១. ប្រើគ្រឿងផ្សំសកម្មដែលត្រូវគ្នា មិនមែនប្រឆាំងគ្នាទេ

គ្រឿងផ្សំសកម្មដែលត្រូវគ្នាមានដូចជា វីតាមីនស៊ីជាមួយឡេការពារកម្ដៅថ្ងៃ និង retinol ជាមួយឡេ ឬសេរ៉ូម HA ។ សម្រាប់គ្រឿងផ្សំសកម្មដែលប្រឆាំងគ្នាវិញរួមមាន retinol ជាមួយវីតាមីនស៊ី អាចធ្វើឲ្យមុខប្រតិកម្ម និង retinol ជាមួយ niacinamide បណ្ដាលឲ្យប្រសិទ្ធភាពធ្លាក់ដល់សូន្យតែម្ដង ។

២. មិនប្រើផលិតផលលាងមុខពេលព្រឹក

ដើម្បីការពាររបាំងស្បែក Natacha ណែនាំឲ្យលាងសម្អាតមុខពីរតង់នៅពេលយប់ ដល់ពេលព្រឹកលុបតែទឹកធម្មតាប៉ុណ្ណោះ ។

៣. លាបផលិតផលគ្រប់មុខជាមួយម្រាមដៃរបស់អ្នក

“ខ្ញុំតែងតែប្រើដៃលាបមុខ” Natacha និយាយ “ការធ្វើចលនាលើមុខអាចបង្កើនភាពជឿជាក់ កាត់ស្ត្រេស និងជំងឺថប់បារម្ភ” នាងពន្យល់ហើយបន្ថែមថាវានឹងកាត់បន្ថយទុក្ខព្រួយ ជួយឲ្យគេងលក់ស្រួល និងស្បែកភ្លឺថ្លា” ។

៤. ជ្រើសយកគ្រឿងផ្សំធម្មជាតិ

Natacha បានឲ្យដឹងថា ខណៈវិទ្យាសាស្ត្រជាចំណុចឈានមុខគេក្នុងឱសថស្ថានប្រទេសបារាំង គ្រឿងផ្សំធម្មជាតិត្រូវបានរំពឹងទុកដោយសារសមត្ថភាពព្យាបាលរបស់វា ។ នាងបានណែនាំឲ្យប្រើទឹកដោះស្ដេចឃ្មុំ ដែលជាសារធាតុចិញ្ចឹមម្យ៉ាងផលិតដោយកម្មករឃ្មុំផងដែរ ។ ទឹកដោះស្ដេចឃ្មុំគឺជា អាហារតែមួយគត់សម្រាប់ស្ដេចឃ្មុំ មនុស្សអាចបរិភោគ ឬលាបវាទៅលើស្បែកដើម្បីបង្កើនប្រព័ន្ធភាពស៊ាំបានយ៉ាងមានប្រសិទ្ធភាព ជាពិសេសវាសម្បូរទៅដោយសារធាតុអុកស៊ីតកម្មដែលប្រឆាំងនឹងការរលាក និងជួយព្យាបាលរបួសឲ្យចាប់ជា ។

៥. ជ្រើសរើសឡេការពារកម្ដៅថ្ងៃសរីរាង្គ

ដោយសារឡេការពារកម្ដៅថ្ងៃគីមីអាចធ្វើឲ្យយើងឡើងមុន ក្រហាយ រមាស់ និងឈឺស្បែក ទើបឡេការពារកម្ដៅថ្ងៃសរីរាង្គគឺជាជម្រើសល្អជាង ។

៦. ប្រើកាន់តែតិច កាន់តែល្អ

ផលិតផលស្បែករបស់អ្នកមិនគួរមានច្រើនមុខ ច្រើនជំហានពេកទេ ព្រោះស្បែកមិនអាចស្រូបយកគ្រប់យ៉ាងដែលអ្នកប្រើឡើយ នេះបើតាមការណែនាំពី Natacha ៕

ប្រែសម្រួល ៖ វារី

ចុចអាន ៖ ភរិយា Justin Bieber ប្រាប់គន្លឹះនៃការថែរក្សាស្បែកមុខប្រចាំថ្ងៃ ៥ ចំណុច

The post ឱសថការីបារាំងម្នាក់ ចែករំលែកអាថ៌កំបាំងថែរក្សាស្បែក ៦ យ៉ាង appeared first on Kampuchea Thmey Daily.

លើសពីនេះ សម្រស់របស់ Song Hye Kyo ក៏ជាប្រធានបទដែលត្រូវបាន​ពិភាក្សាជា​ញឹកញាប់​ផងដែរ។ មិន​ថា​នាង​សម្ដែង​ជា​តួ​អ្វី​ក៏​តារា​ស្រី Song Hye Kyo នៅ​តែ​បញ្ចេញ​រូប​សម្រស់​ស្រស់​ស្អាត​មិនចាញ់ក្មេងស្រករក្រោយ។ អ្វី​ដែល​ពិសេស​បំផុត​នោះ​គឺ​ស្បែក​តែងតែ​ស​ភ្លឺ​ថ្លា គ្មាន​សញ្ញា​នៃ​ភាព​ចាស់ណាមួយលេចឡើង។

ដើម្បី​ថែរក្សា​ស្បែក​ឲ្យ​ភ្លឺ​រលោង Song Hye Kyo អនុវត្ត​គោលការណ៍ ៤ យ៉ាង​ខាងក្រោម​នេះ៖

១ ការ​សម្អាត​ស្បែក នេះគឺជាជំហានដ៏សំខាន់មួយមិនត្រឹមតែសម្រាប់ Song Hye Kyo ប៉ុណ្ណោះ​ទេ ប៉ុន្តែ​ក៏សម្រាប់មនុស្សគ្រប់គ្នាដែលត្រូវយកចិត្តទុកដាក់ផងដែរ ប្រសិនបើពួកគេចង់​បាន​ស្បែក​ដែល​មាន​សុខភាព​ល្អ គ្មានមុន ។

២ ប្រើប្រាស់បន្លែក្នុងរបបអាហារចៀសវាង​អាហារដែលមានជាតិពុល របបអាហាររបស់ Song Hye Kyo មាន​បន្លែ និងផ្លែឈើជាច្រើន ជួយ​សម្រក​ទម្ងន់ រក្សា​រាង​បាន​យ៉ាង​ងាយស្រួល។

៣ ប្រើទឹកដោះគោស្រស់ និងទឹកដោះគោជូរគ្មាន​ជាតិផ្អែម លាងមុខរបស់អ្នក ហើយបិទ​ម៉ាសដើម្បីផ្តល់សំណើម​ដល់​ស្បែក។

៤ ប្រើ​ទឹកឃ្មុំ ស៊ុត​ស ដើម្បីឲ្យ​ស្បែក​ភ្លឺថ្លា ជាមួយ Song Hye Kyo នេះគឺជាផលិតផលរបាំង​ធម្មជាតិ​ទាំង​ស្រុង រក្សាទុក ប្រើពីរដងក្នុងមួយ​សប្តាហ៍​មុនពេលចូលគេង ដើម្បីជួយឲ្យ​ស្បែក​រលោង និង​ភ្លឺ។ ល្បាយនេះងាយស្រួលធ្វើនៅផ្ទះ ដែលអ្នកអាចរៀនបានភ្លាមៗ។

ក្រោយបានដឹងពី​គន្លឹះថែរក្សាស្បែករបស់តារាសម្ដែង Song Hye Kyo ហើយ យើងខ្ញុំជឿថាលោកអ្នកប្រាកដជាទទួលបានស្បែកស្អាតដូចនាងមិនខាន។ ជាពិសេសប្រសិនបើអនុវត្តតាមតួឯកស្រីក្នុងរឿង The Glory នោះពិតណាស់ផ្ទៃមុខនឹងក្មេងជាវ័យមិនខាននោះទេ៕

ប្រែសម្រួល៖ សាង ស្រីល័ក្ខ

ចុចអាន៖BTS ត្រៀមនឹងចេញសៀវភៅផ្ទាល់ខ្លួន និយាយអំពីប្រវត្តិរបស់ពួកគេ

The post គន្លឹះថែរក្សាស្បែក ៤ ជំហានរបស់ Song Hye Kyo សុទ្ធតែជាវិធីសាមញ្ញបំផុត appeared first on Kampuchea Thmey Daily.

១. ផលិតផលខូឡាជែន 

ផលិតផលខូឡាជែនអាចមានតម្លៃចាប់ពី ២០ ដុល្លារទៅ ១០០ ដុល្លារឯណោះដែលមនុស្សចូលចិត្តទិញប្រើព្រោះជឿតាមពាក្យឃោសនារបស់អ្នកលក់ ។ យោងតាមការសិក្សាបានឲ្យដឹងថាខូឡាជែនអាចជួយធ្វើឲ្យប្រសើរឡើងនូវភាពចល័តនៃសន្លាក់ប៉ុណ្ណោះ ហើយមិនសូវមានប្រសិទ្ធភាពអ្វីផ្សេងលើសពីនេះទេ ។

២. ម៉ាស LED 

យើងប្រហែលជាធ្លាប់ឃើញម៉ាសបែបនេះលក់តាមបណ្ដាញសង្គមក្រោមតម្លៃខ្ពស់និងធ្លាប់ឮពីការឃោសនាថាវាមានច្រើនពណ៌តម្រូវតាមប្រភេទស្បែកមុខ សូម្បីតែម៉ាស LED ទំនើបៗនៅក្នុងគ្លីនិកថ្លៃក៏មិនសូវជាផ្ដល់ប្រសិទ្ធភាពដែរ ។

៣. ថូនន័រ

ថូនន័រជាទឹកជូតឬតប់នៅក្នុងជំហានថែរក្សាមុខ ជាក់ស្ដែងវាមិនមែនជាផលិតផលចាំបាច់សម្រាប់យើងទេ ។ ការថែរក្សាមុខត្រូវការត្រឹមតែផលិតផល ៣-៤ ប្រភេទដូចជា ហ្វូម ឡេផ្ដល់សំណើម និងឡេការពារកម្ដៅថ្ងៃ ។

មុនប្រើផលិតផលណាមួយដែលប៉ះពាល់រាងកាយ អ្នកគួរសាកសួរគ្រូពេទ្យជំនាញឲ្យច្បាស់សិនសឹមប្រើដើម្បីទទួលនូវប្រសិទ្ធភាព និងសុវត្ថិភាព ៕

ប្រែសម្រួល ៖ វារី

ចុចអាន ៖ ពេទ្យសើស្បែកចែករំលែកបទពិសោធន៍ ៥ ចំណុចមិនគួរធ្វើ ដើម្បីស្បែកស្អាតនិងចំណាយតិច

The post គ្រូពេទ្យជំនាញសើស្បែក ប្រាប់ផលិតផលថែរក្សាសម្រស់ ៣ មុខ ទិញនាំតែខាតលុយ appeared first on Kampuchea Thmey Daily.

ក្រចក​មាន​សុខភាព​ល្អ សរសៃ​សក់​ភ្លឺ​រលោង និង​ស្បែក​ស្អាត ជា​បំណង​ប្រាថ្នា​របស់​ស្រីៗ​យើង​​គ្រប់​រូប។ ពិត​ណាស់​ ក្រៅ​ពី​ជ្រើសរើស​ផលិតផល​ថែ​រក្សា​សម្រស់​ដែល​ត្រឹមត្រូវ គ្នា​យើង​ក៏​មិន​ត្រូវ​ភ្លេច​ថែទាំ​សុខភាព​​សម្រស់​ពី​ខាង​ក្នុង​ដែរ ដោយ​ការ​បញ្ចូល​របប​អាហារ​បំប៉ន​សម្រស់​ដូច​ខាង​ក្រោម។

១. ត្រី​សាម៉ុន

ត្រី​​សាម៉ុន មាន​គុណប្រយោជន៍​ល្អ​បំផុត​សម្រាប់​សុខភាព​ស្បែក​ និង​សក់ ពីព្រោះ​ត្រី​ដែល​មាន​ខ្លាញ់​ប្រភេទ​នេះ ផ្ទុក​ទៅ​ដោយ​ប្រូតេអ៊ីន​ អាស៊ីដ​អូមេហ្គា​៣ ជាតិ​ដែក​ និង​វីតាមីន​ B12 ដែល​ជួយ​ការពារ​ស្បែក​ពី​ការ​បំផ្លាញ​ដោយ​កម្តៅ​​ក្តៅ​ និង​ជួយ​ទ្រទ្រង់​ដល់​​សុខភាព​ស្បែក​ក្បាល។ បន្ថែម​ពី​នេះ ជាតិ​ប្រូតេអ៊ីន​នៅ​ក្នុង​ត្រី​សាម៉ុន​ក៏​អាច​ជួយ​កម្ចាត់​បញ្ហា​សក់​ជ្រុះ​បាន ផងដែរ។

២.​ ការ៉ុត

ទន្ទឹម​នឹង​នេះ​ដែរ ការ៉ុត​សម្បូរ​ទៅ​ដោយ​ជាតិ ​Beta-carotene ដែល​អាច​ជួយ​ឲ្យ​សក់​ ក៏​ដូចជា​ក្រចក​លូតលាស់​បាន​ល្អ។ បន្ថែម​ពី​នេះ ការ៉ុត​ ក៏​អាច​កម្ចាត់​រោគសញ្ញា​ដែល​ទាក់ទង​នឹង​ជំងឺ​ទឹក​នោម​ផ្អែម ផងដែរ។

៣. ប៉េងប៉ោះ

ចំណែក​ប៉េងប៉ោះ​វិញ ផ្ទុក​ទៅ​ដោយ​វីតាមីន ​C និង​សមាសធាតុ​មួយ​ចំនួន​ដូចជា​ carotenoids, lycopene និង beta-carotene ដែល​ជួយ​បង្កើន​រនាំង​ការពារ​ស្បែក​ពី​ការ​រលាក​ដោយ​កម្តៅ​ថ្ងៃ។

៤. ទឹក​ដោះ​គោ​មាន​ជាតិ​ខ្លាញ់​ទាប

ទឹក​ដោះ​គោ​​មួយ​ប្រភេទ​នេះ ជា​ប្រភព​នៃ​ជាតិ​កាល់ស្យូម​ និង​វីតាមីន​D ដែល​មាន​ប្រសិទ្ធភាព​ជួយ​ឲ្យ​ក្រចក​រឹងមាំ និង​សក់​ដុះ​លូតលាស់​ល្អ។ រី​ឯ​ទឹក​ដោះ​គោ​ជូរ​ និង​ឈីស​ដែល​មាន​ជាតិ​ខ្លាញ់​ទាប ក៏​អាច​ផ្តល់​ជាតិ​កាល់ស្យូម​ដ៏​ល្អ​ឯក​ដល់​រាងកាយ​។

៥. ផ្លែ​ប្លូប៊ឺរី

​ផ្លែ​ប្លូប៊ឺរី​មិន​ត្រឹម​តែ​មាន​រសជាតិ​ឆ្ងាញ់​ប៉ុណ្ណោះ​ទេ ប៉ុន្តែ​ក៏​​មាន​សារធាតុ​ប្រឆាំង​នឹង​អុកស៊ីតកម្ម​ខ្ពស់ ដែល​ជួយ​ឲ្យ​ស្បែក​ស្អាត ព្រម​ទាំង​ប្រឆាំង​នឹង​បញ្ហា​មុន​បាន​យ៉ាង​អស្ចារ្យ​៕

អត្ថបទផ្ដល់ដោយ៖Hello Krupet

ចុចអាន៖៥ មូលហេតុ អ្នកជំនាញណែនាំឲ្យជម្រុះកោសិកាចាស់រាល់ថ្ងៃ

ចុចអាន៖៥ កំហុសអ្នកជំនាញសរសៃសក់មិនធ្វើដាក់សក់ខ្លួនឯងដាច់ខាត

The post កំពូលអាហារទាំង ៥ ល្អបំផុតចំពោះស្បែក សក់ និងក្រចក​​​​​​​​​​​​​​​​​​​​​​​​​​​​​​​​​ appeared first on Kampuchea Thmey Daily.

ការកើតមុនអរម៉ូនគឺបណ្តាលមកពីការប្រែប្រួលនៃអរម៉ូនដែលជំរុញក្រពេញ sebaceous ឲ្យផលិតប្រេងលើស។ អំឡុងពេលនៃការផ្លាស់ប្តូរអរម៉ូនមុនពេលមករដូវប្រេងនៅក្នុងស្បែកឡើងកាន់តែក្រាស់ ក្នុងពេលជាមួយគ្នានោះដែរការកើនឡើងប្រូហ្សេស្តេរ៉ូនបណ្តាលឱ្យមានការរក្សាទឹកដែលធ្វើឱ្យស្រទាប់រន្ធញើសរួមតូច ប្រេងដែលព្យាយាមចូលទៅក្នុងរន្ធស្តើងជាងមុននឹងបង្កើតទៅជាមុនតែម្ដង។ ក្រៅពីកត្តាអរម៉ូន ចំណីអាហារដែលមានជាតិស្ករ និងភាពស្ត្រេសបង្កឲ្យការផលិតខ្លាញ់លើសលប់ក៏ជាសត្រូវរបស់អ្នកដូចគ្នា។

មុនអរម៉ូនចូលចិត្តកើតនៅតាមថ្គាម ចង្ការ ចន្លោះចិញ្ចើម លើទ្រូង លើខ្នង និងគូទផងដែរ។ ចំណែកឯវ័យកើតវិញគឺចាប់ផ្ដើមពីពេលពេញវ័យរហូតដល់អាយុខ្ទង់៥០ឆ្នាំ។ ជាក់ស្ដែងអ្នកមិនអាចបញ្ឈប់ការកកើតបានទេ ប៉ុន្តែអ្នកអាចងាកមកប្រើវិធីសាស្ត្រខាងក្រោមនេះទប់ទល់នឹងវាខ្លះ៖

_ ទទួលទានវីតាមីន B6 មួយអាទិត្យមុនមករដូវ

_ ជៀសវាងបរិភោគអាហារមានជាតិទឹកដោះ

_ ផឹកថ្នាំ ប្រូបាយអូទិច 

_ ធ្វើកាលវិភាគពីសកម្មភាពប្រចាំថ្ងៃស្វែងរកកំហុសដែលបង្កឲ្យឡើងមុនដើម្បីបំបាត់ចោល។

ស្រដៀងគ្នានេះដែរ គ្រូពេទ្យផ្ដល់ការណែនាំថាឲ្យប្រើប្រាស់ផលិតផលដែលផ្ទុក benzoyl peroxide, salicylic acid, sulfur, ឬ adapalene ដើម្បីព្យាបាលមុនអរម៉ូន បើនៅតែមិនអាចទប់ទល់រួចនោះ អ្នកគួរតែពិភាក្សាជាមួយវេជ្ជបណ្ឌិតដោយផ្ទាល់ទើបដឹងកាន់តែច្បាស់៕

ប្រែសម្រួលដោយ៖ វារី

ចុចអាន៖ មុខកើតមុន កុំចេះតែញ៉ាំ ប្រយ័ត្នស្តាយក្រោយ

ចុចអាន៖ ហាមដាច់ខាតកុំឲ្យវត្ថុទាំង ១៥ នេះប៉ះស្បែកមុខឲ្យសោះ

The post មកយល់ដឹងកាន់តែច្បាស់ពីមុនអរម៉ូន និងវិធីទប់ទល់ appeared first on Kampuchea Thmey Daily.

១. ឡេលាបខ្លួន 

ក្នុងករណីអស់ឡេលាបមុខសូមកុំប្រើប្រាស់ឡេលាបខ្លួនជាបណ្ដោះអាសន្ន វាអាចធ្វើឲ្យស្ទះរន្ធរោម កើតមុន ឬរោល។

២. ស្ករ

ស្ករចាត់ទុកជាវត្ថុរឹង បើអ្នកយកមកដុសនៅលើមុខនឹងបណ្ដាលឲ្យដាច់រលាត់ស្បែក (មើលមិនឃើញរបួសតូចៗ) បណ្ដាលឲ្យស្បែកស្ដើងក្រហមងាយរលាកនិងបង្កជាបញ្ហាផ្សេងៗ។

៣. ទឹកក្ដៅ

គេហាមមិនឲ្យកក់សក់នឹងទឹកក្ដៅទេ ដូចគ្នាជាមួយនឹងស្បែកមុខដែរ ការប្រើទឹកក្ដៅធ្វើឲ្យមុខស្ងួតឬរលាកមុខ។

៤. ក្រូចឆ្មា

ក្រូចឆ្មាពិតជាសម្បូរទៅដោយ Vitamin C ល្អចំពោះស្បែកមែន ប៉ុន្តែការប្រើប្រាស់ផ្ទាល់ពីផ្លែក្រូចដោយគ្មានការចម្រាញ់បណ្ដាលឲ្យស្បែករបស់អ្នកប្រតិកម្មទៅនឹងអាស៉ីតក្រូចឆ្មានោះដូចជា រមាស់ រោល រលាកជាដើម។ 

៥. ថ្នាំដុសធ្មេញ

ការប្រើប្រាស់ថ្នាំដុសធ្មេញនៅលើមុខបណ្ដាលឲ្យរលាក និងឆ្លងមេរោគ ដោយសារតែគ្រឿងផ្សំខ្លាំងៗនៅក្នុងថ្នាំដុសធ្មេញខ្លះស្បែកមិនអាចទប់ទល់រួច។

៦. Baking Soda

វាធ្វើឲ្យកម្រិត pH នៅលើស្បែកប្រែប្រួសបង្កបាក់តេរី និងមេរោគឆ្លង បណ្ដាលឲ្យកើតមុនធំៗ។

៧. កាវ

អ្នកប្រាកដជាដឹងអំពីការប្រើប្រាស់កាវមកបកមុនក្បាលខ្មៅនៅលើច្រមុះពីបុគ្គលល្បីៗមួយចំនួនហើយ ជាតិស្អិតដែលមាននៅក្នុងកាវធ្វើឲ្យរន្ធញើសកកស្ទះពិបាកនិងលាងសម្អាត។ យើងសង្កេតឃើញថាបន្ទាប់ពីបកមុនរួច មុននឹងឡើងមកវិញលឿនជាងធម្មតា។

៨. សាប៊ូដុំ 

មុខត្រូវការលាងសម្អាតឲ្យបានស្អាតប៉ុន្តែសាប៊ូដុំវាធ្ងន់ពេកសម្រាប់ស្បែក វាសម្អាតអស់មិនបន្សល់ទុកប្រេងនៅលើស្បែកមុខខ្លះធ្វើឲ្យស្បែកស្ងួតងាយរលាកនិងមានបញ្ហា។

៩. ប្រេងដូង

កុំសូវជឿអ្នកលក់អនឡាញពេក ជាពិសេសម៉ាក់ៗមានទម្ងន់មិនហ៊ានប្រើប្រាស់ផលិតផលផ្ដេសផ្ដាសចង់ប្ដូរមកប្រើប្រេងដូងសុទ្ធ។ ប្រេងដូងធ្វើឲ្យស្ទះរន្ធរោមមិនរលាយទៅតាមទឹក និងធ្ងន់ពេកសម្រាប់ស្បែកមុខ។

១០. ស្ព្រៃយ៍បាញ់សក់

ស្ព្រៃយ៍បាញ់សក់អាចបំផ្លាញស្បែករបស់អ្នកបានដោយសារវាមានជាតិអាល់កុលធ្វើឲ្យស្បែកស្ងួត ចាស់ជាងវ័យ ព្រមទាំងធ្វើឲ្យរលាក រមាស់ និងរោលទៀតផង។

១១. ថ្នាំក្រចក

ថ្នាំលាបក្រចកមានម៉ូលេគុលអាគ្រីលីកដែលអាចប៉ះពាល់ដល់ស្បែកមុខរបស់អ្នក វាដកសំណើមចេញពីមុខរបស់អ្នក ហើយធ្វើឱ្យវាស្ងួតខ្លាំង។

១២. ម៉ាយ៉ូណេស

ម៉ាយ៉ូណេសមានអាស៊ីតនិង occlusive បង្កឲ្យស្ទះរន្ធញើស។ លើសពីនេះគ្រឿងផ្សំដែលមាននៅក្នុង ម៉ាយ៉ូណេស

ដូចជាស៊ុតលឿង និងសណ្តែកសៀង អាចនាំឱ្យមានប្រតិកម្មអាឡ័កស៉ី។

១៣. សាប៊ូកក់សក់

​សាប៊ូកក់សក់ជួនកាល​វា​ហូរកាត់​​មុខ​ ទោះបីជាអ្នកមិនលាបសាប៊ូកក់សក់ដោយចេតនាលើមុខរបស់អ្នកក៏ដោយ បរិមាណតិចតួចនេះក៏អាចបំផ្លាញស្បែកមុខរបស់អ្នកបានដែរ។ 

១៤. ក្រមួនបករោម

ស្បែក​មុខ​មាន​សភាព​ទន់​រលោង​ជាង​បើ​ធៀប​នឹង​ស្បែកខ្លួន ដូច្នេះវាអាចនាំអោយរលាកគល់រោម ងាយប្រតិកម្មនឹងកម្តៅថ្ងៃ កន្ទួល និងក្នុងករណីខ្លះបង្កស្នាមផងដែរ។

១៥. ផលិតផលលាបក្លៀក

ផលិតផលលាបក្លៀកមានតួនាទីទប់ស្កាត់ញើស វានឹងបិតរន្ធរោមរបស់យើងហើយបង្កទៅជាមុនឬស្អិតមុខពិបាកនៅ។

ស្បែកមុខត្រូវការការថែទាំ ប៉ុន្តែមិនគួរថែទាំរបៀបប្លែកៗពេកទេគ្រាន់តែឈុតមុខមានស្តង់ដារមួយឈុតគឺគ្រប់គ្រាន់ហើយ៕

ប្រែសម្រួលដោយ៖ វារី

ចុចអាន៖ បើមិនចង់ចាស់ជាងវ័យ កុំទម្លាប់ធ្វើសកម្មភាពបែបនេះ

ចុចអាន៖ វត្ថុ ៨ យ៉ាង ស្រីៗតែងមានក្នុងកាបូបគ្រប់ពេលវេលា មិនដែលខាន

The post ហាមដាច់ខាតកុំឲ្យវត្ថុទាំង ១៥ នេះប៉ះស្បែកមុខឲ្យសោះ appeared first on Kampuchea Thmey Daily.

តើ​ការ​លាង​សម្អាត​មុខ​បែប​ណា​ទើប​ស័ក្ដិសម​ជាមួយស្បែកមុខ​យើង?

១. ស្បែក​ស្ងួត ឬ​ងាយ​ប្រតិកម្ម​

សម្រាប់​អ្នក​ដែល​មាន​ស្បែក​ស្ងួត ឬ​ងាយ​ប្រតិកម្ម​ ការ​លាង​សម្អាត​មុខ​មួយ​ថ្ងៃ​២​ដង​អាច​ធ្វើ​ឲ្យ​ស្បែក​​រលាក​ ឬ​ក្រហាយ​។ ដូច្នេះ​ហើយ ស្រី​ៗ​យើង​គប្បី​លាង​សម្អាត​មុខ​នៅ​ពេល​ព្រឹក​ជាមួយ​នឹង​ទឹក​ក្ដៅ​ឧណ្ហ​ៗ​​ និង​​ប្រើ​ហ្វូម​លាង​មុខ​ដែល​មាន​ជាតិ​ប្រេង​នៅ​ពេល​យប់​ ដើម្បី​កម្ចាត់​រាល់​ធូលី​ដី ឬ​កាក​សំណល់​ផ្សេង​ៗ ដោយ​មិន​ធ្វើ​ឲ្យ​រលាក​ស្បែក​។

២. ស្បែក​ប្រេង និង​ងាយ​កើត​មុន​

ប្រសិនបើ​ស្បែក​របស់​យើង​​រលើបរលោង និង​ងាយ​កើត​មុខ​ជា​ប្រចាំ​នោះ យើង​គួរ​តែ​លាង​សម្អាត​មុខ​ឲ្យ​បាន​ញឹកញាប់​ ទើប​ជា​ការ​ប្រសើរ​។ យ៉ាង​ណា​មិញ ការ​លាង​សម្អាត​មុខ​ច្រើន​ជាង​២​ដង​ក្នុង​មួយ​ថ្ងៃ អាច​​បំផ្លាញ​ស្បែក​របស់​យើង​ទៅ​វិញ ពីព្រោះ​ថា​វា​នឹង​បង្កើន​ការ​ផលិត​ជាតិ​ខ្លាញ់ ​ព្រម​ទាំង​នាំ​ឲ្យ​កើត​មុន​កាន់​តែ​ច្រើន​។ ដើម្បី​​ជួយ​​ពន្យឺត​ដល់​ការ​ផលិត​ជាតិ​ខ្លាញ់ គ្នា​យើង​គប្បី​ជ្រើសរើស​ប្រើ​ហ្វូម​លាង​មុខ​ដែល​មាន​ជាតិ​អាស៊ីដ និង​មិន​​ត្រូវ​លាង​មុខ​ច្រើន​ដង​ពេក​​ឡើយ​​។

៣. ប្រើ​គ្រឿង​សម្អាង​ក្រាស់​ៗ​

ផលិតផល​គ្រឿង​សម្អាង​​មួយ​ចំនួន​ អាច​ប្រមូលផ្ដុំ​លើ​ស្បែក​របស់​យើង​ និង​បណ្ដាល​ឲ្យ​ស្ទះ​រន្ធ​ញើស​ ក៏​ដូចជា​ស្នាម​ជ្រីវជ្រួញ​មុន​វ័យ​។ ​ហេតុ​នេះ​ហើយ គ្នា​យើង​គប្បី​​លាង​សម្អាត​មុខ​ឲ្យ​បាន​ស្អាត​ល្អ និង​ត្រឹមត្រូវ ក្រោយ​ពេល​ប្រើ​គ្រឿង​សម្អាង​រួច ដើម្បី​ឲ្យ​ស្បែក​ភ្លឺ​ស្រស់​ថ្លា​ និង​មើល​ទៅ​ក្មេង​ជាង​វ័យ​។

៤. ហាត់​ប្រាណ​ជា​ទៀងទាត់​

ការ​បញ្ចេញ​សកម្មភាព​រាងកាយ​ មាន​សារសំខាន់​ណាស់​​សម្រាប់​ការ​​គ្រប់គ្រង​ទម្ងន់​​ និង​ជួយ​ឲ្យ​យើង​មាន​ថាមពល​ពេញ​មួយ​ថ្ងៃ​។ យ៉ាង​ណា​មិញ ការ​លាង​សម្អាត​មុខ​នៅ​មុន​ពេល​ និង​ក្រោយ​ពេល​ហាត់​ប្រាណ​ជា​រឿង​ដែល​មិន​អាច​ខ្វះ​បាន​ឡើយ​។ ជាក់​ស្ដែង ការ​លាង​សម្អាត​មុខ​ មុន​ពេល​ហាត់​ប្រាណ​អាច​ជួយ​បញ្ចៀស​ការ​ស្ទះ​រន្ធ​ញើស នៅ​ពេល​ដែល​​​បាក់តេរី​​ប៉ះពាល់​ជាមួយ​​ញើស​ និង​កោសិកា​ងាប់​ៗ​នៅ​លើ​ផ្ទៃ​មុខ​។ ទន្ទឹម​នឹង​នេះ ការ​លាង​សម្អាត​ស្បែក​ភ្លាម​ៗ​ ក្រោយ​ហាត់​ប្រាណ​ អាច​កម្ចាត់​បាក់តេរី​ ដែល​បង្ក​ជា​ការ​កើត​មុន​បាន​យ៉ាង​មាន​ប្រសិទ្ធភាព​៕

អត្ថបទផ្ដល់ដោយ៖ Hello Krupet

ចុចអាន៖តិចនិកជ្រើសរើសផលិតផល ឲ្យត្រូវនឹង សភាពស្បែក បង្ការបញ្ហាផ្សេងៗ

ចុចអាន៖តិចនិកថែទាំស្បែកមុខ ការពារកុំឲ្យឡើងអាចម៍រុយផ្ដេសផ្ដាស

The post គន្លឹះលាងសម្អាតមុខឲ្យស្អាតល្អ ទៅតាមប្រភេទស្បែក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ appeared first on Kampuchea Thmey Daily.

១. ​ស្បែក​ស្ងួត

ប្រសិនបើ​មានស្បែកស្ងួត យើងត្រូវរកមើល​ផលិតផល​ដែល​មាន​ផ្ទុក​ជាតិ Shea Butter (ប័រ​សម្រាញ់​ពីគ្រាប់ shea) និង​អាស៊ីដ lactic។ វេជ្ជបណ្ឌិត Jason Green ឯកទេសរោគសើស្បែកនៅរដ្ឋ​ផ្លរីដា សហរដ្ឋអាមេរិកបានលើកឡើងថា សារធាតុផ្សំ​ទាំងនេះ​ជួយ​ផ្តល់​សំណើម និងជួយខាត់ស្បែកក្នុងកម្រិតស្រាលដែលធ្វើឱ្យស្បែកយើងភ្លឺថ្លា។​

២. ស្បែកងាយប្រតិកម្ម

ប្រសិនបើយើងមានស្បែកងាយប្រតិកម្ម យើងត្រូវរកមើលផលិតផលដែលមានធាតុផ្សំពីប្រទាលកន្ទុយក្រពើ ស្រូវសាលីអូត និង shea butter ព្រោះសារធាតុផ្សំទាំងនេះជួយផ្តល់​សំណើម​ និង​​​មិន​ធ្វើ​ឱ្យស្បែកឡើងមុន​។

៣. ស្បែកខ្លាញ់

ប្រសិនបើមានស្បែកខ្លាញ់ យើងត្រូវរកមើលផលិតផលដែលមានអាស៊ីដ alpha hydroxy (អាស៊ីដ glycolic ឬ អាស៊ីដ salicylic ), benzoyl peroxide និងអាស៊ីដ hyaluronic ព្រោះសារធាតុផ្សំទាំងនេះមានប្រសិទ្ធភាពក្នុងការគ្រប់គ្រងការផលិតជាតិខ្លាញ់ ខណៈ​អាស៊ីដ hyaluronic ជួយផ្តល់សំណើមដល់ស្បែក​​។

ពេលទិញផលិតផលយើងគួរជ្រើសរើសផលិតផលដែលមានធាតុផ្សំដូច​ជា៖

• Glycerin៖ វេជ្ជបណ្ឌិត David បានលើកឡើងថា Glycerin ជាសារធាតុផ្តល់សំណើមដ៏សំខាន់
• អាស៊ីដ Ceramides និង hyaluronic៖ គ្រឿងផ្សំទាំងពីរនេះគឺ​ជា​ភ្នាក់ងារផ្តល់សំណើមដែលដូចនឹងសំណើមធម្មជាតិនៅក្នុងស្បែក​​របស់យើង
• អាស៊ីដ L-Ascorbic (វីតាមីន C)៖ វីតាមីន C ជាពិសេសក្នុងទម្រង់​អាស៊ីដ l-ascorbic គឺជាសារធាតុប្រឆាំងអុកស៊ីតកម្ម​ដែល​អាចជួសជុលស្បែកពីការបំផ្លាញដោយកម្មកាំរស្មី UV និងជំរុញឱ្យស្បែក​​ផលិត​ខូឡាជែន
• Tocopherol (វីតាមីន E)៖ វីតាមីន E មាននាទីប្រហាក់ប្រហែលនឹងវីតាមីន C ហើយមានប្រសិទ្ធភាព​បំផុត​នៅពេល​ប្រើរួមជាសារធាតុផ្សំជាមួយវីតាមីន C
• Retinol៖ ជាសារធាតុសំខាន់នៅក្នុងផលិត​ផលថែរក្សាស្បែក​ពេល​យប់​​​ដែលមាន​ប្រសិទ្ធភាពជួយជួសជុលកោសិកាស្បែក និងជំរុញការផលិតខូឡាជែន
• Niacinamide (វីតាមីន B3)៖ ​ល្អ​សម្រាប់​ការ​គ្រប់​គ្រង​ជាតិ​ខ្លាញ់ ​ផ្តល់​សំណើម​ដល់​ស្បែក ​និង​ធ្វើឱ្យ​ស្បែក​មានពណ៌ស្មើគ្នា​។

ទន្ទឹមនឹងនោះយើងគួរចៀសវាងផលិតផលដែលមានសារធាតុផ្សំដូចខាង​ក្រោម៖

• ក្លិនក្រអូប៖ ផលិតផលដែលមានបន្ថែមក្លិនក្រអូបងាយនឹងធ្វើឱ្យស្បែកយើងអាលែកហ្ស៊ី និងរលាក ជាពិសេសប្រសិនបើយើងមានស្បែកងាយប្រតិកម្ម។
• សារធាតុស៊ុលហ្វាត៖ ​ជាសារធាតុ​សម្អាតដែល​អាចធ្វើឱ្យស្បែក និង​សក់របស់យើងបាត់បង់ជាតិ​ប្រេង​ធម្មជាតិ និងអាចបណ្តាលឱ្យស្បែក​យើងរលាក។
• ប៉ារ៉ាបិន៖ ជាសារធាតុគីមីដែលគេនិយមដាក់ក្នុងផលិតផលដើម្បីការពារការលូតលាស់របស់បាក់តេរី។ អ្នកជំនាញក្នុងផ្នែកឧស្សាហកម្មហៅសារធាតុនេះថា អ្នកធ្វើត្រាប់តាម​អ័រម៉ូនអ៊ឹស្ត្រូសែន។ ប៉ារ៉ាបិន​អាចធ្វើឱ្យយើងអតុល្យភាព​អ័រម៉ូនដែលបណ្តាល​ឱ្យ​មាន​បញ្ហាសុខភាព ប្រសិនបើយើងប្រើប្រាស់ក្នុងរយៈពេលយូរ។
• សារធាតុ formaldehyde និងសារធាតុបញ្ចេញ formaldehyde៖
  សារធាតុ formaldehyde ជាសារធាតុរក្សាទុក និងធ្វើឱ្យស្បែកយើង​ងាយប្រតិកម្ម។ យើង​អាចនឹងកម្រឃើញសារធាតុ formaldehyde​ នៅក្នុងបញ្ជី​ធាតុ​ផ្សំរបស់​ផលិតផល​ថែស្បែក ព្រោះសារធាតុនេះត្រូវបានចាត់ថ្នាក់ថាជាសារធាតុបង្កមហារីក ប៉ុន្តែ​លោក​វេជ្ជបណ្ឌិត David ឯកទេសរោគសើស្បែកបានលើកឡើងថា ជារឿយៗសារធាតុ​នេះ​ត្រូវបានជំនួសដោយសារធាតុគីមីដែលមានឈ្មោះខុសៗគ្នាដូចជា Quanterium-15, DMDM hydantoin, diazolinge urea ឬ imidazolidinge urea ដែលនឹង​បញ្ចេញ​សារធាតុ​ formaldehyde បន្តិចម្ដងៗ។

មុនទិញ ឬមុនប្រើផលិតផលថែស្បែក យើងគួរសាកល្បង​លាបផលិតផល​លើ​ស្បែក​ខ្នងដៃយើងបន្តិចសិន ដើម្បីប្រាកដថា ផលិតផលថែស្បែកនេះ​ត្រូវនឹង​ស្បែក​របស់​យើង។ ប្រសិនបើក្រោយពីលាបហើយ ស្បែកខ្នងដៃរបស់​​យើងឡើងកន្ទួល រមាស់ តឹង ឬស្ទះរន្ធញើស នោះបញ្ជាក់ថាផលិត​ផល​​​ថែស្បែក​ហ្នឹង​មិនត្រូវ​នឹង​ស្បែក​របស់យើងទេ៕

អត្ថបទផ្ដល់ដោយ៖ Hello Krupet

ចុចអាន៖មុខកើតមុន កុំចេះតែញ៉ាំ ប្រយ័ត្នស្តាយក្រោយ

ចុចអាន៖តិចនិកថែទាំស្បែកមុខ ការពារកុំឲ្យឡើងអាចម៍រុយផ្ដេសផ្ដាស

The post តិចនិកជ្រើសរើសផលិតផល ឲ្យត្រូវនឹង សភាពស្បែក បង្ការបញ្ហាផ្សេងៗ appeared first on Kampuchea Thmey Daily.