សំបកកង់រថយន្ត Archives - Kampuchea Thmey Daily

កម្ពុជារកចំណូលបានជាង ៤៧២ លានដុល្លារ ពីការនាំចេញសំបកកង់រថយន្តនៅ ៣ ខែ ឆ្នាំនេះ

deth leng — Mon, 27 Apr 2026 07:00:23 +0000

កម្ពុជារកចំណូលបានជាង ៤៧២ លានដុល្លារ ពីការនាំចេញសំបកកង់រថយន្តនៅក្នុងរយៈពេល ៣ ខែ (មករា-មីនា)២០២៦ កើនឡើង ៤២,៣៧% ប្រៀបធៀបនឹងរយៈពេលដូចគ្នាកាលពីឆ្នាំមុន ដែលមានចំនួន ៣៣១ លានដុល្លារ។ នេះបើយោងតាមក្រសួងពាណិជ្ជកម្ម។

ប្រទេសចំនួន ៥ ដែលកម្ពុជានាំចេញទៅច្រើនជាងគេ មានសហរដ្ឋអាមេរិកចំនួន ៣៥៨ លានដុល្លារ ប្រេស៊ីលចំនួន ៣៨ លានដុល្លារ ប្រទេសកាណាដាចំនួន ២០ លានដុល្លារ បារាំង ១០ លានដុល្លារ និងអង់គ្លេស ៥ លានដុល្លារ។

លោក គឹន ឧត្តមមុនីស៊ីណាត នាយកប្រតិបត្តិក្រុមហ៊ុន Sailun មានប្រសាសន៍ថា កំណើននៃការនាំចេញសំបកកង់រថយន្តដោយសារគោលនយោបាយល្អរបស់រដ្ឋាភិបាល ដែលអំណោយផលដល់ការវិនិយោគ។

លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូយល់ឃើញថា៖ «គោលនយោបាយរបស់រាជរដ្ឋាភិបាល មានការគាំពារទៅលើអ្នកវិនិយោគដែលមកផលិតជាផលិតផលសម្រេចនៅក្នុងស្រុក ទន្ទឹមនេះ កម្ពុជាមានវត្ថុធាតុដើមច្រើនអាចផ្គត់ផ្គង់ទៅរោងចក្រកែច្នៃដែលមកពីក្រៅប្រទេសបាននោះជាពិសេស ដូចជារោងចក្រកង់ឡាន កំពុងដំណើរការ ការប្រមូលទិញវត្ថុធាតុដើមក្នុងស្រុកមកកែច្នៃដើម្បីយកទៅប្រើប្រាស់ ខណៈរោងចក្រកែច្នៃក្នុងស្រុកក៏មានឱកាសកែច្នៃ និងលក់ក្នុងស្រុកដែរ»។

គិតរហូតមកដល់ពេលនេះ វត្តមានរោងចក្រផលិតសំបកកង់រថយន្តនៅកម្ពុជា បានកើនឡើងដល់ចំនួន ៨ រោងចក្រ បោះទីតាំងនៅតំបន់សេដ្ឋកិច្ចចំនួន៥ នៃខេត្តស្វាយរៀង ព្រះសីហនុ និងខេត្តក្រចេះ ដែលជាការបោះជំហានទៅមុខមួយកម្រិតទៀតលើវិស័យឧស្សាហកម្មរបស់កម្ពុជា។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ កម្ពុជារកចំណូលបានជាង ១,៣៨ ពាន់លានដុល្លារ ពីការនាំចេញសំបកកង់រថយន្ត កើនឡើង ៥៧,៨៦% ធៀបនឹងឆ្នាំ ២០២៤ ដែលមានទំហំទឹកប្រាក់សរុប ៨៧៤ លានដុល្លារ៕

អត្ថបទ៖ ឡេង ដេត

The post កម្ពុជារកចំណូលបានជាង ៤៧២ លានដុល្លារ ពីការនាំចេញសំបកកង់រថយន្តនៅ ៣ ខែ ឆ្នាំនេះ appeared first on Kampuchea Thmey Daily.

កម្ពុជា មានរោងចក្រផលិតសំបកកង់រថយន្តចំនួន ៨

deth leng — Wed, 18 Mar 2026 02:42:28 +0000

គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី ១៧ ខែមីនា ឆ្នាំ ២០២៦ បានរៀបចំកិច្ចប្រជុំពិភាក្សាស្តីពីការលើកកម្ពស់ខ្សែច្រវាក់ផ្គត់ផ្គង់វត្ថុធាតុដើម (កៅស៊ូ) រវាងរោងចក្រផលិតសំបកកង់រថយន្តនៅកម្ពុជា ជាមួយសមាគមអភិវឌ្ឍន៍កៅស៊ូកម្ពុជាក្រោមវត្តមានលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងសមាគមអភិវឌ្ឍន៍កៅស៊ូកម្ពុជា ព្រមទាំង តំណាងក្រុមហ៊ុនវិនិយោគផលិតសំបកកង់រថយន្តទាំង៨។

កិច្ចប្រជុំនេះត្រូវបានរៀបចំឡើងក្នុងគោលបំណងដើម្បីលើកកម្ពស់ខ្សែច្រវាក់ផ្គត់ផ្គង់វត្ថុធាតុដើម (កៅស៊ូ) រវាងរោងចក្រផលិតសំបកកង់រថយន្តនៅកម្ពុជា ជាមួយសមាគមអភិវឌ្ឍន៍កៅស៊ូកម្ពុជា។

កិច្ចពិភាក្សាបានផ្តោតលើសក្តានុពល បញ្ហាប្រឈម និងដំណោះស្រាយគោលនយោបាយ ដើម្បីបង្កើនការប្រើប្រាស់កៅស៊ូក្នុងស្រុករបស់ឧស្សាហកម្មផលិតសំបកកង់រថយន្តដែលអាចចាត់ទុកថាជាការនាំចេញនៅនឹងកន្លែង។

លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូមានប្រសាសន៍ថា ថ្វីត្បិតស្ថានភាពសេដ្ឋកិច្ច នយោបាយ នៅលើពិភពលោកជួបបញ្ហា ប៉ុន្តែការនាំចេញនៅក្នុងវិស័យកៅស៊ូកម្ពុជា បន្តមានស្ថិរភាពល្អ ខណៈតម្លៃក៏បានខ្ពស់គួរសម។

លោក ម៉ែន សុភក្តិ បន្ថែមថា៖ «គោលនយោបាយរបស់រាជរដ្ឋាភិបាល មានការគាំពារទៅលើអ្នកវិនិយោគដែលមកផលិតជាផលិតផលសម្រេចនៅក្នុងស្រុក ទន្ទឹមនេះ កម្ពុជាមានវត្ថុធាតុដើមច្រើនអាចផ្គត់ផ្គង់ទៅរោងចក្រកែច្នៃដែលមកពីក្រៅប្រទេសបាននោះ ជាពិសេស ដូចជារោងចក្រកង់ឡាន កំពុងដំណើរការ ការប្រមូលទិញវត្ថុធាតុដើមក្នុងស្រុកមកកែច្នៃដើម្បីយកទៅប្រើប្រាស់ ខណៈរោងចក្រកែច្នៃក្នុងស្រុកក៏មានឱកាសកែច្នៃ និងលក់ក្នុងស្រុកដែរ»។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ កម្ពុជារកចំណូលបានជាង ១,៣៨ ពាន់លានដុល្លារ ពីការនាំចេញសំបកកង់រថយន្ត កើនឡើង ៥៧,៨៦% ធៀបនឹងឆ្នាំ ២០២៤ ដែលសម្រេចបាន ៨៧៤ លានដុល្លារ។

កម្ពុជាមានផ្ទៃដីដាំដុះកៅស៊ូសរុបប្រមាណ ៤៥ ម៉ឺនហិកតា ផ្ដល់ទិន្នផលប្រមាណ ៤២ ម៉ឺនតោន ក្នុងមួយឆ្នាំ ដែលពីមុនជ័រកៅស៊ូមានការនាំចេញទាំងស្រុង ខណៈបច្ចុប្បន្ន កម្ពុជាមានលទ្ធភាពកែច្នៃ និងលក់ក្នុងស្រុក៕

អត្ថបទ៖ ឡេង ដេត

The post កម្ពុជា មានរោងចក្រផលិតសំបកកង់រថយន្តចំនួន ៨ appeared first on Kampuchea Thmey Daily.

ចំណូលនាំចេញផលិតផលសំបកកង់រថយន្តសម្រេចបានជិត ១៦០ លានដុល្លារ កើនឡើងខ្ពស់

deth leng — Sat, 21 Feb 2026 03:06:26 +0000

កម្ពុជារកប្រាក់ចំណូលបានជិត ១៦០ លានដុល្លារ ពីការនាំចេញផលិតផលសំបកកង់រថយន្តនៅក្នុងខែមករា ឆ្នាំ ២០២៦ កើនឡើង ៧០,៨១% ប្រៀបធៀបនឹងរយៈពេលដូចគ្នាកាលពីឆ្នាំមុន ឆ្លុះបញ្ចាំងពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការធ្វើពិពិធកម្មសេដ្ឋកិច្ច នៅចំពេលដែលពិភពលោកកំពុងប្រឈមនឹងភាពមិនប្រាកដប្រជានៃសេដ្ឋកិច្ច ដោយសារតែបញ្ហាភូមិសាស្ត្រនយោបាយ និងការដាក់ពន្ធរបស់សហរដ្ឋអាមេរិក។

លោក គឹន ឧត្តមមុនីស៊ីណាត នាយកប្រតិបត្តិក្រុមហ៊ុន Sailun ប្រាប់កម្ពុជាថ្មីថា កំណើននៃការនាំចេញសំបកកង់រថយន្ត ដោយសារការដាក់ចេញនូវគោលនយោបាយដ៏ល្អរបស់រាជរដ្ឋាភិបាល ដែលបានគាំពារទៅលើអ្នកវិនិយោគពីបរទេស។

លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូមានប្រសាសន៍ថា កំណើននៃការនាំចេញសំបកកង់រថយន្ត ជំរុញឱ្យការនាំចេញជ័រកៅស៊ូ និងតម្លៃកៅស៊ូមានស្ថិរភាពល្អ ទោះបីជាប្រឈមនឹងបញ្ហាស្ថានភាពសេដ្ឋកិច្ច និងនយោបាយនៅលើពិភពលោក។

លោក ម៉ែន សុភក្តិ យល់ឃើញថា៖ «គោលនយោបាយរបស់រាជរដ្ឋាភិបាល មានការគាំពារទៅលើអ្នកវិនិយោគដែលមកផលិតជាផលិតផលសម្រេចនៅក្នុងស្រុក ទន្ទឹមនេះ កម្ពុជាមានវត្ថុធាតុដើមច្រើនអាចផ្គត់ផ្គង់ទៅរោងចក្រកែច្នៃដែលមកពីក្រៅប្រទេសបាននោះ ជាពិសេស ដូចជារោងចក្រកង់ឡានមាន ៦ ហើយកំពុងដំណើរការ ដែលបានប្រមូលទិញវត្ថុធាតុដើមក្នុងស្រុកកមកកែច្នៃ»។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ កម្ពុជានាំចេញសំបកកង់រថយន្តដែលជាទៅកាន់ទីផ្សារអន្តរជាតិមានទំហំទឹកប្រាក់ ១,៣៨ ពាន់លានដុល្លារ កើនឡើង ៥៧,៨៦% ប្រៀបធៀបនឹងឆ្នាំ ២០២៤៕

អត្ថបទ៖ ឡេង ដេត

The post ចំណូលនាំចេញផលិតផលសំបកកង់រថយន្តសម្រេចបានជិត ១៦០ លានដុល្លារ កើនឡើងខ្ពស់ appeared first on Kampuchea Thmey Daily.

Sailun កំពុងទទួលបានការគាំទ្រយ៉ាងផុសផុលពីសំណាក់ប្រជាជនខ្មែរ ក្នុងសម័យកាល ៥០០ ឆ្នាំ មិនធ្លាប់មាន

Sous Sith — Wed, 28 Jan 2026 07:37:34 +0000

ភាពអស់សង្ឃឹមពីសំណាក់ម្ចាស់រោងចក្រ សហគ្រាស សិប្បកម្ម ជាពិសេសសហគ្រិនខ្មែរដែលផលិតយីហោក្នុងស្រុក យើងទាំងអស់គ្នាធ្លាប់ដឹងស្រាប់ហើយថា ប្រទេសយើងកន្លងមកអស់រាប់រយឆ្នាំមកហើយប្រជាជនស្ទើរតែមួយប្រទេសដែលពុំសូវចាប់អារម្មណ៍នូវផលិតផលផលិតក្នុងស្រុកប៉ុន្មានទេ។

ដោយពួកគាត់គិតថា របស់ខ្មែរអន់ ប្រើមិនកើត ខ្វះគុណភាព គ្មានស្តង់ដាជាដើម។ ហើយម្នាក់ៗឱ្យតម្លៃតែរបស់នាំចូល ឱ្យតែរបស់នាំចូល គឺដឹងតែល្អ គ្រប់ដប់តែម្តង ញាំពេញៗមាត់ ដោយប្រើមិនញញើតដៃ ទោះបីរបស់នោះប្រើទៅធ្លាប់មានបញ្ហាក៏ដោយក៏នៅតែជឿជាក់ផ្គាប់មុខតែម្តងជាពិសេសសំបកកង់ឡាននេះឯង។

យ៉ាងណាមិញ ស្ថានភាពប្រទេសយើងជួបការលំបាកជាច្រើនទសវត្សរ៍មកហើយធ្វើឱ្យការផលិតក្នុងស្រុកនៅមានកម្រិតជាហេតុខ្វះការជឿជាក់ ខ្វះការគាំទ្រ ខ្វះការទុកចិត្តនូវផលិតផលផលិតក្នុងប្រទេសខ្លួន។

ប៉ុន្តែប៉ុន្មានឆ្នាំចុងក្រោយនេះ សម័យកាលហាក់មានការប្រែប្រួល ៣៨០ ដឺក្រេ បែរជាប្រជាជនខ្មែរស្ទើរពេញមួយផ្ទៃប្រទេសជាពិសេសក្មេងៗជំនាន់ក្រោយ (Gen Z) ងាកមកគាំទ្រផលិតផលផលិតក្នុងស្រុកយ៉ាងគំហុក ស្ទើរមិនគួរឱ្យជឿ។

យើងនៅចាំបានថា កាលពីថ្ងៃទី ០៣ ខែកុម្ភៈ ឆ្នាំ២០២៤ ក្រុមហ៊ុន PICG បានដាក់សម្ពោធសាកល្បងនូវផលិតផលក្នុងស្រុកជាសំបកកង់ឡានម៉ាក Sailun ដែលផលិតមុនគេ ធំជាងគេ ដែលប្រើប្រាស់ជ័រកៅស៊ូខ្មែរមុនគេរហូតដល់ ៩៥ភាគរយ។ អ្វីដែលមិនគួរឱ្យជឿ និងមិនស្មានដល់នោះគ្រាន់តែមួយយប់មានការបញ្ជាទិញរហូតដល់ជាង ១ ម៉ឺនគ្រាប់ឯណោះ។

ចាប់តាំងពីពេលនោះរហូតមកដល់បច្ចុប្បន្ន ទោះបីក្នុងស្ថានភាពលំបាកជាពិសេសសង្រ្គាមរវាងខ្មែរ-ថៃ ប្រជាជនខ្មែររឹតតែសម្រុកមកគាំទ្រនូវផលិតផលដ៏ល្អឥតខ្ចោះមួយនេះដែលផលិតចេញពីជ័រកៅស៊ូខ្មែរស្ទើរតែ១០០% ដែលដុះលើទឹកដីខ្មែរ រោងចក្រផលិតលើដីខ្មែរ ជួយដល់កសិផលជាតិ ជាផលិតផលជាតិ ជួយគាំទ្រសេដ្ឋកិច្ចជាតិ រហូតដល់ជាប់ ចំណាត់ថ្នាក់លេខ១ ជាសំបកកង់ដែលប្រជាជនខ្មែរទុកចិត្តហើយប្រើច្រើនបំផុតនៅកម្ពុជានៅក្នុងឆ្នាំ២០២៥ ព្រមទាំងជាប់ចំណាត់ថ្នាក់លេខ១ ក្នុងរាត្រីថ្ងៃទី ១៨ ដែលជាប្រភេទពានរង្វាន់លក់បានច្រើនបំផុតប្រចាំតំបន់អាស៊ី (Asia) មានប្រទេសរហូតដល់៤៨ ក្នុងនោះកម្ពុជាជាប់ចំណាត់ថ្នាក់លេខ១ ផងដែរ។

ពានរង្វាន់ទាំងពីរនេះហើយ ឆ្លុះបញ្ចាំងឱ្យឃើញថា ខ្មែរបច្ចុប្បន្ននេះ ពិតជាបានជឿជាក់ ទុកចិត្តយ៉ាងខ្លាំងនូវផលិតផលផលិតក្នុងប្រទេសខ្លួនឯងមិនដូចសម័យកាលណាៗទាំងអស់។

ការរួមគ្នាជាធ្លុងមួយមកគាំទ្រផលិតផលក្នុងស្រុកខ្លួនឯងនេះហើយជាកម្លាំងដ៏មហាសាលដែលអាចឱ្យសេដ្ឋកិច្ចប្រទេសជាតិយើងមានខឿនសេដ្ឋកិច្ចរឹងមាំ ជាខ្លាសេដ្ឋកិច្ចក្នុងតំបន់ និងក្នុងសកលលោកផងដែរ។

គ្រប់យ៉ាងលុះត្រាតែប្រទេសយើងខ្លាំងទើបគេលែងមើលងាយ។ សំបកកង់ឡានខ្មែរម៉ាក Sailun ជាផលិតផលផលិតក្នុងស្រុកដែលគួរឱ្យទុកចិត្តបំផុត និងមានរោងចក្រច្បាស់លាស់រហូតដល់ ៩ នៅលើពិភពលោក៕

អត្ថបទពាណិជ្ជកម្ម

The post Sailun កំពុងទទួលបានការគាំទ្រយ៉ាងផុសផុលពីសំណាក់ប្រជាជនខ្មែរ ក្នុងសម័យកាល ៥០០ ឆ្នាំ មិនធ្លាប់មាន appeared first on Kampuchea Thmey Daily.

កម្ពុជារកចំណូលបាន $១,៣ ពាន់លាន ពីការនាំចេញសំបកកង់រថយន្ត កើនជាង ៥០% នៅឆ្នាំ ២០២៥

deth leng — Mon, 26 Jan 2026 07:58:39 +0000

កម្ពុជារកចំណូលបានជាង ១,៣៨ ពាន់លានដុល្លារ ពីការនាំចេញសំបកកង់រថយន្ត នៅក្នុងឆ្នាំ ២០២៥ កើនឡើង ៥៧,៨៦% ធៀបនឹងឆ្នាំ ២០២៤ ដែលសម្រេចបាន ៨៧៤ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

អ្នកជំនាញអះអាងថា កំណើននៃការនាំចេញសំបកកង់រថយន្ត ជំរុញឱ្យការនាំចេញជ័រកៅស៊ូ និងតម្លៃកៅស៊ូមានស្ថិរភាពល្អ ទោះបីជាប្រឈមនឹងបញ្ហាស្ថានភាពសេដ្ឋកិច្ច និងនយោបាយនៅលើពិភពលោក។

ស្ថិតិពាណិជ្ជកម្មរបស់ក្រសួងពាណិជ្ជកម្មបង្ហាញថា នៅក្នុងឆ្នាំ ២០២៥ ការនាំចេញផលិតផលសំបកកង់រថយន្តដែលជាផលិតផលថ្មីមួយរបស់កម្ពុជា ទៅកាន់ទីផ្សារអន្តរជាតិសម្រេចបានក្នុងទំហំទឹកប្រាក់ ១,៣៨ ពាន់លានដុល្លារ កើនឡើង ៥៧,៨៦% បើធៀបនឹងឆ្នាំ ២០២៤។

នៅក្នុងឆ្នាំ ២០២៥ តម្លៃជ័រកៅស៊ូជាមធ្យមលក់ចេញ ១៧៥៦ ដុល្លារ ក្នុងមួយតោន កើនឡើង ៦៣ ដុល្លារ ស្មើនឹង ៣% ធៀបនឹងឆ្នាំ ២០២៤។

ចំណូលបានពីការនាំចេញជ័រកៅស៊ូទទួលបាន ៥៦២ លានដុល្លារ ធ្លាក់ចុះជាង ៦% ធៀបនឹងឆ្នាំ ២០២៤ ដោយសារកំណើនតម្រូវការក្នុងស្រុកខ្ពស់។ បរិមាណប្រើប្រាស់ក្នុងស្រុក មានចំនួនជាង ១២ ម៉ឺនតោន កើនឡើង១៤៦% ធៀបនឹងឆ្នាំ ២០២៤។

លោក គឹន ឧត្តមមុនីស៊ីណាត នាយកប្រតិបត្តិក្រុមហ៊ុន Sailun មានប្រសាសន៍ថា វត្តមានរោងចក្រផលិតសំបកកង់រថយន្តធំៗ បានធ្វើឱ្យដំណាំកៅស៊ូនៅកម្ពុជាកាន់តែរីកដុះដាលនៅពេលអនាគត ជាពិសេសនឹងជួយរក្សាបានលំនឹងទីផ្សារនៃអនុវិស័យមួយនេះ និងទាក់ទាញការវិនិយោគ។

នាយកប្រតិបត្តិក្រុមហ៊ុន Sailun បានអះអាងថា នៅក្នុងឆ្នាំ ២០២៥ ក្រុមហ៊ុនរបស់លោកប្រើប្រាស់កៅស៊ូក្នុងស្រុករហូតដល់ ១០ ម៉ឺនតោន បន្ទាប់ពីរោងចក្ររបស់លោកបានប្រើប្រាស់ចំនួន ៥ ម៉ឺនតោនកាលពីឆ្នាំ ២០២៤។

លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូប្រាប់កម្ពុជាថ្មីថា ថ្វីត្បិតស្ថានភាពសេដ្ឋកិច្ច នយោបាយ នៅលើពិភពលោកជួបបញ្ហា ប៉ុន្តែការនាំចេញនៅក្នុងវិស័យកៅស៊ូកម្ពុជា បន្តមានស្ថិរភាពល្អ ខណៈតម្លៃក៏បានខ្ពស់គួរសម។

លោក ម៉ែន សុភក្តិ បន្ថែមថា៖ «គោលនយោបាយរបស់រាជរដ្ឋាភិបាល មានការគាំពារទៅលើអ្នកវិនិយោគដែលមកផលិតជាផលិតផលសម្រេចនៅក្នុងស្រុក ទន្ទឹមនេះ កម្ពុជាមានវត្ថុធាតុដើមច្រើនអាចផ្គត់ផ្គង់ទៅរោងចក្រកែច្នៃដែលមកពីក្រៅប្រទេសបាននោះ ជាពិសេស ដូចជារោងចក្រកង់ឡានមាន ៦ ហើយកំពុងដំណើរការ ដែលកំពុងសកម្មក្នុងការប្រមូលទិញវត្ថុធាតុដើមក្នុងស្រុកកមកកែច្នៃដើម្បីយកទៅប្រើប្រាស់ ខណៈរោងចក្រកែច្នៃក្នុងស្រុកក៏មានឱកាសកែច្នៃ និងលក់ក្នុងស្រុកដែរ»។

លោក ម៉ែន សុភក្ដិអះអាងថា កម្ពុជាមានផ្ទៃដីដាំកៅស៊ូសរុប ជិត ៤៥ ម៉ឺនហិកតា (៤៤៥ ០៥១) ដែលពីមុនជ័រកៅស៊ូមានការនាំចេញទាំងស្រុង ខណៈបច្ចុប្បន្ន យើងអាចកែច្នៃហើយលក់ក្នុងស្រុក ដែលនៅពេលខាងមុខ រោងចក្រទាំងអស់នោះកែច្នៃហើយសម្រាប់តែតម្រូវការក្នុងស្រុកសឹងតែមិនគ្រប់ ខណៈប្រជាជនដែលមានលទ្ធភាពហាក់ចាប់អារម្មណ៍ផ្លាស់ប្ដូរដំណាំផ្សេងងាកមកដាំដុះកៅស៊ូវិញកាន់តែច្រើន៕

អត្ថបទ៖ ឡេង ដេត

The post កម្ពុជារកចំណូលបាន $១,៣ ពាន់លាន ពីការនាំចេញសំបកកង់រថយន្ត កើនជាង ៥០% នៅឆ្នាំ ២០២៥ appeared first on Kampuchea Thmey Daily.

សំបកកង់រថយន្តម៉ាក Rovelo កំពុងមានវត្តមានក្នុងកម្មវិធីពិព័រណ៍រថយន្តប្រចាំឆ្នាំ នៅផ្សារទំនើប អ៊ីអន សែនសុខ ជាមួយការផ្តល់ជូនដ៏ពិសេស!

Joly Heng — Sun, 30 Nov 2025 03:21:10 +0000

រាជធានីភ្នំពេញ៖ សម្រាប់លោកអ្នកដែលកំពុងស្វែងរកសំបកកង់រថយន្តដែលមានគុណភាពខ្ពស់ និងតម្លៃសមរម្យ កុំភ្លេចមកជួបជាមួយ Rovelo Cambodia នៅក្នុងព្រឹត្តិការណ៍ពិព័រណ៍រថយន្តប្រចាំឆ្នាំ (Autoshow) ដ៏ធំដែលនឹងប្រារព្ធធ្វើឡើងនៅ ផ្សារទំនើប អ៊ីអន ម៉ល សែនសុខ (Aeon Mall Sen Sok City)។

ព្រឹត្តិការណ៍នេះនឹងធ្វើឡើងរយៈពេល ៣ ថ្ងៃពេញ ចាប់ពីថ្ងៃទី ២៨, ២៩ និង ៣០ ខែវិច្ឆិកា នេះ ដោយបើកចាប់ពីម៉ោង ៩:០០ ព្រឹក ដល់ ៩:០០ យប់។

ហេតុអ្វីលោកអ្នកគួរមកកាន់ស្តង់របស់ Rovelo?

សំបកកង់ Rovelo ត្រូវបានទទួលស្គាល់ជាសកលលើគុណភាព និងសុវត្ថិភាពក្នុងការបើកបរ។ ផលិតផលរបស់យើងត្រូវបានរចនាឡើងយ៉ាងពិសេសដើម្បីផ្តល់នូវទំនុកចិត្តខ្ពស់ ភាពធន់ និងសមត្ថភាពគ្របគ្រងផ្លូវបានយ៉ាងល្អលើគ្រប់ស្ថានភាពមិនថាផ្លូវស្ងួត ឬផ្លូវសើម។ នៅឯពិព័រណ៍នេះ លោកអ្នកនឹងទទួលបានការប្រឹក្សាយោបល់ផ្ទាល់ពីអ្នកជំនាញអំពីប្រភេទសំបកកង់រថយន្តដែលស័ក្តិសមបំផុតសម្រាប់រថយន្តរបស់លោកអ្នក មិនថារថយន្តគ្រួសារ (Sedan) ឬរថយន្តប្រភេទ SUV នោះទេ។

ហើយដើម្បីបន្ថែមភាពរីករាយជូនដល់អតិថិជនដែលមកទស្សនាស្តង់ផ្ទាល់ Rovelo Cambodia ក៏មានរៀបចំកម្មវិធីលេងកម្សាន្តបង្វិលកងសំណាង (Lucky Wheel) ផងដែរ។ លោកអ្នកនឹងមានឱកាសឈ្នះរង្វាន់ភ្លាមៗជាច្រើន ដែលមានតម្លៃរហូតដល់ ២០ ដុល្លារ!

កុំឲ្យឱកាសនេះកន្លងផុតទៅ! សូមអញ្ជើញមកជួបគ្នានៅស្តង់ Rovelo Cambodia ក្នុងផ្សារទំនើប អ៊ីអន សែនសុខ ចុងសប្តាហ៍នេះ ដើម្បីទទួលបានសំបកកង់រថយន្តដ៏ល្អបំផុតសម្រាប់រថយន្តរបស់លោកអ្នក ព្រមទាំងយក រង្វាន់ត្រឡប់ទៅផ្ទះវិញផងដែរ។

សម្រាប់ព័ត៌មានបន្ថែម សូមតាមដានទំព័រហ្វេសប៊ុកផ្លូវការរបស់ Rovelo Cambodia៖https://www.facebook.com/RoveloCambodia

The post សំបកកង់រថយន្តម៉ាក Rovelo កំពុងមានវត្តមានក្នុងកម្មវិធីពិព័រណ៍រថយន្តប្រចាំឆ្នាំ នៅផ្សារទំនើប អ៊ីអន សែនសុខ ជាមួយការផ្តល់ជូនដ៏ពិសេស! appeared first on Kampuchea Thmey Daily.

កម្ពុជារកចំណូលបានជាង ៦៥៩ លានដុល្លារពីការនាំចេញសំបកកង់រថយន្តក្នុងឆមាសទី១

May Kunmakara — Mon, 04 Aug 2025 02:54:02 +0000

ក្នុងឆមាសទី១កន្លងទៅនេះ កម្ពុជាបាននាំចេញផលិតផលសំបងកង់រថយន្តមានទឹកប្រាក់ជាង៦៥៩លានដុល្លារទៅកាន់ទីផ្សារអន្តរជាតិ កើនឡើងជិត៨០ភាគរយធៀបនឹងរយៈពេលដូចគ្នាកាលពីឆ្នាំ២០២៤ដែលមានទឹកប្រាក់តែជិត ៣៦៧លានដុល្លារ ។ នេះបើយោងតាមស្ថិតិរបស់អគ្គនាយកដ្ឋានគយ និងរដ្ឋាករកម្ពុជា។

លោក ប៉ែន សុវិជាតិ អ្នកនាំពាក្យស្រួងពាណិជ្ជកម្មបានថ្លែងប្រាប់កម្ពុជាថា ការនាំចេញសំបកកង់រថយន្តគឺជាផលិតផលថ្មីមួយរបស់កម្ពុជា ដែលការណ៍នេះឆ្លុះបញ្ចាំងអំពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការជំរុញនិងពង្រីការនាំចេញទៅកាន់ទីផ្សារតំបន់ និងពិភពលោក។

លោកបានថ្លែងថា៖«ការបើកទីផ្សារថ្មីសម្រាប់ផលិតផលសំបកកង់រថយន្ត គឺជាការបោះជំហានមួយរបស់យើងក្នុងការពង្រីកការនាំចេញ ខណៈដែរឧស្សាហកម្មផលិតសំបកកង់រថយន្តគឺជាឧស្សាហកម្មថ្មីមួយរបស់ប្រទេសកម្ពុជាយើង»។

លោក គឹន ឧត្តមមុនីស៊ីណាត នាយកប្រតិបត្តិក្រុមហ៊ុន Sailun មានប្រសាសន៍ថា វត្តមានរោងចក្រផលិតសំបកកង់រថយន្តនៅកម្ពុជា ធ្វើឱ្យមានកំណើននាំចេញ។ សម្រាប់ក្រុមហ៊ុន Sailun បានស្រូបទាញកៅស៊ូចំនួន ៣០% នៃផ្ទៃដីដាំដុះជាង ៤០ ម៉ឺនហិកតានៅកម្ពុជា ខណៈមកទល់ពេលនេះ ក្រុមហ៊ុនបានប្រើប្រាស់កៅស៊ូក្នុងស្រុករហូតដល់ ៥ ម៉ឺនតោនរួចហើយ និងគ្រោងប្រើឱ្យបានដល់ ១០ ម៉ឺនតោននៅឆ្នាំ ២០២៥ សម្រាប់លក់ក្នុងស្រុក និងនាំចេញ។

លោក ឃុន កក្កដា អគ្គនាយករង នៃអគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ បានឱ្យដឹងកន្លងមកថា បច្ចុប្បន្ន រោងចក្រផលិតសំបកកង់រថយន្តចំនួន ៣ បានស្រូបយកជ័រកៅស៊ូក្នុងស្រុកប្រមាណ ១៥ម៉ឺនតោន ដល់ ២០ ម៉ឺនតោនក្នុងមួយឆ្នាំ។

លោកថាកាលពីមុនយើងអត់មានរោងចក្រ កម្ពុជាយកជ័រកៅស៊ូទៅកែច្នៃជារបស់ប្រើប្រាស់ ដូចជាកង់ឡាន ស្បែកជើង និងសម្ភារៈផ្សេងៗទៀត តែឥឡូវ យើងមានវត្តមានរោងចក្រកង់ឡានចំនួន ៣ អាចស្រូបយកជ័រកៅស៊ូកម្ពុជា ក្នុងរង្វង់ ១៥ ម៉ឺនតោន ទៅ ២០ម៉ឺន តោន ក្នុងមួយឆ្នាំ។

បច្ចុប្បន្ននេះ នៅកម្ពុជាមានរោងចក្រផលិតសំបកកង់រថយន្ដចំនួន ៣ ដូចជា ក្រុមហ៊ុន General Tires Technology (Cambodia) Co., Ltd ដែលមានទីតាំងនៅក្នុងតំបន់សេដ្ឋកិច្ចពិសេសក្រុងព្រះសីហនុ។ ក្រុមហ៊ុន Sailun Group Co Ltd ប្រតិបត្តិការតាមរយៈក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន Cart Tire Co Ltd ដែលមានទីតាំងនៅតំបន់សេដ្ឋកិច្ចពិសេស Qi Lu (Cambodia) ក្រុងបាវិត នៃខេត្តស្វាយរៀង និងក្រុមហ៊ុនផលិតសំបកកង់ធំទីបីគឺ Qingdao Doublestar Group មានទីតាំងនៅខេត្តក្រចេះ ដោយសហការជាមួយក្រុមហ៊ុន UBE Development Co Ltd៕

The post កម្ពុជារកចំណូលបានជាង ៦៥៩ លានដុល្លារពីការនាំចេញសំបកកង់រថយន្តក្នុងឆមាសទី១ appeared first on Kampuchea Thmey Daily.

កម្ពុជារកចំណូលបានជាង ៥៦០ លានដុល្លារពីការនាំចេញសំបកកង់រថយន្តក្នុងរយៈពេល៥ខែ

May Kunmakara — Fri, 20 Jun 2025 05:47:40 +0000

ក្នុងរយៈពេល៥ខែនៃឆ្នាំ២០២៥ កម្ពុជាបាននាំចេញផលិតផលសំបងកង់រថយន្តមានទឹកប្រាក់ជាង៥៦០,៧លានដុល្លារទៅកាន់ទីផ្សារអន្តរជាតិ កើនឡើងជិត៨០ភាគរយធៀបនឹងរយៈពេលដូចគ្នាកាលពីឆ្នាំ២០២៤ដែលមានទឹកប្រាក់តែជាង៣០៨,៧លានដុល្លារ ។ នេះបើយោងតាមស្ថិតិរបស់អគ្គនាយកដ្ឋានគយ និងរដ្ឋាករកម្ពុជា។

លោក គឹន ឧត្តមមុនីស៊ីណាត នាយកប្រតិបត្តិក្រុមហ៊ុន Sailun មានប្រសាសន៍ថា វត្តមានរោងចក្រផលិតសំបកកង់រថយន្តនៅកម្ពុជា ធ្វើឱ្យមានកំណើននាំចេញ។

លោកបានបញ្ជាក់ថា ក្រុមហ៊ុន Sailun បានស្រូបទាញកៅស៊ូចំនួន ៣០% នៃផ្ទៃដីដាំដុះជាង ៤០ ម៉ឺនហិកតានៅកម្ពុជា ខណៈមកទល់ពេលនេះ ក្រុមហ៊ុនបានប្រើប្រាស់កៅស៊ូក្នុងស្រុករហូតដល់ ៥ ម៉ឺនតោនរួចហើយ និងគ្រោងប្រើឱ្យបានដល់ ១០ ម៉ឺនតោននៅឆ្នាំ ២០២៥ សម្រាប់លក់ក្នុងស្រុក និងនាំចេញ។

The post កម្ពុជារកចំណូលបានជាង ៥៦០ លានដុល្លារពីការនាំចេញសំបកកង់រថយន្តក្នុងរយៈពេល៥ខែ appeared first on Kampuchea Thmey Daily.

សំបកកង់រថយន្ត Archives - Kampuchea Thmey Daily

កម្ពុជា​រកចំណូលបានជាង ៤៧២ លានដុល្លារ ពីការនាំចេញ​សំបកកង់​រថយន្ត​នៅ ៣ ​ខែ ​ឆ្នាំនេះ​

​កម្ពុជា​ មាន​រោងចក្រ​ផលិតសំបកកង់រថយន្ត​ចំនួន ៨​

​ចំណូល​នាំចេញ​ផលិតផល​សំបកកង់​រថយន្ត​សម្រេច​បាន​ជិត ១៦០ ​លានដុល្លារ​ ​កើនឡើងខ្ពស់​

Sailun កំពុងទទួលបានការគាំទ្រយ៉ាងផុសផុលពីសំណាក់ប្រជាជនខ្មែរ ក្នុងសម័យកាល ៥០០ ឆ្នាំ មិនធ្លាប់មាន

​កម្ពុជា​រកចំណូល​បាន $១,៣ ​ពាន់​លាន ​ពី​ការ​នាំចេញ​សំបក​កង់​រថយន្ត​ កើនជាង ៥០% នៅ​ឆ្នាំ ​២០២៥​

កម្ពុជារកចំណូលបានជាង ៦៥៩ លានដុល្លារពីការនាំចេញសំបកកង់រថយន្តក្នុងឆមាសទី១

កម្ពុជារកចំណូលបានជាង ៥៦០ លានដុល្លារពីការនាំចេញសំបកកង់រថយន្តក្នុងរយៈពេល៥ខែ

កម្ពុជារកចំណូលបានជាង ៤៧២ លានដុល្លារ ពីការនាំចេញសំបកកង់រថយន្តនៅ ៣ ខែ ឆ្នាំនេះ

កម្ពុជា មានរោងចក្រផលិតសំបកកង់រថយន្តចំនួន ៨

ចំណូលនាំចេញផលិតផលសំបកកង់រថយន្តសម្រេចបានជិត ១៦០ លានដុល្លារ កើនឡើងខ្ពស់

កម្ពុជារកចំណូលបាន $១,៣ ពាន់លាន ពីការនាំចេញសំបកកង់រថយន្ត កើនជាង ៥០% នៅឆ្នាំ ២០២៥