តាមការផ្សាយរបស់ Khaosod, ហេតុការណ៍នេះ កើតឡើងនៅឃុំ Thai Ban ក្នុងស្រុក Mueang ប៉ុន្តែមិនបណ្តាលឲ្យមានមនុស្សស្លាប់ទេ គ្រាន់តែរបួស ២នាក់ប៉ុណ្ណោះ។ 

វាជាឧទ្ធម្ភាគចក្រហ្វឹកហាត់ ធុនស្រាល២កៅអី Guimbal Cabri G2 ខណៈបើតាមការឲ្យដឹងពីមន្ត្រីជំនាញ មូលហេតុនៃការធ្លាក់ គឺដោយសារ​បញ្ហាម៉ាស៊ីន។

ឧទ្ធម្ភាគចក្រនេះ បានហោះឡើងនៅម៉ោងប្រហែល ០៨:៣០ ព្រឹក ចេញពីរោងចក្រមួយ ក្នុងតំបន់ ឆ្ពោះទៅកាន់មូលដ្ឋានផ្សេងទៀត នៅខេត្ត Chonburi។ បន្ទាប់ពីហោះឡើង បានកម្ពស់ប្រហែល ១០ ម៉ែត្រ ឧទ្ធម្ភាគចក្រ ក៏ជួបបញ្ហាបច្ចេកទេស ដែលបង្ខំឲ្យអ្នកបើក ព្យាយាមចុះចតជាបន្ទាន់ ក្នុងចម្ងាយប្រហែល ៣០ ម៉ែត្រពីចំណុចហោះឡើង។

ក្នុងអំឡុងពេលចុះចត ស្លាបចក្របានបោកទង្គិចជាមួយព្រៃខ្ពស់ៗ បណ្តាលឲ្យឆាបឆេះជាភ្លើង។ យ៉ាងណា អ្នកជិះក្នុងនោះ បានចេញមកក្រៅដោយរួចរស់ជីវិត៕

អត្ថបទ៖ សុខ សុវណ្ណ

The post ឧទ្ធម្ភាគចក្រមួយគ្រឿង ធ្លាក់ឆេះនៅខេត្ត Samut Prakan ប្រទេសថៃ appeared first on Kampuchea Thmey Daily.

តាមការផ្សាយរបស់សារព័ត៌មាន Independent នៅថ្ងៃអង្គារទី២៤ខែកុម្ភៈឆ្នាំ២០២៦, ហេតុការណ៍នេះកើតឡើងក្នុងខេត្ត Isfahan ភាគកណ្តាលប្រទេសអ៊ីរ៉ង់។

ទន្ទឹមនោះ សារព័ត៌មាន Mehr របស់អ៊ីរ៉ង់ក៏ផ្សាយដែរថា ឧទ្ធម្ភាគចក្រនេះបានធ្លាក់ក្នុងអំឡុងពេលហោះហើរហ្វឹកហាត់ ឆក់យកជីវិតអ្នកបើកម្នាក់និងសហការីម្នាក់ និងអ្នកលក់បន្លែផ្លែឈើ២នាក់។

យ៉ាងណា ភ្លាមៗមិនទាន់មានការបញ្ជាក់ពីប្រភេទឧទ្ធម្ភាគចក្រនៅឡើយទេ ខណៈមូលហេតុនៃការធ្លាក់ ក៏មិនទាន់ត្រូវបានបញ្ជាក់ដែរ។

សូមជម្រាបថា អ៊ីរ៉ង់មានប្រវត្តិសុវត្ថិភាពផ្លូវអាកាសមិនល្អសោះឡើយ ដោយមានករណីធ្លាក់យន្តហោះច្រើនលើក ជាពិសេសពាក់ព័ន្ធនឹងយន្តហោះដែលទិញតាំងពីមុនបដិវត្តន៍ឆ្នាំ១៩៧៩។

ជាក់ស្តែង កាលពីសប្តាហ៍មុន យន្តហោះចម្បាំងប្រភេទ F-4 ដែលផលិតដោយសហរដ្ឋអាមេរិកជារបស់កងទ័ពអាកាសអ៊ីរ៉ង់ ក៏ធ្លាក់ផងដែរនៅក្នុងខេត្ត Hamadan ភាគខាងលិច អំឡុងពេលហោះហើរហ្វឹកហាត់ បណ្តាលឲ្យអាកាសយានិកម្នាក់ស្លាប់៕

អត្ថបទ៖ សុខ សុវណ្ណ

The post ឧទ្ធម្ភាគចក្រយោធាអ៊ីរ៉ង់ ធ្លាក់ចូលផ្សារ ស្លាប់មនុស្ស៤នាក់ appeared first on Kampuchea Thmey Daily.

Reuters ផ្សាយថា ហេតុការណ៍នេះកើតឡើងនៅព្រឹកថ្ងៃចន្ទទី៩ខែកុម្ភៈឆ្នាំ២០២៦ ក្នុងតំបន់ Gapyeong ចំណែកមូលហេតុនៅមិនទាន់ត្រូវបានគេដឹងនៅឡើយទេ។

យ៉ាងណា កងទ័ពកូរ៉េខាងត្បូងកំពុងបង្កើតគណៈកម្មការស៊ើបអង្កេត ដើម្បីពិនិត្យមើលថាតើគ្រោះថ្នាក់នេះបណ្តាលមកពី បញ្ហាបច្ចេកទេស ឬ កត្តាអាកាសធាតុ។

តាមការឲ្យដឹងពីមន្ត្រីយោធា, ឧទ្ធម្ភាគចក្រនេះជាប្រភេទវាយប្រហារ AH-1S Cobra ហើយអ្នកស្លាប់គឺជាអាកាសយានិក។ ដំបូងឡើយអ្នកទាំងពីរមិនទាន់ស្លាប់ភ្លាមទេ គ្រាន់តែរបួសធ្ងន់ ប៉ុន្តែក្រោយពេលបញ្ជូនទៅកាន់មន្ទីរពេទ្យនៅក្បែរកន្លែងកើតហេតុ ពួកគេត្រូវបានប្រកាសថា បាត់បង់ជីវិតហើយ។

សូមជម្រាបថា គ្រោះថ្នាក់នេះកើតឡើងចំពេលកងទ័ពកូរ៉េខាងត្បូង កំពុងបង្កើនការហ្វឹកហ្វឺនយោធាយ៉ាងខ្លាំងក្លា ដើម្បីត្រៀមលក្ខណៈឆ្លើយតបទៅនឹងការគំរាមកំហែងពីកូរ៉េខាងជើង។

ឧទ្ធម្ភាគចក្រប្រភេទ AH-1S Cobra នេះគឺជាយន្តហោះចាស់ឆ្នាំ ដែលកូរ៉េខាងត្បូងគ្រោងដកចេញពីបញ្ជីប្រើប្រាស់ជាបណ្តើរៗ ដើម្បីជំនួសមកវិញនូវឧទ្ធម្ភាគចក្រទំនើបៗផលិតក្នុងស្រុកដូចជា LAH៕

អត្ថបទ៖ សុខ សុវណ្ណ

The post ធ្លាក់ឧទ្ធម្ភាគចក្រយោធាកូរ៉េខាងត្បូង ស្លាប់មនុស្ស២នាក់ appeared first on Kampuchea Thmey Daily.

តាមការផ្សាយរបស់ Amarin, ហេតុការណ៍នេះកើតឡើងនៅម៉ោង៥:១៩នាទីល្ងាច ថ្ងៃចន្ទទី២២ខែធ្នូឆ្នាំ២០២៥ ដោយឧទ្ធម្ភាគចក្រ H.T. 212 បានជួបបញ្ហាត្រូវបង្ខំចិត្តចុះចតជាបន្ទាន់នៅវាលយន្តហោះ សុរិន្ទភក្តី។

យ៉ាងណា នៅពេលចុះចត ឧទ្ធម្ភាគចក្របានបាត់បង់ការគ្រប់គ្រង រួចក៏ធ្លាក់ទៅបុកនឹងដីបង្កជាអគ្គិភ័យ បណ្តាលឲ្យទាហាន៤នាក់របួស។ 

ភ្លាមៗនោះ ក្រុមពន្លត់អគ្គិភ័យបានប្រញាប់ទៅពន្លត់ភ្លើង ចំណែកទាហានទាំង៤ ត្រូវបញ្ជូនទៅមន្ទីរពេទ្យ៕

អត្ថបទ៖ សុខ សុវណ្ណ

The post ឧទ្ធម្ភាគចក្រកងទ័ពថៃ ធ្លាក់ឆេះនៅខេត្ត សុរិន្ទ appeared first on Kampuchea Thmey Daily.

ឧទ្ធម្ភាគចក្រនេះជាឧទ្ធម្ភាគចក្រ Mi-24 មានដើមកំណើតមកពីកងទ័ពអាកាស អ៊ូហ្គង់ដាស្ថិតក្នុងបេសកកម្មអមដំណើរប្រយុទ្ធតាមទម្លាប់ពីតំបន់ Lower Shabelle មុនពេលវាធ្លាក់និងផ្ទុះឆេះ។

យោធាអ៊ូហ្គង់ដាបានរាយការណ៍ថា អ្នកបើកឧទ្ធម្ភាគចក្រ សហពីឡុត និងវិស្វករហោះហើរបានរួចជីវិតពីឧបទ្ទវហេតុនេះ ប៉ុន្តែរងរបួសយ៉ាងធ្ងន់ធ្ងរ។ ពេលនេះមន្ត្រីអាកាសចរណ៍សូម៉ាលីកំពុងស៊ើបអង្កេតពីមូលហេតុដែលបណ្តាលឲ្យធ្លាក់ឧទ្ធម្ភាគចក្រនេះ។ ហេតុការណ៍នេះបានធ្វើឲ្យអាកាសយានដ្ឋានមានការពន្យារពេលតិចតួច ប៉ុន្តែឥឡូវនេះវាដំណើរការជាធម្មតាឡើងវិញហើយ។

គួរបញ្ជាក់ថា ឧទ្ធម្ភាគចក្រនេះគឺជាផ្នែកមួយនៃ AUSSOM ដែលជាបេសកកម្មរក្សាសន្តិភាពនៅក្នុងប្រទេសសូម៉ាលី។ បេសកកម្មនេះជួយកងកម្លាំងសូម៉ាលីប្រយុទ្ធប្រឆាំងនឹងក្រុមឧទ្ទាម al-Shabab និងរួមបញ្ចូលទាហានមកពីប្រទេសដូចជា អ៊ូហ្គង់ និង កេនយ៉ា ៕

អត្ថបទ៖ ប៊ុន សុភាព

The post ធ្លាក់ឧទ្ធម្ភាគចក្រយោធា នៅសូម៉ាលី ស្លាប់៥នាក់ appeared first on Kampuchea Thmey Daily.

ឧទ្ធម្ភាគចក្រ Aryan Aviation Bell 407 កំពុងហោះហើរពីប្រាសាទ Kedarnath ទៅកាន់​ទីប្រជុំជន Guptkashi ដែលជាបណ្តោយផ្លូវធ្វើធម្មយាត្រា Char Dham លើភ្នំហិម៉ាឡៃ។ ក្រោយពីហោះឡើង ​ឧទ្ធ​ម្ភាគចក្រ បាន​បាត់ទំនាក់ទំនងភ្លាមៗ ហើយក្រោយមកបានធ្លាក់នៅជិតទីប្រជុំជន Gaurikund​។

ក្រុមជួយសង្គ្រោះបានទៅដល់កន្លែងនោះយ៉ាងលឿន ហើយសាកសពទាំងអស់ត្រូវបានគេរកឃើញ។ មន្ត្រីមកពីអគ្គនាយកដ្ឋានអាកាសចរណ៍ស៊ីវិលបានបញ្ជាក់ថា ការិយាល័យស៊ើបអង្កេតគ្រោះថ្នាក់យន្តហោះ (AAIB) នឹងធ្វើការស៊ើបអង្កេត​យ៉ាងម៉ត់ចត់លើឧប្បត្តិហេតុនេះ ខណៈមូលហេតុ​នៃ​ការ​ធ្លាក់​យន្តហោះ​នេះ​នៅ​មិនទាន់​ដឹង​នៅឡើយ​ទេ​។

គួរបញ្ជាក់ថា នេះជាការធ្លាក់ឧទ្ធម្ភាគចក្រលើកទី២ និងឧបទ្ទវហេតុអាកាសចរណ៍លើកទី៥ហើយ នៅក្នុងតំបន់នេះក្នុងរយៈពេលប្រាំមួយសប្តាហ៍ ដែលបង្កើនការព្រួយបារម្ភអំពីសុវត្ថិភាពហោះហើរនៅក្នុងតំបន់ហិម៉ាឡៃ។ ជាការឆ្លើយតប សេវាឧទ្ធម្ភាគចក្រទាំងអស់នៅលើផ្លូវធ្វើធម្មយាត្រា Char Dham ត្រូវបានផ្អាករហូតដល់ពិធីការសុវត្ថិភាពត្រូវបានពិនិត្យ។

ការធ្លាក់នេះក៏បានបង្ហាញពីហានិភ័យនៃការកើនឡើងនៃទេសចរណ៍ឧទ្ធម្ភាគចក្រនៅក្នុងតំបន់សក្ការៈបូជាដែលមានកម្ពស់ខ្ពស់ ដែលតម្រូវឲ្យមានការត្រួតពិនិត្យកាន់តែប្រសើរឡើងជាបន្ទាន់៕

អត្ថបទ៖ ប៊ុន សុភាព

The post ធ្លាក់​ឧទ្ធម្ភាគចក្រ​ស្លាប់​មនុស្ស ៧​នាក់ ក្នុង​រដ្ឋ Uttarakhand ប្រទេសឥណ្ឌា appeared first on Kampuchea Thmey Daily.

តាមការចុះផ្សាយរបស់ BBC, ហេតុការណ៍នេះកើតឡើងនៅម៉ោង៣:១៥នាទីរសៀលថ្ងៃព្រហស្បតិ៍ទី១០ខែមេសាឆ្នាំ២០២៥ (ពេលវេលានៅអាមេរិក)។

ភ្លាមៗនេះ គេមិនទាន់ដឹងពីមូលហេតុបណ្តាលឲ្យឧទ្ធម្ភាគចក្រធ្លាក់ទេ ប៉ុន្តែរដ្ឋបាលអាកាសចរណ៍សហព័ន្ធ និងក្រុមប្រឹក្សាសុវត្ថិភាពដឹកជញ្ជូនជាតិបានប្រកាសបើកការស៊ើបអង្កេតរួចហើយ។

តាមការបញ្ជាក់ពីអភិបាលក្រុងញូវយ៉ក Eric Adams, ឧទ្ធម្ភាគចក្រនេះគឺជាប្រភេទ Bell 206 ដែលត្រូវបានក្រុមហ៊ុនទេសចរណ៍ទាំងឡាយ ប្រើប្រាស់សម្រាប់ការហោះហើរដឹកភ្ញៀវមើលទេសភាពនិងធ្វើដំណើរកម្សាន្ត។

នេះជាការធ្លាក់ឧទ្ធម្ភាគចក្រដ៏រន្ធត់បំផុតមួយនៅទីក្រុងញូវយ៉ក ចាប់តាំងពីឆ្នាំ២០១៨មក នៅពេលឧទ្ធម្ភាគចក្រទេសចរណ៍មួយគ្រឿង បានធ្លាក់ចូលទៅក្នុងទន្លេខាងកើត។ អ្នក​ដំណើរ​ទាំង​៥​នាក់​បាន​លង់​ទឹក​ស្លាប់ ហើយ​មាន​តែ​ពីឡុតប៉ុណ្ណោះ​ដែល​នៅ​រស់រាន​មានជីវិត។

ចំណែកក្នុង​ឆ្នាំ២០០៩ ឧទ្ធម្ភាគចក្រ​ដឹក​អ្នក​ទេសចរ​អ៊ីតាលី​ បាន​បុក​ជាមួយ​យន្តហោះ​ឯកជន​លើ​ទន្លេ Hudson ស្លាប់​មនុស្ស៩នាក់៕

សូមទស្សនាវីដេអូ៖

អត្ថបទ៖ សុខ សុវណ្ណ

ចុចអាន៖ ឧទ្ធម្ភាគចក្រពេទ្យធ្លាក់​នៅរដ្ឋ Mississippi​ បណ្តាល​ឲ្យស្លាប់​៣នាក់​

The post ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់ appeared first on Kampuchea Thmey Daily.

ឧទ្ធម្ភាគចក្រពេទ្យមួយគ្រឿង​បានធ្លាក់នៅតំបន់ដែលមានព្រៃឈើយ៉ាង​ក្រាស់​ នៅ​​ភាគខាងត្បូងនៃ​ ឧទ្យាន​​ជាតិ Natchez Trace Parkway និងភាគខាងជើងនៃផ្លូវ Pipeline Road នៅតំបន់ Madison County ក្នុងរដ្ឋ Mississippi នៅម៉ោងប្រហែល១២:៣០យប់ កាលពីថ្ងៃចន្ទ ទី១០ខែមីនា។

ការធ្លាក់នេះបានសម្លាប់មនុស្សទាំងអស់នៅលើឧទ្ធម្ភាគចក្រដែល​ហោះ​ហើរ​ដោយ​​គ្មានអ្នកជំងឺនៅលើឧទ្ធម្ភាគចក្រ​នោះទេ​។ ក្រុមគ្រួសារជនរងគ្រោះទាំងបីត្រូវបានជូនដំណឹង ប៉ុន្តែអាជ្ញាធរមិនបានបញ្ចេញឈ្មោះ​អ្នកស្លាប់​ឡើយ​ទេ​ ដើម្បីការពារឯកជនភាព​របស់​ពួកគេ។

គួរបញ្ចាក់ថា នេះ​ជា​ការឧទ្ធម្ភាគចក្រ​ពេទ្យនេះលើក​ដំបូង​ក្នុង​រយៈពេល២៩ឆ្នាំ​ដែល​សេវា​សង្គ្រោះ​បន្ទាន់ AirCare ត្រូវ​បាន​ដំណើរការ​។ មិនទាន់មានរបាយការណ៍ជាក់លាក់ពីមូលហេតុនៃការធ្លាក់នេះនោះទេ ប៉ុន្តែរដ្ឋបាលអាកាសចរណ៍សហព័ន្ធ (FAA) និងក្រុមប្រឹក្សាសុវត្ថិភាពដឹកជញ្ជូនជាតិ (NTSB) នឹងស៊ើបអង្កេតការធ្លាក់នេះ៕

អត្ថបទ៖ ប៊ុន សុភាព

The post ឧទ្ធម្ភាគចក្រពេទ្យធ្លាក់​នៅរដ្ឋ Mississippi​ បណ្តាល​ឲ្យស្លាប់​៣នាក់​ appeared first on Kampuchea Thmey Daily.