យោង​តាម​ Al Jazeera ចំណាត់ការនេះត្រូវបានប្រកាស​នា​ថ្ងៃពុធ​ទី​៤​ខែ​កុម្ភៈ​ឆ្នាំ​២០២៦ បន្ទាប់ពីសាលដីកាជាប្រវត្តិសាស្ត្ររបស់តុលាការកំពូលប៉ាណាម៉ា បានសម្រេចទុកជាមោឃៈនូវសិទ្ធិសម្បទានរបស់ក្រុមហ៊ុនបុត្រសម្ព័ន្ធ Panama Ports ដោយប្រកាសថាវាផ្ទុយនឹងរដ្ឋធម្មនុញ្ញ។ ការសម្រេចនេះ បានទាក់ទាញការឆ្លើយតបយ៉ាងខ្លាំងក្លាពីទីក្រុងប៉េកាំង ដោយការិយាល័យកិច្ចការហុងកុង និងម៉ាកាវ (HKMAO) បានហៅសាលក្រមនេះថាជាភាព «មិនសមហេតុផល» និង «គួរ​​ឲ្យអាម៉ាស់» ព្រមទាំងបានព្រមានថា ប៉ាណាម៉ានឹងត្រូវសង «តម្លៃយ៉ាងធ្ងន់ធ្ងរ» ទាំងខាងនយោបាយ និងសេដ្ឋកិច្ច ចំពោះការចុះចូលនឹងសម្ពាធពីបរទេស។

សមរភូមិគតិយុត្តនេះ បានក្លាយជាចំណុចក្តៅនៅក្នុងការប្រជែងគ្នាកាន់តែខ្លាំងឡើងរវាងទីក្រុងវ៉ាស៊ីនតោន និងទីក្រុងប៉េកាំង។ ប្រធានាធិបតីអាមេរិក ដូណាល់ ត្រាំ បានលើកឡើងដដែលៗថា ប្រតិបត្តិការដែលមានទំនាក់ទំនងជាមួយចិននៅក្បែរព្រែកជីក គឺជាការគំរាមកំហែងដល់សន្តិសុខជាតិ ដោយមានពេលខ្លះលោកបានគំរាមដណ្តើមយកការគ្រប់គ្រងផ្លូវទឹកនេះមកវិញថែមទៀត។

ខណៈដែលសមាជិកសភាអាមេរិកបានអបអរសាទរចំពោះការសម្រេចរបស់តុលាការថាជា «ជ័យជម្នះសម្រាប់អាមេរិក» ចិនបានចោទប្រកាន់​ក្រុង​វ៉ាស៊ីនតោន​ថាបានប្រើប្រាស់ «យុទ្ធសាស្ត្រគំរាមកំហែង» ដើម្បីបង្ខំប៉ាណាម៉ាឲ្យធ្វើតាមខ្លួន។ ក្នុងពេលដែលក្រុមហ៊ុនដឹកជញ្ជូនយក្សរបស់ដាណឺម៉ាក Maersk កំពុងរៀបចំចូលកាន់កាប់កំពង់ផែ Balboa និង Cristobal ជាបណ្តោះអាសន្ន ផលវិបាកនេះកំពុងគំរាមកំហែងដល់ផែនការលក់ទ្រព្យសម្បត្តិកំពង់ផែសកលតម្លៃ ២៣​ពាន់លានដុល្លាររបស់ CK Hutchison និងធ្វើ​ឲ្យ​អនាគតនៃសរសៃឈាមពាណិជ្ជកម្មដ៏សំខាន់បំផុតមួយរបស់ពិភពលោកស្ថិតក្នុងភាពមិនច្បាស់លាស់នៃភូមិសាស្ត្រនយោបាយ៕

ប្រែសម្រួល៖ ឈាង

The post ប៉ាណាម៉ា ត្រូវ​ក្រុមហ៊ុន​ហុងកុងប្ដឹង ក្រោយ​បញ្ចប់​កិច្ចសន្យា​កំពង់ផែ​ចំនួន​២ appeared first on Kampuchea Thmey Daily.

ក្នុង​ឱកាស​ជំនួប​ពិភាក្សា​ការងារ​ នា​ថ្ងៃ​ទី​២៦ ខែ​មីនា នេះ លោក នុត អ៊ុនវ័ណរ៉ា បាន​សង្ខេបអំពីតួនាទីភារកិច្ច និង​រចនាសម្ព័ន្ធ​របស់​ក្រុមប្រឹក្សា​អភិវឌ្ឍន៍​កម្ពុជា, ច្បាប់​ស្តីពី​វិនិយោគ, ផែនទី​បង្ហាញ​ផ្លូវ​សម្រាប់​ការ​អភិវឌ្ឍ​វិស័យ​យានយន្ត និង​អេឡិចត្រូនិក, ការ​លើក​ទឹកចិត្ត​វិនិយោគ, សក្តានុពល​ក្នុង​វិស័យ​ផលិតកម្ម​ឧបករណ៍​អគ្គិសនី និងអេឡិចត្រូនិក, និងស្ថានភាព​បច្ចុប្បន្ននៃ​ការវិនិយោគក្នុង​វិស័យឧបករណ៍អគ្គិសនី និង​អេឡិចត្រូនិកនៅកម្ពុជា ។

ជាការឆ្លើយតប លោក​ Ting Sik Wa Thomas ប្រធាន​សមាគម​ឧស្សាហកម្ម​ហុងកុង បាន​បង្ហាញ​ពី​ការ​ចំណាប់​អារម្មណ៍​របស់​ខ្លួន​ក្នុង​ការ​វិនិយោគ​លើ​វិស័យ​អគ្គិសនី​នៅ​កម្ពុជា។ លោក​ថា កម្ពុជា​ជា​ប្រទេស​សក្ដានុពល​មួយ​ក្នុង​ចំណោម​បណ្ដា​ប្រទេស​នៅ​ក្នុង​តំបន់​អាស៊ីអាគ្នេយ៍ ជាពិសេស​សម្រាប់​អ្នក​វិនិយោគ​ហុងកុង ដែល​កំពុង​សម្លឹង​រក​ទីតាំង​សមស្រប​មក​ធ្វើការ​បណ្តាក់​ទុន។

លោក​ Ting Sik Wa Thomas បាន​អះអាង​ថា «តាមរយៈ​ជំនួប​ពិភាក្សា​នាពេលនេះ​បានផ្តល់នូវ​ព័ត៌មាន​ជាច្រើន​ដល់គណៈប្រតិភូ​បានស្វែងយល់បន្ថែមពីសក្តានុពលនៃការវិនិយោគ និងការរីកចម្រើន​នៅកម្ពុជា​»។

ទន្ទឹម​នេះ ភាគី ហុងកុង ក៏​បាន​សំណូមពរ​បន្ថែម​ដល់​ក្រុម​ប្រឹក្សា​អភិវឌ្ឍន៍​កម្ពុជា​បន្តផ្តល់​កិច្ចសហការ​ជាមួយ​សមាគម​ដើម្បីលើក​កម្ពស់​ការ​ទាក់ទាញ​វិនិយោគ​ហុងកុង​ក្នុង​វិស័យ​អគ្គិសនី និង​អេឡិចត្រូនិកមកកម្ពុជា។

សូម​បញ្ជាក់​​ដែរថា គិត​មក​ត្រឹមថ្ងៃ​នេះ សមាគម​ឧស្សាហកម្មឧបករណ៍អគ្គិសនី-អេឡិចត្រូនិក ហុងកុងមាន​សមាជិក​ចំនួន ២០២ក្រុមហ៊ុន។ សមាគម​ត្រូវបានបង្កើតឡើងនៅឆ្នាំ១៩៩៨ ក្នុងនាម​ជាស្ថាប័ន​ឯករាជ្រមិនរក​ប្រាក់ចំណេញ ដើម្បី​ធ្វើជា​ក្រុម​តំណាង​ឱ្យឧស្សាហកម្មឧបករណ៍អគ្គិសនីហុងកុង៕

The post ហុងកុង ចាប់អារម្មណ៍ចង់បណ្តាក់ទុនវិនិយោគបន្ថែមក្នុងវិស័យឧបករណ៍អគ្គិសនីនៅកម្ពុជា appeared first on Kampuchea Thmey Daily.

​

លោក Chan ដែល​មន្ត្រីជាន់ខ្ពស់​ទី ២ របស់​ក្រុងហុងកុង ដែល​គ្រប់គ្រងដោយចិន​​ បានប្រាប់អ្នកយកព័ត៌មានថា៖ «នេះពិតជាមិនស្របនឹងច្បាប់របស់ WTO ទេ។ ជាការពិត ពួកគេ (អាមេរិក​)បានបដិសេធទាំងស្រុងថា ហុងកុងគឺជាទឹកដីគយដាច់ដោយឡែក»។

លោក​បាន​ថ្លែង​បន្តដោយ​មិន​បាន​ផ្តល់​ព័ត៌មាន​ជាក់លាក់​ថា​៖ «​យើង​នឹង​ដាក់​ពាក្យ​បណ្តឹង​ទៅ WTO ទាក់ទង​នឹង​ការ​រៀបចំ​មិន​សម​ហេតុផល​នេះ​»​។

គួរ​បញ្ជាក់ថា ជាងមួយសប្ដាហ៍មុន ប្រធានាធិបតីសហរដ្ឋអាមេរិក​ លោក ដូណាល់ ត្រាំ បាន​ប្រកាសដាក់ពន្ធ ១០ ភាគរយ​ លើទំនិញ​នាំចូល​ពីចិន ដោយវិធានការដែលចូលជាធរមាន​កាលពីថ្ងៃអង្គារមុន​ មួយ​នេះ ក៏មាន​វិសាលភាព​លើក្រុងហុងកុង។

ហុងកុងត្រូវបានគេស្គាល់ថាជាមជ្ឈមណ្ឌលពាណិជ្ជកម្មសេរី ប៉ុន្តែច្បាប់សន្តិសុខជាតិឆ្នាំ ២០២០ របស់ប្រទេសចិន បាននាំឱ្យសហរដ្ឋអាមេរិកបញ្ចប់ងារពិសេសរបស់ហុងកុង ដោយបង្កើនភាពតានតឹង។ បន្ទាប់មក សហរដ្ឋអាមេរិកបានតម្រូវឱ្យទំនិញដែលផលិតនៅហុងកុង ត្រូវបានដាក់ស្លាកថា «ផលិតនៅក្នុងប្រទេសចិន» ដោយដកចេញនូវគុណសម្បត្តិដ៏សំខាន់មួយរបស់ហុងកុង ដែលជាមជ្ឈមណ្ឌលពាណិជ្ជកម្ម៕

The post ហុងកុងគ្រោងប្ដឹងទៅ WTO អំពីពន្ធរបស់សហរដ្ឋ​អាមេរិក appeared first on Kampuchea Thmey Daily.

ការចាប់ខ្លួនចុងក្រោយនេះបានកើតឡើងកាលពីថ្ងៃសុក្រ ហើយពាក់ព័ន្ធនឹងបុរសអាយុ៦១ ឆ្នាំម្នាក់ដែលត្រូវបានគេសង្ស័យថាបានលួចលុយវៀតណាមចំនួន ១០ លានដុង ឬប្រហែល ៣០៦០ដុល្លារហុងកុង ជាសាច់ប្រាក់ពីអ្នកដំណើរម្នាក់នៅលើជើងហោះហើរពីទីក្រុងហូជីមិញ។ ជនរងគ្រោះបានបាត់លុយពីកាបូបដែលទុកនៅក្នុងវ៉ាលី។ ប៉ូលិសត្រូវបានហៅមក ហើយពួកគេបានចាប់ខ្លួនបុរសអាយុ ៦១ ឆ្នាំ។ ជន​សង្ស័យ​ត្រូវ​បាន​ឃុំ​ខ្លួន​នៅ​ឡើយ​គិត​ត្រឹម​ថ្ងៃ​អាទិត្យ ខណៈកម្លាំង​ផ្នែក​ស៊ើបអង្កេត​ព្រហ្មទណ្ឌ​ កំពុង​តាមដាន​ករណីនេះ​។

គួរបញ្ជាក់ថាមន្រ្តីក៏បានចាប់ខ្លួនបុរសអាយុ ៣៨ ឆ្នាំម្នាក់កាលពីថ្ងៃពុធសប្តាហ៍មុនពីបទលួច ៤៥០០ដុល្លារ ពីកាបូបលើសទម្ងន់របស់អ្នកដំណើរម្នាក់ទៀតនៅលើជើងហោះហើរពីទីក្រុង Da Nang ។

ទីក្រុងហុងកុងបានកត់ត្រាករណីលួចក្នុងយន្តហោះចំនួន ១៦៩ ករណី ដែលពាក់ព័ន្ធនឹងទ្រព្យសម្បត្តិមានតម្លៃចំនួន ៤.៣២ លានដុល្លារហុងកុង ក្នុងរយៈពេល ១០ខែដំបូងនៃឆ្នាំ២០១៤ ។ តួលេខនេះបានលើសពីចំនួនរបាយការណ៍ប្រចាំឆ្នាំនៅក្នុងឆ្នាំនីមួយៗនៃកំណើនទេសចរណ៍នៃឆ្នាំ ២០១៨ ត្រឹមតែ១០៣ករណីនិងឆ្នាំ ២០១៩ ត្រឹមតែ១៤៧ ករណីប៉ុណ្ណោះ។

ប្រហែល ៧០% នៃចោរកម្មគឺនៅលើជើងហោះហើរផ្លូវខ្លីដែលមកដល់ប្រទេសដូចជាវៀតណាម ម៉ាឡេស៊ី ថៃ និងឥណ្ឌា។​ ២០% ផ្សេងទៀតមកពីទីតាំងដូចជា អារ៉ាប់រួម តួកគី និងកាតា។ ចំណុចចេញដំណើរផ្សេងទៀតរួមមាន ចិនដីគោក ជប៉ុន កូរ៉េខាងត្បូង សហរដ្ឋអាមេរិក កាណាដា អូស្ត្រាលី និងស្វីស។

កាលពីមុន លេខាធិការសន្តិសុខ Chris Tang Ping-keung បាននិយាយថា ភាគច្រើននៃវត្ថុមានតម្លៃដែលត្រូវបានលួចមានទាំងសាច់ប្រាក់ គ្រឿងអលង្ការ និងនាឡិកាថ្លៃៗ ឬកាតឥណទាន។ លោកបានសន្យាថានឹងបង្កើនវិធានការដើម្បីប្រយុទ្ធប្រឆាំងនឹងឧក្រិដ្ឋកម្មបែបនេះ៕

អត្ថបទ៖ ប៊ុន សុភាព

The post ប៉ូលិស​ហុងកុង​ចាប់ខ្លួន​បុរស​២​នាក់ ដែលលួចលុយលើយន្តហោះ​មក​ពី​វៀតណាម​ appeared first on Kampuchea Thmey Daily.

នៅក្នុងការកាត់ក្តីដាច់ដោយឡែកពីគ្នាក្នុងឆ្នាំ ២០២០​និង​២០២១ តុលាការជាន់ទាប​ហុងកុង​​បានចេញ​សាល​ដីកា​សម្រេច​លើ​គោលនយោបាយលំនៅ​ឋាន ដោយ​​​រំលោភលើសិទ្ធិរដ្ឋធម្មនុញ្ញដើម្បីសមភាព ហើយការមិនរាប់បញ្ចូលប្តីប្រពន្ធភេទដូចគ្នា​សម្រាប់​អត្ថប្រយោជន៍នៃច្បាប់មរតកគឺជាការរើសអើងដោយខុសច្បាប់។

រដ្ឋាភិបាលបានជំទាស់នឹងសេចក្តីសម្រេចទាំងនេះនៅសាលាឧទ្ធរណ៍ ប៉ុន្តែបានចាញ់ជាបន្តបន្ទាប់ក្នុងខែតុលា ឆ្នាំ២០២៣ បន្ទាប់មករដ្ឋបាល​ហុង​កុង​បានយកសំណុំរឿងទៅកាន់​តុលាការកំពូល។

ការច្រានចោលរបស់សាលាឧទ្ធរណ៍ចុងក្រោយនៃបណ្តឹងឧទ្ធរណ៍របស់រដ្ឋាភិបាលបានបញ្ចប់ការតស៊ូផ្លូវច្បាប់រយៈពេលជាច្រើនឆ្នាំជុំវិញការទទួលបានសិទ្ធិខុសគ្នាដែលប្រឈមមុខនឹងគូស្នេហ៍ភេទដូចគ្នាដែលបានរៀបការនៅក្រៅប្រទេសក្រោមគោលនយោបាយអាជ្ញាធរលំនៅដ្ឋានរបស់ហុងកុង និងច្បាប់មរតកពីរ។

ប្រធានចៅក្រម Andrew Cheung បានសរសេរនៅក្នុងសេចក្តីសម្រេចចំនួនពីរកាលពីថ្ងៃអង្គារថា សាលាឧទ្ធរណ៍ចុងក្រោយបានច្រានចោលជាឯកច្ឆ័ន្ទលើបណ្តឹងសាទុក្ខដែលនាំមកដោយរដ្ឋាភិបាលហុងកុងប្រឆាំងនឹងការសម្រេចចិត្តមុនដែលបញ្ជាក់ពីសិទ្ធិ LGBTQ ។

បើទោះបីមេធាវីរដ្ឋាភិបាល Monica Carss-Frisk បានប្រកែកថា គោលនយោបាយលំនៅដ្ឋានរបស់ហុងកុងត្រូវបានបង្កើតឡើងដើម្បីគាំទ្រដល់រែដៃគូភេទផ្ទុយប៉ុណ្ណោះ ប៉ុន្តែនៅក្នុងសេចក្តីសម្រេចរបស់ លោក Cheung បាននិយាយ​ថា គោលនយោបាយដែលមិនរាប់បញ្ចូលគូស្នេហ៍ភេទដូចគ្នាពីផ្ទះជួលសាធារណៈ និងផ្ទះល្វែងឧបត្ថម្ភធនដែលត្រូវបានលក់ក្រោមគម្រោងកម្មសិទ្ធិផ្ទះរបស់ទីក្រុង «មិនសមហេតុផលទេ»។

លោក Cheung បានមានប្រសាសន៍ថា «សម្រាប់ គូស្នេហ៍ភេទដូចគ្នាដែលខ្វះខាតដែលមិនអាចមានលទ្ធភាពជួលកន្លែងស្នាក់នៅឯកជនបាន គោលនយោបាយរបស់រដ្ឋាភិបាលពីមុនអាចដកហូតពួកគេពីឱកាសជាក់ស្តែងណាមួយនៃការចែករំលែកជីវិតគ្រួសារក្រោមដំបូលតែមួយ» ។

ចំណែករដ្ឋាភិបាលហុងកុងបាននិយាយនៅក្នុងសេចក្តីថ្លែងការណ៍មួយថា ខ្លួនគោរពការសម្រេចចិត្តរបស់តុលាការ ដោយបន្ថែមថា ខ្លួននឹងសិក្សាការវិនិច្ឆ័យ និងស្វែងរកនីតិវិធីផ្នែកច្បាប់លើជំហានបន្ទាប់។

គួរបញ្ជាក់ថាហុងកុង​មិន​ទទួល​ស្គាល់​ការ​រៀបការ​ចំពោះភេទ​ដូចគ្នា​នោះទេដែល​ជំរុញ​ឱ្យ​គូស្នេហ៍​ខ្លះ​រៀបការ​នៅ​កន្លែង​ផ្សេង។ បច្ចុប្បន្ននេះ ទីក្រុងទទួលស្គាល់តែការរៀបការភេទដូចគ្នាសម្រាប់គោលបំណងមួយចំនួនដូចជា ការបង់ពន្ធ អត្ថប្រយោជន៍សេវាស៊ីវិល និងទិដ្ឋាការអាស្រ័យ។

ទោះយ៉ាងណាបន្ទាប់ពីទីក្រុងនេះបានឃើញការទទួលយករបស់សង្គមកាន់តែច្រើនឡើងចំពោះអាពាហ៍ពិពាហ៍ភេទដូចគ្នានៅខែកញ្ញា ឆ្នាំ២០២៣តុលាការកំពូលបានសម្រេចថា រដ្ឋាភិបាលគួរតែផ្តល់ក្របខ័ណ្ឌមួយសម្រាប់ការទទួលស្គាល់ភាពជាដៃគូភេទដូចគ្នា។ សេចក្តីសម្រេចនេះ រួមជាមួយនឹងបញ្ហាប្រឈមផ្លូវច្បាប់ដ៏ជោគជ័យផ្សេងទៀតដែលនាំមកដោយសមាជិកនៃសហគមន៍ LGBTQ+ បានធ្វើឱ្យហុងកុងក្លាយជាកន្លែងតែមួយគត់នៅក្នុងប្រទេសចិនដែលផ្តល់ការទទួលស្គាល់បែបនេះសម្រាប់គូស្នេហ៍ភេទដូចគ្នា៕

អត្ថបទ៖ ប៊ុន សុភាព

The post តុលាការ​កំពូល​​ហុងកុង​សម្រេច​ផ្តល់​សិទ្ធិ​អ្នក​ស្រឡាញ់​ភេទ​ដូចគ្នា​ appeared first on Kampuchea Thmey Daily.

មេដឹកនាំទីក្រុងហុងកុង លោក John Lee បាននិយាយនៅក្នុងសន្និសីទសារព័ត៌មានកាលពីថ្ងៃអង្គារថា ផ្នែកមួយនៃ​សួន​សត្វ និង​រុក្ខសាស្ត្រហុងកុងត្រូវបានបិទជិត និងសម្លាប់មេរោគ ខណៈអ្នកជំនាញត្រូវបានធ្វើពិសោធន៍ necropsies និងជាតិពុល។ លោក Lee បាន​បន្ថែមថា៖​«នៅពេលណាដែលយើងមានព័ត៌មានណាមួយ ប្រសិនបើមានការវិវឌ្ឍថ្មី ការប្រកាសគួរតែត្រូវបានធ្វើឡើងឱ្យបានឆាប់តាមដែលអាចធ្វើទៅបាន ដូច្នេះគ្រប់គ្នាអាចឆាប់ដឹងពីការពិត»។

សត្វស្វាចំនួន៨ក្បាលត្រូវបានគេប្រទះឃើញស្លាប់កាលពីថ្ងៃអាទិត្យ ហើយមួយទៀតបានស្លាប់កាលពីថ្ងៃចន្ទ បន្ទាប់ពីបង្ហាញ​អាកប្បកិរិយាមិនធម្មតា។ សត្វដែលបានងាប់គឺជាសត្វស្វា De Brazza ស្វាកំប្រុកធម្មតា (common squirrel monkey) សត្វសាគីមុខពណ៌ស (white-faced sakis) ចំនួនបួនក្បាល និងស្វា (cotton-top tamarin) ចំនួនបីក្បាល ដែលជាប្រភេទសត្វដែលត្រូវបានចុះបញ្ជីថា ជាសត្វដែលរងគ្រោះថ្នាក់យ៉ាងធ្ងន់ធ្ងរជិតផុតពូជដោយសហភាពអន្តរជាតិសម្រាប់ការអភិរក្សធម្មជាតិ (IUCN)។

កាលពីថ្ងៃចន្ទ លេខាធិការទទួលបន្ទុកវប្បធម៌ កីឡា និងទេសចរណ៍ លោក Kevin Yeung បានបើកកិច្ចប្រជុំអន្តរក្រសួងជាបន្ទាន់អំពីការងាប់របស់សត្វស្វាទាំងនេះផងដែរជាមួយនាយកដ្ឋានសេវាកម្សាន្ត និងវប្បធម៌ នាយកដ្ឋានកសិកម្ម នេសាទ និងអភិរក្ស និងនាយកដ្ឋានសុខាភិបាល។

នៅក្នុងសេចក្តីថ្លែងការណ៍មួយបានពណ៌នា អាកប្បកិរិយា និងចំណង់អាហាររបស់ស្វា De Brazza មួយទៀតក៏ត្រូវបានរកឃើញថា មិនធម្មតាផងដែរ ដែលទាមទារឱ្យមានការសង្កេតបន្ថែមទៀត។ ទោះយ៉ាងណាសត្វ៨០ផ្សេងទៀតនៅក្នុងសួនច្បារស្ថិតនៅក្នុងស្ថានភាពធម្មតា។ នាយកដ្ឋាននៅតែរង់ចាំលទ្ធផលតេស្ត ហើយមិនអាចផ្តល់តម្រុយអំពីមូលហេតុនៃការស្លាប់ដែលអាចកើតមាននោះទេ។

គួរបញ្ជាក់ថា សួនសត្វ និងរុក្ខសាស្ត្រហុងកុង ដែលជាសួនចំណាស់ជាងគេនេះមានតាំងពីអតីតអាណានិគមអង់គ្លេស បានបើកជាសាធារណៈយ៉ាងពេញលេញនៅឆ្នាំ១៨៧១។ វាជាសួនសត្វដ៏កម្រនៅក្នុងទីក្រុងនៃមជ្ឈមណ្ឌលហិរញ្ញវត្ថុ ដែលបានត្រលប់ទៅក្រោមការគ្រប់គ្រងរបស់ចិននៅឆ្នាំ១៩៩៧វិញ៕

អត្ថបទ៖ ប៊ុន សុភាព

The post សត្វស្វា៩ក្បាលនៅសួនសត្វហុងកុងងាប់ ក្រោមស្ថានភាព​ដ៏​អាថ៌កំបាំងក្នុងរយៈពេល២ថ្ងៃ appeared first on Kampuchea Thmey Daily.

តាមការលើកឡើងរបស់លោកឧបនាយករដ្ឋមន្ត្រី ស សុខា គឺផ្អែកតាមទំនាក់ទំនងនយោបាយការទូតដ៏យូរអង្វែងរាប់ពាន់ឆ្នាំជាប្រវត្តិសាស្រ្ត កម្ពុជា និងចិន បានប្រែក្លាយជាមិត្តដែកថែប ក្រោមកិច្ចសហប្រតិបត្តិការត្បូងពេជ្រ ដែលជួយជំរុញឱ្យមានការអភិវឌ្ឍលើគ្រប់វិស័យ ជាពិសេសវិស័យឧស្សាហកម្ម និងពាណិជ្ជកម្ម វេយនភ័ណ្ឌ និងសំលៀកបំពាក់ កសិ-ឧស្សាហកម្ម សេវាកម្មហិរញ្ញវត្ថុ ការដឹកជញ្ជូន ភស្តុភារ នវានុវត្តន៍ បច្ចេកវិទ្យា និងទេសចរណ៍ ព្រមទាំងកិច្ចសហប្រតិបត្តិការលើការគ្រប់គ្រងសនិ្តសុខ សណ្តាប់ធ្នាប់សាធារណៈ ការប្រយុទ្ធប្រឆាំងភេវរកម្ម និងបទល្មើសព្រហ្មទណ្ឌ។

ក្នុងន័យនេះ នៅក្នុងឱកាសអនុញ្ញាតឱ្យលោក Jonh Lee ប្រធានប្រតិបត្តិនៃតំបន់រដ្ឋបាលពិសេសហុងកុង ចូលជួបសម្តែងការគួរសម កាលពីថ្ងៃទី៣១ ខែកក្កដា ឆ្នាំ២០២៤ នាទីស្តីការក្រសួងមហាផ្ទៃ លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបង្ហាញការជឿជាក់ទៅលើលោក Jonh Lee នឹងជួយជំរុញការបណ្តាក់ទុនវិយោគ និងសេដ្ឋកិច្ចលើវិស័យអាទិភាពនានានៅកម្ពុជាបន្ថែមទៀត ស្របពេលកម្ពុជា កំពុងខិតខំពង្រឹងខ្លួនឯង ដើម្បីឈានទៅសម្រេចបានចក្ខុវិស័យ២០២៤ ក្លាយជាប្រទេសមានចំណូលមធ្យមកម្រិតខ្ពស់ និងក្លាយជាប្រទេសមានចំណូលខ្ពស់នៅឆ្នាំ២០៥០។

ជាការឆ្លើយតប លោក Jonh Lee ប្រធានប្រតិបត្តិនៃតំបន់រដ្ឋបាលពិសេសហុងកុង លើកឡើងថា លោកនឹងបន្តពិនិត្យលទ្ធភាពបង្កើនការវិនិយោគនៅកម្ពុជា ព្រមទាំងចូលរួមជួយផ្សព្វផ្សាយ និងកៀរគរវិនិយោគិនដៃគូដទៃទៀតឱ្យមកស្វែងរកឱកាសសក្តានុពល និងបណ្តាក់ទុនវិនិយោគនៅកម្ពុជាកាន់តែច្រើនឡើងថែមទៀត។

ដើម្បីជំរុញការវិនិយោគ លោកឧបនាយករដ្ឋមន្ត្រី ស សុខា បានបញ្ជាក់នៅចំពោះមុខភាគីចិន ថា ក្នុងក្របខណ្ឌគតិយុត្ត រាជរដ្ឋាភិបាលកម្ពុជា បានរៀបចំរួចរាល់នូវច្បាប់ និងលិខិតបទដ្ឋានគតិយុត្តពាក់ព័ន្ធសំខាន់ៗ ជាអាទិ៍ ច្បាប់ស្តីពីវិនិយោគ ច្បាប់ស្តីពីភាពជាដៃគូរវាងរដ្ឋ និងឯកជន ព្រមទាំងបានបន្តអនុវត្តគោលនយោបាយអនុគ្រោះពន្ធលើផ្នែកមួយចំនួន ការសាងសង់ហេរដ្ឋារចនាសម្ព័ន្ធផ្លូវថ្នល់ និងវិស័យសំណង់អគារ ដែលបង្កបរិយាកាសសន្តិសុខល្អប្រសើរ ដើម្បីបង្កើនទំនុកចិត្ត និងភាពកក់ក្តៅដល់វិនិយោគិនជាតិ និងអន្តរជាតិ មកលើរាជរដ្ឋាភិបាល ក្រោមដំបូលនៃសុខសន្តិភាពពេញលេញលើផ្ទៃប្រទេស។

មន្ត្រីជាន់ខ្ពស់រាជរដ្ឋាភិបាលរូបនេះ ក៏បានចាត់ទុកថា ការសម្រេចបាននូវសមិទ្ធផលកន្លងមក ពិតជាមិនអាចកាត់ផ្តាច់បានពីគោលនយោបាយរវាងរដ្ឋ និងរដ្ឋ ទំនាក់ទំនងដ៏ល្អ និងកិច្ចសហប្រតិបត្តិការដ៏ល្អរវាងរដ្ឋាភិបាលនៃប្រទេសទាំងពីរ ដែលបានបង្កើតនូវលក្ខខណ្ឌ និងបរិយាកាសអំណោយផលដល់ការវិនិយោគ បម្រើផលប្រយោជន៍ទៅវិញទៅមកដល់ភាគីទាំងពីរ។ ជាក់ស្តែង បន្ទាប់ពីឡើងកាន់តំណែងជានាយករដ្ឋមន្រ្តី សម្តេចធិបតី ហ៊ុន ម៉ាណែត បានអញ្ជើញបំពេញទស្សនកិច្ចទៅកាន់ប្រទេសចិន ២លើក ដែលតាមរយៈដំណើរទស្សនកិច្ចទាំងនេះ រដ្ឋាភិបាលនៃប្រទេសទាំងពីរ បានចុះហត្ថលេខាឯកសារសហប្រតិបត្តិការលើវិស័យសំខាន់ៗនានា ដើម្បីជំរុញការវិនិយោគ ពាណិជ្ជកម្មតាមប្រព័ន្ធអ៊ីនធឺណិត និងឌីជីថល ហេដ្ឋារចនាសម្ព័ន្ធ ថាមពល និងការអភិវឌ្ឍបៃតង ព្រមទាំងបានកំណត់យកឆ្នាំ២០២៤ ជាឆ្នាំនៃការផ្លាស់ប្តូរប្រជាជន និងប្រជាជន៕

The post ប្រធានតំបន់រដ្ឋបាលពិសេសហុងកុង សន្យាជួយកៀរគរវិនិយោគិនមកបណ្តាក់ទុននៅកម្ពុជាថែមទៀត appeared first on Kampuchea Thmey Daily.

អ្នក​នាង​ Selina Cheng ដែលត្រូវបានបោះឆ្នោតជ្រើសរើសជាប្រធានសមាគមអ្នកកាសែតហុងកុង (HKJA) ថ្មីកាលពីខែមិថុនា បានប្រាប់សន្និសីទសារព័ត៌មានកាលពីថ្ងៃពុធថា នាយកជាន់ខ្ពស់បានប្រាប់នាងថា ការងាររបស់នាងត្រូវបានដកចេញដោយសារតែការរៀបចំរចនាសម្ព័ន្ធឡើងវិញ។ ប៉ុន្តែ នាង​ Cheng ជឿជាក់ថា មូលហេតុពិតប្រាកដគឺជាប់ទាក់ទងនឹងសំណើរបស់អ្នកគ្រប់គ្រងនាង​ដែលប្រហែល​៣សប្តាហ៍មុន បាន​ស្នើឲ្យនាងដកខ្លួនចេញពីការបោះឆ្នោតជ្រើសរើសប្រធានសមាគមអ្នកកាសែតហុងកុង (HKJA) ដែលជាសហជីពសម្រាប់អ្នកកាសែតតស៊ូមតិដើម្បីសេរីភាពសារព័ត៌មាន ។

នាងបានបញ្ជាក់ថា អ្នកគ្រប់គ្រងរបស់នាងបានស្នើឱ្យនាងលាឈប់ពីក្រុមប្រឹក្សាភិបាលរបស់សមាគម ដែលនាងបានបម្រើការតាំងពីឆ្នាំ២០២១។ បន្ទាប់ពីនាងបានបដិសេធមិនព្រមដកខ្លួនចេញពីការបោះឆ្នោត​នោះ​ អ្នកគ្រប់គ្រងរបស់នាងបានប្រាប់នាងថា បុគ្គលិករបស់ Wall Street Journal មិនគួរធ្វើជាអ្នកតស៊ូមតិដើម្បីសេរីភាពសារព័ត៌មានដូចនៅហុងកុងទេ ពីព្រោះការតស៊ូមតិបែបនេះនឹងបង្កើតជម្លោះអំពីសេរីភាពសារព័ត៌មាននៅក្នុងទីក្រុង។

ស្របពេលជាមួយគ្នានោះ HKJA បាននិយាយនៅក្នុងសេចក្តីថ្លែងការណ៍មួយថា The Wall Street Journal ប្រថុយនឹងការធ្លាក់ចុះនៃការគាំទ្រសារព័ត៌មានឯករាជ្យរបស់ខ្លួន តាមរយៈការដាក់សម្ពាធបុគ្គលិករបស់ខ្លួនមិនឱ្យចូលរួមក្នុងការតស៊ូមតិដើម្បីសេរីភាពសារព័ត៌មាន។ ទន្ទឹមនោះ សមាជិកក្រុមប្រឹក្សាភិបាលជាប់ឆ្នោតផ្សេងទៀតនៃសមាគមក៏ត្រូវបានដាក់សម្ពាធដោយនិយោជករបស់ពួកគេឥតឈប់ឈរដែរ ដោយមិនបានផ្តល់ព័ត៌មានលម្អិត។

គួរបញ្ជាក់ថា អ្នកកាសែតហុងកុងធ្វើការក្នុងបរិបទដ៏តូចចង្អៀត បន្ទាប់ពីការផ្លាស់ប្តូរនយោបាយស៊ីជម្រៅ​មួយ​នៅក្នុងទីក្រុង​​ហុងកុង​​ ខណៈដែលទីក្រុងនេះធ្លាប់ត្រូវបានគេមើលឃើញថាជាបន្ទាយនៃសេរីភាពសារព័ត៌មាននៅអាស៊ី។ ចាប់តាំងពីការដាក់ឱ្យប្រើប្រាស់ច្បាប់សន្តិសុខជាតិដែលដាក់ដោយទីក្រុងប៉េកាំងកាល​ឆ្នាំ២០២០ សារព័ត៌មានក្នុងស្រុកចំនួនពីរ​ រួមមាន Apple Daily និង Stand News ដែលផ្សាយរិះគន់រដ្ឋាភិបាលក្រុង​ប៉េកាំង​ ត្រូវបានបង្ខំឱ្យបិទ បន្ទាប់ពីមានការចាប់ខ្លួនអ្នកគ្រប់គ្រងជាន់ខ្ពស់របស់ពួកគេ។

លើសពីនេះកាលពីខែមីនា ហុងកុងបានអនុម័តច្បាប់សន្តិសុខមួយផ្សេងទៀតដើម្បីកំណត់គោលដៅទៅលើអង្គភាពណាដែលចូលរួមនៅក្នុងចារកម្មលាតត្រដាងការសម្ងាត់របស់​រដ្ឋ និង ការគប់គិតជាមួយកងកម្លាំងបរទេស ដើម្បីប្រព្រឹត្តអំពើខុសច្បាប់។ ច្បាប់​នេះ​បាន​បង្ក​ការ​ព្រួយ​បារម្ភ​ដល់ចំណោម​អ្នក​សារព័ត៌មាន​ជា​ច្រើន​ជុំវិញ​ការ​ធ្លាក់​ចុះ​បន្ថែម​ទៀត​នៃ​សេរីភាព​សារព័ត៌មាន។

តិចជាងមួយសប្តាហ៍ បន្ទាប់ពីការអនុម័ត វិទ្យុអាស៊ីសេរីដែលផ្តល់មូលនិធិដោយសហរដ្ឋអាមេរិកបានប្រកាសបិទ​ការិយាល័យ​ដោយសារតែការព្រួយបារម្ភអំពីសុវត្ថិភាពនៅក្រោមច្បាប់ថ្មី។ ជាមួយគ្នានេះសមាគម​អ្នកកាសែត​ហុងកុង​ត្រូវ​បាន​អាជ្ញាធរ​មូលដ្ឋាន និង​បណ្តាញ​ផ្សព្វផ្សាយ​គាំទ្រ​ក្រុង​ប៉េកាំង​រិះគន់​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ។ កាសែត Wall Street Journal ក៏​ប្រឈម​នឹង​សម្ពាធ​ពី​រដ្ឋាភិបាល​ដែរ ដោយកាល​ពី​ខែ​កក្កដា​កន្លង​ទៅ កាសែតនេះបាន​ទទួលពាក្យបណ្ដឹង​ចំនួន​បី​ពីលេខាធិការសន្តិសុខហុងកុង។

សូមបញ្ជាក់ថា ហុងកុងជាប់ចំណាត់ថ្នាក់ទី១៣៥ក្នុងចំណោមប្រទេស និងតំបន់ចំនួន១៨០នៅក្នុងសន្ទស្សន៍សេរីភាពសារព័ត៌មានចុងក្រោយបំផុតរបស់ World Press Freedom Index៕ 

អត្ថបទ៖ ប៊ុន សុភាព

The post WSJ​ បណ្តេញ​បុគ្គលិក​នៅ​ហុងកុង​ ដោយសារ​​ការ​ឈរឈ្មោះ​ដឹកនាំ​​​សមាគម​​អ្នកកាសែត​​​​​ appeared first on Kampuchea Thmey Daily.