ពិធីបើកវគ្គនេះ ប្រព្រឹត្តទៅក្រោមអធិបតីភាពលោកឧត្តមសេនីយ៍ឯក ចេវ ហាក់ អគ្គស្នងការរងនគរបាលជាតិ និងលោក ជុន វ៉ាត រដ្ឋលេខាធិការក្រសួងប្រៃសណីយ៍ និងទូរគមនាគមន៍ ដោយមានការចូលរួមពីថ្នាក់ដឹកនាំនគរបាលជាតិ និងថ្នាក់ដឹកនាំនគរបាលខេត្តជាច្រើនរូប។

ក្នុងឱកាសនោះ មានការអញ្ជើញចូលរួមពីលោកឧត្តមសេនីយ៍ វរសេនីយ៍ ស្នងការរងពាក់ព័ន្ធ លោកនាយ និងនាយរងការិយាល័យ ព្រមទាំងមន្រ្តីនៃការិយាល័យនគរបាលចរាចរណ៍ផ្លូវគោក សរុបចំនួន ១០០នាក់ ក្នុងនោះមានស្រី ១៧នាក់។

វគ្គបណ្ដុះបណ្ដាលនេះ មានគោលបំណងលើកកម្ពស់ចំណេះដឹង និងជំនាញជាក់ស្តែង ដល់មន្ត្រីនគរបាលចរាចរណ៍ ក្នុងការឆ្លើយតបទាន់ពេលវេលា និងមានប្រសិទ្ធភាពចំពោះករណីគ្រោះថ្នាក់ចរាចរណ៍ផ្លូវគោក ដើម្បីជួយសង្គ្រោះជីវិតជនរងគ្រោះ និងកាត់បន្ថយហានិភ័យធ្ងន់ធ្ងរដែលអាចកើតមាន៕

​អត្ថបទ៖ វីរៈ

The post នគរបាលខេត្តតាកែវបើកវគ្គបណ្ដុះបណ្ដាលបច្ចេកទេសសង្គ្រោះជីវិតជនរងគ្រោះដោយគ្រោះថ្នាក់ចរាចរណ៍ appeared first on Kampuchea Thmey Daily.

តាមរបាយការណ៍របស់ស្នងការដ្ឋាននគរបាលខេត្តតាកែវ ជនសង្ស័យមានឈ្មោះ មាន សង្ហារ ភេទប្រុស អាយុ២០ឆ្នាំ មុខរបរកម្មកររោងចក្រផលិតកាបូប នៅចោមចៅ រាជធានីភ្នំពេញ។

តាមចម្លើយសារភាពដែលនាំឲ្យបុគ្គលរូបនេះបង្ហោះខ្លឹមសារបែបនេះ ដោយសាររូបគេខឹងប្រពន្ធរបស់ខ្លួនឈ្មោះ ស្រី ឡូត ដែលបានបំបែកបំបាក់នារីជាសង្សាររបស់ខ្លួនដែលរស់នៅខេត្តតាកែវ មុខរបរលក់អនឡាញ ក្នុងគោលបំណងទម្លាក់កំហុសឱ្យប្រពន្ធទទួលខុសត្រូវចំពោះមុខច្បាប់ និងខឹងសង្សារថ្មីបដិសេដឈប់ស្រឡាញ់ខ្លួន។

ក្រោយពីសួរនាំ ជនសង្ស័យត្រូវបានកម្លាំងជំនាញនៃស្នងការខេត្តតាកែវ កសាងសំណុំរឿងបញ្ចូនទៅសាលាដំបូងខេត្ត ដើម្បីចាត់ការតាមនីតិវីធីផងដែរ។

សូមជម្រាសថា នៅលើគណនីហ្វេសប៊ុកឈ្មោះ ស្រី ឡូត កាលពីពេលថ្មីៗកន្លងទៅនេះបានបង្ហោះសារជេរប្រមាថលើស្ត្រីនៅខេត្តតាកែវ ដោយប្រើពាក្យសម្ដីមិនសមរម្យ ធ្វើឲ្យប៉ះពាល់ដល់កិត្តិយស សេចក្ដីថ្លៃថ្នូ និងតម្លៃស្ត្រីផងដែរ។ ក្រោយឃើញសារបង្ហោះនៅលើគណនីហ្វេសប៊ុកនេះ ប្រជាពលរដ្ឋជាច្រើនដែលសុទ្ធសឹងជាអ្នករស់នៅក្នុងខេត្តតាកែវបានបញ្ចេញមតិរិះគន់យ៉ាងខ្លាំងទៅលើសារបង្ហោះរបស់ម្ចាស់គណនីហ្វេសប៊ុកនេះ និងស្នើឲ្យអាជ្ញាធរចាត់វិធានការទៀតផង៕

The post អ្នកជេរប្រមាថស្ត្រីនៅខេត្តតាកែវលើគណនីហ្វេសប៊ុក ត្រូវបានឃាត់ខ្លួន និងកសាងសំណុំរឿងបញ្ជូនទៅតុលាការ appeared first on Kampuchea Thmey Daily.

នៅក្នុងវីដេអូ ដែលផ្សព្វផ្សាយដោយស្នងការដ្ឋាននគរបាលខេត្តតាកែវ បុរសដែលផ្សព្វផ្សាយថា នៅខេត្តតាកែវ មានករណីវះក្រលៀន ទទួលស្គាល់ថា ព័ត៌មានដែលខ្លួនផ្សព្វផ្សាយជាព័ត៌មានមិនពិត ហើយឮតៗគ្នាគ្មានប្រភពច្បាស់លាស់។ បុរស ឈ្មោះ កែវ ទូច សន្យាលុបខ្លឹមសារដែលខ្លួនផ្សព្វផ្សាយលើបណ្ដាញសង្គមចេញ និងសុំទោសសមត្ថកិច្ច និងពលរដ្ឋ ចំពោះការបំពុលសង្គមបែបនេះ។

បុរសឈ្មោះ កែវ ទូច សារភាពកំហុសតាមរយៈវីដេអូដូច្នេះ៖« ខ្ញុំសូមបញ្ជាក់ថា ការបង្ហោះដែលមានខ្លឹមសារខាងលើនេះ គឺជាព័ត៌មានមិនពិត​ ខ្ញុំបាទគ្រាន់តែបានឮគេនិយាយតៗគ្នាតែប៉ុណ្ណោះ ហើយយកមកបង្ហោះតែម្ដង។ ខ្ញុំបាទសូមទទួលស្គាល់កំហុស និងលុបខ្លឹមសារទាំងនោះចេញ និងសុំធ្វើការសូមទោសចំពោះថ្នាក់ដឹកនាំគ្រប់លំដាប់ថ្នាក់ និងព្រមទាំងបងប្អូនទាំងអស់ »។

ជាចុងក្រោយបុរសម្នាក់នេះ សន្យាថា ឈប់ផ្សព្វផ្សាយព័ត៌មានមិនពិត បង្កាចលាចលដល់សង្គម៕

The post សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម appeared first on Kampuchea Thmey Daily.

ពិធីផ្លាស់ប្តូរ និងផ្ទេរភារកិច្ចស្នងការនគរបាលខេត្តតាកែវនេះ ធ្វើឡើងនៅព្រឹកថ្ងៃទី៣១ ខែកក្កដា ឆ្នាំ២០២៤ ក្រោមអធិបតិយភាពនាយឧត្តមសេនីយ៍ ស ថេត អគ្គស្នងការនគរបាលជាតិ តំណាងលោក ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។

អញ្ជើញចូលរួមនាឱកាសនោះ មានឯកឧត្តម លោកជំទាវ ប្រតិភូអមដំណើរ លោកអភិបាលខេត្ត សមាជិកក្រុមប្រឹក្សាខេត្ត លោក លោកស្រី អភិបាលរងខេត្ត លោកមេបញ្ជាការតំបន់ប្រតិបត្តិការសឹករងខេត្ត លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត លោកប្រធាន អនុប្រធានមន្ទីរអង្គភាពជុំវិញខេត្ត លោក អភិបាលស្រុកក្រុង លោកអធិការនគរបាល លោកមេបញ្ជាការមូលដ្ឋានអាវុធហត្ថ លោកមេបញ្ជាការផ្នែកសឹករង ស្រុកក្រុង និងលោកនាយប៉ុស្ដិ៍រដ្ឋបាលឃុំសង្កាត់ទាំង១០០ចូលរួមផងដែរ។

សូមជម្រាបជូនដែរថា លោកឧត្តមសេនីយ៍ទោ ឈាង ផាន់ណារ៉ា បានមកកាន់ដំណែងជាស្នងការនគរបាលខេត្តតាកែវ បានចំនួន ២៨ខែ និង៧ថ្ងៃ ហើយត្រូវបានថ្នាក់ដឹកនាំ តែងតាំងជា អគ្គាធិការរង នៃក្រសួងមហាផ្ទៃ ហើយលោកឧត្តមសេនីយ៍ទោ ម៉ែន លី ត្រូវបានក្រសួងមហាផ្ទៃ ផ្ទេរភារកិច្ច ពីស្នងការនគរបាលខេត្តកំពង់ធំ មកជា ស្នងការនគរបាលខេត្តតាកែវជំនួសវិញ៕

អត្ថបទ៖ វីរៈ

The post ឧត្តមសេនីយ៍ទោ ម៉ែន លី ត្រូវបានប្រកាសតែង​តាំងជាស្នងការនគរបាលខេត្តតាកែវ appeared first on Kampuchea Thmey Daily.

លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ បន្ទាប់ពីទទួលបានព័ត៌មាននេះភ្លាម បានបញ្ជាឲ្យកម្លាំងផែនការងារនគរនបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ិន សុខខេន​ សហការជាមួយកម្លាំងអធិការដ្ឋាននគរបាលស្រុកគិរីវង់ និងកម្លាំងប៉ុស្តិ៍នគរបាលរដ្ឋបាលព្រៃអំពក បានធ្វើកំណត់ហេតុសាកសួរក្មេងស្រី ឈ្មោះ ខែម សុខចិត្ត ដែលជាជនរងគ្រោះ ។

ក្មេងស្រីរងគ្រោះបានរៀបរាប់ថា នៅថ្ងៃទី២១ ខែឧសភា ឆ្នាំ២០២៣ វេលាម៉ោង១១ និង៥០នាទី នាងបានដើរទៅអង្គុយក្រោមដើមសារីខាងមុខផ្ទះ បន្ទាប់មកនាងក៏បានដើរទៅរើសអុសចម្ងាយហាសិបម៉ែត្រពីខាងកើតផ្ទះ។ បន្ទាប់មកនាងបានរើសស្វាយចំនួន២ផ្លែ ពេលនោះក៏ស្រាប់តែមានមនុស្សប្រុសពាក់អាវពណ៌ខ្មៅដៃខ្លី ស្លៀកខោជើងវែងដើរមកសំដៅនាង និងយកដៃកៀកខ្ទប់មាត់នាងមិនឲ្យនាងស្រែក ហើយបាននិយាយថា ឲ្យពូសុំលូកក្រលៀនបន្តិចមក តែនាងក៏បានរើបំរ៉ាស់រួច និងបានស្រែកឲ្យគេជួយ ពេលនោះជនសង្ស័យភ័យក៏បានរត់សំដៅទៅទិសខាងកើតបាត់តែម្តង។

សមត្ថកិច្ចបានសន្និដ្ឋានថា ករណីនេះ មិនមែនជាការចាប់កូនក្មេងទេ តែជាករណីប៉ុនប៉ងរំលោភសេពសន្ថវ:។ បច្ចុប្បន្ន សមត្ថកិច្ចជំនាញ កំពុងធ្វើការស្រាវជ្រាវយ៉ាងយកចិត្តទុកដាក់ ដើម្បីកសាងសំណុំរឿងតាមនីតិវីធី៕

The post ស្នងការខេត្តតាកែវ បញ្ជាក់អំពីករណីជនមិនស្គាល់អត្តសញ្ញាណដែលមានបំណងចាប់ក្មេងស្រីម្នាក់ appeared first on Kampuchea Thmey Daily.

ប្រជាពលរដ្ឋលើកឡើងថា ទីតាំងជល់មាន់របស់ លោក សឿន នេះ បើកលេងជារៀងរាល់ថ្ងៃដែលមានក្រុមអ្នកញៀនល្បែងប្រភេទនេះមកលេងហ៊ោរកញ្ច្រៀវកងរំពងមិនរំខានដល់អាជ្ញាធរបន្តិចសោះឡើយ។ ពលរដ្ឋបន្តថា ប៉ូលិសស្រុកអង្គរបូរី ដូចជាត្រូវថ្នាំសណ្តំរបស់ លោក សឿន ដែលជាម្ចាស់ទីតាំងជល់មាន់នេះ ព្រោះមិនមានការបង្ក្រាបនោះទេ រាប់ចាប់ពីប៉ូលិសប៉ុស្តិ៍ លោកអធិការនគរបាលចាស់ រហូតដល់លោកអធិការនគរបាលថ្មីមកកាន់ដំណែង ក៏ លោក សឿន នេះសែនព្រេនត្រូវដែរ។ ហើយបើមិនមានការបង្ក្រាបនោះទេ ច្បាស់ណាស់អសន្តិសុខក្នុងភូមិ ស្រុកពួកគាត់នៅតែជាក្តីបារម្មដដែល។ 

ជាថ្មីម្តងទៀត ពលរដ្ឋសំណូមពរ ក៏ដូចជារង់ចាំមើលចំណាត់ការពី លោក ឈាង ផាន់ណារ៉ា ស្នងការនគរបាលខេត្តតាកែវ តើអាចបង្ក្រាបទីតាំងជល់មាន់ លោក សឿន នេះបានដែរ ឬទេ ខណៈប៉ូលិសស្រុកអង្គរបូរី ដូចជាម្ចាស់ទីតាំងសែនព្រេនត្រូវអស់ហើយ៕

អត្ថបទ៖ វីរៈ

The post ពលរដ្ឋស្នើស្នងការខេត្តតាកែវ បង្ក្រាបទីតាំងជល់មាន់ នៅភូមិត្រពាំងរការ ឃុំបាស្រែ ស្រុកអង្គរបុរី appeared first on Kampuchea Thmey Daily.

ជនសង្ស័យ ២នាក់ ត្រូវបានឃាត់ខ្លួននៅយប់ថ្ងៃទី១២ ខែសីហា ឆ្នាំ២០២២ វេលាម៉ោងប្រហែល ២៤និង០០នាទី ដោយកម្លាំងប្រចាំការនៅគោលដៅគល់ស្ពានខាងលិចភ្នំសន្លុង ឃុំសន្លុង ស្រុកទ្រាំង ខេត្តតាកែវ ក្នុងនោះជនសង្ស័យម្នាក់មានដីកាតាមចាប់ខ្លួនពាក់ព័ន្ធករណីគ្រឿងញៀន។ 

ប្រភពច្បាស់ការមួយបានបញ្ជាក់ថា ជនសង្ស័យម្នាក់ត្រូវបានស្គាល់ឈ្មោះ ឡុង ហាក់ ភេទប្រុស អាយុ ៣៩ ឆ្នាំ រស់នៅភូមិស្មោង ឃុំស្មោង ស្រុកទ្រាំង ខេត្តតាកែវ មានដីកាតាមចាប់ខ្លួនពាក់ព័ន្ធ និងគ្រឿងញៀនខុសច្បាប់។ ដោយឡែកជនសង្ស័យម្នាក់ទៀតមិនត្រូវបានស្គាល់ឈ្មោះនោះទេ ព្រោះមិនមានជាប់ពាក់ព័ន្ធ សមត្ថកិច្ចក៏បានដោះលែងវិញភ្លាមៗ។ប្រភពដដែលបានបន្តទៀតថា ក្រោយការឃាត់ខ្លួនជនសង្ស័យ ប្រពន្ធគាត់បានរត់រកលុយអ្នកជិតខាងទាំងយប់យកទៅឱ្យលោក ប៉ាត ម៉ាត អធិការរងទទួលបន្ទុកគ្រឿងញៀន នៃអធិការដ្ឋាននគរបាលស្រុកទ្រាំង ដើម្បីដោះលែងប្តីខ្លួនមកផ្ទះវិញ។ 

ក្រុមការងារ មិនអាចទាក់ទងសុំការបំភ្លឺពីលោក ប៉ាត ម៉ាត មេបង្ក្រាបគ្រឿងញៀន នៃអធិការដ្ឋាននគរបាលស្រុកទ្រាំង បានទេ។ ប៉ុន្តែបើតាមលោក ឃុត ភិន អធិការនគរបាលស្រុកទ្រាំង បានឱ្យដឹងនៅព្រឹក ថ្ងៃទី១៥ ខែសីហា ឆ្នាំ២០២២ តាមរយៈការហៅទូរសព្ទថា កម្លាំងប្រចាំការគោលដៅគល់ស្ពាន ខាងលិចភ្នំសន្លុង ស្រុកទ្រាំង ពិតជាបានចាប់ឃាត់ខ្លួនជនសង្ស័យ ២ នាក់មែន នៅយប់ថ្ងៃទី១២ តែចាប់ច្រឡំ មិនមែនជនសង្ស័យ ឈ្មោះ ឡុង ហាក់ ដែលមានដីកាតាមចាប់ខ្លួននោះទេ ហើយក៏បិទទូរសព្ទទៅ៕

អត្ថបទ៖ វីរៈ

The post ធ្លាយរឿងមេបង្ក្រាបគ្រឿងញៀនស្រុកទ្រាំង ដោះលែងជនល្មើស ថ្នូរនឹងលុយ ១ ០០០ ដុល្លារ appeared first on Kampuchea Thmey Daily.

កិច្ចប្រជុំ​នេះ ប្រព្រឹត្តិ​ឡើងកាលពីថ្ងៃ​ទី២៩ ខែវិច្ឆិកា ឆ្នាំ​២០២១ ដោយមាន​ការចូលរួម​ពី​លោក លោកស្រី ឧត្ត​ម​សេនីយ៍ វរសេនីយ៍ ជា​ស្នងការរង​ទាំងអស់ លោកនាយ​ការិយាល័យ​ជំនាញ​ទាំង៣២ លោក​មេបញ្ជាការ​វរ​សនា​តូច​ការពារ​ព្រំដែន​គោក​លេខ​៦០៣ លោក​អធិការនគរបាល​គ្រប់​ស្រុក ក្រុង និង​លោក​នាយ​ប៉ុស្តិ៍​ច្រកទ្វា​ទ្វេរ​ភាគី​កំពង់​ក្រសាំង​។

លោក​ឧ​ត្ត​ម​សេនីយ៍​ទោ ឈាង ផាន់​ណា​រ៉ា ស្នងការ នៃ​ស្នងការដ្ឋាន​នគរបាល​ខេត្តតាកែវ​ថ្មី បាន​ក្រើនរំលឹក​ដល់​បណ្តា​អង្គភាព​ជំនាញ អធិការដ្ឋាន​នគរបាល​គ្រប់​ស្រុក ក្រុង ត្រូវ​បង្កើន​ការយកចិត្តទុកដាក់​លើ​ការងារ​ស្រាវជ្រាវ​បង្ក្រាប​បទល្មើស​នានា ជាពិសេស​បទល្មើស​គ្រឿងញៀន បទល្មើស​ព្រហ្មទណ្ឌ ដើម្បី​បង្ក្រាប​បាន​ទាន់ពេលវេលា រក្សា​សន្តិសុខ​ក្នុង​មូលដ្ឋាន​ជូន​ប្រជាពលរដ្ឋ ការងារ​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក ។​

ជាមួយគ្នានេះ​លោកស្នងការ​ខេត្តតាកែវ​ បាន​សង្កត់ធ្ងន់ការងារ​ទប់ស្កាត់​រាល់​ចលនា​ប្រមូលផ្តុំ​តវ៉ា​ផ្សេងៗ​ដែល​អាច​បង្កចលាចល អសន្តិសុខ​ក្នុងសង្គម ដែល​ផ្តើមចេញពី​ក្រុម​ឧទ្ទាម​ក្រៅច្បាប់ និង​គ្រប់​បណ្តា​អង្គភាព​ត្រូវ​តាមដាន​ពី​សុខទុក្ខ​របស់​មន្ត្រីក្រោមឱវាទ ដើម្បី​រួមគ្នា​ដោះស្រាយ​សម្រាល​ទាំង​បញ្ហា​ជីវភាព សុខុមាលភាព​ជូន​ពួកគាត់ និង​ពង្រឹង​ការអនុវត្ត​វិន័យ​របស់​កងកម្លាំង ការ​ប្រចាំការ ត្រៀម​ចុះជួយ​ប្រជា​ពលរដ្ឋ​ក្នុងករណី​មាន​គ្រោះថ្នាក់​ផ្សេងៗ​ដែល​អាច​កើតឡើង​ជាយថាហេតុ ព្រមទាំង​ដោះស្រាយ​សំណូមពរ​របស់​ប្រជាពលរដ្ឋ​ឱ្យបាន​ទាន់ពេលវេលា និង​មាន​ប្រសិទ្ធភាព​ខ្ពស់ ព្រមទាំង​រំលឹក​ដល់​មន្ត្រីនគរបាល​ទាំងអស់​បន្ត​យកចិត្ត​ទុក្ខ​ការពារ​សុខភាព ដើម្បី​ជៀស​ផុស​ពី​ការឆ្លង​ជម្ងឺ​កូ​វីដ​-១៩ តាម​វិធាន​សុខាភិបាល ជាពិសេស​វិធានការ ៣​ការពារ និង ៣​កុំ របស់​ប្រមុខ​រាជរដ្ឋាភិបាល​កម្ពុជា ៕

​អត្ថបទ៖ រ៉ា​វុ​ទ្ធ​

The post ស្នងការខេត្តតាកែវ ក្រើនរំលឹកគ្រប់អង្គភាពពាក់ព័ន្ធត្រូវបង្កើនការយកចិត្តទុកដាក់លើការងារស្រាវជ្រាវ​បង្ក្រាបបទល្មើស​ appeared first on Kampuchea Thmey Daily.