កាលពីថ្ងៃទី ២២ ខែមេសា ឆ្នាំ២០២៦ អាជ្ញាធរ​ខណ្ឌកំបូល ដឹកនាំដោយលោក ទ្រី ណារ៉េត អភិបាលរងខណ្ឌទទួលការងារសាធារណៈការ បានដឹកនាំមន្ត្រីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈ ព្រមទាំងអាជ្ញាធរសង្កាត់ ចុះពិនិត្យជាក់ស្តែងលើគម្រោងជួសជុល និងស្ថាបនាផ្លូវបេតុងឆ្អឹងដែកមួយខ្សែ នៅខាងក្រោយបុរីសែនមនោរម្យ រហូតដល់ភូមិកន្ទោកត្បូង ស្ថិតនៅភូមិកន្ទោកជើង និងភូមិកន្ទោកត្បូង សង្កាត់កន្ទោក ខណ្ឌកំបូល រាជធានីភ្នំពេញ ដែលជាតំបន់មានប្រជាពលរដ្ឋរស់នៅច្រើន និងមានតម្រូវការក្នុងការអភិវឌ្ឍហេដ្ឋារចនាសម្ព័ន្ធយ៉ាងចាំបាច់។

លោក ទ្រី ណារ៉េត បានបញ្ជាក់ថា គម្រោងផ្លូវនេះមានប្រវែងសរុប ៨១៤ ម៉ែត្រ ទទឹង ៥ ម៉ែត្រ និងកម្រាស់ ០,១៥ ម៉ែត្រ ដែលត្រូវបានសាងសង់ឡើងដោយគោលបំណងធ្វើឲ្យប្រសើរឡើងនូវការធ្វើដំណើររបស់ប្រជាពលរដ្ឋ កាត់បន្ថយការលំបាកក្នុងរដូវវស្សា និងជួយសម្រួលដល់ការដឹកជញ្ជូនទំនិញប្រចាំថ្ងៃ។

លោកបានបន្តថា គម្រោងស្ថាបនាផ្លូវបេតុងឆ្អឹងដែកនេះ គឺជាគម្រោងមូលនិធិអភិវឌ្ឍន៍របស់រដ្ឋបាលខណ្ឌកំបូល ដែលបង្ហាញពីការយកចិត្តទុកដាក់របស់អាជ្ញាធរមូលដ្ឋានក្នុងការកែលម្អហេដ្ឋារចនាសម្ព័ន្ធ និងបម្រើប្រជាពលរដ្ឋឲ្យកាន់តែប្រសើរឡើង។

អាជ្ញាធរខណ្ឌបានបញ្ជាក់ថា ការចុះពិនិត្យនេះមានគោលបំណងធានាឲ្យគម្រោងអនុវត្តតាមស្តង់ដារបច្ចេកទេស និងកាលវិភាគដែលបានកំណត់ ដើម្បីឲ្យគម្រោងបញ្ចប់បានដោយគុណភាព និងប្រសិទ្ធភាពខ្ពស់៕ អត្ថបទ៖សំណាង

The post អាជ្ញាធរខណ្ឌកំបូល ស្ថាបនាផ្លូវបេតុងឆ្អឹងដែកប្រវែងជាង៨០០ម៉ែត្រក្នុងសង្កាត់កន្ទោក appeared first on Kampuchea Thmey Daily.

លោក គួច ចំរើន អភិបាល នៃគណៈអភិបាលខេត្តកណ្តាល បានមានប្រសាសន៍ថា៖ សង្គ្រាមបានធ្វើឱ្យប៉ះពាល់ដល់សេដ្ឋកិច្ច និងសង្គមជាតិរបស់យើងទាំងមូល ព្រមទាំងបានប៉ះពាល់ដល់ជីវភាពរស់នៅរបស់ប្រជាពលរដ្ឋយើងទាំងអស់គ្នា ទាំងសង្គ្រាមឈ្លានពានរបស់សៀមមកលើកម្ពុជា និងផលប៉ះពាល់នៃសង្គ្រាមនៅមជ្ឈិមបូព៌ាក្ដី ប៉ុន្តែរាជរដ្ឋាភិបាលបើទោះជាជួបបញ្ហាលំបាកក្នុងការសង្គ្រាមឈ្លានពានរបស់សៀម និងផលប៉ះពាល់ពីសង្គ្រាមនៅមជ្ឈឹមបូព៌ាក្ដី។

យ៉ាងណាក៏ដោយក៏រាជរដ្ឋាភិបាលនៅតែបង្ហាញនៃការ ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា សម្ដេចទាំងទ្វេនៅតែគិតគូរពីការអភិវឌ្ឍជាបន្តបន្ទាប់ បោះទោះជាដៃម្ខាងទប់ទល់ការឈ្លានពានពីសំណាក់សៀម និងម្ខាងទប់ទល់ពីផលប៉ះពាល់នៃសង្គ្រាមនៅមជ្ឈឹមបូព៌ាក្ដី តែការអភិវឌ្ឍន៍នៅក្នុងមូលដ្ឋាននេះ បានរួមចំណែកជំរុញឱ្យសកម្មភាពសេដ្ឋកិច្ច និងសង្គមរបស់យើងមានចលនាជាបន្តទៀត ហើយថ្ងៃនេះប្រសិនបើយើងផ្អាកការដ្ឋានរបស់យើង នោះអាចអាជីវករលក់ថ្ម លក់ដែក និងមិនមានទីផ្សារ ដែលធ្វើឱ្យប៉ះពាល់ដល់ប្រជាពលរដ្ឋជាបុគ្គលិក កម្មករ មិនមានការងារធ្វើ និងគ្មានចំណូលសម្រាប់ចិញ្ចឹមជីវិតនោះទេ។

The post ប្រជាពលរដ្ឋនៅសង្កាត់បារុង ក្រុងអរិយក្សត្រទទួលបានផ្លូវបេតុងថ្មីប្រវែងជាង៧ពាន់ម៉ែត្រ ទទឹង ៨ម៉ែត្រ ពី រដ្ឋបា លខេត្តកណ្ដាល appeared first on Kampuchea Thmey Daily.

លោក ហ៊ី ជាប្រជាពលរដ្ឋលើកឡើងថា ផ្លូវមួយខ្សែនេះ ទើបតែលំបាកនោះទេ ព្រោះអាជ្ញាធរបានចុះមកស្តារប្រឡាយឡើងវិញ សម្រាប់ជួយសម្រួលការជន់លិច ទើបបន្សល់នូវកម្ទេចដី បង្កអោយប៉ះពាល់ផ្លូវមួយផ្នែកធំ ។ ពលរដ្ឋបន្តថា សូមអរគុណដល់អាជ្ញាធរ ដែលយកចិត្តទុកដាក់ ក្នុងការដាក់គ្រឿងចាក់ឈូសដី បង្ហាប់អោយរាបស្មើឡើងវិញ សម្រួលរាល់ការរស់នៅ និងអ្នកធ្វើដំណើរ លែងជួបការលំបាកបន្តទៅទៀត។

លោកស្រី វ៉ា សុរិន ចៅសង្កាត់ព្រែកថ្មី បានប្រាប់មកក្រុមការងារកម្ពុជាថ្មី ថា ដោយអាជ្ញាធរកន្លងមក ចំណុចផ្លូវខាងលើនេះ ព្រោះតែពេលកន្លងទៅអាជ្ញាធរធ្វើការស្តារប្រឡាយទើបបន្សល់នូវ កម្ទេចដី ជាច្រើនកន្លែង និងធ្វើអោយប៉ះពាល់ផ្លូវមួយផ្នែកធំ បង្កការលំបាកដល់ពលរដ្ឋរស់នៅ និងធ្វើដំណើរ។

លោកស្រី បន្តថា អាជ្ញាធរបាន អោយគ្រឿងចាក់ ចុះមកកាយដី និងកិនបង្ហាប់ឡើងវិញ ដែលផ្លូវខាងលើមានប្រវែង ១៨០០ម៉ែត្រ ដើម្បីសម្រួលរាល់ទុកលំបាកដល់ប្រជាពលរដ្ឋ ដែលរស់នៅតំបន់ខាងលើឡើងវិញផងដែរ។

ជាមួយគ្នានោះ លោកស្រី វ៉ា សុរិន ចៅសង្កាត់ព្រែកថ្មី បានធ្វើការសូមអធ្យាស្រ័យ និងសុំការយោគយល់ពីប្រជាពលរដ្ឋ នាពេលកន្លង ដែលបង្កអោយពលរដ្ឋជួបការលំបាក ហើយអាជ្ញាធរក៏ សំណូមពរដល់ពលរដ្ឋក្នុងមូលដ្ឋានសង្កាត់ព្រែកថ្មី ត្រូវបន្តជួយថែរក្សាផ្លូវមួយខ្សែនេះទាំងអស់ ដើម្បីអោយប្រើប្រាស់បានរយៈយូរអង្វែង៕ អត្ថបទ ៖ រដ្ឋា

The post អាជ្ញាធរសង្កាត់ព្រែកថ្មី ចុះឈូសបង្ហាប់ដី ផ្លូវលំខ្សែទី៣ ក្នុងភូមិកោះក្របី ប្រវែងជាង ១០០០ម៉ែត្រ ជូនប្រជាពលរដ្ឋ appeared first on Kampuchea Thmey Daily.

ជាក់ស្តែងកំណាត់ផ្លូវលេខ ២៥៤ កែងផ្លូវលេខ៥១ ស្ថិតក្នុងសង្កាត់ចតុមុខ ខណ្ឌដូនពេញ រាជធានី​ភ្នំពេញ រដ្ឋបាលខណ្ឌដូនពេញ បានជួសជុលអ៊ុតកៅស៊ូឡើងវិញ ក្រោយ​បង្ក​ផល​ប៉ះពាល់​ដល់​ការ​រស់នៅ​របស់​ប្រជាពលរដ្ឋ។

បើតាមការបញ្ជាក់ពីលោក សាវុធ ដាវីត បានប្រាប់ឲ្យដឹងថា ផ្លូវដែលខូចខាតនេះ បានបង្កការ​លំបាក​ខ្លាំង ព្រោះឆ្លងកាត់ម្តងៗ ជិះធ្លាក់ជង្ហុកស្ទើរតែដួលទៅហើយ ដោយសារតែជង្ហុកមានតូច-ធំ​ច្រើន​គួរសមដែរ ប៉ុន្តែ​ក្រោយ​អាជ្ញាធរ​ធ្វើការ​ជួសជុល​ជូន​ឡើងវិញ ហាក់បី​មាន​ភាព​ងាយស្រួល​ខ្លាំង​លើ​ការ​ធ្វើ​ដំណើរ​ឆ្លងកាត់ និង​មិន​មាន​ជង្ហុក ឬ​ទឹក​ដក់​បន្ត​ទៀត​នោះ​ឡើយ។

លោក នី សាមិត្ត ប្រធានការិយាល័យ​សាធារណការ​ខណ្ឌដូនពេញ បានប្រាប់ឲ្យដឹងថា កំណាត់​ផ្លូវ​លេខ ២៥៤ ប្រវែង ៤០ ម៉ែត្រ នេះ ត្រូវបានរដ្ឋបាលខណ្ឌដូនពេញ ជួសជុលរួចរាល់​ហើយ ដើម្បី​សម្រួល​បន្ទុក​ជូន​ពលរដ្ឋ បញ្ចប់​ការ​លំបាក​ដែល​ធ្លាប់​ឆ្លងកាត់​កន្លងមក។

លោក​ក៏បាន​សំណូមពរ និង​សុំ​ការ​យោគយល់​ពី​ប្រជាពលរដ្ឋ​ក្នុង​មូលដ្ឋាន​ផង​ដែរ។ ចំពោះ​បញ្ហា​ទាំងអស់​នេះ លោក​នឹង​ព្យាយាម​ជួសជុល​រាល់​ផ្លូវ​ដែល​ខូច​ឡើង​វិញ​ជូន​ពលរដ្ឋ ដើម្បី​សម្រួល​ការ​លំបាក​ជួប​កន្លងមក៕

អត្ថបទ ៖ រដ្ឋា

The post អាជ្ញាធរខណ្ឌដូនពេញ ស្ថាបនាកំណាត់ផ្លូវ ២៥៤ ប្រវែង ៤០ ម៉ែត្រ ឡើងវិញ ក្រោយបង្កផលលំបាកដល់ពលរដ្ឋធ្វើដំណើរ appeared first on Kampuchea Thmey Daily.

ជាក់ស្តែងនៅផ្លូវ ១៩៩៨ ក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ប្រវែងជិត ២០០ម៉ែត្រ មិនទាន់មានប្រព័ន្ធលូ នឹងផ្លូវស្អាតសម្រាប់ប្រជាពលរដ្ឋដែលរស់នៅតំបន់ខាងលើនេះធ្វើដំណើរនោះឡើយ ។

លោក វ៉ូ ពលរដ្ឋនៅចំណុចខាងលើបានអោយដឹងថា គាត់រស់នៅតំបន់នេះរាងយូរឆ្នាំគួរសមដែរ ដោយបានជួបការលំបាកជាច្រើន តាំងពីការធ្វើដំណើរ នឹងបញ្ហាប្រព័ន្ធលូផងដែរ ។ ដោយផ្លូវមួយខ្សែនេះ គឺបានបង្កការលំបាកជាច្រើនដល់ពួកគាត់ជាប្រជាពលរដ្ឋ ដីហ៊ុយចូលផ្ទះពេញៗ ពេលដែលមានខ្យល់ ឬមានឡានម៉ូតូឆ្លងកាត់ម្តង ពិបាករស់យ៉ាងខ្លាំង។

លោក វិបុល ជាពលរដ្ឋរស់នៅតំបន់នោះ បានប្រាប់ថា ពួកគាត់ធ្លាប់បានឃើញមានអាជ្ញាធរចុះមកវាស់វែង ០២លើកផងដែរកាលពីប៉ុន្មានខែមុខ រួចក៏ស្ងាត់ទៅវិញ ។ ពលរដ្ឋបន្ថែមថា ពួកគាត់ បានឮពីអាជ្ញាធរម្តងដែរថា ឥឡូវនេះ អាជ្ញាធរកំពុងដាក់លូនៅផ្លូវមួយទៀត រងចាំបន្តិចសិននៅពេលអាជ្ញាធរដាក់លូរួចរាល់ នឹង ចាប់ផ្តើមមកធ្វើផ្លូវលេខ ១៩៩៨ តែម្តង។

ជាមួយគ្នានោះ ពលរដ្ឋបានស្នើសុំ លោក ចេង មុន្នីរ៉ា អភិបាលខណ្ឌសែនសុខ ដែលជាអភិបាលខណ្ឌថ្មី សង្ឃឹមថានឹងឆាប់ជួយស្ថាបនាផ្លូវ រួមជាមួយប្រព័ន្ធលូ មួយខ្សែនៅចំណុចផ្លូវ ១៩៩៨នេះផង ព្រោះតែពួកគាត់ជួបការលំបាកយូរឆ្នាំមកហើយ។

ពាក់ព័ន្ធបញ្ហានេះ ក្រុមការងារកម្ពុជាថ្មី បានទំនាក់ទំនងទៅលោក ធាម ច័ន្ទសេរីវុឌ្ឍ ប្រធានការិយាល័យសាធារណការ លើកឡើងថា ក្នុងឆ្នាំ២០២៦នេះ សង្កាត់នឹងលើកសំណើរបញ្ហាផ្លូវលេខ ១៩៩៨ ចូលក្នុងគម្រោងអភិវឌ្ឍន៍ ៣ឆ្នាំរំកិល ប៉ុន្តែពុំទាន់ដឹងថា ថវិកានោះ និងធ្លាក់ចំគម្រោងផ្លូវ នេះ ឬក៏អត់នោះទេ៕ អត្ថបទ ៖ រដ្ឋា

The post ពលរដ្ឋរស់នៅភូមិភ្នំពេញថ្មី ស្នើសុំឲ្យអាជ្ញាធរស្ថាបនាផ្លូវ និង ប្រព័ន្ធលូ ក្រោយជួបការលំបាកជាច្រើនឆ្នាំ appeared first on Kampuchea Thmey Daily.

អ្នក​ស្រី ឱ ចាន់លីដា ជា​ប្រជាពលរដ្ឋ​រស់នៅ​តំបន់​ខាង​លើ លើក​ឡើង​ថា ផ្លូវ​ខាង​លើ​ខូចខាត​ជាង ១០ ឆ្នាំ មក​ហើយ ដោយសារ​តែ​ទឹកភ្លៀង​ហូរច្រោះ។ នា​រដូវវស្សា ភ្លៀង​មក​ម្តងៗ ផ្លូវ​នេះ លិច​អស់​ហើយ ធ្វើ​ដំណើរ​មិន​កើត ទឹក​មិន​ងាយ​ស្រក ដោយសារ​ផ្លូវ​នេះ​ទំនាប​ជ្រៅ​ជាងគេ​(​ដូច​បាតខ្ទះ​)​ តែ​បើ​រដូវ​ប្រាំង​វិញ ដី​ហុយ មាន​ជង្ហុក​តូច-ធំ សំបុក​មាន់ ពិបាក​ក្នុង​ការ​ធ្វើ​ដំណើរ និង​រស់នៅ​ប្រកប​របរ​ផ្សេងៗ។

អ្នក​ស្រី​បន្ត​ថា ពេលនេះ​លែង​ព្រួយបារម្ភ​ទៀត​ហើយ ដោយសារ​អាជ្ញាធរ​យកចិត្តទុកដាក់​ស្ថាបនា​ផ្លូវ​ក្នុង​ភូមិ​មួយ​នេះ​បាន​ស្អាត​ល្អ​ប្រសើរ។ អ្នកស្រី ក៏​សូម​អរគុណ​ដល់​អាជ្ញាធរ​ផង​ដែរ ដែល​បាន​គិតគូរ​ដល់​ប្រជាពលរដ្ឋ​ក្នុង​មូលដ្ឋាន។

អាជ្ញាធរ បញ្ជាក់​ថា ផ្លូវ​ខាង​លើ មាន​ប្រវែង ១២០០ ម៉ែត្រ ទទឹង ៦ ម៉ែត្រ ប្រើប្រាស់​ថវិកា​មូលនិធិ​អភិវឌ្ឍន៍​សង្កាត់​ឆ្នាំ ២០២៥ ហើយ​នៅ​ពេលនេះ​ស្ថាបនា​បាន​ប្រមាណ ៥០ ភាគរយ​ហើយ៕

អត្ថបទ ៖ សុខា

The post ពលរដ្ឋរស់នៅភូមិថ្មី សង្កាត់ដង្កោ សប្បាយចិត្តពេលអាជ្ញាធរស្ថាបនាផ្លូវលំជាបេតុង ងាយស្រួលធ្វើដំណើរ appeared first on Kampuchea Thmey Daily.

លោក​ ពូ​ វែង​ សៀកមី​ អ្នកលក់ទឹកកកដឹកតាមរ៉ឺម៉កដែលតែងតែធ្វើដំណើរឆ្លងកាត់ទីនោះបានលើកឡើងថា​ គាត់រកស៉ីលក់ទឹកកកតាំងពីឆ្នាំ២០១៤មកម្ល៉េះ​ ដោយកន្លងមកផ្លូវមួយនេះជង្ហុកធំៗពិបាកក្នុងការធ្វើដំណើរ និងប្រកបរបរប្រចាំថ្ងៃ​ ដោយសារតែផ្លូវពិបាកពេកធ្វើឲ្យ គាត់រកចំណូលមិនសូវបាន​ ណាមួយធ្វើដំណើរឆ្លងកាត់ផ្លូវពិបាកទៀត ធ្វើឲ្យម៉ូតូរ៉ឺម៉កគាត់ខូចជាញឹកញាប់​ តែពេលនេះលែងព្រួយបារម្ភទៀតហើយ ដោយសារតែអាជ្ញាធរយកចិត្តទុកដាក់បានប្រែក្លាយផ្លូវដែលធ្លាប់ពិបាកធ្វើដំណើរមកល្អប្រសើរងាយស្រួលធើ្វដំណើរ  និងមានពលរដ្ឋរួមជាមួយសិស្សានុសិស្ស និងកម្មករ​ កម្មការិនីរោងចក្រធ្វើដំណើរឆ្លងកាត់។

ដោយឡែកអ្នកមីង​ ប៉ូ​ ម៉ុន​ ជាអ្នករកស៉ីលក់ដូរនៅតំនប់នោះ​ បានលើកឡើងថា​ គាត់ពិតជាសប្បាយចិត្តខ្លាំងក៏អរគុណ អាជ្ញាធរ​ដែលបានស្ថាបនាផ្លូវមួយខ្សែនេះឲ្យល្អប្រសើរ​ ហើយយគាត់សំណូមពរដល់អាជ្ញាធរមេត្តាជួយរៀបចំប្រព័ន្ធលូឲ្យបានធំជាង ខណៈខែវស្សាភ្លៀងធ្លាក់មកម្តងៗ ទឹកហៀរចេញពីលូចូលដល់បន្ទប់ជួលគាត់ពិបាករស់នៅ​។

បើតាមការបញ្ជាក់ពីអាជ្ញាធរបានឲ្យដឹងថា​ ការស្ថាបនាផ្លូវខាងលើជាគម្រោងរបស់សាលារាជធានីភ្នំពេញ​ ដោយមានចម្ងាយ១៦១០​ ម៉ែត្រទទឹង១០ម៉ែត្រ។

គួររំលឹកផងដែរថាផ្លូវនេះកន្លងមក ពលរដ្ឋបានលើកឡើងពីផលពិបាកក្នុងការធើ្វដំណើរកំណាត់ផ្លូវខាងលើ ចាប់ពីផ្លូវបេតុងអគ្គិសនីទួលពង្រ ភ្ជាប់ទៅផ្លូវ៥០ម៉ែត្រ ហើយផ្លូវខាងលើបានខូចខាតដក់ទឹកយូរមកហើយ ចំពោះផ្លូវមួយនេះក៏ជាផ្លូវដ៏សំខាន់អាចជួយរំដោះចរាចណ៍ បន្ថយការកកស្ទះបានមួយផ្នែកធំផងដែរ។ រាល់ពេលភ្លៀងធ្លាក់ ផ្លូវខាងលើនេះតែងដក់ទឹកសម្បូរទៅដោយជង្ហុកសំបុកមាន់ជាច្រើនកន្លែង ពិបាកធ្វើដំណើរតែម្តង ហើយមិនអាចប្រកបរបរអ្វីបាននោះឡើយ៕ដោយសុខា

The post ពលរដ្ឋសាទរ ខណៈអាជ្ញាធរសា្ថបនាផ្លូវបេតុងក្នុងភូមិទួលពង្រចម្ងាយ១៦១០ម៉ែត្រ ឡើងវិញ appeared first on Kampuchea Thmey Daily.

អាជ្ញាធរសង្កាត់បានបញ្ជាក់ថា ផ្លូវដែលស្ថាបនាខាងលើនេះ មួយខ្សែស្ថិតក្នុងភូមិសាមគ្គី១​ មានប្រវែង១៤៩ម៉ែត្រ​ ទទឹង៦ម៉ែត្រ​ និងមួយខ្សែទៀតស្ថិត​ក្នុងភូមិសាមគ្គី២​ មានប្រវែង២០០ម៉ែត្រ​ ទទឹង៦ម៉ែត្រ​ ដែលសរុបទាំងពីរខ្សែមានប្រវែងសរុប ៣៤៩ម៉ែត្រ​។

បើតាមអាជ្ញាធរ ការស្ថាបនាផ្លូវបេតុងក្រាលសសៃដែកខាងលើនេះ គឺជាការអនុវត្តគម្រោងមូលនិធិអភិវឌ្ឍន៍សង្កាត់ឆ្នាំ២០២៥​ ហើយមកដល់បច្ចុប្បន្ន ការស្ថាបនារួចរាល់ហើយ៕

អត្ថបទ៖ សុខា

The post អាជ្ញាធរសង្កាត់ត្រពាំងក្រសាំង ស្ថាបនាផ្លូវបេតុង​សសៃដែក២ខ្សែសរុបប្រវែងជាង៣០០ម៉ែត្រ appeared first on Kampuchea Thmey Daily.