អ្នកស្រាវជ្រាវនិយាយថា ៦០% នៃប្រជាជនដែលមានសាវតាជាអ្នកអាស៊ីខាងត្បូង និង ១៥% នៃប្រជាជនដែលមកពីអឺរ៉ុប ជាក្រុមមនុស្សដែលមានហ្សែនប្រឈមហានិភ័យខ្ពស់ជាមួយវីរុសកូវីដ-១៩។ ក្រៅពីនោះ ក្រុមបុគ្គលដែលប្រឈមហានិភ័យផ្សេងទៀតគឺ ប្រជាជនមកពីអាហ្វ្រិក-ការ៉ាប៊ីនមាន ២%  និង ១.៨% ជាប្រជាជនអាស៊ីបូព៌ា។

ក្នុងការសិក្សាស្រាវជ្រាវ ពួកគេបានប្រើបញ្ញាសិប្បនិមិត្ត និងបច្ចេកវិទ្យាម៉ូលេគុលថ្មីរួមបញ្ចូលគ្នា ដើម្បីបញ្ជាក់ហ្សែនដែលមានឈ្មោះថា LZTFL1 ដែលវាទទួលខុសត្រូវចំពោះការកើនឡើងនៃហានិភ័យ។ ក្រុមមនុស្សទាំងឡាយដែលមានហ្សែនប្រភេទនេះនឹងប្រឈមហានិភ័យខ្ពស់ធ្វើឱ្យខូចប្រព័ន្ធការពារកោសិកានៃស្រទាប់សួត ហើយសរីរាង្គមិនអាចមិនអាចទប់ទល់ការវាយលុករបស់វីរុសកូវីដ-១៩ឡើយ។ ជាមួយគ្នាដែរ សួតនឹងត្រូវបានទុកចោល ហើយមេរោគនឹងមានឱកាសឈ្លានពានបានយ៉ាងងាយ។

ទោះយ៉ាងណា អ្នកវិទ្យាសាស្ត្របញ្ជាក់ថា ហ្សែននេះពាក់ព័ន្ធដល់ការប៉ះពាល់សួត ប៉ុន្តែមិនវាមិនមានឥទ្ធិពលលើប្រព័ន្ធភាពស៊ាំនោះទេ។ បន្ថែមពីលើប្រភេទហ្សែន កត្តាផ្សេងទៀតរួមមាន ​អាយុ​ ក៏ជា​​ចំណែក​បង្ក​ហានិភ័យ​ទៅនឹងជំងឺកូវីដ-១៩ដែរ។

ថ្វីបើមនុស្សមានដែលមានហ្សែន LZTFL1 ប្រឈមហានិភ័យខ្ពស់ទៅនឹងកូវីដ-១៩ពិតមែន តែក្រុមអ្នកស្រាវជ្រាវ អះអាងថា រាងកាយនឹងទទួលបានការការពារភាពស៊ាំ ប្រសិនបើពួកគេបានចាក់វ៉ាក់សាំង៕

ប្រែសម្រួល៖ សន្យា

ប្រភព៖ BBC

ចុចអាន៖ ស្លាប់ ដល់ទៅជាង ១ពាន់នាក់ ក្រោយចាក់វ៉ាក់សាំងកូវីដ នៅ ថៃ

ចុចអាន៖ ជំងឺរាតត្បាតបង្កមហន្តរាយដូចកូវីដ នឹងវាយប្រហារពិភពលោកនៅឆ្នាំ២០៨០

The post រកឃើញប្រជាជាតិមានហ្សែន ប្រឈមហានិភ័យស្លាប់ខ្ពស់បំផុត ដោយសារកូវីដ appeared first on Kampuchea Thmey Daily.

ការសិក្សាដ៏សំខាន់មួយពីសាកលវិទ្យាល័យ Edinburgh បានប្រមូល DNA ពីអ្នកជំងឺកូវីដចំនួន២,៧០០នាក់នៅក្នុងផ្នែកសង្គ្រោះបន្ទាន់ចំនួន២០៨កន្លែងទូទាំងចក្រភពអង់គ្លេស។

ទាំងនេះគឺជាករណីធ្ងន់ធ្ងរបំផុតនៃជំងឺកូវីដ១៩ ហើយ២២ភាគរយនៃអ្នកជំងឺដែលគេសិក្សាគឺបានស្លាប់ខណៈ៧៤ភាគរយមិនអាចដកដង្ហើមដោយខ្លួនឯងបាន និងត្រូវការឧបករណ៍ជំនួយខ្យល់អុកស៊ីហ្សែន។

ព័ត៌មានហ្សែនរបស់អ្នកជំងឺទាំងនេះ ត្រូវបានគេប្រៀបធៀបទៅនឹងជនជាតិអង់គ្លេសចំនួន ១០០,០០០នាក់ហើយមានហ្សែនចំនួន៥ត្រូវបានគេកត់សម្គាល់ឃើញច្រើនបំផុត ក្នុងចំណោមករណីជំងឺកូវីដធ្ងន់ធ្ងរ។

ក្រុមអ្នកស្រាវជ្រាវនិយាយថា ការរកឃើញហ្សែនទាំង៥ដែលបង្ហាញយ៉ាងច្បាស់ថាមានផ្សារភ្ជាប់ទៅនឹងជំងឺនេះ គឺមិនធ្លាប់ត្រូវបានគេគិតទុកពីមុនមកឡើយ។

ទោះបីជាយ៉ាងណាក៏ដោយ ក្រុមអ្នកស្រាវជ្រាវលើកឡើងថា ការដឹងថាហ្សែនមួយណាពាក់ព័ន្ធនឹងករណីធ្ងន់ធ្ងរនៃការឆ្លងមេរោគកូរ៉ូណា គឺអាចជួយអ្នកជំនាញឲ្យកំណត់ថ្នាំដែលមានស្រាប់ដើម្បីជួយព្យាបាលជំងឺកូវីដបាន។

ក្រុមអ្នកវិទ្យាសាស្រ្តដែលលទ្ធផលសិក្សារបស់ពួកគេត្រូវបានបោះពុម្ពផ្សាយនៅក្នុងទស្សនាវដ្តី Nature បានរកឃើញថា ហ្សែនទាំង៥នោះគឺមាន IFNAR2, TYK2, OAS1, DPP9 និង CCR2។

ពូកគេនិយាយថា ពួកគេអាចចង្អុលបង្ហាញបានថា ដំណើរការម៉ូលេគុលចំនួនពីរដូចជាភាពស៊ាំប្រឆាំងវីរុសនិងការរលាកសួតគឺមានជាប់ទាក់ទងនឹងហ្សែនទាំងនេះ៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ យល់ព្រមឲ្យប្រើវ៉ាក់សាំងរបស់ក្រុមហ៊ុន Pfizer តែអាមេរិកទិញពី Moderna ១០០ លានដូសបន្ថែមទៀត

ចុចអាន៖ អ្នកល្មើសវិធានការចត្តាឡីស័ក អាច​ទទួលទោសព្រហ្មទណ្ឌ​ថែមទៀត ក្រៅ​ពី​ពិន័យជាប្រាក់

The post អ្នកឆ្លងកូវីដអាចប្រឈមហានិភ័យសង្គ្រោះបន្ទាន់ឬឈានដល់ស្លាប់ បើមានហ្សែន៥ប្រភេទនេះ appeared first on Kampuchea Thmey Daily.