ស្ត្រេស Archives - Kampuchea Thmey Daily

ក្បួនសាមញ្ញៗទាំង ៦ ជួយថែទាំផ្លូវចិត្តមិនឱ្យស្ត្រេសផ្ដេសផ្ដាស

Sonya — Fri, 31 Dec 2021 07:49:19 +0000

បញ្ហាសុខភាពផ្លូវចិត្តជារឿងស្មុគស្មាញ ពេលខ្លះយើងខំប្រឹងតាំងចិត្តមិនគិតសោះ តែនៅធ្វើមិនបាន ព្រោះខួរក្បាលមិនស្តាប់បញ្ជា។ ដើម្បីឲ្យមានសុខភាពផ្លូវចិត្តល្អ អង្គការសុខភាពពិភពលោក (WHO) បានណែនាំឲ្យយើងធ្វើរឿង ៦ ចំណុច ខាងក្រោមនេះ។

១- ធ្វើលំហាត់ប្រាណជាប្រចាំ

ការហាត់ប្រាណជាប្រចាំជួយឲ្យរាងកាយយើងមាំមួន មិនសូវមានជំងឺមកបៀតបៀន ឯបញ្ហាផ្លូវចិត្តក៏ល្អទៀត។ យើងគួរតែឆ្លៀតពេលហាត់ប្រាណ លេងកីឡា ឬជិះកង់ ឲ្យបានហោចណាស់ ៣០នាទី/ថ្ងៃ។

២- ញ៉ាំអាហារសុខភាព

មិនខុសពីការហាត់ប្រាណប៉ុន្មានទេ ការញ៉ាំអាហារបានត្រឹមត្រូវតាមក្បូនខ្នាត មានបន្លែ ផ្លែឈើ ត្រី សាច់ ចម្រុះគ្នា ឯរសជាតិវិញមិនប្រៃ-ផ្អែម ឬមានខ្លាញ់ច្រើន នោះជួយទាំងសុខភាពផ្លូវកាយ និងផ្លូវចិត្ត។

៣- គេងឲ្យបានគ្រប់គ្រាន់

ដំណេកគ្រប់គ្រាន់ធ្វើឲ្យយើងអារម្មណ៍ស្រស់ស្រាយ មានថាមពលគ្រប់គ្រាន់សម្រាប់ធ្វើការងារ ដូច្នេះយើងត្រូវគេងឲ្យបាន ៨ ម៉ោង/ថ្ងៃ។

៤- កុំលាក់រឿងស្មុគស្មាញ

មានរឿងក្នុងចិត្តត្រូវនិយាយចេញឲ្យអស់ជាមួយមនុស្សដែលយើងទុកចិត្ត អាចជួយជាគំនិតយើងបាន កុំលាក់ទុកម្នាក់ឯង នាំឲ្យបញ្ហាកាន់ចាក់ស្រែះ ដោះស្រាយមិនរួចទៅជាមានសម្ពាធផ្លូវចិត្តកាន់តែធ្ងន់ទៅៗ។

៥- ដើរលេងជាមួយគ្រួសារ ឬមិត្តភក្តិ

យើងគួរតែចំណាយពេលសប្បាយខ្លះជាមួយក្រុមគ្រួសារ ឬពួកម៉ាកជិតស្និទ្ធ កុំគិតតែពីសម្រុកធ្វើការ ឬរៀនពេក បើមិនអ៊ីចឹងទេខួរក្បាលច្បាស់ជាស្ត្រេសស្លាប់ហើយ។

៦- កាត់បន្ថយគ្រឿងស្រវឹង

មនុស្សមួយចំនួនគិតថា គ្រឿងស្រវឹងអាចបំបាត់ទុក្ខកង្វល់បាន តែមិនដូច្នេះទេ ផឹកស្រារឹតតែស្មុគស្មាញឡើង និងមានផលប៉ះពាល់ចំពោះសុខភាពច្រើនទៀត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គោលបំណងក្នុងឆ្នាំ២០២២ គឺវិលត្រឡប់មកស្រឡាញ់ខ្លួនឯងវិញ

ចុចអាន៖ ដឹងគុណសម្បត្តិមួយនេះ អ្នកខ្ជិលសមាធិនឹងភ្ញាក់ខ្លួនមិនខាន

The post ក្បួនសាមញ្ញៗទាំង ៦ ជួយថែទាំផ្លូវចិត្តមិនឱ្យស្ត្រេសផ្ដេសផ្ដាស appeared first on Kampuchea Thmey Daily.

រវល់ការងារយ៉ាងណាក៏មិនស្រ្តេស បើអនុវត្ត ៣ក្បាច់នេះ

Sonya — Tue, 21 Dec 2021 09:46:11 +0000

មនុស្សសម័យបច្ចុប្បន្នសម្បូរស្ត្រេសណាស់ ទាំងការងារ និងការរកស៊ី។ ការងារច្រើនពេក មុខរបរមមាញឹកខ្លាំង ធ្វើឱ្យអ្នកខ្លះស្មុគស្មាញ រហូតក្លាយជាទៅជាជំងឺបាក់ទឹកចិត្តក៏មាន។

ដូច្នេះដើម្បីបង្ការបញ្ហានេះ អ្នកអាចអនុវត្តក្បួនគ្រប់គ្រងស្រ្តេសទាំង ៣ខាងក្រោម មិនថាអ្នករវល់ខ្លាំងក៏ដោយ គ្មានថ្ងៃអាចស្ត្រេសបានឡើយ។

១. បែងចែកពេលវេលាត្រឹមត្រូវ

គុណភាពជីវិត មិនស្មុគស្មាញហួសប្រមាណ ផ្អែកលើការរក្សាតុល្យភាពពេលវេលាបានត្រឹមត្រូវ។ យើងគួរតែលះបង់ពេលវេលាដែលចាយលើបណ្តាញសង្គមខ្លះ ដោយចំណាយពេលវេលាទៅអភិវឌ្ឍន៍ជំនួញ ឬផ្នែកណាមួយដែលធ្វើឲ្យខ្លួនឯងរីកចម្រើន នោះយើងនឹងមិនសស្ត្រេស ទោះបីបរាជ័យ ព្រោះយើងបានប្រឹងប្រែងអស់ពីសមត្ថភាពហើយ។

២. ប្ដូរទម្លាប់នៃការគេង

រឿងដ៏សំខាន់មួយទៀត យើងត្រូវប្រាកដថាបានដកទូរសព្ទដាក់ឆ្ងាយពីខ្លួន ហើយឆ្ងាយពីដៃ ដើម្បីកុំចេះតែចង់យកវាមកប្រើ។ ទម្លាប់បែបនេះនឹងធ្វើឲ្យយើងឆាប់បានគេង និងក្រោកមកមានថាមពល។ មួយវិញទៀត ការធ្វើសមាធិក៏អាចជួយឲ្យគេងលក់បានស្កប់ស្កល់ផងដែរ។

ក្រៅពីនោះការគ្រប់គ្រងភាពស្មុគស្មាញ ត្រូវតែមានការថែទាំសុខភាពតាមរយៈការញ៉ាំអាហារល្អៗ ព្រមទាំងគេងគ្រប់គ្រាន់ជាមុនសិន ទើបអាចដោះស្រាយបញ្ហានានាជាក្រោយបាន។

នៅពេលយើងមានសុខភាពល្អ យើងអាចនឹងមានការគិតដ៏ល្អមួយ ដែលនាំឲ្យសម្រេចចិត្តបានល្អទៅតាមនោះ។ យើងគួរគេងឲ្យបានគ្រប់គ្រាន់ និងកាត់បន្ថយពេលវេលាក្នុងពិភពឌីជីថលខ្លះ។ រីឯការគេងមិនលក់បណ្តាលមកពីការធ្វើការច្រើនពេក និងភាពសកម្មជ្រុលលើបណ្តាញសង្គម។

៣. ហ៊ានប្រឈមមុខនឹងភាពភ័យខ្លាច

គន្លឹះចុងក្រោយដើម្បីជម្នះភាពតានតឹងគឺ ហ៊ានប្រឈមមុខនឹងភាពភ័យខ្លាច។ ការព្រួយបារម្ភពីភាពបរាជ័យ ឬភ័យខ្លាចមិនសម្រេចអ្វីមួយ និងគួរគេចវេសទេ។ ផ្ទុយទៅវិញ នៅពេលលយើងហ៊ានទទួលយក វានឹងបង្ហាញពីសមត្ថភាពនិងភាពរឹងមាំរបស់យើងខ្លាំងប៉ុនណា៕

ប្រែសម្រួល ៖ សន្យា

ចុចអាន៖ ចំណាយពេល ២០នាទី ជាមួយធម្មជាតិ ជួយបន្ថយបញ្ហាស្រ្តេសយ៉ាងល្អ

The post រវល់ការងារយ៉ាងណាក៏មិនស្រ្តេស បើអនុវត្ត ៣ក្បាច់នេះ appeared first on Kampuchea Thmey Daily.

ចំណាយពេល ២០នាទី ជាមួយធម្មជាតិ ជួយបន្ថយបញ្ហាស្រ្តេសយ៉ាងល្អ

Sonya — Sun, 19 Dec 2021 09:22:00 +0000

និយាយរឿងស្ត្រេស ឬបញ្ហាស្មុគស្មាញ នរណា ក៏មានដែរ ដោយវាបណ្ដាលមកពីកត្ដាជាច្រើន ដូចជា ការសិក្សា ការងារ ការរកស៊ី ឬគ្រួសារជាដើម។ តែមានការស្រាវជ្រាវ រកឃើញថា ការចំណាយពេល ២០នាទី ជាមួយធម្មជាតិ អាចបន្ថយបញ្ហាស្ត្រេសបាន ហើយគ្នាយើង ក៏អាចសាកល្បងបានដែរ។

ការសិក្សានេះ ចេញផ្សាយលើគេហទំព័រសាលាវេជ្ជសាស្ត្រ Harvard របស់អាមេរិក នៅខែកក្កដា ឆ្នាំ២០១៩។ ពីមុន មានការសិក្សា បញ្ជាក់ថា ការចំណាយពេលជាមួយធម្មជាតិ កាត់បន្ថយបញ្ហាស្ត្រេស ប៉ុន្ដែពុំមានការបញ្ជាក់ច្បាស់ ថាតើគួរចំណាយពេលប៉ុន្មាន ហើយញឹកញាប់ប៉ុណ្ណានោះទេ?

សម្រាប់ការសិក្សាថ្មីនេះ អ្នកស្រាវជ្រាវ បានឲ្យមនុស្ស ៣៦នាក់ ចំណាយពេល ១០នាទី និងលើសនេះ ៣ថ្ងៃ/សប្ដាហ៍ នៅទីតាំងដែលអាចមានទំនាក់ទំនងជាមួយធម្មជាតិ នៅតាមសួនសាធារណៈ និងតំបន់បៃតង នៅជិតកន្លែងធ្វើការ។ ពួកគេ អង្គុយ និងដើរ អំឡុងចំណាយពេលជាមួយធម្មជាតិ។

អ្នកចូលរួមក្នុងការសិក្សា ក៏ត្រូវណែនាំមិនឲ្យហាត់ប្រាណ និងចៀសវាងប្រើប្រាស់បណ្ដាញសង្គម ទូរស័ព្ទ និងការអានសៀវភៅ ហើយមុន និងក្រោយចំណាយពេលជាមួយធម្មជាតិ អ្នកសិក្សាបានធ្វើតេស្ដលើកម្រិតអ័រម៉ូន Cortisol ដែលជាអ័រម៉ូនស្ត្រេស តាមរយៈគំរូទឹកមាត់។

លទ្ធផល រកឃើញថា ការចំណាយពេល យ៉ាងតិច ២០-៣០នាទី ជាមួយធម្មជាតិ ជួយធ្វើឲ្យកម្រិតអ័រម៉ូន Cortisol ធ្លាក់ចុះយ៉ាងខ្លាំង។ ដូច្នេះ គ្នាយើងអាចកាត់បន្ថយបញ្ហាស្ត្រេស ឬសុខភាពផ្លូវចិត្ត ដោយស្វែងរកធម្មជាតិ ដែលនៅជិត ដើម្បីចំណាយពេលរីករាយនៅទីនោះបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ស្រ្តេស តប់ប្រមល់ខ្លាំង សាកល្បងយុទ្ធសាស្ត្រនេះ ដើម្បីយកសុភមង្គលមកឲ្យជីវិត

ចុចអាន៖ ស្រ្តេសកើតមាន មិនអាចចៀសបាន តែយើងអាចដោះស្រាយតាមវិធីនេះ

The post ចំណាយពេល ២០នាទី ជាមួយធម្មជាតិ ជួយបន្ថយបញ្ហាស្រ្តេសយ៉ាងល្អ appeared first on Kampuchea Thmey Daily.

ប្រើប្រាស់សារលើទូរសព្ទ ជាមូលហេតុធ្វើឱ្យយើងស្ត្រេសកាន់តែខ្លាំង?

Sonya — Mon, 15 Nov 2021 02:38:00 +0000

ជាមួយបច្ចេកវិទ្យាបច្ចុប្បន្នកាន់តែជឿនលឿន ទូរសព្ទវ័យឆ្លាត រួមទាំងកម្មវិធីបណ្តាញសង្គមជាច្រើន កំពុងមានទំនាក់ទំនងយ៉ាងជិតស្និទ្ធក្នុងជីវិតប្រចាំថ្ងៃយើង។ សារខ្លីៗ (SMS) ឬសារ Notification ពីសង្គមផ្សេងៗទៀត ត្រូវគេប្រើប្រាស់យ៉ាងទូលំទូលាយសម្រាប់ធ្វើការទំនាក់ទំនង។ ចុះគ្នាយើងមានធ្លាប់មានអារម្មណ៍ស្ត្រេសពេលទទួល នឹងសរសេរសារតបទៅវិញដែរអត់? ព្រោះការសិក្សាថ្មីមួយ បញ្ជាក់ថាការសរសេរ ឬផ្ញើសារ ធ្វើឲ្យយើងមានអារម្មណ៍តានតឹង ស្ត្រេសខ្លាំង។

១- ម៉េចបានយើងមានអារម្មណ៍តានតឹងពេលកំពុងសរសេរសារ?

ក្នុងការសិក្សាថ្មី ធ្វើឡើងដោយក្រុមហ៊ុនបណ្តាញសង្គមជប៉ុន Viber រកឃើញចា ១/៣ ក្នុងចំណោមគ្នាយើងលេង និងឆ្លើយតបសារទាំង SMS និងបណ្តាញសង្គម គឺមានអារម្មណ៍តានតឹងនៅពេលផ្ញើសារម្តងៗ។

បញ្ហាស្ត្រេសភាគច្រើន បណ្តាលមកពីការផ្ញើសារ អំឡុងពេលយើងកំពុងមានអារម្មណ៍ឆេវឆាវ។ ការស្រាវជ្រាវបង្ហាញថា ៣២% ក្នុងចំណោមគ្នាយើងប្រើប្រាស់ ឬឆ្លើយតបសារ គឺមានអារម្មណ៍ឆាប់ខឹង ពិសេសពេលសារយើងកំពុងសរសេរបានពាក់កណ្តាល ស្រាប់តែរលុបបាត់ ខណៈការប្រើវេយ្យាករណ៍មិនត្រឹមត្រូវ ប្រើរូបបង្ហាញពីអារម្មណ៍ (Emojis) ច្រើនពេក ក៏ជាមូលហេតុធ្វើឲ្យយើងមានអារម្មណ៍តានតឹង ស្ត្រេសខ្លាំងដូចគ្នា។ គ្នាយើងកំពុងប្រើប្រាស់សារ SMS ឬសារពីកម្មវិធីបណ្តាញសង្គមមួយចំនួន បានបង្ហាញផលវិបាកដើម្បីយល់ពីអត្ថន័យសារដែលទទួលបាន ពេលក្នុងសារនោះមាន Emojis ច្រើនពេក។

ការសិក្សារកឃើញថា អារម្មណ៍ឆាប់ខឹង ជាធម្មតាច្រើនកើតក្រុម (Group) មានគ្នាច្រើនជាង ៣ នាក់។ ៣៩% គ្នាយើងឆ្លើយសារ បានបង្ហាញពីភាពមិនពេញចិត្ត នៅពេលឆ្លើយតបជាក្រុម។ ការសន្ទនាបង្ហាញអាកប្បកិរិយាឆាប់ខឹងបំផុត ក៏ពាក់ព័ន្ធការជជែកគ្នាជាក្រុមផងដែរ អាចបណ្តាលមកពីការចែករំលែករូបភាព និងវីដេអូច្រើនពេក។ ដូច្នេះមាន ១៧% គ្នាយើងលេងសារ បានបិទសម្លេងនៅពេលចូលក្នុងក្រុមណាមួយ។

ចុះបើយើងទទួលបានសារបន្ទាប់ចប់ម៉ោងធ្វើការ? គ្នាយើងភាគច្រើន ធ្វើការឆ្លើយឆ្លងភ្លាមៗ ប៉ុន្តែក្នុងនោះមាន ២៣% បង្ហាញអារម្មណ៍ថារំខាន ប៉ុន្តែពួកគេនៅតែធ្វើការឆ្លើយតបនឹងសារទាំងនោះដដែល។

ការស្រាវជ្រាវបង្ហាញដែរថា ២០% ពាក់ព័ន្ធអារម្មណ៍ស្ត្រេស ដោយសារការឆ្លើយតបសារទទួលបានតែម្តង និង ១១% ទៀតកើតមាននៅពេល យើងមិនអើពើនឹងសារទាំងអស់នោះ។

២- ដំណោះស្រាយកុំឲ្យតានតឹងពេលទទួល ឬផ្ញើសារ

ទោះបីជាការផ្ញើសារ ធ្វើឲ្យយើងមានភាពតានតឹងក៏ដោយ ប៉ុន្តែវាបានផ្តល់ភាពងាយស្រួលដល់ជីវិតប្រចាំថ្ងៃយើងដូចគ្នា។ យើងអាចប្រើវាសម្រាប់ទំនាក់ទំនងផ្ទាល់ខ្លួន ឬការងារ រក្សាទំនាក់ទំនងជាមួយមិត្តភក្តិ ក្រុមគ្រួសារ ឬដើម្បីទទួលបានការឆ្លើយតបយ៉ាងឆាប់រហ័សពីអតិថិជន។ ដើម្បីដោះស្រាយអារម្មណ៍ស្ត្រេស បណ្តាលមកពីការផ្ញើសារ វិធីល្អបំផុត គឺកាត់បន្ថយពេលវេលាយើងចំណាយលើទូរសព្ទ និងជួបគ្នានិយាយដោយផ្ទាល់ ឬខលទូរសព្ទ ជំនួសការផ្ញើសារក៏បាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បណ្ដាញសង្គម ធ្វើឲ្យរឹតត្បិតសេរីភាពផ្លូវចិត្ត សាកល្បងបន្សាបជាតិពុលតាមវិធីនេះ

ចុចអាន៖ យុវវ័យស្ត្រេសច្រើន កុំទៅផឹកស្រាបន្លប់ទុក្ខ ប្រើវិធីនេះវិញ ហុចផលល្អខ្លាំង

The post ប្រើប្រាស់សារលើទូរសព្ទ ជាមូលហេតុធ្វើឱ្យយើងស្ត្រេសកាន់តែខ្លាំង? appeared first on Kampuchea Thmey Daily.

កុំចេះតែហ៊ាន! កើតជំងឺទឹកនោមផ្អែម មិនអាចស្ត្រេសផ្ដេសផ្ដាសទេ

Sonya — Sat, 30 Oct 2021 09:02:00 +0000

ជីវិតមនុស្សម្នាក់ណាមិនធ្លាប់ស្ត្រេស គ្រាន់តែថា ខ្លះអាចធ្វើចិត្ត រិះរកវិធីគ្រប់គ្រងអារម្មណ៍ធុញថប់នេះបាន ប៉ុន្តែខ្លះទៀតកាន់តែព្យាយាម កាន់តែស្ត្រេស ពិសេសគ្នាយើង ឬម៉ាក់ប៉ា អ៊ំៗ មានជំងឺរ៉ាំរ៉ៃ ដូចទឹកជាទឹកនោមផ្អែមជាដើម កាន់តែពិបាកគ្រប់គ្រងបញ្ហាស្ត្រេសមួយកម្រិតទៀត។ បើ៊អ៊ីចឹងអត្ថបទនេះ មានវិធីសាស្ត្រគ្រប់គ្រងអារម្មណ៍ស្ត្រេស សម្រាប់គ្នាយើង ឬម៉ាក់ប៉ា អ៊ំៗ មានជំងឺទឹកនោមផ្អែម អាចជួយបន្ធូរអារម្មណ៍ឲ្យស្រស់ស្រាយបាន។

នៅពេលអារម្មណ៍ស្ត្រេស រាងកាយនឹងផលិតអ័រម៉ូន បញ្ជូនព័ត៌មានតាមសរសៃប្រសាទ។ បើស្រ្តេសខ្លាំងពេក អាចធ្វើអោយប៉ះពាល់ការគ្រប់គ្រងជាតិស្ករក្នុងឈាម ហេតុនេះគ្នាយើង ម៉ាក់ប៉ា អ៊ំៗ មានជំងឺទឹកនោមផ្អែម ចាំបាច់បំផុតត្រូវគ្រប់គ្រងស្ត្រេសឲ្យបាន។

១- ប្រភពនាំឲ្យស្រ្តេស

ស្រ្តេសអាចបណ្ដាលមកពីកត្តាផ្លូវចិត្ត និងផ្លូវកាយ ពិសេសសម្រាប់យើងកំពុងមានជំងឺឈាមផ្អែមទឹកនោមផ្អែមប្រភេទទី ២ តែម្តង។ ពេលស្រ្តេសដោយសារសម្ពាធផ្លូវចិត្តម្តងៗ នឹងធ្វើឲ្យជាតិស្ករក្នុងឈាមកើនឡើងយ៉ាងគំហុក។ ផ្ទុយទៅវិញសម្រាប់ជំងឺទឹកនោមផ្អែមប្រភេទ ១ អាចឡើងជាតិស្ករ ឬចុះមិនទៀងទាត់ ខណៈស្រ្តេសផ្លូវកាយវិញ បើមានជំងឺទាំងពីរប្រភេទ ជាតិស្ករនឹងកើនឡើងដូចគ្នា។

២- វិធីគ្រប់គ្រងស្រ្តេស

យើងអាចជួបស្ថានភាពនាំឲ្យស្រ្តេសគ្រប់ពេល អ៊ីចឹងត្រូវចេះរកវិធីដោះស្រាយ។ ឧ. បើឃើញ ផ្លូវខាងមុខស្ទះ គួរបើកផ្លូវផ្សេង ឬចេញទៅផ្ទះមុនម៉ោងកុំឲ្យស្ទះជាប់នឹងគេ។ បើមានបញ្ហានៅកន្លែងធ្វើការ គួរនិយាយជាមួយមេ ឬរកជំនួយពីមិត្តរួមការងារ ដើម្បីទទួលបានដំណោះស្រាយល្អៗ។

ក្រៅពីនេះ អាចធ្វើអ្វីខ្លួនចង់ធ្វើ ឬជាមួយមិត្តភក្តិ ព្រោះអាចជាប្រយោជន៍ដោះស្រាយស្ថានភាពស្ត្រេសបានភ្លាមៗ។ ឧទាហរណ៍ថា ទៅហាត់ប្រាណ ដើម្បីរាងកាយមាំមួន ព្រោះការលើកដៃលើកជើង ធ្វើឲ្យអ័រម៉ូន ដូប៉ាមីន (Dopamine) ឬអ័រម៉ូនរីករាយ បញ្ចេញច្រើនជួយកាត់បន្ថយ ស្រ្តេសបាន។ លេងកីឡា រៀនរាំ ជិះកង់ ឬហាត់យូហ្គា ក៏អាចជួយបានដូចគ្នា ឬអាចរៀនជំនាញផ្សេងៗ ដើម្បីជីវិតកាន់តែរីករាយ។

រំសាយស្រ្តេសបង្កដោយជំងឺទឹកនោមផ្អែម អាចពិបាកបន្តិច ត្រូវការភាពអត់ធ្មត់ច្រើន អ៊ីចឹងព្យាយាមរកមើលបញ្ហានាំឲ្យយើងស្រ្តេសជាមុន ចាំរកដំណោះស្រាយតាមក្រោយ។ តែបើនៅមិនអាចដោះស្រាយបាន គួរទៅជួបជំនាញប្រឹក្សា ពីវិធីសម្របខ្លួន ដោះស្រាយបញ្ហា ក៏ដូចជាដំបូន្មានបែបវេជ្ជផ្សេងទៀត ជាប្រយោជន៍សម្រាប់យើង។ ក្រៅពីនេះទៀត ការញ៉ាំថ្នាំ តាមដានជាតិស្ករក្នុងឈាម ញ៉ាំអាហារសមស្រប និងហាត់ប្រាណទៀងទាត់ ជាការគ្រប់គ្រងស្ត្រេស និងស្ថានភាពជំងឺកាន់តែប្រសើរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ធ្វើរឿងទាំងនេះបាន អ្នកជំងឺទឹកនោមផ្អែមអាចរស់នៅបានយូរដូចមនុស្សធម្មតា

ចុចអាន៖ មូលហេតុ២នេះហើយ ទើបយុវវ័យឥឡូវឆាប់លើសខ្លាញ់ ឡើងឈាម ប្រឈមជំងឺទឹកនោមផ្អែម

The post កុំចេះតែហ៊ាន! កើតជំងឺទឹកនោមផ្អែម មិនអាចស្ត្រេសផ្ដេសផ្ដាសទេ appeared first on Kampuchea Thmey Daily.

រួមភេទជួយកាត់បន្ថយស្ត្រេសបានបែបណាខ្លះ?

Sonya — Wed, 27 Oct 2021 00:33:00 +0000

គ្នាយើងទំនងជាធ្លាប់បានឮ ឬក៏បានដឹងហើយថាស្រ្តេសជាដើមចមមួយធ្វើឲ្យគ្នាយើងបាត់បង់ចំណង់ផ្លូវភេទ តែផ្ទុយមកវិញ ការរួមភេទក៏ផ្ដល់នូវអារម្មណ៍ស្រើបស្រាលជួយយើងកាត់បន្ថយស្ត្រេសដូចគ្នា។ យ៉ាងណាក្នុងអត្ថបទនេះយើងនឹងនិយាយថាតើការរួមភេទជួយកាត់បន្ថយស្រ្តេសបានដោយរបៀបណា?

១.ទំនាក់ទំនងរវាងផ្លូវអារម្មណ៍ និងផ្លូវភេទ

កាសិក្សាមួយធ្វើឡើងដោយសាកលវិទ្យាល័យArizona State លើស្រ្តីវ័យកណ្ដាលចំនួន៥៨នាក់ បានរកឃើញថាការមានមានភាពស្និទ្ធស្នាល និងសកម្មភាពលើគ្រែជាមួយដៃគូមានទំនាក់ទំនងទៅនឹងការធ្លាក់ចុះនៃអារម្មណ៍អវិជ្ជមាន និងស្រ្តេស ហើយនឹងជួយឲ្យអ្នកទាំងនោះមានអារម្មណ៍កាន់តែល្អនៅថ្ងៃបន្ទាប់។

ការសិក្សាបន្តថាភាពស្រើមស្រាល និងសកម្មភាពលើគ្រែជួយឲ្យស្រីៗមិនសូវមានអារម្មណ៍ស្ត្រេស និងមានអារម្មណ៍កាន់តែល្អនៅថ្ងៃបន្ទាប់មកទៀត។

ផ្ទុកមកវិញ បើកាលណាមនុស្សយើងមានអារម្មណ៍ល្អ ក៏នាំឲ្យមានសកម្មភាពផ្លូវភេទល្អដូចគ្នាដែរ។ ការសិក្សាដដែលរកឃើញថា កាលណាយើងមានអារម្មណ៍ល្អ នោះសកម្មភាពសិចរបស់យើងក៏ល្អទៅតាមហ្នឹងដែរ។ សិចអាចធ្វើឲ្យមនុស្សយើងមានអារម្មណ៍ល្អ ហើយត្រឡប់មកវិញ ពេលយើងមានអារម្មណ៍ល្អយើងក៏គិតដល់រឿងលើគ្រែដូចគ្នា។

២.រឿងលើគ្រែ និងសម្ពាធឈាម

ការសិក្សាមួយផ្សេងទៀតបានរកឃើញថាអ្នកចូលរួមក្នុងការសិក្សាតែងមានការឡើងសម្ពាធឈាមនៅពេលត្រូវឡើងធ្វើបទបង្ហាញ ឬក្នុងពេលប្រឡងប្រជែងជាដើម។ ដោយថាព្រឹត្តិការណ៍ទាំងនេះតែងធ្វើឲ្យអ្នកចូលរួមមានអារម្មណ៍ស្ត្រេស តែថាសម្រាប់អ្នកដែលបានរួមភេទមុនដល់ព្រឹត្តិការណ៍ទាំងនេះ បែរជាមានសម្ពាធឈាមនៅកម្រិតធម្មតា ឬមានឡើងសម្ពាធឈាមតិចតួចពេលស្ថិតក្នុងព្រឹត្តិកាណ៍ទាំងនោះ។

ជារួមការសិក្សាបញ្ជាក់ថា ការរួមភេទជួយកាត់បន្ថយស្រ្តេសបានល្អអំឡុងពេលយើងស្ថិតក្នុងស្ថានភាពប្រកួតប្រជែងណាមួយ ដែលថាការរួមភេទជារឿងល្អមួយ។

៣.ភាពស្រើបស្រាល និងសុខភាព

ភាពស្រើបស្រាល ឬអារម្មណ៍ឈានដល់ចំណុចកំពូលពេលរួមភេទ មានប្រយោជន៍ច្រើនដល់សុខភាព និងការកាត់បន្ថយស្រ្តេសរបស់យើងផងដែរ។ អារម្មណ៍បែបនេះធ្វើឲ្យអារម្មណ៍យើងបានធូរស្រាល និងបញ្ចេញអ័រម៉ូនជាច្រើន ដែលជួយគាំទ្រដល់សុខភាពរបស់យើង និងធ្វើឲ្យយើងមានអារម្មណ៍ល្អ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ចំណុចមួយចំនួនគួរដឹងសម្រាប់អ្នករួមភេទលើកដំបូង

ចុចអាន៖ ៧ សំណួរពីរឿងរួមភេទ ទាំងប្រុសទាំងស្រីឆ្ងល់ខ្លាំង តែខ្មាសអត់ហ៊ានសួរ!

The post រួមភេទជួយកាត់បន្ថយស្ត្រេសបានបែបណាខ្លះ? appeared first on Kampuchea Thmey Daily.

មិនលេងសើចទេ ស្ត្រេសច្រើន អាចវាយប្រហារប្រព័ន្ធភាពស៊ាំចុះខ្សោយ ងាយមានជំងឺ

Sonya — Sat, 23 Oct 2021 03:24:00 +0000

គ្នាយើងធ្លាប់ឆ្ងល់ទេថាហេតុអ្វីពេលមនុស្សយើងបាក់ទឹកចិត្ត ឬមានអារម្មណ៍ថាស្ត្រេសខ្លាំង ងាយនឹងធ្លាក់ខ្លួនឈឺ ឬបើឈឺហើយមិនងាយជា? គ្នាយើងត្រូវដឹងថាពេលមានអារម្មណ៍ស្ត្រេសខ្លាំង ក៏អាចមានឥទ្ធិពលដល់ប្រព័ន្ធភាពស៊ាំ និងធ្វើឲ្យយើងងាយឈឺទៀតផង។ ហេតុអ្វី?

១. ឥទ្ធិពលស្រ្តេសលើប្រព័ន្ធភាពស៊ាំ

ប្រព័ន្ធភាពស៊ាំយើងបង្កើតឡើងដោយកោសិការាប់ពាន់លាន ដែលធ្វើដំណើរជាប្រចាំតាមចរន្តឈាមទៅគ្រប់កន្លែងនៃរាងកាយ។ ប្រព័ន្ធភាពស៊ាំការពាររាងកាយយើងប្រឆាំងនឹងអង់ទីហ្សែន ដូចជាពពួកបាក់តេរី វីរុស និងកោសិកាមហារីក។ ពេលមនុស្សយើងកើតស្ត្រេសរាងកាយរបស់យើងនឹងបញ្ចេញអ័រម៉ូនម្យ៉ាងហៅថា corticosteroid ដែលអ័រម៉ូននេះអាចធ្វើឲ្យដំណើរការរបស់ប្រព័ន្ធភាពស៊ាំចុះខ្សោយ ដោយបានបន្ថយចំនួនកោសិកាមួយប្រភេទដែលតែតែងប្រឆាំងនឹងមេរោគឆ្លងផ្សេងៗ។

បើយើងមានបញ្ហាស្ត្រេសតែក្នុងរយៈពេលខ្លី រាងកាយយើងអាចទប់ទល់បាន ប៉ុន្តែបើយើងកើតស្ត្រេសរយៈពេលវែង ឬស្ត្រេសរ៉ាំរ៉ៃ នឹងធ្វើឲ្យប៉ះពាល់ដល់ប្រព័ន្ធភាពស៊ាំមិនខាន។ ស្ត្រេសរ៉ាំរ៉ៃ អាចបន្ថយសមត្ថភាពប្រព័ន្ធភាពស៊ាំ និងអាចធ្វើឲ្យយើងប្រឈមនឹងជំងឺផ្សេងៗ។ ការមានបញ្ហាស្ត្រេសរ៉ាំរ៉ៃ ត្រូវតែស្វែងរកវិធីដោះស្រាយ និងគ្រប់គ្រងឲ្យបានទាន់ពេលវេលា។

ស្ត្រេសចេះតែបន្តកើតមានរយៈពេលវែង គឺមានន័យថារាងកាយយើងធ្វើការគ្មានពេលសម្រាក និងមិនអាចដំណើរការបានដូចប្រក្រតី។ បើយើងក្នុងដំណាក់កាលនេះ បានន័យថាប្រព័ន្ធភាពស៊ាំកំពុងស្ថិតក្នុងហានិភ័យហើយ។

២. ឥទ្ធិពលស្ត្រេសលើការទទួលបានសារធាតុចិញ្ចឹម

ស្ត្រេសមិនត្រឹមតែរារាំងមិនឲ្យមានការផលិតកោសិកាប្រព័ន្ធភាពស៊ាំនោះទេ តែវាក៏រារាំងដល់ពោះវៀនមិនឲ្យស្រូបយកសារធាតុចិញ្ចឹមល្អៗពីអាហារដែលយើងបានញ៉ាំសម្រាប់បង្កើនប្រព័ន្ធភាពស៊ាំ ដូចគ្នា។

អ្នកជំនាញខាងប្រព័ន្ធរំលាយអាហារពន្យល់ថា ស្ត្រេសរ៉ាំរ៉ៃ អាចកាត់បន្ថយការស្រូបយកសារធាតុចិញ្ចឹម ព្រោះវាមានឥទ្ធិពលលើប្រព័ន្ធរំលាយអាហារ។ ការណ៍នេះ កើតឡើងដោយសារតែពោះវៀនមិនអាចធ្វើការបានត្រឹមត្រូវ ពេលមនុស្សយើងកើតស្ត្រេស។ ដូចនេះហើយ កិច្ចការសំខាន់ដែលពោះវៀនត្រូវបញ្ជូនសារធាតុចិញ្ចឹមទៅកាន់កន្លែងដែលត្រូវទៅ ត្រូវបានរអាក់រអួល។

ដូចគ្នាដែរ អ្នកមានជំងឺ ក៏អាចកើតមានស្ត្រេស ដោយសារតែជំងឺរបស់ខ្លួនដែរ ហើយការណ៍នេះនឹងធ្វើប្រព័ន្ធភាពស៊ាំចុះខ្សោយបន្ថែមទៀត។ ដូចនេះ ដើម្បីបង្កើនប្រព័ន្ធភាពស៊ាំឲ្យរឹងមាំ គ្នាយើងប្រហែលជាត្រូវកាត់បន្ថយបញ្ហាស្រ្តេសក្នុងជីវិតឲ្យបាននៅទាបបំផុតដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បើភ្ញាក់ពីគេង ហើយអស់កម្លាំងខ្លាំង មានន័យថា យើងស្ត្រេសដល់កំពូលហើយ

The post មិនលេងសើចទេ ស្ត្រេសច្រើន អាចវាយប្រហារប្រព័ន្ធភាពស៊ាំចុះខ្សោយ ងាយមានជំងឺ appeared first on Kampuchea Thmey Daily.

ហាត់យូហ្គាត្រឹមត្រូវ អាចបញ្ចុះសម្ពាធឈាម និងបំបាត់ស្រ្តេស យ៉ាងមានប្រសិទ្ធភាព

Sonya — Wed, 20 Oct 2021 00:32:00 +0000

គ្នាយើងប្រាកដជាដឹងខ្លះហើយ ហាត់យូហ្គា មានប្រយោជន៍ច្រើនចំពោះសុខភាព ហើយបើហាត់បានត្រឹមត្រូវ និងដឹងពីតិចនិកបន្ថែមទៀតនោះ កាន់តែប្រសើរសម្រាប់សុខភាព។

បើតាម លោកស្រីវេជ្ជបណ្ឌិត Stacy Hunter ប្រធានផ្នែកសិក្សាបេះដូង និងសរសៃឈាម នៃសាកលវិទ្យាល័យរដ្ឋតិចសាស់ របស់អាមេរិក បានបង្ហាញលទ្ធផលសិក្សាថ្មី ឃើញថា គ្នាយើងហាត់យូហ្គា នៅសីតុណ្ហភាពក្តៅល្មម ពោលក្នុងបរិស្ថានមានកម្តៅ ៤០អង្សារសេ នឹងទទួលបានប្រយោជន៍សុខភាពច្រើន ពិសេសអាចជួយបញ្ចុះសម្ពាធឈាម បន្ថយហានិភ័យជំងឺបេះដូង កម្ចាត់ភាពស្រេ្តស និងស្រកទម្ងន់។

លទ្ធផលបានបង្ហាញបែបនេះ បន្ទាប់ពីក្រុមស្រាវជ្រាវ ដឹកនាំដោយ លោកស្រី Stacy Hunter បានតាមដានលើគ្នាយើងមួយចំនួន មានវ័យពី ២០–៦៥ ឆ្នាំ ដោយប្រើពេលហាត់ប្រមាណ ១២សប្តាហ៍ ទើបទទួលបានលទ្ធផលប្រសើរបែបនោះ។ តែទោះយ៉ាងណា លោកស្រីវេជ្ជបណ្ឌិត នៅតែអះអាងថា នេះគ្រាន់តែជាលទ្ធផលបឋមតែប៉ុណ្ណោះ ពោលត្រូវការ ការសិក្សាបន្ថែមទៀត ទើបហ៊ានអះអាងដោយទំនុកចិត្តទៅលើការហាត់យូហ្គាក្នុងសីតណ្ហភាពក្តៅល្មម អាចទទួលបានប្រយោជន៍ល្អទាំងនោះ។

ជាមួយគ្នានេះដែរ មានការលើកឡើងពីក្រុមអ្នកជំនាញពីសាកលវិទ្យាល័យWisconsin-La Crosse ចំពោះគ្នាយើងហាត់យូហ្គា ដូចខាងលើថា គប្បីផឹកទឹកឲ្យបានគ្រប់គ្រាន់ ទាំងមុន និងក្រោយពេលហាត់ ព្រោះវិធីហាត់ក្នុងសីតណ្ហភាពក្តៅ ប្រសិនបើយើងមិនធ្លាប់ហាត់ និងពិបាកប្រឈមជាមួយសីតណ្ហភាពក្តៅទាំងខាងក្រៅ និងក្នុងខ្លួន។ ដូចនេះផឹកទឹកឲ្យបានច្រើន រាងកាយទទួលសំណើមគ្រប់គ្រាន់ មុនពេលហាត់ប្រាណប្រភេទនេះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ខ្លាចបាក់ទឹកចិត្ត គួរស្វែងរកសន្តិភាពផ្លូវចិត្តពីសមាធិ និងយូហ្គា

ចុចអាន៖ អាថ៌កំបាំងពិសេស អាចជួយយើងហាត់ប្រាណជោគជ័យ

The post ហាត់យូហ្គាត្រឹមត្រូវ អាចបញ្ចុះសម្ពាធឈាម និងបំបាត់ស្រ្តេស យ៉ាងមានប្រសិទ្ធភាព appeared first on Kampuchea Thmey Daily.

ស្ត្រេស Archives - Kampuchea Thmey Daily

ក្បួនសាមញ្ញៗទាំង ៦ ជួយថែទាំផ្លូវចិត្តមិនឱ្យស្ត្រេសផ្ដេសផ្ដាស

រវល់ការងារយ៉ាងណាក៏មិនស្រ្តេស បើអនុវត្ត ៣ក្បាច់នេះ

ចំណាយពេល ២០នាទី ជាមួយធម្មជាតិ ជួយបន្ថយបញ្ហាស្រ្តេសយ៉ាងល្អ

ប្រើប្រាស់សារលើទូរសព្ទ ជាមូលហេតុធ្វើឱ្យយើងស្ត្រេសកាន់តែខ្លាំង?

កុំចេះតែហ៊ាន! កើតជំងឺ​ទឹកនោមផ្អែម មិនអាចស្ត្រេស​ផ្ដេសផ្ដាស​ទេ

រួមភេទជួយកាត់បន្ថយស្ត្រេសបានបែបណាខ្លះ?

១.​ទំនាក់​ទំនង​រវាង​ផ្លូវ​អារម្មណ៍ និង​ផ្លូវ​ភេទ

២.រឿង​លើ​គ្រែ និង​សម្ពាធ​ឈាម

៣.ភាព​ស្រើបស្រាល និង​សុខភាព

មិនលេងសើចទេ ស្ត្រេសច្រើន អាចវាយប្រហារប្រព័ន្ធភាពស៊ាំចុះខ្សោយ ងាយមានជំងឺ

១. ឥទ្ធិ​ពល​ស្រ្តេស​លើ​ប្រព័ន្ធ​ភាព​ស៊ាំ

២. ឥទ្ធិ​ពល​ស្ត្រេស​លើ​ការ​ទទួល​បាន​សារធាតុ​ចិញ្ចឹម​

ហាត់យូហ្គាត្រឹមត្រូវ អាចបញ្ចុះសម្ពាធឈាម និងបំបាត់ស្រ្តេស យ៉ាងមានប្រសិទ្ធភាព

កុំចេះតែហ៊ាន! កើតជំងឺទឹកនោមផ្អែម មិនអាចស្ត្រេសផ្ដេសផ្ដាសទេ

១.ទំនាក់ទំនងរវាងផ្លូវអារម្មណ៍ និងផ្លូវភេទ

២.រឿងលើគ្រែ និងសម្ពាធឈាម

៣.ភាពស្រើបស្រាល និងសុខភាព

១. ឥទ្ធិពលស្រ្តេសលើប្រព័ន្ធភាពស៊ាំ

២. ឥទ្ធិពលស្ត្រេសលើការទទួលបានសារធាតុចិញ្ចឹម