នៅរង់ចាំអ្វីទៀត សូមបងប្អូន យុវជន សិស្ស និស្សិត អាច​ទំនាក់​ទំនង​លេខ​ទូរសព្ទ 097 35 67 888 និង​មួយ​ខ្សែ​ទៀត 097 53 52210៕

The post ខេត្តស្វាយរៀង​មាន​តម្រូវ​ការ​ពលកម្ម​ចំនួន ២៦០៤៤នាក់ សម្រាប់ឆ្នាំ២០២៥ appeared first on Kampuchea Thmey Daily.

នៅរង់ចាំអ្វីទៀត សូមបងប្អូន យុវជន សិស្ស និស្សិត មេត្តាទាក់ទង ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរសព្ទ 1297 ឬ 1286 ឬ តេឡេក្រាម 016 786 655 ឬ CoolApp ទូរសព្ទលេខ 077 23 23 78 ដើម្បីចុះឈ្មោះ និងសម្ភាសភ្លាមៗ៕

The post កំពុងស្វែងរកការងារមែនទេ? ឱកាសការងារ ៧២៩៣៧កន្លែងកំពុងរង់ចាំអ្នក appeared first on Kampuchea Thmey Daily.

កញ្ញា ផន សុខជាតា បានឱ្យកម្ពុជាថ្មីដឹងនៅព្រឹកថ្ងៃទី៩ ខែឧសភាថា កញ្ញាបានបញ្ចប់ការសិក្សាឆ្នាំ២០១៩ សព្វថ្ងៃបម្រើការងារនៅក្រុមហ៊ុនមួយ បានមកចូលរួមកម្មវិធីតាំងពិព័រណ៍នេះ និងយល់ឃើញថា កម្មវិធីនេះល្អសម្រាប់និស្សិត និងមនុស្សដែលចង់ស្វែងរកការងារត្រូវតាមជំនាញពួកគេ។ មួយវិញទៀត និស្សិតអាចដឹងពីព័ត៌មានការងារកាន់តែច្រើន ព្រោះនិស្សិតមួយចំនួនអាចមិនសូវដឹងបានទូលំទួលាយនោះទេ ជាពិសេសនិស្សិតដែលទើបតែមករៀននៅភ្នំពេញ។ សម្រាប់កញ្ញាផ្ទាល់ ទោះបីខ្លួនកំពុងបម្រើការងារនៅក្រុមហ៊ុនមួយហើយមែន​ តែកញ្ញាក៏មានបំណងសាកល្បងដាក់ពាក្យនៅក្រុមហ៊ុនផ្សេងទៀតក្នុងពិព័រណ៍នេះ ប្រសិនជាមានចំណាប់អារម្មណ៍ ដើម្បីអភិវឌ្ឍន៍ និងផ្លាស់ប្តូរបទពិសោធការងារថែមទៀត។

ចំណែកកញ្ញា លី សុនីតា សិក្សានៅសាកលវិទ្យាល័យប៊ែលធីអន្តរជាតិ ឆ្នាំទី២ ជំនាញ Business General Management បានឱ្យដឹងថា គោលបំណងដែលខ្លួនមកចូលរួមគឺដើម្បីស្វែងរកការងារធ្វើ ហើយក្នុងពិព័រណ៍នេះ ពិតជាមានក្រុមហ៊ុនធំៗជាច្រើនចូលរួម សម្រាប់ផ្តល់ជាជម្រើសតម្រូវតាមសមត្ថភាពរបស់ខ្លួន។ កញ្ញាបន្តថា កម្មវិធីនេះផ្តល់ឱកាសដល់និស្សិតដែលកំពុងស្វែងរកការងារច្រើន ហើយក៏មិនទាមទារបទពិសោធច្រើនដែរ។

នេះជាលើកទី១ដែលកញ្ញាបានចូលរួមការពិព័រណ៍ការងារ ដូច្នេះធ្វើឱ្យកញ្ញាប្លែកអារម្មណ៍ និងយល់ឃើញថា ផ្តល់អត្ថប្រយោជន៍ខ្លាំងមែនទែនដល់កញ្ញា រួមទាំងអ្នកកំពុងស្វែងរកការងារផង។ កញ្ញាក៏បានផ្តាំដល់និស្សិត និងសាធារណជនដែលមានបំណងស្វែងរកការងារធ្វើ អាចសាកល្បងមកទស្សនាពិព័រណ៍ការងារនេះបាន ដើម្បីទទួលបានព័ត៌មានផ្សេងៗចំពោះមុខតំណែងការងារនីមួយៗ។

រីឯ យុវជន វុទ្ធី មករា និស្សិតឆ្នាំទី៤ ផ្នែកសំណង់ស៊ីវិល នៅវិទ្យាស្ថានបច្ចេកវិទ្យាកម្ពុជា (តិចណូ) បានឱ្យដឹងដូចគ្នាថា ការពិព័រណ៍នេះអាចមានឱកាសដឹងពីក្រុមហ៊ុនជាច្រើនដែលចូលរួម និងជ្រើសរើសថា តើក្រុមហ៊ុននីមួយៗមកពីណា ជ្រើសរើសបុគ្គលិកផ្នែកអ្វីខ្លះ។ ពិព័រណ៍ការងារនេះ ពិតជាជួយខ្លាំងមែនទែនសម្រាប់និស្សិតទើបតែរៀនចប់ពិបាករកការងារធ្វើ។ ជាពិសេស ការពិព័រណ៍នេះ ក៏មានការចែករំលែកបទពិសោធពីវាគ្មិនល្បីៗជាច្រើនរូបទៀត ជាឱកាសមួយធ្វើខ្លួន និងមិត្តភក្តិអាចទទួលបានចំណេះដឹងបន្ថែមទៀត។ មួយវិញទៀត សិក្ខាសាលាទាំងនេះប្រៀបដូចជាចំណេះដឹងមួយផ្នែកដែលមិនមែនក្នុងសាលា អាចឱ្យពួកគេដឹងពីរបៀបនៃការត្រៀមខ្លួនសម្រាប់រៀបចំប្រវត្តិរូបសង្ខេប និងសម្ភាសការងារផងដែរ។

សូមជម្រាបថា ពិព័រណ៍​ការងារ និង​មគ្គទេសក៍​អាជីព ត្រូវបាន​រៀបចំ​ឡើង​ដោយ​ទីភ្នាក់ងារ​ជាតិ​មុខរបរ និង​ការងារ (NEA) នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ សហការ​ជាមួយ​សហភាព​សហព័ន្ធ​យុវជន​កម្ពុជា​រាជធានី​ភ្នំពេញ និង​ទទួល​បាន​ការ​គាំទ្រ​ដោយ​អង្គការ​អន្តរជាតិ​ខាង​ការងារ (ILO) មានរយៈពេល២ថ្ងៃ គឺថ្ងៃទី៩ និងទី១០ ខែ​ឧសភា ឆ្នាំ២០២៤ នា​អគារ KAMPUS ចាប់ពីម៉ោង៨ព្រឹក ដល់ម៉ោង៥ល្ងាច។ កម្មវិធីនេះ មានក្រុមហ៊ុន សហគ្រាស​ធំៗ ចំនួន ២៥ កំពុង​ផ្តល់​ឱកាស​ការងារ​ជាង ៥ ពាន់​កន្លែង នៅ​តាម​បញ្ជរ​នៅ​អគារ KAMPUS និង​កំពុង​រង់ចាំ​ទទួល​ពាក្យ​ស្នើសុំ​ការងារ​ពី​សំណាក់​យុវជន សិស្ស​/​និស្សិត និង​អ្នក​ស្វែងរក​ការងារ៕

The post និស្សិតយល់ឃើញថា ពិព័រណ៍ការងារជួយឱ្យពួកគេមានឱកាសស្វែងរកការងារបានទូលំទូលាយ appeared first on Kampuchea Thmey Daily.

បណ្តាក្រុមហ៊ុននានាបានទទួលពាក្យសុំស្វែងរកការងារធ្វើពីបេក្ខជនជាង២ម៉ឺនាក់ ក្នុងចំណោមអ្នកចូលរួមជាង៣ម៉ឺននាក់ក្នុងពិព័រណ៍ការងារ និងផលិតភាពជាតិឆ្នាំ២០២៣ ដែលបានប្រព្រឹត្តិទៅកាលពីថ្ងៃ ១០-១១ ខែ វិច្ឆិកា ឆ្នាំ ២០២៣កន្លងទៅ នៅអគារពាណិជ្ជកម្ម និងពិព័រណ៍កោះពេជ្រ។ នេះបើយោងតាមរបាយការណ៍របស់ក្រសួងការងារ និងបណ្តុះបណ្តាលវិជ្ជាជីវៈ។

របាយការណ៍បានបង្ហាញទៀតថា ក្នុងនោះមានបេក្ខជនជាប់ការងារបឋមចំនួន ៦៣៧នាក់។ ជាមួយគ្នានេះសម្រាប់អ្នកចូលរួមទស្សនាតាមគេហទំព័រCareer Fair សរុបមានចំនួនជាង២ម៉ឺននាក់ផងដែរ។

ក្នុងឱកាសបើកដំណើរការពិព័រណ៍ការងារ និងផលិតភាពជាតិឆ្នាំ២០២៣ លោកហេង សួរ រដ្ឋមន្រ្តីក្រសួងការងារ និង បណ្តុះបណ្តាលវិជ្ជាជីវៈបានគូសបញ្ជាក់ថា ពិព័រណ៍សម្រាប់ឆ្នាំ២០២៣ មានក្រសួង-ស្ថាប័ន ក្រុមហ៊ុនសហគ្រាស គ្រឹះស្ថានអប់រំបណ្តុះបណ្តាល ដៃគូអភិវឌ្ឍន៍ និងអង្គការជាតិ-អន្តរជាតិចំនួន១៥០ ស្មើនឹង ១៨៨បញ្ជរដែលនាំមកនូវឱកាសការងារថ្មីៗថែមទៀតចំនួនជាង២ម៉ឺនកន្លែង សម្រាប់អ្នកស្វែងរកការងារធ្វើ។

ជាមួយគ្នានេះ លោករដ្ឋមន្រ្តីបានលើកឡើងថា នេះជាលើកទី១៣ហើយ ដែលទីភ្នាក់ងារជាតិមុខរបរនិងការងារ (NEA) នៃក្រសួងការងារនិងបណ្តុះបណ្តាលវិជ្ជាជីវៈរៀបចំឡើងចាប់តាំងពី២០១១ដែលមានត្រឹមតែ ៣០ស្តង់ និងឱកាសការងារត្រឹម ២០០០កន្លែងប៉ុណ្ណោះ ហើយប្រៀបធៀបពិព័រណ៍ការងារឆ្នាំ២០២៣នេះ ពោលគឺមានចំនួនអ្នកចូលរួម និងឱកាសការងារកើនឡើង។

លោក ហេង សួរ​ បញ្ជាក់ថា៖ « ចំនួនក្រុមហ៊ុន និង ឱកាសការងារសម្រាប់ឆ្នាំ២០២៣កើនឡើង១០ដងបើប្រៀបធៀបទៅនឹងពិព័រណ៍ឆ្នាំ ២០១១ ។ នេះជាការបង្ហាញពីវឌ្ឍនភាពមួយដែលព្រឹត្តិការណ៍នេះកាន់តែធំ កាន់តែទាក់ទាញ និងមានអ្នកចូលរួមកាន់តែច្រើនស្វែងយល់ និងស្វែងរកពីឱកាសការងារ»។

លោក ហេង សួរ បានគូសបញ្ជាក់បន្ថែមថា តាមរយៈពិព័រណ៍ការងារនេះ នឹងក្លាយជាទីកន្លែងមួយសម្រាប់អ្នកស្វែងរកការងារអាចជ្រើសរើសការងារទៅតាមជំនាញតាមក្តីប្រាថ្នារបស់ខ្លួនតាមស្តង់នីមួយៗដែលខ្លួនពេញចិត្ត និងអាចដាក់ពាក្យភ្លាមសម្ភាសន៍ភ្លាម។ ចំណែកក្រុមហ៊ុនក៏អាចរកបានបុគ្គលិកដែលមានសមត្ថភាពដែលខ្លួនចង់បានផងដែរ។

និស្សិត លី ម៉ីនាង កំពុងសិក្សាថ្នាក់បរិញ្ញាបត្រ ដែលបានចូលរួមពិព័រណ៍នេះបានបង្ហាញចំណាប់អារម្មណ៍ថា ពិព័រណ៍នេះមានសារៈសំខាន់សម្រាប់អ្នកស្វែងរកការងារ និងអ្នកចង់ផ្លាស់ប្តូរការងារ ព្រោះវាជាឱកាសដែលក្រុមហ៊ុនជាច្រើនរួមគ្នាជ្រើសរើសបុគ្គលិក ហើយថែមទាំងបានជួបជាមួយអ្នកជំនាញប្រឹក្សាយោបល់ និងចែករំលែកបទពិសោធន៍នានាក្នុងការស្វែងរកការងារធ្វើផងដែរ។

ចំណែកនិស្សិតឈ្មោះ ស៊ុង ជានា បានយល់ឃើញថា ភាគច្រើននិស្សិតមកពីតាមបណ្តាខេត្តឡើងមកសិក្សានៅភ្នំពេញ ពេលខ្លះពួកគេមិនបានដឹងពីព័ត៌មានឱកាសការងារទូលំទូលាយទេ ដូចនេះពិព័រណ៍ការងារគឺជាឱកាសផ្តល់ព័ត៌មាន និងមានជម្រើសការងារសម្បូរបែបដល់អ្នកស្វែងរកការងារធ្វើ។ និស្សិតរូបនេះក៏ចង់ឃើញពិព័រណ៍ការងារមានជារៀងរាល់ឆ្នាំ រឺ ពីរដងក្នុងមួយឆ្នាំ។

សូមជម្រាបថា ពិព័រណ៍ការងារ និងផលិតភាពជាតិ ឆ្នាំ២០២៣នេះ ត្រូវបានសហការរៀបចំដោយទីភ្នាក់ងារជាតិមុខរបរ និងការងារ(NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា(UYFC) សមាគមវាយនភណ្ឌ សម្លៀកបំពាក់ ស្បែកជើង និងផលិតផល ធ្វើដំណើរនៅកម្ពុជា(TAFTAC) អង្គការអន្តរជាតិខាងការងារ(ILO), ភីផលអីននិត(People in Need Cambodia) និងស្វីសខនថាក់៕

The post បេក្ខជនជាង២ម៉ឺននាក់ ដាក់ពាក្យស្វែងរកការងារធ្វើនៅក្នុងពិព័រណ៍ការងារ និងផលិតភាពជាតិឆ្នាំ ២០២៣ appeared first on Kampuchea Thmey Daily.

លោក ហែម សុផាន់​ណា អនុប្រធាន​ផ្នែក​ធនធានមនុស្ស​នាយក​ដ្ឋា​ន​ធនធានមនុស្ស និង​កិច្ចការ​ទូទៅ​នៃ​ក្រុមហ៊ុន​តូ​យ៉ា​តា (​ខេ​ម​បូ​ឌា ) មានប្រសាសន៍ថា ពិព័រណ៍​ការងារ និង ផលិតភាព​ជាតិ​ឆ្នាំ​២០២៣​គឺជា​ឱកាស​មួយ​ដ៏​ល្អ​សម្រាប់​ផ្តល់ឱកាស​ដល់​សិស្ស​-​និស្សិត​ស្វែងយល់​ព័ត៌មាន​ឱកាស​ការងារ​តាម​បណ្តាល​ក្រុមហ៊ុន ក៏ដូចជា​ការ​តម្រង់ទិស​ឲ្យ​ពួកគេ​យល់​ពី​តម្រូវការ​ក្នុង​វិស័យ​ការងារ​ដែល​ក្រុមហ៊ុន​កំពុង​ត្រូវការ​។

លោក​មានប្រសាសន៍ថា « ខ្ញុំ​មាន​អារម្មណ៍​សប្បាយរីករាយ នៅពេល​ឃើញ​ពិព័រណ៍​ការងារ និង ផលិតភាព​ជាតិ​ពីមួយ​ឆ្នាំ​ទៅមួយ​ឆ្នាំមាន​អ្នកចូលរួម​ច្រើន​មក​ស្វែងយល់​ពី​ព័ត៌មាន​ទីផ្សារ​ការងារ​ដើម្បី​ពួកគេ​ត្រៀម និង​ដាក់ពាក្យ​មកកាន់​ក្រុមហ៊ុន​ដែល​កំពុង​ជ្រើសរើស​បុគ្គលិក​»​។

លោក​មានប្រសាសន៍​បន្ថែ​ម​ថា សម្រាប់​ពិព័រណ៍​ការងារ​ឆ្នាំនេះ​មានមុខ​តំណែង​ជាច្រើន​ដូចជា​ផ្នែក​លក់ គណនេយ្យករ ធនធានមនុស្ស និង​ផ្នែក​ផ្សេងៗ​ទៀតផង​ដែរ​។

លោក​ក៏បាន​អំពាវនាវ​ឲ្យ​យុវជន និង​អ្នកស្វែងរក​ការងារ​ធ្វើ​ត្រៀមខ្លួន និង ស្វែងយល់​ពីមុខ​តំណែង និង​ពង្រឹង​សមត្ថភាព​ភាសាបរទេស​ផងដែរ​។

ជា​មួយ​គ្នា​នេះ លោក ម៉ែន វិបុល​វីរៈ តំណាង​ក្រុមហ៊ុន Zando បាន​មានប្រសាសន៍ថា​ពិព័រណ៍​នេះ​ជា​ឱកាសល្អ​សម្រាប់​យុវជន និង អ្នកស្វែងរក​ការងារ​ធ្វើ​ដោយសារ​ជាទូទៅ​បើ​គាត់​ចំណាយពេល​ទៅរក​ការងារ​ធ្វើ​នៅ​ក្រុមហ៊ុន​នីមួយៗ គាត់​ត្រូវ​ចាយ​ពេលវេលា​ច្រើន​។

លោក​មានប្រសាសន៍ថា « វា​ជា​ឱកាស​មួយ​ផងដែរ ដែល​យុវជន និង អ្នកស្វែងរក​ការងារ​ធ្វើ​សម្លឹងមើល​មុខតំណែង​ដែល​ពួកគាត់​កំពុង​រក​»​។

លោក​មានប្រសាសន៍​បន្ថែ​ម​ថា យុវជន និង អ្នកស្វែងរក​ការងារ​ធ្វើ​ត្រូវ​រៀបចំ​ប្រវត្តិរូប​សង្ខេប និង​ត្រៀមខ្លួន​ចំណុចខ្លាំង​របស់គាត់ ទោះបីជា​មានបទពិសោធន៍​តិច​ឬ​ច្រើន ក៏​ពួកគាត់​អាចដាក់​ពាក្យ​រក​ការងារ​ក្រុមហ៊ុន​សម្ភាសន៍​បាន​ភ្លាមៗ​ផងដែរ​។

សម្រាប់​លោកស្រី កៅ ពិ​ជ្ច​រ៉ា តំណាង​ធនាគារ​កាណាឌីយ៉ា​មានប្រសាសន៍​ផងដែរ​ថា ខាង​ធនាគារ កាណាឌីយ៉ា​តែង​ចូលរួម​ក្នុង​ពិព័រណ៍​នេះ​ជា​រៀងរាល់ឆ្នាំ ហើយ​លោកស្រី​មើលឃើញ​ថា មាន​យុវជន​សិស្ស​-​និស្សិត​ជាច្រើន​ចូលរួម​។

​សម្រាប់​ធនាគារ​កាណាឌីយ៉ា​ត្រៀម​មុខតំណែង​ដូចជា មន្ត្រី​ឥណទាន ផ្នែក​លក់ ផ្នែក​ប្រាក់​សន្សំ ផ្នែក​ព័ត៌មានវិទ្យា និង​មន្ត្រី​ធនធានមនុស្ស​ផងដែរ​។

សូម​ជម្រាប​ថា ពិព័រណ៍​ការងារ និង​ផលិតភាព​ជាតិ ឆ្នាំ​២០២៣ ត្រូវបាន​សហការ​រៀប​ចំ​ដោយ​ទីភ្នាក់ងារ​ជាតិ​មុខរបរ និង​ការងារ​(NEA) នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ សហភាព​សហព័ន្ធ​យុវជន​កម្ពុជា​(UYFC) សមាគម​វាយ​ន​ភណ្ឌ សម្លៀកបំពាក់ ស្បែកជើង និង​ផលិតផល ធ្វើដំណើរ​នៅ​កម្ពុជា​(TAFTAC) អង្គការ​អន្តរជាតិ​ខាង​ការងារ​(ILO), ភី​ផល​អី​ន​និ​ត​(People in Need Cambodia) និង​ស្វី​ស​ខន​ថាក់​។

យុវជន សិស្ស​/​និស្សិត និង​អ្នក​ស្វែងរក​ការងារ សូម​ត្រៀម​CV​ឱ្យបាន​ច្រើន ដើម្បី​ចូលរួម​ដាក់ពាក្យ សម្ភាស​ការងារ​ភ្លាមៗ និង​ចូលរួម​ក្នុង​សិក្ខាសាលា ស្តីពី​ការលើកកម្ពស់​ផលិតភាព​ការងារ ដែលមាន​ការចែករំលែក​ចំណេះដឹង និង​បទពិសោធន៍​ពី​វាគ្មិន​ជំនាញ​ជាច្រើនរូប៕

The post ក្រុមហ៊ុន​ធំៗ​ អំពាវនាវ​ឲ្យ​អ្នក​ស្វែងរក​ការងារ​ធ្វើ​ត្រៀមខ្លួន​ក្នុង​ការ​ទទួលយក​ឱកាស​ការងារ appeared first on Kampuchea Thmey Daily.

ខាងក្រោម​នេះ ​គឺ​ជា​គន្លឹះ​ ៥ យ៉ាង ​ណែនាំ​អ្នក ​មុន​ពេល​ដាក់​ពាក្យ​សុំ​ការងារ​នៅ​ក្រុមហ៊ុន​ដែល​អ្នក​ចង់​ធ្វើ។

១. ស្វែង​រក​តាម​អ៊ិនធរណិត

ការ​ស្រាវជ្រាវ​តាម​អ៊ិនធរណិត​ នឹងបង្ហាញ​បញ្ជី​ឈ្មោះ​ក្រុមហ៊ុន​ដែល​មាន​គេ​ស្គាល់​ច្រើន ​និង​អាច​ជឿ​ទុកចិត្ត​បាន​ថា ​ក្រុមហ៊ុន​ដែល​អ្នក​ចង់​ធ្វើ​ អាច​ផ្ដល់​ចំណេះដឹង​អ្វី​ខ្លះ​មក​ឲ្យ​អ្នក។

២. ស្វែង​រក​ឯកសារ​យោង

មុន​ពេល​ដាក់​ពាក្យសុំ​មុខ​តំណែង​អ្វីក៏ដោយ ​សូម​ធ្វើការ​ស៊ើបសួរ​បណ្ដាញ​ ឬ​នរណា​ម្នាក់​ដែល​បច្ចុប្បន្ន​កំពុង​ធ្វើការ​ ឬ​ធ្លាប់​ធ្វើការ​នៅ​ស្ថាប័ន​ដែល​អ្នក​កំពុង​តែ​ដាក់​ពាក្យ។

ការ​ស៊ើបសួរ​ ស្រាវជ្រាវ​ពី​កន្លែង​ការងារ​នោះ ​មិន​ត្រឹម​តែ​អាច​ជួយ​អ្នក​ឱ្យ​ចៀស​ផុត​ពី​ចន្លោះ​ប្រហោង​ខ្មៅ​ប៉ុណ្ណោះ​ទេ ប៉ុន្តែ​វា​ក៏​អាច​ផ្ដល់​ឱ្យ​អ្នក​បាន​ដឹង​ពី​តម្លៃ​ និង​វប្បធម៌​ក្រុមហ៊ុន ​រួម​ទាំង​ដំណើរការ​ផ្សេងៗ​ ដែល​ក្រុមហ៊ុន​បាន​ផ្ដល់​ឲ្យ​បុគ្គលិក​របស់​គេ។

៣. ពិនិត្យ​មើល​គេហទំព័រ​របស់​ក្រុមហ៊ុន

គេហទំព័រ​នៅ​លើ​អ៊ិនធរណិត ​អាច​ជួយ​អ្នក​ឱ្យ​យល់​ច្បាស់​ពី​វប្បធម៌​របស់​ក្រុមហ៊ុន​ មុន​ពេល​ដែល​អ្នក​ឈាន​ជើង​ចូល​បន្ទប់​សម្ភាសន៍។ ចាប់ផ្ដើម​ដោយ​ការ​ពិនិត្យ​មើល​គេហទំព័រ​របស់​ក្រុមហ៊ុន​ ជា​ពិសេស​ផ្នែក “ អាជីព” របស់​ពួកគេ។

ទាំងនេះ​នឹង​ជួយ​អ្នក​វាស់​ស្ទង់​វប្បធម៌​សាជីវកម្ម​ និង​សម្រេចចិត្ត​ថា ​តើ​បរិយាកាស​ការងារ​របស់​ក្រុមហ៊ុន​និង​គុណ​តម្លៃ​របស់​វា ​សម​នឹង​អ្នក​ដែរ​ឬ​ទេ។

៤. ស្វែងយល់​ពី​អ្វី​ដែល​អ្នក​ដទៃ​កំពុង​និយាយ​អំពី​ក្រុមហ៊ុន

នៅ​ពេល​ធ្វើការ​ផ្លាស់ប្ដូរ​អាជីព​ សូម​កុំ​ភ្លេច​ពិនិត្យ​លើ​អ៊ិនធរណិត​ ពី​ព័ត៌មាន​ឬ​អ្នកណា​ម្នាក់​ដែល​ដឹង​ច្បាស់​ពី​កន្លែង​ការងារ​របស់​អ្នក។ វា​មាន​ប្រយោជន៍ ​ជា​ពិសេស​ប្រសិន​បើ​អ្នក​បាន​ស្គាល់​នរណា​ម្នាក់ ​ដែល​ធ្វើការ​នៅ​ក្រុមហ៊ុន​គោលដៅ​របស់​អ្នក ​ដែល​អាច​ចែក​រំលែក​បទ​ពិសោធន៍​ផ្ទាល់ខ្លួន​របស់​ពួកគេ​មក​អ្នក​បាន។

៥. រៀប​ចំ​សំណួរ​សម្រាប់​ការ​សម្ភាសន៍

ប្រសិន​បើ​អ្នក​ចង់​ស្វែង​រក​ការងារ​ក្នុង​ក្ដី​សុបិន​របស់​អ្នក ​សូម​ចាំ​ថា ​ដំណើរការ​សម្ភាសន៍ ​គួរ​តែ​ជា​ផ្លូវ​ពីរ។ ដូចជា​ក្រុមហ៊ុន​កំពុង​វាយ​តម្លៃ​អ្នក ​និង​ជំនាញ​របស់​អ្នក​ ក្នុង​តួនាទី​របស់​ពួកគេ។ វា​ក៏​ជា​ការងារ​របស់​អ្នក ​ក្នុង​ការ​សួរ​សំណួរ​ ដើម្បី​ទទួល​បាន​ចម្លើយយកមកថ្លឹងថ្លែង៕

ប្រែសម្រួល៖ សាង ស្រីល័ក្ខ

ចុចអាន៖ មនុស្ស ៨​ ប្រភេទ​មាន​នៅ​ស្ថាប័ន​ណា​ពិបាក​ដល់​កន្លែង​នោះ

ចុចអាន៖ ៦ យ៉ាង​ដែល​រារាំង​យើង​មិន​ឲ្យ​ទទួល​បាន​ការងារ​ដែល​ខ្លួន​ស្រលាញ់

The post ៥ វិធី​ ​ដើម្បី​​ស្វែងរក​ការងារ​ក្នុង​ក្រុមហ៊ុន​ដែល​អ្នក​ពេញចិត្ត appeared first on Kampuchea Thmey Daily.

ទាំងនេះជាប្រយោគ ១០ ឃ្លា ដែលគួរចៀសវាង កុំសរសេរចូល CV៖

១/ ខ្ញុំជាមនុស្សប្រឹងប្រែងធ្វើការងារ (I’m a hard worker)

២/ ខ្ញុំជាមនុស្សពូកែអត់ទ្រាំធ្វើការងារក្រោមសម្ពាធ (I work well under pressure)

៣/ ខ្ញុំអាចធ្វើការងារដោយឯករាជ្យ (I can work independently)

៤/  ខ្ញុំជាមនុស្សធ្វើការងារនៅក្នុងក្រុមបានល្អ (I’m a team player)

៥/ ខ្ញុំជាមនុស្សពូកែដោះស្រាយបញ្ហា (I am a problem solver)

៦/ ខ្ញុំជាមនុស្សមានទំនាក់ទំនងល្អ (I am a good communicator)

៧/ ខ្ញុំជាមនុស្សសកម្មណាស់ (I’m very proactive)

៨/ ខ្ញុំជាមនុស្សពូកែស្តាប់ (I am a good listener)

៩/ ខ្ញុំជាមនុស្សសប្បាយរីករាយ (I’m enthusiastic)

១០/ ខ្ញុំចេះជំនាញសរសេរល្អណាស់ (Excellent written skills)៕

ប្រែសម្រួល៖ សន្យា

ប្រភព៖ monster

ចុចអាន៖ ខ្សោយ​ការផ្តោតអារម្មណ៍?មិនសូវចាំ មិនសូវចាប់បាន?

The post ឃ្លាទាំង ១០ ចៀសវាងសរសេរចូល CV រកការងារធ្វើ appeared first on Kampuchea Thmey Daily.

នៅក្នុងផែនការអាជីវកម្មនិងថវិការបស់គម្រោង​រកស៊ីនិមួយៗ ត្រូវប្រាកដថាបញ្ចូលសម្ភារៈការិយាល័យនិងឧបករណ៍ណាមួយ ដែលធ្វើឱ្យគំនិតអាជីវកម្មតាមអ៊ិនធឺរណែតអាចមានកម្មភាព​ទៅបានរហ័ស ដូចជា កុំព្យូទ័រ Wifi អ៊ិនធឺរណែតល្បឿនលឿន តុ សាឡុង​ត្រឹមត្រូវ ការដាក់ធុងសម្រាម និងគេហទំព័រសម្រាប់អាជីវកម្ម។

គំនិតអាជីវកម្មដ៏អស្ចារ្យដែលអនុញ្ញាតឱ្យយើង​អាច​ធ្វើការពីផ្ទះបានហើយទទួលប្រាក់ ព្រមជាមួយ​កាលវិភាគបត់បែនទៅលំហែរនៅភ្នំ ឬសមុទ្រក៏បានឱ្យតែមាន​សេវាinternet
អាចផ្ទេរឯកសារ។

ចូររិះរកមើលគំនិតអាជីវកម្មណា ដែលពិតជាអាច “បង្កើតឱ្យមានអំណរដល់អតិថិជន”ថា​ខំតាមរកសេវាកម្មនេះ​យូរហើយ​?

១- ការបកប្រែ
ពហុភាសាតែងតែជាកំនើនតំរូវការឥតឈប់ក្នុងពាណិជ្ជកម្ម ដូច្នេះប្រសិនបើយើង​អាចនិយាយបានពីរ ឬច្រើនភាសាសូមពិចារណាចាប់ផ្តើមអាជីវកម្មខ្នាតតូចមួយដែលអ្នកអាចរកប្រាក់បានតាមជំនាញទាំងនោះដោយ​ស្វែងរកអតិថិជននៅលើគេហទំព័រដូចជា Upwork និង Flexjobs ហើយបង្កើតផលប័ត្យឺត ៗ ។ នៅពេលអ្នកធ្វើការដោយជោគជ័យជាមួយក្រុមហ៊ុនកាន់តែច្រើន យើង​អាចជួលអ្នកបកប្រែជាច្រើននាក់មកជួយ ដែលពួកគេ​ជំនាញភាសាផ្សេងៗទៀតដើម្បីពង្រីកការផ្តល់សេវាកម្មរបស់យើង​ក្រុមហ៊ុន​យើងផ្ទាល់។

២-ម្ហូបអាហារកុម្ម៉ង់
ប្រសិនបើចេះចម្អិនអាហារ មានឱជារស អានម័យ​និង​ច្នៃប្រឌិត ហើយរង់ចាំបើកហាង ឈប់ចាំទៅ។ មកបង្កើតហាងច្នៃប្រឌិតលើអនឡាញ ដែលនៅហុងកុងនិងអាមេរិក គេ​អាចរកប្រាក់ចំណូលពីអាជីវកម្មម្ហូបអាហារនៅផ្ទះនេះ ជាមួយលទ្ធភាព​ជួលកូនកាំបិត ឬចុងភៅរាប់សិបនាក់ ។ ការវិនិយោគដំបូងពឹងផ្អែកយ៉ាងច្រើនទៅលើទំហំសេវាកម្មម្ហូបដែលយើង​ចង់រៀបចំ។ ឧទាហរណ៍ ប្រសិនបើអ្នកចាប់ផ្តើមតូចៗ អាចគ្រប់គ្រងដោយខ្លួនឯង គួរតែអាចចាប់ផ្តើមអាជីវកម្មធ្វើម្ហូបនៅផ្ទះនេះកុំចំណេញច្រើន​តែយកល្បី នៅពេលមានគេកុម្ម៉ង់ច្រើន​យើងអាចជួលមនុស្ស​ហើយចាប់ផ្តើម ​ចេញមុខម្ហូបផ្ទាល់ខ្លួន ដែលមិនមាន​គេឯង​ស្គាល់ដើម្បីយកចំណេញ។

៣- ជំនួយការអនឡាញ
គំនិតអាជីវកម្មដែលទទួលបានជោគជ័យបំផុតមួយ គឺការផ្តល់សេវាកម្មជំនួយការ​បែបនិម្មិត។ មនុស្សគ្រប់គ្នាមកពីសហគ្រាសធំ ៗ រហូតដល់មនុស្សឯកជន តែង​ត្រូវការជំនួយពីការគ្រប់គ្រងអាជីវកម្មប្រចាំថ្ងៃរបស់ពួកគេ។ អ្នកអាចប្រើជំនាញរៀបចំដ៏ប្រសើររដើម្បីយកទំងន់ចេញពីស្មារបស់ពួកគេដូរយកលុយឬភាគលាភ។  ជាការពិតអ្នកនឹងទទួលបានប្រាក់ខែសម្រាប់ពេលវេលានិងការខំប្រឹងប្រែងក្នុងការ​ងារមានជាអាថ៌ ឆ្លើយអ៊ីមែល រៀបចំការប្រជុំនិងបំពេញភារកិច្ចរដ្ឋបាលផ្សេងៗ។  ទទួលកូនចេញពីរៀន​ឬនិយាយអនឡាញជាមួយកូនៗរបស់ពួកគេពេលពួកគេរវល់។

៤- បង្កើតគេហទំព័រវេបសាយ
ការបើកវេបសាយគឺស្ថិតក្នុងចំណោមគំនិតអាជីវកម្មថ្មីដែលធ្វើឱ្យមនុស្សគ្រប់គ្នាអាច​ធ្វើការពីផ្ទះរហូតដល់និស្សិតទើបបញ្ចប់ការសិក្សារំភើបនិងលទ្ធផល​ដោយសារមានអ្នកជោគជ័យ​ច្រើនមកហើយ។  យើងអាចផ្តើម​ដោយ​ទិញគេហទំព័រអេឡិកត្រូនិក មកកែលម្អបន្ថែមទៀតតាមរយៈការធ្វើទីផ្សារមាតិកា SEO និងយុទ្ធសាស្ត្រថ្មីៗ។ នៅពេលដែលគេហទំព័រផ្តើមបង្កើតបាន​ប្រាក់ចំណូលច្រើន យើងអាចវិនិយោគធំឬរកដៃគូបន្ថែម​។

៥- អ្នកនិពន្ធឯករាជ្យ

ប្រសិនបើអ្នកជាអ្នកជំនាញផ្នែកសម្ដី ដែលមានចំណេះដឹងផ្នែកទីផ្សារទាក់ទាញ ហើយ​សរសេរបានយ៉ាងជ្រៅ អាចបង្កើតអាជីព​ខ្លួនជាអ្នកសរសេរអត្ថបទឯករាជ្យ។ មិនថាសរសេរប្លក់ មាតិកាគេហទំព័រឬសេចក្តីប្រកាសព័ត៌មានឱ្យក្រុមហ៊ុន ការងារ​ជាច្រើន​នឹង​ហូរចូលមក។ អ្នកសរសេរអត្ថបទឯករាជ្យភាគច្រើនគិតថ្លៃពី ៤០ ទៅ ៥០ ដុល្លារក្នុងមួយម៉ោងនៅកូរ៉េនិងចិន ប៉ុន្តែអ្នកដែលមានជំនាញខ្ពស់​អាចគិតថ្លៃច្រើនជាងនេះ។

ការសរសេរអត្ថបទឯករាជ្យគឺជាអាជីវកម្មដ៏ល្អមួយអាចធ្វើប្រតិបត្តិការពីទីតាំងពោរពេញ​ដោយ​ផាសុកភាពគឺ គេហដ្ឋាន ការិយាល័យ ឯកជន ផ្ទាល់ខ្លួនហើយ​មិនមានសម្ពាធពេលវេលា។

ដោយ៖ សុភា
ប្រភព៖ Zinkevych

The post ចាប់ផ្តើមអាជីវកម្មខ្នាតតូចពីផ្ទះ ដោយវិធីទាំងនេះ appeared first on Kampuchea Thmey Daily.