យោង​តាម Celebrity Networth បានរកឃើញស្តេច ៥ អង្គ មានបំផុត​លើពិភពលោក​ ដោយគិតត្រឹមពាក់កណ្ដាលឆ្នាំ២០២៤ ហើយទ្រព្យសម្បត្តិភាគច្រើនសុទ្ធសឹងតែបានមកពី​ការ​វិនិយោគសុទ្ធសាធ។

១ ស្ដេចថៃ Maha Vajiralongkorn

នៅពេលនិយាយអំពីរាជវង្សដែលមានជាងគេបំផុតរបស់ពិភពលោក ព្រះមហាក្សត្រថៃ មហា វ៉ាជីរ៉ាឡុងកន តែងតែជាក្សត្រលេចធ្លោក្នុងរឿងទ្រព្យធនជាប់ៗគ្នាលើបញ្ចីឈ្មោះមហាសេដ្ធី។ ស្ដេចថៃអង្គនេះ មានទ្រព្យសម្បត្តិចន្លោះពី ៣០ពាន់លានដុល្លារ ទៅ ៤៥ ពាន់លានដុល្លារ ហើយមរតកទាំងនោះភាគច្រើនក្នុងទម្រង់ជាអចលនៈទ្រព្យទាំងអស់។ ព្រះមហាក្សត្រអង្គនេះ ក៏កាន់កាប់ភាគហ៊ុនធំនៅក្នុងក្រុមហ៊ុន ស៊ីម៉ងត៍សៀមគ្រុប, ធនាគារសៀមពាណិជ្ជ និងក្រុមហ៊ុនធានារ៉ាប់រង Shin Corporation​ ជាពិសេសទ្រង់ក៏ជាម្ចាស់ដីមួយក្នុងចំណោមម្ចាស់ដីកំពូលទាំងដប់របស់ពិភពលោកផងដែរ។

២​ ស្ដេចព្រុយណេ Sultan Hassanal Bolkiah

មិនខុសពីស្ដេចថៃ ស្តេចស៊ុលតង់នៅតែគង់លើកំពូលតារាងជាអ្នកមាន​​ទ្រព្យ​សម្បត្តិ​ច្រើនហួសប្រមាណក្នុងបញ្ចីឈ្មោះមហាសេដ្ធី។ ចាប់តាំងពីព្រុយណេទទួលបានឯករាជ្យពីចក្រភពអង់គ្លេសក្នុងឆ្នាំ ១៩៨៤ ទ្រង់បាននាយករដ្ឋមន្ត្រី និងជាព្រះមហាក្សត្រដែលគ្រងរាជ្យយូរជាងគេទី ២ លើពិភពលោក។ ទ្រព្យសម្បត្តិដ៏ធំរបស់ព្រះអង្គត្រូវគេប៉ាន់ស្មានថាមានចំនួន ៣០ ពាន់លានដុល្លារ​ ហើយភាគច្រើនបានមកពីទុនបម្រុងប្រេងដ៏ធំ​ និងឧស្ម័នធម្មជាតិក្នុងស្រុក។

៣ ស្តេចអារ៉ាប៊ីសាអូឌីត Salman bin Abdulaziz Al Saud

សែ​រាជវង្ស​មួយអង្គទៀត​ ដែល​មាន​ទ្រព្យ​សម្បត្តិ​ច្រើន​ដោយសារ​ប្រេង គឺ​ស្តេច សាលម៉ាន់ ប៊ីន អាប់ឌូឡាស៊ី អាល់ស៊ូ នៃ​ប្រទេស​អារ៉ាប៊ីសាអូឌីត។ ទ្រង់ក៏ជានាយករដ្ឋមន្ត្រីនៃប្រទេសអារ៉ាប៊ីសាអូឌីតដែលមានវ័យចំណាស់ជាងគេទីបី ដោយបានគ្រប់គ្រងតាំងពីឆ្នាំ ២០១៥ ដល់ឆ្នាំ ២០២២។ បច្ចុប្បន្ននេះ ទ្រង់មានទ្រព្យសម្បត្តិប្រហែល ២០ពាន់លានដុល្លារ។

៤ ស្ដេចអារ៉ាប៊ីសាអូឌីត Al-Waleed Bin Talal bin Abdulaziz al Saud

សមាជិក​មួយ​រូប​ទៀត​នៃ​រាជវង្ស​អារ៉ាប៊ីសាអូឌីត ជាប់​លេខ​បួន​ដោយ​មាន​ទ្រព្យ​សម្បត្តិ​ប្រហែល ១៧​លាន​ដុល្លារ។ ទ្រព្យរបស់សែរាជវង្សអង្គនេះ សុទ្ធសឹងតែបានមកពីទ្រង់ជាអ្នកបង្កើត ហើយ៩៥ភាគរយជាម្ចាស់នៃក្រុមហ៊ុន Kingdom Holding ដែលជាក្រុមហ៊ុនមានការវិនិយោគនៅក្នុងក្រុមហ៊ុនក្នុងសេវាកម្មហិរញ្ញវត្ថុ ទេសចរណ៍ និងបដិសណ្ឋារកិច្ច ប្រព័ន្ធផ្សព្វផ្សាយ កម្សាន្ត ការលក់រាយ វិស័យកសិកម្ម គីមីឥន្ធនៈ អាកាសចរណ៍ បច្ចេកវិទ្យា និងវិស័យអចលនទ្រព្យ។

៥ ស្ដេច Hans Adam ទី II

ព្រះអង្គម្ចាស់នៃ Liechtenstein​ ហាន់ អាដាមទី២ បានគ្រប់គ្រងប្រទេសតូចមួយនៅអឺរ៉ុប ចាប់តាំងពីឆ្នាំ ១៩៨៩ ។ ប្រាក់ចំណូលរបស់ព្រះមហាក្សត្របានមកពីធនាគារ ហើយទ្រង់ក៏បានប្រែក្លាយធនាគារគ្រួសារក្នុងស្រុកតូចមួយឈ្មោះ LGT ទៅជាក្រុមហិរញ្ញវត្ថុអន្តរជាតិ។ គិតត្រឹមពាក់កណ្ដាលឆ្នាំ២០២៤ ទ្រង់មាន​ទ្រព្យ​សម្បត្តិ​ប្រហែល ៧ ពាន់លានដុល្លារ៕

អត្ថបទ៖ សាង ស្រីល័ក្ខ

ចុចអាន៖រថយន្ត ៥ គ្រឿង ជាបណ្តុំសំណព្វចិត្តរបស់មេ Meta តែងប្រើប្រាស់ជាប្រចាំថ្ងៃ

The post ត្រឹមពាក់កណ្ដាលឆ្នាំ ស្ដេច ៥ អង្គ មានរាជសម្បតិ្តច្រើនអនេក appeared first on Kampuchea Thmey Daily.

ខាងក្រោមនេះ កម្ពុជាថ្មី នឹងនាំមកជូននូវស្តេចដែលមានបំផុត​លើពិភពលោកទាំង ១០​ក្នុងឆ្នាំ២០២៣ ដែលទ្រព្យសម្បត្តិភាគច្រើនបានមកពី​ការ​វិនិយោគ​សុទ្ធសាធ។

១ ព្រះអង្គម្ចាស់ Vajiralongkorn ប្រទេសថៃ មានទ្រព្យសម្បត្តិ ៤៣ ពាន់លានដុល្លារ

ព្រះ​អង្គគឺ​ជាព្រះរាជបុត្រតែមួយគត់របស់ព្រះបាទ Bhumibol Adulyadej និងព្រះមហាក្សត្រី Sirikit ។ បន្ទាប់ពីការសោយទីវង្គត់របស់ព្រះបិតា​នៅថ្ងៃទី ១៣ ខែតុលា ឆ្នាំ ២០១៦ ព្រះអង្គត្រូវបានគេរំពឹងថានឹងឡើងសោយរាជ្យ ប៉ុន្តែក្រោយមកនៅឆ្នាំ២០១៩ ទើប​ទ្រង់បានឡើងសោយរាជ្យ។ ​ប្រភពនៃ​ទ្រព្យសម្បត្តិរបស់​ទ្រង់​គឺ​តាម​រយៈ​ការ​វិនិយោគ​ដែល​បាន​មកពី​ការិយាល័យរបស់ Crown Property ខណៈទ្រង់ក៏កាន់កាប់ភាគហ៊ុនធំនៅក្នុងក្រុមហ៊ុន ស៊ីម៉ងត៍សៀមគ្រុប និងធនាគារសៀមពាណិជ្ជ និងជាក៏ជាម្ចាស់ត្បូងពេជ្រធំជាងគេបំផុតលើពិភពលោកផងដែរ។ 

២ ស្ដេច​ស៊ុលតង់ Hassanal Bolkiah ​ប្រទេស​ព្រុយណេ ទ្រព្យសម្បត្តិ​សុទ្ធ ២៨ ពាន់​លាន​ដុល្លារ

ស្ដេច Hassanal Bolkiah គឺជាស្តេចស៊ុលតង់ទី ២៩ និងបច្ចុប្បន្នគឺ Yang di-Pertuan ព្រមទាំងជា​នាយករដ្ឋមន្ត្រីនៃប្រទេស ដែលធ្វើឲ្យ​ព្រះអង្គក្លាយជាស្តេចផ្តាច់ការ​ចុងក្រោយបង្អស់។ ស្តេចស៊ុលតង់​ត្រូវ​បាន​ចាត់​ថ្នាក់​ក្នុង​ចំណោម​បុគ្គល​ដែល​មាន​ជាងគេ​បំផុត​នៅ​លើ​ពិភពលោក បន្ទាប់ពី​ម្ចាស់ក្សត្រី Elizabeth II ទ្រង់​គឺ​ជា​ស្តេច​បច្ចុប្បន្ន​ដែល​សោយរាជ្យ​យូរជាងគេ​ទីពីផងដែរ។ នៅថ្ងៃទី ០៥ ខែតុលា ឆ្នាំ ២០១៧ ស្តេចស៊ុលតង់បាន​ប្រារព្ធពិធីជប់លៀងមាស​របស់​ទ្រង់​ ដើម្បី​ប្រារព្ធខួប​ទី ៥០នៃរជ្ជកាលរបស់ទ្រង់​នៅលើបល្ល័ង្ក។ ប្រភព​នៃ​ទ្រព្យសម្បត្តិ​រប​ស់រាជាអង្គនេះ​គឺតាមរយៈប្រាក់ចំណេញពីឧស្សាហកម្មប្រេង និង​ឧស្ម័ន។

៣ ព្រះអង្គម្ចាស់ Salman bin Abdulaziz Al Saud Saudi Arabia ប្រទេស​អារ៉ាប៊ីសាអូឌីត ទ្រព្យសម្បត្តិសុទ្ធ ១៨ ពាន់លានដុល្លារ

ទ្រង់គឺ​ជា​ស្តេចនៃ​ប្រទេស​អារ៉ាប៊ីសាអូឌីត ចាប់តាំងពីថ្ងៃ​ទី ២៣ ខែមករា ឆ្នាំ ២០១៥។ ទ្រង់​ក៏​ជាអភិបាលរងនៃទីក្រុង Riyadh អស់រយៈពេល ៤៨ ឆ្នាំពីឆ្នាំ១៩៦៣ ដល់ឆ្នាំ ២០១១ ក្រោយមកទ្រង់​​ត្រូវបានតែងតាំងជារដ្ឋមន្ត្រី​ក្រសួងការពារជាតិ។ ព្រះអង្គ​ក៏​ត្រូវ​បាន​តែងតាំង​ជា​ព្រះអង្គម្ចាស់​នៃ​ប្រទេស​អារ៉ាប៊ីសាអូឌីត​​ នៅឆ្នាំ ២០១៥ បន្ទាប់ពីការសោយទីវង្គត់របស់ព្រះរៀមទ្រង់​គឺស្តេច Abdullah។ ប្រភពទ្រព្យសម្បត្តិចម្បងរបស់​រាជា​​អារ៉ាប៊ីសាអូឌីតគឺតាមរយៈប្រាក់ចំណេញពី​ឧស្សាហកម្ម​ប្រេង។

៤ Khalifa bin Zayed Al Nahyan ប្រធានាធិបតី អេមីរ៉ាតអារ៉ាប់រួម​ Emir នៃ Abu Dhabi
ទ្រព្យសម្បត្តិ ១៥ ពាន់លានដុល្លារ

សែរាជវង្សអង្គនេះ គឺជាប្រធានាធិបតីបច្ចុប្បន្ននៃប្រទេសអារ៉ាប់រួម Emir of Abu Dhabi មេបញ្ជាការកំពូលនៃកងកម្លាំងប្រដាប់អាវុធអារ៉ាប់រួម និងជាប្រធានក្រុមប្រឹក្សាប្រេងជាន់ខ្ពស់ ក៏ជាប្រធានអាជ្ញាធរវិនិយោគ Abu Dhabi ដែលគ្រប់គ្រងទ្រព្យសម្បត្តិចំនួន ៨៧៥ ពាន់លានដុល្លារ ដែលជាចំនួនដ៏ធំបំផុតដែលគ្រប់គ្រងដោយប្រមុខរដ្ឋរបស់ប្រទេសមួយនៅក្នុងពិភពលោក។ សរុបមកក្រុមគ្រួសាររាជវង្ស Al Nahyan ត្រូវបានគេជឿថា មានទ្រព្យសម្បត្តិចំនួន ១៥០ ពាន់លានដុល្លារ

៥ ស្ដេច Mohammed VI ប្រទេស​ម៉ារ៉ុក ទ្រព្យសម្បត្តិសុទ្ធ ៨.២ពាន់លានដុល្លារ

ស្ដេច Mohammed ទទួលបានទ្រព្យសម្បត្តិពីការគ្រប់គ្រងរបស់ទ្រង់​នៅក្នុងក្រុមហ៊ុន Société Nationale d’Investissement (SNI) ដែលជាក្រុមហ៊ុនគ្រប់គ្រងការវិនិយោគរបស់ប្រទេសម៉ារ៉ុក​ដ៏ធំមួយ ​ដែលមាន​ទ្រព្យសម្បត្តិ​មានតម្លៃជាង ១០ ពាន់លានដុល្លារ។​​ ទ្រង់​ក៏ជា​អ្នក​ជំនួញ និងជាធនាគារឈានមុខគេក្នុង​ប្រទេស ស្របពេលដែលទ្រព្យសកម្មធំបំផុតរបស់ SNI គឺភាគហ៊ុន ៤៨% នៅក្នុងធនាគារដ៏ធំបំផុតរបស់ម៉ារ៉ុកគឺ Attijariwafa ក៏ដូចជាការគ្រប់គ្រងភាគហ៊ុននៅក្នុងក្រុមហ៊ុនចែកចាយដ៏ធំ Marjane Holding; ក្រុមហ៊ុនរុករករ៉ែ Managem Group និងក្រុមហ៊ុនទូរគមនាគមន៍ចល័ត Inwi ។ ទ្រង់​ក៏ជាម្ចាស់​ភាគហ៊ុនដ៏ច្រើននៃទុន​បំរុង​ផូស្វាត​របស់ពិភពលោក និងជាអ្នកផលិតកសិកម្មឈានមុខគេ ព្រមទាំងជាម្ចាស់ដីនៅប្រទេសម៉ារ៉ុក ដែលកសិកម្មត្រូវបាន​លើកលែង​ពីពន្ធ។

៦ Hans-Adam II ព្រះអង្គម្ចាស់ Liechtenstein ទ្រព្យសម្បត្តិសុទ្ធ – ៧,២ ពាន់លានដុល្លារ

ទ្រង់​គឺជាបុត្រារបស់រាជា Franz Joseph II និងភរិយា​គឺ Countess Georgina von Wilczek ។
បច្ចុប្បន្ន​ទ្រង់​គឺ​ជាម្ចាស់ក្រុមធនាគារ LGT និងមានទ្រព្យសម្បត្តិ​គ្រួសារចំនួន ៧.៦ ពាន់លាន​ដុល្លារ និងទ្រព្យសម្បត្តិផ្ទាល់ខ្លួន​ប្រហែល ៤ពាន់​លាន​ដុល្លារ ដែលធ្វើឲ្យទ្រង់​ក្លាយ​ជាប្រមុខរដ្ឋដែល​មាន​ជាងគេបំផុត​របស់ពិភពលោក និងជាមហាក្សត្រដែលមាន​បំផុត​នៅ​អឺរ៉ុប។ ទ្រង់​ជា​ម្ចាស់​បណ្ដុំ​សិល្បៈ​យ៉ាងទូលំទូលាយ ដែលភាគច្រើន​ត្រូវ​បាន​បង្ហាញ​ជា​សាធារណៈ​នៅ​សារមន្ទីរ Liechtenstein ក្នុង​ទីក្រុងវីយែន។

៧ Mohammed bin Rashid Al Maktoum នាយករដ្ឋមន្ត្រី​នៃ UAE ទ្រព្យសម្បត្តិសុទ្ធ ៤ ពាន់លានដុល្លារ

ទ្រង់​គឺជាអនុប្រធានាធិបតី និងជានាយករដ្ឋមន្ត្រីនៃប្រទេសអារ៉ាប់រួម (UAE) និងជាអ្នកគ្រប់គ្រង​នៃ Emirates នៃឌូបៃ។ ចាប់តាំងពីការចូលជាសមាជិករបស់ទ្រង់​ក្នុងឆ្នាំ ២០០៦ ។ ទ្រង់​គឺជាស្ថាបនិកនៃការប្រណាំង Godolphin ដែលគ្រប់គ្រង​ដោយ​គ្រួសារ Maktoum និងជាម្ចាស់ Darley ដែលជាប្រតិបត្តិការបង្កាត់ពូជដ៏​ហ្មត់ចត់ ជាមួយ​នឹងប្រតិបត្តិការ​នៅក្នុង​ប្រទេស​ចំនួនប្រាំមួយ។

៨ Grand Duke Henri នៃប្រទេស​លុចសំបួរ ទ្រព្យសម្បត្តិសុទ្ធ ៤ពាន់លានដុល្លារ

Henri គឺជា Grand Duke of Luxembourg ដែលសោយរាជ្យតាំងពីថ្ងៃទី ០៧ ខែតុលា ឆ្នាំ២០០០។ ទ្រង់ជាកូនប្រុសច្បងរបស់ Grand Duke Jean និងម្ចាស់ក្សត្រី Joséphine-Charlotte និង​ជាបងប្អូនជីដូន​មួយ​ទីមួយ​របស់ស្តេច Philippe នៃ​ប្រទេស​បែលហ្សិក។

៩ Juan Carlos I ប្រទេស​អេស្ប៉ាញ ទ្រព្យសម្បត្តិសុទ្ធ ២.៣ពាន់លានដុល្លារ

គឺជាសមាជិកនៃគ្រួសាររាជវង្ស​អេស្ប៉ាញ​ដែលបានសោយរាជ្យជាស្តេចចាប់ពីខែវិច្ឆិកា ឆ្នាំ ១៩៧៥ រហូត​ដល់ការដាក់រាជ្យនៅខែមិថុនាឆ្នាំ ២០១៤។ ទ្រង់​ទទួលបានទ្រព្យសម្បត្តិភាគច្រើន​ពីសហគ្រាសប្រេង និងអចលនទ្រព្យ។

១០ ព្រះអង្គម្ចាស់ Tamim bin Hamad Al Thani – អធិរាជនៃប្រទេសកាតាទ្រព្យសម្បត្តិសុទ្ធ ២.១ពាន់លានដុល្លារ

ទ្រង់ គឺជា Emir នៃប្រទេសកាតានិងជាគឺជាបុត្រា​ទី ៤ របស់ ស្ដេច​គឺ Hamad bin Khalifa Al Thani ។ រាជាអង្គនេះ​បានកាន់មុខតំណែងរដ្ឋាភិបាលជាច្រើននៅក្នុងប្រទេស ហើយបានឈាន​មុខគេ​ក្នុង​កិច្ចខិតខំ​ប្រឹងប្រែង​ដើម្បីលើក​កម្ពស់​កីឡា និងការរស់នៅប្រកបដោយ​សុខភាព។ គិតត្រឹមឆ្នាំ ២០១៨Tamim គឺជាស្តេច​សោយរាជ្យដែលក្មេង​ជាង​គេក្នុង​ចំណោម​បណ្ដា​ប្រទេស​នៃក្រុមប្រឹក្សាសហប្រតិបត្តិការ​ឈូងសមុទ្រ និង​ជា​អធិបតេយ្យ​ភាព​បច្ចុប្បន្ន​ក្មេងជាងគេ​នៅ​ទូទាំងពិភពលោកផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ទស្សនាទិដ្ឋភាពបុត្រីច្បងស្ដេចស៊ុលតង់ Hassanal Bolkiah រៀបអភិសេកក្នុងថ្ងៃនេះ

ចអាន៖ជឿឬអត់ មានចានបង្គន់ថ្លៃជាងគេលើពិភពលោកពិតមែន?

The post ស្ដេច ១០ អង្គ ល្បីល្បាញមានទ្រព្យសម្បត្តិច្រើនជាងគេក្នុងឆ្នាំ ២០២៣ appeared first on Kampuchea Thmey Daily.

ក្នុងចំណោមរាជវង្សានុវង្ស ដែលមានទ្រព្យសម្បត្តិមហាសាល និងកាន់អំណាចតាំងពីក្មេង ព្រះអង្គម្ចាស់ មូឡាយ ហាស្សាន់ នៃប្រទេសម៉ារ៉ុក ជាបុត្រារបស់ស្ដេចមានបំផុតទី៥ និងជាបុគ្គលវ័យក្មេងមានឥទ្ធិពលបំផុតនៅលើលោក។ រហូតមកដល់បច្ចុប្បន្ន ព្រះអម្ចាស់អង្គនេះ នៅតែស្ថិតនៅតារាងលំដាប់កំពូលនៃចំណាត់ថ្នាក់កូនមហាសេដ្ឋី ដែលមានទ្រព្យសម្បត្តិក្នុងដៃសរុបប្រមាណជាង ៦ពាន់លានដុល្លារអាមេរិក។

ព្រះអង្គម្ចាស់ មូឡាយ ហាស្សាន់ ប្រសូតក្នុងឆ្នាំ ២០០៣ គឺជាព្រះរាជបុត្រតែមួយអង្គគត់របស់ស្តេច Mohammed VI និងម្ចាស់ក្សត្រី Lalla Salma។  ក្នុងនាម​ជាព្រះមហាក្សត្រអនាគត ព្រះអង្គម្ចាស់ មូឡាយ ហាស្សាន់ តែងតែ​យាងតាម​ព្រះបិតា​របស់​ទ្រង់​ដើម្បី​ចូលរួម​កិច្ចប្រជុំ​នយោបាយ​សំខាន់ៗជាច្រើន ក៏ដូចជាជួបជាមួយអ្នកមុខអ្នកការតូចធំ តាំង​ពី​ក្មេងៗ​មក។ ដូច្នេះ​ហើយ​ទ្រង់ត្រូវ​បាន​អ្នកកាសែតកត់​សម្គាល់ និង​តាម​ប្រមាញ់ព័ត៌មាន មិនសូវបាត់នោះទេ។ ជាពិសេស​ព័ត៌មានដែល​ថា ​ក្នុង​វ័យ ១៩​វស្សាឆ្នាំនេះ ព្រះអង្គម្ចាស់​ នៅ​លីវនៅឡើយ កំពុងទទួលបាន​ការចាប់អារម្មណ៍​ពី​មហាជន​។

ដោយឡែកកាលពីឆ្នាំមុន ជាខួបគម្រប់ ១៨វស្សា របស់ព្រះអង្គម្ចាស់ មូឡាយ សមាជិកព្រះរាជវង្សានុវង្ស និងប្រជាជនម៉ារ៉ុកទាំងអស់ បានប្រារព្ធពិធីដ៏ឱឡារឹកមួយថ្វាយទ្រង់។ ព្រឹត្តិការណ៍នេះជាឱកាសដើម្បីអបអរសាទរដែលព្រះអង្គម្ចាស់ទទួលបានសញ្ញាបត្របាក់ឌុប និងបានបញ្ចប់ការសិក្សាដោយឡែកផ្នែកសេដ្ឋកិច្ច និងវិទ្យាសាស្ត្រសង្គមផង។ ដោយសារទេពកោសល្យឆ្នើមនេះ ព្រះអង្គម្ចាស់បានទទួលការសរសើរខ្ពស់ពីក្រសួងអប់រំជាតិម៉ារ៉ុក។

ថ្វីត្បិតទ្រង់ប្រសូតក្នុងត្រកូលអភិជនយ៉ាងណាក្ដី ខ្សែជីវិតរបស់ទ្រង់ខុសពីកូនអ្នកមានទូទៅ ​ព្រោះទ្រង់ត្រូវទទួលបន្ទុកធ្ងន់ជាងអ្នកដទៃឆ្ងាយណាស់។ ជាពិសេស​ក្នុង​នាម​ជា​អ្នក​ស្នងរាជ្យ​បន្ត​ពី​ព្រះបិតា​ ​ទ្រង់ត្រូវ​​មាន​សមត្ថភាព​បំពេញ​បេសកកម្មយ៉ាងខ្លាំងក្លា។

ចាប់តាំងពីព្រះជន្ម ១១វស្សា មក ទ្រង់តែងតែយាងតាមស្តេច Mohammed VI ដើម្បីចូលរួមព្រឹត្តិការណ៍នយោបាយនៅក្នុងប្រទេសម៉ារ៉ុក និងអន្តរជាតិ ជាហូរហែ។ នៅ​ព្រះជន្ម ១៦ព្រះវស្សា ព្រះអង្គម្ចាស់ មូឡាយ ហាស្សាន់ ត្រូវបាន​តែង​តាំងដោយព្រះបិតា​ ដើម្បី​ទទួល​គណៈប្រតិភូ ក៏ដូចជា​ដោះស្រាយ​កិច្ចការ​ការទូតបាត់ទៅហើយ។

នៅឆ្នាំ១០១៩ ទ្រង់គឺជាតំណាងរាជាណាចក្ររបស់ទ្រង់ ដើម្បីធ្វើការស្វាគមន៍ព្រះអង្គម្ចាស់ Harry ដែលជាចៅប្រុសរបស់ម្ចាស់ក្សត្រី Elizabeth II ក្នុងអំឡុងពេលទស្សនកិច្ច។ លើសពីនេះទៀត ព្រះអម្ចាស់អង្គនេះ តែងតែបង្ហាញព្រះកាយទទួលស្វាគមន៍អ្នកនយោបាយល្បីៗ ដែលទៅទស្សនកិច្ចក្នុងប្រទេសម៉ារ៉ុកផងដែរ។

ក្រៅពីនោះ ព្រះអង្គម្ចាស់ មូឡាយ ហាស្សាន់ គឺជាខ្សែរាជវង្សដែលមហាជនចាប់អារម្មណ៍ខ្លាំងលើការជីវិតរស់នៅបែបហាយសូរ មិនតិចនោះទេ។ កាលពីនៅឆ្នាំ ២០២០ ព្រះអង្គម្ចាស់ត្រូវបានគេប្រទះឃើញពាក់នាឡិកាម៉ាក Rolex Yacht Master II ពណ៌លឿង ដែលមានតម្លៃ ៤៦,២៦០ដុល្លារអាមេរិក ។

ក្នុងឆ្នាំ ២០១៨ ទ្រង់បានទទួលអំណោយជាយន្តហោះឯកជនម៉ាក Gulfstream G650 VIP ក្នុងឱកាសខួបកំណើតគម្រប់ ១៥វស្សា។ យន្តហោះ Gulfstream G650 ជាយន្តហោះឯកជនថ្លៃបំផុត និងលឿនបំផុតនៅលើទីផ្សារនាពេលបច្ចុប្បន្ននេះ ជាមួយនឹងតម្លៃជាង ៦៧.៤លានដុល្លារអាមេរិកឯណោះ។

អង្គម្ចាស់ មូឡាយ ហាស្សាន់ ត្រូវ​បាន​គេ​ចាត់​ទុក​ជាតារារះមួយដួង ​បើ​ធៀប​នឹង​ព្រះរាជបុត្រ​ដទៃ​​ដែល​មាន​វ័យ​ស្របាល​គ្នា។ ត្បិតថាទ្រង់នៅក្មេងពិតមែន ប៉ុន្តែទ្រង់ជាអនាគតព្រះមហាក្សត្រដ៏មានសមត្ថភាព និងសម្បូរទេពកោសល្យគួរឱ្យសរសើរ៕

ប្រែសម្រួល៖ ​សន្យា

ចុចអាន៖ កើតក្នុងត្រកូលអភិជនមែនពិត កូនប្រុសតែមួយមហាសេដ្ឋី​ Bill Gates ប្រើជីវិតសាមញ្ញបំផុត

ចុចអាន៖ ស្ដេច ៥អង្គ មានទ្រព្យសម្បត្តិច្រើនបំផុតលើលោក នាឆ្នាំ២០២២

The post បើកកកាយរឿងពិត រាជទាយាទវ័យក្មេង ម៉ារ៉ុក ដ៏មានឥទ្ធិពល appeared first on Kampuchea Thmey Daily.

៥.  ស្ដេច Mohammed VI ប្រទេសម៉ារុក

ទ្រព្យសម្បត្តិប៉ាន់ស្មាន៖ ៨.២ ពាន់លានដុល្លារ

ស្ដេច Mohammed ទី៦ ជាព្រះមហាក្សត្រនៃប្រទេសម៉ារ៉ុកបច្ចុប្បន្ន។ ទ្រង់បានឡើងសោយរាជ្យនៅថ្ងៃទី ២៣ ខែកក្កដា ឆ្នាំ ១៩៩៩ បន្ទាប់ពីការសោយទីវង្គតរបស់បិតាគឺស្តេច Hassan ទី២។

ស្ដេច Mohammed គឺជាពាណិជ្ជករ និងជាម្ចាស់ធនាគារឈានមុខគេរបស់ប្រទេសម៉ារ៉ុក។ ទ្រង់ក៏ជាម្ចាស់ក្រុមហ៊ុនធំៗនាំមុខនៅក្នុងប្រទេសដូចជា ទេសចរណ៍ ​អចលនទ្រព្យ ផ្សារទំនើប ធានារ៉ាប់រង ទូរគមនាគមន៍ ក្រុមហ៊ុនជីករ៉ែ និងក្រុមហ៊ុនផលិតស្រាបៀរធំបំផុត Heineken ផងដែរ។ ដោយសារមានជំនួញធំទាំងនេះ នៅក្រោមការគ្រប់គ្រង ទើបបានជាស្ដេច Mohammed ទី៦ ក្លាយជាមហាសេដ្ឋីកំពូលរបស់ប្រទេស និងជាប់ជាព្រះមហាក្សត្រមានទ្រព្យច្រើនបំផុតទី៥ នៅលើលោក នាឆ្នាំ ២០២២នេះ។

៤. Khalifa bin Zayed Al Nahyan ព្រះចៅ អាប៊ូ ដាប៊ី ប្រទេសអារ៉ាប់រួម

ទ្រព្យសម្បត្តិប៉ាន់ស្មាន៖ ១៥ ពាន់លានដុល្លារ

ទ្រង់ជាប្រធានាធិបតីនៃប្រទេសអារ៉ាប់រួម និងជាព្រះចៅនៃរាជធានី អាប៊ូ ដាប៊ី ​(Abu Dahbi) ។ យោងតាម THE BUSINESS STANDARD ចុះផ្សាយថា ទ្រព្យសម្បត្តិរបស់ព្រះចៅអង្គនេះបានមកពីការងារជាប្រធានអាជ្ញាធរវិនិយោគនៅក្រុង អាប៊ូដាប៊ី ដែលគ្រប់គ្រងលើប្រេងនាំចេញ។ យ៉ាងណាក្ដីទ្រង់មានប្រជាប្រិយភាពសុះសាយពាសពេញពិភពលោកដោយសារសកម្មភាពសប្បុរសធម៌របស់ទ្រង់។

៣. ស្តេច Salman Abdulaziz bin Saud ប្រទេសអារ៉ាប៊ីសាអូឌីត

ទ្រព្យសម្បត្តិប៉ាន់ស្មាន៖ ១៨ ពាន់លានដុល្លារ

ព្រះរាជា Salman Abdulaziz bin Saud អាចស្ថិតនៅលំដាប់ទី៣ក្នុងបញ្ជីស្ដេចមានជាងគេតែអង្គឯង។ ប៉ុន្តែប្រសិនបើបូកទ្រព្យគ្រួសារទាំងមូល រាជវង្សអារ៉ាប៊ីសាអូឌីតជាគ្រួសារដែលមានជាងគេបំផុតនៅលើពិភពលោកដែលសម្បត្តិសរុបមានជាង ១ ទ្រីលានដុល្លារ។ ព្រះមហាក្សត្រនៃអារ៉ាប៊ីសាអូឌីត មានប្រភពចំណូលដ៏ធំបំផុតមកពីប្រេង រីឯការវិនិយោគនានាហាក់អាថ៌កំបាំងណាស់។ យ៉ាងណា Wikipedia ផ្សាយថា រាជវង្សនេះជាម្ចាស់វិមានថ្លៃៗ ឡានទំនើប ឧទ្ធម្ភាគចក្រ និងយន្តហោះឯកជនជាច្រើនទៀត។

២. ស្ដេច Sultan Hassanal Bolkiah ប្រទេសប្រ៊ុយណេ

ទ្រព្យសម្បត្តិប៉ាន់ស្មាន៖ ២០-២៨ ពាន់លានដុល្លារ

បន្ទាប់ពីព្រះមហាក្សត្រីអេលីសាបិតទី ២ ស្តេច Sultan Hassanal Bolkiah គឺជាព្រះមហាក្សត្រដែលគ្រងរាជ្យយូរជាងគេទី ២ លើពិភពលោក។ ទ្រង់ក៏ជានាយករដ្ឋមន្រ្តីនៃប្រទេសប្រ៊ុយណេផងដែរ។ ទ្រព្យសម្បត្តិស្ដេចអង្គនេះមានប្រភពមកពីអាជីវកម្មនាំចេញប្រេង និងឧស្ម័នធម្មជាតិក្នុងស្រុក។ ស្តេច Sultan រស់នៅក្នុងវិមានធំជាងគេបំផុតលើលោកឈ្មោះ Istana Nurul Iman ដែលមានបន្ទប់ប្រមាណ ១៧៧៨ បន្ទប់ ហើយទ្រង់ក៏ត្រូវបាន South China Morning Post រាយការណ៍ថា ជាម្ចាស់នៃក្បួនឡាន Rolls Royces ជាង ៦០០ គ្រឿងផងដែរ។

១. ស្តេច Maha Vajiralongkorn ប្រទេសថៃ

ទ្រព្យសម្បត្តិប៉ាន់ស្មាន៖ ៣០-៤៣ ពាន់លានដុល្លារ

ព្រះរាជាព្រះជន្ម ៦៧ ព្រះវស្សាអង្គនេះឡើងគ្រងរាជ្យនៅឆ្នាំ ២០១៩ បន្ទាប់ពីបិតាសោយទិវង្គតកាលពីឆ្នាំ ២០១៦ ។ គ្រួសារទ្រង់កាន់កាប់ដីជាង ១៦,២១០ ហិកតានៅក្នុងប្រទេសថៃ ដោយមានកិច្ចសន្យាជួលចំនួន ៤ ម៉ឺនកន្លែងនៅក្នុងស្រុកដែលក្នុងនោះ ១៧,០០០ កន្លែងនៅរាជធានីបាងកក។ ព្រះមហាក្សត្រអង្គនេះក៏កាន់កាប់ភាគហ៊ុនធំនៅក្នុងក្រុមហ៊ុន ស៊ីម៉ងត៍សៀមគ្រុប និងធនាគារសៀមពាណិជ្ជ។ ទ្រង់ក៏ជាម្ចាស់ត្បូងពេជ្រធំជាងគេបំផុតលើពិភពលោកផងដែរ។ នេះបើតាមការចុះផ្សាយរបស់គេហទំព័រ THE BUSINESS STANDARD៕

ប្រែសម្រួល៖ សន្យា

ចុចអាន៖ នាយករដ្ឋមន្ត្រីក្មេង​បំផុត​ ៧ រូបលើលោក សុទ្ធសឹងជាប់​តំណែង​ដោយ​ការ​បោះឆ្នោត

ចុចអាន៖ ដើមឆ្នាំ ២០២២ មហាសេដ្ឋីកំពូលប្រចាំប្រទេស នៅអាស៊ីអាគ្នេយ៍ ជាបុគ្គលទាំងនេះ

The post ស្ដេច ៥អង្គ មានទ្រព្យសម្បត្តិច្រើនបំផុតលើលោក នាឆ្នាំ២០២២ appeared first on Kampuchea Thmey Daily.

ទ្រព្យសម្បត្តិប៉ាន់ស្មាន៖ ៤៣ ពាន់លានដុល្លារ

ព្រះរាជាព្រះជន្ម ៦៧ ព្រះវស្សាអង្គនេះឡើងគ្រងរាជ្យនៅឆ្នាំ ២០១៩ បន្ទាប់ពីបិតាសោយទិវង្គតកាលពីឆ្នាំ ២០១៦ ។ គ្រួសារទ្រង់កាន់កាប់ដីជាង ១៦,២១០ ហិកតានៅក្នុងប្រទេសថៃ ដោយមានកិច្ចសន្យាជួលចំនួន ៤ ម៉ឺនកន្លែងនៅក្នុងស្រុកដែលក្នុងនោះ ១៧,០០០ កន្លែងនៅរាជធានីបាងកក។ ព្រះមហាក្សត្រអង្គនេះក៏កាន់កាប់ភាគហ៊ុនធំនៅក្នុងក្រុមហ៊ុន ស៊ីម៉ងត៍សៀមគ្រុប និងធនាគារសៀមពាណិជ្ជ។ ទ្រង់ក៏ជាម្ចាស់ត្បូងពេជ្រធំជាងគេបំផុតលើពិភពលោកផងដែរ។ នេះបើតាមការចុះផ្សាយរបស់គេហទំព័រ THE BUSINESS STANDARD។

២. ស្ដេច Sultan Hassanal Bolkiah ប្រទេសព្រុយណេ

ទ្រព្យសម្បត្តិប៉ាន់ស្មាន៖ ២៨ ពាន់លានដុល្លារ

បន្ទាប់ពីព្រះមហាក្សត្រីអេលីសាបិតទី ២ ស្តេច Sultan Hassanal Bolkiah គឺជាព្រះមហាក្សត្រដែលគ្រងរាជ្យយូរជាងគេទី ២ លើពិភពលោក។ ទ្រង់ក៏ជានាយករដ្ឋមន្រ្តីនៃប្រទេសព្រុយណេផងដែរ។ ទ្រព្យសម្បត្តិស្ដេចអង្គនេះមានប្រភពមកពីអាជីវកម្មនាំចេញប្រេង និងឧស្ម័នធម្មជាតិក្នុងស្រុក។ ស្តេច Sultan រស់នៅក្នុងវិមានធំជាងគេបំផុតលើលោកឈ្មោះ Istana Nurul Iman ដែលមានបន្ទប់ប្រមាណ ១៧៧៨ បន្ទប់ ហើយទ្រង់ក៏ត្រូវបាន South China Morning Post រាយការណ៍ថា ជាម្ចាស់នៃក្បួនឡាន Rolls Royces ជាង ៦០០ គ្រឿងផងដែរ។

៣. ស្តេច Salman Abdulaziz bin Saud ប្រទេសអារ៉ាប៊ីសាអូឌីត

ទ្រព្យសម្បត្តិប៉ាន់ស្មាន៖ ១៨ ពាន់លានដុល្លារ

ព្រះរាជា Salman Abdulaziz bin Saud អាចស្ថិតនៅលំដាប់ទី៣ក្នុងបញ្ជីស្ដេចមានជាងគេតែអង្គឯង។ ប៉ុន្តែប្រសិនបើបូកទ្រព្យគ្រួសារទាំងមូល រាជវង្សអារ៉ាប៊ីសាអូឌីតជាគ្រួសារដែលមានជាងគេបំផុតនៅលើពិភពលោកដែលសម្បត្តិសរុបមានជាង ១ ទ្រីលានដុល្លារ។ ព្រះមហាក្សត្រនៃអារ៉ាប៊ីសាអូឌីត មានប្រភពចំណូលដ៏ធំបំផុតមកពីប្រេង រីឯការវិនិយោគនានាហាក់អាថ៌កំបាំងណាស់។ យ៉ាងណា Wikipedia ផ្សាយថា រាជវង្សនេះជាម្ចាស់វិមានថ្លៃៗ ឡានទំនើប ឧទ្ធម្ភាគចក្រ និងយន្តហោះឯកជនជាច្រើនទៀត។

៤. Khalifa bin Zayed Al Nahyan ព្រះចៅ អាប៊ូ ដាប៊ី ប្រទេសអារ៉ាប់រួម

ទ្រព្យសម្បត្តិប៉ាន់ស្មាន៖ ១៨ ពាន់លានដុល្លារ

ទ្រង់ជាប្រធានាធិបតីនៃប្រទេសអារ៉ាប់រួម និងជាព្រះចៅនៃរាជធានី អាប៊ូ ដាប៊ី ​(Abu Dahbi) ។ យោងតាម THE BUSINESS STANDARD ចុះផ្សាយថា ទ្រព្យសម្បត្តិរបស់ព្រះចៅអង្គនេះបានមកពីការងារជាប្រធានអាជ្ញាធរវិនិយោគនៅក្រុង អាប៊ូដាប៊ី ដែលគ្រប់គ្រងលើប្រេងនាំចេញ។ យ៉ាងណាក្ដីទ្រង់មានប្រជាប្រិយភាពសុះសាយពាសពេញពិភពលោកដោយសារសកម្មភាពសប្បុរសធម៌របស់ទ្រង់។

៥.  Sheikh Mohammed bin Rashid Al Maktoum ព្រះចៅឌូបៃ ប្រទេសអារ៉ាប់រួម

ទ្រព្យសម្បត្តិប៉ាន់ស្មាន៖ ១៤ ពាន់លានដុល្លារ

ទ្រង់ជាអនុប្រធានាធិបតីនៃរដ្ឋអេមីរ៉ាតអារ៉ាប់រួម និងជាព្រះចៅនៃទីក្រុងឌូបៃ។ Sheikh Mohammed bin Rashid Al Maktoum ត្រូវបានមហាជនក្នុងលោកស្គាល់តាមរយៈការដាក់ឱ្យដំណើរការសហគ្រាសធំៗដូចជា ក្រុមហ៊ុនអាកាសចរណ៍ Emirates ក្រុមហ៊ុន Jumeirah គ្រុប ដែលគ្រប់គ្រងលើរីសតនិងសណ្ឋាគារក្នុងស្រុក និងក្រុមហ៊ុនពាណិជ្ជកម្ម DP World ធំជាងគេនៅឌូបៃ។​ ទ្រង់ក៏ជាអ្នកប្រណាំងសេះដែលទទួលបានការបណ្តុះបណ្តាល និងជាអ្នកនិពន្ធកំណាព្យអារ៉ាប់ដ៏ល្បីល្បាញផងដែរ៕

ប្រែសម្រួល៖ សន្យា

ចុចអាន៖ បង្ហាញមុខមហាសេដ្ឋីកំពូលប្រចាំប្រទេស នៅអាស៊ីអាគ្នេយ៍នាឆ្នាំ ២០២១

ចុចអាន៖ ស្ថិតក្នុងវិបត្តិនៃជំងឺរាតត្បាត ប៉ុន្តែមហាសេដ្ឋី ១០ រូបនេះបែរជារកប្រាក់ចំណេញបានរាប់ពាន់លានដុលា្លរ

The post ស្ដេច ៥ អង្គមានទ្រព្យសម្បត្តិច្រើនជាងគេលើលោកនៅដើមឆ្នាំ ២០២១ appeared first on Kampuchea Thmey Daily.

ប្រភពពីព្រះរាជវាំងនិយាយថា ព្រះមហាក្សត្រព្រះជន្ម ៥២ វស្សាមានទំនាក់ទំនងជិតស្និទ្ធជាមួយបុគ្គលនោះកាលពីថ្ងៃអាទិត្យ ប៉ុន្តែមិនបានផ្តល់ព័ត៌មានលំអិតបន្ថែមទៀតនោះទេ ខណៈមហេសី និងបុត្រីទាំងពីររបស់ព្រះអង្គនឹងបន្តព្រះរាជសកម្មភាពជាធម្មតា ។

ប្រទេសអេស្ប៉ាញមានករណីឆ្លងជំងឺកូវីដ ១៩ ជិត ១.៦ លានករណី និងមានអ្នកស្លាប់ចំនួន ៤៣,១៣១ នាក់ចាប់តាំងពីរោគរាតត្បាតមួយនេះកើតឡើង ។

កាលពីសប្តាហ៍មុនអង្គការសុខភាពពិភពលោក (WHO) បានព្រមានថា អឺរ៉ុបដែលជាថ្មីម្តងទៀតនៅចំកណ្តាលនៃជំងឺរាតត្បាតបានប្រឈមមុខនឹងការលំបាករយៈពេល ៦ ខែខាងមុខទៀតនៅឆ្នាំក្រោយ ។

ទោះយ៉ាងណាលទ្ធផលថ្មីៗនេះពីការសាកល្បងវ៉ាក់សាំងមួយចំនួនបានផ្តល់ក្តីសង្ឃឹម ហើយនៅថ្ងៃអង្គារនេះរដ្ឋាភិបាលអេស្ប៉ាញគ្រោងនឹងជួបពិភាក្សាគ្នាអំពីផែនការចាក់វ៉ាក់សាំងដល់ប្រជាជន ។

បន្ថែមពីនេះកាលពីសប្តាហ៍មុន នាយករដ្ឋមន្រ្តីលោក Pedro Sánchez បាននិយាយថា ប្រទេសនេះសង្ឃឹមថានឹងផ្តល់វ៉ាក់សាំងយ៉ាងច្រើនដល់ចំនួនប្រជាជនរបស់ខ្លួននៅក្នុងឆមាសទីមួយនៃឆ្នាំ ២០២១ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ EU ព្រមានបារាំងអំពីសេរីភាពសារព័ត៌មាន ខណៈរដ្ឋាភិបាលលោក Macron បន្តជំរុញច្បាប់សន្តិសុខ

ចុចអាន ៖ ពូអ្នករកស៊ីកប់ខ្មោច ក្មួយអ្នករំលោភសាកសព

The post ស្ដេចអេស្ប៉ាញត្រូវធ្វើចត្តាឡីស័ក សង្ស័យឆ្លងកូវីដ appeared first on Kampuchea Thmey Daily.