ស្រាបៀ Heineken Archives - Kampuchea Thmey Daily

ស្រាបៀរ Heineken® ដែលជាស្រាបៀរលំដាប់ថ្នាក់លេខ ១ របស់ពិភពលោក សូមអញ្ជើញអតិថិជន ចូលរួមពិធីជប់លៀងដ៏រីករាយជាច្រើន ជាមួយតារាជាច្រើនរូប និងដើមគ្រីសស្មាសដែលតម្រៀបដោយដបស្រាបៀរ Heineken® ចំនួន ១,៥00 ដប

Sorn Phanith — Sat, 24 Dec 2022 09:34:02 +0000

រដូវកាលអបអរជិតមកដល់ហើយ ដូច្នេះដើម្បីអបអរបុណ្យគ្រីសស្មាស និងឆ្នាំថ្មី ជាមួយមិត្តភក្តិ និងក្រុមគ្រួសារ ឱ្យបានសក្តិសមនោះ គឺអបអរជាមួយ Heineken® ដែលជាស្រាបៀរអន្តរជាតិ លំដាប់ថ្នាក់លេខ ១ របស់ពិភពលោកនេះ ។ ស្រាបៀរ Heineken® បានត្រៀមរៀបចំជប់លៀងក្នុងរដូវកាល អបអរនេះជាប់ៗគ្នា ដោយរួមមានកម្មវិធីប្លែកៗយ៉ាងច្រើន ក្នុងខែនេះ។

លោក Loic de Laubriere នាយកផ្នែកទីផ្សារនៃក្រុមហ៊ុនហ៊ិននីគែន ខេមបូឌា បានមានប្រសាសន៍ថា៖ «Heineken® គឺជាម៉ាកយីហោស្រាបៀរលំដាប់កំពូលប្រចាំក្រុមហ៊ុនយើង ដែលល្បីល្បាញទូទាំងពិភពលោក ដោយសារគុណភាពខ្ពស់រសជាតិឆ្ងាញ់។ ស្រាបៀរនេះជាជម្រើសពេញនិយមរបស់សាធារណជន ក្នុងការប្រារព្ធពិធីបុណ្យចូលឆ្នាំសកល អស់រយៈពេលជាង ១៥០ ឆ្នាំ មកហើយ មិនថានៅទីណាក្នុងពិភពលោកឡើយ។ យើងសូមថ្លែងអំណរគុណដល់អតិថិជនទាំងអស់ ដែលមានភក្តីភាពគាំទ្រស្រាបៀរនេះ ក្នុងឆ្នាំ ២០២២ ហើយយើងសង្ឃឹមថាស្រាបៀរ Heineken® នៅតែបម្រើរសជាតិដ៏ឥតខ្ចោះ ដើម្បីអបអរឆ្នាំ ២០២៣ កាន់តែប្រសើរឡើង»។

ដើម្បីចាប់ផ្តើមពិធីអបអរឱ្យបានគគ្រឹកគគ្រេង ស្រាបៀរ Heineken® នឹងរៀបចំកម្មវិធីនៅតាមទីតាំងនានា ក្នុងខែនេះ ដើម្បី នាំយកការសប្បាយដល់លោកអ្នក។ ពិធីអបអរនេះ បានចាប់ផ្តើមរួចទៅហើយ ជាមួយកម្មវិធីជប់លៀងដែលមានឈ្មោះថា ៥-Star នៅក្រុងសៀមរាប ដោយផ្តល់ជូនការម្តែងដោយផ្ទាល់ពី «កញ្ញា យូរី» និង«លោក ស៊ូលី ផេង»។ បន្ទាប់មក ពិធីជប់លៀងក៏ ប្តូរទៅក្រុងព្រះសីហនុ ដោយមាន «កញ្ញា ប៉ាច គីមមួយ» និង «កញ្ញា រ៉េត ស៊ូហ្សាណា» ដែលបានបង្កើតភាពសប្បាយកន្ត្រាក់អារម្មណ៍តាមឆ្នេរសមុទ្រ នាំស្មារតីមនុស្សម្នាឱ្យបានសប្បាយរីករាយ។ បន្ទាប់ពីកម្មវិធីទាំងនេះ នឹងមានកម្មវិធីជប់លៀងមួយចំនួនទៀតនាចុងសប្តាហ៍ខាងមុខនេះ ដោយលោកអ្នកនឹងមានភាពសប្បាយរីករាយពេលឆ្លងឆ្នាំ ដោយមិនអាចភ្លេចបាន នៅ Eclipse Terrace និង T7 Club ក្នុងរាជធានីភ្នំពេញយើងវិញ ដែលចាត់ទុកថាជាកម្មវិធីដ៏សក្តិសម ដើម្បីចាប់ផ្តើមឆ្នាំ ២០២៣ ខាងមុខ។

លោក de Laubriere ក៏បានបន្ថែមដែរថា៖ «ខណៈដែលឆ្នាំ ២០២២ ជាឆ្នាំដែលយើងចាប់មើលឃើញមាន ការងើបឡើងវិញ បន្ទាប់ពីវិបត្តិនៃជំងឺរាតត្បាតសកល ប៉ុន្មានឆ្នាំចុងក្រោយនេះជារយៈពេលពិបាកសម្រាប់យើងគ្រប់គ្នា។ យើងជឿជាក់ថារឿងល្អៗនឹងកើតមាន សម្រាប់ឆ្នាំ ២០២៣ ហើយយើងចង់អបអររឿងទាំងអស់នោះ។ ដូច្នេះ មានអ្វីដែលប្រសើរជាងការរីករាយ ប្រកបដោយការទទួលខុសត្រូវ នឹងការកម្សាន្តកំដរជាមួយ ការទទួលទានស្រាបៀរលំដាប់៥-Star ទៀតនោះ?»

ដើម្បីកុំឱ្យខកខានបទពិសោធន៍ ៥-Star ផ្ទាល់ខ្លួនរបស់អ្នក សូមតាមដានមើលផ្ទាំងរូបភាព ៥-Star របស់ស្រាបៀរ Heineken® របស់យើង ដែលបានបង្ហោះលើបណ្ដាញហ្វេសប៊ុក និងនៅលើផេករបស់បារ និងក្លឹបដែលលោកអ្នកនិយមទៅ ។

ក្នុងខែនេះ ស្រាបៀរHeineken® នឹងដាក់តាំងដើមគ្រីសស្មាសកម្ពស់ ៦ ម៉ែត្រ ដ៏អស្ចារ្យរបស់ខ្លួនម្តងទៀត នៅផ្សារ ទំនើប Aeon ១ និង Aeon ២។ ពេញមួយខែនេះ សូមរីករាយជាមួយការតាំងបង្ហាញដ៏អស្ចារ្យនេះ ដោយមានការរៀបដបស្រាបៀរ Heineken® យ៉ាងផ្ចិតផ្ចង់ដល់ទៅ ១៥០០ ដប ដើម្បីបង្កើតជាដើមឈើមួយ ដោយមានផ្កាយក្រហមជាសម្គាល់នៅខាងចុង។ អ្នកទាំងអស់គ្នាអាចមកលេងទីតាំងទាំងនេះ ហើយថតរូបអបអរប្លែកៗ ជាមួយមិត្តភក្តិ និងក្រុមគ្រួសាររបស់អ្នក!

ដើម្បីស្វែងយល់បន្ថែមអំពីយុទ្ធនាការអបអររបស់ស្រាបៀរ Heineken® នៅកម្ពុជា សូមតាមដានបណ្តាញសង្គមខាងក្រោម៖

Facebook: https://www.facebook.com/HEINEKENCambodia/

Instagram: https://instagram.com/heineken_kh

The post ស្រាបៀរ Heineken® ដែលជាស្រាបៀរលំដាប់ថ្នាក់លេខ ១ របស់ពិភពលោក សូមអញ្ជើញអតិថិជន ចូលរួមពិធីជប់លៀងដ៏រីករាយជាច្រើន ជាមួយតារាជាច្រើនរូប និងដើមគ្រីសស្មាសដែលតម្រៀបដោយដបស្រាបៀរ Heineken® ចំនួន ១,៥00 ដប appeared first on Kampuchea Thmey Daily.

‘The Closer’ ឧបករណ៍សម្រាប់គាស់ដបរបស់ស្រាបៀរ Heineken® អាចធ្វើឲ្យកុំព្យូទ័ររបស់អ្នក Sleep នៅពេលអ្នកគាស់ស្រាបៀរ!

អ៊ិន ពិសី — Tue, 25 Oct 2022 08:49:00 +0000

ភ្នំពេញ ៖ នៅខែតុលានេះ ស្រាបៀរ Heineken® សូមណែនាំយុទ្ធនាការជាសកលថ្មីបំផុតរបស់ខ្លួន គឺ ‘The Closer’ ដែលរំលឹកអតិថិជនឲ្យថ្លឹងថ្លែងពេលវេលាសម្រាប់ការងារ ក៏ដូចជាពេលវេលារីករាយក្នុងជីវិតផងដែរ។ ក្នុងអំឡុងពេល នៃជំងឺរាតត្បាត ពួកយើងភាគច្រើនស្គាល់អំពីបរិយាកាសការងារអនឡាញ និងចេះតែនៅមុខកុំព្យូទ័រជាប់យូរម៉ោង ដែលរឹតតែបង្កឲ្យមានអតុល្យភាពជីវិតការងារ។

ក្នុងនាមជាម៉ាកយីហោដែលតែងបង្កើតឱកាសទំនាក់ទំនងរួមជាមួយគ្នាទៅវិញទៅមក ស្រាបៀរ Heineken® កំពុងកែខៃស្ថានភាពនេះ តាមរយៈយុទ្ធនាការ ‘The Closer’ ដែលរំលេចតាមខ្សែភាពយន្ត និងឧបករណ៍គាស់ដប ដែលមានន័យត្រង់ៗថា «បិទ» ការងារ។

ឧបករណ៍សម្រាប់គាស់ដប (The Closer) គឺជាឧបករណ៍គាស់ដបប្រកបដោយភាពច្នៃប្រឌិត ដែលដំណើរការដោយធ្វើឲ្យកុំព្យូទ័រយួរដៃ Sleep នៅពេលគាស់គម្របដប។ វាផ្តល់សញ្ញាដល់មនុស្សឲ្យដឹងពីអ្វីដែលគេមិនដឹងថាខ្លួនត្រូវការ ពោលគឺ ៖ ស្រាបៀរដ៏ត្រជាក់ល្អ និងម៉ោងសម្រាកដ៏រីករាយ។

ខ្សែភាពយន្តអំពីយុទ្ធនាការ ‘The Closer’ បង្ហាញពីអ្នកធ្វើការការិយាល័យជាច្រើនរូប ដែលនៅតែបន្តធ្វើការដាច់យប់ បន្ទាប់ពីម៉ោងការងារចប់។ បន្ទាប់មកអ្នកនៅក្បែរនោះប្រើឧបករណ៍សម្រាប់គាស់ដប (The Closer) ដោយបិទ Wi-Fi និងកម្មវិធីការងារយ៉ាងមានប្រសិទ្ធភាព ទៅលើឧបករណ៍ដែលនៅជុំវិញខ្លួនពួកគេ ហើយឲ្យពួកគេសម្រាកពីការងារ ដើម្បីមានពេលវេលារីករាយជាមួយមិត្តភ័ក្ដិរបស់ខ្លួន។ ឧបករណ៍សម្រាប់គាស់ដប (The Closer) ផ្ទាល់ ជានិមិត្តសញ្ញាដ៏មានអំណាច អាចឲ្យអ្នកធ្វើការគ្រប់គ្នាបិទឧបករណ៍ ដើម្បីសម្រាកនៅពេលចប់ម៉ោងធ្វើការរបស់ខ្លួន។

លោក Loic De Laubriere នាយកផ្នែកទីផ្សារ នៃក្រុមហ៊ុនហ៊ិននីគែន ខេមបូឌា បានមានប្រសាសន៍ថា ៖ «ដោយសារព្រំដែនរវាងការងារ និងពេលវេលាផ្ទាល់ខ្លួនកាន់តែតូចចង្អៀត បន្ទាប់ពីជំងឺរាតត្បាតកូវីដ-១៩ យើងចង់ជំរុញឲ្យមានការសន្ទនាចាំបាច់ឲ្យបានច្រើន អំពីសារៈសំខាន់ នៃការទប់ទល់នឹងសម្ពាធសង្គម ដោយស្ថិតក្នុងស្ថានភាពមមាញឹករហូត និងលើកទឹកចិត្តឲ្យនិយោជិតដែលមមាញឹកទាំងអស់ ឲ្យផ្តល់អាទិភាពឡើងវិញដល់ពេលវេលាសង្គម និងលំហែជាមួយមនុស្សដែលសំខាន់បំផុតរបស់ខ្លួនផងដែរ»។

ឧបករណ៍សម្រាប់គាស់ដប (The Closer) មានចំនួនកំណត់នៅទូទាំងពិភពលោក ហើយ Heineken® នឹងផ្តល់ជូនឧបករណ៍សម្រាប់គាស់ដបទាំងនេះដល់អតិថិជនកម្ពុជាចំនួន ៥ រូប ដែលអាចប្រាប់យើងពីមូលហេតុដែលពួកគេត្រូវការឧបករណ៍នេះក្នុងជីវិតរបស់ខ្លួន។ ព័ត៌មានលម្អិតបន្ថែម នឹងផ្តល់ជូននៅលើទំព័រហ្វេសប៊ុក (Facebook) និងអិនស្តាក្រាម (Instagram) របស់ស្រាបៀរ Heineken®។

ដើម្បីបង្ហាញថា ស្រាបៀរ Heineken® ម៉ឺងម៉ាត់យ៉ាងណា ក្នុងការបន្ដឡើងវិញឲ្យមានទំនាក់ទំនងសង្គម និងនាំមិត្តភ័ក្ដិមកជុំគ្នារីករាយនោះ ស្រាបៀរ Heineken® សូមអញ្ជើញអតិថិជនឲ្យចូលរួមជាមួយយើងនៅក្នុងកម្មវិធី ‘Heineken® presents EDM Afterlife’ ដែលនឹងប្រព្រឹត្តទៅនៅថ្ងៃទី ២៩ ខែតុលា ខាងមុខនេះ នៅ អូស៊ីអាយស៊ី (OCIC) ក៏ដូចជាដើម្បីអបអរពិធីបុណ្យ Halloween ឆ្នាំនេះផងដែរ។ នេះជាហេតុផលធំបំផុត ដើម្បីបិទកុំព្យូទ័រយួរដៃទាំងនោះ ទុកការងារពីរបីម៉ោងសិន បន្ទាប់មកចេញទៅចូលរួមរាត្រីដ៏អស្ចារ្យ តាមរយៈតន្ត្រីអេឡិចត្រូនិកញ័ររញ្ជួយ ដែលផ្តល់ជូនអ្នកដោយ DJ duo ជនជាតិ ហុល្លង់ Yellow Claw ដែលគាំទ្រដោយ DJ Snavs ដែលមកពីទីក្រុង Copenhagen និង Wukong ពីសិង្ហបុរី។ DJ Maily របស់កម្ពុជាយើង នឹងចូលរួមកំដរឆាកដែរ ទន្ទឹមនឹង DJ ក្នុងស្រុក «លោកអេឡិច» Alex Matt Electro ពិធីករ Christ Divah DJ Em និង Lo។

លោក គីម សុភក្របុត្រ ជាអ្នករៀបចំកម្មវិធី EDM Afterlife និងសហស្ថាបនិករបស់ EDM Cambodia បានលើកឡើងថា ៖ «យើងពិតជារំភើបក្នុងការនាំយក Afterlife ត្រឡប់មកវិញនៅឆ្នាំនេះ បន្ទាប់ពីបានផ្អាកអស់រយៈពេល ៣ ឆ្នាំកន្លងមក។ ដោយសារ Afterlife ក៏អបអរពិធីបុណ្យ Halloween ផងដែរ យើងទន្ទឹងនឹងឃើញថាមពលនៅលើឆាករាំដែលនាំមកជូនដោយក្រុម DJ ដ៏មានទេពកោសល្យ និងការឡើងរាំពីអ្នកគាំទ្ររបស់យើង»។

EDM Afterlife នឹងប្រព្រឹត្តទៅនៅថ្ងៃទី ២៩ ខែតុលា ឆ្នាំ ២០២២ ចាប់ពីម៉ោង ៥ ល្ងាចតទៅ នៅ អូ ស៊ីអាយ ស៊ី(OCIC) (ជ្រោយចង្វារ) អគារ E, F និង G។ សំបុត្រមានតម្លៃ ៣០ ដុល្លារ រហូតដល់ថ្ងៃទី ២៨ ខែតុលា ឬ ៤០ ដុល្លារ នៅថ្ងៃកម្មវិធី។ អ្នកចូលរួមត្រូវមានអាយុចាប់ពី ១៨ ឆ្នាំ ឬលើសពីនេះ ហើយបានចាក់វ៉ាក់សាំងគ្រប់ដូស។

ដើម្បីសម្រាកពីការងារ និងជប់លៀងនៅក្នុងកម្មវិធី Heineken® presents EDM Afterlife សូមទិញសំបុត្ររបស់លោកអ្នកឲ្យហើយនៅថ្ងៃនេះ តាមរយៈកម្មវិធី LIVE. by Wonderpass ដោយចុចត្រង់នេះ៖ https://wonderpass.asia/widgets/Afterlife_22

សម្រាប់ព័ត៌មានបន្ថែមអំពី Afterlife សូមចូលទៅកាន់ ៖ EDM Cambodia

សម្រាប់ព័ត៌មានបន្ថែមអំពី Heineken® និងយុទ្ធនាការ ‘The Closer’ សូមចូលទៅកាន់ ៖ https://www.heineken.com/global/en/thecloser

The post ‘The Closer’ ឧបករណ៍សម្រាប់គាស់ដបរបស់ស្រាបៀរ Heineken® អាចធ្វើឲ្យកុំព្យូទ័ររបស់អ្នក Sleep នៅពេលអ្នកគាស់ស្រាបៀរ! appeared first on Kampuchea Thmey Daily.

ស្រាបៀរ Heineken® នាំមកជូននូវការប្រគំតន្ត្រី Raveground ព្រឹត្តិការណ៍តន្ត្រីអេឡិចត្រូនិកដ៏ធំបំផុតរបស់កម្ពុជា បានត្រលប់មកវិញ និងសន្យាផ្ដល់ជូននូវបទពិសោធន៍ដ៏ប្លែកអស្ចារ្យ!

Kang Tola — Mon, 20 Jun 2022 11:36:25 +0000

រាជធានីភ្នំពេញ ៖ បន្ទាប់ពីអវត្តមានអស់រយៈពេលពីរឆ្នាំកន្លងមកនេះ ការប្រគំតន្ដ្រី Raveground នឹងត្រលប់មកវិញជាមួយនឹងស្រាបៀរ Heineken® ហើយនឹងផ្ដល់នូវបទពិសោធន៍លើសពីការរំពឹងទុក។ នៅថ្ងៃទី ២៥ ខែមិថុនាខាងមុខនេះ ការប្រគុំតន្ដ្រី Raveground នឹងបង្ហាញខ្លួនតាមឈុតឆាកដ៏ពិសេសដែលកំពុងពេញនិយមនៅលើពិភពលោក និងតាមរយៈការរចនាឆាកដ៏អស្ចារ្យសម្រាប់ទទួលសិល្បៈករក្រុម LNY TNZ និងមានការចូលរួមជាពិសេសដោយ DJ Mariana Bo ព្រមទាំងឌីជេ ល្បីៗក្នុងស្រុក និងក្នុងតំបន់ផងដែរ។

សហការជាដៃគូជាមួយក្រុមការងារ EDM Cambodia, ការប្រគុំតន្ដ្រី Raveground មិនមែនជារឿងចម្លែកសម្រាប់អ្នកគាំទ្រក្នុងប្រទេសកម្ពុជានោះទេ។ ព្រឹត្តិការណ៍តន្ត្រីដ៏ធំបែបនេះបានក្លាយជាកម្មវិធីប្រចាំ ដែលអ្នកគាំទ្រទន្ទឹងរង់ចាំជារៀងរាល់ឆ្នាំ ចាប់តាំងពីឆ្នាំ ២០១៥ មក។ ជារៀងរាល់ឆ្នាំ ស្រាបៀរ Heineken® និងក្រុមការងារ EDM Cambodia បន្តផ្តល់នូវបទពិសោធន៍ថ្មីៗដោយតែងនាំមកនូវភាពរំភើបរីករាយដល់អ្នកគាំទ្ររបស់ខ្លួន។

ឈុតឆាកដ៏ពិសេសដែលកំពុងពេញនិយមនៅលើពិភពលោក នឹងពាំនាំអារម្មណ៍អ្នកគាំទ្រទៅកាន់ពិភពផ្សេងមួយទៀត និងគេចចេញពីការពិត ដែលយើងកំពុងស្ថិតនៅក្នុងរយៈពេលពីរបីម៉ោង នៃការរំភើបចិត្តយ៉ាងអស្ចារ្យ។ សម្រាប់អ្នកចូលចិត្តតន្ត្រីអេឡិចត្រូនិច ដែលនឹករលឹកការរាំពេលរាត្រីជាមួយមួយមិត្តភ័ក្តិ និងបង្កើតអនុស្សាវរីយ៍ថ្មីៗជាមួយស្រាបៀរ Heineken® ត្រជាក់នៅក្នុងដៃ ការប្រគុំតន្រី្ត Raveground គឺជាព្រឹត្តិការណ៍មួយដែលមិនគួររំលងឡើយ។

ព្រឹត្តិការណ៍ដែលរំពឹងមានអ្នកចូលរួមដល់ទៅ ៤០០០នាក់ នៅក្នុងឆ្នាំនេះគឺការប្រគុំតន្ដ្រី EDM រួមជាមួយក្រុម LNY TNZ ។ ដោយមានដើមកំណើតមកពីប្រទេសហូឡង់, ក្រុម LNY TNZ បានសាងកេរ្ដិ៍ឈ្មោះនៅក្នុងឆាកតន្ត្រីរបស់ប្រទេសហូឡង់ជាមួយនឹងបទភ្លេងបែប underground remixes និង បទចម្រៀងនិពន្ធដោយពួកគាត់ផ្ទាល់ ដែលលាយបញ្ចូលគ្នានូវតន្ត្រីចម្រុះជាច្រើន ក្រោមការសហការជាមួយក្រុមសិល្បករអន្តរជាតិកំពូលៗ។ ក្រុម LNY TNZ ធ្លាប់បានសម្តែងនៅមហោស្រពតន្ត្រីដ៏ធំបំផុតរបស់ពិភពលោកមួយចំនួនដូចជា Tomorrowland, EDC Vegas និង Defqon ព្រមទាំងព្រឹត្ដិការណ៍ធំៗផ្សេងទៀត។

ការប្រគុំតន្ដ្រី Raveground ក៏នឹងនាំមកនូវវត្តមានរបស់កញ្ញា Mariana Bo ដែលធ្វើដំណើរពីប្រទេសម៉ិកស៊ិក មកកាន់ក្រុងភ្នំពេញផងដែរ។ ជាតារាដែលកំពុងរះក្នុងឧស្សាហកម្មនេះ សំឡេងដ៏ក្រអូនរបស់កញ្ញា បានអង្រួនអារម្មណ៍ទស្សនិកជនតាមរយៈសំឡេងវីយូឡុងអមជាមួយនឹងចង្វាក់អេឡិចត្រូនិចដ៏កក្រើក ដែលនឹងពាំនាំមកនូវការលាយបញ្ចូលគ្នានូវតន្ដ្រីបែបអេឡិចត្រូនិច និងការរញ្ជួយឆាកនៅក្នុងព្រឹត្ដិការណ៍នេះ។ នៅក្នុងចំណាត់ថ្នាក់ទី ៤០ ក្នុងតារាង Top ១០០ របស់ DJ Mag, កញ្ញា Marina បានពង្រឹងខ្លួនឱ្យក្លាយជាជាឌីជេដែលពិភពលោកត្រូវការជាងគេ។

ក្រុម LNY TNZ និង កញ្ញា Mariana Bo នឹងទទួលបានការចូលរួមសហការរួមគ្នាដោយ Make You Freak គឺជា duo DJ មកពីប្រទេសថៃ និងឌីជេរបស់កម្ពុជាគឺ DJ Maily, Chill Bill & DJ Duo VxY ដើម្បីបង្កើតនូវបទពិសោធន៍ដ៏រំភើបអស្ចារ្យបន្ថែមទៀត សម្រាប់កម្មវិធីតន្ត្រីរយៈពេល ៧ម៉ោង។

លោក Loic de Laubriere នាយកផ្នែកទីផ្សារនៃក្រុមហ៊ុនហ៊ិននីគែន ខេមបូឌា មានប្រសាសន៍ថា៖ “ស្រាបៀរ Heineken® គឺចង់នាំមនុស្សគ្រប់រូបមកចូលរួមជាមួយគ្នា និងបង្កើតអនុស្សាវរីយ៍សង្គមដែលមិនអាចបំភ្លេចបាន។ យើងមានក្តីរំភើបក្នុងការនាំយកនូវព្រឹត្តិការណ៍ប្រគំតន្ត្រីលំដាប់ពិភពលោកត្រឡប់មកវិញ ដែលឆ្លើយតបទៅនឹងការចង់បានរបស់យើងបានយ៉ាងពិតប្រាកដ។ យើងនឹងរង់ចាំទទួលអ្នកគាំទ្រទាំងអស់ មករាំកម្សាន្ដនាពេលរាត្រី ដ៏រីករាយជាមួយស្រាបៀរ Heineken®។”

អ្នករៀបចំការប្រគំតន្ដ្រី Raveground និងជាសហស្ថាបនិក EDM Cambodia លោក គីម សុភក្របុត្រ បានលើកឡើងថា ៖ “សហការរួមគ្នាជាមួយស្រាបៀរ Heineken® យើងមានគោលបំណងបន្តលើកស្ទួយ និងវិវឌ្ឍឆាកតន្ត្រីរាំបែបអេឡិចត្រូនិកនៅកម្ពុជា។ យើងរង់ចាំលើកកម្ពស់បទពិសោធន៍ទាំងនេះ ឱ្យក្លាយជាអ្នកឈានមុខគេនៃព្រឹត្តិការណ៍តន្ត្រីដ៏អស្ចារ្យនេះ។”

ដើម្បីចូលរួមក្នុងព្រឹត្តិការណ៍ដែលគួរឱ្យចងចាំបំផុតនៃឆ្នាំ ២០២២ នេះ សូមកក់សំបុត្ររបស់អ្នកនៅថ្ងៃនេះនៅលើកម្មវិធីទូរស័ព្ទ LIVE. by Wonderpass ឥឡូវនេះ។

តំណសម្រាប់ទាញយកយកម្មវិធីទូរស័ព្ទ LIVE. by Wonderpass ៖ https://wonderpass.asia/download

ព័ត៌មានអំពីព្រឹត្តិការណ៍ និងសំបុត្រ៖

ស្រាបៀរ Heineken® នាំមកជូននូវការប្រគុំតន្ដ្រី Raveground ឆ្នាំ២០២២ ប្រព្រឹត្តទៅនៅថ្ងៃទី ២៥ ខែមិថុនា ខាងមុខនេះ ចាប់ពីម៉ោង ៤ រសៀល ដល់ម៉ោង ១១ យប់ នៅអគារ OCIC (F&G) ជ្រោយចង្វារ។

សំបុត្រទូទៅអាចទិញបានក្នុងតម្លៃ ២០ដុល្លារ និងមានលក់នៅមាត់ទ្វារចូលនៃព្រឹក្ដិការណ៍ ក្នុងតម្លៃ ៣០ដុល្លារ។ អ្នកអាចរកទិញសំបុត្របាននៅលើកម្មវិធីទូរស័ព្ទ LIVE. by Wonderpass ទាំងប្រព័ន្ធ Android និង Apple app stores។

ព្រឹត្តិការណ៍នេះគឺសម្រាប់អ្នកចូលរួមដែលមានអាយុចាប់ពី ១៨ ឆ្នាំឡើងទៅ ហើយត្រូវតែចាក់វ៉ាក់សាំងគ្រប់ដូស។

សម្រាប់ព័ត៌មានបន្ថែមអំពីព្រឹត្តិការណ៍ និងការកក់សំបុត្រ សូមចូលទៅកាន់៖ www.edmcambodia.com ។

សម្រាប់ព័ត៌មានបន្ថែម សូមតាមដានបណ្ដាញសង្គមរបស់ស្រាបៀរ Heineken® ដូចខាងក្រោម៖

Facebook: https://www.facebook.com/heineken

Instagram: https://www.instagram.com/heineken_kh/

The post ស្រាបៀរ Heineken® នាំមកជូននូវការប្រគំតន្ត្រី Raveground ព្រឹត្តិការណ៍តន្ត្រីអេឡិចត្រូនិកដ៏ធំបំផុតរបស់កម្ពុជា បានត្រលប់មកវិញ និងសន្យាផ្ដល់ជូននូវបទពិសោធន៍ដ៏ប្លែកអស្ចារ្យ! appeared first on Kampuchea Thmey Daily.