​បទពិសោធន៍​នេះ​ ដែល​កសិករ​ឈ្មោះ នួន ក្នុងស្រុក​ចម្ការលើ​ ខេត្ត​កំពង់ចាម​បាន​រៀបរាប់​ឲ្យ​ដឹង​នូវ​បទពិសោធន៍​ក្នុង​ការ​ដាំ​ផ្លែ​ស្រកានាគ និង​ខ្នុរ​ថា ការ​ដាំ​ចម្រុះ​ចូលគ្នា​ក្នុង​ចម្ការ​តែមួយ​ដោយ​ដាំ​ផ្លែ​ស្រកានាគ​ជាង​១​ពាន់​គុម្ព​ជា​មួយ​នឹង​ដើម​ខ្នុរ​ឃើញ​ថា ​បាន​ផ្តល់​ប្រយោជន៍​ដោយសារ​មើល​ឃើញ​ស្ថានភាព​បណ្តោយ​ថ្ងៃ​ក្នុង​ការ​ដាំ​សាកល្បង​ដំបូង​។​

​លោក នួន បន្ត​ថា ​ក្នុង​ចន្លោះ​២​ម៉ែត្រ​ដាក់​ដាំ​ស្រកានាគ​តែមួយ​ជួរ​ ដោយ​ដាំ​ចំ​កណ្តាល​ថ្ងៃ​ដែល​ដាំ​ដើម​ខ្នុរ​សងខាង​ជួយ​ជា​ម្លប់​ដល់​ស្រកានាគ​ផង​ដែរ​។​ ឆ្លង​តាមរយៈ​បទពិសោធន៍​នេះ​ លោក នួន​បន្ត​ថា បើ​ដាំ​តែ​ស្រកានាគ​ក៏​វា​ល្អ​ម្យ៉ាង​ដែរ​ តែមួយ​រយៈ​ចុង​ក្រោយនេះ ​អាកាសធាតុ​ក្តៅ​ខ្លាំង​ហើយ​បើ​យើង​ដាំ​ចម្រុះ​របៀប​នេះ​ វា​ជួយ​ធ្វើ​ឲ្យ​ស្រកានាគ​ទទួល​បាន​ធាតុ​ត្រជាក់​ផង​ដែរ​ ពី​ម្លប់​ដើម​ខ្នុរ ហើយ​នៅ​ពេល​ស្រោច​ទឹក​ក៏​មាន​ភាពងាយស្រួល​ដែរ ដោយ​ស្រោច​ទឹកបាន​ទាំង​ស្រកានាគ និង​ខ្នុរ​។​ កត្តា​ដែល​យើង​ទទួល​បាន​ផលប្រយោជន៍​ពី​ស្លឹក​ខ្នុរ​ ដែល​ជ្រុះ​ទៅលើ​ដី​វា​អាច​ក្លាយទៅជា​ជី​ស្រោច​គល់​ដើម​ស្រកានាគ​ ផង​ដែរ​។ អញ្ចឹង​ហើយ​ការ​ដាំ​ស្រកានាគ និង​ខ្នុរ​បញ្ចូល​គ្នា​វា​បាន​ផ្តល់​អត្ថប្រយោជន៍​ទាំង​ពេលវេលា​ការថែទាំ ដោយ​ខ្នុរ​ផ្តល់​នូវ​ម្លប់​ត្រជាក់​និង​ជី​កើត​ពី​ស្លឹក​ខ្នុរ​ទៅដល់​ស្រកានាគ​បាន​យ៉ាង​ពេញចិត្ត​៕​

អត្ថបទ៖ កញ្ញា វ៉ាត

សូមចុចអាន៖ មាន​ភ្ញៀវ​ទេសចរ​របួស​ហូរហែ អាជ្ញាធរ នឹង​ចាប់​យក​សត្វ​ស្វា​កាចៗ ព្រលែងចូល​ព្រៃ​ធម្មជាតិ

​

The post របៀប​ដាំ​ស្រកានាគ និង​ខ្នុរ​ក្នុង​ចម្ការ​តែមួយ​ ងាយស្រួល​ថែទាំ​ប្រមូល​ផល appeared first on Kampuchea Thmey Daily.