ស្នងការខេត្តបាត់ដំបង Archives - Kampuchea Thmey Daily

នគរបាលចាប់ខ្លួនយុវជនម្នាក់បន្ទាប់ពីបានប្រើអំពើហិង្សាទាញកាំបិតកាប់លើម្ដាយបង្កើត

hun sirivadh — Sun, 01 Mar 2026 08:21:31 +0000

យុវជន វ័យ១៩ឆ្នាំម្នាក់ត្រូវបាននគរបាលខេត្តបាត់ដំបងចាប់ខ្លួន បន្ទាប់ពីបានលើកកាំបិតខ្វែវកាប់ទៅលើម្ដាយបង្កើតបណ្ដាលឱ្យរងរបួសដៃឆ្វេងកាលពីថ្ងៃទី២៨ ខែកុម្ភៈ ឆ្នា២០២៦។

ករណីខាងលើកើតឡើងនៅភូមិដំណាក់កោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបង វេលាម៉ោង ៣និង៣០នាទីរសៀល។ បន្ទាប់ពីចាប់ខ្លួនបញ្ជូនមកដល់អធិការដ្ឋាននគរបាល យុវជនខាងលើបានសារភាពថា មូលហេតុដែលបណ្ដាលឱ្យគេហ៊ានលើកកាំបិតកាប់ម្ដាយខ្លួនឯងនេះដោយសារខឹងម្ដាយជេរស្ដី និងក្រោមឥទ្ធិពលគ្រឿងញៀនផងដែរ។

ម្ដាយជនល្មើសអាយុ៤១ឆ្នាំ បានរងរបួសលើម្រាមដៃឆ្វេងដោយសារការកាប់របស់កូននេះ ខណៈនគរបាលបានសម្រេចបញ្ជូនជនសង្ស័យខាងលើទៅការិយាល័យជំនាញស្នងការដ្ឋាននគរបាលខេត្តដើម្បីបន្តនីតិវិធី៕

អត្ថបទដោយ ហ៊ុន សិរីវឌ្ឍន៍

The post នគរបាលចាប់ខ្លួនយុវជនម្នាក់បន្ទាប់ពីបានប្រើអំពើហិង្សាទាញកាំបិតកាប់លើម្ដាយបង្កើត appeared first on Kampuchea Thmey Daily.

ករណីប្លន់មាសជាង ៥០ តម្លឹង នៅខេត្តបាត់ដំបង ជារឿងប្រឌិត តាមពិតកូនចាញ់ល្បែងអនឡាញ យកមាសឪពុកម្ដាយលក់សងបំណុលគេ

អ៊ិន ពិសី — Sun, 08 Feb 2026 04:58:41 +0000

ករណីចោរប្លន់មាស ៥៥ តម្លឹង នៅខេត្តបាត់ដំបង ពេលនេះ ស្នងការខេត្តបាត់ដំបង បានបើកការស៊ើបអង្កេត និងស្រាវជ្រាវឃើញថាគឺជារឿងប្រឌិតទាំងស្រុង ដោយការពិតបុគ្គលឈ្មោះ អ៊ុំ សុខចំរើន បានយកមាសរបស់ឪពុកម្ដាយទៅសងបំណុលគេ ព្រោះជំពាក់រឿងចាញ់ល្បែងអនឡាញ។

តាមសេចក្ដីបំភ្លឺព័ត៌មានរបស់ស្នងការដ្ឋាននគរបាលខេត្តបាត់ដំបង បានឲ្យដឹងថា កាលពីថ្ងៃទី ១ ខែកុម្ភៈ ឆ្នាំ ២០២៦ នៅក្រុងបាត់ដំបង បានលេចឡើងនូវព័ត៌មានថា មានករណីចោរប្លន់លំនៅឋាន ចំនួន ២ ករណី ដាច់ដោយឡែកពីគ្នា ក្នុងអំឡុងពេលមិនដល់ ១ ម៉ោង ផង។

ឈ្មោះ អ៊ុំ សុខចំរើន ភេទប្រុស អាយុ ៣០ ឆ្នាំ រស់នៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង មានមុខរបរជាងស្លរំលាយមាស បានអះអាងថា ខ្លួនត្រូវជនសង្ស័យប្រើកាំបិតចាក់ខ្លួន ប្លន់មាសដុំ អស់ចំនួន ៥៥ តម្លឹង (ហាសិបប្រាំតម្លឹង)។

ដោយឡែក ស្ត្រីឈ្មោះ មៀន ម៉ារិយា អាយុ ៣៦ ឆ្នាំ រស់នៅភូមិកាប់គោថ្មី សង្កាត់អូរចារ ក្រុងបាត់ដំបង ក៏បានអះអាងថា ខ្លួនត្រូវជនសង្ស័យប្រើកាំបិតគំរាមប្លន់យកកាបូបដែលមានប្រាក់ដុល្លារ និងគ្រឿងអលង្ការផង ប្រមាណជាង ២០០០ ដុល្លារ (ពីរពាន់ដុល្លារ) នាថ្ងៃដដែលនេះ។

ស្នងការដ្ឋាននគរបាលខេត្តបាត់ដំបង បញ្ជាក់ថា ១-ករណីដែលថាចោរប្លន់មាស ចំនួន ៥៥ តម្លឹង គឺជារឿងប្រឌិតរបស់ឈ្មោះ អ៊ុំ សុខចំរើន តែម្នាក់ឯង ដោយការពិតខ្លួនយកមាសរបស់ឪពុកម្ដាយនេះ ទៅសងបំណុលគេ ព្រោះជំពាក់រឿងចាញ់ល្បែងអនឡាញ។ ២-ករណីដែលថាចោរប្លន់ប្រាក់ និងគ្រឿងអលង្ការនោះ គឺជារឿងប្រឌិតរបស់ស្ត្រីឈ្មោះ មៀន ម៉ារិយា ព្រោះខ្លួនខឹងនឹងប្តីរបស់ខ្លួន មានប្រពន្ធចុង ទើបប្រឌិតរឿងបែបនេះ ដើម្បីឲ្យប្ដីគិតគូរមករកខ្លួនវិញ។

សរុបមក ករណីផ្សព្វផ្សាយថា មានចោរប្លន់មាស និងប្រាក់ ទាំងកណ្តាលថ្ងៃ នៅក្រុងបាត់ដំបង ទាំង ២ ករណីនេះ គឺជារឿងប្រឌិតទាំងស្រុង ដែលការពិតមិនមានករណីចោរប្លន់នេះកើតមាននោះទេ។

ទោះជាបែបនេះក្ដី សមត្ថកិច្ចនគរបាល នឹងចាត់វិធានការតាមផ្លូវច្បាប់ចំពោះសាមីខ្លួនដែលបានប្រឌិតព័ត៌មាននេះឡើង បង្កឲ្យប៉ះពាល់ដល់សណ្ដាប់ធ្នាប់សង្គម ធ្វើឲ្យការងារសន្តិសុខសង្គមនៅក្នុងមូលដ្ឋានខេត្តបាត់ដំបង ទទួលរងនូវភាពស្រអាប់ បង្កការភ័យខ្លាចដល់មហាជន ភ្ញៀវទេសចរជាតិ-អន្តរជាតិ ដែលមានបំណងមកកាន់ខេត្តបាត់ដំបង ព្រោះតែព័ត៌មានបំពុលសង្គមបែបនេះ៕

The post ករណីប្លន់មាសជាង ៥០ តម្លឹង នៅខេត្តបាត់ដំបង ជារឿងប្រឌិត តាមពិតកូនចាញ់ល្បែងអនឡាញ យកមាសឪពុកម្ដាយលក់សងបំណុលគេ appeared first on Kampuchea Thmey Daily.

អគ្គិភ័យបានឆេះអាហារដ្ឋានយីហោ B.A.T នៅកណ្ដាលក្រុងបាត់ដំបងយ៉ាងសន្ធោសន្ធៅ

Ung Meng — Fri, 21 Nov 2025 05:13:14 +0000

ទីតាំងអាហារដ្ឋានមួយកន្លែងត្រូវបានអគ្គិភ័យឆាបឆេះ ផ្សែងខ្មៅខ្មួលខ្មាញ់ អណ្ដែតទៅលើអាកាស បង្កមានការភ្ញាក់ផ្អើលសមត្ថកិច្ចនៃការិយាល័យអគ្គីភ័យបានចេញរថយន្តអន្តរាគមន៍បានទាន់ពេលវេលា។

ហេតុការណ៍គ្រោះអគ្គីភ័យនេះបានកើតឡើងនៅវេលាម៉ោង ១០និង៣០នាទី ព្រឹកថ្ងៃទី២១ ខែវិច្ឆិកា ឆ្នាំ២០២៥ នៅត្រង់ចំណុចអាហារដ្ឋានមួយកន្លែងយីហោ B A T ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង ក្បែរស្តុបរតនៈ។

បើតាមប្រភពនៅក្បែរទីនោះបានបញ្ជាក់ថា នៅមុនពេលកើតហេតុនោះគេសង្កេតឃើញមានផ្សែងខ្មៅ ហុយឡើងយ៉ាងខ្លាំង ទើបបង្កឲ្យមានការភ្ញាក់ផ្អើល នៅចំណុចខាងលើនេះមានផ្ទះនិងហាងតូចៗលក់ដូរទំនិញនៅជាប់ៗគ្នាផងដែរ។

ដោយមានពលរដ្ឋខ្លះក៏បាននាំគ្នាជញ្ជូនឥវ៉ាន់និងសម្ភារៈក្នុងផ្ទះចេញមកទុកនៅថ្នល់ ដើម្បីឲ្យទ្រព្យសម្បត្តិទាំងនោះមានសុវត្ថិភាព បើទោះបីជាភ្លើងឆាប់ឆេះរៀលមកដល់ក៏ដោយ។ភ្លាមៗនោះដែរគេសង្កេតឃើញរថយន្តបង្ការពន្លត់អគ្គីភ័យ នៃស្នងការដ្ឋាននគរបាលខេត្តបានចេញប្រតិបត្តិការចំនួន ២ គ្រឿង និងរថយន្តរបស់អធិការដ្ឋាននគរបាលស្រុកសង្កែចំនួន០១គ្រឿងផងដែរ បានបាញ់ពន្លត់និងទប់ស្កាត់បានទាន់ពេលវេលា។

បច្ចុប្បន្នស្ថានការណ៍ត្រូវបានគ្រប់គ្រងទាំងស្រុង និងទប់ស្កាត់មិនឱ្យរាលដាលទៅលំនៅដ្ឋានដទៃទៀតបានឡើយ ដោយនៅពេលនេះដែរសមត្ថកិច្ចកំពុងត្រួតពិនិត្យមើលអំពីដើមចមនៃការឆាបឆេះ ដើម្បីធ្វើកំណត់ហេតុនិងអត្តសញ្ញាណនៃម្ចាស់អាហារដ្ឋាននេះដែរ៕ អត្ថបទ : សោ និយមរ័ត្ន

The post អគ្គិភ័យបានឆេះអាហារដ្ឋានយីហោ B.A.T នៅកណ្ដាលក្រុងបាត់ដំបងយ៉ាងសន្ធោសន្ធៅ appeared first on Kampuchea Thmey Daily.

សមត្ថកិច្ចចម្រុះបង្រ្កាបបានសាច់ជ្រូកគ្មានលិខិតអនុញ្ញាតនាំចូលប្រមាណ ៦០០គីឡូក្រាម យកទៅដុតបំផ្លាញចោល

Ken Malis — Fri, 09 May 2025 08:23:18 +0000

សាច់ជ្រូកប្រមាណ ៦០០គីឡូក្រាម ដែលគ្មានលិខិតអនុញ្ញាតនាំចូលដោយគ្មានប្រភពច្បាស់លាស់ និងដឹកជញ្ជូនមិនត្រឹមត្រូវតាមលក្ខណៈបច្ចេកទ្ទេសត្រូវបានសមត្ថកិច្ចចម្រុះសហការបង្រ្កាប និងយកទៅដុតបំផ្លាញចោល។

រូបភាព៖ ស្នងការដ្ឋាននគរបាលខេត្តបាត់ដំបង

កាលពីថ្ងៃទី៨ ខែឧសភា ឆ្នាំ២០២៥ វេលាម៉ោង១៤៖៣០នាទី ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក យី យក់សាន នាយការិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋានខេត្តបាត់ដំបង បានដឹកនាំកម្លាំងសហការជាមួយកម្លាំងការិយាល័យផលិតកម្ម និងបសុព្យាបាល និងសាខា (ក.ប.ប) ខេត្តបាត់ដំបង ចុះបង្ក្រាបករណីដឹកជញ្ជូនសាច់ជ្រូក ខុសលក្ខណៈបច្ចេកទេស និងគ្មានលិខិតអនុញ្ញាតនាំចូលគ្មានប្រភពច្បាស់លាស់ ស្ថិតនៅចំណុចផ្លូវជាតិលេខ៥ ក្នុងភូមិពុកឆ្មារ ឃុំអន្លង់វិល ស្រុកសង្កែ ខេត្តបាត់ដំបង។ ក្នុងកិច្ចប្រតិបត្តិការនេះ សមត្ថកិច្ចបានឃាត់ឆែកឆេររថយន្តមួយគ្រឿង ម៉ាកស៊ីណា ពណ៌ស ឆ្នាំ២០០៤ ពាក់ផ្លាកលេខ ភ្នំពេញ ២AU -៧៩១៨ រកឃើញសាច់ជ្រូក ទំងន់ ៦០០គីឡូក្រាម។

ក្រោយធ្វើការសាកសួរសមត្ថកិច្ចបានរាយការណ៍ជូនលោក កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង ហើយលោកបានអនុញ្ញាតឱ្យលោក ទុត វីនីត ព្រះរាជអាជ្ញារង ដឹកនាំធ្វើការដុតបំផ្លាញចោលសាច់ជ្រូកខូចគុណភាព ខាងលើនៅទីលានចាក់សម្រាមស្ថិតនៅភូមិអូរមុនី ឃុំអន្លង់វិល ស្រុកសង្កែ ខេត្តបាត់ដំបង៕

រូបភាព៖ ស្នងការដ្ឋាននគរបាលខេត្តបាត់ដំបង

The post សមត្ថកិច្ចចម្រុះបង្រ្កាបបានសាច់ជ្រូកគ្មានលិខិតអនុញ្ញាតនាំចូលប្រមាណ ៦០០គីឡូក្រាម យកទៅដុតបំផ្លាញចោល appeared first on Kampuchea Thmey Daily.

ប្រកាសតែងតាំងលោកឧត្តមសេនីយ៍ត្រី ដាញ់ អេងប៊ុនចាន់ ជាស្នងការខេត្តបាត់ដំបង

Sokhom Khon — Fri, 19 Jul 2024 04:25:36 +0000

នៅព្រឹកថ្ងៃទី១៩ ខែកក្កដា ឆ្នាំ២០២៤នេះ ស្នងការថ្មី នៃស្នងការដ្ឋាននគរបាលខេត្តបាត់ដំបង ត្រូវបានប្រកាសចូលកាន់តំណែងជាផ្លូវការ ក្រោមអធិបតីភាពនាយឧត្តមសេនីយ៍ ស ថេត អគ្គស្នងការនគរបាលជាតិ តំណាងលោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ លោក អ៊ុយ រី ប្រធានក្រុមប្រឹក្សាខេត្ត និងលោក សុខ លូ អភិបាលខេត្តបាត់ដំបង។

ស្នងការដ្ឋាននគរបាលខេត្តបាត់ដំបងថ្មី ដែលត្រូវប្រកាសចូលកាន់តំណែងនោះ គឺលោកឧត្តមសេនីយ៍ត្រី ដាញ់ អេងប៊ុនចាន់ ជំនួសលោកឧត្តមសេនីយ៍ទោ សាត គឹមសាន ដែលត្រូវចូលនិវត្តន៍។

សូមជម្រាបថា ពីមុនលោកឧត្តមសេនីយ៍ត្រី ដាញ់ អេងប៊ុនចាន់ កាន់តួនាទីជាស្នងការរង នៃស្នងការដ្ឋាននគរបាលខេត្តបាត់ដំបង ទទួលផែនអន្ដោប្រវេសន៍។ នៅក្នុងពិធីនេះ ក៏មានការបំពាក់ឋានន្ដរស័ក្ដិថ្នាក់ឧត្តមសេនីយ៍ទោ ជូនលោកឧត្តមសេនីយ៍ត្រី ដាញ់ អេងប៊ុនចាន់ ផងដែរ៕

អត្ថបទ៖ សោ និយមរ័ត្ន

The post ប្រកាសតែងតាំងលោកឧត្តមសេនីយ៍ត្រី ដាញ់ អេងប៊ុនចាន់ ជាស្នងការខេត្តបាត់ដំបង appeared first on Kampuchea Thmey Daily.

លោក ឡុង ផលគុណ៖ ទីតាំងដីសាងសង់សំណង់គឺមានប្លង់កម្មសិទ្ធិត្រឹមត្រូវ

Kang Tola — Sat, 02 Dec 2023 06:57:38 +0000

បន្ទាប់ពីសារព័ត៌មានកម្ពុជាថ្មីបានធ្វើការចុះផ្សាយកាលពីថ្ងៃទី ២៩ ខែវិច្ឆិកា ឆ្នាំ២០២៣ ស្ដីអំពីសំណង់រឹងមួយកន្លែងដែលស្ថិតនៅក្បែរដងស្ទឹងសង្កែ ក្នុងភូមិឡឥដ្ឋ សង្កាត់ព្រែកព្រះស្ដេច ក្រុងបាត់ដំបង រួចមកទើបម្ចាស់សំណង់មួយនេះសុំធ្វើការបំភ្លឺដើម្បីឲ្យមជ្ឈដ្ឋាននានាបានជ្រាប។

នៅព្រឹកថ្ងៃទី ៣០ ខែវិច្ឆិកានេះដែរ លោក ឡុង ផលគុណ ប្រធានមន្ទីរធនធានទឹក និងឧតុនិយម ខេត្តបាត់ដំបង ដែលជាម្ចាស់សំណង់រឹងមួយនេះបានលើកឡើងថា ទីតាំងរបស់លោកដែលសាងសង់សំណង់មួយនេះគឺមានប្លង់កម្មសិទ្ធិត្រឹមត្រូវ ដោយការសាងសង់មានចម្ងាយពីច្រាំងស្ទឹងសង្កែប្រវែង ម៉ែត្រ ហើយលោកក៏មានច្បាប់អនុញ្ញាតលេខ ៣០៦ ដនស/អសណ ចុះថ្ងៃទី ០៨ ខែសីហា ឆ្នាំ២០២៣ ចេញដោយក្រសួងដែនដីនគររូបនីយកម្ម សំណង់ និងសុរិយោដី ដោយក្រសួងបានកំណត់លើការសាងសង់កម្ពស់ ៩ ជាន់ ស្មើនឹង ៣៨,៤២ ម៉ែត្រ។

លោក ឡុង ផលគុណ បានបន្ថែមទៀតថា ការសាងសង់សំណង់មួយនេះគឺលោកបានដាក់ក្រុមវិស្វករមកពីរាជធានីភ្នំពេញ ដើម្បីសិក្សាយ៉ាងម៉ត់ចត់ ដូច្នេះលោកក៏សូមអំពាវនាវដល់ប្រជាពលរដ្ឋដែលនៅជិតខាងក្បែរគ្នាកុំមានការព្រួយបារម្ភអំពីហេតុការណ៍ណាមួយ ដែលនឹងកើតឡើងជា យថាហេតុឲ្យសោះ ឯការសាងសង់បន្តទៅលើទៀតនោះគឺត្រូវបានបញ្ចប់ហើយ ដោយនៅសល់តែដំបូលប៉ុណ្ណោះ រីឯឆ្នេរស្ទឹងដែលមានគម្លាតពីសំណង់របស់លោកប្រមាណ ៣០ ម៉ែត្រនោះលោកក៏មានបំណងរៀបចំនិងកែប្រែច្រាំងស្ទឹងឲ្យមានសោភ័ណភាពផងដែរ៕

អត្ថបទ: សោ និយមរ័ត្ន

The post លោក ឡុង ផលគុណ៖ ទីតាំងដីសាងសង់សំណង់គឺមានប្លង់កម្មសិទ្ធិត្រឹមត្រូវ appeared first on Kampuchea Thmey Daily.

ស្នងការខេត្តបាត់ដំបង ដឹកនាំមន្ត្រីក្រោមឱវាទកាន់បិណ្ឌនៅវត្តដំរីស

Sokhom Khon — Mon, 09 Oct 2023 07:23:03 +0000

លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកជំទាវ រួមជាមួយនឹងមន្ត្រីក្រោមឱវាទជាច្រើនរូបបានរួមគ្នាជាឯកឆ័នកាន់វេននៅវត្តមួយកណ្ដាលក្រុងបាត់ដំបងដែលព្រះសង្ឃគង់ចាំព្រះវស្សានៅទីអារាមនារដូវបុណ្យភ្ជុំបិណ្ឌនេះ។

នៅថ្ងៃទី៧ ខែតុលា ឆ្នាំ២០២៣នេះ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោកជំទាវ បានចូលរួមធ្វើបុណ្យកាន់វេនទី៨ នៅក្នុងទីអារាមវត្តដំរីស ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។

មន្ត្រីនគរបាលដែលមានវត្តមានក្នុងឱកាសនោះ គឺចាប់ពីស្នងការរង នាយការិយាល័យ នាយរងការិយាល័យអធិការ អធិការរងទាំង១៤ក្រុង ស្រុក និងមេបញ្ជាការ មេបញ្ជាការរង វីរៈការពារព្រំដែនគោកទាំង៤ បានចូលរួមកាន់វេនជាមួយគ្នាស្ថិតក្នុងបរិយាកាសអធឹកអធមក្រៃលែងដើម្បីចូលរួមចំណែកក្នុងការកសាងព្រះពុទ្ធសាសនាពិសេសគឺនៅរដូវកាន់វេនភ្ជុំបិណ្ឌនេះតែម្ដង។

ក្នុងឱកាសនោះដែរ លោកឧត្តមសេនីយ៍ទោ ក៏បានប្រគេនទេយ្យទាន និងទេយ្យវត្ថជាច្រើន ដល់ព្រះសង្ឃដែលគង់ចាំព្រះវស្សា ដើម្បីទុកសម្រាប់កសាងសម្មិទ្ធិផលនានាក្នុងទីអារាមផងដែរ។

គួរបញ្ជាក់ដែរថា វត្តដំរីស នេះ គឺបានកសាងឡើងតាំងពីជំនាន់ “បាត់ដំបងសម័យលោកម្ចាស់” មកម្ល៉េះ ដែលទីតាំងនេះ គឺជាក្រោលដំរីរបស់ស្តេចកថាថន៕

អត្ថបទ៖ សោ និយមរ័ត្ន

The post ស្នងការខេត្តបាត់ដំបង ដឹកនាំមន្ត្រីក្រោមឱវាទកាន់បិណ្ឌនៅវត្តដំរីស appeared first on Kampuchea Thmey Daily.

បុរសដឹកស្ដ្រីជនជាតិបរទេសពង្វាងផ្លូវទៅកន្លែងស្ងាត់នៅបាត់ដំបង គឺជាមុខសញ្ញាធ្លាប់ឆក់ទូរស័ព្ទជនបរទេសកាលពី៦ឆ្នាំមុន

Sokhom Khon — Tue, 08 Aug 2023 04:30:50 +0000

សមត្ថកិច្ចបានបញ្ជាក់ពីអត្តសញ្ញាណជនសង្ស័យឈ្មោះ ទេព ភាឡី ហៅ លីញ ដែលកម្លាំងនគរបាលខេត្តបាត់ដំបងស្រាវជ្រាវចាប់ខ្លួនកាលពីថ្ងៃទី៧ ខែសីហា ពាក់ព័ន្ធករណីដឹកស្ត្រីជនជាតិបរទេសពង្វាងទៅកន្លែងស្ងាត់រហូតធ្វើឲ្យស្ត្រីរូបនោះលោតចុះពីកង់បីរងរបួសនោះ គឺជាមុខសញ្ញាធ្លាប់ឆក់ទូរស័ព្ទស្ត្រីជនជាតិបរទេសកាលពី៦ឆ្នាំមុន និងជាប់ពន្ធនាគារទៀតផង។ សមត្ថកិច្ចបញ្ជាក់ថា ជនសង្ស័យមិនបានកែប្រែនូវសកម្មភាពល្មើសរបស់ខ្លួនឡើយ បន្ទាប់ពីចេញពីពន្ធនាគារវិញ។

បើតាមសមត្ថកិច្ច ជនសង្ស័យឈ្មោះ ទេព ភាឡី ហៅ លីញ កាលពីថ្ងៃទី១១ ខែវិច្ឆិកា ឆ្នាំ២០១៨ ត្រូវបានកម្លាំងនគរបាលនៃស្នងការដ្ឋាននគរបាលខេត្តបាត់ដំបង បានធ្វើការបង្រ្កាបករណី(លួចមានស្ថានទម្ងន់ទោស) ឆក់ទូរស័ព្ទដៃ ពីជនរងគ្រោះម្នាក់ជាស្រ្តីជនជាតិបារាំងឈ្មោះ COLINE BACHELIER អាយុ២៥ឆ្នាំ នាចំណុចមុខក្លោងទ្វារនៃមន្ទីរពេទ្យបង្អែកខេត្តបាត់ដំបង នាវេលាម៉ោង២២និង២០នាទី ថ្ងៃទី៣១ ខែតុលា ឆ្នាំ២០១៨ ដែលករណីនេះបណ្តាលឱ្យស្រ្តីជាជនរងគ្រោះរងរបួសស្រាល។ ជនសង័្សយត្រូវបានបញ្ជូនទៅអនុវត្តទោសនៅសាលាដំបូងខេត្តបាត់ដំបង ក្រោយពីបានឃាត់រខ្លួន និងរកឃើញទូរស័ព្ទiphone6 ប្រគល់ជូនជនរងគ្រោះវិញ។

សមត្ថកិច្ចបន្ថែមថា ជនសង្ស័យមិនបានកែប្រែនូវសកម្មភាពល្មើសរបស់ខ្លួននោះទេ ដោយនៅវេលាទៀបភ្លឺថ្ងៃទី៥ ខែសីហា ឆ្នាំ២០២៣ ជនសង្ស័យរូបនេះ បានប្រព្រឹត្តិសកម្មភាពល្មើសជាថ្មីម្តងទៀត ទៅលើស្រី្តជាជនបរទេសជនជាតិបារាំងជាថ្មីម្តងទៀត ហើយត្រូវបានសមត្ថកិច្ចនគរបាលធ្វើការស្រាវជ្រាវ និងឃាត់ខ្លួនបានម្តងទៀត។

ជនសង្ស័យត្រូវបានសមត្ថកិច្ចកំពុងធ្វើការសាកសួរនៅស្នងការដ្ឋាននគរបាលខេត្តបាត់ដំបង ដើម្បីអនុវត្តតាមនិតិវិធីច្បាប់។

គួររំលឹកថា កាលពីថ្ងៃទី៥ ខែសីហា ឆ្នាំ២០២៣ មានស្ត្រីជនបរទេសម្នាក់បានធ្វើដំណើរពីភ្នំពេញ មកបាត់ដំបង ក្នុងបំណងទេសចរណ៍ ដោយជិះឡានក្រុងពេលយប់ រហូតដល់ម៉ោង៤ទៀបភ្លឺ ក៏បានជិះម៉ូតូកង់បីបន្តដំណើរមកសណ្ឋាគារឡាគី ប៉ុន្តែនៅពេលមកដល់មុខសណ្ឋាគារហើយ ម៉ូតូកង់បីមិនបានដាក់គាត់ចុះតាមគោលដៅដែលបានចរចាមុនពេលឡើងជិះទេ ទោះបីគាត់ព្យាយាមប្រាប់ឲ្យឈប់ក្តី ក៏មិនឈប់ដែរ បែរជាព្យាយាមជិះពង្វាងគាត់ទៅផ្លូវស្ងាត់ ឃើញស្ថានភាពមិនស្រួលគាត់ក៏លោតចុះពីលើម៉ូតូកង់បី ធ្វើឲ្យមានរបួសបាក់ម្រាមដៃនិងរបកមុខមាត់៕

អត្ថបទ៖ សុខុម

The post បុរសដឹកស្ដ្រីជនជាតិបរទេសពង្វាងផ្លូវទៅកន្លែងស្ងាត់នៅបាត់ដំបង គឺជាមុខសញ្ញាធ្លាប់ឆក់ទូរស័ព្ទជនបរទេសកាលពី៦ឆ្នាំមុន appeared first on Kampuchea Thmey Daily.