ស្នាក់នៅផ្ទះ Archives - Kampuchea Thmey Daily

៥ យ៉ាង ជួយបំបាត់អារម្មណ៍ឯកាពេលយើងនៅផ្ទះម្នាក់ឯងយូរពេក

Sonya — Mon, 10 May 2021 01:49:43 +0000

ក្នុងស្ថានភាពយើងពិបាកចេញទៅខាងក្រៅ ជួបជុំមិត្តភក្ដិ ឬក្រុមគ្រួសារបែបនេះ ច្បាស់ជាធ្វើឲ្យមានអារម្មណ៍ធុញថប់ ឬអារម្មណ៍ឯកាចាប់ផ្ដើមកើតឡើងភ្លាម។ អារម្មណ៍ឯកាយូរ អាចធ្វើឲ្យយើងប៉ះពាល់ផ្លូវចិត្ត ធ្វើឲ្យគិតអីលែងចេញ និងធ្វើឲ្យយើងមិនសប្បាយចិត្តក៏មាន ហើយបើវាបន្តក្នុងរយៈពេលយូរ វាអាចធ្វើឲ្យរាងកាយយើងមានការឈឺចាប់ ពិបាកគេង និងប្រព័ន្ធការពាររាងកាយចុះខ្សោយផងដែរ។ ពេលជួយបញ្ហាបែបនេះ គ្នាយើងអាចសាកល្បងដោះស្រាយបានដោយធ្វើសកម្មភាពដូចខាងក្រោមនេះ។

១. បង្កើតសំឡេងក្នុងផ្ទះ

ពេលចាប់ផ្ដើមមានអារម្មណ៍ឯកាប្រជ្រៀតចូលក្នុងការគិត ឬខួរក្បាល យើងអាចបំបាត់វាទៅវិញដោយការបន្ថែមសំឡេងនៅក្នុងផ្ទះ ឬបន្ទប់យើងនៅ។ តន្ត្រីអាចជួយធ្វើឲ្យយើងមានអារម្មណ៍ល្អ និងស្រស់ស្រាយឡើងវិញ ហើយយើងក៏អាចមើលរឿង ឬស្ដាប់កម្មវិធី Podcast ឬ Audiobook ដើម្បីបន្លប់អារម្មណ៍ឯកា។

២. រក្សាទំនាក់ទំនង

ត្បិតតែមិនអាចចេញក្រៅជួបគ្នាបាន យើងអាចរក្សាទំនាក់ទំនងជាមួយមនុស្សជិតស្និទ្ធតាមរយៈប្រព័ន្ធអ៊ីនធើណែតបានដែរ។ បើយើងមានអារម្មណ៍ឯកានឹកពួកគេ យើងអាចឆាតអនឡាញ ទូរស័ព្ទ ឬតេតាមវីដេអូយើងអាចជួបមុខគ្នា ឬ facetime ជាមួយមិត្តភក្ដិ និងសមាជិកគ្រួសារដទៃ។

៣. ចេញក្រៅផ្ទះ

ចំពោះគ្នាយើងមួយចំនួនធំ ការដែលសម្ងំក្នុងផ្ទះយូរពេក អារម្មណ៍ស្មុគស្មាញនឹងកើតឡើងដោយឯកឯង យូរៗទៅបណ្ដាលទៅជាស្ត្រេសវិញ។ ហេតុនេះ យើងគួរចេញពីបន្ទប់ ឬចេញទៅយ៉រមុខផ្ទះ ឬចេញទៅអង្គុយលេងមុខផ្ទះខ្លះ ឬអាចដើរហាត់ប្រាណ មើលគេឯងនៅតំបន់ក្បែរៗផ្ទះក៏បាន (បើអាចចេញក្រៅផ្ទះបាន)។

៤. ចិញ្ចឹមសត្វ

ការចិញ្ចឹមសត្វទាមទារភាពអត់ធ្មត់ ពេលវេលា និងថវិកា ដើម្បីថែទាំវាឲ្យបានល្អ មិនថាជាសត្វឆ្កែ ឬសត្វឆ្មារ ឬត្រីក្នុងអាងនោះទេ។ ត្បិតតែសត្វមិនអាចនិយាយភាសាយើងយល់បាន ក៏ប៉ុន្តែពួកគេតែងតែនៅក្បែរយើង ចាំធ្វើឲ្យយើងសប្បាយចិត្តគ្រប់ពេលវេលាដែលយើងត្រូវការ។

៥. ធ្វើអ្វីដែលយើងស្រលាញ់

អារម្មណ៍ឯកាអាចប៉ះពាល់ដល់ផ្លូវចិត្តរហូតយើងលែងចង់ធ្វើអ្វីៗទាំងអស់ក៏មាន ឬលែងចង់ធ្វើអ្វីដែលយើងស្រលាញ់ទៀត។ ដូចនេះ យើងគួរបន្តធ្វើសកម្មភាពណាដែលយើងស្រលាញ់ និងផ្ដល់ភាពសប្បាយរីករាយដល់យើង ដើម្បីបន្លប់ពេលវេលា ក៏ដូចជាភាពឯកា។ ឧ. ការអានសៀវភៅ មើលរឿងភាគ ភាពយន្ត ឬបង្កើតអ្វីៗថ្មីតាមគំនិតច្នៃប្រឌិតរបស់ខ្លួនក៏បាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ទើបជាពីកូវីដ-១៩ សុខភាពនៅខ្សោយ ងាយអស់កម្លាំង គួរអនុវត្តតាមវិធីនេះ

ចុចអាន៖ វិធីផ្លាស់ប្ដូរជីវិតឲ្យប្រសើរជាងមុន ចាប់ផ្ដើមពីពេលនេះទៅ

The post ៥ យ៉ាង ជួយបំបាត់អារម្មណ៍ឯកាពេលយើងនៅផ្ទះម្នាក់ឯងយូរពេក appeared first on Kampuchea Thmey Daily.

តិចនិកមួយចំនួនជួយកាត់បន្ថយស្ត្រេស អំឡុងពេលបិទខ្ទប់

Sonya — Thu, 22 Apr 2021 04:28:01 +0000

ក្នុងកាលៈទេសៈរាជរដ្ឋាភិបាលចេញវិធានការបិទខ្ទប់ទីក្រុងដើម្បីទប់ស្កាត់ការរាលដាលវីរុសកូវីដ១៩ បានតម្រូវឲ្យប្រជាពលរដ្ឋនៅក្នុងផ្ទះ មិនត្រូវចេញក្រៅបើមិនចាំបាច់។ ការនៅក្នុងផ្ទះយូរថ្ងៃអាចធ្វើឲ្យគ្នាយើងមានអារម្មណ៍តប់ប្រមល់ និងអាចកើតស្រេ្ដសផងដែរ។

វិធីសាស្រ្តដែលល្អក្នុងការធ្វើឲ្យខ្លួនយើងធន់នឹងស្ថានភាពពេលនេះបានគឺការថែទាំសុខភាពរបស់យើងឲ្យរឹងមាំ មិនមានបញ្ហាស្ត្រេស។

១. ហាត់ប្រាណ និងញ៉ាំអាហារល្អចំពោះសុខភាព

វាជាការសំខាន់ណាស់ដែលយើងត្រូវបញ្ចេញញើសក្នុងអំឡុងពេលនៅតែក្នុងផ្ទះនេះ វាមិនត្រឹមតែជួយឲ្យរាងកាយយើងមានសុខភាពល្អទេ តែការហាត់ប្រាណក៏ជួយកាត់បន្ថយស្ត្រេសផងដែរ។ ការហាត់ប្រាណបានជាប្រចាំត្រឹម៣០នាទីក្នុងមួយថ្ងៃ ក៏ជួយឲ្យយើងមានអារម្មណ៍ល្អ។ ក្រៅពីការហាត់ប្រាណ គ្នាយើងក៏គួរគេងឲ្យបានគ្រប់គ្រាន់ចន្លោះពីប្រាំពីរទៅប្រាំបីម៉ោងក្នុងមួយយប់។

ដូចគ្នាដែរ ក្នុងពេលនេះ យើងគួរកាត់បន្ថយការញ៉ាំអាហារកែច្នៃច្រើន ហើយងាកមកញ៉ាំបន្លែ ផ្លែឈើ និងផឹកទឹកឲ្យបានគ្រប់គ្រាន់ ដើម្បីជួយឲ្យប្រព័ន្ធភាពស៊ាំរបស់យើងរឹងមាំ អាចប្រឆាំងនឹងជំងឺផ្សេងៗបាន។

២. រក្សាទំនាក់ទំនង

ថ្វីបើយើងមិនអាចចេញទៅណាបាន តែយើងនៅមានបណ្ដាញសង្គមសម្រាប់ទាក់ទងជាមួយគ្រួសារបាន។ ការចែករំលែកក្ដីកង្វល់ ជាមួយនរណាម្នាក់ ឬគ្រួសារ នឹងជួយយើងកាត់បន្ថយអារម្មណ៍តានតឹងបាន។ យ៉ាងណា គ្នាយើងត្រូវចាំថា ថ្វីបើយើងអាចប្រើបណ្ដាញសង្គមសម្រាប់ទាក់ទងគ្នាមែន តែក៏មិនគួរប្រើច្រើនពេកដែរ ព្រោះអាចនាំឲ្យយើងមានអារម្មណ៍មិនល្អ ពេលឃើញព័ត៌មានច្រើនពីកូវីដ១៩។

៣. បង្កើតភាពរីករាយក្នុងគ្រួសារ

ទោះមិនអាចចេញក្រៅបាន ក៏យើងមិនត្រូវភ្លេចការបង្កើតសកម្មភាពសប្បាយក្នុងគ្រួសារដែរ។ ការសម្រាក ញ៉ាំកាហ្វេជាមួយសមាជិកគ្រួសារ ជជែកពីនេះពីនោះ ឬលេងជាមួយកូន សុទ្ធតែអាចជួយសម្រួលអារម្មណ៍កុំឲ្យយើងគិតតែរឿងកូវីដ១៩ នាំឲ្យស្ត្រេសកាន់តែខ្លាំង។

៤. កុំអានព័ត៌មានកូវីដ-១៩ ច្រើនពេក

ការតាមដានព័ត៌មានកូវីដ១៩ ច្រើនពេកអាចនាំឲ្យយើងកើតស្ត្រេស និងអាចហត់នឿយផងដែរ។ មួយវិញទៀត នៅលើបណ្ដាញសង្គមអាចមានការផ្សាយពាក្យចចាមអារ៉ាមច្រើនទាក់ទងនឹងកូវីដ១៩ ដែលនាំឲ្យយើងអានច្រើនកាន់តែមានអារម្មណ៍មិនល្អ។ ក្នុងចំណុចនេះ យើងគួរចេះជ្រើសរើសព័ត៌មានសម្រាប់អាន នឹងប្រាកដថាជាព័ត៌មានមានប្រភពច្បាស់លាស់ និងជឿជាក់បាន។ ផ្ទុយពីតាមដានបញ្ហាកូវីដ១៩ ច្រើន ចូរងាកមកតាមដានព័ត៌មាននិយាយពីសុខភាព និងអានព័ត៌មានណាដែលមើលទៅហាត់ផ្ដល់កម្លាំងចិត្តដល់យើង ជាជាងឃើញតែពីបញ្ហាបង្កដោយកូវីដ១៩៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ កូវីដមិនទាន់ទៅណា! ប្រសិនមានសមាជិកក្នុងផ្ទះឆ្លងជំងឺ ត្រូវការពារដោយវិធីទាំងនេះ

ចុចអាន៖ នៅក្នុងផ្ទះយូរពេកអាចប្រឈមបញ្ហាផ្លូវចិត្ត សាកវិធីនេះអាចជួយដោះស្រាយបាន

The post តិចនិកមួយចំនួនជួយកាត់បន្ថយស្ត្រេស អំឡុងពេលបិទខ្ទប់ appeared first on Kampuchea Thmey Daily.

នៅក្នុងផ្ទះយូរពេកអាចប្រឈមបញ្ហាផ្លូវចិត្ត សាកវិធីនេះអាចជួយដោះស្រាយបាន

Sonya — Wed, 14 Apr 2021 01:50:00 +0000

អ្នកជំនាញជំងឺឆ្លងបានលើកឡើងថាការរស់នៅដាច់ដោយឡែករយៈពេលយូរអាចបង្កឲ្យមនុស្សយើងមានវិបត្តិផ្លូវចិត្តដោយសារការរាតត្បាតនៃវីរុស COVID-19។ លោក Sandro Galea ព្រឹទ្ធបុរសនៅផ្នែកសុខភាពសាធារណៈនៃសាកលវិទ្យាល័យ Boston និយាយថាការរស់នៅដាច់ដោយឡែក និងភាពមិនប្រាកដពីរយៈពេលនៃការរស់នៅដាច់ដោយឡែក និងការរាតត្បាតនៃវីរុសនេះអាចធ្វើឲ្យមានជំងឺថប់បារម្ភ។ ដូចនេះគួរយកចិត្តទុកដាក់ទៅលើសុខភាពផ្លូវចិត្តពេលនៅផ្ទះ។

១. រក្សាទំនាក់ទំនង

ការរក្សាទំនាក់ទំនងជាមួយអ្នកដទៃដូចជាសមាជិកគ្រួសារ ឬមិត្តភក្តិគឺសំខាន់សម្រាប់សុខភាពផ្លូវចិត្ត។ យើងអាចរក្សាទំនាក់ទំនងជាមួយអ្នកទាំងអស់នេះតាមរយៈការនិយាយទូរស័ព្ទ ផ្ញើសារ ការខលជាវីដេអូ ឬតាមរយៈ បណ្ដាញសង្គមផ្សេងទៀតជាដើម។ ការធ្វើបែបនេះអាចជួយឲ្យយើងដោះស្រាយបញ្ហាដែលជួបប្រទះក្នុងអំឡុងពេលលំបាកនេះបាន។

២. ទម្លាយអំពីការបារម្ភរបស់យើង

នៅក្នុងស្ថានភាពនេះ គ្នាយើងនឹងមានក្ដីបារម្ភ និងអាចមានទាំងការភ័យខ្លាចផង។ ប៉ុន្តែត្រូវចាំថាយើងអាចចែករំលែកការបារម្ភរបស់យើងជាមួយដែលអ្នកទុកចិត្តដូចជាសមាជិកគ្រួសារ ឬមិត្តភកិ្តជាដើម ហើយការធ្វើបែបមិនត្រឹមជួយខ្លួនយើងទេ នៅអាចជួយដល់ទាំងនោះផងដែរ។

៣. ថែរក្សាសុខភាព

ការថែសុខភាពបានល្អ ឬអត់គឺមានផលប៉ះពាល់ទៅលើអារម្មណ៍របស់យើង។ នៅអំឡុងពេលនៅផ្ទះ យើងអាចនឹងមានទម្លាប់មួយចំនួនដែលមិនល្អចំពោះសុខភាព។ ដូចនេះ គួរញ៉ាំអាហារដែលមានសុខភាពល្អ ផឹកទឹកគ្រប់គ្រាន់ និងហាត់ប្រាណ។ ចៀសវាងការផឹកគ្រឿងស្រវឹង និងការប្រើប្រាស់ថ្នាំញៀន។ យើងអាចចេញទៅក្រៅម្នាក់ឯង ឬជាមួយសមាជិកគ្រួសារដើម្បីដើរ ឬរត់ហាត់ប្រាណក្នុងករណីមិនមានការបិទប្រទេស ឬហាមឃាត់ណាមួយ ប៉ុន្តែត្រូវរក្សាគម្លាតសុវត្ថិភាព មានន័យថាត្រូវនៅឆ្ងាយពីអ្នកដទៃពី១,៥ទៅ២ម៉ែត្រ ឬអាចហាត់ប្រាណនៅផ្ទះត្រឹមតែ១០នាទីក៏បាន។

៤. បន្ថយការអានព័ត៌មាន

អំឡុងពេលបែបនេះ ការតាមដានព័ត៌មានច្រើនអាចមានផលប៉ះពាល់ដល់ផ្លូវចិត្ត។ ដូចនេះគួរកំណត់ពេលវេលាទៅលើការអាន មើល ឬស្តាប់ព័ត៌មាន រួមទាំងការប្រើប្រាស់បណ្ដាញសង្គម។ យើងអាចកំណត់ពេលវេលាច្បាស់លាស់ក្នុងការតាមដានព័ត៌មាន ឬមើលព័ត៌មានត្រឹមតែពីរដងក្នុងមួយថ្ងៃ។

អត្ថបទពាក់ព័ន្ធ៖តាមដានព័ត៌មានបែបរន្ធត់អំឡុងពេលកូវីដ ១៩ គ្រោះថ្នាក់ដល់សុខភាពផ្លូវចិត្ត

៥. ធ្វើសកម្មភាពដែលយើងចូលចិត្ត

ប្រសិនជាអ្យើងបារម្ភ ភ័យខ្លាច ឬឯកោ យើងអាចនឹងលែងធ្វើសកម្មភាពដែលចូលចិត្តទៀត។ យកល្អយើងគួរបន្តធ្វើសកម្មភាពទាំងអស់នោះ ឬរៀនអ្វីថ្មីៗអំឡុងពេលនៅផ្ទះ។ យើងអាចអានសៀវភៅដែលខ្លួនចូលចិត្ត ឬតាមបណ្ដាញអ៊ីនធើណេត ស្តាប់ចម្រៀង ឬលេងហ្គេមផ្សេងៗដូចជាល្បែងប្រាជ្ញា ផ្គុំពាក្យ ឬគូររូបជាដើម។ ក្រៅពីនេះ យើងអាចរកមើលវគ្គសិក្សាខ្លីនៅលើបណ្ដាញអ៊ីនធើណេតដែលទាក់ទងនឹងការងារ ឬអ្វីថ្មីៗដែលយើងចាប់អារម្មណ៍។

៦. គិតពីទម្លាប់ប្រចាំថ្ងៃថ្មី

ទម្លាប់ប្រចាំថ្ងៃរបស់យើងអាចនឹងមានការផ្លាស់ប្តូរអំឡុងពេលនេះ។ យើងគួររៀនសម្របខ្លួន និងបង្កើតទម្លាប់ថ្មីដែលមានផលល្អសម្រាប់យើងទាំងផ្លូវកាយ និងចិត្ត។ យើងអាចសរសេរកិច្ចការរួមទាំងការងារផ្ទះដែលយើងចង់ធ្វើពេញមួយថ្ងៃ ហើយយើងក៏ត្រូវបំពេញកិច្ចការទាំងនេះដែរ។ ក្នុងនោះយើងអាចកំណត់ពេលវេលាច្បាស់លាស់សម្រាប់កិច្ចការនីមួយៗ។

៧. គេងឲ្យបានគ្រប់គ្រាន់

ការគេងឲ្យបានគ្រប់គ្រាន់អាចជួយដល់ផ្លូវចិត្តរបស់យើង។ ដូចនេះគួររក្សាពេលវេលានៃការចូលគេងរបស់យើងឲ្យបានទៀងទាត់។

៨.ស្វែងយល់ពីសិទ្ធការងារ និងអត្ថប្រយោជន៍

យើងអាចនឹងបារម្ភពីបញ្ហាលុយកាក់ ក៏ដូចជាការងារពេលនៅផ្ទះ ហើយបញ្ហានេះអាចប៉ះពាល់ខ្លាំងដល់ផ្លូវចិត្តរបស់យើង។ ដូចនេះយើងគួរនិយាយជាមួយថ្នាក់លើអំពីការធ្វើការពីផ្ទះ និងស្វែងយល់ពីសិទ្ធការងារ ឬអត្ថប្រយោជន៍ផ្សេងៗសម្រាប់បុគ្គលិក។ ការយល់ដឹងលម្អិតអាចជួយកាត់បន្ថយការបារម្ភរបស់យើងបាន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សម្រួលភាពតានតឹង អំឡុងការរាលដាលវីរុសកូវីដ-១៩ ដោយវិធីទាំងនេះ

ចុចអាន៖ គុណសម្បត្តិ និងគុណវិបត្តិទម្លាប់ក្រោកពីដំណេកព្រឹកពេក គ្នាយើងគួរដឹង

The post នៅក្នុងផ្ទះយូរពេកអាចប្រឈមបញ្ហាផ្លូវចិត្ត សាកវិធីនេះអាចជួយដោះស្រាយបាន appeared first on Kampuchea Thmey Daily.

តិចនិកថែទាំអ្នកសង្ស័យ និងព្យាបាលកូវីដ-១៩ នៅផ្ទះ ចៀសវាងឆ្លងសមាជិកគ្រួសារ

Sonya — Tue, 13 Apr 2021 05:06:43 +0000

ចាប់តាំងពីសប្ដាហ៍មុនមក យើងសង្កេតឃើញថា ករណីកូវីដ-១៩ កើនឡើងរាប់រយនាក់។ ទន្ទឹមនេះដែរ រដ្ឋាភិបាលក៏បានសម្រេចឲ្យមានការព្យាបាលនៅផ្ទះ សម្រាប់អ្នកជំងឺកូវីដ-១៩ ករណីស្រាល។ ទោះជាករណីស្រាល ត្រូវព្យាបាលនៅផ្ទះក៏ដោយ ទាំងអ្នកជំងឺ អ្នកថែទាំ និងសមាជិកគ្រួសារដទៃ ត្រូវការពារឲ្យបានខ្ពស់ ចៀសវាងចម្លងជំងឺនោះ ដល់អ្នករស់នៅក្នុងផ្ទះជាមួយ។ ខាងក្រោមនេះ ជាការណែនាំ ពីក្រសួងសុខាភិបាល និងអង្គការសុខភាពពិភពលោកដូចជា៖

តិចនិកថែទាំ និងការពារខ្លួនសម្រាប់សមាជិកគ្រួសារ អ្នកថែទាំអ្នកជំងឺ និងអ្នកជំងឺ

អ្នកថែទាំអ្នកជំងឺ

ត្រូវធានាអ្នកជំងឺសម្រាក ញ៉ាំអាហារមានជីវជាតិ និងផឹកទឹកឲ្យបានគ្រប់គ្រាន់
ត្រូវពាក់ម៉ាស់ពេទ្យជាប់ជានិច្ចពេលនៅបន្ទប់ជាមួយអ្នកជំងឺ
មិនត្រូវយកដៃប៉ះម៉ាស់ ឬមុខ និងត្រូវបោះម៉ាស់ចោលភ្លាមក្រោយប្រើរួច
ត្រូវសម្អាតដៃឲ្យបានញឹកញាប់ជាមួយសាប៊ូនឹងទឹក ឬទឹកអាល់កុលដៃសម្លាប់មេរោគ ពិសេស ក្រោយប៉ះពាល់អ្នកជំងឺ ឬរបស់របរនៅជុំវិញអ្នកជំងឺ មុនពេល និងបន្ទាប់ពីរៀបចំចម្អិនអាហារ មុនពេលញ៉ាំអាហារ និងក្រោយពេលប្រើបន្ទប់ទឹករួច
ត្រូវឲ្យអ្នកជំងឺប្រើចាន កែវ សម ឬស្លាបព្រា និងសម្ភារៈដទៃ ដាច់ដោយឡែកពីសមាជិកផ្សេង
ត្រូវលាងសម្អាត សម្ភារៈអ្នកជំងឺជាមួយសាប៊ូ នឹងទឹកស្អាត
កត់សម្គាល់ទីតាំងនានាដែលអ្នកជំងឺប៉ះញឹកញាប់ និងត្រូវជូតសម្អាតសម្លាប់មេរោគលើផ្ទៃទាំងនោះជាប្រចាំ
បើអ្នកជំងឺមានអាការៈធ្ងន់ធ្ងរ ទូរស័ព្ទទៅមន្ទីរពេទ្យជាបន្ទាន់

អ្នកជំងឺ

ត្រូវលាងសម្អាតដៃជាមួយសាប៊ូនឹងទឹក ឬទឹកអាល់កុលលាងដៃសម្លាប់មេរោគឲ្យញឹកញាប់
សម្រាកនៅផ្ទះ មិនត្រូវទៅធ្វើការ សាលា ឬទីសាធារណៈឡើយ
សម្រាកឲ្យបានគ្រប់គ្រាន់ ញ៉ាំទឹកឲ្យបានច្រើន និងញ៉ាំអាហារមានជីវជាតិឲ្យបានគ្រប់គ្រាន់
នៅបន្ទប់ដាច់ដោយឡែកពីសមាជិកគ្រួសារផ្សេង
ត្រូវពាក់ម៉ាស់ពេទ្យ និងរក្សាគម្លាតយ៉ាងហោចណាស់ ២ម៉ែត្រ ពីសមាជិកគ្រួសារ
បើកទ្វារបង្អួចឲ្យខ្យល់ចេញចូលល្អ ហើយបើអាច ប្រើបន្ទប់ទឹកដាច់ដោយឡែកពីអ្នកផ្សេង
ក្អក ឬកណ្ដាស់ ខ្ទប់មាត់ និងច្រមុះដោយប្រើកែងដៃ ឬក្រដាសជូតមាត់ ហើយបោះចោលក្រដាសជូតមាត់នោះភ្លាម ក្រោយប្រើរួចក្នុងធុងសម្រាមបិទជិត
បើមានអាការៈពិបាកដកដង្ហើម គួរប្រាប់អ្នកថែទាំ ឬទូរស័ព្ទទៅមន្ទីរពេទ្យភ្លាម

សមាជិកគ្រួសារទាំងអស់

ត្រូវលាងសម្អាតដៃជាមួយសាប៊ូ នឹងទឹកស្អាតញឹកញាប់ ពិសេស ក្រោយក្អក ឬកណ្ដាស់ មុនពេល អំឡុងពេល និងក្រោយរៀបចំចម្អិនអាហារ មុនពេលញ៉ាំបាយ ក្រោយប្រើបង្គន់រួច ពេលដៃកខ្វក់ ឬប្រឡាក់
ត្រូវពាក់ម៉ាស់ជាប់ជាប្រចាំក្នុងផ្ទះ
ចៀសវាងការប៉ះពាល់មិនចាំជាមួយអ្នកជំងឺ
មិនត្រូវប្រើរបស់រួចគ្នាជាមួយអ្នកជំងឺដូចស្លាបព្រា កន្សែង។ល។
តាមដានសុខភាពសមាជិកគ្រប់គ្នា ដើម្បីរករោគសញ្ញាដូចជា ក្ដៅខ្លួន ក្អក
បើអាការៈពិបាកដកដង្ហើម ត្រូវទូរស័ព្ទទៅមន្ទីរពេទ្យជាបន្ទាន់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកកំពុងធ្វើចត្តាឡីស័ក គួរអនុវត្តគោលការណ៍ណែនាំទាំងនេះ ការពារខ្លួនឆ្លងកូវីដ

ចុចអាន៖ WHO ព្រមានថា កុំអាងតែមានវ៉ាក់សាំង ភ្លេចវិធានការការពារខ្លួនពីកូវីដ

The post តិចនិកថែទាំអ្នកសង្ស័យ និងព្យាបាលកូវីដ-១៩ នៅផ្ទះ ចៀសវាងឆ្លងសមាជិកគ្រួសារ appeared first on Kampuchea Thmey Daily.

៥ចំណុចគួរធ្វើពេលសម្ងំតែក្នុងផ្ទះ អំឡុងកូវីដកំពុងរាតត្បាត

Sonya — Mon, 29 Mar 2021 03:37:47 +0000

អំឡុងពេលសម្ងំនៅផ្ទះ គ្នាយើងអាចមានបញ្ហាផ្លូវចិត្តបន្តិចបន្តួចហើយ ប៉ុន្តែអត្ថបទមុនៗធ្លាប់បានណែនាំខ្លះៗហើយ ដើម្បីជួយយើងគេចចេញពីវិបត្តិសតិអារម្មណ៍។ លើសពីនេះ ដើម្បីជួយខ្លួនយើងមានសុទិដ្ឋិនិយមកាន់តែខ្លាំងចំពោះខ្លួនឯង នឹងអាចជួយអ្នកដទៃអំឡុងពេលនេះ គឺមាន ៥ចំណុចសំខាន់ៗគ្នាយើងត្រូវដឹង។

១- ចែករំលែករឿងល្អៗ និងក្តីសង្ឃឹមទៅកាន់មិត្តភក្តិ និងអ្នកដទៃ

សម្រាប់កាលៈទេសៈបច្ចុប្បន្ន ហាក់ពិបាកទុកចិត្តបន្តិចហើយជាមួយព័ត៌មានលើបណ្តាញសង្គម ព្រោះព័ត៌មានខ្លះជារឿងឆបោក ព័ត៌មានខ្លះទៀត បង្ហាញតែរឿងគួរឲ្យព្រួយបារម្ភ។ បើអ៊ីចឹង ហេតុអ្វីគ្នាយើងមិនគិតចែករំលែកអ្វីដែលវិជ្ជមានសម្រាប់ពិភពលោក ដូចជាវីដេអូបង្ហាញពីសកម្មភាពមនុស្សម្នាសាមគ្គីគ្នាអំឡុងពេលកូវីដ ១៩ កំពុងរាតត្បាតខ្លាំង ឬព័ត៌មានល្អៗ ដែលយើងប្រទះឃើញលើបណ្តាញសង្គម។

ព័ត៌មានល្អៗ អាចជា អ្វីបង្ហាញពីមនុស្សម្នានៅតែមានសង្ឃឹម បើទោះជាពិភពលោកកំពុងតែរងគ្រោះដោយការរាតត្បាតវីរុសCOVID-19 ក្តី ព្រោះថាសារជាតិមនុស្សយើង ជាធម្មតា នឹងរួបរួមគ្នាដើម្បីយកឈ្នះឧបសគ្គចំពោះមុខ។

មួយវិញទៀត ព័ត៌មានមិនច្បាស់លាស់ ព័ត៌មានកុហកភូតភរ បោកប្រាស់ គ្មានប្រភពច្បាស់លាស់ គួរកុំចែករំលែកឲ្យតែបានៗអី អត្ថបទព័ត៌មានយើងគួរចែករំលែក គួរតែមានប្រភពជាក់លាក់ ជាព័ត៌មានណែនាំដោយអ្នកជំនាញ ដូចជាអង្គការសុខភាពពិភពលោក ហើយព័ត៌មានទាំងនោះ ត្រូវមានប្រយោជន៍ជួយមនុស្សម្នាក់ឈប់ភ័យខ្លាចតទៅទៀត។

២- បង្កើនចំណេះដឹងសម្រាប់ខ្លួនឯង

ដើម្បីធានាថា ចំណុចដំបូងយើងអាចធ្វើបានល្អនោះ ត្រូវប្រាកដថា គ្នាយើងចេះប្រើប្រាស់ពេលវេលាអំឡុងពេលនៅផ្ទះនេះ ប្រមែលប្រមូលទិន្នន័យ និងអ្វីដែលជាប់ពាក់ព័ន្ធនឹងការអប់រំ ពិសេសរឿងសិទ្ធមនុស្សដែលគ្នាយើងគួររៀនស្វែងយល់ឲ្យបានច្បាស់។ ជាក់ស្តែងអ្វីយើងគួរបណ្តុះចំណេះដឹងខ្លួនជាមួយបញ្ហាសិទ្ធមនុស្សមានដូចជា៖

– ចូលរួមវគ្គសិក្សាតាមអ៊ីនធើណេតស្តីពីគោលគំនិតសំខាន់ៗនៃសិទ្ធមនុស្ស។
– ស្វែងយល់ពីវិធីសាស្ត្រការពារខ្លួនយើង និងផ្សព្វផ្សាយពីសុវត្ថិភាពឌីជីថល។
– បើអាច ចូលរួមវគ្គអនឡាញ និងជួបជាមួយសកម្មជនសិទ្ធមនុស្ស ក្នុងវគ្គសិក្សាស្តីពីសេរីភាពនៃការបញ្ចេញមតិ។
– ស្វែងយល់ពីសិទ្ធការពារខ្លួន។

៣- រឿងធ្វើខ្លួនជាគ្រូល្អម្នាក់ សម្រាប់អ្នកដទៃ

នៅពេលគ្នាយើងអាចអប់រំខ្លួនឯង យល់ច្បាស់ពីបញ្ហាសិទ្ធមនុស្សហើយនោះ ជំហានបន្ទាប់ គឺត្រូវតែដឹងថា គួរធ្វើបែបណាដើម្បីណែនាំដល់អ្នកដទៃ ហើយចំណុចសំខាន់ដើម្បីឲ្យអ្នកដទៃជឿជាក់លើខ្លួនយើង គឺត្រូវបង្រៀនខ្លួនយើងឲ្យដឹងច្បាស់ពីវិធីកំណត់អ្វីជាព័ត៌មានបោកប្រាស់ អ្វីជាការឆ្លើយតបប្រកបដោយសន្តិវិធី។

៤- ជួយអ្នកដទៃតាមរយៈបច្ចេកវិទ្យា និងបណ្តាញសង្គម

បើគ្នាយើងប៉ិនប្រសព្វជាមួយការប្រើប្រាស់បច្ចេកវិទ្យា និងបណ្តាញសង្គម គឺយើងជាមនុស្សមានតម្លៃ អាចជួយគ្នាយើងផ្សេងទៀត ដែលមិនសូវយល់ពីបច្ចេកវិទ្យា ឬបណ្តាញសង្គមនាពេលបច្ចុប្បន្ន។ យើងអាចណែនាំអ្នកទាំងនោះ ប្រើប្រាស់កម្មវិធីផ្ញើសារ និងបណ្តាញសង្គមឲ្យបានត្រឹមត្រូវ ទូរសព្ទទៅពួកគេ ប្រាប់ពីរបៀបប្រើប្រាស់នៅពេលណាមួយត្រូវការជំនួយបន្ទាន់ ក៏ដូចជាវិធីស្វែងរកប្រភពច្បាស់លាស់ និងកម្មវិធីអនឡាញល្អៗមានប្រយោជន៍ជាដើម។ ជួយអ្នកដទៃរកឃើញសហគមន៍របស់ខ្លួន និងមិត្តភ័ក្តិផ្សេងទៀតលើអនឡាញ ដែលយើងអាចធ្វើទំនាក់ទំនងជាមួយបាន។

៥- បង្ហាញពីសាមគ្គីភាព ការយកចិត្តទុកដាក់ និងការស្ម័គ្រចិត្ត

ក្នុងកាលៈទេសៈនេះ មានវិធីច្រើនណាស់ដែលគ្នាយើងអាចជួយមនុស្សវិញខ្លួនបាន ដោយមិនចាំបាច់ជួបគ្នាផ្ទាល់ ដូចជា៖

– ធ្វើអ្វីទៅតាមការណែនាំពីអ្នកជំនាញសុខាភិបាល និងការណែនាពីវិធានការរក្សាគម្លាតសង្គម ព្រោះវិធីនេះជួយការពារក្រុមមនុស្សងាយរងគ្រោះបំផុតក្នុងសហគមន៍យើងរស់នៅ ក៏ដូចជាបន្ធូរបន្ថយបន្ទុកលើក្រុមគ្រូពេទ្យទៀតផង។
– ជួយផ្តល់ការគាំទ្រផ្នែកសតិអារម្មណ៍ ទៅកាន់អ្នកដទៃតាមរយៈទូរសព្ទ ឬសារ ពិសេសក្រុមមនុស្សយើងគិតថា កំពុងស្ថិតក្នុងភាពឯកោតែម្តង។
– ចូលរួមបញ្ឈប់ការចែករំលែកព័ត៌មានបោកប្រាស់ ដោយចែករំលែកតែព័ត៌មានចេញពីប្រភពត្រឹមត្រូវ និងការអះអាងពីអ្នកជំនាញ។
– ចែករំលែកព័ត៌មានល្អៗ ពិសេសពាក់ព័ន្ធអ្វីយើងត្រូវការប្រើប្រាស់ជាចាំបាច់អំឡុងពេលនេះ ទៅកាន់គ្នាយើងឲ្យបានដឹង ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ៤ វិធី ដើម្បីជម្នះភាពភ័យខ្លាច ដែលយើងច្រើនតែមើលរំលង

ចុចអាន៖ ៧ចំណុច ជឿថាលែងស្ត្រេសពេលសម្ងំនៅផ្ទះ អំឡុងកូវីដកំពុងរាតត្បាត

The post ៥ចំណុចគួរធ្វើពេលសម្ងំតែក្នុងផ្ទះ អំឡុងកូវីដកំពុងរាតត្បាត appeared first on Kampuchea Thmey Daily.

នៅផ្ទះយូរ កូនៗកើតរោគធុញទ្រាន់ ម៉ាក់ប៉ាអាចបង្កើតភាពរីករាយពីសកម្មភាពទាំងនេះ

Sonya — Fri, 26 Mar 2021 08:28:49 +0000

ស្ថានភាពពេលនេះ តម្រូវឱ្យគ្រប់គ្នានៅផ្ទះតាមដែលអាចធ្វើទៅបាន ដើម្បីចូលរួមកាត់បន្ថយការចម្លងនៃវីរុសកូវីដ-១៩ទៅកាន់សហគមន៍កាន់តែច្រើន។

ទន្ទឹមនឹងនេះ សាលារៀនត្រូវបានបិទទទ្វារជាបណ្ដោះអាសន្ន រីឯក្មេងៗក៏ត្រូវនៅផ្ទះជាមួយប៉ាម៉ាក់ឬសាច់ញាតិ ដែលនាំឱ្យពួកគេកើតរោគធុញទ្រាន់ ព្រោះមិនបានចេញក្រៅដូចមុន។

យ៉ាងណាក្ដី កុំឱ្យកូនៗស្មុគ ម៉ាក់ប៉ាអាចបង្កើតភាពរីករាយជាមួយសកម្មភាពនៅផ្ទះមួយចំនួនដូចខាងក្រោម៖

១. រៀនចម្អិនអាហារជាមួយគ្នា

ចម្អិនអាហារ ឬធ្វើបង្អែមដែលគ្រួសារចូលចិត្តញ៉ាំជាមួយគ្នា ឬបង្រៀនពួកគេឱ្យចេះធ្វើម្ហូបងាយៗ ក៏កាន់តែល្អ។ រៀនបណ្ដើរ ឆ្លៀតណែនាំពួកគេឱ្យដឹងពីសារធាតុចិញ្ចឹមពីបន្លែ ផ្លែឈើទាំងនោះបណ្ដើរ ដើម្បីជួយបង្កើតទម្លាប់ឱ្យកូនៗញ៉ាំអាហារដែលមានសុខភាពល្អ។

២. នាំកូនធ្វើលំហាត់ប្រាណ

ហាត់ប្រាណងាយៗដែលក្មេងធ្វើបានឬធ្វើតាម នៅក្នុងឬជុំវិញផ្ទះ ជួយបញ្ចេញញើសហើយ ថែមទាំងបង្កើនភាពសប្បាយរីករាយជាមួយគ្នាបានទៀតផង។ បើមិនអ៊ីចឹងទេ! ប៉ាម៉ាក់អាចនាំកូនរៀនរាំចម្រៀងកាយវិការ ឬចង្វាក់ប្រពៃណីខ្មែរ ដើម្បីឱ្យពួកគេស្រស់ស្រាយ ក៏ដូចជាបង្កើនចំណេះដឹងបានថែមទៀត។

៣. បង្កើតសួនដាំដំណាំ

ចាប់ផ្ដើមបង្កើតសួនដំណាំនៅផ្ទះក្នុងពេលនេះ ពិតជាល្អបំផុត។ មិនចាំបាច់ទាល់តែសួនផ្លែឈើអីទេ ត្រឹមតែដាំជីរក្នុងផើងតូចៗ ដាំផ្កា ឬបន្លែខ្លះៗក៏ពិសេសបាត់ទៅហើយ។ ពេលក្មេងបានដាំ ហើយបានថែទាំវារាល់ថ្ងៃ លុះពួកគេបានឃើញសមិទ្ធិផលរបស់ខ្លួន ពួកគេមុខតែញញឹមសប្បាយចិត្តមិនខាន។

៤. នាំកូនអានសៀវភៅ ឬមើលរឿងអប់រំ

អានសៀវភៅជាសកម្មភាពមានប្រយោជន៍ទាំងខួរក្បាល និងអារម្មណ៍។ ក្មេងៗទទួលបានចំណេះដឹងច្រើន ក្រោយពីពួកគេអាន តែច្បាស់ជាមានកូនខ្លះមិនចូលចិត្តអាននោះទេ។ យ៉ាងណា ប៉ាម៉ាក់នៅតែមានវិធី ព្រោះរឿងអប់រំជាវីដេអូក៏មានច្រើន អ៊ីចឹង! អាចនាំពួកគេ មើលវីដេអូក៏បាន។ ចៀសវាងនាំកូនមើលរឿងវ៉ៃតប់ កាប់ចាក់ រឿងស្នេហា ឬរឿងខ្មោច។ល។ ជាងនេះទៅទៀត ប៉ាម៉ាក់គួរតែនាំកូនគូររូប ផាត់រូប ឬលេងល្បែងល្បងប្រាជ្ជាជាមួយពួកគេផងដែរ ដើម្បីបង្វឹកភាពឆ្លាតវៃរបស់ពួកគេ៕

ប្រែសម្រួល៖ សន្យា

ចុចអាន៖ ចំណុចសំខាន់ៗមួយចំនួន ការពារក្រុមគ្រួសារគេចផុតកូវីដ

ចុចអាន៖ ហេតុអ្វីក្មេងខ្លះរឹងមាំ ក្មេងខ្លះភ័យខ្លាចបាក់ស្បាតអៀនអន់ខុសរបៀប?

The post នៅផ្ទះយូរ កូនៗកើតរោគធុញទ្រាន់ ម៉ាក់ប៉ាអាចបង្កើតភាពរីករាយពីសកម្មភាពទាំងនេះ appeared first on Kampuchea Thmey Daily.

ក្រៅពីវិធានការ ៣ការពារ ៣កុំ ទាំងនេះជាវិធីប្រឆាំងការចម្លងពីវីរុសកូវីដ កំលុងនៅផ្ទះ

Sonya — Wed, 24 Mar 2021 09:26:02 +0000

កំលុងស្នាក់នៅផ្ទះ ក្រៅពីគោរពតាមការណែនាំពីក្រសួងសុខាភិបាល ដោយរក្សាអនាម័យ និងអនុវត្តវិធានការសុខភាព ៣ ការពារ ៣ កុំ អ្នកក៏ត្រូវមើលថែខ្លួនឯងដែរដើម្បីចៀសបាននូវការចម្លងរោគ។

ខាងក្រោមជាគោលការណ៍សុខភាពទាំង ៧ ដែលអាចជួយពង្រឹងភាពស៊ាំ ដើម្បីប្រឆាំងនឹងកូវីដអំឡុងនៅផ្ទះ៖

១. របបអាហារ

អាហាររពិតជាសំខាន់សម្រាប់ទ្រទ្រង់រាងកាយនិងការពាខ្លួនប្រាណឱ្យរឹងមាំ ចៀសបាននូវការវាយលុកពីជំងឺនានា។ សូមជ្រើសរើសអាហារបរិភោគឱ្យបានគ្រប់ជីជាតិរួមមាន បន្លែ ត្រីសាច់ ស៊ុត និងផ្លែឈើ។ល។

កាលណាសុខភាពមាំហើយ ទោះជំងឺចង់ក្បែរ ក៏ពិបាករុកគួនដែរ។

២. ហាត់ប្រាណ

មិនថា ស្ថិតក្នុងកាលៈទេសៈណា ការហាត់ប្រាណនៅតែជាសកម្មភាពសំខាន់ មិនអាចអាក់ខាន ដើម្បីប្រព័ន្ធភាពស៊ាំរឹងមាំ និងយកឈ្នះការយាយីពីជំងឺ។ ហាត់ប្រាណគ្រប់ទម្រង់ទាំងការដើរយឺតៗ រត់ ហាត់យូហ្កា និងវិធីផ្សេងទៀត សុទ្ធតែមានប្រយោជន៍ទាំងអស់។ អ៊ីចឹង! កុំខ្ជិល ចាប់ផ្ដើមពីពេលនេះទៅ ដើម្បីពង្រឹងសុខភាពខ្លួនឯង។

៣. ទឹក

ទឹកជាប្រភពនៃជីវិត និងសុខភាពល្អ។ ផឹកទឹកគ្រប់គ្រាន់ចាប់ពីពេល ២ លីត្រឡើងទៅ មិនត្រឹមតែអាចការពារខ្លួនប៉ុណ្ណោះទេ តែអាចព្យាបាលជំងឺមួយចំនួនថែមទៀត។ ជាពិសេសទឹកមួយកែវពេលព្រលឹមឡើង ហើយបើសិនជាបានផឹកទឹកក្ដៅឧណ្ហៗទៀត វាកាន់តែច្រើនដល់សុខភាពរាងកាយ។

៤. ពន្លឺព្រះអាទិត្យនិងខ្យល់

ពន្លឺព្រះអាទិត្យជាឱសថធម្មជាតិ ជំនួយរាងកាយ បន្ថែមវីតាមីន D និងសម្លាប់មេរោគ។ រីឯខ្យល់អាកាសបរិសុទ្ធ នាំឱ្យដកដង្ហើមបានស្រួល សួតមានសុខភាពល្អ ព្រមទាំងលូតលាស់នូវកោសិកាថ្មី។ ដូច្នេះ កុំភ្លេចស្រូបយកពន្លឺឱ្យបានរាល់ព្រឹក និងបើកទ្វារបង្អួចផ្ទះឱ្យមានពន្លឺនិងខ្យល់ចេញចូលគ្រប់គ្រាន់ ដើម្បីកម្ចាត់មេរោគឬបាក់តេរី។

៥. សម្រាក

គេងបានគ្រប់គ្រាន់ ជួយផ្ដល់នូវថាមពលដែលបាត់បង់ត្រឡប់មកវិញ ក៏ដូចជាការពារជំងឺដូចគ្នាដែរ។ ការសិក្សាថ្មីៗនេះ ក៏បានលើកឡើងដែរថា សម្រាកមិនគ្រប់ នាំឱ្យវីរុសងាយនឹងចម្លងបំផុត។ សម្រាកមិនសំដៅតែលើការគេងនោះទេ តែជាការបន្ធូរដៃពីការងារខ្លះ កុំប្រឹងដល់ថ្នាក់ គ្មានពេលផឹកទឹក ច្បាស់ណាស់ថា អ្នកនឹងជាឈឺមិនខានទេ។

៦. ចេះប្រមាណ

ចេះកំណត់ការងារប្រចាំ មិនបន្ថែមសម្អាធដល់ខួរក្បាល មិនបរិភោគអាហារបង្ខូចសុខភាព ចេះផឹកភេសជ្ជៈល្អៗដោយចៀសវាង ភេសជ្ជៈមានអាល់កុល កាហ្វេអ៊ីន ជាតិហ្កាស ជាការចេះប្រមាណ គិតគូរដល់សុខភាពខ្លួនឯង។

៧. សមាធិ

ការធ្វើសមាធិអាចជួយឲ្យប្រព័ន្ធភាពស៊ាំដំណើរការបានយ៉ាងល្អ ដោយអាចជួយឲ្យរាងកាយឆ្លើយតបនឹងស្ថានភាពតានតឹងបានប្រសើរឡើង។ ដើម្បីចាប់ផ្តើមសមាធិ គ្រាន់តែយើងផ្ដោតអារម្មណ៍ទៅលើដង្ហើមរបស់អ្នក ហើយការអង្គុយត្រង់ខ្នងក៏អាចជួយបាន។ ប្រសិនជាមានអារម្មណ៍មិនមូល ចេះតែមានគំនិតផ្សេងមករំខាន អ្នកអាចត្រលប់ទៅផ្ដោតលើដង្ហើមរបស់យើងជាថ្មីវិញ។ ត្រូវអនុវត្តយ៉ាងតិច ១០នាទីក្នុងមួយថ្ងៃរយៈពេល៨ទៅ១០សប្ដាហ៍ដើម្បីទទួលបានអត្ថប្រយោជន៍ទាំងផ្លូវចិត្តនិងរាងកាយ៕

ប្រែសម្រួល៖ សន្យា

ចុចអាន៖ អំឡុងពេលកូវីដ មិនគួរញ៉ាំអាហារអស់នេះ ប្រយ័ត្នប្រព័ន្ធភាពស៊ាំចុះខ្សោយ

ចុចអាន៖ ៧ចំណុច ជឿថាលែងស្ត្រេសពេលសម្ងំនៅផ្ទះ អំឡុងកូវីដកំពុងរាតត្បាត

The post ក្រៅពីវិធានការ ៣ការពារ ៣កុំ ទាំងនេះជាវិធីប្រឆាំងការចម្លងពីវីរុសកូវីដ កំលុងនៅផ្ទះ appeared first on Kampuchea Thmey Daily.

ខណៈគ្រប់គ្នាស្នាក់នៅផ្ទះ ក្រុមមនុស្សទាំងនេះកំពុងធ្វើការងារប្រឈមហានិភ័យខ្លាំងជាមួយកូវីដ

សាង ស្រីល័ក្ខ — Wed, 24 Mar 2021 07:07:35 +0000

កំឡុងពេលគ្រប់គ្នាស្នាក់នៅផ្ទះឃុំខ្លួន១៤ថ្ងៃ ឬស្នាក់នៅតាមការណែនាំរបស់ក្រសួងសុខាភិបាល យើងមិនដឹងទេថា អ្នកដែលឈរជើងជួរមុខណាខ្លះកំពុងតែហត់នឿយធ្វើការមិនគិតយប់ថ្ងៃ ដើម្បីការពារសុវត្ថិភាពប្រជាពលរដ្ឋនិងកាត់បន្ថយហានិភ័យនៃជំងឺកូវីដ ដែលកំពុងតែឆ្លងរាលដាលក្នុងសហគមន៍កាន់តែច្រើនឡើងៗ។

១ មន្រ្តីក្រសួងសុខាភិបាល

មិនត្រឹមតែជាអ្នកផ្ដល់ព័ត៌មានពីជំងឺរាតត្បាតនោះទេ តែក៏ជាក្រុមអ្នកជួយទប់ស្កាត់ព័ត៌មានក្លែងក្លាយទាំងថ្នាក់កណ្ដាលរាជធានីខេត្តមួយចំនួន។ ជាពិសេសរៀបចំការការពារពីជំងឺ ត្រួតពិនិត្យចំណីអាហារនិងថែទាំសុខភាពប្រជាពលរដ្ឋក្នុងកំលុងកូវីដ។

២ ក្រុមគ្រូពេទ្យនិងគិលានុដ្ធាយិកា

ជាក្រុមដែលមានឱកាសនៃការឆ្លងច្រើនជាងគេបង្អស់ ដោយត្រូវឆ្លងកាត់ការថែទាំនិងប៉ះពាល់ផ្ទាល់ឬប្រយោលជាមួយអ្នកជំងឺកូវីដសឹងទាំងអស់។ ក្រុមគ្រូពេទ្យផ្សេងទៀតក៏មិនអាចទៅផ្ទះជួបជុំគ្រួសារបាន ដោយសារខ្លាចខ្លួនឯងចម្លងទៅកាន់អ្នកផ្ទះ។

៣ កងរាជអាវុធហត្ថលើផ្ទៃប្រទេស

បំពេញបេសកកម្ម ពុះពារ សស្រាក់សស្រាំ ជួយសង្គ្រោះប្រជាពលរដ្ឋរងគ្រោះ និងបំពេញនូវកិច្ចការពារសុវត្ថិភាព សន្តិសុខ សណ្ដាប់ធ្នាប់សាធារណៈ និងរួមចំណែកសម្រួលចរាចរណ៍ ឲ្យបានល្អប្រសើរ ដើម្បីបង្កលក្ខណៈងាយស្រួលជូនដល់ប្រជាពលរដ្ឋ ក៏ដូចជាការពារសុវត្ថិភាពជូនថ្នាក់ដឹកនាំជាតិ អន្តរជាតិក្នុងអំឡុងពេលជំងឺរាតត្បាត។

៤ ប៉ូលិសចរាចរណ៍

គ្រប់គ្នាស្នាក់នៅផ្ទះមានសុវត្ថិភាព តែក្រុមប៉ូលិសចរាចរណ៍ត្រូវតែបំពេញតួនាទីខ្លួន ជួយសម្រួល សន្តិសុខ សណ្ដាប់ធ្នាប់ដល់មន្ត្រីសុខាភិបាលដែលចុះយកសំណាកពីប្រជាពលរដ្ឋតាមតំបន់។

៥ កងទ័ពព្រំដែន

ពលករចំណាកស្រុកកាន់តែចូលមកច្រើនឡើងៗ ក្រុមកងទ័ពព្រំដែនមិនអាចឈរស្ងៀមបានទេ។ ពួកគាត់មានតួនាទីបញ្ជូនអ្នកចំណាកស្រុកទៅធ្វើចត្តាឡីស័ក ទាំងអ្នកលួចឆ្លងដែនចូលប្រទេសឬចេញដោយមិនបានត្រួតពិនិត្យសុខភាពគ្រប់ជ្រុងជ្រោយ។

៦ អ្នកដឹកជញ្ជូនម្ហូប

ពួកគាត់មិនអាចឈប់សម្រាកបានទេ ព្រោះនេះជាតួនាទីការងារ។ ពេលខ្លះអ្នកដឹកជញ្ជូនម្ហូប ត្រូវចែកចាយអាហារទៅកាន់អ្នកកំពុងធ្វើចត្តាឡីស័ក ឬកំពុងស្នាក់នៅព្យាបាលជំងឺតាមទីតាំងផ្សេងគ្នា។

៧ អ្នកប្រមូលសំរាម

ជាអ្នកមានហានិភ័យខ្ពស់ដូចក្រុមគ្រូពេទ្យដែរ ពួកគាត់ត្រូវចាប់កាន់សំរាមផ្ទាល់ដោយដៃ។ ជាពិសេសបើសិនសំរាមនោះមានសំណល់សល់ពីអ្នកជំងឺកូវីដ។

៨ អ្នកលក់ទំនិញតាមផ្សារ

មិនខុសពីអ្នកដឹកជញ្ជូននោះទេ ពួកគេក៏ជាក្រុមប្រឈមនឹងហានិភ័យជួបមនុស្សច្រើនដែរ។ នេះជាការកិច្ចរបស់ពួកគេ ក្នុងការលក់ដូរទំនិញជូនភ្ញៀវដែលអាក់ខានមិនបាន។

៩ សន្តិសុខភូមិឬប្រជាការពារភូមិ

ពួកគាត់មានតួនាទីជួយសម្រួលការងារក្រុមគ្រូពេទ្យ ក៏ដូចជារៀបចំសណ្ដាប់ធ្នាប់ឃុំភូមិឬតាមតំបន់ផ្សារ និងជួយសម្រួល ពន្លឿនដល់មនុស្សដែលមានវ័យចំណាស់នៅពេលទៅចាក់វ៉ាក់សាំង៕

អត្ថបទ៖ សាង ស្រីល័ក្ខ

ចុចអាន៖យុទ្ធនាការប្រយុទ្ធប្រឆាំងការរីករាលដាលជំងឺកូវីដ១៩ គឺជាកាតព្វកិច្ចរបស់យើងទាំងអស់គ្នាត្រូវអនុវត្តន៍ដាច់ខាត

ចុចអាន៖គ្រូពេទ្យម្នាក់បកស្រាយថា ក្រុមឈាម O មិនអាចការពារកូវីដបាននោះទេ

The post ខណៈគ្រប់គ្នាស្នាក់នៅផ្ទះ ក្រុមមនុស្សទាំងនេះកំពុងធ្វើការងារប្រឈមហានិភ័យខ្លាំងជាមួយកូវីដ appeared first on Kampuchea Thmey Daily.

ស្នាក់នៅផ្ទះ Archives - Kampuchea Thmey Daily

៥ យ៉ាង ជួយបំបាត់អារម្មណ៍ឯកាពេលយើងនៅផ្ទះម្នាក់ឯងយូរពេក

១. បង្កើត​សំឡេង​ក្នុង​ផ្ទះ

២. រក្សា​ទំនាក់​ទំនង

៣. ចេញ​ក្រៅ​ផ្ទះ

៤. ចិញ្ចឹម​សត្វ

៥. ធ្វើ​អ្វី​ដែល​យើង​ស្រលាញ់

តិចនិកមួយចំនួនជួយកាត់បន្ថយស្ត្រេស អំឡុងពេលបិទខ្ទប់

១. ហាត់ប្រាណ និង​ញ៉ាំ​អាហារ​ល្អ​ចំពោះ​សុខភាព​​

២. រក្សា​ទំនាក់​ទំនង

៣. បង្កើត​ភាព​រីក​រាយ​ក្នុង​គ្រួសារ

៤. កុំ​អាន​ព័ត៌មាន​កូវីដ-១៩ ច្រើនពេក

នៅក្នុងផ្ទះយូរពេកអាចប្រឈមបញ្ហាផ្លូវចិត្ត សាកវិធីនេះអាចជួយដោះស្រាយបាន

១. រក្សា​ទំនាក់ទំនង

២. ទម្លាយ​អំពី​ការ​បារម្ភ​របស់យើង​

៣. ថែ​រក្សា​សុខភាព

៤. បន្ថយ​ការ​អាន​ព័ត៌មាន

៥. ធ្វើ​សកម្មភាព​ដែលយើង​ចូលចិត្ត

៦. គិត​ពី​ទម្លាប់​ប្រចាំថ្ងៃ​ថ្មី

៧. គេង​ឲ្យ​បាន​គ្រប់គ្រាន់​

៨.ស្វែងយល់​ពី​សិទ្ធ​ការងារ និង​អត្ថប្រយោជន៍

តិចនិកថែទាំអ្នកសង្ស័យ និងព្យាបាលកូវីដ-១៩ នៅផ្ទះ ចៀសវាងឆ្លងសមាជិកគ្រួសារ

តិចនិក​ថែទាំ និង​ការពារ​ខ្លួន​សម្រាប់​សមាជិក​គ្រួសារ អ្នក​ថែទាំ​អ្នក​ជំងឺ និង​អ្នក​ជំងឺ

អ្នក​ថែទាំ​អ្នក​ជំងឺ

អ្នក​ជំងឺ

សមាជិក​គ្រួសារ​ទាំង​អស់

៥ចំណុចគួរធ្វើពេលសម្ងំតែក្នុង​ផ្ទះ អំឡុងកូវីដកំពុងរាតត្បាត

១- ចែក​រំលែក​រឿង​ល្អៗ និង​ក្តី​សង្ឃឹម​ទៅ​កាន់​មិត្ត​ភក្តិ និង​អ្នក​ដទៃ

២- បង្កើន​ចំណេះ​ដឹង​សម្រាប់​ខ្លួន​ឯង

៣- រឿង​ធ្វើ​ខ្លួន​ជា​គ្រូ​ល្អ​ម្នាក់ សម្រាប់​អ្នក​ដទៃ

៤- ជួយ​អ្នក​ដទៃ​តាម​រយៈ​បច្ចេកវិទ្យា និង​បណ្តាញ​សង្គម

៥- បង្ហាញ​​ពី​សាមគ្គី​ភាព ការ​យក​ចិត្ត​ទុក​ដាក់ និង​ការ​ស្ម័គ្រ​ចិត្ត

នៅផ្ទះយូរ កូនៗកើតរោគធុញទ្រាន់ ម៉ាក់ប៉ាអាចបង្កើតភាពរីករាយពីសកម្មភាពទាំងនេះ

ក្រៅពីវិធានការ ៣ការពារ ៣កុំ ទាំងនេះជាវិធីប្រឆាំងការចម្លងពីវីរុសកូវីដ កំលុងនៅផ្ទះ

១. បង្កើតសំឡេងក្នុងផ្ទះ

២. រក្សាទំនាក់ទំនង

៣. ចេញក្រៅផ្ទះ

៤. ចិញ្ចឹមសត្វ

៥. ធ្វើអ្វីដែលយើងស្រលាញ់

១. ហាត់ប្រាណ និងញ៉ាំអាហារល្អចំពោះសុខភាព

២. រក្សាទំនាក់ទំនង

៣. បង្កើតភាពរីករាយក្នុងគ្រួសារ

៤. កុំអានព័ត៌មានកូវីដ-១៩ ច្រើនពេក

១. រក្សាទំនាក់ទំនង

២. ទម្លាយអំពីការបារម្ភរបស់យើង

៣. ថែរក្សាសុខភាព

៤. បន្ថយការអានព័ត៌មាន

៥. ធ្វើសកម្មភាពដែលយើងចូលចិត្ត

៦. គិតពីទម្លាប់ប្រចាំថ្ងៃថ្មី

៧. គេងឲ្យបានគ្រប់គ្រាន់

៨.ស្វែងយល់ពីសិទ្ធការងារ និងអត្ថប្រយោជន៍

តិចនិកថែទាំ និងការពារខ្លួនសម្រាប់សមាជិកគ្រួសារ អ្នកថែទាំអ្នកជំងឺ និងអ្នកជំងឺ

អ្នកថែទាំអ្នកជំងឺ

អ្នកជំងឺ

សមាជិកគ្រួសារទាំងអស់

៥ចំណុចគួរធ្វើពេលសម្ងំតែក្នុងផ្ទះ អំឡុងកូវីដកំពុងរាតត្បាត

១- ចែករំលែករឿងល្អៗ និងក្តីសង្ឃឹមទៅកាន់មិត្តភក្តិ និងអ្នកដទៃ

២- បង្កើនចំណេះដឹងសម្រាប់ខ្លួនឯង

៣- រឿងធ្វើខ្លួនជាគ្រូល្អម្នាក់ សម្រាប់អ្នកដទៃ

៤- ជួយអ្នកដទៃតាមរយៈបច្ចេកវិទ្យា និងបណ្តាញសង្គម

៥- បង្ហាញពីសាមគ្គីភាព ការយកចិត្តទុកដាក់ និងការស្ម័គ្រចិត្ត