ឧត្តមសេនីយ៍ឯក ប៊ុនប៉ា ម៉ារីលុច ក៏បានរំលេចនូវអ្នកមានស្នាដៃសំខាន់ៗដែលរាជរដ្ឋាភិបាលសម្រេចបាននៅឆ្នាំ២០២៤ នៅក្រោមការដឹកនាំដ៏ប៉ិនប្រសប់ និងឆ្លាតវៃរបស់សម្ដេចមហាបវរតិបតី ហ៊ុន ម៉ាណែត នាយករដ្ឋមន្ត្រីនៃព្រះរាជា​ណា​ចក្រកម្ពុជា ដែលបានណែនាំដល់កងកម្លាំងនគរបាលជាតិឱ្យបង្កើការយកចិត្តទុកដាក់ក្នុងការរៀបចំវិធានការទប់ស្កាត់ និងបង្ក្រាបឧបាយកលក្រុមប្រឆាំងជ្រុលនិយមដើម្បីធានារក្សាឲ្យបានដាច់ខាតនូវសន្តិភាពសណ្តាប់ធ្នាប់សាធារណៈ និងសុវត្ថិភាពសង្គមដូចនាបច្ចុប្បន្ននេះ។

លោកក៏បានណែនាំកម្លាំងនគរបាល ត្រូវចូលរួមសហការជាមួយកម្លាំងសមត្ថកិច្ច និងអាជ្ញាធរពាក់ព័ន្ធ ដើម្បីធានារក្សាឲ្យបានដាច់ខាតនូវសន្តិភាព សណ្តាប់ធ្នាប់សារធាណៈ និងសុវត្ថិភាពសង្គម ពិសេសត្រូវរៀបចំវិធានការទប់ស្កាត់ និងបង្គ្រាបឧបាយកលក្រុមប្រឆាំងជ្រុលនិយម។ ខណៈដែលឯកឧត្តមអភិបាលខេត្តកំពតបានកោតសរសើរ និងណែនាំដល់កងកម្លាំងសមត្ថកិច្ចបង្កើនការយកចិត្តទុកដាក់ លើកការងារការពារព្រំដែន។

លោក ម៉ៅ ធនិន អភិបាលខេត្តកំពត បានលើកឡើងកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កម្លាំងស្នងការខេត្ត សម្រេចបានលទ្ធផលល្អប្រសើរ ក្នុងការពារសន្តិសុខ សណ្តាប់ធ្នាប់ សវត្ថិភាពនៅក្នុងខេត្ត នាពេលកន្លងមក និងបានលើកទឹកចិត្តឲ្យបន្តខិតខំធ្វើឲ្យកាន់តែប្រសើរបន្ថែមទៀត ពិសេសការងារការពារព្រំដែន។

បើយោងតាមរបាយការណ៍របស់ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគបាលខេត្តកំពត បានបង្ហាញឱ្យដឹងថា ការងារគ្រប់គ្រង់សន្តិសុខសណ្តាប់ធ្នាប់ក្នុងមូលដ្ឋានខេត្តកំពត មានភាពល្អប្រសើរ ជំរុញដល់ចលនាប្រកួតប្រជែងការអនុវត្តគោលនយោបាយភូមិឃុំមានសុវត្ថិភាព ឲ្យទទួលបានលទ្ធផលល្អ ជាក់ស្តែងឆ្នាំ២០២៣កន្លងទៅ ៩៣ឃុំសង្គាត់នៅទូទាំងខេត្ត មិនមានឃុំសង្កាត់ណា ជាប់ចំណាត់ថ្នាក់លេខ៣នោះទេ គឺមានតែលេខ១ និងលេខ២ ប៉ុណ្ណោះ៕

អត្ថបទ៖ សឹង រ៉ាត់

The post អគ្គស្នងការរងឲ្យកងកម្លាំងនគរបាលត្រូវធានាឲ្យបានដាច់ខាតនូវសន្តិភាពសណ្តាប់ធ្នាប់សាធារណៈនិងសុវត្ថិភាពសង្គម appeared first on Kampuchea Thmey Daily.

តាមរយៈសារបង្ហោះនៅលើទំព័រប៊ុកផ្លូវការរបស់លោកស្នងការខេត្តកំពត នៅរសៀលថ្ងៃទី៣១សីហានេះ បានសរសេរថា «នេះជាទង្វើរអសីលធម៌ជាទីបំផុត ខ្ញុំនឹងស្រាវជ្រាវរកបុគ្គលនេះអោយឃើញ បងប្អូនណាដែលស្គាល់អត្តសញ្ញាណបុគ្គលដ៏ស្មោគគ្រោគនេះ សូមផ្តល់អោយខ្ញុំ ខ្ញុំនឹងជូនថវិការចំនួន ១លានរៀល។

សូមជម្រាបថា តាមឃ្លឺបវីដេអូបង្ហោះភ្ជាប់ដោយសំណេររបស់លោកឧត្ដមសេនីយ៍ទោ ម៉ៅ ច័ន្ទមធុរឹទ្ធ ដែលទំនងជាថតបានដោយប្រជាពលរដ្ឋពីសកម្មភាពបុរសម្នាក់ឈរនោមនៅទីតាំងរូបសំណាកសេះសមុទ្រ ដែលជាទីតាំងដ៏ទាក់ទាញរបស់ភ្ញៀវទេសចរជាតិ និងអន្តរជាតិមកកម្សាន្ដជាច្រើនកោះករ៕

អត្ថបទ៖ សុខុម

The post ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ appeared first on Kampuchea Thmey Daily.

ការអំពាវនាវនេះបានធ្វើឡើងបន្ទាប់ពីមានករណីឆបោកមួយចំនួនបានធ្វើសកម្មភាពឆបោកក្រោមរូបភាពវិនិយោគផ្សេងៗ និងបានវេរប្រាក់ពីគណនីធនាគារមួយ ទៅគណនីធនាគារមួយផ្សេរទៀត ដោយកន្លងមកករណីនេះកម្លាំងសមត្ថកិច្ចជំនាញក៏ធ្លាប់បង្ក្រាប និងឃាត់ខ្លួនជនសង្ស័យមួយចំនួនផងដែរ។

តាមសំណេររបស់លោកស្នងការខេត្តកំពត កាលពីថ្ងៃទី១៣ឧសភា នៅលើទំព័រហ្វេសប៊ុកផ្លូវការរបស់លោកបានលើកឡើងថា អត្តសញ្ញាណប័ណ្ណ គឺសម្រាប់ទុកប្រើប្រាស់ផ្ទាល់ខ្លួន ហើយបងប្អូននៅតាមជនបទសូមកុំជឿតាមការបោកបញ្ឆោតយកអត្តសញ្ញាណប័ណ្ណផ្ទាល់ខ្លួនទៅបើកកុងធនាគារអោយគេ ដើម្បីប្តូរនឹងប្រាក់ពីរបីរយដុល្លារអោយសោះ។

លោកឧត្ដមសេនីយ៍ទោ ម៉ៅ ច័ន្ទមធុរិទ្ធ បានបញ្ជាក់បន្ថែមថា ពេលដែលគេបានកុងធនាគារហើយ គេនឹងយកលេខកុងធនាគារដែលមានឈ្មោះបងប្អូន​ដើម្បីចាំបើកប្រាក់ ឬវេរប្រាក់ពីបទល្មើសផ្សេងៗដែលក្រុមជនល្មើសបានប្រព្រឹត្ត ហើយបញ្ហាគឺធ្លាក់មកលើបងប្អូនជាអ្នកទទួល។

គួរជម្រាបថា កាលពីពេលកន្លងទៅថ្មីៗនេះ នាកយដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនក្រុមជនសង្ស័យមួយចំនួនជាសហចារីដែលប្រើប្រាស់គណនីធនាគាររបស់ខ្លួនផ្ទាល់ ឬគណនីធនាគារក្លែងក្លាយជាមធ្យោបាយសម្រាប់ទទួលប្រាក់ឆបោកពីអ្នកវិនិយោគផ្សេងៗ រួចផ្ទេរប្រាក់ទាំងនោះទៅឱ្យបក្សពួករបស់ខ្លួនតាមរយៈគណនីធនាគារជាច្រើន។ បក្ខពួករបស់ជនសង្ស័យ ប្រើប្រាស់បណ្តាញសង្គម ដោយដាក់តាំងរូបក្នុងប្រូហ្វាល់ (Profile) ក្លែងជា រូបស្រីស្អាត តាមគោលដៅដែលពួកគេតាមប្រមាញ់ ដោយនិយាយលួងលោមជនរងគ្រោះ ឱ្យជឿជាក់ព្រមដាក់ប្រាក់វិនិយោគ៕

អត្ថបទ៖ សុខុម

The post ស្នងការខេត្តកំពត អំពាវនាវពលរដ្ឋកុំយកអត្តសញ្ញាណប័ណ្ណផ្ទាល់ខ្លួនទៅបើកគណនីធនាគារឲ្យគេដើម្បីបានប្រាក់ appeared first on Kampuchea Thmey Daily.

សូមបញ្ចាក់ថា ម្ចាស់គណនីហ្វេសប៊ុកឈ្មោះ Santa kh ដែលគេស្គាល់ថា ជាអ្នកផលិតវីដេអូ និងជាតារា titok បានបង្ហោះរូបភាពភ្ជាប់ជាមួយរូបសំណាកសេះសមុទ្រដែលជាកាយវិការមិនសំរម្យ ធ្វើឲ្យមហាជនមានការរិះគន់មិនសំចៃមាត់។

ជាមួយមតិរិះគន់ជាច្រើនពីមហាជន លោកឧត្ដមសេនីយ៍ទោ ម៉ៅ ច័ន្ធមធុរិទ្ធ ស្នងការខេត្តកំពតក៏បានលើកឡើងដែរថា នេះជាទង្វើរគ្មានសីលធម៍ និងជាគំរូអាក្រក់ ហើយគឺនេះជាការម៉ាក់ងាយមកលើការខិតខំប្រឹងប្រែងរបស់ថ្នាក់ដឹកនាំខេត្ក។លោកស្នងការខេត្ត ក៏បានស្នើឲ្យម្ចាស់គណនីហ្វេសប៊ុករូបនោះលុបរូបនោះចេញជាបន្ទាន់។

បន្ទាប់ពីមានអញ្ជើញពីលោកឧត្ដមសេនីយ៍ទោ ស្នងការខេត្តកំពត នៅព្រឹកថ្ងៃទី២៥មេសានេះ ម្ចាស់គណនីហ្វេសប៊ុកឈ្មោះ Santa kh ក៏បានបង្ហោះសារសុំទោសជាសាធារណៈនៅលើគណនីរបស់ខ្លួន ហើយក៏នឹងទៅជួបលោកឧត្ដមសេនីយ៍ទោស្នងការខេត្តកំពតនៅស្នងការដ្ឋាននគរបាលខេត្តនារសៀលថ្ងៃទី២៥មេសានេះផងដែរ៕

The post ស្នងការខេត្តកំពត អញ្ជើញម្ចាស់គណនីហ្វេសប៊ុក ឈ្មោះ Santa kh ចូលបំភ្លឺ appeared first on Kampuchea Thmey Daily.

បើយោងតាមការឱ្យដឹងពីលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត លើកឡើងក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពត ស្នងការដ្ឋាននគរបាលខេត្តកំពតបានត្រៀមលក្ខណៈរួចរាល់ជាស្រេចក្នុងការប្រើប្រាស់កងកម្លាំងដើម្បីការពារសន្តិសុខសណ្តាប់ធ្នាប់ជូនបងប្អូនប្រជាពលរដ្ឋ ជាពិសេសភ្ញៀវទេសចរជាតិ និងភ្ញៀវទេសចរអន្តរជាតិដែលមកសម្រាកលម្ហែកម្សាន្តក្នុងខេត្តកំពត ក្នុងឱកាសនៃពិធីប្រណាំងទូក ង នៅថ្ងៃទី១០ និង១១ ខែវិច្ឆិកា នាខាងមុខនេះ។

លោកឧត្តមសេនីយ៍ទោ ម៉ៅ ច័ន្ចមធុរិទ្ធ ស្នងការនគរបាលខេត្តកំពតបានបញ្ជាក់ឱ្យដឹងថា កងកម្លាំងដែលត្រូវប្រើប្រាស់ទាំងអស់មានចំនួន១.១៤៥នាក់ ក្នុងនោះមាន កម្លាំងរបស់ស្នងការនគរបាលខេត្តមានចំនួន ៨១០នាក់ និងកម្លាំងកងរាជអាវុធហត្ថខេត្តមានចំនួន១២៣នាក់ និងកម្លាំងតំបន់ប្រត្តិបត្តការសឹករងខេត្តមានចំនួន ៥០នាក់និង កម្លាំងសន្តិសុខលំហសមុទ្រមានចំនួន ២០នាក់ និងកម្លាំងមូលដ្ឋានសមុទ្រមានចំនួន ២១នាក់ និងកម្លាំងវរៈការពារព្រំដែនទឹក២៤១មានចំនួន ៣០នាក់ និងកម្លាំងកងអន្តរាគមន៍លេខ២ ការពារកោះឆ្នេរ មានចំនួន១០នាក់ និងកម្លាំងមន្ទីរសុខាភិបាលមានចំនួន ៣១នាក់ និងទីចាត់ការអន្តរវិស័យសាលាខេត្តមានចំនួន ២៧នាក់, កម្លាំងរដ្ឋបាលជលផលចំនួន ៩នាក់ និង កម្លាំងមន្ទីរសាធារណៈការ និងដឹកជញ្ជូនមានចំនួន ៤នាក់ និងកម្លាំងអង្គភាពអគ្គិសនីកំពតមានចំនួន ១០នាក់។

លោក ម៉ៅ ធនិន អភិបាលខេត្តកំពត និងជាប្រធានគណៈបញ្ជាការឯកភាពរដ្ឋបាលខេត្តកំពត ក៏បានថ្លែងកោតសរសើចំពោះកងកម្លាំងទាំងអស់ ដែលកន្លងមកបានរួមសហការគ្នាក្នុងការថែរក្សាសន្តិសុខសណ្តាប់ធ្នាប់សាធារណៈជូនបងប្អូនប្រជាពលរដ្ឋ និងភ្ញៀវទេសចរណ៍ជាតិ ភ្ញៀវទេសចរណ៍អន្តរជាតិដែលបានមកសម្រាកដើលេងលម្ហែកម្សាន្តនៅក្នុងខេត្តកំពត ជាពិសេសបានសហការគ្នាយ៉ាងល្អនៅពេលមានព្រឹត្តិការណ៍កម្សាន្តធំដែលបានរៀបចំឡើងដោយរដ្ឋបាលខេត្តកំពត។

ទន្ទឹមជាមួយគ្នានោះដែរ លោកអភិបាលខេត្ត ក៏បានជំរុញឱ្យកងកម្លាំងសមត្ថកិច្ចទាំងអស់បន្តរួមសហការគ្នាធ្វើយ៉ាងណារក្សាឱ្យបាននូវសុខសុវត្តិភាពជូនដល់ប្រជាពលរដ្ឋ និងភ្ញៀវទេសចរណ៍ជាតិ និងភ្ញៀវទេសចរណ៍អន្តរជាតិ ដែលបានមកលេងលម្ហែកម្សាន្តនៅក្នុងខេត្តកំពត នាឱកាសនៃព្រឹត្តិការណ៍ពិធីប្រណាំងទូក ង នៅខេត្តកំពតនាពេលខាងមុខឱ្យបានកាន់តែល្អប្រសើគ្រប់គោលដៅទាំងអស់ដោយរលូនផងដែរ៕

អត្ថបទ៖ សឹង រ៉ាត់

The post ស្នងការខេត្តកំពត ត្រៀមកម្លាំងជាង១ពាន់នាក់ ការពារសន្តិសុខសណ្តាប់ធ្នាប់ក្នុងពិធីប្រណាំងទូកនាពេលខាងមុខនេះ appeared first on Kampuchea Thmey Daily.

លោកឧត្តមសេនីយ៍ទោស្នងការខេត្តបានបញ្ជាក់ថា កម្លាំងប្រមាណ១ពាន់នាក់ប្រើប្រាស់ពេលធ្វើយុទ្ធនាការឃោសនា និង២ពាន់នាក់សម្រាប់ប្រើប្រាស់ពេលដំណើរការបោះឆ្នោត។ កម្លាំងសរុបមានចំនួន១,៧៣៦នាក់ ក្នុងនោះកម្លាំងនគរបាលមានចំនួន ១,៣៥៣នាក់ កម្លាំងប្រជាការពារចំនួន ៣៨៣នាក់ និងកម្លាំងត្រៀមបម្រុងចំនួន ៣៨២នាក់ផងដែរ។

លោកបានបញ្ជាក់បន្ថែមថា នៅក្នុងរយៈពេលនៃការធ្វើយុទ្ធនាការឃោសនាបោះឆ្នោត ដែលនឹងធ្វើឡើងក្នុងពេលដ៏ខ្លីខាងមុខនេះ ស្នងការដ្ឋាននគរបាលខេត្តកំពតបានត្រៀមកម្លាំងសម្រាប់ការពារសន្តិសុខសណ្តាប់ធ្នាប់ចំនួន១,០១១នាក់។ដោយឡែក កម្លាំងអន្តរាគមន៍ត្រៀមនៅតាមបណ្តាប៉ុស្តិ៍មាន ៦៥១នាក់, នៅតាមបណ្តាអធិការដ្ឋានទាំង៩ក្រុង-ស្រុកមាន១៨០នាក់ រួមទាំងកម្លាំងរបស់កងរាជអាវុធហត្ថ និងកម្លាំងតំបន់ប្រត្តិបត្តការសិករងមានចំនួន ៩០នាក់ផងដែរ។

ការបោះឆ្នោតជ្រើសតាំងតំណាងរាស្ត្រ នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ទូទាំងខេត្តកំពតមានគណបក្សនយោបាយឈរឈ្មោះចំនួន១២គណបក្ស  មណ្ឌលបោះឆ្នោតសរុបចំនួន ៣៤២មណ្ឌល ដែលមានការិយាល័យបោះឆ្នោតសរុបមានចំនួន១៥៤ការិយាល័យ ប្រជាពលរដ្ឋមានឈ្មោះក្នុងបញ្ជីបោះឆ្នោត សរុបចំនួន​៤២១១៩នាក់៕

អត្ថបទ៖ សឹង រ៉ាត់

The post ស្នងការខេត្តកំពតត្រៀមកម្លាំងប្រមាណ៣ពាន់នាក់ ដើម្បីការពារសន្តិសុខសណ្តាប់ធ្នាប់​សាធារណៈ​​ពេលឃោសនានិងបោះឆ្នោតខាងមុខ appeared first on Kampuchea Thmey Daily.

The post លោក គឹម បញ្ញា ត្រូវបានបញ្ជូនដល់សាលាដំបូងខេត្តកំពត appeared first on Kampuchea Thmey Daily.

យោងតាមហ្វេសប៊ុកផេកផ្លូវការរបស់ស្នងការនគរបាលខេត្តកំពត នៅរសៀលថ្ងៃទី២៥ ខែមេសានេះ បានឲ្យដឹងថា «សូមអញ្ជើញលោក គឹម បញ្ញា អភិបាលរងក្រុងបូកគោ មកបំភ្លឺករណីហិង្សាលើភរិយានៅស្នងការដ្ឋាននគរបាលខេត្តកំពតដោយខ្លួនឯង ឬអោយសមត្ថកិច្ចទៅអញ្ជើញលោកដោយផ្ទាល់» ។

សូមបញ្ជាក់ថា យោងតាមអាខោនហ្វេសប៊ុកឈ្មោះ Ah Leak ដែលអះអាងថាជាប្រពន្ធរបស់លោក គឹម បញ្ញា អភិបាលរងក្រុងបូកគោ បានបង្ហោះឲ្យមហាជនជួយរកយុត្តិធម៌ក្រោយរងការប្រើអំពើហិង្សាពីស្វាម៉ី។

ខាងក្រោមនេះជាក្លឹមសារទាំងស្រុងរបស់ឈ្មោះ ម៉ាត់ លក្ខិណា ដែលជាម្ចាស់អាខោនហ្វេសប៊ុកឈ្មោះ Ah Leak ដែលអះអាងថា ប្រពន្ធរបស់លោក គឹម បញ្ញា អភិបាលរងក្រុងបូកគោ៖

នាងខ្ញុំ ឈ្មោះ ម៉ាត់លក្ខិណា ដែល មានស្វាមី ឈ្មោះ គឹមបញ្ញា ដែលមានតួនាទីរាល់ថ្ងៃ ជាអភិបាលរងក្រុងបូកគោ ខេត្តកំពត នាងខ្ញុំបានរួមរស់នៅជាមួយគ្នាតាំងពី 2019 ដែលនៅក្នុងអំឡុងពេលរួមរស់ នៅជាមួយគាត់នាងខ្ញុំ មិនដែលបានទទួលការស្រលាញ់ មានតែការឈឺចាប់ទាំងរាងកាយ នឹងផ្លូវចិត្ត គាត់បានប្រើអំពើហិង្សា ដាក់នាងខ្ញុំ ម្តងហើយម្តងទៀត ទាំងដែល គាត់ធ្លាប់ ធ្វើកិច្ចសន្យា ថាគាត់ឈប់ប្រើអំពើហឹង្សា ដាក់នាងខ្ញុំទៀតហើយ តែគាត់នៅតែបន្តវាយដំរូបនាងខ្ញុំ មករហូត រហូតមកដល់ពេលនេះ នាងខ្ញុំ ឆ្អែត នឹងទង្វើដែល គាត់បានធ្វើមកកាន់នាងខ្ញុំ នឹងអស់ការទ្រាំបន្តទៀត ទើបនាងខ្ញុំ បង្ហោះ រូប នឹងvideo ទាំងនេះដើម្បី អោយបងប្អូននឹងមហាជនជួយរកយុតិ្តធម៍មកលើរូបនាងខ្ញុំ ផង សូមបងប្អូនជួយគិតមើលថា តើទង្វើហឹង្សាបែបនេះវាសំនឹង ជាអ្នកដឹកនាំទេ ( អភិបាលរងក្រុងបូកគោ) ហេតុដូចនេះ សូមបងប្អូនអ៊ុំពូមីង ទាំងអស់ជួយចែករំលែកដើម្បីអោយរឿងនេះបានដឹងដល់លោកពូ អភិបាលខេត្តកំពតបានជ្រៀបនឹង ជួយរកយុតិ្តធម៍មកកាន់នាងខ្ញុំ ៕

អត្ថបទ៖ សុខុម

The post ស្នងការខេត្តកំពតអញ្ជើញលោក គឹម បញ្ញា អភិបាល​រងក្រុងបូកគោឲ្យចូលបំភ្លឺក្រោយបែកធ្លាយវីដេអូហិង្សាលើប្រពន្ធ appeared first on Kampuchea Thmey Daily.