្រោយពីមន្ត្រីជំនាញចុះហាមឃាត់​ appeared first on Kampuchea Thmey Daily.

លោក ថាន់ វីណៃ នាយករងរដ្ឋបាលសាលាស្រុក បានដឹកនាំក្រុមការងារថ្នាក់ស្រុក រួមមាន លោក ស៊ីវ ប៊ុនធឿន អនុប្រធានការិយាល័យដែនដី បានចុះពិនិត្យ និងវាស់វែងសំណង់ដែលរំលោភលើដីចំណីផ្លូវតាមបណ្ដោយផ្លូវជាតិលេខ៤៨ ចាប់ពីចំណុចគល់ស្ពានព្រែកកោះប៉ោ ត្រើយខាងលិចភូមិនាងកុក រហូតដល់ចំណុចព្រះអង្គគោកធ្លក ភូមិចាំយាម ក្នុងមូលដ្ឋានឃុំប៉ាក់ខ្លង។

មន្រ្តីជំនាញខាងលើអះអាងថា អាជ្ញាធរ និងមន្រ្តីជំនាញ ទុកពេលត្រឹម ១៥ថ្ងៃ ចាប់ពីថ្ងៃជូនដំណឹងនេះតទៅ ករណីមានអ្នករឹងរូស នឹងអនុវត្តវិធានការច្បាប់ជាដាច់ខាត។

ទាក់ទិនបញ្ហានេះ លោក សុខ ភិរម្យ អភិបាលស្រុកមណ្ឌលសីមា លើកឡើងរសៀលថ្ងៃទី៤ ខែសីហា ឆ្នាំ២០២៣ នេះថា ក្រុមហ៊ុនរដ្ឋាករទឹកស្អាតខេត្តកោះកុង នឹងពង្រីកបង្គប់ទុយោទឹកស្អាតបានធំជាមុន សម្រួលដល់ការចែកចាយទឹកជូនពលរដ្ឋក្នុងមូលដ្ឋាន។ ដូច្នេះអាជ្ញាធរមើលឃើញថា មានពលរដ្ឋមួយចំនួនបានរំលោភបំពានចូលចំណីថ្នល់ដែលធ្វើឱ្យប៉ះពាល់ដល់ដំណើរការអភិវឌ្ឍបណ្តាញទឹកស្អាត។

លោកអភិបាលស្រុកមណ្ឌលសីមា បញ្ជាក់បន្ថែមថា ផ្លូវជាតិលេខ៤៨ ចាប់ពីគល់ស្ពានកោះកុង ទៅច្រកទ្វារព្រំដែនអន្តរជាតិចាំយាម ក៏ត្រៀមពង្រីកថ្មីឱ្យធំជាងពេលបច្ចុប្បន្នក្នុងន័យសម្រួលប្រព័ន្ធចរាចរណ៍ធ្វើដំណើរទៅមកកាន់តែល្អប្រសើរ៕

អត្តបទ៖ សិរីវឌ្ឍនៈ

The post អាជ្ញាធរស្រុកមណ្ឌលសីមា ទុកពេល ១៥ ថ្ងៃ ឱ្យរុះរើសំណង់លើចំណីថ្នល់ appeared first on Kampuchea Thmey Daily.

លោក ង៉ាន់ ថារិទ្ធ អភិបាលរងខេត្ត តំណាងឱ្យឯកឧត្តម ម៉ៅ ធនិន អភិបាលខេត្តកំពត បានដឹកនាំអាជ្ញាធរ និងមន្ត្រីជំនាញពាក់ព័ន្ធចុះពិនិត្យ និងបានកំណត់ទីតាំងសម្រាប់ឲ្យប្រជាពលរដ្ឋដែលជាម្ចាស់សំណង់ត្រូវរុះរើចេញដោយខ្លួនឯងដោយបានគិតចាប់ពីថ្ងៃទី១ ខែសីហា រហូតដល់ថ្ងៃទី១៥ ខែសីហា ឆ្នាំ២០២៣ខាងមុខនេះជាកំហិត។

អាជ្ញាធរក្រុងកំពត ត្រូវបានតម្រូវឱ្យប្រជាពលរដ្ឋដែលបានសាងសង់សំណង់រឹងលើដីចំណីព្រែកកំពង់បាយ ស្ថិតនៅភូមិសាស្ត្រសង្កាត់អណ្តូងខ្មែរ ក្រុងកំពត រុះរើចេញក្នុងរយ:ពេល១៥ថ្ងៃជាកំហិត ដើម្បីរដ្ឋបាលខេត្តកំពត ស្ថាបនាផ្លូវនិងសួន នៅលើទីតាំងដែលតម្រូវឱ្យរុះរើសំណង់ចេញទាំងអស់នោះ។

លោក ង៉ាន់ ថារិទ្ធ អភិបាលរងខេត្តកំពតបានបញ្ជាក់ថា ក្រោយពីបងប្អូនប្រជាពលរដ្ឋជាម្ចាស់សំណង់រុះរើរួចរាល់រដ្ឋបាលខេត្តកំពត នឹងចាប់ផ្តើមអនុវត្តគម្រោងកែលម្អសោភ័ណ្ឌភាពក្រុងកំពតដោយបានស្ថាបនាផ្លូវមួយខ្សែ និងរៀបចំច្រាំងព្រែកចាប់ពីចំណុចស្ពានថ្នល់រថភ្លើង រហូតដល់ស្ពានត្រើយកោះតែម្តង ហើយកន្លែងខ្លះនឹងមានសួនច្បារផងដែរ។

បើយោងតាមសេចក្តីជូនដំណឹងរបស់អាជ្ញាធរក្រុងបានបញ្ជាក់ឱ្យដឹងថា ក្នុងករណីម្ចាស់សំណង់ណាមិនបានអនុវត្តតាមសេចក្តីជូនដំណឹងនេះ រដ្ឋបាលក្រុងកំពត នឹងអនុវត្តតាមនីតិវិធីច្បាប់ ព្រមទាំងចុះរុះរើដោយមិនទទួលខុសត្រូវលើការ​ខូចខាតទ្រព្យសម្បត្តិណាមួយនោះឡើយ។ ឯការចំណាយផ្សេងៗសម្រាប់សកម្មភាពរុះរើជាបន្ទុករបស់ម្ចាស់សំណង់ដោយខ្លួនឯងផ្ទាល់ផងដែរ៕

អត្ថបទ៖ សឹង រ៉ាត់

The post អាជ្ញាធរខេត្តកំពតតម្រូវឲ្យម្ចាស់សំណង់​សាងសង់​លើចំណីព្រែកកំពង់បាយ​ត្រូវរុះរើចេញជាកំហិត appeared first on Kampuchea Thmey Daily.