យោងតាមការផ្សាយរបស់សារព័ត៌មាន Pattaya Mail កាលពីថ្ងៃអង្គារ ដែលដកស្រង់ចេញពីសេចក្តីថ្លែងការណ៍ទី ៥ របស់ការិយាល័យ​ព្រះបរមរាជវាំង​ថៃចាប់តាំងពីព្រះនាងប្រឈួនមកថា ព្រះនាង Bajrakitiyabha មានព្រះជន្ម ៤៦ ព្រះវស្សា បានចូលសម្រាកព្យាបាលនៅមន្ទីរពេទ្យ King Chulalongkorn Memorial Hospital តាំងពីថ្ងៃទី ១៥ ខែធ្នូ ឆ្នាំ ២០២២ បន្ទាប់ពីបាត់បង់ស្មារតី ដោយសារជំងឺបេះដូង។

របាយការណ៍​វេជ្ជសាស្ត្រ​បាន​កត់​សម្គាល់​ថា ព្រះនាង​បាន​ឆ្លង​មេរោគ​តាមសរសៃឈាម​យ៉ាង​ធ្ងន់ធ្ងរ​នៅ​ថ្ងៃ​ទី ៩ ខែ​សីហា ឆ្នាំ ២០២៥ ខណៈតាមសេចក្តីថ្លែងការណ៍ចុងក្រោយពីក្រុមគ្រូពេទ្យបង្ហាញថាសម្ពាធឈាមរបស់ព្រះនាងនៅតែទាប។ វេជ្ជបណ្ឌិតកំពុងប្រើប្រាស់ថ្នាំដើម្បីជំរុញ រួមជាមួយនឹងថ្នាំអង់ទីប៊ីយោទិច ហើយព្រះនាងក៏កំពុងស្ថិតនៅលើម៉ាស៊ីនជំនួសតម្រងនោមនិងម៉ាសុីនតាមដានសញ្ញាជីវិតផងដែរ។

សូមជម្រាបថា ព្រះនាង Bajrakitiyabha គឺជាបុត្រីច្បងរបស់ស្តេច Maha Vajiralongkorn និងអតីតព្រះមហេសីរបស់ព្រះអង្គ គឺព្រះនាង Soamsawali។

ព្រះនាង Bajrakitiyabha ធ្លាប់បំពេញេព្រះរាជកិច្ចជាឯកអគ្គរាជទូតថៃប្រចាំនៅប្រទេសអូទ្រីស ពីឆ្នាំ ២០០៨ ដល់ ២០១១ ហើយព្រះនាងក៏ធ្លាប់ជាអ្នកតំណាងរបស់ថៃ ប្រចាំគណៈកម្មការឧក្រិដ្ឋកម្ម និងគ្រឿងញៀនរបស់អង្គការសហប្រជាជាតិនៅក្រុងវីយែន ផងដែរ៕

អត្ថបទ៖ ប៊ុន សុភាព

The post ស្ថានភាពប្រឈួនរបស់បុត្រីស្តេចថៃ កាន់តែធ្ងន់ធ្ងរ appeared first on Kampuchea Thmey Daily.

រាយការណ៍ដោយ The Business Standard បានគូសបញ្ចាក់ថា នៅកំពូលនៃបញ្ជី គឺស្តេច Vajiralongkorn នៃប្រទេសថៃ ជាមួយនឹងទ្រព្យសម្បត្តិប៉ាន់ស្មានចំនួន ៤៣ ពាន់លានដុល្លារអាមេរិក។ ទ្រព្យសម្បត្តិដ៏ធំរបស់ទ្រង់ភាគច្រើនបានមកពីអចលនទ្រព្យ ដែលបង្កើតបានជាចំណែកដ៏ធំបំផុតនៃទ្រព្យសម្បត្តិទាំងមូល។ ទស្សនាវដ្ដី Fortune រាយការណ៍ថា ស្ដេចអង្គនេះកាន់កាប់ដីយ៉ាងហោចណាស់ ៦៥.៦ គីឡូម៉ែត្រការ៉េនៅទូទាំងប្រទេសថៃ រួមទាំងតំបន់មានតម្លៃខ្ពស់នៅទីក្រុងបាងកក ដែលមានតម្លៃប្រហែល ៣០ ពាន់លានដុល្លារ។

លើសពីនេះ ព្រះមហាក្សត្រអង្គនេះ ទទួលបានអត្ថប្រយោជន៍ពីប្រភពចំណូលចម្រុះ ដោយកាន់កាប់ភាគហ៊ុនសំខាន់ៗនៅក្នុងអង្គភាពហិរញ្ញវត្ថុ និងឧស្សាហកម្មសំខាន់ៗមួយចំនួនរបស់ប្រទេសថៃ។ នេះរួមបញ្ចូលទាំងភាគហ៊ុន ២៣% នៅក្នុងក្រុមហ៊ុនផ្តល់ប្រាក់កម្ចីធំទីពីររបស់ប្រទេសថៃ ធនាគារ Siam Commercial Bank និងភាគហ៊ុន ៣៣% នៅក្នុង Siam Cement Group ដែលជាក្រុមហ៊ុនឧស្សាហកម្មឈានមុខគេរបស់ប្រទេសនេះ ជាមួយនឹងភាគហ៊ុនរបស់គាត់មានតម្លៃប្រហែល ៩ ពាន់លានដុល្លារ។

ការប្រមូលផ្ដុំយ៉ាងទូលំទូលាយរបស់ទ្រង់ក៏មានយន្តហោះជិត ៣៨ គ្រឿង យានជំនិះលំដាប់ខ្ពស់ ៣០០ គ្រឿង ទូកជាង ៥០ គ្រឿង និងត្បូងពេជ្រ និងត្បូងពេជ្រជាច្រើនផងដែរ។

​ រាយការណ៍ដោយទស្សនាវដ្តី Time បានបញ្ចាក់ថា ស្តេច Sultan Hassanal Bolkiah នៃប្រទេសព្រុយណេមានទ្រព្យសម្បត្តិចំនួនប្រហែល ២៨ ពាន់លានដុល្លារ។

របៀបរស់នៅដ៏ត្រចះត្រចង់របស់ក្សត្រអង្គនេះ រួមមានការប្រមូលរថយន្តគួរឲ្យកត់សម្គាល់ដែលមានតម្លៃ ៥ ពាន់លានដុល្លារអាមេរិក ។ ក្នុង​ចំណោម​ការ​ប្រមូល​នោះ​មាន​រថយន្ត Rolls-Royces ប្រមាណ ៦០០ គ្រឿង រថយន្ត Ferraris ៤៥០ គ្រឿង និង Bentley ៣៨០ គ្រឿង ។

លើសពីនេះ ស្ដេចស៊ុលតង់ និងក្រុមគ្រួសាររបស់ទ្រង់គង់នៅក្នុង Istana Nurul Iman ដែលជាវិមានលំនៅដ្ឋានដ៏ធំបំផុតរបស់ពិភពលោក ដែលមានបន្ទប់ចំនួន ១,៧០០។

ស្តេច Salman នៃប្រទេសអារ៉ាប៊ីសាអូឌីត គឺជាស្តេចដែលមានទ្រព្យសម្បត្តិច្រើនជាងគេទី ៣ នៅអាស៊ី ដោយ CNBC បានរាយការណ៍ថា​ ទ្រព្យសម្បត្តិរបស់ទ្រង់មានចំនួន ១៧ ពាន់លានដុល្លារឯណោះ។

ចំណាត់ថ្នាក់ទី ៤ គឺ Emir Sheikh Mohammed bin Rashid Al Maktoum នៃទីក្រុង Dubai ដែលមានទ្រព្យសម្បត្តិប៉ាន់ស្មានចន្លោះពី ១៤ ទៅ ១៨ ពាន់លានដុល្លារ នេះបើយោងតាមកាសែត Hindustan Times ។

រាជាទាយាទ Sheikh Mohammed មានភាពល្បីល្បាញដោយសារគំនិតផ្តួចផ្តើមរបស់ទ្រង់ដែលបានដាក់ទីក្រុងឌូបៃជាមជ្ឈមណ្ឌលពិភពលោក រួមទាំងការមើលការខុសត្រូវលើការអភិវឌ្ឍន៍គម្រោងនានាដូចជា Palm Islands សណ្ឋាគារ Burj Al Arab ក៏ដូចជាអគារ Burj Khalifa ដែលជាអគារខ្ពស់ជាងគេនៅលើពិភពលោក។ ចង្អុលបង្ហាញដោយ Financial Times ។

រាជទាយាទអង្គនេះ ត្រូវបានគេស្គាល់ផងដែរ​​ សម្រាប់ការចាប់អារម្មណ៍របស់ទ្រង់នៅក្នុង equestrianism និងកំណាព្យអារ៉ាប់ដោយរំលេចចំណាប់អារម្មណ៍ខុសៗគ្នារបស់ទ្រង់ទៅកាន់មហាជន។

ចំណែកស្ដេចចុងក្រោយគេបង្អស់មានព្រះនាមថា Sheikh Tamim bin Hamad Al Thani នៃប្រទេសកាតា មានទ្រព្យសម្បត្តិប៉ាន់ស្មានចំនួន ២ ពាន់លានដុល្លារ ដូចដែលបានគូសបញ្ជាក់ដោយ The Irish Sun នៅក្នុងរបាយការណ៍មួយ។

យោងតាម The Sun បញ្ចាក់ថា ការវិនិយោគរបស់ទ្រង់ និងគ្រួសារនៅក្នុងអចលនទ្រព្យសំខាន់ៗទូទាំងពិភពលោករួមមានទីតាំងសំខាន់ៗដូចជា London’s Shard, Olympic Village និង New York’s Empire State Building។ ទ្រង់ក៏បានទិញក្លឹប Paris Saint-Germain ក្នុងឆ្នាំ ២០១១ តាមរយៈ Qatar Sports Investments ៕

អត្ថបទ៖ សាង ស្រីល័ក្ខ

ចុចអាន៖ពិធីជប់លៀង មុនមង្គលការកូនប្រុសពៅមហាសេដ្ឋី ឥណ្ឌា ភ្ញៀវចូលរួមសុទ្ធតែបុគ្គលល្បីលើលោក

The post ចូលដល់ឆ្នាំ២០២៤ ស្តេច ៥អង្គ នៅតែមានទ្រព្យមហាសាលដដែល appeared first on Kampuchea Thmey Daily.

ក្នុងដំណើរយាងមកដល់ប្រទេសថៃជាលើកទីពីររបស់បុត្រាស្ដេច Maha Vajiralongkorn លើកនេះត្រូវបានគេដឹងថាជាដំណើរ​ផ្ទាល់ខ្លួនដោយទ្រង់មានបំណង​ចូលរួម​សកម្មភាព​គោរព​វិញ្ញាណក្ខន្ធ​ព្រះករុណា ព្រះមហាក្សត្រ ភូមិបុល អាឌុលយ៉ាដេត និង​ធ្វើ​សកម្មភាព​ក្នុង​ថ្ងៃ​បុណ្យ​បិតា​ជាតិ ៥ ធ្នូ រួម​ទាំង​ការ​យាង​ទៅ​ខេត្ត​នានា។ ស្របពេលដែលគេរំពឹងថាទ្រង់នឹងគង់នៅទឹកដីកំណើតរយៈពេល ២ សប្តាហ៍ឯណោះ។

លើសពីនេះថែមទៀតដែរ ព្រះបុត្រា Vacharaesorn ​បានមានព្រះបន្ទូលប្រាប់​អ្នក​ជិត​ស្និទ្ធ​​កាលពីនៅ​សហរដ្ឋ​អាមេរិក​ថា ទ្រង់យាងមកលើកនេះព្រោះចង់​ធ្វើ​ដំណើរ​ទៅ​ខេត្ត​ជាច្រើន​ ប៉ុន្តែមិនបានបញ្ចាក់លម្អិតនោះទេ។ ក្នុងនោះទ្រង់ចង់ទៅបែបសាមញ្ញដោយមិនមានអ្នកហែរហមច្រើនឡើយ។

សូមរម្លឹកដែរថា កាលពីថ្ងៃទី ០៧ ខែសីហា ឆ្នាំ ២០០៣បុត្រាទីពីររបស់ស្ដេចថៃអង្គនេះ បានធ្វើដំណើរយាងត្រឡប់ទៅប្រទេសថៃវិញជាលើកដំបូងក្នុងរយៈពេល ២៧ ឆ្នាំ នៅពេលនោះទ្រង់បានធ្វើដំណើរទៅថ្វាយបង្គំព្រះពុទ្ធរូប និងវត្ថុស័ក្តិសិទ្ធិជាច្រើនតាមវត្តអារាម ព្រះបរមរាជវាំង និងទីសក្ការៈបូជាក្នុងក្រុង។ ក្រោយមកទ្រង់បានបាន​បង្ហោះ​រូប​មួយ​សន្លឹក​លើ​ទំព័រ​ហ្វេស​ប៊ុក​ផ្ទាល់ឈ្មោះ Vacharaesorn Vivacharawongse ពេល​កំពុងគង់លើ​តុក​តុក ព្រមទាំងបានសោយគុយទាវជាមួយក្រុមធ្វើដំណើរ ដែលហេតុការណ៍នេះត្រូវបានបង្ហោះក្នុងឃ្លិបដោយអ្នកយកព័ត៌មាន Wassana Nanum ។

ទោះយ៉ាងណាក៏ដោយ ការ​យាងត្រលប់ចូលប្រទេស​ថៃរបស់​បុត្រា Vacharaesorn Vivacharawongse បាន​ធ្វើ​ឲ្យ​ប្រព័ន្ធ​ផ្សព្វផ្សាយ​ធំៗ​ភ្ញាក់​ផ្អើលយ៉ាងខ្លាំង ខណៈ​នៅលើ​គេហទំព័រ X ប្រជាជនជាច្រើនបានបង្កើត hashtag គាំទ្រទ្រង់ជាង ៣៩០,០០០ ដង​​ ហើយដំណើរ​ទស្សន​កិច្ច​របស់​ទ្រង់បាន​ទទួល​ការ​ចាប់​អារម្មណ៍​ខ្លាំង ​ទាំង​ក្នុង​ប្រព័ន្ធ​ផ្សព្វផ្សាយ​ក្នុង​ស្រុក និង​អន្តរជាតិ​រួម​មាន CNN, BBC និង Reuters៕

ប្រែសម្រួល៖ សាង ស្រីល័ក្ខ

ចុចអាន៖ការយាងចូលមកមាតុភូមិរបស់បុត្រាស្ដេច ថៃ ដែលគង់និរទេស២៧ឆ្នាំ បង្កើតភាពភ្ញាក់ផ្អើលពីសារព័ត៌មានពិភពលោក

The post លេចវត្តមានព្រះរាជបុត្រាថៃ Vacharaesorn វិលចូលមាតុភូមិលើកទី ២ appeared first on Kampuchea Thmey Daily.

នៅ​ថ្ងៃទី ០៤ ខែកញ្ញា ឆ្នាំ ២០២៣ ​បុត្រា Chakriwat បានប្រើឈ្មោះក្នុងនាមជា​វេជ្ជបណ្ឌិតដោយ​បង្ហោះ​ឃ្លិប​ដើម្បី​ផ្សព្វផ្សាយ​ចំណេះដឹង​ផ្នែក​វេជ្ជសាស្រ្តតាមរយៈ Facebook របស់ទ្រង់ផ្ទាល់ ហើយ​លើកឡើង​ពី​ប្រធានបទ​សំខាន់ៗ​ចំនួន​ពីរសម្រាប់ថ្ងៃនេះ​ទាក់ទង​នឹងការ​ទល់លាមក និង​ផលិតផល​បន្សាប​ជាតិពុលដែលមានលក់នៅក្នុងហាងលក់វីតាមីន និង​អាហារបំប៉ន​នៅតាម​បណ្ដា​ហាងនានា។

ក្នុងនោះទ្រង់បានពន្យល់ពីបញ្ហាទល់លាមក តើវាជាអ្វី? តើអ្វីបណ្តាលឲ្យ​វាកើតឡើង? តើ​ជម្រើស​គ្រប់គ្រងអ្វីខ្លះ? ហើយ​តើ​អ្នក​ត្រូវ​ធ្វើ​ការ​ផ្លាស់​ប្តូរ​របៀប​រស់នៅ​បែប​ណា? ហើយចុងក្រោយនិងសំខាន់បំផុត ទុកពេលឲ្យ​ខ្លួនឯងច្រើនដើម្បីប្រើ​បន្ទប់ទឹកតាមសម្រួលវិញ។

លើសពីនេះទៀតដែរ ផលិតផល Detox ដែលលក់ក្នុងហាងទំនិញ “ខ្ញុំ​មិនលើកទឹកចិត្តអ្នកឲ្យ​សាកល្បងទេ អ្នកអាចសាកល្បង​វា ចង់​ដឹង​ថា​វា​យ៉ាង​ណា តែ​សន្យា​ខ្ញុំ​មុន​សិនថា​អ្នកនឹង​ប្រាប់​គ្រូពេទ្យ​របស់អ្នក។ តើអ្នកចង់​សាកល្បង​វា​ដោយរបៀបម៉េច? ហើយសុំដំបូន្មានពី​វេជ្ជបណ្ឌិត​ឲ្យបាន​ម៉ត់ចត់​បំផុត។ មិន​ដូច្នោះ​ទេ ​អ្នក​នឹង​រងនូវ​ការ​គំរាមកំហែង​ដល់​អាយុជីវិត​មិនខានឡើយ។

តើវាសមហេតុផលទេក្នុងការប្រើវា? តើវាសម្រាប់ការ​សម្រក​ទម្ងន់​មែនទេ? ឬ​បញ្ឆោត​មនុស្សឲ្យ​ចាយ​លុយ​ទិញ? ត្រូវសួរខ្លួនឯងជាមុនសិនដែរ។

យ៉ាងណាមិញ បុត្រា​ទី៣របស់ស្ដេចថៃ មហា វ៉ាជីរ៉ាឡុងកន បាន​មាន​បន្ទូល​ចុងក្រោយ​ទៀតថា ថ្នាំ​បន្សាប​ជាតិពុល​មួយ​ចំនួន​បណ្តាលឲ្យ​អតុល្យភាព​អេឡិចត្រូលីតនៅក្នុងខ្លួន និង​ការខះជាតិទឹកដល់ចំណុច​គ្រោះថ្នាក់ ដែលនឹង​បណ្តាល​ឲ្យ​ស្លាប់។ ដូច្នេះប្រសិនបើអ្នកចាប់អារម្មណ៍​លើផលិតផល Detox ដែលអ្នកបានទិញនៅហាង សូមយកវាទៅជួបគ្រូពេទ្យ ហើយសុំការណែនាំពីគាត់ថា តើវាសក្តិសមនឹងអ្នកឬអត់​? សូមមានសុវត្ថិភាព ជាមួយនឹង​ការ​ជូនពរ​ដ៏​ល្អ​បំផុត៕

ប្រែសម្រួល៖ សាង ស្រីល័ក្ខ

ប្រភព៖​Sanook

ចុចអាន៖ខណៈគណៈរដ្ឋមន្ត្រីមិនទាន់លេចរូបរាង តើនរណានឹងតំណាង ថៃ ចូលរួមកិច្ចប្រជុំកំពូលអាស៊ាននៅ ឥណ្ឌូណេស៊ី?

The post បុត្រាទី៣របស់ស្ដេច មហា វ៉ាជីរ៉ាឡុងកន ព្រមានអ្នកប្រើ Detox ឬថ្នាំបន្សាបជាតិពុលថា អាចនឹងស្លាប់បាន appeared first on Kampuchea Thmey Daily.

យ៉ាងណាមិញ ​ក្នុងដំណើរយាងមកដល់ប្រទេសថៃលើកដំបូង​របស់បុត្រាទាំងពីរព្រះអង្គ បាន​បង្ក​ភាព​ភ្ញាក់ផ្អើលពី​ប្រជានុរាស្រ្ត​យ៉ាងច្រើន ខណៈនៅឯព្រះរាជវាំង គឺមិនមានការបកស្រាយណាមួយ​អំពីវត្តមានរបស់សែរាជវង្សឡើយ។

ការយាងមកដល់ប្រទេសថៃរបស់បុត្រាទី២ Vacharaeson Vivacharawongse កាលពី​សប្ដាហ៍​មុន ទ្រង់​បានទៅទតមណ្ឌលថែទាំកុមារ និងបានចូលរួមក្នុងពិធីសាសនានៅប្រាសាទបាងកក។ ស្របពេលដែលបុត្រាទី៣ Chakriwat ក៏យាងមកដល់ដែរ ហើយពួកទ្រង់បានយាងទៅ​មន្ទីរពេទ្យ និងគោរពបូជាបុព្វបុរសក្នុងរាជវង្ស។

ទោះយ៉ាងណាក៏ដោយ​ មុនយាងត្រលប់ទៅកាន់ទឹកដីអាមេរិកវិញ បុត្រា Vacharaeson មានបន្ទូល​ទៅកាន់​អ្នក​យក​ព័ត៌មាន​កាលពីថ្ងៃចន្ទ មុន​ពេលចាកចេញ​ពី​អាកាសយានដ្ឋាន​សុវណ្ណភូមិ​ថា នេះ​គឺជា​សប្ដាហ៍​ដ៏​លឿនមួយសម្រាប់ទ្រង់! មានរឿងជាច្រើនដែលយើងចង់ធ្វើ និងឃើញនៅក្នុងប្រទេសថៃ ប៉ុន្តែមិនមាន​ពេលច្រើនទេ ។

បុត្រាស្ដេចថៃអង្គនេះ​មាន​បន្ទូលទាំង​សោកសៅ​ ​តែប្រឹងរក្សាទឹកមុខញញឹមបន្ត​ថា​ ​យើង​បាន​ទទួល​ក្ដី​ស្រឡាញ់​និង​ភាព​កក់​ក្ដៅ​ពី​គ្រប់​គ្នា​ដែល​យើង​បាន​ជួប។

បន្តិចក្រោយមកទ្រង់ស្រាប់់តែមានសំឡេង​ញាប់​ញ័រ និង​ស្រក់​ទឹកនេត្រាថា “ខ្ញុំ​ដឹង​គុណ​ចំពោះ​ព្រះ​មហាក្សត្រ។ ដឹងគុណជាតិ ខ្ញុំសប្បាយចិត្តណាស់ដែលបានកើតនៅប្រទេសថៃ។ លើក​នេះ​ខ្ញុំ​ត្រូវ​ចាកចេញ​ម្តង​ទៀត ប៉ុន្តែ​ខ្ញុំ​សង្ឃឹម​ថា ថ្ងៃ​អនាគត​ខ្ញុំ និង​ក្រុម​គ្រួសារ​នឹង​ត្រឡប់​មក​លេង​ប្រទេស​ថៃ​ម្ដង​ទៀត។ សង្ឃឹម​ថា​ក្នុង​ពេល​ឆាប់ ក្នុងអំឡុងពេលអវត្តមានរបស់យើង ខ្ញុំសុំឲ្យអ្នកទាំងអស់គ្នាជួយការពារប្រទេសថៃ ដើម្បីឲ្យ​វាក្លាយជាប្រទេសមួយផ្អែកលើយុត្តិធម៌ សមភាព សេចក្តី​ស្រឡាញ់ និងការរួបរួម។ យើងសង្ឃឹមថា​នឹងត្រលប់មកវិញឆាប់ៗ បន្ទាប់ពីបាន​លាតត្រដាងពីអារម្មណ៍​របស់យើងទៅកាន់ប្រព័ន្ធផ្សព្វផ្សាយ”។

សូម​រម្លឹក​ឲ្យដឹង​ថា បុត្រា Vacharaesorn និងបុត្រា Chakriwat គឺជាបុត្រ​របស់ព្រះមហេសីទីពីរ​របស់​ព្រះមហាក្សត្រ Vajiralongkorn គឺ Sujarinee Vivacharawongse ជាអតីតតារា​សម្តែង​ដែល​ស្ដេច​ថៃ​បាន​លែងលះ​ក្នុងឆ្នាំ ១៩៩៦ ។ ក្រោយ​មកបុត្រាទាំង៤និងមាតាត្រូវ​និរទេស​ចាកឆ្ងាយ ដោយ​ចោទប្រកាន់​ជា​សាធារណៈ​ពី​បទ​ផិតក្បត់៕

ប្រែសម្រួល៖ សាង ស្រីល័ក្ខ

ប្រភព៖ Sanook CNA

ចុចអាន៖បុត្រា ៤អង្គរបស់ស្ដេចថៃ Maha Vajiralongkorn ដែលនិរទេសទៅអាមេរិក បច្ចុប្បន្នកាន់មុខតំណែងសំខាន់អ្វីខ្លះ?

The post មុនយាងទៅវិញ បុត្រាស្ដេច ថៃ មានបន្ទូលទាំងសំឡេងញាប់ញ័រ និងស្រក់ទឹកនេត្រាមុខប្រជារាស្ត្រ appeared first on Kampuchea Thmey Daily.

យ៉ាងណាមិញ កាលពីថ្ងៃទី ០៧ ខែសីហា ឆ្នាំ ២០២៣ បុត្រាទីពីរ Watcharares Wiwatcharawong បានយាងត្រលប់មកកាន់ប្រទេសថៃជាលើកដំបូង វា​ជា​ព្រឹត្តិការណ៍​មួយ​ដែល​ធ្វើ​ឲ្យប្រជាជន​ថៃ​ចាប់អារម្មណ៍​យ៉ាង​ខ្លាំង ។ ប្រការ​នេះ​ធ្វើ​ឲ្យ​រឿង​របស់​ព្រះអង្គម្ចាស់​ទាំង ៤ ទទួល​បាន​ការ​ចាប់​អារម្មណ៍​ពី​សំណាក់​អ្នក​ជំនាន់​ចាស់ និង​ជំនាន់​ថ្មីសារជាថ្មីម្ដងទៀត។

កម្ពុជាថ្មី​នឹងនាំអ្នកអានទាំងអស់គ្នា ទៅស្វែងយល់ពីប្រវត្តិរបស់បុត្រាទាំង ៤ ព្រមទាំងរឿងរ៉ាវនៃមុខតំណែងរបស់របស់ព្រះអង្គនីមួយៗឲ្យបានកាន់តែច្បាស់និងស៊ីជម្រៅ។

១ បុត្រា Juthawatchara Wiwatcharawong

បុត្រាអង្គនេះ​ប្រសូតនៅថ្ងៃទី ២៩ ខែសីហា ឆ្នាំ ១៩៧៩ គឺជាព្រះរាជបុត្រច្បងរបស់ព្រះមហាក្សត្រ Vajiralongkorn និងមាតា Sujarinee Wiwatcharawong។ ទ្រង់បានបញ្ចប់ថ្នាក់បរិញ្ញាបត្រផ្នែកអាកាសចរណ៍ និងថែទាំ សាកលវិទ្យាល័យ Miami រដ្ឋ Florida និងអនុបណ្ឌិតវិទ្យាសាស្ត្រនៅ Garibin Connecticut បច្ចុប្បន្ន​ជាម្ចាស់ក្រុមហ៊ុនផ្នែកអាកាសចរណ៍ និងគង់​នៅ​សហរដ្ឋ​អាមេរិក​ដោយរៀបការ​ជាមួយនាង Riya Gough។

២ បុត្រា Watchararesorn Wiwatcharawong

បុត្រាអង្គនេះ​ប្រសូតនៅថ្ងៃទី២៧ ខែឧសភា ឆ្នាំ ១៩៨១ ជាព្រះរាជបុត្រទីពីររបស់ព្រះបាទ Vajiralongkorn និងនៅ Sujarinee Wiwatcharawong ។ បច្ចុប្បន្នកំពុងធ្វើការជាទីប្រឹក្សាច្បាប់ឲ្យក្រុមហ៊ុន Maney & Gordon, P.A., Tampa ដោយរស់នៅជាមួយមាតា និងបងប្រុសរបស់ទ្រង់​នៅទីក្រុងញូវយ៉ក សហរដ្ឋអាមេរិក។

៣ បុត្រា Chakriwat Wiwatcharawong

បុត្រា Chakriwat Wiwatcharawong​ ប្រសូត្រនៅថ្ងៃទី២៦ ខែកុម្ភៈ ឆ្នាំ ១៩៨៣ គឺជាបុត្រទីបីរបស់ស្ដេច Vajiralongkorn និងមាតា Sujarinee Wiwatcharawong ។ ទ្រង់​បានបញ្ចប់ការសិក្សានៅសាលា Pangborn និងសាលា Sunningdale នៅ Berkshire ប្រទេសអង់គ្លេស។ បន្ទាប់មកគ្រួសារទាំងមូល​បាន​ផ្លាស់​ទៅរស់នៅ​សហរដ្ឋអាមេរិក និងបានបញ្ចប់ការសិក្សាផ្នែកចិត្តវិទ្យា និង​វេជ្ជសាស្ត្រ ពីសាកលវិទ្យាល័យ Miami រដ្ឋ Florida។ មុខរបរបច្ចុប្បន្ន បានបង្កើតមជ្ឈមណ្ឌលវេជ្ជសាស្ត្រអន្តរជាតិ Chakriwat នៅទីក្រុងញូវយ៉ក ដោយផ្តល់ដំបូន្មានជាប្រចាំលើការព្យាបាលជំងឺផ្សេងៗតាមអ៊ីនធឺណិត។

៤ បុត្រា Watcharawee Wiwatcharawong

ទ្រង់ប្រសូត្រនៅ​ថ្ងៃ​ទី ១៤ ខែ​មិថុនា ឆ្នាំ ១៩៨៥ ជា​ព្រះរាជ​បុត្រ​ទី ៤ របស់​ព្រះបាទ Vajiralongkorn និងមាតា Sujarinee ។​ បុត្រាអង្គនេះ​បាន​បញ្ចប់ថ្នាក់បរិញ្ញាបត្រពីរផ្នែកគឺ ធុរកិច្ច​អន្តរជាតិ និងហិរញ្ញវត្ថុ អនុបណ្ឌិត​គ្រប់គ្រង​ពាណិជ្ជកម្ម និងបណ្ឌិតផ្នែកច្បាប់។ បច្ចុប្បន្ន​ទ្រង់ជាអ្នកផ្នែកច្បាប់ និងគង់នៅ​ជាមួយមាតា ព្រមទាំងបងប្រុស​នៅ​ទីក្រុង​ញូវយ៉ក សហរដ្ឋអាមេរិក​៕

ប្រែសម្រួល៖ សាង ស្រីល័ក្ខ

ចុចអាន៖បុត្រាស្ដេចថៃដែលទើបយាងចូលប្រទេស មានបន្ទូលពាក់ព័ន្ធនឹងគេចោទទ្រង់ថា យាងជួបជាមួយបក្សភឿថៃ

The post បុត្រា ៤អង្គរបស់ស្ដេចថៃ Maha Vajiralongkorn ដែលនិរទេសទៅអាមេរិក បច្ចុប្បន្នកាន់មុខតំណែងសំខាន់អ្វីខ្លះ? appeared first on Kampuchea Thmey Daily.

យ៉ាងណាមិញ ការវិលមកវិញរបស់ទ្រង់​ក៏​បាន​បញ្ជាក់​ឲ្យដឹងថា​ គ្រាន់តែក្នុងគោលបំណង​ធម្មតា​ប៉ុណ្ណោះ! ខណៈ​ដែលកាលពេលថ្មីៗនេះ​ លោក somsak jeamteerasakul បានសរសេរលើ​បណ្ដាញ​អ៊ីនធឺណិត​ថា “ថ្ងៃនេះ​បុត្រា Watcharesorn Wiwatcharawong មានកម្មវិធី​ជួបជុំ​ញ៉ាំ​អាហារ​ជាមួយ​មនុស្ស​ក្នុង​គណបក្ស​ភឿថៃ ​នៃ​តំបន់​ Sukhumvit” ។

ភ្លាមៗនោះដែរ បុត្រ​ច្បង​ទី​ពីរ​របស់​ព្រះ​មហាក្សត្រ Maha Vajiralongorn ស្រាប់​តែប្រតិកម្មតបត​ទៅ​កាន់​លោក​ភ្លាមៗ​ដោយឥតបង្អង់យូរថា “ខ្ញុំត្រូវតែសុំទោស! វាមិនពិតទាល់តែ​សោះ។ ខ្ញុំ​មិន​ពាក់ព័ន្ធ​នឹង​រឿង​នយោបាយ​ទេ”។

ក្រោយមក​ លោក somsak jeamteerasakul បាន​បង្ហោះ​សារ​សុំទោស ​បន្ទាប់​ពីបុត្រាអង្គនេះប្រកែក​ថា​ទ្រង់​មិន​បាន​ជួប​ជុំ​គ្នា​ទទួលទាន​អាហារ​ជាមួយ​គណបក្ស​ភឿថៃ ដូចដែលគេ​ចោទ​ទ្រង់ឡើយ។ ហើយប្រជាជនក៏សុទ្ធតែដឹងថាដំណើរយាងមកដល់ទឹកដីកំណើតរបស់ទ្រង់គឺដោយសារតែនឹករលឹកនិងចង់​ស្វែងយល់​បន្ថែម​អំពី​វប្បធម៌ និង​បន្ត​ផ្សព្វផ្សាយ​នៅ​បរទេសតែប៉ុណ្ណោះ៕

ប្រែសម្រួល៖ សាង ស្រីល័ក្ខ

ប្រភព៖today N thethaiger

ចុចអាន៖ការយាងចូលមកមាតុភូមិរបស់បុត្រាស្ដេច ថៃ ដែលគង់និរទេស២៧ឆ្នាំ បង្កើតភាពភ្ញាក់ផ្អើលពីសារព័ត៌មានពិភពលោក

The post បុត្រាស្ដេចថៃដែលទើបយាងចូលប្រទេស មានបន្ទូលពាក់ព័ន្ធនឹងគេចោទទ្រង់ថា យាងជួបជាមួយបក្សភឿថៃ appeared first on Kampuchea Thmey Daily.

ដំណើរ​ទស្សន​កិច្ច​របស់​ទ្រង់បាន​ទទួល​ការ​ចាប់​អារម្មណ៍​ខ្លាំង ​ទាំង​ក្នុង​ប្រព័ន្ធ​ផ្សព្វផ្សាយ​ក្នុង​ស្រុក និង​អន្តរជាតិ​រួម​មាន CNN, BBC និង Reuters។ នេះ​ក៏​ដោយ​សារ​តែ​ព្រះ​ចៅ​ Vacharaesorn ជា​បុត្រ​ច្បង​ទី​ពីរ​របស់​ព្រះ​មហាក្សត្រ Maha Vajiralongorn និង​អតីត​មហេសី Sujarinee Vivacharawongse ដែលបាន​និរទេស​ជាមួយ​មាតា​និង​បងប្អូន​ប្រុស​ទ្រង់​៣អង្គទៀត ​អស់​រយៈពេលជាង២៧ឆ្នាំមកហើយ។

យ៉ាងណាមិញ ការមកដល់អាកាសយានដ្ឋានអន្តរជាតិសុវណ្ណភូមិ កាលពីថ្ងៃទី០៥ ខែសីហា ធ្វើឡើងក្នុង​គោលបំណង​ជារឿងតូចតាច​ប៉ុណ្ណោះ។ ប៉ុន្តែព័ត៌មានបានរីករាលដាលយ៉ាងរហ័ស បន្ទាប់ពី​មនុស្ស​មួយ​ចំនួន​នៅ​ប្រលានយន្តហោះ​ចេញមក​ទទួលស្វាគមន៍​ទ្រង់​ដោយ​ទឹកមុខ​រំភើប​និង​សប្បាយចិត្តជាខ្លាំង។

ក្នុងនោះទ្រង់​បានប្រាប់ប្រព័ន្ធផ្សព្វផ្សាយថា “ខ្ញុំពិតជារីករាយដែលបានត្រលប់ទៅប្រទេសថៃវិញ ខ្ញុំត្រូវបាន​ស្វាគមន៍​យ៉ាង​កក់ក្ដៅ។ ខ្ញុំបានទៅ​ឆ្ងាយ​អស់រយៈពេល ២៧ ឆ្នាំ។ វាដូចជាសុបិន​ក្លាយ​ជា​ការពិត​ក្នុងការ​ត្រលប់មកទីនេះ។ មុន​ពេល​យន្តហោះ​ចុះ​ចត ខ្ញុំ​បាន​មើល​ទៅ​ក្រៅ​បង្អួច ហើយ​មាន​អារម្មណ៍​រំជួល​ចិត្ត និង​ដឹង​គុណ​ចំពោះ​ប្រទេស​នេះ”។

ទ្រង់​ក៏មាន​បន្ទូល​បន្ថែម​ទៀតថា ទ្រង់មិនដែលភ្លេចទេថាខ្លួនជាជនជាតិថៃ។ មិនដែលភ្លេចអំពី​សារៈសំខាន់​នៃ​វប្បធម៌​ថៃទេ។ ហើយពេលនៅក្រៅ​ប្រទេស ទ្រង់បាន​ចំណាយ​ពេលផ្សព្វផ្សាយ​វប្បធម៌ ដើម្បីឲ្យ​ជនបរទេស​អាច​យល់​ពី​បេតិកភណ្ឌ​ដ៏មាន​តម្លៃ​របស់ប្រទេស។ ហើយការ​ត្រឡប់​មក​ប្រទេស​ថៃ​លើក​នេះ ទ្រង់ចង់​ស្វែងយល់​បន្ថែម​អំពី​វប្បធម៌ និង​បន្ត​ផ្សព្វផ្សាយ​នៅ​បរទេស។

ទោះយ៉ាងណាក៏ដោយ មាន​សេចក្ដី​រាយការណ៍​ថា បុត្រា Vacharaesorn​ នឹង​ចំណាយ​ពេល​ប្រហែល​មួយ​សប្ដាហ៍​នៅ​ប្រទេស​ថៃ មុន​នឹង​ត្រឡប់​ទៅ​សហរដ្ឋ​អាមេរិក​វិញ។ ទ្រង់​មានភាពមមាញឹកតាំងពីពេលមកដល់ ហើយរីករាយជាមួយម្ហូបថៃល្បីៗទាំងនៅភោជនីយដ្ឋានតាមផ្លូវក្នុងប្រទេសកំណើតដោយប្រាប់ប្រជាជនថាឲ្យចាត់ទុកទ្រង់ជារាស្រ្តសាមញ្ញ៕

ប្រែសម្រួល៖ សាង ស្រីល័ក្ខ

ប្រភព៖Thai PBS

ចុចអាន៖បុត្រីស្ដេចថៃ ព្រះនាង Sirivannavari ប្រារព្ធខួបកំណើតឲ្យសុនខទ្រង់សព្វព្រះទ័យខ្លាំងបំផុត យ៉ាងគគ្រឹកគគ្រេង

ចុចអាន៖បុត្រាបុត្រី ៧ អង្គ របស់ស្ដេចថៃ Maha Vajiralongkorn សុទ្ធតែមានមុខ​តំណែង​ធំ​ៗ

The post ការយាងចូលមកមាតុភូមិរបស់បុត្រាស្ដេច ថៃ ដែលគង់និរទេស២៧ឆ្នាំ បង្កើតភាពភ្ញាក់ផ្អើលពីសារព័ត៌មានពិភពលោក appeared first on Kampuchea Thmey Daily.