ឡាយ លក្ខិណា Archives - Kampuchea Thmey Daily

ឡាយ លក្ខិណា ចាយជីវិតហ៊ឺហាលើទឹកដីកាណាដា ខណៈគ្មានតម្រុយវិលមកខ្មែរវិញ

អ៊ិន ពិសី — Thu, 20 Jun 2024 03:18:42 +0000

តារាចម្រៀង ឡាយ លក្ខិណា បើគិតមកទល់ពេលនេះ នាងបានចាកចេញពីប្រទេសកម្ពុជាទៅច្រៀងសម្តែងនៅទឹកដីកាណាដាមានរយៈពេលប្រមាណ ៥ ឆ្នាំ ហើយ ខណៈដំណើរ នៃការវិលត្រឡប់ហាក់គ្មានតម្រុយនោះឡើយ។

ប្រាកដណាស់មកដល់ពេលនេះគេកត់សម្គាល់តារាស្រីចាស់វស្សា ឡាយ លក្ខិណា នៅតែបន្តប្រើជីវិតឡូយឆាយលើទឹកដីកាណាដា ខណៈកន្លងមកធ្លាប់មានការសង្ស័យថា នាងសម្ងំសាងស្នេហ៍ថ្មីនៅទីនោះ។ ហេតុផលនេះ ទើបធ្វើឲ្យ លក្ខណា ហាក់មិនចង់វិលមកស្រុកខ្មែរវិញឡើយ ពោលគឺនាងរក្សាការបន្តស្នាក់នៅទីនោះដដែល។

ឡាយ លក្ខិណា បានសម្ងំនៅកាណាដារយៈពេលជិត ៥ ឆ្នាំ ទៅហើយ ក្រោយអាក់ខានវិលវិញតាមការសន្យាកាលពីខែវិច្ឆិកា ឆ្នាំ ២០១៩ កន្លងទៅ។ ដោយឡែកកាលពីពេលកន្លងមក ស្រីស្រស់ ឡាយ លក្ខិណា ធ្លាប់បន្លុយឲ្យដឹងពីមូលហេតុដែលខកខានមិនទាន់បានវិលត្រឡប់មកខ្មែរដូច្នេះថា ការជាប់គាំងនេះ បណ្ដាលមកពីនាងត្រូវបន្តការងារនៅទីនោះជាមួយខាងស្ពន់ស័រ ទើបមិនអាចវិលត្រឡប់មកកម្ពុជាតាមការកំណត់។

ទាក់ទងព័ត៌មានរបស់តារាចម្រៀងស្រី ឡាយ លក្ខិណា ដែលកំពុងជាប់គាំងនៅលើទឹកដី នៃប្រទេសកាណាដាភ្ជាប់នឹងការសង្ស័យ នៃការសម្ងំសាងសម្ព័ន្ធស្នេហានេះដែរ កម្ពុជាថ្មី មិនអាចស្វែងរកការបកស្រាយពីតារាស្រីរូបនេះបាននៅឡើយទេ ខណៈពេលនេះនាងកំពុងស្នាក់នៅឯនាយសមុទ្រ។ ងាកមកចាប់អារម្មណ៍នៅលើបណ្ដាញសង្គមហ្វេសប៊ុករបស់នាងឯណេះវិញ ជារឿយៗ តារាចម្រៀង ឡាយ លក្ខិណា តែងបង្ហោះរូបភាពបង្ហាញពីដំណើរកម្សាន្តយ៉ាងមានក្តីសុខ ក្នុងនោះនាងក៏បានសម្ញែងសម្រស់យ៉ាងស្រឡូនបញ្ចេញសាច់ខ្ចីបង្អួតភាពសិចស៊ីនៅលើទឹកដី នៃប្រទេសកាណាដាផងដែរ។

សូមរម្លឹកថា តារាចម្រៀងស្រី ឡាយ លក្ខិណា បានចាកចេញពីកម្ពុជាចាប់តាំងពីថ្ងៃទី ១៣ ខែសីហា ឆ្នាំ ២០១៩ ម្ល៉េះ ហើយកាលណោះបើតាមគម្រោងនាងត្រូវវិលមកវិញនៅថ្ងៃទី ៣១ ខែវិច្ឆិកា ឆ្នាំ ២០១៩ ពោលគឺការចេញទៅកាណាដាមានរយៈពេលតែ ៣ ខែ ប៉ុណ្ណោះ។ ប៉ុន្តែរហូតមកដល់ពេលនេះ មានរយៈពេលប្រមាណ ៥ ឆ្នាំ ទៅហើយ ដែលអ្នកនាង ឡាយ លក្ខិណា នៅមិនទាន់ត្រឡប់មកស្រុកវិញឡើយ៕

អត្ថបទ ៖ ចាន់រ៉ា

The post ឡាយ លក្ខិណា ចាយជីវិតហ៊ឺហាលើទឹកដីកាណាដា ខណៈគ្មានតម្រុយវិលមកខ្មែរវិញ appeared first on Kampuchea Thmey Daily.

ឡាយ លក្ខិណា បន្តប្រើជីវិតឡូយឆាយលើទឹកដីកាណាដា

Din Thary — Mon, 06 Nov 2023 03:28:29 +0000

គិតមកទល់ពេលនេះ តារាចម្រៀង ឡាយ លក្ខិណា ត្រូវបានគេដឹងថា នាងចាកចេញពីប្រទេសកម្ពុជាទៅច្រៀង សម្ដែងនៅលើទឹកដី នៃប្រទេសកាណាដា អស់រយៈពេលប្រមាណ ៤ ឆ្នាំហើយ។ ខណៈដំណើរនេះ ដំបូងឡើយត្រូវបានបញ្ជាក់ថា នាងនឹងវិលត្រឡប់មកកម្ពុជាតាមការកំណត់។

ទោះបីជាយ៉ាងណា មកដល់ពេលនេះគឺតារាស្រីចាស់វស្សា ឡាយ លក្ខិណា នៅតែបន្តប្រើជីវិតឡូយឆាយលើទឹកដីប្រទេសកាណាដា ខណៈមានការសង្ស័យថានាងសម្ងំសាងស្នេហ៍ថ្មីនៅទីនោះ។ ហេតុផលនេះទើបនាងមិនបានបង្ហាញវត្តមានរុះ រាន់ឡើងយន្តហោះឆ្ពោះ ឆ្លងសមុទ្រពីកាណាដាមកកាន់ប្រទេសខ្មែរវិញទេ ពោលគឺនាងរក្សាការបន្តស្នាក់នៅទីនោះដដែល។

ដោយឡែកកាលពីពេលកន្លងទៅស្រីស្រស់ ឡាយ លក្ខិណា ធ្លាប់ពន្លយឲ្យដឹងពីមូលដែលខកខានមិនទាន់បានវិលត្រឡប់មកខ្មែរដូច្នេះថា ការជាប់គាំងនេះ គឺបណ្ដាលហេតុផលពីរយ៉ាងគឺ១,ដោយសារនាងត្រូវបន្តការងារនៅទីនោះជាមួយខាងស្ពុនស័រ និង ២,ដោយសារបញ្ហាជាប់គាំងនៃជំងឺកូវីដ-១៩ ទើបមិនអាចវិលត្រឡប់មកកម្ពុជាតាមការកំណត់។ ប៉ុន្តែយ៉ាងណាទោះ បីជាជំងឺកូវីដបានស្ងាត់ទៅវិញតែ លក្ខិណា ហាក់គ្មានចេតនាវិលមកស្រុកវិញឡើយ។

ទាក់ទងនឹងព័ត៌មានរបស់តារាចម្រៀងស្រី ឡាយ លក្ខិណា ដែលកំពុងជាប់គាំងនៅលើទឹកដីនៃប្រទេសកាណាដាភ្ជាប់នឹងការសង្ស័យនៃការសម្ងំសាងសម្ព័ន្ធស្នេហានេះដែរ«កម្ពុជាថ្មី»មិនអាចស្វែងរកការបកស្រាយពីតារាស្រី ឡាយ ល្ខិណា បាននៅឡើយទេ ខណៈពេលនេះនាងកំពុងស្នាក់នៅឯនាយសមុទ្រ។

សូមរម្លឹកដែរថា តារាចម្រៀងស្រី ឡាយ លក្ខិណា បានចាកចេញពីកម្ពុជាចាប់តាំងពីថ្ងៃទី១៣ ខែសីហា ឆ្នាំ ២០១៩ ម៉េ្លះហើយកាលណោះបើតាមគម្រោងនាងត្រូវវិលវិញមកវិញនៅថ្ងៃទី៣១ ខែវិច្ឆិកា ឆ្នាំ២០១៩ ពោល គឺការចេញទៅកាណាដាមានរយៈពេលតែ៣ ខែប៉ុណ្ណោះ។ប៉ុន្តែរហូតមកដល់ពេលនេះមានរយៈពេលប្រមាណ ៤ឆ្នាំទៅហើយដែលអ្នកនាង ឡាយ លក្ខិណា នៅមិនទាន់ត្រឡប់មកស្រុកវិញឡើយ៕

អត្ថបទ៖ ចាន់រ៉ា

The post ឡាយ លក្ខិណា បន្តប្រើជីវិតឡូយឆាយលើទឹកដីកាណាដា appeared first on Kampuchea Thmey Daily.