ស្រឡាងនេះកំពុងធ្វើដំណើរពីកោះ Jeju ទៅទីក្រុង Mokpo តែបានបុកនឹងថ្មនៅក្នុងទឹកមុនពេលទៅដល់។ ការបុកគ្នានេះបានធ្វើឱ្យស្រឡាងផ្អៀង និងបង្កឱ្យមានសំឡេងខ្លាំងៗ ដែលធ្វើឱ្យអ្នកដំណើរភ័យខ្លាច។ រន្ធតូចមួយត្រូវបានគេរកឃើញនៅផ្នែកខាងមុខស្រឡាងក្រោយកើតហេតុ ប៉ុន្តែគ្មានទឹកចូលទៅក្នុងស្រឡាងនោះទេ។

អ្នកដំណើរបាននិយាយថា ពួកគេត្រូវបានគេប្រាប់ឱ្យពាក់អាវការពារជីវិត ហើយផ្លាស់ទីទៅជាន់ខាងលើ ខណៈពេលកំពុងរង់ចាំជំនួយ។ ឆ្មាំឆ្នេរសមុទ្រកូរ៉េខាងត្បូង បានបញ្ជូនក្រុមជួយសង្គ្រោះជាច្រើនយ៉ាងឆាប់រហ័ស រួមមានទូកល្បាត នាវាជួយសង្គ្រោះ និងយន្តហោះមួយគ្រឿងថែមទៀត។ ទោះយ៉ាងណាអ្នកដំណើរត្រូវបានជួយសង្គ្រោះនិងផ្លាស់ទីចេញពីស្រឡាងដោយសុវត្ថិភាព។

ប្រធានាធិបតីកូរ៉េខាងត្បូង លោក Lee Jae-myung ទោះកំពុងធ្វើទស្សនកិច្ចនៅអារ៉ាប់រួម តែបានបញ្ជាឱ្យមន្ត្រីធ្វើឱ្យប្រាកដថាមនុស្សគ្រប់គ្នាត្រូវបានជួយសង្គ្រោះយ៉ាងឆាប់រហ័ស និងចែករំលែកព័ត៌មានថ្មីៗជាមួយសាធារណជន។ នាយករដ្ឋមន្ត្រី Kim Min-seok ក៏បានប្រាប់អាជ្ញាធរឱ្យប្រើប្រាស់ឧបករណ៍ និងនាវាដែលមានទាំងអស់ដើម្បីជួយអ្នកដំណើរផងដែរ។

មកដល់ពេលនេះអ្នកដំណើរទាំងអស់ដែលត្រូវបានជួយសង្គ្រោះត្រូវបានទៅកាន់ទីក្រុង Mokpo ខណៈដែលសមាជិកនាវិកបានស្នាក់នៅលើស្រឡាងដើម្បីត្រួតពិនិត្យសុវត្ថិភាព៕

អត្ថបទ៖ ប៊ុន សុភាព

The post អ្នកដំណើរ ២៦៧ នាក់ត្រូវបានជួយសង្គ្រោះ ពី​ស្រឡាង​ជាប់គាំងនៅកូរ៉េខាងត្បូង appeared first on Kampuchea Thmey Daily.

មន្ត្រីគ្រោះមហន្តរាយឈ្មោះ Nixon Alonzo បាននិយាយថា ស្រឡាង Lady Mary Joy 3 កំពុងធ្វើដំណើរចេញពីទីក្រុង Zamboanga លើកោះ Mindanao ឆ្ពោះទៅកាន់កោះ Jolo ក្នុងខេត្ត Sulu នៅពេលភ្លើងឆាបឆេះ ជាហេតុជំរុញឲ្យអ្នកដំណើរ លោតចុះពីស្រឡាង។

ក្រុមអ្នកជួយសង្គ្រោះ រួមទាំងឆ្មាំឆ្នេរសមុទ្រហ្វីលីពីន និងអ្នកនេសាទផងដែរ បានជួយសង្គ្រោះអ្នកដំណើរចំនួន១៩៥នាក់ និងនាវិក៣៥នាក់។

ស្របពេលជាមួយគ្នានោះ ក្រុមមន្ត្រីបញ្ជាក់ថា អ្នក​ស្លាប់​ភាគ​ច្រើន​បាន​លង់​ទឹក ហើយ​ត្រូវគេ​រក​ឃើញ​នៅ​សមុទ្រ។

ទោះបីជាយ៉ាងណាក៏ដោយ ភ្លាមៗនេះ គេ​មិន​ដឹង​ថាតើ​ភ្លើងបានឆាប​ឆេះ​ដោយ​របៀប​ណា​នោះ​ទេ៕

ប្រែសម្រួល៖ Vann Vann

ប្រភព៖ CNA

ចុចអាន៖ ស្រឡាងដឹកមនុស្ស២៥០នាក់ ត្រូវភ្លើងឆាបឆេះនៅ ហ្វីលីពីន

The post មនុស្សស្លាប់កើនដល់ជាង ៣០នាក់ ក្នុងហេតុការណ៍ឆេះស្រឡាង នៅ ហ្វីលីពីន appeared first on Kampuchea Thmey Daily.

អភិបាលខេត្ត Basilan លោក Jim Hataman និយាយថា ឆ្មាំសមុទ្រ កងទ័ពជើងទឹក អ្នកនៅលើស្រឡាងផ្សេងទៀត និងអ្នកនេសាទក្នុងតំបន់បាននាំគ្នាជួយសង្គ្រោះអ្នកដែលបានលោតចូលសមុទ្របន្ទាប់ពីអគ្គិភ័យកើតឡើង។

យ៉ាងណាក្តី មកទល់ពេលនេះ កិច្ចខិតខំប្រឹងប្រែងស្វែងរក និងជួយសង្គ្រោះកំពុងបន្ត។

យោងតាមលោកអភិបាល, សាឡាង MV Lady Mary Joy 3 កំពុងធ្វើដំណើរចេញពីទីក្រុងកំពង់ផែ Zamboanga ឆ្ពោះទៅកាន់ទីប្រជុំជន Jolo ក្នុងខេត្ត Sulu ភាគខាងត្បូង ខណៈវាឆាបឆេះនៅកណ្តាលទីក្រុង Basilan ពេលពាក់កណ្តាលអធ្រាត្រ។

លោក​​បន្ត​ថា អ្នក​ស្លាប់​រួម​មាន​កុមារ​យ៉ាង​តិច​បី​នាក់ ដែល​ទំនង​ជា​បែក​ពី​ឪពុក​ម្តាយ ហើយ​អ្នក​ដំណើរ​ជា​ច្រើន​នាក់​ដែល​រង​របួស ត្រូវ​នាំ​ទៅ​កាន់​មន្ទីរពេទ្យ។

ស្របពេលជាមួយគ្នានោះ ក្រុមមន្ត្រីបញ្ជាក់ថា អ្នក​ស្លាប់​ភាគ​ច្រើន​បាន​លង់​ទឹក ហើយ​ត្រូវគេ​រក​ឃើញ​នៅ​សមុទ្រ៕

ប្រែសម្រួល៖ Vann Vann

ប្រភព៖ CNA

ចុចអាន៖ ហេតុការណ៍លិចស្រឡាង និងទូកដ សម្លាប់មនុស្សច្រើនបំផុត ក្នុងប្រវត្តិសាស្រ្តពិភពលោក

The post ស្រឡាងដឹកមនុស្ស២៥០នាក់ ត្រូវភ្លើងឆាបឆេះនៅ ហ្វីលីពីន appeared first on Kampuchea Thmey Daily.

ស្នងការដ្ឋាននគរបាលខេត្តកណ្ដាល បានបញ្ជាក់ថា ករណីនេះបណ្ដាលមកពីម្ចាស់ទូកដាក់លើសចំណុះ ធ្វេសប្រហែស ហើយគ្មានអាវពោងការពារ។

ខណៈកុមារមួយចំនួនបាត់បង់ជីវិតនៅក្នុងហេតុការណ៍ដ៏រន្ធត់នេះ ខណៈកុមារខ្លះត្រូវបានជួយសង្គ្រោះ។

ថ្ងៃនេះ កម្ពុជាថ្មី សូមបង្ហាញជូននូវហេតុការណ៍លិចស្រឡាង និងទូកដ ទាំង១០ ដែលសម្លាប់ មនុស្សច្រើនបំផុតលើពិភពលោក៖

១. ថ្ងៃទី២០ ខែធ្នូ ឆ្នាំ១៩៨៧ នៅប្រទេសហ្វីលីពីន៖ ស្រឡាង Dona Paz បានបុកនាវាដឹកប្រេង Vector បង្កឲ្យមានអគ្គិភ័យ និងលិច សម្លាប់មនុស្សចំនួន ៤៣៤១នាក់។

២. ថ្ងៃទី២៦ ខែកញ្ញា ឆ្នាំ២០០២ នៅប្រទេសសេណេហ្គាល់៖ ស្រឡាង Le Joola ផ្ទុកលើសចំណុះបានក្រឡាប់លិច សម្លាប់មនុស្ស ១៨៦៣នាក់។

៣. ថ្ងៃទី២៦ ខែកញ្ញា ឆ្នាំ១៩៥៤ នៅប្រទេសជប៉ុន៖ ស្រឡាង Toya Maru បានលិចអំឡុងព្យុះទីហ្វុង សម្លាប់អ្នកដំណើរ និងនាវិកសរុបជាង ១០០០នាក់។

៤. ថ្ងៃទី៣ ខែកុម្ភៈ ឆ្នាំ២០០៦ ក្នុងសមុទ្រក្រហម៖ ស្រឡាង Al Salaam Boccaccio 98 បានលិច សម្លាប់មនុស្សជាង ១០០០នាក់។

៥. ថ្ងៃទី២១ ខែឧសភា ឆ្នាំ១៩៩៦ នៅប្រទេសតង់ហ្សានី៖ ស្រឡាង Bukoba បានបុកថ្ម ហើយលិចក្នុងបឹង Victoria សម្លាប់មនុស្ស ១០០០នាក់។

៦. ថ្ងៃទី២១ ខែមិថុនា ឆ្នាំ២០០៨ នៅប្រទេសហ្វីលីពីន៖ ស្រឡាង Princess of the Stars បានលិចអំឡុងព្យុះទីហ្វុង សម្លាប់មនុស្សប្រហែល ៧០០ នាក់។

៧. ថ្ងៃទី២៧ ខែឧសភា ឆ្នាំ១៩៨៦ នៅប្រទេសបង់ក្លាដែស៖ ស្រឡាង Shamia បានលិចក្នុងទន្លេ អំឡុងពេលព្យុះ សម្លាប់មនុស្សប្រហែល ៥០០នាក់។

៨. ថ្ងៃទី៨ ខែកក្កដា ឆ្នាំ២០០៣ នៅប្រទេសបង់ក្លាដែស៖ ស្រឡាង Nazreen-1 បានលិចក្នុងទន្លេ សម្លាប់មនុស្សប្រហែល ៥០០នាក់។

៩. ថ្ងៃទី១៦ ខែកុម្ភៈឆ្នាំ១៩៩៣ នៅប្រទេសហៃទី៖ ស្រឡាង Neptune បានលិច សម្លាប់មនុស្សយ៉ាងតិច ៥០០នាក់។

១០. ​ថ្ងៃ​ទី២៩ ខែ​មិថុនា ឆ្នាំ២០០០ នៅប្រទេស​ឥណ្ឌូណេស៊ី៖ ទូកដ Cahaya Bahari ដឹកមនុស្សលើសចំណុះ បាន​លិចអំឡុងពេល​ព្យុះ ​សម្លាប់​មនុស្ស​ជិត ៥០០ នាក់៕

ប្រែសម្រួល៖ Vann Vann

ប្រភព៖ USA Today

ចុចអាន៖ ព័ត៌មានបន្ថែម៖ សមត្ថកិច្ចរកឃើញសពជនរងគ្រោះ២នាក់ទៀត ក្នុងឧបទ្ទវហេតុលិចទូកដរ ខណៈ៣នាក់ទៀតកំពុងបាត់ខ្លួន

The post ហេតុការណ៍លិចស្រឡាង និងទូកដ សម្លាប់មនុស្សច្រើនបំផុត ក្នុងប្រវត្តិសាស្រ្តពិភពលោក appeared first on Kampuchea Thmey Daily.

ស្រឡាង Euroferry Olympia ដោតទង់ជាតិអ៊ីតាលី បានធ្វើដំណើរចេញពីកំពង់ផែ Igoumenitsa ដែលជាកំពង់ផែធំបំផុតនៅភាគខាងលិចប្រទេសក្រិក ហើយឆ្ពោះដំណើរទៅកាន់កំពង់ផែ Brindisi របស់ប្រទេសអ៊ីតាលី។

អគ្គិភ័យបានឆាបឆេះនៅជិតកោះ Corfu ក្នុងសមុទ្រ Ionian ខណៈមូលហេតុដែលបង្កឲ្យមានភ្លើងឆេះ នៅមិនទាន់ត្រូវបានគេដឹងនៅឡើយទេ។

ឆ្មាំឆ្នេរសមុទ្របាននិយាយថា អ្នកដំណើរចំនួន២៣៧នាក់ និងសមាជិកនាវិក៥១នាក់កំពុងជិះក្នុងស្រឡាង ហើយនាវាឆ្មាំឆ្នេរសមុទ្រ បីគ្រឿង បានចូលរួមក្នុងប្រតិបត្តិការជួយសង្គ្រោះ។

អ្នកដំណើរ និងនាវិកដែលបានជម្លៀសតាមទូកសង្គ្រោះ ត្រូវបានគេនាំយកទៅកាន់ទីក្រុង Corfu ខណៈលក្ខខណ្ឌអាកាសធាតុនៅទីនោះគឺធម្មតា៕

ប្រែសម្រួល៖ Vann Vann

ប្រភព៖ CNA

ចុចអាន៖ លិចស្រឡាងនៅកោះបាលី ស្លាប់៧នាក់ បាត់ខ្លួន១១នាក់

The post អគ្គិភ័យឆាបឆេះលើ ស្រឡាងដឹកមនុស្សជិត៣០០នាក់ ចេញពី ក្រិក ទៅ អ៊ីតាលី  appeared first on Kampuchea Thmey Daily.

អ្នកនៅរស់រានមានជីវិតរាប់សិបនាក់ ត្រូវបានគេសង្គ្រោះចេញពីទឹក កាលពីល្ងាចថ្ងៃអង្គារបន្ទាប់ពីស្រឡាង KMP Yunicee ដែលដឹកអ្នកដំណើរនិងនាវិកចំនួន ៥៧ នាក់ បានលិចក្បែរកំពង់ផែ Gilimanuk នៅភាគខាងលិចកោះនេះ។

ភាគច្រើននៃអ្នកដែលគេ សង្គ្រោះបាន គឺសន្លប់បាត់ស្មារតី បន្ទាប់ពីរសាត់អណ្តែតក្នុងទឹកអស់រយៈពេលជាច្រើនម៉ោង។ ប៉ុន្តែមនុស្ស ១១ នាក់នៅតែបន្តបាត់ខ្លួនគិតត្រឹមថ្ងៃពុធនេះ។

មេក្រុមស្វែងរកនិងជួយសង្គ្រោះកោះបាលី លោក Gede Darmada បាននិយាយថា “យើងកំពុងស្វែងរកអ្នកដែលបាត់ខ្លួននៅឡើយ។ កាលពីយប់មិញ ប្រតិបត្តិការជួយសង្គ្រោះត្រូវបានរំខាន ដោយការមើលមិនសូវឃើញនិងរលកសមុទ្រខ្ពស់ៗ”។

ទោះបីជាយ៉ាងណាក៏ដោយ ពេលនេះ គេនៅមិនទាន់ដឹងថា គ្រោះថ្នាក់នេះ បណ្តាលមកពីអ្វីនោះទេ៕

ប្រែសម្រួល៖ Vann Vann

ប្រភព៖ CNA

ចុចអាន៖ គ្រោះមហន្តរាយផ្លូវទឹក! ស្រឡាងបុកកប៉ាល់ដឹកទំនិញ ស្លាប់មនុស្ស២៦នាក់នៅ បង់ក្លាដែស

The post លិចស្រឡាងនៅកោះបាលី ស្លាប់៧នាក់ បាត់ខ្លួន១១នាក់ appeared first on Kampuchea Thmey Daily.

ស្រឡាងដែលលិច ត្រូវបានគេស្រង់ចេញពីទឹកទន្លេ Shitalakshya ក្នុងស្រុក Narayanganj កាលពីថ្ងៃចន្ទ។

មន្ត្រីក្នុងតំបន់ M Sustain Billah បានប្រាប់ AFP ថា “សាកសពជាច្រើន ត្រូវបានរកឃើញនៅខាងក្នុងស្រឡាងដែលលិច បន្ទាប់ពីត្រូវបានគេអូសទៅច្រាំង”។

ក្រុមមន្រ្តីបានប្រាប់ AFP ថា ស្រឡាងឈ្មោះ Sabit Al Hasan កម្ពស់មួយជាន់កន្លះមួយគ្រឿងនេះ បានចាកចេញមិនដល់មួយម៉ោងផង ពីស្រុក Narayanganj ចម្ងាយ២០គីឡូម៉ែត្រពីទីក្រុង ដាកា។

អធិការប៉ូលិសក្នុងតំបន់ម្នាក់បាននិយាយថា ស្រឡាងនេះ មានផ្ទុកអ្នកដំណើរយ៉ាងច្រើនកុះករបន្ទាប់ពីរដ្ឋាភិបាលបានបញ្ជាក់ថា ខ្លួននឹងបិទប្រទេសរយៈពេល៧ថ្ងៃ ដើម្បីប្រយុទ្ធប្រឆាំងនឹងការកើនឡើងនៃករណីជំងឺកូវីដ-១៩។

គួរបញ្ជាក់ថា គ្រោះថ្នាក់ស្រឡាងគឺជារឿងធម្មតានៅក្នុងប្រទេសបង់ក្លាដែស។

មនុស្សរាប់លាននាក់ ពឹងផ្អែកយ៉ាងខ្លាំងលើស្រឡាងសម្រាប់ដឹកជញ្ជូន ជាពិសេសនៅតំបន់ភាគខាងត្បូងរបស់ប្រទេស ប៉ុន្តែស្រឡាងទាំងនោះ មិនមានកំណត់ត្រាសុវត្ថិភាពល្អឡើយ។

កាលពីខែមិថុនាឆ្នាំមុន ស្រឡាងមួយគ្រឿងបានលិចនៅទីក្រុងដាកា បន្ទាប់ពីវាបុកសាឡាងមួយគ្រឿងទៀត ដែលបានសម្លាប់មនុស្សយ៉ាងតិច៣២នាក់។

កាលពីខែកុម្ភៈឆ្នាំ២០១៥ មនុស្សចំនួន៧៨នាក់បានស្លាប់ នៅពេលកប៉ាល់ដឹកទំនិញមួយគ្រឿង បុកជាមួយទូកដឹកទំនិញមួយគ្រឿងនៅភាគកណ្តាលប្រទេសបង់ក្លាដែស៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ ស្ត្រីរកស៊ីផ្លូវភេទបង់ក្លាដែស ទទួលបានការចាក់វ៉ាក់សាំងកូវីដ

The post គ្រោះមហន្តរាយផ្លូវទឹក! ស្រឡាងបុកកប៉ាល់ដឹកទំនិញ ស្លាប់មនុស្ស២៦នាក់នៅ បង់ក្លាដែស appeared first on Kampuchea Thmey Daily.