បើតាមលោក ប៊ុន ដារ៉ា ប្រធានគ្រប់គ្រងរមណីយដ្ឋានឆ្នេរកោះប៉ែន បានឲ្យដឹងថា ស្ពានឬស្សីដែលកំពុងសាងសង់ឆ្លងកាត់ទន្លេ ចាប់ពីត្រើយមុខវត្តដីដុះ ក្នុងសង្កាត់វាលវង់ ក្រុងកំពង់ចាម មកដល់រមណីយដ្ឋានឆ្នេរកោះប៉ែន មានប្រវែងប្រមាណ ១,០០០ ម៉ែត្រ ទទឹង ២ម៉ែត្រ ដែលបច្ចុប្បន្នសាងសង់បានជាង ៩៩%ហើយ ដោយនឹងដាក់ឱ្យដំណើរការនៅថ្ងៃទី១៦ ខែធ្នូ ឆ្នាំ២០២៤៕

អត្ថបទ​៖ ​ឡេក​ ចាន់ពេជ្រ

The post ស្ពានឬស្សីកោះប៉ែន នឹងដាក់ឲ្យដំណើរការនៅថ្ងៃទី១៦ធ្នូនេះ appeared first on Kampuchea Thmey Daily.

លោក ស៊ាន សុគុន ប្រធានមន្ទីរទេសចរណ៍ ខេត្តកំពង់ចាម បានមានប្រសាសន៍ប្រាប់កម្ពុជាថ្មីឱ្យដឹងថា មកទល់ពេលនេះ រមណីយដ្ឋានទេសចរណ៍​ «កោះប៉ែន​»​ បានរៀបចំហេដ្ឋារចនាសម្ព័ន្ធ ទាំងផ្លូវធ្វើដំណើរចូលក្នុងរមណីយដ្ឋានផ្ទាល់ សម្រាប់សម្រួលដល់ផ្លូវធ្វើដំណើររបស់ភ្ញៀវទេសចរជាតិ និងអន្ដរជាតិ ដើម្បីចូលមកទស្សនាកម្សាន្តនៅទីនេះ ដោយក្ដីសប្បាយរីករាយ ក្នុងឱកាសថ្ងៃឈប់សម្រាកពីការងារ និងថ្ងៃឆ្លងឆ្នាំថ្មីខាងមុខនេះ។ លោកប្រធានមន្ទីរ មានប្រសាសន៍បន្ថែមថា​ ចំណុចដែលធ្វើឱ្យទាក់ទាញភ្ញៀវទេសចរ មកទស្សនាកម្សាន្តនៅរមណីយដ្ឋានទេសចរណ៍ កោះប៉ែន នេះ គឺមានដូចជា ​៖ ទី១. រមណីយដ្ឋានទេសចរណ៍ កោះប៉ែន គឺជាកោះធម្មជាតិមានទឹកហូរជុំវិញកោះ អាចឱ្យភ្ញៀវនាំគ្នាមុជទឹកលេងកម្សាន្តសប្បាយ ទី២. រមណីយដ្ឋានទេសចរណ៍ កោះប៉ែន​ មានឆ្នេរទន្លេមេគង្គស្រស់ស្អាត ទី៣. រមណីយដ្ឋានទេសចរណ៍ កោះប៉ែន មានផ្លូវធ្វើដំណើរចូលក្នុងរមណីយដ្ឋាន ងាយស្រួល និងសុវត្ថិភាព និងទី៤. តម្លៃចូលរួមទស្សនាត្រឹមតែ ១ ០០០ រៀល ទៅ ២ ០០០ រៀល ក្នុងភ្ញៀវទេសចរម្នាក់ តែប៉ុណ្ណោះ។

លោក ស៊ាន សុគុន បានបញ្ជាក់ទៀតថា សម្រាប់ភ្ញៀវទេសចរបរទេសដែលមកទស្សនាកម្សាន្តនៅរមណីយដ្ឋាន កោះប៉ែន ភាគច្រើនគឺមកលេងជាលក្ខណៈឯកជន និងភ្ញៀវទេសចរខ្លះទៀត មកជាលក្ខណៈក្រុមហ៊ុនទេសចរណ៍ តាមរយៈកាប៉ាល់ ឬ កាណូតទេសចរណ៍ ជាដើម។ លោក ស៊ាន សុគុន សង្ឃឹមថា ​នាឱកាសថ្ងៃឈប់សម្រាកឆ្លងឆ្នាំខាងមុខនេះ រមណីយដ្ឋានទេសចរណ៍ កោះប៉ែន នឹងទទួលបានភ្ញៀវទេសចរជាតិ និងអន្តរជាតិ មកទស្សនាកម្សាន្តយ៉ាងច្រើនកុះករ។

ជាចុងក្រោយ លោក ស៊ាន សុគុន ក៏បានអំពាវនាដល់ប្រជាពលរដ្ឋខ្មែរទាំងអស់ សូមមកចូលរួមទស្សនាកម្សាន្ត រមណីយដ្ឋានទេសចរណ៍ទាំង ១១ ក្នុងខេត្តកំពង់ចាម ក្នុងនោះរួមមាន ៖ រមណីយដ្ឋានទេសចរណ៍ ទឹកឆា និងរមណីយដ្ឋានទេសចរណ៍ កោះប៉ែន ដែលសុទ្ធសឹងជារមណីយដ្ឋានបែបធម្មជាតិទាំងអស់ មានក្នុងខេត្តកំពង់ចាម។

សូមជម្រាបជូនថា រមណីយដ្ឋានទេសចរណ៍ ឆ្នេរខ្សាច់កោះប៉ែន គឺជារមណីយដ្ឋានបែបធម្មជាតិ និងមានឆ្នេរទន្លេស្រស់ស្អាត ជាប់ដងទន្លេមេគង្គ ដែលមានទីតាំងស្ថិតនៅភូមិ​កោះមិត្ត​ ឃុំកោះមិត្ត ស្រុកកំពង់សៀម ខេត្តកំពង់ចាម និងមានចម្ងាយប្រហែល ៣ គីឡូម៉ែត្រពីទីរួមខេត្តកំពង់ចាម៕

អត្ថបទ ៖ សួស សិត

The post កោះប៉ែន ត្រៀមបើកដំណើរការទទួលភ្ញៀវទេសចរទស្សនាកម្សាន្ត ជាផ្លូវការ​ នាសប្ដាហ៍ក្រោយ appeared first on Kampuchea Thmey Daily.

ជារៀងរាល់ឆ្នាំ ស្ពានឫស្សីកោះប៉ែននេះ ត្រូវបានសាងសង់រួចចុងខែវិច្ឆិកាមកម្ល៉េះ ប៉ុន្តែ ដោយសារទឹកទន្លេមេគង្គមានការស្រក់យឺត ទើបគេចាប់ផ្តើមសាងសង់នៅក្នុងដើមខែធ្នូវិញ។ ស្ពាននេះ មានប្រវែងជាង ៨០០ម៉ែត្រ ដោយមានទទឹង ១ម៉ែត្រកន្លះ ដែលចំណាយឬស្សីជាង២ម៉ឺនដើម។ លោក ប៊ុន ដារ៉ា ដែលជាម្ចាស់អភិរក្សស្ពានឫស្សីបានប្រាប់ឱ្យដឹងថា ស្ពានឫស្សីកោះប៉ែន កំពុងតែសាងសង់ជាបណ្តើរៗ ខណៈបច្ចុប្បន្នបាន៤០% ហើយ បើទោះបីទឹកទន្លេមេគង្គមានការស្រកចុះយឺតក៏ដោយ។ លោកបានបន្ថែមទៀតថា ឆ្នាំនេះ ការកសាងរមណីយដ្ឋានឆ្នេរខ្សាច់កោះប៉ែនឡើងវិញ មានការខុសប្លែកជាងរាល់ឆ្នាំ ពោល គឺមានផ្លូវចេញចូលធំទូលាយទាំងកន្លែងចំណតរថយន្តម៉ូតូ មានបង្គន់អនាម័យចល័ត មានពោងទឹកខ្នាតមធ្យមសម្រាប់ក្មេងលេង និងមានការរៀបចំគ្រែលំហែកាយ ដោយមានការកំណត់តារាងមុខម្ហូប និងសេវាកម្មផងដែរ។

គួរបញ្ជាក់ថា ស្ពានឫស្សីកោះប៉ែននេះ បានបង្ហាញភាពទាក់ទាញ និងសក្កានុពលយ៉ាងសំខាន់ លើវិស័យទេសចរណ៍ក្នុងខេត្តកំពង់ចាម ហើយក្នុងឆ្នាំនេះ មានលក្ខណ:ប្លែកជាងរាល់ឆ្នាំ គឺមានការពង្រីកឆ្នេរខ្សាច់ និងផ្លូវចេញចូលធំជាងមុន ដើម្បីសម្រួលចរាចរណ៍កុំឱ្យមានការកក់ស្ទះនាពេលបុណ្យទាន និងមួយវិញទៀតនោះ ខាងឆ្នេរខ្សាច់កោះប៉ែន ក៏មានបង្កើតស្តង់សម្រាប់ឱ្យអ្នកភូមិលើកោះនេះ បានលក់នំចំណីដែលផលិតផ្ទាល់តែម្តង៕

អត្ថបទ និង រូបភាព ៖  ឡេក ចាន់ពេជ្រ

The post ស្ពានឫស្សីកោះប៉ែន កំពុងចាប់ផ្តើមសាងសង់ឡើងវិញ ខណៈទឹកទន្លេបន្តស្រក appeared first on Kampuchea Thmey Daily.

កាលពី​យប់​ថ្ងៃទី ១៨ ខែ​មិថុនា ឆ្នាំ ២០២៣ កម្ពស់​ទឹក​ទន្លេ​មេគង្គ​កំពង់ចាម បាន​ហក់​ឡើង​ខុសរដូវ ​បណ្ដាល​ឲ្យ​ស្ពាន​ឫស្សី​កោះ​ប៉ែន ត្រូវ​ខូចខាត និង​កាត់ផ្ដាច់។

បើ​តាម​ការ​បញ្ជាក់​ពី​លោក ប៊ុន ដារ៉ា ម្ចាស់​សហគមន៍​វិនិយោគ​ស្ពាន​ឫស្សី​កោះ​ប៉ែន បាន​ប្រាប់​ឲ្យ​ដឹង​ថា ស្ពាន​ឫស្សី​កោះ​ប៉ែន កំពុង​មាន​ទឹក​ជន់​លិច មិន​អាច​បើក​ឲ្យ​ភ្ញៀវ​ធ្វើដំណើរ​ដើរ​ឆ្លងកាត់​កម្សាន្ត​បាន​ឡើយ ព្រោះ​តួ​ស្ពាន​ចំ​កណ្ដាល​ត្រូវ​ហូរ​ផ្ដាច់​ខ្លះ​ហើយ។

លោក​បញ្ជាក់​ថា ចំពោះ​រមណីយដ្ឋាន​ឆ្នេរ​ខ្សាច់​វិញ មាន​លក់ដូរ​កម្សាន្ត​ធម្មតា ប៉ុន្តែ​ភ្ញៀវ​ទេសចរ​អាច​ធ្វើ​ដំណើរ​តាម​ស្ពានថ្ម​កោះ​ប៉ែន​ឆ្លង​មក​កាន់​ឆ្នេរ​ខ្សាច់​វិញ៕

អត្ថបទ និង​រូបភាព ៖ ឡេក ចាន់ពេជ្រ

The post ទឹកទន្លេមេគង្គ ហក់ឡើង កាត់ផ្ដាច់ ស្ពានឫស្សីកោះប៉ែន appeared first on Kampuchea Thmey Daily.

ស្ពាន​ឫស្សី ជា​ស្ពាន​ដ៏​ទាក់ទាញ​មួយ​សម្រាប់​ភ្ញៀវ​ទេសចរ​ក្នុង​ប្រទេស និង​ក្រៅ​ប្រទេស មក​លេង​កម្សាន្ត​លើ​ទឹក​ដី​ខេត្ត​កំពង់ចាម បច្ចុប្បន្ន​នេះ កំពុងតែ​កសាង​ឡើង​វិញ​ហើយ ខណៈ​ទឹក​ទន្លេ​បាន​ស្រក​ទៅវិញ។

ជា​រៀងរាល់​ឆ្នាំ ស្ពាន​ឫស្សី​កោះ​ប៉ែន​នេះ ត្រូវបាន​កសាង​រួច​តាំងពី​ខែ​វិច្ឆិកា​មក​ម្ល៉េះ ប៉ុន្តែ​ដោយសារ ទឹក​ទន្លេ​មេគង្គ មាន​ការ​ស្រក​យឺត ទើប​គេ​ចាប់ផ្ដើម​កសាង​នៅ​ក្នុង​ដើម​ខែ​ធ្នូ​នេះ ដែល​មាន​ប្រវែង​ជាង ៨០០ ម៉ែត្រ ដោយ​មាន​ទទឹង ១ ម៉ែត្រ​កន្លះ ចំណាយ​ឫស្សី​ជាង ២ ម៉ឺន​ដើម។

បើ​តាម​ការ​បញ្ជាក់​ពី​លោក ប៊ុន ដារ៉ា ដែល​ជា​ម្ចាស់​អភិរក្ស​ស្ពាន​ឫស្សី បាន​ប្រាប់​ឲ្យ​ដឹង​ថា ស្ពាន​ឫស្សី​កោះ​ប៉ែន គឺ​កំពុង​តែ​កសាង​ជា​បណ្តើរៗ ខណៈ​បច្ចុប្បន្ន​បាន ១០% ហើយ បើ​ទោះបី​ទឹកទន្លេ​មេគង្គ​មាន​ការ​ស្រក​ចុះ​យឺតយ៉ាវ។

លោក ដារ៉ា បាន​បន្ថែម​ទៀត​ថា ឆ្នាំ​នេះ​ការ​កសាង​រមណីយដ្ឋាន​ឆ្នេរ​ខ្សាច់​កោះ​ប៉ែន​ឡើង​វិញ មាន​ការ​ខុសប្លែក​ជាង​រាល់​ឆ្នាំ ពោល​គឺ​មាន​ផ្លូវ​ចេញចូល​ធំ​ទូលាយ ទាំង​កន្លែង​ចំណត​រថយន្ត​ម៉ូតូ មាន​បង្គន់​អនាម័យ​ចល័ត មាន​ពោង​ទឹក​ខ្នាត​មធ្យម​សម្រាប់​ក្មេង​លេង និង​មាន​ការ​រៀបចំ​គ្រែ​លំហែ​កាយ ដោយ​មាន​ការ​កំណត់​តារាង​មុខម្ហូប និង​សេវាកម្ម​ផង​ដែរ។

គូស​បញ្ជាក់​ផង​ដែរ​ថា ស្ពាន​ឫស្សី​កោះ​ប៉ែន​នេះ គឺ​បាន​បង្ហាញ​ភាព​ទាក់ទាញ និង​សក្ដានុពល​យ៉ាង​សំខាន់​លើ​វិស័យ​ទេសចរណ៍​ក្នុង​ខេត្ត​កំពង់ចាម ហើយ​ក្នុង​ឆ្នាំ​នេះ​មាន​លក្ខណៈ​ប្លែក​ជាង​រាល់​ឆ្នាំ គឺ​មាន​ការ​ពង្រីង​ឆ្នេរ​ខ្សាច់ និង​ផ្លូវ​ចេញចូល​ធំ​ជាង​មុន ដើម្បី​សម្រួល​ចរាចរណ៍​កុំ​ឲ្យ​មាន​ការ​កកស្ទះ​នា​ពេល​បុណ្យទាន និង​មួយវិញទៀត​នោះ ខាង​ឆ្នេរ​ខ្សាច់​កោះ​ប៉ែន មាន​បង្កើត​ស្តង់​សម្រាប់​ឲ្យ​អ្នកភូមិ​លើ​កោះ​នេះ​បាន​លក់​នំចំណី​ខ្មែរ​ដែល​ផលិត​ផ្ទាល់​តែម្ដង។

ស្ពាន​ឫស្សី​កោះ​ប៉ែន នឹង​អាច​ទាញ​យក​ភ្ញៀវ​ទេសចរ​កាន់តែ​កើន​ឡើង​ក្នុង​ឆ្នាំ​ថ្មី​នេះ និង​បង្ហាញ​ពី​អត្តសញ្ញាណ​របស់​ខេត្ត​កំពង់ចាម ហើយ​អ្វី​ដែល​យើង​រង់ចាំ​មិន​ភ្លេច​នោះ តំបន់​មួយ​នេះ​ល្បី​ក្នុង​បទ​ចម្រៀង​របស់​អធិរាជ​សំឡេង​មាស ស៊ិន ស៊ីសាមុត ផង​ដែរ៕

រូបភាព ៖ ឡេក ចាន់ពេជ្រ

The post រមណីយដ្ឋានឆ្នេរខ្សាច់កោះប៉ែន ចាប់ផ្ដើមកសាងហើយ ដើម្បីត្រៀមឆ្លងឆ្នាំ appeared first on Kampuchea Thmey Daily.