រឿងអីមិនញាក់ បើ GAMBOL ដែលជាម៉ាកសញ្ញាស្បែកជើងឈានមុខគេ មិនត្រឹមតែពូកែខាងផ្នែករចនា ថែមទាំងមានគុណភាពខ្ពស់ទៀតនោះ បានជ្រើសរើសយក សិល្បករល្បីឈ្មោះ ចំនួន ៤ រូបរបស់ក្រុម ភ្លើងគប់ មកធ្វើជាទូតសុឆន្ទៈរបស់ខ្លួន សម្រាប់ឆ្នាំ២០២២។

ភ្លើងគប់ បានប្រាប់ឲ្យដឹងថា សិល្បករល្បីឈ្មោះ ចំនួន ៤ រូបនោះ រួមមាន កេសរ, PEACE CHONG, ឈុន ពិសិដ្ឋ ​និង Rainnie Dara។

ភ្លើងគប់ បានបន្តទៀតថា៖ “នេះជាព្រឹត្តិការណ៍ដ៏សំខាន់សម្រាប់សិល្បកររបស់ ភ្លើងគប់ ក្នុងអាជីពរបស់ពួកគេ ហើយក៏ជាឱកាសក្នុងការពង្រឹងបន្ថែមទៀតក្នុងការងារសិល្បៈសម្រាប់ពួកគេផងដែរ” ។

ភ្លើងគប់ បានអះអាងថា ការរចនាដ៏រីករាយ និងភាពរឹងមាំនៃស្បែកជើងម៉ាក ​GAMBOL នឹងកាន់តែធ្វើឲ្យមានភាពលេចធ្លោខ្លាំងឡើងបន្ថែមទៀត សម្រាប់ទូតសុឆន្ទៈទាំង ៤​ រូបនោះ។

តោះ មកស្គាល់ ទូតសុឆន្ទះ ទាំង ៤ រូប របស់ ស្បែកជើងម៉ាក “GAMBOL”

១. Rainnie Dara

Rainnie Dara គឺជាបុគ្គលសាធារណៈដែលមានឈ្មោះល្បីល្បាញទូទាំងប្រទេស ដោយសារភាពល្បីល្បាញនៅលើបណ្តាញសង្គម។ គាត់គឺជាមនុស្សម្នាក់ក្នុងចំណោមអ្នកមានឥទ្ធិពលលើរបៀបរស់នៅ និងម៉ូដសម្លៀកបំពាក់ លើកលែងតែសិល្បៈ។ ភាពលេចធ្លោរបស់ Rainnie Dara គឺដោយសារតែទេពកោសល្យដ៏អស្ចារ្យ, រូបសម្រស់ដ៏ស្រស់សង្ហារ និងទឹកមុខដ៏មានមន្តស្នេហ៍ គួបផ្សំផងដែរជាមួយ បុគ្គលិក​លក្ខណៈ ដែលធ្វើឲ្យនណាៗ ក៏​ស្រឡាញ់​ចូលចិត្តនិង​គាំទ្រ។

Rainnie Dara បានផ្ញើសារទៅកាន់អ្នកគាំទ្ររបស់ខ្លួនថា៖ “ការឆ្ពោះទៅមុខជាខ្លួនឯងដោយមិនប៉ះពាល់អ្នកដទៃ អ្នកនឹងឈានមកដល់ចំណុចនេះដូចជាខ្ញុំ ខ្ញុំស្រលាញ់និងរត់តាមក្ដីស្រមៃ ធ្វើជាខ្លួនឯង អ្នកនឹងដល់ចំណុចនេះដូចជាខ្ញុំ។ ខ្ញុំមានមោទនភាពសម្រាប់ខ្លួនឯង ដែលបានក្លាយជាទូតសុឆន្ទៈរបស់ GAMBOL Cambodia ដែលខ្ញុំធ្វើជាខ្លួនខ្ញុំ មកដល់ថ្ងៃនេះ នេះ គឺជាចំណុចខ្លាំងនិងជោគជ័យរបស់ខ្ញុំ។”

២. កេសរ

ការខិតខំរបស់ កេសរ បានប្រែក្លាយនាង ឲ្យក្លាយទៅជាជា​សិល្បករ​ឆ្នើម​មួយ​រូប​ក្នុង​ចំណោម​សិល្បករ​ល្បី​ឈ្មោះ​នៅ​កម្ពុជា។ កេសរ ក៏ត្រូវបានស្គាល់ថាជាអតីតតារាចម្រៀងមួយរូប នៅក្នុងក្រុមតន្រ្តីដ៏ពេញនិយមមួយ ដែលមានឈ្មោះថា SmallWorld SmallBand។ ក្រៅពីការងារសិល្បៈ ​កេសរ ​ក៏បានចូលរួមនៅក្នុងការងារសង្គមយ៉ាងផុសផុលផងដែរ។ ការងារសង្គមដែលគួរឲ្យគត់សំគាល់របស់ កេសរ មានដូចជាការគាំទ្រឲ្យមានសមភាពនៃសិទ្ធិចំពោះសហគមន៍ LQBTQIA+, ការពង្រឹងសិទ្ធិស្ត្រី និងការយល់ដឹងអំពីសុខភាពផ្លូវចិត្ត ជាដើម។

កេសរ បានប្រាប់ថា “ការចេះស្រឡាញ់ខ្លួនឯង ឬក៏ self-love គឺជាអ្វីដែលមនុស្សគ្រប់គ្នា គួរតែយកចិត្តទុកដាក់ទាំងផ្លូវកាយនិងចិត្ត ហើយវាក៏រាប់បញ្ចូលនូវជម្រើសនៃការរស់នៅបែបសាមញ្ញ និង ងាយស្រួល។ ដូចគ្នាជាមួយនឹងស្បែកជើង GAMBOL ដែលផ្តល់នូវភាពស្រាល ងាយស្រួល និង ទាន់សម័យ។”

កេសរ បានបង្ហោះសារនៅក្នុងបណ្ដាញសង្គមរបស់ខ្លួនថា៖ “ក្នុងនាមខ្ញុំជាអ្នកគាំទ្រម៉ាកសញ្ញា GAMBOL Cambodia ម្នាក់ នេះគឺជាមោទនភាពមួយក្នុងការក្លាយខ្លួនជាទូតសុឆន្ទៈនៃម៉ាកសញ្ញាមួយនេះ។ ​ Let’s rock this journey with me and GAMBOL”។

៣. PEACE CHONG

PEACE CHONG ជា​សិល្បករ​មានទេពកោសល្យ​ពិសេស​មួយ​រូប​ខុសគេនៅ​កម្ពុជា។ សិល្បៈរបស់គាត់គឺជាអ្វីដែលមនុស្សគ្រប់គ្នា អាចយល់ស្របថាវាពិតជាមិន “ធម្មតា” និងមានភាពដ៏អស្ចារ្យបំផុតមួយរបស់គាត់។

ស្នាដៃតន្ត្រីរបស់ PEACE CHONG  និយាយពីប្រធានបទជាច្រើន ដែលមិនត្រូវបានអ្នកណាម្នាក់គិតដល់ និងពិបាកយកមកនិយាយតាមបែបធម្មតា។ បន្ថែមពីនេះទៅទៀត PEACE CHONG គឺជាសិល្បករដែលគាំទ្រអ្វីៗដែលសុចរិត ហើយជឿជាក់លើអំណាចនៃការរស់នៅសម្រាប់ខ្លួនអ្នក និងមិនមែនសម្រាប់អ្នកដទៃនោះទេ។

PEACE CHONG បង្ហោះក្នុងបណ្ដាញសង្គមរបស់ខ្លួនសម្ដែងពីភាពរំភើបក្នុងការដែលត្រូវបានជ្រើសរើសធ្វើជាទូតសុឆន្ទះរបស់ ស្បែកជើងម៉ាក “GAMBOL”  ​ថា៖ “Super excited for my Brand Ambassadorship for GAMBOL Cambodia along with my talented artist friends ”។

៤. ឈុន ពិសិដ្ឋ

ឈុន ពិសិដ្ឋ គឺជា​តារា​សម្ដែង​ដែល​ទទួល​បាន​ពាន​រង្វាន់​ពី​ស្នាដៃ​ថ្មី​ៗ​របស់​ខ្លួន​ក្នុង​រឿង “White Building” ឬ “ប៉ូឌិញ ស” និង​ជា​អ្នក​ច្រៀង​​មួយ​រូបក្នុង​ក្រុម​ចម្រៀង​ប្រុស​ដែលមានឈ្មោះថា D-Man។ ​មិនត្រឹមតែមានសំឡេងដ៏រន្តំ ​និង​ក្បាច់​រាំ​ដ៏​រស់​រវើកនោះទេ ពិសិដ្ឋ ក៏ជាបុរសដែលគួរឲ្យស្រលាញ់ម្នាក់នៅក្នុងវិស័យសិល្បៈផងដែរ តាមរយៈបុគ្គលិក​លក្ខណៈ​ដ៏​គួរ​ឱ្យ​ទាក់​ទាញក្នុង​អាជីព​សម្ដែង​ និង​អាជីព​ចម្រៀងរបស់​គាត់។ តែទោះជាយ៉ាងណា ពិសិដ្ឋ បានប្រាប់ថា៖ “ចាប់ផ្តើមពីការស្រលាញ់ ជាមួយនឹងភាពជឿជាក់ ដែលពេលខ្លះស្ទើរតែនឹងបោះបង់ តែមិននឹកស្មានថា ថ្ងៃមួយយើងអាចធ្វើវាបានសោះ។​ ផ្លូវជីវិតមួយនេះ មិនពឹងទៅលើសំណាង ឬព្រេងវាសនាអ្វីនោះទេ គឺពឹងទៅលើសមត្ថភាពនិងសកម្មភាពដែលជាសមិទ្ធផល យើងបានសន្សំមកតាំងពីថ្ងៃទីមួយមក។”

ក្រោយពីត្រូវបានជ្រើសរើសធ្វើជាទូតសុឆន្ទៈរបស់ ស្បែកជើងម៉ាក “GAMBOL” ពិសិដ្ឋ បានបង្ហោះសារថា៖ “ ខ្ញុំបាទពិសិដ្ឋ ពិតជាមានមោទនភាពមកកាន់ខ្លួនឯងដែលបានក្លាយជា ទូតសុឆន្ទៈ របស់ GAMBOL Cambodia ហើយខ្ញុំនឹងផ្តល់ភាពទន់ស្រាលស្រួលពាក់ទៅកាន់អ្នកទាំងអស់គ្នា។”

ទូតសុឆន្ទៈ របស់ស្បែកជើងម៉ាក “GAMBOL” ទាំង ៤ នាក់ សុទ្ធសឹងតែមានលក្ខណៈពិសេសៗ ផ្ទាល់ខ្លួន មិនខុសពី ស្បែកជើងម៉ាក “GAMBOL” នោះទេ គឺមានការរចនារស់រវើក, គុណភាពល្អ ប្រើប្រាស់បានយូរ, មានទម្ងន់ស្រាល, ពាក់ទៅមានផាសុកភាព ព្រោះផលិតដោយប្រើប្រាស់បច្ចេកវិទ្យា “G-Bold Technology” ហើយត្រូវបាននាំចេញទៅកាន់ប្រទេសជាង ៤០ នៅជុំវិញពិភពលោកទៀតផង។

ជ្រើសរើសស្បែកជើងម៉ាក “GAMBOL” ប្រើប្រាស់សម្រាប់ជីវិតប្រចាំថ្ងៃ គឺមិនខុសបំណងឡើយ!!

The post ញាក់!! សិល្បករមានឈ្មោះបោះសំឡេង ៤រូប របស់​ “ភ្លើងគប់” ត្រូវបានជ្រើសរើសធ្វើជាទូតសុឆន្ទៈ របស់ស្បែកជើងម៉ាក “GAMBOL” appeared first on Kampuchea Thmey Daily.