តុលាការ​បាន​ច្រាន​ចោល​បណ្តឹង​ឧទ្ធរណ៍​របស់​លោក Hernandez អាយុ​៥៣​ឆ្នាំ បន្ទាប់​ពី​ការ​សម្រេច​ កាល​ពី​ថ្ងៃ​ទី​១៦ ខែ​មីនា របស់​ចៅ​ក្រម​ម្នាក់​ដើម្បី​ទទួល​យក​​សំណើ​​ធ្វើ​បត្យាប័ន​​របស់​តុលាការនៅ​​​ទី​ក្រុង​ញ៉ូវយ៉ក សហរដ្ឋ​អាមេរិក។ នេះ​បើ​យោង​តាម​​​អ្នក​នាំ​ពាក្យ​តុលាការ​លោក Melvin Duarte។

លោក Hernandez ​អាច​ប្រឈម​មុខ​​នឹង​ការ​កាត់​ទោស​ឲ្យ​ជាប់ពន្ធនាគារ​អស់​មួយ​ជីវិត ប្រសិន​បើ​ត្រូវ​បាន​កាត់​ទោស។

បង​ប្រុស​របស់​លោក​ជា​សមាជិក​សភាឈ្មោះ Tony Hernandez ត្រូវ​បាន​កាត់​ទោស​ឲ្យ​ជាប់​ពន្ធនាគារ​អស់​មួយ​ជីវិត​នៅ​សហរដ្ឋ​អាមេរិក​កាល​ពី​ខែ​មីនា ឆ្នាំ​២០២១​ពី​បទ​ជួញ​ដូរ​គ្រឿង​ញៀន។ អំឡុង​ពេល​​​សវនាការ​នោះ អតីត​ប្រធានាធិបតី​​ក៏​ជាប់​ពាក់​ព័ន្ធ​នឹង​ការ​ជួញ​ដូរ​ខុស​ច្បាប់​ដែរ។

លោក Hernandez ដែល​កាន់​អំណាច​ចន្លោះ​ឆ្នាំ​២០១៤​ដល់​២០២២ ត្រូវ​បាន​ចោទ​ប្រកាន់​ពី​បទជួយ​សម្រួល​ដល់​ការ​រត់​ពន្ធ​គ្រឿង​ញៀន​ប្រមាណ​៥០០​តោនដែលភាគ​ច្រើន​ពីប្រទេសកូឡុំប៊ី និងវេណេហ្ស៊ុយអេឡា ទៅ​សហរដ្ឋ​អាមេរិក ឆ្លង​កាត់​ហុងឌូរ៉ាស​ចាប់​តាំង​ពី​ឆ្នាំ​២០០៤។

រដ្ឋ​​អាជ្ញា​អាមេរិក​បាន​ចោទ​ប្រកាន់​ថា លោក​ទទួល​បាន​ប្រាក់​រាប់​រយ​លាន​ដុល្លារ​អាមេរិក​ពី​ឈ្មួញ​ជួញ​ដូរ​គ្រឿង​សម្រាប់​ការការពារ ក្នុង​នោះ​មាន​ទាំង​ស្តេច​គ្រឿង​ញៀនម៉ិកស៊ិក Joaquin “El Chapo” Guzman ផងដែរ។

លោក Hernandez ប្រឈម​នឹង​បទ​ចោទ​ប្រកាន់​៣​យ៉ាង។ ទី​១សម​គំនិត​ក្នុង​ការ​នាំ​ចូលសារធាតុ​គ្រប់​គ្រង​ទៅ​សហរដ្ឋ​អាមេរិក។ ទី​២ ប្រើ​ប្រាស់ ឬ​កាន់​អាវុធ​រួម​ទាំង​កាំភ្លើងយន្ត និង​ទី​៣ ការ​ឃុបឃិត​គ្នា​ក្នុង​ការ​ប្រើ​ប្រាស់ ឬ​កាន់​អាវុធ។

លោក Hernandez ត្រូវ​បាន​ចាប់​ខ្លួន​កាល​ពី​ពាក់​កណ្តាល​ខែ​កុម្ភៈ ក្នុង​ពេល​មិន​ដល់​មួយ​ខែ​ផង បន្ទាប់​ពី​លោក​ចាក​ចេញ​ពី​តំណែង​ប្រធានាធិបតី ​​បន្ទាប់ពី​មាន​សំណើធ្វើបត្យាប័នរបស់សហរដ្ឋអាមេរិក។

នៅ​ពាក់​កណ្តាល​ខែ​មីនា ចៅ​ក្រម​ម្នាក់​បាន​បញ្ជា​ឲ្យ​ធ្វើ​បត្យាប័នលោក Hernandez ដែល​បាន​ធ្វើ​ឲ្យ​លោក​ដាក់​ពាក្យ​ប្តឹង​ទៅ​ឧទ្ធរណ៍៕

ប្រែ​សម្រួល៖ វីរបុត្រ
ប្រភព៖ aljazeera

The post តុលាការ​​ហុងឌូរ៉ាស​យល់​ព្រម​​ធ្វើ​បត្យាប័ន​អតីតប្រធានាធិបតី​ Hernandez​ ទៅ​អាមេរិក​រឿង​គ្រឿង​ញៀន appeared first on Kampuchea Thmey Daily.

វីដេអូពីកន្លែងកើតហេតុបង្ហាញពីជនចំណាកស្រុកព្យាយាមរុញច្រានយ៉ាងខ្លាំងជាមួយក្រុមទាហានយ៉ាងច្រើនដែលកំពុងបិទផ្លូវក្បែរភូមិ Vado Hondo នៅភាគខាងកើតប្រទេសហ្គាតេម៉ាឡា ខណៈពួកគេមួយក្រុមធំបានព្យាយាមបំបែកក្រុមប៉ូលិស ទោះយ៉ាងណាទាហានដែលកាន់ដំបងបានស្ទាក់ចាប់ពួកគេជាច្រើន ហើយវាយតបតពួកគេវិញ ។

មនុស្ស ៣ ក្រុមដែលមានគ្នាប្រមាណ ៣,០០០ នាក់ក្នុងមួយក្រុមៗបានឆ្លងកាត់ព្រំដែនហ្គាតេម៉ាឡាពីប្រទេសហុងឌូរ៉ាសកាលពីយប់ថ្ងៃសុក្រ និងថ្ងៃសៅរ៍ដោយកំពុងរុលទៅមុខឆ្លងកាត់ការពាររបស់ប៉ូលិស និងឆ្មាំព្រំដែន ។ បន្ទាប់មកពួកគេបានបង្កើតក្បួនធ្វើដំណើរទ្រង់ទ្រាយធំដោយសង្ឃឹមថានឹងឆ្លងចូលប្រទេសម៉ិកស៊ិក និងទៅដល់ព្រំដែនសហរដ្ឋអាមេរិក ។

ភាគច្រើននៃជនចំណាកស្រុកបានចូលដោយមិនបង្ហាញការធ្វើតេស្តអវិជ្ជមានជំងឺកូវីដ ១៩ តាមការទាមទាររបស់អាជ្ញាធរហ្គាតេម៉ាឡា ។

YESTERDAY: Dramatic video shows people from the Honduran migrant caravan pushing past border control to cross into Guatemala. pic.twitter.com/lATvwr4O0P

— The Hill (@thehill) January 17, 2021

អ្នកនាំពាក្យរបស់ប្រធានាធិបតីហ្គាតេម៉ាឡាលោក Alejandro Giammattei គឺលោកស្រី Patricia Letona បានប្រាប់ក្រុមអ្នកយកព័ត៌មានថា ក្បួនជនចំណាកស្រុកបានចូលទៅក្នុងទឹកដីហ្គាតេម៉ាឡាដោយរំលោភលើច្បាប់ព្រំដែនរបស់រដ្ឋ ។

ទន្ទឹមនោះរដ្ឋាភិបាលនៃប្រទេសនេះបានអំពាវនាវដល់ប្រទេសហុងឌូរ៉ាសឲ្យមានការគ្រប់គ្រងការចាកចេញដ៏ច្រើននៃប្រជាជនរបស់ពួកគេតាមរយៈសកម្មភាពការពារជាមូលដ្ឋាន ។ សេចក្តីថ្លែងការណ៍បាននិយាយថា ប្រទេសនៅអាមេរិកកណ្តាលមួយនេះត្រូវតែចៀសវាងបង្កគ្រោះថ្នាក់ដល់ប្រជាជនរបស់ពួកគេក្នុងគ្រាមានអាសន្នផ្នែកសុខភាពដោយសារជំងឺរាតត្បាត ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិកបន្ថែមកងទាហាននៅទូទាំងរដ្ឋប្រឆាំងនឹងរលកនៃការតវ៉ាប្រដាប់អាវុធ

ចុចអាន ៖ តើតារាល្បីៗអាមេរិករូបណាខ្លះនឹងចូលរួមពិធីឡើងកាន់តំណែងរបស់លោក Biden?

The post ជនចំណាកស្រុកហុងឌូរ៉ាសរាប់ពាន់នាក់ប៉ះទង្គិចជាមួយកងទ័ពហ្គាតេម៉ាឡា ក្នុងដំណើរទៅកាន់ព្រំដែនអាមេរិក (មានវីដេអូ) appeared first on Kampuchea Thmey Daily.

លោក Zelaya បាននិយាយនៅលើបណ្តាញសង្គម Twitter ថា “ខ្ញុំត្រូវបានឃាត់ខ្លួនដោយអយុត្តិធម៌នៅអាកាសយានដ្ឋាន Toncontin នៅពេលខ្ញុំហៀបនឹងធ្វើដំណើរទៅប្រទេសម៉ិកស៊ិកសម្រាប់សិក្ខាសាលារបស់ក្រុមហ៊ុន PT ។

ប្រព័ន្ធផ្សព្វផ្សាយក្នុងស្រុកបានរាយការណ៍ថា អតីតប្រធានាធិបតីដែលបានបម្រើការពីឆ្នាំ ២០០៦ ដល់ឆ្នាំ ២០០៩ ត្រូវបានឃុំខ្លួន និងដោះលែងនៅ ៤ ម៉ោងក្រោយមក ។

គួរបញ្ជាក់ថា ដើម្បីគ្រប់គ្រងការជួញដូរ និងការលាងលុយកខ្វក់ ច្បាប់ប្រទេសហុងឌូរ៉ាសអនុញ្ញាតិឲ្យមានប្រាក់អតិបរមាចំនួន ១០,០០០ ដុល្លារប៉ុណ្ណោះសម្រាប់ការចេញពីប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

The post អតីតប្រធានាធិបតីហុងឌូរ៉ាស ត្រូវឃាត់ខ្លួននៅព្រលានយន្តហោះ ដោយសារតែលុយច្រើនពេក appeared first on Kampuchea Thmey Daily.