ឆ្នាំជូត (កណ្ដុរ)

​រាសី​របស់​កណ្តុរ​ប្រសើរជាងពេលមុន​បន្តិច​ ប៉ុន្តែ​អ្នក​នៅតែ​ត្រូវ​យកចិត្តទុកដាក់​លើ​សុខភាព ជាពិសេស​ចំពោះមនុស្ស​​វ័យ​ចំណាស់​។ ចូរតែយកចិត្តទុកដាក់លើភាពទៀងទាត់នៃការហូបចុក និងសម្រាកឱ្យបានគ្រប់គ្រាន់ បើមិនដូច្នេះទេនឹងងាយកើតជំងឺក្រពះពោះវៀន ដែលនឹងបង្កជាបន្ទុកធ្ងន់ធ្ងរដល់រាងកាយ។ ចងចាំថាមិនត្រូវញ៉ាំច្រើនពេកទេ ហើយចូរញ៉ាំអាហារក្តៅៗ និងងាយរំលាយ។

ឆ្នាំឆ្លូវ (គោ)

រាសីគោមានការ​ឡើង​ចុះមិនទៀង​ ប៉ុន្តែរឿង​ចម្បងដែលត្រូវផ្ដោតលើគឺសុខភាព ​ជាពិសេស​គឺ​របប​អាហារ។ ​មិន​គួរ​ពិសា​គ្រឿង​ស្រវឹង​ច្រើន​ពេក​ទេ ដើម្បី​កុំ​ឱ្យ​មាន​បន្ទុក​ដល់​ប្រព័ន្ធ​រំលាយ​អាហារ ព្រោះ​វា​អាច​បង្ក​ឱ្យ​មាន​ជំងឺ​រ៉ាំរ៉ៃ​ជា​ច្រើន ហើយ​បើ​មាន​អារម្មណ៍​មិន​ស្រួល ​គួរ​ទៅ​ពេទ្យ​ពិនិត្យ​ព្យាបាល​ កុំ​បង្អង់​យូរ។

ចំពោះការងារ មិនគួរបន្ថែមម៉ោងក្នុងពេលអំឡុងពេលនេះទេ វានឹងធ្វើឱ្យសុខទ្រុឌទ្រោម។

ឆ្នាំខាល (ខ្លា)

រាសី​របស់​លោក​អ្នក​នឹង​ធ្លាក់​ចុះ​ក្នុង​រយៈពេលដ៏​ខ្លី​នេះ ជា​ចម្បង​វាងទាក់ទង​នឹង​លាភ​សំណាង ។ មិនថាជីវិតនៅការងារ ឬជីវិតនៅផ្ទះ ខ្លាត្រូវយកចិត្តទុកដាក់លើសុវត្ថិភាពផ្ទាល់ខ្លួននៅពេលអ្នកចេញទៅក្រៅ។ កុំមើលទូរសព្ទដៃពេលដើរលេង ហើយត្រូវចាំថាកុំផឹកស្រា ហើយបើកបរ បើមិនដូច្នេះទេ វាអាចប្រឈមនឹងគ្រោះថ្នាក់ចរាចរណ៍ខ្ពស់។

ឆ្នាំរោង (នាគ)

សុខភាព​របស់​នាគមានភាព​យ៉ាប់​យ៉ឺន ដោយ​សារ​ងាយ​នឹង​កើត​ជំងឺ​តូចតាច ឬ​ការឈឺ​ចាប់ផ្លូវចិត្ត។ ជាចម្បងដើម្បីចៀសវាងបញ្ហាសុខភាពផ្លូវចិត្ត ចូរនាគចៀសវាងការផ្តោតទៅលើរឿងតូចតាចក្នុងអំឡុងពេលនេះ ហើយផ្តោតលើអនាគត។ ចូររក្សាអារម្មណ៍ល្អៗ ហើយបន្ទាប់ពីអារម្មណ៍បានប្រសើរឡើង រាងកាយក៏ប្រសើរឡើងបន្តិចម្តងៗផងដែរ ដោយហេតុនេះការពង្រឹងសុខភាពចជារឿងសំខាន់ទី១។

ឆ្នាំវក (ស្វា)

ស្វានឹងនៅតែមានបញ្ហាប្រឈមមួយចំនួន ប៉ុន្តែមិនមែនជារឿងធំដុំអ្វីទេ។ ការងារផ្លូវការដែលមមាញឹកនឹងធ្វើឱ្យអ្នកមានអារម្មណ៍ធុញថប់។ ចូររកកន្លែងស្ងប់ស្ងាត់ ហើយគិតមួយជំហានម្ដងៗ ដើម្បីដោះស្រាយបញ្ហាឱ្យបានឆាប់រហ័ស។

មិនតែប៉ុណ្ណោះត្រូវយកចិត្តទុកដាក់បន្ថែមទៀតចំពោះការគ្រប់គ្រងទ្រព្យសម្បត្តិ ព្រោះនឹងមានហានិភ័យនៃការបាត់បង់ហិរញ្ញវត្ថុ។ គួរតែប្រយ័ត្នចំពោះការវិនិយោគថ្មី ឬយុទ្ធសាស្ត្រគ្រប់គ្រងហិរញ្ញវត្ថុ ដើម្បីចៀសវាងការផុងខ្លួន។

ឆ្នាំច (ឆ្កែ)

ជោគជតារាសីក្នុងការងាររបស់មនុស្សឆ្នាំចនឹងងធ្លាក់ចុះបន្តិច ហើយនឹងជួបប្រទះបញ្ហាខ្លះនៅកន្លែងធ្វើការ។ ទាំងនេះនឹងធ្វើឱ្យអ្នកមានអារម្មណ៍ធ្លាក់ទឹកចិត្តយ៉ាងខ្លាំង។ នៅពេលនេះ កុំបោះបង់ខ្លួនឯង។ ​ត្រូវ​តែ​លើក​ទឹក​ចិត្ត​ខ្លួនឯងឱ្យខ្លាំង។ ពេលខ្លះនៅពេលគិតអំពីជ្រុងផ្សេង អ្នកនឹងរកឃើញគន្លឹះថ្មីៗ។

រាសី​ស្នេហា​របស់​អ្នកនឹង​នៅតែ​កើនឡើង ជាពិសេស​ចំពោះ​បុរស​នៅលីវ។ អ្នកនឹងមានឱកាសជួយស្នេហាត្រឹមត្រូវមួយ៕

អត្ថបទ៖ សន្យា

ចុចអាន៖ ឆ្នាំ៣ ទាំងអាជីពនិងជីវិតនឹងផ្លាស់ប្ដូរនៅដើមឆ្នាំ ២០២៤

The post ពីនេះដល់ថ្ងៃទី១២ ខែធ្នូ មនុស្សកើតឆ្នាំ «ជូត ឆ្លូវ ខាល រោង វក ច» រាសីមិនសូវសមប្រកប appeared first on Kampuchea Thmey Daily.

១ កុរ ធាតុមាស មនុស្សកើតក្នុងឆ្នាំ ១៩១១ និង ១៩៧១

មនុស្ស​ធាតុ​មាស មានចិត្ត​ទូលាយ មាន​ចិត្ត​រួសរាយ​រាក់ទាក់ និង​មាន​ឆន្ទៈ​ជួយ​អ្នក​ដទៃ។ ពួកគេ​ឲ្យ​តម្លៃ​លើ​ភាព​ស្មោះត្រង់​ផ្ទាល់ខ្លួន​ខ្លាំង​ណាស់ ហើយក៏​ចងចាំ​នូវ​ការដឹងគុណ ដើម្បី​ព្យាយាម​តបស្នង។ ជោគវាសនារបស់ជ្រូកមាសមិនសូវជាល្អ​នោះ​ទេ ពួកគេច្រើនតែ​ជួប​រឿង​ជូរចត់។ ត្បិត​ថា​មិន​សូវ​មាន​សំណាង​ក្នុងជីវិត​ តែ​យ៉ាងណា​ពួកគេ​ក៏​ជួប​សំណាង​ផ្នែក​ហិរញ្ញវត្ថុ​​ គ្រាន់តែ​ត្រូវ​កាត់បន្ថយ​ការ​ចំណាយ​ខ្ជីខ្ជា ​និង​ប​ង្កើត​គណនី​សន្សំ​រាង​រាល់​ថ្ងៃ។

២ កុរ ធាតុទឹក​ មនុស្សកើតឆ្នាំ ១៩២៣ និង ១៩៨៣

អ្នកដែលកើតក្នុងឆ្នាំជ្រូក មានធាតុទឹកជាមនុស្សមុះមុតនឹងការងារដោយស្មោះត្រង់។ ពួកគេ​ទទូច​ធ្វើ​អ្វីៗ​តាម​របៀប​របស់​ខ្លួន ​ទោះបីជា​​អាច​ប្រឈម​នឹង​ការ​លំបាក ហើយ​ពួកគេ​មិន​ដែល​មាន​អារម្មណ៍​សោកស្ដាយ​ចំពោះ​ការ​បរាជ័យឡើយ។ ជ្រូកទឹកមិនមានតម្រូវការលុយច្រើនទេ ដោយសារ​មិនមានរបៀបរស់នៅដែលហួសហេតុ ឬ​ខ្ជះខ្ជាយ។ ទោះ​យ៉ាង​ណា ឱកាស​សម្រាប់​ពួកគេ​ក្នុងការ​បង្កើត​សំណាងក្នុងជីវិត​គឺ​អស្ចារ្យ​ ។ ពួកគេមានតួអង្គពីរដងក្នុងជីវិត ងាយនឹងឥទ្ធិពលរបស់អ្នកដទៃ គុណសម្បត្តិ និងគុណវិបត្តិ ពឹងផ្អែកលើការសម្រេចចិត្តរហ័ស​របស់ខ្លួនផងដែរ។ ធាតុទឹក​ក៏​មិន​គួរ​ភ័យ​ស្លន់ស្លោ​នៅ​ក្នុង​ករណី​នៃ​វិបត្តិ​ហិរញ្ញវត្ថុ ផ្ទុយទៅវិញ គួរតែ​ដោះស្រាយ​វា​ដោយ​ហេតុផល។

៣ កុរ ធាតុឈើ មនុស្សដែលកើតក្នុងឆ្នាំ ១៩៣៥ និង ១៩៩៥

អ្នកដែលកើតក្នុងឆ្នាំជ្រូក ត្រូវនឹងធាតុឈើ មាន​ចរិត​ល្អ គួររឲ្យ​ស្រលាញ់ និង​ក្លាហាន។ ពួកគេអាចប្រឈមមុខនឹងការលំបាកដោយសារតែការស៊ូទ្រាំដ៏អស្ចារ្យរបស់​ពួកគេ។ ពួកគេក៏មានភាពរួសរាយរាក់ទាក់ជាមួយមិត្តភ័ក្តិ និងមិត្តរួមការងារ ទោះបីជាពួកគេក៏អាចឆាប់ខឹង និងធ្វើសកម្មភាពលឿននៅពេល​ពួកគេគិតអ្វីមួយក៏ដោយ។ ជ្រូក​ឈើ​មាន​ចិត្ត​សប្បុរស​ណាស់ ហើយ​ចំណាយ​លុយ​បាន​ឆាប់​តាម​ដែល​ពួក​គេ​ទទួល​បាន។ ពួកគេក៏ចំណាយដោយមិនមានការ​អត់ធ្មត់ ទោះបីពួកគេមានថវិកាមានកម្រិតក៏ដោយ ព្រោះជឿថាអ្វីៗមានដំណោះស្រាយ។

៤ កុរ ធាតុ​ភ្លើង មនុស្សដែលកើតក្នុងឆ្នាំ ១៩៤៧ និង ២០០៧

ចរិតរបស់ជ្រូកភ្លើង​គឺពឹងផ្អែកទៅលើអ្នកដទៃក្នុងជីវិត ដូច្នេះពួកគេ​ស័ក្តិសម​នឹងការងារសហការ ហើយងាយនឹង​ទទួល​បានជោគជ័យ ប្រសិនបើ​​រៀន​ជំនាញ​វិជ្ជាជីវៈ។ ពួកគេតែងតែពោរពេញ​ដោយ​មហិច្ឆិតា​ដ៏​អស្ចារ្យ ចូលចិត្ត​បង្កើត​សហគ្រាស​ផ្ទាល់ខ្លួន ហើយ​ក៏ចុះសម្រុងជាមួយមិត្តភ័ក្តិ និងដៃគូ​ក្នុង​ការងារផងដែរ។ ចំណែក​សំណាង​វិញ ជ្រូក​ភ្លើង​ពូកែ​គ្រប់គ្រង​បញ្ហា​ហិរញ្ញវត្ថុ ព្រោះ​មិន​ដែល​ខ្ជះខ្ជាយ​មួយ​សេន​ ដូច្នេះ​គួរ​បង្កើត​សំណាង​ក្នុង​ជីវិត ។

៥ កុរ ធាតុផែនដី មនុស្សដែលកើតក្នុងឆ្នាំ ១៩៥៩ និង២០១៩

មនុស្ស​ដែល​កើត​នៅ​ក្នុង​ធាតុ​ផែនដី មាន​ចរិតលក្ខណៈ​នៃ​ការ​​ប្រាស្រ័យ​ទាក់ទង​គ្នា​ល្អ​ប្រសើរ​ខ្លាំង។​ ពួកគេកើតមកមាន​សំណាងក្នុងជីវិត ហើយពូកែ​គ្រប់គ្រង​បញ្ហា​ហិរញ្ញវត្ថុ។ ពួកគេមានឱកាសតិចតួចក្នុង​ការរកលុយដោយមិននឹកស្មានដល់ ហើយត្រូវប្រឹងប្រែង​យ៉ាងខ្លាំង​ដើម្បី​រក​ប្រាក់។​ ជ្រូកផែនដី​នឹង​សម្បូរ​សប្បាយ​នៅ​វ័យ​កណ្តាល ដោយសារការខិតខំប្រឹងប្រែង​របស់​ពួកគេ​កាល​ពី​ឆ្នាំមុន។ ដូច្នេះ ពួកគេអាចរំពឹងថានឹងរស់នៅបានសុខស្រួលក្នុងវ័យចាស់៕

គ្រូ ណុប

ចុចអាន៖ទម្លាយបុគ្គលិកលក្ខណៈមនុស្សកើតឆ្នាំ ថោះ ក្នុងធាតុទាំង ៥

ចុចអាន៖ទម្លាយអត្តចរិតពិតរបស់មនុស្សកើតឆ្នាំ «វក» ក្នុងធាតុទាំង ៥

The post ទម្លាយអត្តចរិតពិតរបស់មនុស្សកើតឆ្នាំ «កុរ» ក្នុងធាតុទាំង ៥ appeared first on Kampuchea Thmey Daily.

ទោះយ៉ាងណា យោងតាមការបកស្រាយពី​ក្បួន​ហោរាសាស្ត្រ​មនុស្ស​ដែល​កើត​ក្នុង​ឆ្នាំវក​​ មាន​លក្ខណៈ​ខុសៗ​គ្នា​ទៅ​តាមសញ្ញាឆ្នាំកំណើត និង​ធាតុ​រៀងៗខ្លួន។

១ វក ធាតុមាស មនុស្សដែលកើតក្នុងឆ្នាំ ១៩២០ និង ១៩៨០

ចរិតរបស់សត្វស្វាមាសច្រើនតែមាន​បុគ្គលិក្ខណៈ ឆ្លាត រហ័សរហួន និងមានទំនុកចិត្ត ប៉ុន្តែក៏ឆាប់ខឹង និងរឹ​ងរូស​ ហើយក៏មាន​ទេពកោសល្យជា​សហគ្រិន​មកពីកំណើត។ ត្បិតថា​ឆ្លាតវៃ​ ប៉ុន្តែ​ស្វា​ក្នុង​ធាតុមាស​ជា​មនុស្ស​កំសាក​ក្នុង​ជីវិត ច្រើនតែ​លេង​ល្បិច​លើ​អ្នកដទៃ ដើម្បី​ទាញ​យក​ប្រយោជន៍​ជា​របស់​ខ្លួន ហើយ​ពេល​ខ្លះ ​ពួកគេ​ក្លាយ​ជា​ជនរងគ្រោះ​នៃ​ភាព​ឆ្លាតវៃ​វិញ។ សត្វស្វាមាសអាចដោះស្រាយបញ្ហាជាមួយនឹងជំនាញខ្ពស់ ដូច្នេះ​ងាយនឹងទទួលបានជោគជ័យ ​ដោយប្រើប្រាស់ពេលវេលាល្អ ភាពងាយស្រួល​ក្នុង​ភូមិសាស្រ្ត និង​ទំនាក់ទំនង​ល្អ​របស់​មនុស្ស។

ជោគវាសនារបស់សត្វស្វាមាសច្រើនតែនៅតែម្នាក់ឯង ដោយសារអត្តចរិតរបស់ខ្លួនដែរ។ ជារឿយៗធ្វើឲ្យខ្លួនគេមិនពេញនិយមក្នុងចំណោមសហគមន៍ ត្រូវកែលម្អទំនាក់ទំនងរវាងបុគ្គល ជាមួយចៅហ្វាយនាយ និងសហការីរបស់ពួកគេ។ ជាពិសេសពួកគេគួរតែចៀសវាងការជំរុញខ្លាំងពេកជាមួយមិត្តរួមការងារ និងអ្នកក្រោមបង្គាប់របស់ពួកគេ បើមិនដូច្នេះទេពួកគេនឹងមានអំណាច ប៉ុន្តែនៅដាច់ដោយឡែក។

២ វកធាតុទឹក មនុស្សដែលកើតក្នុងឆ្នាំ ១៩៣២ និង ១៩៩២

ចរិត​របស់ស្វាទឹក គឺជា​បុគ្គល​ឆ្លាត រហ័សរហួន និងចូលចិត្តភាពលេចធ្លោ។ ទោះជាយ៉ាងណាក៏ដោយ ពួកគេ​តែងតែ​បន្ទាបបន្ថោក​អ្នកដទៃ​ដោយ​កំហឹង​ដ៏​ក្រអឺតក្រទម​របស់​ពួកគេ ដែលជារឿយៗនាំឲ្យ​​មាន​អ្នកដទៃ​ស្អប់ និង​បង្ក​បញ្ហា​ក្នុងអាជីព​។ ដោយឡែក​សម្រាប់​ជោគវាសនារបស់ស្វាទឹក តែងតែងជួប​សំណាង​តិចតួច។ ចំណែក​រឿង​រាសី​វិញ សត្វ​ស្វា​ទឹក មាន​លាភ មាន​ជ័យ នាំ​លាភ​ចូល​ច្រើន​មិន​នឹក​ស្មាន​ដល់​ក្នុង​ជីវិត ។ ស្វាទឹកកើត​មក​ដើម្បី​ក្លាយ​ជា​អ្នកដឹកនាំ ប៉ុន្តែបែរមា​នទមនោរ​ចាយលុយ​មិនចេះគិត​ មិនចេះមានវិធី​គ្រប់គ្រង​លុយ​ ហើយមួយទៀត​ មានទម្លាប់​កែន​កន​ភឿនបន​ដើរស៊ីចាយសប្បាយ។

៣ វក ធាតុ​ឈើ មនុស្សដែលកើតក្នុងឆ្នាំ ១៩៤៤ និង ២០០៤

ចរិតរបស់ស្វាឈើ គឺជាមនុស្សមានភាពរស់រវើក និង​មានចិត្ត​មេត្តា ហើយ​តែងតែ​ត្រៀម​ខ្លួន​ជួយ​មិត្តភ័ក្ដិ​ជានិច្ច។ ពួកគេមានស្មារតីរឹងមាំ និងការទទួលខុសត្រូវខ្ពស់ក្នុង​កិច្ចការពារ ហើយ​តែងតែ​ព្យាយាម​អស់​ពី​សមត្ថភាព​ដើម្បី​បំពេញ​ការងារ​របស់ពួកគេ។ ទោះជាយ៉ាងណា ស្វាឈើ​តែងតែ​ត្រូវការការគាំទ្រ និងការលើកទឹកចិត្តពី​ក្រុម​មិត្តភ័ក្ដិ ដោយសារតែពេលខ្លះពួកគេ​ខ្វះ​ទំនុកចិត្ត។ រីឯជោគវាសនារបស់ស្វាឈើអាចនឹងក្លាយជាអ្នក ដោយសារតែខិតខំប្រឹងប្រែងរកលុយឲ្យបានច្រើនក្នុងជីវិត ដូចពាក្យថា “គ្មានការឈឺចាប់ គ្មានការរើសបម្រាស់”។​ យោងតាមធាតុទាំង៥ ស្វាឈើឡួរទិញអចលនវត្ថុមួយចំនួនបន្ទាប់ពីរកលុយបានជំនួសឲ្យការខ្ជះខ្ជាយ​ ហើយបន្ទាប់មកពង្រីកអាជីពបន្តិចម្តងៗ។

៤ វក ធាតុភ្លើង មនុស្សដែលកើតក្នុងឆ្នាំ ១៩៥៦ និង ២០១៦

មនុស្សដែលមានធាតុភ្លើង ជាមនុស្សមានមហិច្ឆតា និងផ្សងព្រេង ប៉ុន្តែឆាប់ខឹងបន្តិច។ ពួកគេមាន​ទំនាក់ទំនង​ល្អ​នៅក្នុងសង្គម ហើយមានប្រជាប្រិយភាពយ៉ាងខ្លាំងក្នុង​ចំណោម​មិត្តភក្តិ និង​ដៃគូ​។ ជោគវាសនារបស់ស្វាភ្លើងច្រើនតែ ឡើង​ចុះ​​​ម និងគិតច្រើនអំពីចំណងមិត្តភាព។ ពួកគេឆ្លងកាត់ការ​ឡើងចុះក្នុងជីវិត ដោយសារការឈានទៅ​ដល់អ្វីដែលហួសពីការចាប់របស់ពួកគេ។ ស្វាភ្លើងមិនដែលពេញចិត្តនឹងរបៀបរស់នៅបច្ចុប្បន្នរបស់ពួកគេទេ ហើយមានទំនោរចាកចេញពីស្រុកកំណើត​ដើម្បីរកទ្រព្យសម្បត្តិនៅខាងក្រៅ។ ពួកគេមានជីវិតគ្រួសារចុះសម្រុងគ្នា ហើយងាយនឹងទទួលបានជោគជ័យ​ដោយមានជំនួយពី​ភរិយាឬស្វាមីប៉ុណ្ណោះ។

៥ វក ធាតុផែនដី មនុស្សដែលកើតក្នុងឆ្នាំ ១៩០៨ និង ១៩៦៨

ចរិតរបស់សត្វស្វាផែនដីមានភាពស្មោះត្រង់ មានសុទិដ្ឋិនិយម និងមិនខ្លាចញញើត តែងតែបង្កើតសហគ្រាសផ្ទាល់ខ្លួន​ដោយគ្មានអ្វីសោះ ហើយកម្រទទួលបាន​ជំនួយពីបងប្អូន​បង្កើត​ណាស់។ ជោគវាសនារបស់សត្វស្វាផែនដី ក៏ច្រើនទទួលបានសំណាងឥតដាច់ដែរ។ ស្វា​មានសំណាងណាស់ នៅពេលនិយាយអំពីហិរញ្ញវត្ថុ ហើយឱកាសដែលថាពួកគេនឹងទទួលបានសំណាង អាចជួនរឿងមិននឹកស្មានដល់ក្នុងជីវិត។ ពួកគេនឹងបាត់បង់វាក្នុងពេលឆាប់ៗនេះ ដោយសារតែការគ្រប់គ្រងបញ្ហាហិរញ្ញវត្ថុមិនបានល្អ ដូច្នេះពួកគេត្រូវបានណែនាំឲ្យរៀនពីជំនាញក្នុងជីវិត ទើបអាចធានាថា ស្វាផែនដីរស់នៅប្រកបដោយផាសុកភាពនាថ្ងៃមុខ៕

គ្រូ ណុប

ចុចអាន៖ទម្លាយអត្តចរិតពិតរបស់មនុស្សកើតឆ្នាំ «រោង» ក្នុងធាតុទាំង ៥

ចុចអាន៖ទម្លាយបុគ្គលិកលក្ខណៈមនុស្សកើតឆ្នាំ ថោះ ក្នុងធាតុទាំង ៥

The post ទម្លាយអត្តចរិតពិតរបស់មនុស្សកើតឆ្នាំ «វក» ក្នុងធាតុទាំង ៥ appeared first on Kampuchea Thmey Daily.

ទោះ​យ៉ាងណា​ ខាងលើនេះគ្រាន់តែជា​ការ​ទស្សន៍ទាយ​នៅ​ចរិត​ឆ្នាំ​រោង​រួម​គ្នា​ប៉ុណ្ណោះ ​បើ​យោង​តាម​ហោរាសាស្ត្រ​ ឆ្នាំ​រោង​មាន​ធាតុ​ដល់​ទៅ​៥ខុសៗគ្នា។

១ រោង ធាតុ​ឈើ ចំពោះមនុស្សដែលក្នុងឆ្នាំ ១៩០៤ និង ១៩៦៤

មនុស្ស​ដែលមាន​ធាតុ​ឈើ គឺ​ជា​មនុស្ស​រាង​ប្រកាន់​ខ្លួន ហើយ​បដិសេធ​មិន​និយាយច្រើន។ ពួកគេ​មិន​សាទរ​ក្នុង​ទំនាក់ទំនង​ជាមួយ​មនុស្ស​ប្លែក​មុខ​ ឬ​នរណា​ដែល​មុន​ស្គាល់​ឡើយ។​ មិន​ចម្លែកទេ ​ដែល​មនុស្ស​ឆ្នាំ​រោងធាតុឈើ​ពុំសូវ​មាន​មិត្ត​ជិតស្និទ្ធ​ច្រើន​ក្នុង​ជីវិត។ ទោះបីជា​ខ្វះ​ទំនាក់ទំនង​រវាង​បុគ្គល​ល្អ​ជាច្រើន​ក៏ដោយ ប៉ុន្តែ​នាគ​ឈើ​ក៏​ពូកែ​ដោះស្រាយបញ្ហា បាន​យ៉ាង​ល្អ​ប្រសើរ​ជាមួយ​ក្រុម​មិត្ត​ផង​ដែរ។

២ រោង ធាតុភ្លើង ចំពោះមនុស្សដែលក្នុងឆ្នាំ ១៩១៦ និង ១៩៧៦

ទាំង​មនុស្ស​ប្រុសនិង​ស្រី​ដែល​មាន​ធាតុ​ភ្លើង តែងតែមានរូប​សម្រស់​លោម​ឆោម​ល្អ​ស្អាត​ពី​កំណើត ហើយក៏ជា​ឱកាស​មួយ​ដែល​ពួកគេ​អាច​ស្រលាញ់​អ្នកណាក៏បាន។ នាគភ្លើង​មាន​ចំណង់ចំណូលចិត្ត​ស្រលាញ់​​​​ភព​អង្គារ និង​ពណ៌​ក្រហម ដោយ​ទិស​ខាង​ត្បូង​ជា​ទិស​សំណាង ខណៈរដូវក្តៅ​គឺ​ជា​រដូវកាល​ដែល​ពួកគេ​ចូលចិត្ត ហើយសត្វនាំ​សំណាងរបស់នាគភ្លើង​​​គឺសត្វ​ហ្វូនីក​របស់​ចិន។ ទោះយ៉ាងណា មិនមែននាគភ្លើងទាំងអស់​តែឆ្លាតទេ បុគ្គលនេះ ភាគច្រើនអាចធ្វើរឿងត្រឹមត្រូវ​តាមពេលវេលា​ត្រឹមត្រូវ ដោយប្រើប្រាស់​ឱកាស​ឲ្យ​បានពេញលេញ ហើយជារឿងធម្មតាដែល​នាគ​ភ្លើង​​ងាយ​នឹង​ទទួលបានជោគជ័យ​ទាំងក្នុងអាជីព និង​ជីវិត។

៣ រោងធាតុដី ចំពោះមនុស្សដែលក្នុងឆ្នាំ ១៩២៨ និង ១៩៨៨

ចំពោះ​បុគ្គល​ដែល​កើត​ក្នុង​ធាតុដី ច្រើនតែជាមនុស្សឆ្លាត​មានមហិច្ឆតា និងឧស្សាហ៍ព្យាយាម​រាល់​កិច្ចការ​ដែល​បំពេញ ​ជា​ពិសេស​នោះគឺ ​ធ្វើអ្វីគ្រប់យ៉ាង​ជាវិជ្ជមានក្នុងជីវិត។ នាគដី​អាច​នឹង​សម្រេច​បាន​នូវ​សមិទ្ធផល​ដ៏​អស្ចារ្យ ប្រសិនបើ​បន្តខិតខំប្រឹងប្រែង ប៉ុន្តែនាគដីច្រើនតែធ្វើអ្វី​មួយ​ទុក​ចោល​ពាក់​កណ្ដាល​ទី។ ត្បិតថាពេលខ្លះពួកគេ​ខ្វះខ្ចាយ​ ប៉ុន្តែ​ឆ្នាំ​រោងធាតុដី​ក៏​មាន​ចិត្តស្រលាញ់​ដោយ​ស្មោះ ​ឬ​គ្មាន​ដាន​នៃ​អាកប្បកិរិយា​អួតអាង ហើយពួកគេ​មាន​ទំនោរ​ចង់​ក្លាយ​ជា​មនុស្ស​សប្បុរស​ជានិច្ច។

៤ រោង ធាតុមាស ចំពោះមនុស្សដែលក្នុងឆ្នាំ ១៩៤០ និង ២០០០

មនុស្សដែលមានធាតុមាស មានលក្ខណៈធម្មជាតិ និង​ស្មោះត្រង់ ហើយពួកគេតែងតែ​ផ្លាស់ប្តូរ​ចិត្តដោយសារ​តែ​អារម្មណ៍​ឡើងចុះមិនទៀងទាត់ប៉ុណ្ណោះ។ ជួនពេលខ្លះពួកគេតែងតែត្រូវបានអ្នកដទៃទាយចរិតលក្ខណៈ ប៉ុន្តែមិនមែនមានន័យថា​ធាតុមាសនឹងបង្កគ្រោះថ្នាក់នោះទេ។ ពួកគេសង្ឃឹមថា ខ្លួននឹងរស់នៅក្នុងជីវិតគ្រួសារប្រកបដោយ​សុខដុមរមនា មានសន្តិភាព ហើយព្រឹត្តិការណ៍ល្អៗដូចជា​ការឡើង​ឋានៈ និងការមានកូន នឹ​ងកើតឡើងចំពោះគ្រួសារ​របស់​ពួកគេ។ ទោះយ៉ាងណាក៏ដោយ មនុស្សចាស់ក្នុងគ្រួសារងាយរងគ្រោះនឹងជំងឺបន្តិចបន្តួច ដោយសារសុខភាពមិនល្អ។ ដូច្នេះ ធាតុ​មាស​អ្នក​កើត​ឆ្នាំ​រោង ​គួរ​ថែរក្សា​មនុស្ស​ចាស់ និង​យក​ចិត្ត​ទុក​ដាក់​ចំពោះ​សុខភាព​ឲ្យ​បាន​ច្រើន​។

៥ រោង ធាតុ​ទឹក ចំពោះមនុស្សដែលកើតក្នុងឆ្នាំ ១៩៥២ និង ២០១២

ធាតុទឹក ជា​មនុស្សមើលឃើញ​ឆ្ងាយ ដោយមានការតស៊ូក្នុងជីវិត ប៉ុន្តែខ្វះភាព​ឯកោបន្តិច ហើយ​តែងតែ​ហែលឆ្លង​ឧបសគ្គ​ជាប់មកតាំងពីតូច។ ពួកគេ​មានភាព​ស្វាហាប់ និងអត់​ធន់ខ្លាំង ដោយ​យក​ចិត្តទុក​ដាក់លើ​គ្រប់​ព័ត៌មាន​លម្អិត ដើម្បីធានាបាននូវភាពល្អឥតខ្ចោះ ប៉ុន្តែក៏ងាយនឿយហត់​ផងដែរ។​ នាគទឹកតែងតែមានមិត្តភ័ក្តិភេទផ្ទុយស្រលាញ់ពេញចិត្ត ដោយសារតែចរិតកំប្លែងរបស់ពួកគេ ហើយក៏ងាយនឹងមានស្នេហាហ៊ុំព័ន្ធជុំវិញផងដែរ៕

គ្រូ ណុប

ចុចអាន៖ទម្លាយអត្តចរិតធាតុទាំង ៥ របស់មនុស្សកើតឆ្នាំ «ច»

ចុចអាន៖ទម្លាយអត្តចរិតពិតរបស់មនុស្សកើតឆ្នាំ «រកា» ក្នុងធាតុទាំង ៥

The post ទម្លាយអត្តចរិតពិតរបស់មនុស្សកើតឆ្នាំ «រោង» ក្នុងធាតុទាំង ៥ appeared first on Kampuchea Thmey Daily.

ទោះយ៉ាងណា មិនមែនមនុស្សដែលកើតក្នុងឆ្នាំមាន់សុទ្ធតែមានអត្តចរិតដូចៗគ្នានោះទេ ខាងក្រោមនេះគឺជាអត្តចរិតពិតធាតុទាំង ៥ របស់មនុស្សកើតក្នុងឆ្នាំរកា។

១ សត្វមាន់មាស មនុស្សកើតក្នុងឆ្នាំ ១៩២១, ១៩៨១)

មនុស្ស​ធាតុ​មាស ច្រើនជា​បុគ្គល​ដែល​អាច​បែងចែក​ត្រូវ​ខុសបានល្អ មាន​ផ្នត់គំនិត​ច្បាស់​លាស់ និង​មានអំណាច​ពិចារណា​ឯករាជ្យ​បំផុត​ក្នុងចំណោម​សញ្ញា​រាសីចក្រ​ទាំង​១២​។ ពួកគេ​មាន​ការ​តាំង​ចិត្ត និងក្លាហានហ៊ានប្រឈម​មុខ​នឹង​ការ​លំបាក​គ្រប់​បែប​យ៉ាង ហើយ​ពួកគេ​ទទួល​បាន​លាភ​សំណាង​យ៉ាង​ធំធេង ដោយសារ​តែ​ការតស៊ូ និងការប្រឹងប្រែងក្នុងជីវិត ដូចពាក្យ​បុរាណ​ចិន​ពោល​ថា “បើ​គ្មាន​ការ​តស៊ូ​ក៏​គ្មាន​ភាព​ជោគជ័យ”។

២​ សត្វមាន់ទឹក មនុស្សកើតក្នុងឆ្នាំ ១៩៣៣, ១៩៩៣

អ្នក​ដែល​កើត​ក្នុង​ឆ្នាំ​រកា មានធាតុទឹក ច្រើនជានុស្សនៅ​កណ្ដាល​និង​ស្រប​ជាមួយ​មនុស្ស​ជុំវិញ​ខ្លួន​ជានិច្ច។ ពួកគេ​ក៏​ជា​មនុស្សឆ្លាត និង​រហ័សរហួន​ដែលអាចស្វែងរក​ដំណោះស្រាយ​បាន​យ៉ាង​ឆាប់រហ័ស ចំពោះ​ការ​លំបាកដែល​ជួបប្រទះ។ទោះបី​ពេលខ្លះ​បុគ្គល​នេះ​មាន​មោទនភាព​ចំពោះ​ធម្មជាតិ​ក៏​ដោយ ក៏ពួកគេ​មិន​ផ្សព្វផ្សាយ​ស្នាដៃ​របស់ពួកគេ​នៅគ្រប់​ទីកន្លែង​ដែរ។ ពួក​គេ​មាន​ចិត្ត​ស្លូតបូត និង​មាន​ចិត្ត​អាណិត​អាសូរ ហើយ​តែងតែ​បណ្ដោយ​ខ្លួន​ឲ្យ​មាន​ស្នេហា និង​ប៉ះពាល់​ដល់​ជីវិត​មនុស្ស​ដែល​ខ្លួន​ស្រឡាញ់​ទៅ​វិញ។

៣​ សត្វ​មាន់​ឈើ មនុស្សកើតក្នុងឆ្នាំ ១៩៤៥, ២០០៥

ចំពោះ​បុគ្គល​ដែលកើតក្នុង​ធាតុឈើ​ ច្រើនតែ​មានគេ​ចូលចិត្តឬ​ត្រូវបាន​ហ៊ុមព័ទ្ធ​ដោយ​អ្នកដទៃ។ ពួកគេ​ពូកែ​លេងសើច​ដើម្បី​បន្ធូរ​អារម្មណ៍​តានតឹង ហើយ​យកចិត្តទុកដាក់​យ៉ាង​ខ្លាំង​ចំពោះ​គ្រួសារ​ជានិច្ច។ មាន់​ឈើ​ក៏​មាន​ភាពស្វាហាប់ និង​មាន​ទំនុកចិត្ត​ខ្លាំង ទោះជាយ៉ាងណាក៏ដោយ ពួកគេ​ក៏​មាន​អារម្មណ៍​ទន់ភ្លន់​ខ្លះដែរ ដើម្បី​ចង់​បាន​ការ​ស្រលាញ់​ពី​អ្នកដទៃ។​ មាន់​ឈើ​ក៏​មាន​សំណាង​ក្នុង​ការ​រក​លុយ តែ​បែរ​ជា​មិន​សូវ​ជា​ពូកែ​សន្សំ​ ឬ​មិន​ស្ថិតស្ថេរ​ទាំង​ការងារ និង​ហិរញ្ញវត្ថុ។ប្រសិន​បើ​ពួកគេ​រកលុយ​ដោយ​ប្រើ​យុទ្ធសាស្ត្រ​ដ៏​មាន​ប្រសិទ្ធភាព ត្រូវ​ចេះ​ទិញ​មាស ឬ​អចលន​វត្ថុ​មួយ​ចំនួន​ការពារ​ខ្លួន​ទប់ទល់​នឹង​គ្រាអាសន្ន​។

៤ សត្វមាន់​ភ្លើង មនុស្ស​ដែលកើតក្នុងឆ្នាំ ១៩៥៧, ២០១៧

មាន់​ភ្លើង​ច្រើន​​ឲ្យ​តម្លៃ​លើ​ភាព​ស្មោះត្រង់​ផ្ទាល់​ខ្លួន​ខ្លាំង តែងតែ​រក្សា​ពាក្យ​សម្ដី​របស់​ពួកគេ ហើយ​មាន​អារម្មណ៍​ខ្លាំង​ក្នុង​ការ​រក្សា​ពេលវេលា និង​ទំនួល​ខុស​ត្រូវ​ក្នុង​ការងារ។ បុគ្គល​នេះ​មានភាពអន្ទះអន្ទែងក្នុងជីវិត តែងតែមានអារម្មណ៍ថាមានអ្វីដែលបាត់ ប្រសិនបើពួកគេ​មិនធ្វើកិច្ចការនោះ។ ទាក់ទងនឹងអាជីពរបស់ពួកគេ ធាតុភ្លើង គឺជាសកម្មជន​ដែល​ផ្តោត​លើ​អាជីព ជាហេតុនាំ​ឲ្យ​ពួកគេងាយនឹងទទួលបានជោគជ័យ​ក្នុង​វ័យ​កណ្ដាល។ ពួកគេអាចជួបប្រទះការលំបាកជាច្រើនក្នុងការអភិវឌ្ឍទំនាក់ទំនងស្នេហា ជាពិសេសបុរស។ ពួកគេ​មិន​គួរ​បាក់​ទឹក​ចិត្ត​ក្នុង​ការ​ស្វែង​រក​សេចក្ដី​ស្រឡាញ់​របស់​ខ្លួន​ឡើយ ប៉ុន្តែ​គួរ​តែ​ត្រូវ​បាន​លើក​ទឹក​ចិត្ត​ឲ្យ​ទទួល​បាន​ជោគជ័យ ទោះ​បី​ជា​មាន​ការ​លំបាកនៅ​ខាង​មុខ​ក៏​ដោយ។

៥ មាន់ជល់​ផែនដី មនុស្ស​ដែល​កើត​ក្នុងឆ្នាំ ១៩០៩, ១៩៦៩

មនុស្សដែលកើតនៅក្នុងធាតុនៃភពផែនដី ជាសត្វមាន់ដែលមានភាពរស់រវើក និងចិត្តទូលាយជាមួយមនុស្សគ្រប់គ្នា។ ពួកគេចូលចិត្តធ្វើដំណើរទៅរកមិត្តថ្មីពីគ្រប់មជ្ឈដ្ឋាន ហើយថែមទាំងព្យាយាមឲ្យអស់ពីសមត្ថភាពដើម្បីកសាងកេរ្តិ៍ឈ្មោះក្នុងចំណោមមិត្តភ័ក្ដិ ដែលនាំឲ្យពួកគេទទួលបានការជឿទុកចិត្ត និងការគោរពខ្ពស់ពីអ្នកដទៃ។ ចំពោះអាជីពរបស់ពួកគេ ស្ថានភាពសំណាងជាបន្តបន្ទាប់ ហើយអាចទទួលបានភាពជោគជ័យយ៉ាងខ្លាំង ដោយមានជំនួយពីមហាសេដ្ឋី។ ទោះជាយ៉ាងណាក៏ដោយ មាន់ជល់គួរតែប្រុងប្រយ័ត្នក្នុងជីវិត ហើយមិនគួរមានត្រេកត្រអាល ឬរីករាយនៅពេលសម្រេចបានអ្វីមួយពេកទេ៕

គ្រូ ណុប

ចុចអាន៖ទម្លាយអត្តចរិតធាតុទាំង ៥ របស់មនុស្សកើតឆ្នាំ «ច»

ចុចអាន៖ទម្លាយអត្តចរិតធាតុទាំង ៥ របស់មនុស្សកើតឆ្នាំ «មមែ»

The post ទម្លាយអត្តចរិតពិតរបស់មនុស្សកើតឆ្នាំ «រកា» ក្នុងធាតុទាំង ៥ appeared first on Kampuchea Thmey Daily.

ទោះយ៉ាងណា បើយោងទៅតាមធាតុទាំង៥ នៃហោរាសាស្ត្រ​ឆ្នាំមមែគឺពួកគេមានអត្តចរិតខុសៗគ្នា ខណៈអ្នកខ្លះ​មានមហិច្ឆតា និង​ចិត្តល្អ ខ្លះស្ងប់ស្ងាត់តែរឹងរូស រីឯខ្លះទៀមានជីវិតលំបាកតាំងពីតូច។

១ ពពែមាស ចំពោះ​អ្នក​ដែល​កើតក្នុងឆ្នាំ ១៩៣១, ១៩៩១

មនុស្ស​ដែល​មាន​ធាតុ​មាស ច្រើនតែមាន​មហិច្ឆតាតែ​ចិត្តល្អ និងមាន​ស្មារតី​ទទួលខុសត្រូវ​ខ្ពស់​ក្នុង​ការងារ​។ ពួកគេ​ចូលចិត្ត​ធ្វើរឿងបន្តិចម្តងៗ ហើយ​អាចបង្កើតអាជីព​ផ្ទាល់ខ្លួន ដោយផ្តោតលើ​គោលការណ៍ និង​ជំនឿ។ ពេលខ្លះ ពួកគេ​រឹងរូស​ខ្លាំង​ណាស់ ដែល​វា​ពិបាក​​ក្នុងការសម្របខ្លួនទៅ​នឹង​កាលៈទេសៈ។ ដូច្នេះមមែធាតុមាស ​​គួរ​រៀន​ជំនាញ​ការងារ​ដើម្បី​ជោគជ័យ។ ចំពោះទំនោរទៅរកសំណាងវិញ តាមពិតពួកគេមានសំណាងស្រាប់ហើយ ហើយតែងរកប្រាក់បានច្រើនជារៀងរាល់ឆ្នាំ។ ប៉ុន្តែក្នុងកម្រិតខ្លះ ក្រុមនេះក៏ទទួលរងការខាតបង់ហិរញ្ញវត្ថុផ្ទាល់ខ្លួនដែលមិននឹកស្មានដល់ផងដែរ។ ធាតុមាសត្រូវទិញអចលនវត្ថុ និងវត្ថុមានតម្លៃខ្ពស់នៅពេលរកលុយ ដើម្បីសន្សំសម្រាប់ថ្ងៃណាមួយដែលយើងជួបការលំបាកអាចយកវត្ថុនោះមកដោះទាល់បាន។

២ ពពែ​ឈើ ចំពោះ​អ្នក​ដែល​កើតក្នុងឆ្នាំ១៩៥៥, ២០១៥

មនុស្ស​ដែល​ធាតុឈើ មាន​ភាព​រួសរាយ​រាក់ទាក់ ស្លូតបូត មាន​ចិត្ត​មេត្តា ហើយតែង​ត្រៀមខ្លួន​ជួយ​អ្នកដទៃ​ជានិច្ច។ ពួកគេចុះសម្រុងជាមួយមិត្តភ័ក្តិ និងសហការីក្នុងជីវិត។ ពួកគេត្រូវធ្វើអ្វីៗគ្រប់យ៉ាងដោយខ្លួនឯង ព្រោះតែមិនអាចទទួលបាន​ជំនួយពីសមាជិកគ្រួសាររបស់ខ្លួន។ សត្វពពែឈើ តែងតែរស់នៅតែម្នាក់ឯង ឬមានអារម្មណ៍ឯកោក្នុងជីវិតរៀបការ ទោះយ៉ាងណា ពួកគេមានចំណងអាពាហ៍ពិពាហ៍ជាប់លាប់ ហើយវាជាការលំបាកខ្លាំងណាស់ សម្រាប់មនុស្សទីបីក្នុងការចូលមករវាងពួកគេ។ជាសំណាងល្អ មមែឈើនឹងជួបជីវិតគ្រួសារដ៏រីករាយ ព្រោះតែស្វាមីឬភរិយាដ៏ល្អនាថ្ងៃអនាគត

៣ ពពែទឹក ចំពោះ​អ្នក​ដែល​កើតក្នុងឆ្នាំ១៩៤៣, ២០០៣

មមែធាតុទឹក ជាមនុស្សរួសរាយរាក់ទាក់ និងពោរពេញដោយស្មារតីទទួលខុសត្រូវខ្ពស់​ ហើយក៏មិនទម្លាប់​ចូល​ចិត្ត​នឹង​ការ​កំណត់​ណាមួយដែរ។​ ពួកគេអាចលះបង់ផលប្រយោជន៍ផ្ទាល់ខ្លួន សម្រាប់អ្នកដទៃ ដែលនេះធ្វើឲ្យមមែទឹកមានប្រជាប្រិយភាពយ៉ាងខ្លាំងក្នុងចំណោមមិត្តភក្តិ។ តែយ៉ាងណា វាជារឿងចៀសមិនរួចដែលត្រូវរងការខាតបង់ ពីព្រោះមមែច្រើនតែសាទរខ្លាំង នៅពេលជួយមិត្ត។ បើ​និយាយ​ពី​អាជីព​របស់ពពែកទឹកវិញ គឺ​ស័ក្ដិសម​នឹង​ការ​ធ្វើ​ការ​ក្នុង​វិស័យ​បច្ចេក​វិទ្យា និង​វិស័យ​សិក្សា។ ពួកគេរស់នៅក្នុងជីវិតដ៏លំបាកនៅវ័យក្មេង ជីវិតថេរនៅវ័យកណ្តាល និងជីវិតដ៏សុខស្រួលក្នុងវ័យចាស់វិញ។ ពេល​មាន​ស្នេហា គេ​នឹង​មាន​ទំនាក់ទំនង​ស្នេហា​ជាមួយ​ស្នេហា​ពិត ហើយ​បញ្ចប់​ការ​រស់នៅ​ជាមួយ​គ្នា​យ៉ាង​មាន​សុភមង្គល ។ ចំណែក​ឯ​សំណាង​វិញ គេ​ឆ្លង​កាត់​ឡើង​ចុះ ដូច្នេះត្រូវចេះគ្រប់គ្រងលុយដោយឆ្លាតវៃ បើមិនដូច្នេះទេ មមែនឹងទទួលរងការខាតបង់ផ្នែកហិរញ្ញវត្ថុយ៉ាងខ្លាំង នៅពេលធ្វើការបណ្តាក់ទុនយ៉ាងច្រើន ។

៤ ពពែភ្លើង ចំពោះ​អ្នក​ដែល​កើតក្នុងឆ្នាំ១៩០៧, ១៩៦៧

មនុស្សដែលមានធាតុភ្លើង មានភាពរួសរាយរាក់ទាក់ ស្មោះត្រង់ តែងតែធ្វើឲ្យអ្វីៗទាំងអស់មានរបៀបរៀបរយ ហើយកម្រត្រូវបានអ្នកដទៃមិនចូលចិត្តណាស់។ ប៉ុន្តែ ពួកគេតែងតែមានបញ្ហាដោយរឿងតូចតាចក្នុងជីវិត ហើយជាលទ្ធផល ត្រូវការដៃគូឯករាជ្យដើម្បីថែរក្សាពួកគេ។ មមែភ្លើងតែងតែត្រៀមខ្លួនជាស្រេច ដើម្បីជួយមិត្តដោយមិនគិតពីផលប្រយោជន៍ឬការបាត់បង់ផ្ទាល់ខ្លួន។ ពួកគេក៏មានមនោសញ្ចេតនាខ្លាំងពេក ក្នុងការចូលទៅក្នុងភាពជាដៃគូអាជីវកម្មជាមួយអ្នកដទៃដែរ។ ពពែភ្លើង មានភាពលំបាកវេទនាតាំងពីក្មេង ប៉ុន្តែរស់នៅប្រកបដោយស្ថិរភាព និងសុខស្រួលនៅវ័យកណ្តាល ដោយសារការខិតខំប្រឹងប្រែងរបស់ពួកគេ។ ចំពោះ​ការ​រៀប​ការ ពេលនេះ​គឺ​មិន​ស័ក្ដិសម​នឹង​រៀប​ការ​ឡើយ។

៥ ពពែផែនដី ចំពោះ​អ្នក​ដែល​កើតក្នុងឆ្នាំ១៩១៩, ១៩៧៩

មនុស្ស​ធាតុ​ដី ជា​មនុស្ស​សុចរិត ទៀងត្រង់ មិន​ធ្វើ​បាប​មិត្ត​ឡើយ។ ពួកគេ​មាន​ប្រជាប្រិយភាព​ក្នុង​ចំណោម​មិត្តភ័ក្ដិ​ដោយសារ​តែ​សេចក្ដី​សប្បុរស និង​សេចក្ដី​សុចរិត​ពី​កំណើត។ ពួកគេអាចយកឈ្នះលើការលំបាក​គ្រប់ប្រភេទក្នុងអាជីព ដោយសារ​តែ​ជំនួយ និងការគាំទ្រ​ដែល​មិន​នឹក​ស្មាន​ដល់​ពី​មនុស្ស​ជុំវិញ។ នៅពេលនិយាយអំពីការបង្កើត​ទ្រព្យសម្បត្តិ​ ក្រុមនេះ​មានហេតុផលខ្លាំងណាស់នៅពេលធ្វើការសម្រេចចិត្តផ្នែកហិរញ្ញវត្ថុ។ មមែដីច្រើនតែមិនសូវជាប្រុងប្រយ័ត្ន នៅពេលវិនិយោគលើគម្រោងមួយចំនួន ហើយអាចទទួលបានលទ្ធផលផ្ទុយគ្នា។ បើ​និយាយ​ពី​ការ​រំពឹង​ទុក​ក្នុង​ទីផ្សារ​ហ៊ុន​វិញ គេ​តែង​តែ​មាន​សំណាង​ដំបូង ​បន្ទាប់​មក​មាន​សំណាង​អាក្រក់វិញ៕

គ្រូ​ ណុប

ចុចអាន៖ទម្លាយបុគ្គលិកលក្ខណៈមនុស្សកើតឆ្នាំ ថោះ ក្នុងធាតុទាំង ៥

ចុចអាន៖ទម្លាយអត្តចរិតធាតុទាំង ៥ របស់មនុស្សកើតឆ្នាំ «ច»

The post ទម្លាយអត្តចរិតធាតុទាំង ៥ របស់មនុស្សកើតឆ្នាំ «មមែ» appeared first on Kampuchea Thmey Daily.

ទោះយ៉ាងណា ខាងលើនេះគ្រាន់តែជាបុគ្គលិកលក្ខណៈជារួមរបស់មនុស្សឆ្នាំចប៉ុណ្ណោះ តាមពិតទៅតាមជាក់ស្ដែងទន្សាយមានធាតុដល់៥ នៅក្នុងទំនាយដោយយោងតាមហោរាសាស្ត្រ​ដែលស្ដែងពីបុគ្គលិកលក្ខណៈរបស់ពួកគេនីមួយៗ។

១ ឆ្កែមាស ចំពោះអ្នកដែលកើតក្នុងឆ្នាំ ១៩៧០, ២០៣០

ចំពោះបុគ្គលកើតក្នុងឆ្នាំច​មានធាតុមាស ជា​មនុស្ស​មានភាព​អភិរក្សនិយម​ក្នុង​ជីវិត ពួកគេ​ជា​ទីពេញចិត្តសម្រាប់​មិត្តភ័ក្ដិ​ភេទ​ផ្ទុយ​គ្នា ដោយសារ​ភាគច្រើន​បុរស​ឆ្នាំនេះ​ច្រើនតែ​សង្ហា ហើយ​មនុស្ស​ស្រី​មាន​រូបរាង​ស្អាត។ ពួកគេ​តែងតែ​ប្រយ័ត្នប្រយែង និង​ត្រៀមខ្លួនជួយ​អ្នកដទៃ​ក្នុងជីវិត ហើយ​ធ្វើអ្វីៗ​គ្រប់យ៉ាង​ដោយខ្លួនឯង ជំនួសឲ្យ​ការពឹងផ្អែកលើ​អ្នកដទៃ ដោយសារ​ការ​ជឿជាក់​លើ​ខ្លួនឯងខ្លាំង។ លើស​ពីនេះ ពួកគេនឹងមិនដែលបោះបង់ក្នុងជីវិតឡើយ រហូតដល់គោលដៅ​ត្រូវបានសម្រេច​បាន។

២ ឆ្កែទឹក ចំពោះអ្នកដែលកើតក្នុងឆ្នាំ​ ១៩២២, ១៩៨២

សម្រាប់ឆ្នាំចដែលមាន​ធាតុទឹក គឺជា​មនុស្សពូកែគិត និងរៀបចំផែនការឆ្ងាយ បើកផ្លូវសម្រាប់​អនាគតឲ្យខ្លួនឯងជានិច្ច។ ពួក​គេ​ក៏​ក្លាហាន​ហ៊ាន​ប្រឈម​មុខ​នឹង​ការ​លំបាក​ណា​មួយ​ពេញ​មួយ​ជីវិត​ តែក៏ពេល​ខ្លះ​ពួកគេ​គិតតែ​ពី​ខ្លួនឯង​ក្នុង​ជីវិត​ឬ​មើល​ទៅ​អាត្មានិយម។ បើនិយាយពីសំណាងវិញ​ធាតុទឹក​មានជំនាញក្នុងការដោះស្រាយបញ្ហាហិរញ្ញវត្ថុ ដោយប្រើប្រាស់​លុយឲ្យ​បានពេញលេញ ដើម្បីត្រួសត្រាយផ្លូវសម្រាប់​អនាគត។ ពួកគេមានជំនាញក្នុងការរកលុយ ដូច្នេះហើយ ធាតុទឹកតែងមានប្រាក់ចំណូលថេរក្នុងជីវិត ទោះបីជាពេលខ្លះ មិន​អាចរកលុយ​បានច្រើនក៏ដោយ។

៣ សត្វឆ្កែឈើ ចំពោះអ្នកដែលកើតក្នុងឆ្នាំ ១៩៣៤, ១៩៩៤

មនុស្សដែលកើតក្នុងឆ្នាំច​ធាតុឈើ មិនត្រឹមតែស្មោះត្រង់​និងគួរឲ្យ​ទុកចិត្តប៉ុណ្ណោះទេ ថែមទាំង​មាន​ការ​គិតគូរ​និង​ការយល់ដឹងក្នុងជីវិត ហើយតែងតែប្រាស្រ័យទាក់ទង​យ៉ាងគួរសមជាមួយ​អ្នកដទៃ។ ពួកគេ​តែងតែ​គិតពីការតបស្នងដល់អ្នកដែលបានផ្តល់ជំនួយ និងការគាំទ្រដល់ពួកគេ ហើយក៏​មានការ​លះបង់​យ៉ាង​ខ្លាំង​ចំពោះអាជីព​ផងដែរ។ មិនថាជួបការលំបាកអ្វីក្នុងជីវិត ពួកគេ​នឹង​ព្យាយាម​ឲ្យ​អស់​ពី​សមត្ថភាព​ ដើម្បី​យកឈ្នះ​លើខ្លួនឯង​ម្តងមួយៗ។ ពួកគេសក្តិសម​នឹង​ការងារដែល​ទាមទារ​ការអត់ធ្មត់ខ្លាំង ហើយ​អាចប្តេជ្ញាចិត្តយ៉ា​ងពេញលេញ​ចំពោះ​ការងារ​ទាំង​នេះ។

៤ ឆ្កែភ្លើង ចំពោះអ្នកដែលកើតក្នុងឆ្នាំ ១៩៤៦, ២០០៦

មនុស្សដែលមាន​ធាតុភ្លើង តែង​ស្វែងរក​ក្ដី​សុបិន​ជា​របស់ខ្លួន​ ​ហើយអាចទទួល​បានជោគជ័យ​តាម​រយៈ​ភាព​វៃ​ឆ្លាត និង​ការខិតខំ​ប្រឹងប្រែង​កន្លងមក។ ពួកគេអាច​សម្រេច​កិច្ចការដែលអ្នកដទៃប្រគល់ឲ្យ​​​ពួកគេ​ទាន់ពេលវេលា ទោះជាយ៉ាងណា​ក៏ដោយ វាជា​ការលំបាកសម្រាប់ពួកគេក្នុងការធ្វើឲ្យ​មានការរីកចម្រើន​បន្ថែមទៀត ​ដោយសារ​តែ​ចង់បានផលប្រយោជន៍​ដ៏​ពេក។ ធាតុភ្លើងគួរតែផ្តោត​លើរឿងមួយ​ក្នុងពេលតែមួយ ដើម្បីធ្វើឲ្យវាល្អឥតខ្ចោះ មុននឹងបន្ត​ទៅកិច្ចការបន្ទាប់​ទៀត។ យ៉ាងណាមិញ​​ពួកគេងាយ​នឹង​រង​ឥទ្ធិពល​ពី​ទំនាក់ទំនង​រវាង​បុគ្គល ហើយគួរតែប្រុងប្រយ័ត្នខ្លាំង​នៅពេល​ទំនាក់ទំនង​ជាមួយ​នរណា​ម្នាក់​ដែល​មិន​ចូលចិត្ត។

៤ សត្វឆ្កែផែនដី ចំពោះអ្នកដែលកើតក្នុងឆ្នាំ ១៩៥៨, ២០១៨

មនុស្ស​ដែល​មាន​ធាតុ​ដី​អាច​បែងចែក​ភាពអាក្រក់ទៅល្អបាន ហើយ​មិន​ដែល​ធ្វើ​អ្វី​សល់​ពាក់​កណ្ដាលឬដើរចោលគ្មានទំនួលខុសត្រូវគឡើយ។ ពេលខ្លះគេមើលមកឆ្នាំចធាតុដីថាជាមនុស្សមិនល្អក្នុងការទាក់ទង ប៉ុន្តែធាតុដី​មានការប្រាស្រ័យ​ទាក់ទង​គ្នាខ្លាំង។ វា​ជា​ទស្សន​វិជ្ជា​របស់​ពួក​គេ​ក្នុង​ការ “ដើរ​តាម​ផ្លូវ​របស់​អ្នក ទុកឲ្យអ្នក​ដទៃ​និយាយ”។ ពួកគេតែងតែមានភាព​ម៉ឺងម៉ាត់ និងមានទំនួលខុសត្រូវក្នុងការងារ ដែលនាំឲ្យ​មាន​ឱកាស​ជោគជ័យ​ខ្ពស់៕

គ្រូ ណុប

ចុចអាន៖ទម្លាយបុគ្គលិកលក្ខណៈមនុស្សកើតឆ្នាំ ថោះ ក្នុងធាតុទាំង ៥

ចុចអាន៖បុគ្គលិកលក្ខណៈមនុស្សកើតក្នុងឆ្នាំ មមី ដែលមានធាតុទាំង ៥

The post ទម្លាយអត្តចរិតធាតុទាំង ៥ របស់មនុស្សកើតឆ្នាំ «ច»  appeared first on Kampuchea Thmey Daily.

ទោះយ៉ាងណា ខាងលើនេះគ្រាន់តែជាបុគ្គលិកលក្ខណៈជារួមរបស់មនុស្សឆ្នាំថោះប៉ុណ្ណោះ តាមពិតទៅតាមជាក់ស្ដែងទន្សាយមានធាតុដល់៥ នៅក្នុងទំនាយដោយយោងតាមហោរាសាស្ត្រ​ដែលស្ដែងពីបុគ្គលិកលក្ខណៈរបស់ពួកគេនីមួយៗ។

១​ ទន្សាយទឹក ចំពោះអ្នកដែលកើតក្នុងឆ្នាំ ១៩៦៣, ២០២៣

អ្នកដែលកើតក្នុងឆ្នាំ​ទន្សាយ មាន​ធាតុទឹកងាយនឹងចុះសម្រុងជាមួយគេឯង មានភាពស្លូតបូត រួសរាយរាក់ទាក់ អាច​សម្របខ្លួនតាម​លក្ខខណ្ឌផ្សេងៗ ប៉ុន្តែងាយរងឥទ្ធិពលពីអ្នកដទៃ ដោយសារផ្នត់គំនិត និង​គោលការណ៍​ខ្សោយ។​ ពួកគេពឹងផ្អែកខ្លាំងលើមនុស្សដែល​ទុកចិត្ត ហើយជា​រឿយៗ​តែង​មាន​អារម្មណ៍​ធ្លាក់ទឹកចិត្ត នៅ​ពេល​ដែលពួកគេបាត់បង់ការ​ពឹងផ្អែក​ជារបស់ខ្លួន។ ដូច្នេះ​ទន្សាយ​ទឹក គួរតែ​រៀនឯករាជ្យ​ដោយខ្លួនឯងខ្លះ កុំទម្លាប់ចូលចិត្តបណ្ដោយខ្លួនតាមគេ។ តាមការណែនាំ សូម​កុំ​ឲ្យ​ខ្ជះខ្ជាយ​លុយ​លើ​ការ​ចូលរួម​សង្គម​ដែល​មិន​ចាំបាច់ ប៉ុន្តែ​ត្រូវ​សន្សំ​ទុក​សម្រាប់​ថ្ងៃដែលលំបាកយើងមើមិនឃើញវិញ។

២ ទន្សាយ​ឈើ ចំពោះអ្នកដែលកើតក្នុងឆ្នាំ ១៩១៥, ១៩៧៥

អ្នកដែលកើតក្នុងឆ្នាំទន្សាយ ត្រូវនឹងធាតុឈើ ជាបុគ្គលឆ្លាត រហ័សរហួន និងពូកែធ្វើផែនការ។ ពួកគេហាក់ដូចជា​រស់រវើក ប៉ុន្តែបេះដូងបែរចង្អៀត ហើយជារឿយៗឈ្លោះ​ជាមួយមិត្តភ័ក្តិ​អំពីរឿង​តូចតាច​ទៅវិញ។ ពួកគេទទួលខុសត្រូវចំពោះការផ្លាស់ប្តូរអារម្មណ៍ភ្លាមៗ ទោះយ៉ាងណាក៏ដោយ ពួកគេលះបង់ដើម្បី​ស្នេហា​ច្រើន រហូតធ្វើឲ្យស្រមោល​នៃ​ការ​ឈឺ​ចាប់​ស្ថិត​នៅ​ក្នុង​ចិត្ត​ជា​យូរ​ ហើយ​មិន​អាច​នៅ​ជាមួយ​មនុស្ស​ដែល​ខ្លួន​ស្រលាញ់បច្ចុប្បន្ន។ ទន្សាយឈើងាយនឹងក្លាយជាមនុស្សអាត្មានិយម ហើយតែងភ្ជាប់វត្ថុឲ្យគេ គឺសម្លឹងឃើញអ្វីម្យ៉ាងពីគេ។ ពួកគេអាចមានជីវិតគ្រួសារកាន់តែចុះសម្រុងគ្នា និងអាជីពកាន់តែរលូន ប្រសិនបើអាចបង្ហាញការគិតគូរដល់អ្នកដទៃកាន់តែច្រើនជាងមុន។

៣ ទន្សាយ​ភ្លើង ចំពោះអ្នកដែលកើតក្នុងឆ្នាំ ១៩២៧, ១៩៨៧

មនុស្សដែលកើតក្នុងធាតុភ្លើង ជាប្រភេទមានគំនិតទូលំទូលាយ ឆ្លាត និងអាចបត់បែនបានជាមួយនឹងទស្សនៈប្លែកៗ។ ពួកគេធ្វើការដោយស្មោះត្រង់ ហើយពួកគេកើតមកជាអ្នកដឹកនាំ។ ទន្សាយ​ភ្លើងមិនត្រឹមតែចេះវិនិច្ឆ័យ និងប្រើប្រាស់មនុស្សប៉ុណ្ណោះទេ ប៉ុន្តែពួកគេថែមទាំងដឹងពីរបៀបបណ្តុះបណ្តាលទេពកោសល្យផ្សេងៗគ្នា និងប្រមូលផ្តុំរួមគ្នាធ្វើឲ្យពួកគេក្លាយជាគ្រូបង្រៀនដ៏ល្អក្នុងជីវិត។​​ មនុស្សឆ្នាំទន្សាយមិនគួរភ័យស្លន់ស្លោក្នុងគ្រាមានបញ្ហាដែលនឹកស្មានមិនដល់ ឡើយ តែតាមអនុសាសន៍​គួរ​ទិញ​អចលនវត្ថុ និង​វត្ថុ​មាន​តម្លៃ​ខ្ពស់​នៅ​ដើម​ឆ្នាំ​ទុក​បម្រុង​វិញ។

៤ ទន្សាយ​ធាតុដី ចំពោះអ្នកដែលកើតក្នុងឆ្នាំ  ១៩៣៩, ១៩៩៩

មនុស្សដែលកើតនៅក្នុងធាតុដី គឺមានភាពស្មោះត្រង់។ ទោះយ៉ាងណាក៏ដោយ ពួកគេក៏មានភាពរឹងចចេសចំពោះអ្នកដ៏ទៃក្នុងសកម្មភាពផ្សេងៗ។ ពួកគេមានភាពតឹងរ៉ឹងជាមួយខ្លួនឯងក្នុងការងារ ហើយមានមហិច្ឆតាក្នុងអាជីព តែងតែផ្លាស់ប្តូរពីការងារមួយទៅការងារមួយទៀត។ ពួកគេឧស្សាហ៍ព្យាយាមណាស់ ហើយតែងតែយកចិត្តទុកដាក់ជាពិសេសចំពោះព័ត៌មានលម្អិត ដោយសុខចិត្តធ្វើរឿងតូចតាច ប៉ុន្តែឆាប់ធុញទ្រាន់វិញ។

៥ ទន្សាយ​មាស ចំពោះអ្នកដែលកើតក្នុងឆ្នាំ ១៩៥១, ២០១១

ទន្សាយ​មាស ជាបុគ្គលមានចិត្តល្អ និងអភិរក្សនិយម ដែលមិនចូលចិត្តការប្រកួតប្រជែងជាមួយអ្នកដទៃ។ ពួកគេ​មិន​ចូលចិត្ត​បង្កើត​មិត្តភ័ក្តិ​ជាមួយ​អ្នក​ដែល​មាន​ការ​ប្រកួតប្រជែង ឬ​ចង់​បាន​ជោគជ័យ​រហ័ស និង​អត្ថប្រយោជន៍​ភ្លាមៗ​ទេ។​ ពួកគេមានភាពរស់រវើក និងស្វាហាប់ មិនចម្លែកទេដែលទន្សាយ​មាស​មានមិត្តច្រើនពីគ្រប់មជ្ឈដ្ឋាន ហើយអ្នកដែលមិនមានបុគ្គលិកលក្ខណៈ និងរឹងរូសកម្រជាមិត្តនឹងពួកគេណាស់៕

គ្រូ ណុប

ចុចអាន៖បុគ្គលិកលក្ខណៈមនុស្សកើតក្នុងឆ្នាំ មមី ដែលមានធាតុទាំង ៥

ចុចអាន៖«មមី» តោងប្រយ័ត្នសុខភាពឲ្យមែនទែន ឆ្នាំ ២០២៣ អាជីពជួបរឿងច្របូកច្របល់ខ្លាំង

The post ទម្លាយបុគ្គលិកលក្ខណៈមនុស្សកើតឆ្នាំ ថោះ ក្នុងធាតុទាំង ៥ appeared first on Kampuchea Thmey Daily.