របាយការណ៍ដដែលបង្ហាញថា ​គិតចាប់ពីខែមករា ដល់ខែមីនា ២០២៥ ​ការនាំចេញសម្លៀក​បំពាក់មានទឹកប្រាក់ជាង ២,៤៣ ពាន់លានដុល្លារ ស្បែកជើង ៤៦១ លានដុល្លារ កើន ៣៣,៣%​។ ចំណែក​ឯផលិត​ផលធ្វើដំណើរ និងកាបូបសម្រេចបាន ៥១៦ លានដុល្លារ កើនឡើង ១៥%។

លោក ហ្វា សាលី ប្រធានសម្ព័ន្ធសហជីពជាតិ ប្រាប់កម្ពុជាថ្មីថា ការបញ្ជាទិញសម្លៀក​បំពាក់ពី​កម្ពុជា មានកំណើន ដោយសារតែប្រទេស​ជិតខាង​នៅ​ក្នុង​​តំបន់អាស៊ាន កំពុង​ប្រ​​ឈមបញ្ហាអសន្តិសុខ ដូចជាមីយ៉ាន់ម៉ា ស្រីលង្កា បង់ក្លា​ដេស ដែល​កំពុង​តែប្រឈម ក្នុង​វិបត្តិ​សេដ្ឋកិច្ច។

លោក ហ្វា សាលី អះអាងថា​ វិស័យកាត់ដេរ វាយនភណ្ឌនៅកម្ពុជា កាន់តែល្អប្រសើរដោយ​សារ​តែ​​មានការបញ្ជាទិញកាន់តែច្រើន នៅក្នុងឆ្នាំ ២០២៥ ខណៈស្ថានភាពការងារក្នុងវិស័យនេះ​​​កាន់​តែ​មាន​ភាពល្អប្រសើរនៅកម្ពុជា។

លោក ហ្វា សាលីយល់ឃើញថា៖ «មិនថាឆ្នាំនេះ ឬឆ្នាំខាងមុខ គឺយើងមានភាពល្អប្រសើរ មកដល់ពេលនេះ គឺមានការបញ្ជាទិញកាន់តែច្រើនពីក្រៅប្រទេស ហើយការបញ្ជាទិញនេះ គឺគោលដៅក្នុងឆ្នាំ ២០២៥ តែម្ដង ហើយបងប្អូនកម្មករមានការងារធ្វើច្រើន ទាំងរោង​ចក្រសិប្ប​កម្ម ឬរោងចក្រខ្នាតធំ មានការជ្រើសរើសកម្មកម្មចូលបម្រើការងារច្រើន»។

លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ មានប្រសាសន៍​កាលពីពេលថ្មីៗនេះថា នៅឆ្នាំ​២០២៥នេះ ផលប៉ះពាល់នៃការនាំចេញផលិតផលកាត់ដេរ​គឺមិនមាននោះទេ ដោយសារ​ការបញ្ជាទិញសម្រាប់វិស័យកាត់ដេរបានធ្វើឡើងមុនពេលដែលអាមេរិកដាក់ពន្ធលើកម្ពុជា។

​លោករដ្ឋមន្ត្រីបញ្ជាក់ថា ការដាក់ពន្ធនេះគឺមិនមែនដាក់តែលើកម្ពុជានោះទេ គឺដាក់គ្រប់ប្រទេស​ដែលនាំចេញសម្លៀកបំពាក់។

លោក ហេង សួរ ថ្លែងថា៖«ប្រសិនជាគេលុបចោលការបញ្ជាទិញ គេក៏ត្រូវបង់​ការពិន័យនៃ​ការ​លុបចោល ដែលចំណាយដើមទុនច្រើនជាងថ្លៃបង់ពន្ធ។ ចំណែកវិស័យស្បែកជើង ការបញ្ជាទិញ​គឺភាគ​ច្រើនគឺដាក់ ៣ឆ្នាំ ជាប់គ្នា។ ដូច្នេះការបញ្ជាទិញឆ្នាំនេះ គឺសម្រាប់ឆ្នាំ២០២៦ និង ២០២៧ផងដែរ»។

បើតាលោករដ្ឋមន្ត្រី នៅឆ្នាំ២០២៧ អាចមានការបញ្ហាប្រឈមខ្លះ ប្រសិនជាស្ថានភាពពន្ធ​នេះមាន​ការ​បន្ធូរបន្ថយចំពោះប្រទេសគេ ប៉ុន្តែមិនមានការបន្ធូរបន្ថយសម្រាប់កម្ពុជាយើង។

លោក ហេង សួរបន្ថែមថា ការនាំចេញរបស់យើងក្នុងរយៈពេល ៥ឆ្នាំ ជាប់ៗគ្នានេះ គឺទៅអឺរ៉ុប ច្រើនជាងអាមេរិក។ ដូច្នេះកម្ពុជាមានលទ្ធភាពពង្រីកទីផ្សារអឺរ៉ុបបន្ថែមទៀត។

យោងតាមក្រសួងពាណិជ្ជកម្ម នៅក្នុងឆ្នាំ ២០២៤ ការនាំចេញសម្លៀកបំពាក់ ស្បែកជើង និងផលិត​ផលធ្វើដំណើរ (GFT) របស់កម្ពុជា ទទួលបានចំណូល ១៣,៧៤ ពាន់លានដុល្លារ កើន​ឡើង ២៣,៧៨% ធៀបនឹងឆ្នាំ ២០២៣៕

អត្ថបទ៖ ឡេង ដេត

The post កម្ពុជារកចំណូលបានជាង $៣ ពាន់លាន ពីការនាំចេញផលិតផលកាត់ដេរ នៅត្រីមាសទី១ appeared first on Kampuchea Thmey Daily.

លោក ហ្វា សាលី អះអាងថា​ វិស័យកាត់ដេរ វាយនភណ្ឌនៅកម្ពុជា កាន់តែល្អប្រសើរដោយ​សារ​តែ​​មានការបញ្ជាទិញកាន់តែច្រើន នៅក្នុងឆ្នាំ ២០២៥ ខណៈស្ថានភាពការងារក្នុងវិស័យនេះ​​​កាន់​តែ​មាន​ភាពល្អប្រសើរនៅកម្ពុជា។

លោក ហ្វា សាលីយល់ឃើញថា៖ «មិនថាឆ្នាំនេះ ឬឆ្នាំខាងមុខ គឺយើងមានភាពល្អប្រសើរ មកដល់ពេលនេះ គឺមានការបញ្ជាទិញកាន់តែច្រើនពីក្រៅប្រទេស ហើយការបញ្ជាទិញនេះ គឺគោលដៅក្នុងឆ្នាំ ២០២៥ តែម្ដង ហើយបងប្អូនកម្មករមានការងារធ្វើច្រើន ទាំងរោងចក្រសិប្បកម្ម ឬរោងចក្រខ្នាតធំ មានការជ្រើសរើសកម្មកម្មចូលបម្រើការងារច្រើន»។

លោកបណ្ឌិត ហុង វណ្ណៈ អ្នកជំនាញ​សេដ្ឋកិច្ច​នៃ​រាជបណ្ឌិត្យសភាកម្ពុជាប្រាប់កម្ពុជាថ្មីថា ទំនាក់ទំនងល្អរវាងកម្ពុជា និងអន្តរជាតិ, ទំនាក់ទំនងល្អរវាងនិយោជក និងអ្នកទទួលទិញ នៅអន្តរជាតិ និងគុណភាពទំនិញរបស់កម្ពុជា ធ្វើឱ្យការនាំចេញមានកំណើន។

លោកបន្តថា រដ្ឋាភិបាលកម្ពុជា អាចបំពេញតាមលក្ខខណ្ឌរបស់រដ្ឋាភិបាលដែលមានតម្រូវការ ហើយការបញ្ជាទិញពីកម្ពុជា ផ្ដោតលើទំនិញកាត់ដេរ សម្លៀកបំពាក់ និងសម្ភារធ្វើដំណើរ ដែលមានស្បែកជើងជាដើម សុទ្ធតែជាទំនិញអាទិភាព ដែលជាឆ្អឹងខ្នងសេដ្ឋកិច្ចកម្ពុជា ដែលនាំទៅសហភាពអឺរ៉ុប និងសហរដ្ឋអាមេរិក។

លោកបណ្ឌិត ហុង វណ្ណៈ យល់ឃើញថា៖ «ការទទួលទិញទំនិញវាយនភណ្ឌ សម្លៀក​បំពាក់ដ៏ច្រើន គឺដោយសារ រដ្ឋាភិបាលកម្ពុជាបានសហការជិតស្និទ្ធ​ជាមួយសហគ្រាស​ផលិតដែលបានអនុវត្តទៅតាមគោលការណ៍របស់អ្នកបញ្ជា​ទិញដែរ ដូចជាលក្ខខណ្ឌសុខ​មាលភាព ប្រាក់ខែគោលជាដើម ដែលធ្វើឱ្យការបញ្ជាទិញកើនដែរ»។

យោងតាមក្រសួងពាណិជ្ជកម្ម ការនាំចេញសម្លៀកបំពាក់ ស្បែកជើង និងផលិតផលធ្វើ​ដំណើរ​របស់កម្ពុជាទៅទីផ្សារអន្តរជាតិ​ដែលភាគច្រើនទៅទីផ្សារអឺរ៉ុប និងសហរដ្ឋអាមេរិក សម្រេច​បាននូវ​ទំហំទឹក​ប្រាក់ជាង ១២ ពាន់លាន​ដុល្លារ​ នៅក្នុងរយៈពេល ១១ ខែ ឆ្នាំ ២០២៤ បានកើនឡើងពី ២១-២៥ ភាគរយ ធៀប​នឹងរយៈពេលដូចគ្នានៅឆ្នាំ ២០២៣។

ក្នុងនោះការនាំចេញសម្លៀកបំពាក់សម្រេចបានទឹកប្រាក់ចំនួន ៨,៩៤ ពាន់លានដុល្លារ កើនឡើង ២៥,៨៤ ភាគរយ, សម្ភារៈធ្វើដំណើរបាន ១,៧៨ ពាន់លានដុល្លារ កើន ២១,៥ ភាគរយ និងស្បែកជើង ១,៥០ ពាន់លាន​ដុល្លារ កើន ២៤,៣០​ ភាគរយ។

កម្ពុជានាំចេញមុខទំនិញសំខាន់ៗរួមមាន សម្លៀកបំពាក់ សម្ភារៈធ្វើដំណើរ ស្បែកជើង គ្រឿង​អេឡិក​ត្រូនិក បន្ទះសូឡា សំបកកង់រថយន្ត និងផលិតផលកសិកម្មមួយចំនួនទៀត។

នៅក្នុងរយៈពេល ១១ ខែ ឆ្នាំ ២០២៤ ការដោះដូរទំនិញអន្តរជាតិរបស់កម្ពុជា សម្រេចបាន​នូវទំ​ហំ​ទឹកប្រាក់ចំនួន ៥០,៤៥ ពាន់លានដុល្លារ កើនឡើង ១៥,៩៥ ភាគរយ ក្នុងនោះការ​នាំចេញ​សម្រេចបានទឹកប្រាក់ចំនួន ២៤,៣៤ ពាន់លានដុល្លារ កើន ១៤,៣៦ ភាគរយ និងការ​នាំចូល​មានទំហំទឹកប្រាក់ ២៦,១០ ពាន់លានដុល្លារ កើន ១៧,៤៨ ភាគរយ៕

អត្ថបទ៖ ឡេង ដេត

The post ការបញ្ជាទិញសម្លៀកបំពាក់ ស្បែកជើង និងផលិត​ផលធ្វើដំណើរ ​មាននិន្នាការ​កើនឡើង​នៅឆ្នាំ ២០២៥ appeared first on Kampuchea Thmey Daily.

របាយការណ៍ពីអគ្គនាយកដ្ឋានគយ និងរដ្ឋាករកម្ពុជាបង្ហាញថា គិតត្រឹម ១០ខែឆ្នាំ២០២៤ ​ការនាំចេញវាយនភណ្ឌមានប្រមាណ ៤០៦លានដុល្លារ (កើនឡើង ១៤.៤៧%) ការនាំចេញសម្លៀកបំពាក់ឈានដល់ ៨ប៊ីលានដុល្លារ (ការកើនឡើង២៣.៦៦%) និងការនាំចេញស្បែកជើង ១.៣ ប៊ីលានដុល្លារ (កើនឡើង ២២.៣៣%)  ខណៈដែលទំនិញធ្វើដំណើរសម្រេចបាន ១​,៦៩ ពាន់លានដុល្លារ​ កើនឡើង ២០,៦ ភាគរយ។

លោកស្រី ចម និម្មល រដ្ឋមន្រ្តីក្រសួងពាណិជ្ជកម្មបានថ្លែងនៅក្នុងព្រឹត្តិការណ៍ពិព័រណ៍មួយកាលពីថ្ងៃទី១៨ ខែវិច្ឆិកានេះថា ឧស្សាហកម្មវាយនភណ្ឌ សម្លៀកបំពាក់ និងស្បែកជើង (GFT) គឺជាវិស័យអាទិភាពរបស់កម្ពុជា ហើយបានរួមចំណែកយ៉ាងសំខាន់ផងដែរក្នុងការអភិវឌ្ឍន៍សេដ្ឋកិច្ច និងសង្គម។

លោកស្រីបានថ្លែងថា៖«រាជរដ្ឋាភិបាលកម្ពុជាយល់យ៉ាងច្បាស់នូវភាពប្រកួតប្រជែងខ្ពស់នៃឧស្សាហកម្មនេះ និងបានដាក់ចេញនូវ យុទ្ធសាស្ត្រអភិវឌ្ឍន៍វិស័យកាត់ដេរ ផលិតស្បែកជើង និងកាបូបកម្ពុជា២០២២-២០២៧ ដើម្បីជាផែនទីក្នុងការអភិវឌ្ឍវិស័យនេះទៅជាឧស្សាហកម្ម ដែលមានចីរភាពបរិស្ថាន មានភាពធន់ មានតម្លៃបន្ថែមខ្ពស់ ផ្តោតលើផលិតផលថ្លៃខ្ពស់និងមានលក្ខណៈពិសេស»។

លើសពីនេះទៅទៀត លោកស្រីថា ដើម្បីបង្កើនភាពប្រកួតប្រជែង ស្របពេលដែលធានាឱ្យបាននូវលក្ខខណ្ឌការងារសមស្របក្នុងវិស័យវាយនភណ្ឌ និងកាត់ដេរ ក្នុងឆ្នាំ២០០១កម្ពុជាបានចូលរួមក្នុងគម្រោងរោងចក្រកាន់តែប្រសើរនៅកម្ពុជា (BFC) របស់អង្គការអន្តរជាតិខាងការងារ (ILO) ដែលធ្វើការវាយតម្លៃលើលក្ខខណ្ឌការងារដោយផ្អែកលើច្បាប់ការងារកម្ពុជា ច្បាប់ទាក់ទងនឹងការងារផ្សេងៗ និងបទដ្ឋានការងារគោលដែលទទួលស្គាល់ជាលក្ខណៈអន្តរជាតិ។

អ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជាបានឱ្យដឹងថា នៅក្នុងឆ្នាំ ២០២៤នេះ តម្រូវការបញ្ជាទិញនៅក្នុងវិស័យវាយនភណ្ឌកើនឡើង នៅទីផ្សារអន្តរជាតិ ដូចជាអាមេរិក និងអឺរ៉ុប ធ្វើឱ្យការនាំចេញរបស់​កម្ពុជា​មាន​កំណើន។

ជាមួយគ្នានេះដែរកម្ពុជាក៏កំពុងមានផែនការក្នុងការជម្រុញការនាំចេញផលិតផល GFT ទៅកាន់ចក្រភពអង់គ្លេសផងដែរ។

លោកស្រីចម និម្មលថា៖«តាមព័ត៌មានដែលខ្ញុំទទួលបាន ព្រឹត្តិការណ៍ពិព័រណ៍ថ្ងៃនេះមានគោលបំណងជំរុញ ការនាំចេញផលិតផល វាយនភណ្ឌ សម្លៀកបំពាក់ និងស្បែកជើងទៅកាន់ចក្រភពអង់គ្លេស មិនត្រឹមតែតាមរយៈការតាំងបង្ហាញប៉ុណ្ណោះទេ ប៉ុន្តែថែមទាំងមានការបង្កើតបណ្តាញ ទំនាក់ទំនងជាមួយនឹងអ្នកបញ្ជាទិញសំខាន់ៗរបស់ចក្រភពអង់គ្លេស លើផលិតផលទាំងនោះផងដែរ។

យោងតាមរបាយការណ៍ចុងក្រោយរបស់ក្រសួងការងារ ​ បច្ចុប្បន្ននេះ វិស័យនេះមានរោងចក្រ និងសាខាចំនួន ១​ ៥៣៨​ដែលមានកម្មករនិយោជិតប្រមាណ ៩១៣ ០០០ នាក់ ដែលភាគច្រើនជាស្ត្រី៕

The post កម្ពុជា​នាំ​ចេញផលិតផល​វាយនភណ្ឌ កាត់ដេរ ស្បែកជើង ទំនិញ​ធ្វើ​ដំណើរ​សម្រេចបាន ១១,៤ ពាន់​លាន​ដុល្លារ​ក្នុង​រយៈពេល ១០ ខែ​ក​ន្លងមកនេះ appeared first on Kampuchea Thmey Daily.

ខាងក្រោមនេះ គឺជាស្បែកជើងប្រណិតទាំង៨គូ មានតម្លៃមហាសាល រាប់តាំងពីតម្លៃ២០លានដុល្លារ ដល់១លានដុល្លារជាងឯណោះ ៖

១ Moon Star តម្លៃ ២០លានដុល្លារ

នៅដើមខែតុលា អ្នកច្នៃម៉ូដ Antonio Vietri (ជនជាតិអ៊ីតាលី) បានចាប់ផ្តើមស្បែកជើងដែលថ្លៃបំផុតនៅលើពិភពលោក។ ផលិតផលនេះត្រូវបានផលិតចេញពីត្បូងពេជ្រ ៣០ ការ៉ាត់ ដែលជាបំណែកនៃអាចម៍ផ្កាយត្រូវបានរកឃើញនៅក្នុងប្រទេសអាហ្សង់ទីន ហើយកែងជើងស្បែកជើងត្រូវបានបង្កប់ដោយមាសរឹង។ លោក Antonio Vietri បាន​អួត​ខ្លួន​យ៉ាង​មាន​មោទនភាព​លើ​បណ្ដាញ​សង្គម​ថា៖ «ស្បែកជើង​ថ្លៃ​បំផុត​ក្នុង​លោក​ជា​របស់​ខ្ញុំ»។

២ Passion Diamond តម្លៃ ១៧លានដុល្លារ

ស្បែកជើងនេះត្រូវបានដាក់បង្ហាញជាសាធារណៈដោយម៉ាក Jada Dubai ក្នុងខែកញ្ញា ឆ្នាំ ២០១៨ ។ តម្លៃនៃផលិតផលនេះត្រូវបានកំណត់ដោយមាស សូត្រ និងត្បូងពេជ្រចំនួន ២៣៦ ដែលដាក់ជុំវិញវា។ ចំណុចលេចធ្លោនៃស្បែកជើងដ៏ប្រណិតគឺពេជ្រ ១៥ ការ៉ាត់ដែលដាក់នៅជិតម្រាមជើងរបស់ស្បែកជើង។ ចំណែកខាងក្នុងត្រូវបានផលិតចេញពីមាសសុទ្ធស្តើងៗ ដើម្បីកុំឲ្យអ្នកប្រើប្រាស់មានអារម្មណ៍មិនស្រួល។

៣ ស្បែកជើងរបស់អ្នករចនា Debbie Wingham តម្លៃ ១៥.១ លានដុល្លារ

ស្បែកជើងនេះត្រូវបានបំពាក់ដោយពេជ្រពណ៌ផ្កាឈូក ៣ ការ៉ាត់ ពេជ្រពណ៌ខៀវ ១ ការ៉ាត់ ពេជ្រ ៤ គ្រាប់ ៣ការ៉ាត់ និងពេជ្រ ១,០០០ ឈុត។ ស្បែកជើងមានខ្សែរ៉ូតមាស ស្បែកគ្របពណ៌មាស ២៤ ការ៉ាត់ និងដេរមាស ១៨ ការ៉ាត់។ នៅខាងក្នុងស្បែកជើងត្រូវបានតុបតែងដោយចរមាសថែមទៀតផង។

៤ ស្បែកជើង Ruby របស់ Harry Winston តម្លៃ ៣លានដុល្លារ

ស្បែកជើងដ៏ភ្លឺឆ្វាចទាំងនេះត្រូវបានផលិតក្នុងឆ្នាំ ១៩៨៩ ដើម្បីរំលឹកខួបលើកទី ៥០ នៃខ្សែភាពយន្តបុរាណ The Wizard of Oz ។ រចនាដោយ Ronald Winston ស្បែកជើងនេះមានត្បូងទទឹមចំនួន ១,៤០០ និងត្បូងពេជ្រចំនួន ៥០ការ៉ាត់។ គាត់បានចំណាយពេល ២ខែនៃការងារយ៉ាងល្អិតល្អន់​ ដើម្បីភ្ជាប់ពេជ្រទាំងអស់ទៅនឹងស្បែកជើង។

៥ Rita Hayworth តម្លៃ ៣ លានដុល្លារ

ស្បែកជើងដែលតុបតែងដោយត្បូងពេជ្រ ត្បូងទទឹម និងត្បូងកណ្តៀងត្រូវបានផលិតដោយអ្នករចនាដ៏ល្បីល្បាញ Stuart Weitzman ។ វាត្រូវបានបំផុសគំនិតដោយតារាសម្តែងហូលីវូដ Rita Hayworth ក្នុងទសវត្សរ៍ទី ៤០ តារាសម្តែងពហុជំនាញ Kathleen បាននាំយកស្នាដៃនេះទៅពានរង្វាន់អូស្ការក្នុងឆ្នាំ ២០០៦ ។

៦​ ស្បែកជើងរបស់ Cinderella តម្លៃ ២ លានដុល្លារ

អ្នករចនា Stuart Weitzman បានបង្កើតស្បែកជើងដែលមានត្បូងពេជ្រ ៥៦៥ ការ៉ាត់។ ចំណុចលេចធ្លោនៃស្នាដៃនេះគឺត្បូងពេជ្រ Amaretto ទម្ងន់ ៥ ការ៉ាត់ តម្លៃ ១ លានដុល្លារ ដែលបានបង្កប់នៅខាងស្តាំ។ ក្នុងឆ្នាំ ២០០៤ តារាតន្ត្រីប្រចាំប្រទេស Alison Krauss បានពាក់ស្បែកជើងដ៏ថ្លៃទាំងនេះទៅពានរង្វាន់ Oscar ។

៧​ Jason Arasheben Custom Shoes តម្លៃ ២ លានដុល្លារ

Nick Cannon ពាក់ស្បែកជើងប្រណិតទាំងនេះក្នុងកម្មវិធី American Idol វគ្គផ្តាច់ព្រ័ត្រ។ គ្របដណ្តប់លើផ្ទៃទាំងមូលនៃគូ Jason Arasheben មានត្បូងពេជ្រពណ៌សជុំជាង ១៤,០០០ ដែលដាក់នៅលើមូលដ្ឋានធ្វើពីមាសស។

៨ Ruby Stilettos តម្លៃ ១.៦ លានដុល្លារអាមេរិក

ស្បែកជើងកែងជើងនេះត្រូវបានរចនាឡើងដោយ Stuart Weitzman ជាមួយនឹងស្រោមជើងធ្វើពី satin ក្រហម។ តម្លៃនៃផលិតផលត្រូវបានតំណាងដោយ ៦០០ rubies ដែលនីមួយៗមានទម្ងន់ជាង ៤៥០ ក្រាម។

អត្ថបទ៖សាង ស្រីល័ក្ខ

ចុចអាន៖ជំនឿទាំង ១០ លើលោក មនុស្សនៅតែយល់ច្រឡំគិតថា វាជាការពិត

The post ស្បែកជើង៨ម៉ូដ ធ្វើពីអាចម៍ផ្កាយ ពេជ្រ និងស្រោបមាស តម្លៃ ២០ លានដុល្លារក្នុងមួយគូ appeared first on Kampuchea Thmey Daily.

របាយការណ៍ដដែលបង្ហាញថា ​គិតចាប់ពីខែមករា ដល់ខែមិថុនា ២០២៤ ​ការនាំចេញសម្លៀក​បំពាក់មានទឹកប្រាក់ ៤,៥៦ ពាន់លានដុល្លារ កើនឡើង ១៨,៤០ ភាគរយ រីឯផលិតផលស្បែក​ជើងសម្រេចបាន ៧៧៤ លានដុល្លារ កើន ១០,៥៣ ភាគរយ។ ចំណែកឯផលិត​ផល​ធ្វើ​ដំណើរ​សម្រេចបាន ៩០៣ លានដុល្លារកើន ១២,៧៤ ភាគរយ។

លោក ហ្វា សាលី ប្រធានសម្ព័ន្ធសហជីពជាតិ ប្រាប់កម្ពុជាថ្មីនៅថ្ងៃទី ១៦ ខែកក្កដា នេះថា ភាពចាស់ទុំរបស់សហជីព និងការយល់ដឹងពីបងប្អូនកម្មករកម្មការិនីនៅតាមបណ្ដាររោងចក្រ ដែលនាំឱ្យកាត់បន្ថយការធ្វើកូដកម្មបាតុកម្ម ហើយធ្វើឱ្យសង្វាក់ផលិតកម្មកើនឡើង ហើយជំរុញដល់ការនាំចេញកាន់តែច្រើន។

លោក ហ្វា សាលី បានឱ្យដឹងថា យន្តការរបស់រាជរដ្ឋាភិបាលអាណត្តិថ្មី មានភាពល្អប្រសើរទាក់ទង និងការដោះស្រាយវិវាទ ព្រមទាំងការវិនិយោគថ្មីៗ ពីបណ្ដារប្រទេសមួយចំនួន។

អ្នក​ជំនាញ​ផ្នែក​សេដ្ឋកិច្ច​នៅ​រាជ្យ​បណ្ឌិត្យសភា​កម្ពុជា លោកបណ្ឌិត ហុង វណ្ណៈ ប្រាប់កម្ពុជាថ្មីដែរថា កម្ពុជានាំទំនិញទៅទីផ្សារអន្តរជាតិ ភាគច្រើនជា ទំនិញសម្លៀកបំពាក់កាត់ដេរ សម្ភារធ្វើដំណើរ ស្បែកជើងជាដើម ដែលសុទ្ធតែជាទំនិញឈានមុខ ដែលកម្ពុជាមានទីផ្សារនៅអឺរ៉ុប និងអាមេរិក។

លោកថា កំណើននៃការនាំចេញជាសញ្ញាវិជ្ជមានសម្រាប់កំណើនសេដ្ឋកិច្ច ដោយសារយើងបាននាំរូបិយបណ្ណបរទេសចាក់ចូលក្នុងសេដ្ឋកិច្ចកម្ពុជា ដែលនាំឱ្យផលិតកម្មនៅកម្ពុជាកាន់តែរីកចម្រើន បង្កើតការងារសម្រាប់ប្រជាជន និងបង្កើនភាពទាក់ទាញវិនិយោគទុនបរទេសផងដែរ៕

អត្ថបទ៖ ឡេង ដេត

The post កម្ពុជារកចំណូលបានជាង $៦ ពាន់លាន ពីការនាំចេញសម្លៀកបំពាក់នៅឆមាសទី១ appeared first on Kampuchea Thmey Daily.

វាត្រូវបានគេរកឃើញក្នុងចំណោមវត្ថុបុរាណមួយចំនួន នៅរូងភ្នំសត្វប្រចៀវនៃប្រទេស អេស្ប៉ាញ តាំងពីសតវត្សទី ១៩ មកម្ល៉េះ ប៉ុន្តែគេទើបតែសិក្សាពីវាប៉ុណ្ណោះ ។

យោងតាមអ្នកសិក្សា រូងភ្នំនេះត្រូវបានជីកកកាយជាលើកដំបូងនៅឆ្នាំ ១៨៣១ ដោយម្ចាស់ដីម្នាក់ដែលប្រមូលអាចម៍សត្វប្រចៀវដើម្បីធ្វើជី ។ តិចជាងពីរទស្សវត្សរ៍ក្រោយមក វាត្រូវបានអ្នករុករករ៉ែរុះរើ ហើយថែមទាំងរកឃើញសាកសព កន្ត្រក ឧបករណ៍ឈើ ធ្មេញជ្រូកព្រៃ និងដុំមាសទៀតផង ។

ដោយសារតែបរិយាកាសដែលវាស្ថិតនៅមានកំហាប់ទឹកទាប និងខ្យល់ត្រជាក់ ទើបវាអាចនៅបានយូរបែបនេះ ៕

ប្រែសម្រួល៖ វារី

ប្រភព៖ BBC

ចុចអាន៖ រកឃើញដាវអាយុកាលជិត ២ ០០០ ឆ្នាំ នៅប្រទេស អ៊ីស្រាអែល

The post អ្នកវិទ្យាសាស្ត្រ៖ ស្បែកជើងចាស់បំផុតនៅអឺរ៉ុប មានអាយុកាលប្រហែល ៦០០០ ឆ្នាំ appeared first on Kampuchea Thmey Daily.

ដើមឡើយគេបង្កើតស្បែកជើងពណ៌សនេះដើម្បីផ្ដល់ជូនបុគ្គលិកក្នុងសន្និសិទ “ការលក់ខ្នាតជាតិ” តែម្ដងគត់ កាលពីពាក់កណ្តាលទសវត្សរ៍ឆ្នាំ ១៩៩០ ។ Sotheby’s បានឲ្យដឹងថា “ស្បែកជើងប៉ាតាពិសេសមួយគូនេះ មិនដែលបានទៅដល់សាធារណជនទូទៅទេ វាជាវត្ថុកម្របំផុតមិនធ្លាប់មាន” ។

គួរជម្រាបថា នៅឆ្នាំ ១៩៨៦ Apple បានចេញលក់សំលៀកបំពាក់ និងវត្ថុជាច្រើនមានឈ្មោះថា “The Apple Collection” រួមមានពែង ឆ័ត្រ កាបូប កូនសោរ និងក្ដារក្ដោង ដែលសុទ្ធតែមានស្លាកសញ្ញា Apple ឥន្ទធនូ ហើយមនុស្សដល់ទៅ ២២ ០០០ នាក់បានទិញអាវរបស់ Apple ។

ដោយឡែក ស្បែកជើងប៉ាតាខាងលើមិនមែនជាផលិតផល Apple ដំបូងគេដែលលក់ដាច់ក្នុងប៉ុន្មានខែថ្មីៗនេះទេ ។

ដំបូង iPhone ស៊េរីឆ្នាំ ២០០៧ ជំនាន់ទី ១ លក់បានជាង ១៩ ម៉ឺនដុល្លារ នៅឯការដេញថ្លៃកាលពីខែមុន ខណៈស្បែកជើង Birkenstock ចាស់មួយគូដែលជាកម្មសិទ្ធិរបស់សហស្ថាបនិក Appleគឺ Steve Jobs លក់បាន ២០ ម៉ឺនដុល្លារ នៅឯការដេញថ្លៃក្នុងខែវិច្ឆិកា ឆ្នាំ ២០២២ ៕

ប្រែសម្រួល៖ វារី

ប្រភព៖ CNN

ចុចអាន៖ ស្បែកជើងតម្លៃសមរម្យ ៤ ម៉ាក តារាល្បីអន្តរជាតិចូលចិត្តពាក់ជាប្រចាំ

ចុចអាន៖ ស្នាដៃចុងក្រោយលោក Gustav Klimt ក្លាយជាគំនូរថ្លៃបំផុតនៅអឺរ៉ុប

The post ស្បែកជើងប៉ាតា Apple ដាក់លក់ក្នុងតម្លៃរាប់ម៉ឺនដុល្លារ appeared first on Kampuchea Thmey Daily.

១. New Balance 

New Balance ជាម៉ាកស្បែកជើងងាយស្រួលពាក់ពេញនិយមសម្រាប់ក្មេងជំនាន់ក្រោយ ត្រូវពេញចិត្តដោយ Bella Hadid កំពូលតារាបង្ហាញម៉ូដ, ភរិយាតារាចម្រៀង Justin Bieber, តារាម៉ូដែល Kaia Gerber និងតារាសម្ដែង Katie Holmes ។

២. Birkenstocks

Birkenstocks ជាប្រភេទស្បែកជើងវាលងាយស្រួលពាក់ សក្តិសមបំផុតសម្រាប់រដូវក្ដៅ សូម្បី Kendall Jenner និង Gigi Hadid ដែលជាតារាម៉ូដែលលំដាប់ពិភពលោកក៏មិនរំលងម៉ាកនេះដែរ ។

៣. Adidas Samba

Adidas Samba ត្រូវបានបង្កើតឡើងក្នុងទសវត្សរ៍ទី ៥០ មុនពេលការប្រកួតបាល់ទាត់ពិភពលោកនៅប្រទេសប្រេស៊ីល។ ដំបូងឡើយគេបង្កើតវាដើម្បីឱ្យកីឡាករបាល់ទាត់លេងលើផ្ទៃរអិលកាន់តែស្និទ្ធ ក្រោយមកវាក៏ក្លាយជាស្បែកជើងទាន់សម័យសម្រាប់គ្រប់កាលៈទេស ហើយធ្លាប់ពាក់ដោយ Bella Hadid, កំពូលតារាចម្រៀង Rihanna, និង Kai Gerber ។

៤. Salomon 

កាលពីឆ្នាំ ១៩៩៧ Adidas បានទិញយក Salomon ហើយប្ដូរឈ្មោះទៅជា adidas-Salomon AG ចំណែកគុណភាពវិញគឺល្អបំផុតសម្រាប់រត់ ឡើងភ្នំ ជិះស្គី និងជិះស្គីទឹកកក ។ យើងឃើញថាតារាដែលចូលចិត្តពាក់វាមានដូចជា Kendall Jenner, Hailey Bieber និង Bella Hadidជាដើម ។

ស្បែកជើងទាំងអស់មានតម្លៃក្រោម ៣០០ ដុល្លារ ប៉ុន្តែមាំមិនងាយខូចស្រួលពាក់ប្រចាំថ្ងៃ និងជាជម្រើសល្អបំផុត ៕

ប្រែសម្រួល ៖ វារី

ប្រភព ៖ Vogue

ចុចអាន ៖ តារាអន្តរជាតិល្បីៗ ៣ ដួង ជាប់ក្នុងបញ្ជីខ្មៅរបស់ Ferrari

The post ស្បែកជើងតម្លៃសមរម្យ ៤ ម៉ាក តារាល្បីអន្តរជាតិចូលចិត្តពាក់ជាប្រចាំ appeared first on Kampuchea Thmey Daily.