តាមប្រភពព័ត៍មានពីប្រជាពលរដ្ឋ គេឃើញផ្សែងហ៊ុយខ្មួលខ្មាញ់ យ៉ាងសន្ធោសន្ធៅ ពាសពេញផ្ទៃអាកាស បង្កអោយផ្អើលឆោរឡោរ អ្នករស់នៅក្បែរឃ្លាំងខាងលើ ប្រញាប់ប្រញាល់រាយការណ៍ជូនសមត្ថកិច្ច ដើម្បីអន្តរាគមន៍មកជួយបាញ់ពន្លត់ ការពាររាលដាលដល់ឃ្លាំងផ្សេងដទៃទៀត ព្រោះចំណុចឆាបឆេះនេះ មានឃ្លាំងជាច្រើនជាប់ៗគ្នា និងភាគច្រើនស្តុកទំនិញចម្រុះគ្រប់ប្រភេទ។

អគ្គិភ័យនេះដែរបានបង្កខូចខាតឆេះឃ្លាំងចំនួន ០៣ មានឃ្លាំងទូរក្លាសេ, ឃ្លាំងស្តុកទុកសម្ភារៈ គ្រឿងសំណង់ ,ឃ្លាំងស្តុកទុកប្រេងឆា រួមទាំងអីវ៉ាន់ក្នុងឃ្លាំងអស់ទាំងស្រុង ហើយបានបង្កអោយមនុស្ស ០៤នាក់រងរបួសបញ្ជូនទៅកាន់មន្ទីរពេទ្យ ។ ក្នុងនោះប្រើប្រាស់រថយន្តពន្លត់ របស់ស្នងការរាជធានី ២១គ្រឿង , រថយន្តជំនួយបុរីវិមានភ្នំពេញ ០១គ្រឿង , រថយន្តក្រុមហ៊ុនស្រាបៀរកម្ពុជា ០១គ្រឿង , រថយន្តទីក្រុងជ្រោយចង្វារ ០៣គ្រឿង , រថយន្តកងពលតូចង៧០  ០៨គ្រឿង , ក្រសួងមហាផ្ទៃ ០៤គ្រឿង និងរថយន្តបុរីប៉េងហួត ០២គ្រឿង បាញ់អោយរលត់ជាស្ថាពរ ។ ចំណែកមូលហេតុ ដែលបង្កអោយមានការឆាបឆេះនេះ សមត្ថកិច្ចជំនាញ កំពុងប់កការស្រាវជ្រាវ ជុំវិញទីតាំងខាងលើផងដែរ ៕ អត្ថបទ ៖ រដ្ឋា

The post អគ្គិភ័យឆេះឃ្លាំងស្តុកទំនិញចម្រុះ ចំនួន០៣ឃ្លាំង អស់ស្ទើរទាំងស្រុង នៅសង្កាត់ព្រែកលាប appeared first on Kampuchea Thmey Daily.

លោក គួច ចំរើន អភិបាលខេត្តកណ្តាល បានក្រើនរំលឹកដល់អាជ្ញាធរស្រុក ភូមិ ឃុំ និងប្រជាពលរដ្ឋទាំងអស់ សូមមានការប្រុងប្រយ័ត្នខ្ពស់ ចំពោះគ្រោះអគ្គីភ័យក្នុងរដូវប្រាំងនេះ ត្រូវមានការគ្រប់គ្រង ឱ្យបានល្អនូវការប្រើប្រាស់ភ្លើងផ្សេងៗមាន ទានធូប ចង្ក្រានហ្គាស  ប្រព័ន្ធអគ្គិសនីនៅតាមលំនៅឋាន ស្រែចម្ការ ឬ ក៏នៅកន្លែងផ្សេងៗ រាល់ពេលចេញពីផ្ទះត្រូវពិនិត្យបិទភ្លើង ពន្លត់ទានធូប ចង្ក្រានហ្គាស មើលឱ្យសព្វគ្រប់ ដើម្បីបង្ការគ្រោះអគ្គិភ័យដែលអាចកើតឡើងជាយថាហេតុ ដល់គ្រួសាររបស់ខ្លួន និងអ្នកជិតខាង។  

ការក្រើនរំលឹកនេះ ធ្វើឡើងក្នុងឱកាសដែល លោក គួច ចំរើន អភិបាលខេត្តកណ្តាល និងលោក នូ សាខន ប្រធានក្រុមប្រឹក្សាខេត្ត អញ្ជើញជាគណៈអធិបតី ក្នុងពិធីចែកប័ណ្ណកម្មសិទ្ធិដីធ្លី ឬវិញ្ញាបនបត្រសម្គាល់ម្ចាស់អចលនវត្ថុចំនួន ២០,៦១៥ប័ណ្ណ  ជូនប្រជាពលរដ្ឋចំនួន ២៣ភូមិ ក្នុងឃុំទួលព្រេជ ស្រុកអង្គស្នួល កាលពីថ្ងៃទី១១ ខែមីនា ឆ្នាំ២០២៦ នៅក្នុងបរិវេណវត្តឱង្ការ ស្ថិតនៅក្នុងភូមិថ្មី ឃុំទួលព្រេជ ស្រុកអង្គស្នួល។

ក្នុងនោះផងដែរ លោក គួច ចំរើន អភិបាលខេត្តកណ្តាល បានអំពាវនាវដល់ ពលរដ្ឋ សូមកុំបន្តទិញប្រេងឥន្ធនៈមកស្តុកទុកក្នុងផ្ទះ ដែលអាចបង្ករជាការឆាបឆេះ ហើយរដ្ឋបាលក្រុង-ស្រុក ត្រូវសហការណ៍ជាមួយមន្ទីរជំនាញពាក់ព័ន្ធ ចុះត្រួតពិនិត្យការលក់ប្រេង ធ្វើយ៉ាងណាឱ្យពួកគាត់លក់ទៅតាមការកំណត់តម្លៃរបស់ក្រសួងពាណិជ្ជកម្ម ដែលបានកំណត់។

ជាមួយគា្នផងដែរ លោក គួច ចំរើន អភិបាលខេត្តកណ្តាល បានស្នើដល់អាជ្ញាធរក្រុង-ស្រុក ទាំងអស់ត្រូវយកចិត្តទុកដាក់ចំពោះបញ្ហាចគ្រោះថ្នាក់រាចរណ៏ ត្រូវបន្តខិតខំដាក់ចេញនូវវិធានការនានាសំដៅកាត់បន្ថយគ្រោះថ្នាក់ចរាចរណ៏ក្នុងមូលដ្ឋានខេត្តកណ្តាល ឱ្យមានការថយចុះជាលំដាប់ ពិសេសសូមប្រជាពលរដ្ឋទាំងអស់គោរពច្បាប់ចរាចរណ៍ និងមានការប្រុងប្រយ័ត្នខ្ពស់ក្នុងការបើកបរ សូមកុំខ្លាចតែប៉ូលីសចរាចរណ៍ ត្រូវខ្លាចការបាត់បង់ជីវិតវិញទើបជារឿងសំខាន់។

ដោយឡែកសម្រាប់យុវជន សូមជៀសឱ្យឆ្ងាយពីគ្រឿងញៀន សូមយុវជនជួយអប់រំណែនាំដល់មិត្តភក្កិ ជៀសឱ្យឆ្ងាយពីគ្រឿងញៀន ករណីចាំបាច់ត្រូវរាយការណ៍មកសមត្ថកិច្ចដើម្បីចាត់វិធានការបញ្ជូនមកដាក់មណ្ឌលបន្សាបគ្រឿងញៀន ជាពិសេសសូមរួមគ្នាប្រើប្រាស់ App Nodrug ដើម្បីរាយការណ៍កាន់សមត្ថកិច្ចដោយរក្សាការសំងាត់ ដើម្បីបង្ក្រាប និងលុបបំបាត់ការប្រើប្រាស់គ្រឿងញៀន៕ ដោយ ៖ អុឹងម៉េង

The post អភិបាលខេត្តកណ្ដាល ក្រើនរំលឹកដល់ពលរដ្ឋនិងអាជ្ញាធរ មូលដ្ឋានមានការប្រុងប្រយ័ត្នខ្ពស់ ចំពោះគ្រោះអគ្គីភ័យក្នុងរដូវប្រាំង appeared first on Kampuchea Thmey Daily.

ម្ចាស់ទីតាំង: ម៉ូវ សេងអ៊ីន ភេទស្រី អាយុ៥២ឆ្នាំ ជនជាតិខ្មែរ មុខរបរ:គ្រូមើលជំងឺបែបបុរាណ​ ផ្ទះដែលត្រូវអគ្គិភ័យឆាបឆេះនោះប្រភេទថ្មបេតុង ទំហំ ៨ម៉ែត្រx១៥ម៉ែត្រ ។

តាមប្រភពព័ត៌មានបានឱ្យដឹងថា​ មុនពេលកើតហេតុគេបានឃើញផ្សែងហុយចេញ ពីបន្ទប់ជាន់ទី១​ ខ្មួរខ្មាញ់ភ្លាម នោះអ្នកជិតខាងក៏បាននាំគ្នាទាញទុយោមកបាញ់ទឹកពន្លត់​ និងបានរាយការណ៍ទៅសមត្ថកិច្ចមូលដ្ឋានទាក់ទងទៅក្រុមរថយន្តពន្លត់អគ្គិភ័យមកអន្តរាគមន៍។ ក្រោយពីទទួលបានព័ត៌មានភ្លាមរថយន្តពន្លត់អគ្គិភ័យរបស់ស្នងការដ្ឋាននគរបាលរាធានីភ្នំពេញចេញអន្តរាគមន៍ភ្លាមៗ។

ជុំវិញគ្រោះអគ្គិភ័យខាងលើនេះផងដែរ​ បណ្ដាលខូចខាតសម្ភារៈ ឆេះបន្ទប់ជាន់ទី១ចំនួន ២បន្ទប់អស់ទាំងស្រុង រួមមានម៉ាស៊ីនត្រជាក់ចំនួន ០២គ្រឿងគ្រែចំនួន២ និងសម្ភារៈប្រើប្រាស់មួយចំនួនទៀត​នឹងពុំបណ្ដាលឱ្យឆេះរាលដាលដល់អ្នកក្បែរខាងឡើយ។ ដោយប្រើប្រាស់រថយន្តការិយាល័យ​ អគ្គិភ័យ : ចំនួន ០២ គ្រឿង ប្រើប្រាស់ទឹកអស់ចំនួន ០៣ឡាន ស្មើនឹង  ១៨ម៉ែត្រគូប។ រថយន្តពន្លត់អគ្គិភ័យ៩១១ចំនួន ០២ គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប ទើបគ្រប់គ្រងបានរលត់ទៅវិញ៕ អត្ថបទ ៖សុខា

The post ឆ្លងចរន្តអគ្គិសនីឆេះផ្ទះគ្រូ មើលជំងឺបែបបុរាណផ្អើលសមត្ថកិច្ចចេញរថយន្តពន្លត់អគ្គិភ័យអន្តរាគមន៍ appeared first on Kampuchea Thmey Daily.

ហេតុការណ៍ដ៏រន្ធត់ និងមានអណ្ដាតភ្លើងពេញផ្ទៃមេឃផងនោះបានកើតឡើងនៅវេលាម៉ោង ៥ល្ងាចថ្ងៃទី៦ ខែកុម្ភៈ ឆ្នាំ ២០២៦ គឺបានកើតឡើងត្រង់ចំណុចភូមិចំការសំរោង១ សង្កាត់ចំការសំរោង ក្រុងបាត់ដំបង ដែលជាទីតាំង ស្តុកទុយោទឹក ចំនួន ១កន្លែង របស់ក្រុមហ៊ុន គិរីដងរែក ទទួលម៉ៅការដាក់ ប្រព័ន្ធទុយោរំដោះទឹកកខ្វក់ចេញពីក្រុង។

បើតាមសាក្សីនៅកន្លែងកើតហេតុបានបញ្ជាក់ថា ការឆាបឆេះនេះ គេមិនទាន់ដឹងអំពីមូលហេតុនៅឡើយទេ ដោយគ្រាន់តែដឹងថាពេលដែលចាប់ផ្ដើមឆាប់ឆេះដំបូងគឺមានរថយន្តរបស់ក្រុមហ៊ុនចំនួន ២គ្រឿង បានចូលទៅបាញ់ពន្លត់ ប៉ុន្តែមិនអាចទប់ទល់នឹងសភាពការណ៍បាន ដោយសារតែអណ្ដាតភ្លើងកាន់តែឆាប់ឆេះខ្លាំងឡើង ទើបហៅរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តមកជួយអន្តរាគមន៍ ប៉ុន្តែអ្វីៗបានហួសពេលទៅហើយ ព្រោះរថយន្តពន្លត់អគ្គីភ័យមិនអាចចូលទៅក្បែរបាន ដោយសារតែផ្សែង និងអណ្ដាតភ្លើងខ្មួលខ្មាញ់ខ្លាំងពេក ដោយនៅពេលនោះដែរមន្ត្រីអគ្គីភ័យ ក៏បានរងរបួសមួយចំនួនដែរដោយសារពុលនឹងផ្សែង។   

តាមការប៉ាន់ស្មានជាបឋមរបស់សមត្ថកិច្ច គឺសម្ភារខូចខាត មានតែទុយោប៉ុណ្ណោះ ដោយអស់ប្រហែល ២ ០០០ ០០០ ( ពីរលានដុល្លាអាមេរិក) រីឯមូលហេតុ ស្ថិតក្នុងការស្រាវជ្រាវ។

នៅក្នុងហេតុការណ៍គ្រោះថ្នាក់អគ្គិភ័យនេះ ត្រូវបានកម្លាំងការិយាល័យនគរបាល បង្ការពន្លត់អគ្គិភ័យ និងសង្រ្គោះ នៃស្នងការដ្ឋាននគរបាលខេត្តបាត់ដំបង ចេញរថយន្តចំនួន ៧គ្រឿង រថយន្តរបស់ក្រុមហ៊ុនចំនួន ២គ្រឿង ដោយប្រើប្រាស់ទឹក អស់ចំនួន ១៦រថយន្ត ទើបមិនបង្កឱ្យឆេះឆ្លងទៅផ្ទះប្រជាពលរដ្ឋ៕

អត្ថបទ៖ សោ និយមរ័ត្ន

The post ឆេះទីតាំងស្តុកទុយោសម្រាប់រំដោះទឹកកខ្វក់ចេញពីក្រុងបាត់ដំបង ខាតបង់ប្រហែល ២លានដុល្លារ appeared first on Kampuchea Thmey Daily.

ហេតុការណ៍នេះកើតឡើងកាលពីវេលាម៉ោង០៩និង៥០នាទីយប់ថ្ងៃទី១៧ ខែមករា ឆ្នាំ២០២៦ នៅតាមបណ្តោយផ្លូវលេខ ៦៦៦ ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។

តាមប្រភពព័ត៌មានពីប្រជាពលរដ្ឋបានអោយដឹងថា មុនកើតហេតុគេបានឃើញជនអនាថាមានគ្នា ០២-០៣នាក់ បានយកខ្សែភ្លើងចាស់ៗ ជាច្រើនមកដុតក្នុងផ្ទះដែលគេសង់ទុកចោលបណ្ដាលឲ្យហុយផ្សែងបង្កការភ្ញាក់ផ្អើលពេញម្តុំបឹងសាឡាងតែម្តង។ លុះមួយសន្ទុះក្រោយមក ក៏មានអណ្តាតភ្លើងយ៉ាងសន្ធោរសន្ធៅបង្កការផ្អើលឆោឡោដល់អ្នករស់នៅក្បែរនោះ រាយការណ៍ជូនសមត្ថកិច្ចមូលដ្ឋាន ចំណែកជនអនាថាដែលដុតបាននាំគ្នារត់គេចខ្លួនបាត់ស្រមោល។

អគ្គិភ័យនេះដែរបានបង្កអណ្តាតភ្លើងរោលដល់សំណង់ផ្ទះល្វែងនោះមួយផ្នែកធំ តែមិនបង្កភាពធ្ងន់ធ្ងរនោះឡើយ និង ប្រើប្រាស់រថយន្តពន្លត់របស់ស្នងការដ្ឋាននគរបាលរាជធានីភ្នំពេញ ចំនួន ០៣គ្រឿង បាញ់អោយរលត់ជាស្ថាពរ ។ ចំពោះមូលហេតុ សមត្ថកិច្ចបានបញ្ជាក់អោយដឹងថា មកជនអនាថា ដុតខ្សែភ្លើងយកស្ពាន់ បណ្តាលអោយកើតជាអគ្គិភ័យ៕

អត្ថបទ៖ រដ្ឋា

The post ឆេះសំណង់ផ្ទះល្វែងដែលគេសង់ទុកចោល ដោយសារជនអនាថាដុតខ្សែភ្លើងយកស្ពាន់ appeared first on Kampuchea Thmey Daily.

ការ​ផ្ទុះ​ដែល​បាន​កើត​ឡើង​នៅ​ក្លិបកម្សាន្ត «Le Constellation» បាន​បណ្តាល​ឱ្យ​មនុស្ស​ស្លាប់ និង​បាន​ធ្វើ​ឱ្យ​អ្នក​ទេសចរ​ជា​ច្រើន​នាក់​រង​របួស។ សេវាសង្គ្រោះបន្ទាន់បានឆ្លើយតបយ៉ាងរហ័ស ហើយអ្នកទេសចរមកពីប្រទេសផ្សេងៗ រួមទាំងប្រទេសស្វីស និងក្រៅប្រទេស ត្រូវបានជម្លៀសចេញពីតំបន់នោះភ្លាមៗ។ ឧបទ្ទវហេតុនេះបានរំខានមិនត្រឹមតែការប្រារព្ធពិធីក្នុងស្រុកប៉ុណ្ណោះទេ ថែមទាំងមានផលប៉ះពាល់យ៉ាងខ្លាំងដល់ការធ្វើដំណើរ និងឧស្សាហកម្មទេសចរណ៍កាន់តែទូលំទូលាយផងដែរ។

​អ្នក​នាំ​ពាក្យ​ប៉ូលិស​ក្នុងតំបន់ Gaetan Lathion​ ​បាន​និយាយថា នៅពេលដែលផ្ទុះ​បាន​​កើត​ឡើង​ មាន​មនុស្ស​​ជា១​០០​នាក់​នៅក្នុងនោះ​។ ហើយ​ វាបាន​កើតឡើង​នៅ​ប្រហែល​ម៉ោង​១៖៣០​នាទី​រំលង​អធ្រាត្រ​​ចូលថ្ងៃទី១ខែ​​មករា ម៉ោងនៅក្នុងប្រទេសស្វីស។

BBC ដកស្រង់​​​ការ​លើក​ឡើង​របស់​ប៉ូលិស​ ឲ្យដឹងថា ក្លិប​ដែលផ្ទុះ​ឆេះ​នោះ​អាច​​ផ្តល់កន្លែង​អ្នកទៅកម្សាន្ត​រហូត​ដល់​ជាង​៣០០នាក់​។​

ទីក្រុង​​លំហែកម្សាន្ត្​ Crans-Montana ដែលរងការ​​ផ្ទុះ​ឆេះ​នោះ កំពុង​មាន​សកម្មភាព​អបអរ​បុណ្យចូលឆ្នាំ​ថ្មី ។ ក្លិបកម្សាន្ត​ដែលជាកន្លែងពេញនិយមសម្រាប់ភ្ញៀវទេសចរដែលទៅទស្សនាភ្នំអាល់ ភាគ​ខាង​ប្រទេស​ស្វីស ពោរពេញទៅដោយអ្នករីករាយនៅពេលដែលការផ្ទុះបានកើតឡើង។

បើតាមសាក្សី បានឲ្យដឹងថា ការផ្ទុះនេះ បានបង្កភាពចលាចលភ្លាមៗ ដែលនាំឱ្យមានការភ័យស្លន់ស្លោកាន់តែខ្លាំង ខណៈដែលមនុស្សបាននាំគ្នារត់គេចខ្លួន។ រថយន្តសង្គ្រោះបន្ទាន់បានមកដល់កន្លែងកើតហេតុភ្លាមៗ ដើម្បីពន្លត់អណ្តាតភ្លើង និងផ្តល់ជំនួយដល់អ្នករបួស។

ការ​ផ្ទុះ​នេះ​បាន​ធ្វើ​ឱ្យ​មនុស្ស​ជា​ច្រើន​នាក់​ស្លាប់ និង ៤០នាក់​ផ្សេង​ទៀត​រង​របួស ដែល​ខ្លះ​មាន​សភាព​ធ្ងន់ធ្ងរ។ ក្នុងចំណោមអ្នកស្លាប់ គឺជាអ្នកដឹកនាំរថភ្លើង ក្នុងចំណោមពីរនាក់ដែលជាប់ពាក់ព័ន្ធ ដែលជាឧបទ្ទវហេតុដ៏គ្រោះថ្នាក់មួយដែលបញ្ជាក់ពីសារៈសំខាន់នៃបទប្បញ្ញត្តិសុវត្ថិភាពនៅក្នុងតំបន់ទេសចរណ៍ដែលមានចរាចរណ៍ខ្ពស់។ អ្នករងរបួសត្រូវបានបញ្ជូនទៅកាន់មន្ទីរពេទ្យក្បែរៗនោះក្នុងទីក្រុង Wallis ដើម្បីព្យាបាល។

ផលប៉ះពាល់ភ្លាមៗលើវិស័យទេសចរណ៍ និងការធ្វើដំណើរ

ព្រឹត្តិការណ៍សោកនាដកម្មនេះមិនត្រឹមតែប៉ះពាល់ដល់សហគមន៍ក្នុងតំបន់ប៉ុណ្ណោះទេ ថែមទាំងទេសចរណ៍ក្នុងតំបន់ Crans-Montana និងតំបន់​ភ្នំអាល់ (Alps) នៃប្រទេសស្វីស​យ៉ាងធំទូលាយផងដែរ។ ទីក្រុងនេះត្រូវបានគេស្គាល់ថាជារមណីយដ្ឋានជិះស្គីដ៏ប្រណីត ទាក់ទាញភ្ញៀវទេសចរអន្តរជាតិរាប់ពាន់នាក់ជារៀងរាល់ឆ្នាំ។ ជាមួយនឹងអ្នកទស្សនា ៥០០០នាក់​ជាធម្មតា សម្រុក​ទៅ​ទីក្រុងដើម្បី​​រីករាយ​ក្នុងឆ្នាំថ្មី។ ការផ្ទុះ និងភ្លើងជាបន្តបន្ទាប់បានបណ្តាលឱ្យមានការរំខានយ៉ាងទូលំទូលាយ។

ភ្លាមៗនោះ ការផ្ទុះនេះបាននាំឱ្យមានការបិទផ្លូវ និងការរំខានដល់ការដឹកជញ្ជូន ខណៈដែលក្រុមឆ្លើយតបបន្ទាន់បានធានាសុវត្ថិភាពនៅតំបន់នោះ ហើយបានចាប់ផ្តើមការស៊ើបអង្កេតរបស់ពួកគេ។ ផ្លូវសំខាន់ៗនៅជិតរបារត្រូវបានបិទជាបណ្ដោះអាសន្ន ដែលបង្កើតការរាំងស្ទះដល់ភ្ញៀវទេសចរ និងអ្នករស់នៅដូចគ្នា។ ការ​រំខាន​នេះ​បាន​ធ្វើ​ឱ្យ​មាន​ភាព​ចលាចល​ក្នុង​ការ​ធ្វើ​ដំណើរ​យ៉ាង​ខ្លាំង​សម្រាប់​អ្នក​ទេសចរ​ទាំង​ពីរ​ដែល​ព្យាយាម​ចាកចេញ និង​ភ្ញៀវ​ថ្មី​ដែល​សង្ឃឹម​ថា​នឹង​ទៅ​ទីក្រុង។

សម្រាប់អ្នកដែលមានវត្តមាន​រួចហើយ នៅ Crans-Montana ប្រព័ន្ធដឹកជញ្ជូនត្រូវបានរងផលប៉ះពាល់យ៉ាងខ្លាំង ដោយសេវាកម្មផ្លូវដែក និងផ្លូវតាក់ស៊ីត្រូវបានពន្យារពេល។ អ្នកទេសចរជាច្រើនបានរកឃើញថាខ្លួនគេជាប់គាំង ឬផ្លាស់ប្តូរផ្លូវនៅពេលដែលអាជ្ញាធរស្វីសបានព្យាយាមដើម្បីធានាសុវត្ថិភាពរបស់ពួកគេ និងផ្តល់ការណែនាំច្បាស់លាស់អំពីជម្រើសដឹកជញ្ជូនផ្សេងទៀត។ កង្វះមធ្យោបាយធ្វើដំណើរចេញក្រៅទីក្រុងអស់រយៈពេលជាច្រើនម៉ោងបានបន្ថែមភាពរអាក់រអួលដែលបណ្តាលមកពីសោកនាដកម្មនេះ។

មូលហេតុនៃការផ្ទុះ និងការស៊ើបអង្កេតកំពុងបន្ត

ខណៈ​អាជ្ញាធរ​មិន​ទាន់​បញ្ជាក់​ពី​មូលហេតុ​ពិត​ប្រាកដ​នៃ​ការ​ផ្ទុះ​នេះ ពួកគេ​សង្ស័យ​ថា​ «កំហុស​​កើតឡើង​ដោយសារ​ទង្វើមនុស្ស​»​។ យោងតាមមន្ត្រីរដ្ឋាភិបាល វិស្វកររថភ្លើងម្នាក់ក្នុងចំណោមវិស្វកររថភ្លើងដែលចូលរួមក្នុងឧបទ្ទវហេតុនេះ ប្រហែលជាមិនបានគោរពតាមសញ្ញាសុវត្ថិភាព ដែលនាំឱ្យមានការប៉ះទង្គិចគ្នាយ៉ាងធ្ងន់ធ្ងរ។ ទ្រឹស្ដីនេះត្រូវបានគាំទ្រដោយការរកឃើញដំបូងពីអ្នកស៊ើបអង្កេត ដែលបានឃាត់ខ្លួនកម្មករចំនួន៤​​នាក់ផងដែរដែលពាក់ព័ន្ធនឹងប្រតិបត្តិការដើម្បីសាកសួរ និងធ្វើតេស្ដជាតិអាល់កុលជាផ្នែកមួយនៃការស៊ើបអង្កេត។

អាជ្ញាធរ​កំពុង​ពិនិត្យ​យ៉ាង​ដិតដល់​ចំពោះ​ឧបទ្ទវហេតុ​នេះ ខណៈ​ពួកគេ​បន្ត​វាយ​តម្លៃ​ថា​តើ​សោកនាដកម្ម​នេះ​អាច​ត្រូវ​បាន​បញ្ចៀស ឬ​វិធានការ​សុវត្ថិភាព​មិន​បាន​គ្រប់​គ្រាន់។ ការស៊ើបអង្កេតលើការផ្ទុះ និងពិធីការសុវត្ថិភាពកាន់តែទូលំទូលាយនៅ Crans-Montana កំពុងបន្ត ហើយសហគមន៍មូលដ្ឋានកំពុងរង់ចាំការអាប់ដេតលម្អិតបន្ថែមទៀតពីប៉ូលីសស្វីស និងអ្នកជំនាញផ្នែកកោសល្យវិច្ច័យ។

The post ការផ្ទុះ​​​​ក្លិបកម្សាន្ត​នៅ​ស្វីស​ កំពុង​ធ្វើឲ្យ​អ្នកទេសចរស្ថិតក្នុងភាពស្លន់ស្លោ appeared first on Kampuchea Thmey Daily.

ហេតុការណ៍ឆាបឆេះនេះដែរបង្កភ្ញាក់ផ្អើលកាលពីវេលាម៉ោង ០៦នឹង២០នាទីយប់ថ្ងៃទី២៨ ខែវិច្ឆិកា ឆ្នាំ២០២៥ នៅចំណុចផ្សារច្រាំងចំរេះទី០២ សង្កាត់ច្រាំងចំរេះទី០២ ខណ្ឌប្ញស្សីកែវ រាជធានីភ្នំពេញ ។

តាមការបញ្ជាក់ពីប្រជាពលរដ្ឋបានអោយដឹងថា គាត់កំពុងលេងនៅអង្គុយលេងក្រោមផ្ទះ ខណៈនោះគាត់ក៏បានឮសម្លេងផ្ទុះចេញពីជានឡៅតឿ។ ភ្លាមៗ គាត់បានរត់ស្ទុះឡើងមើលនៅខាងលើ ប៉ុន្តែដោយសារមានអណ្តាតភ្លើងឆេះលឿនពេក ទើបគាត់រត់ចេញមកក្រៅស្រែកបង្កការភ្ញាក់ផ្អើលដល់ប្រជាពលរដ្ឋក្បែរខាង នាំគ្នាយកទុយោទឹកទៅបាញ់តែ មិនទប់ទល់បាន ទើបប្រញាប់រាយការណ៍ជូនសមត្ថកិច្ចអោយជួយចុះមកអន្តរាគមន៍ ដើម្បីកុំអោយមានការរាលដាលដល់ផ្ទះដទៃទៀត ។

អគ្គិភ័យនេះដែរបានឆាបឆេះអស់សម្ភារៈខាងក្នុងផ្ទះអស់ទាំងស្រុង នឹងបានប្រើប្រាស់រថយន្តពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញចំនួន០៦គ្រឿង ប្រើប្រាស់ទឹកចំនួន០៣គ្រឿង ។ ចំពោះមូលហេតុ សមត្ថកិច្ចបានសន្និដ្ឋានបានអោយដឹងថា បណ្តាលមកឆ្លងចរន្តអគ្គិសនី៕ អត្ថបទ ៖ រដ្ឋា

The post ឆ្លងចរន្តអគ្គិសនី ឆាបឆេះសម្ភារៈក្នុងផ្ទះអស់ទាំងស្រុង នៅផ្សារច្រាំងចំរេះទី២ appeared first on Kampuchea Thmey Daily.

អគ្គីភ័យបានឆាបឆេះអគារតុលាការ Wang Fuk ​កម្ពស់​៣២​ជាន់​ ដោយ​មាន​​ប៉ម​ចំនួនប្រាំបីនៅក្នុងសង្កាត់ភាគខាងជើងនៃ Tai Po កាលពីរសៀល​​​ថ្ងៃពុធទី​២៦​ខែវិច្ឆិកា ដោយ​បង្ក​​ការ​តក់ស្លុតយ៉ាង​ខ្លាំង​​នៅក្នុងពិភពលោក​​។​

ប្រធានមន្ត្រី​សន្តិសុខហុងកុង លោក Chris Tang បាននិយាយនៅក្នុងសន្និសីទសារព័ត៌មានមួយបាននិយាយថា សំឡេងរោទិ៍អគ្គីភ័យនៅក្នុងអគារនេះមិនបានដំណើរការត្រឹមត្រូវទេ។ លោកបាននិយាយថា កិច្ចខិតខំប្រឹងប្រែង​ជួយ​សង្គ្រោះ​ឥឡូវនេះត្រូវបានបញ្ចប់ ហើយយ៉ាងហោចណាស់មនុស្ស ៧៩​​នាក់ រួមទាំងអ្នកពន្លត់អគ្គីភ័យ ១២​នាក់បានរងរបួស។

លំនៅឋានដែល​មាន​មនុស្សជាង ៤៦០០នាក់ត្រូវបានរុំដោយរន្ទាឬស្សី និងសំណាញ់ពណ៌បៃតងសម្រាប់ការងារជួសជុល។

ប៉ូលិសបាននិយាយថា ពួកគេបានចាប់ខ្លួនមន្ត្រីក្រុមហ៊ុនសំណង់ចំនួនបីនាក់​ជាប់​សង្ស័យក្នុង​អំពើឃាតកម្ម ដោយ​ការ​ប្រើប្រាស់សម្ភារៈគ្មានសុវត្ថិភាព រួមទាំងបន្ទះស្នោដែលងាយឆេះបានបិទបាំង​​បង្អួច៕​

The post ​​តួលេខ​ចុង​ក្រោយ​ អ្នកស្លាប់ក្នុងហេតុការ​ឆេះ​អគារ​នៅហុងកុង​​​កើន​ដល់​១២៨នាក់ ប្រមាណ​២០០​នាក់​នៅបាត់ខ្លួន​ appeared first on Kampuchea Thmey Daily.