តាមការបញ្ជាក់ពីប្រជាពលរដ្ឋបានអោយដឹងថា មុនកើតហេតុ គេបានឮសម្លេង ចេញពីក្នុងដេប៉ូបញ្ជូល និងលក់ហ្គាស លុះមួយសន្ទុះក្រោយមក ក៏ស្រាប់តែផ្ទុះកំប៉ុងហ្គាស ជាបន្តបន្ទាប់ រហូតបង្កអោយកើតមានអណ្តាតភ្លើងយ៉ាងសន្ធោសន្ធៅ បង្កភ្ញាក់ផ្អើលដល់ពលរដ្ឋ នៅក្បែរនោះឆោរឡោរ ប្រញាប់ប្រញាល់រាយការណ៍ទៅកាន់សមត្ថកិច្ចមូលដ្ឋាន ដើម្បីបន្តទាក់ទងមន្រ្តីជំនាញពន្លត់អគ្គិភ័យ ជួយអន្តរាគមន៍ អោយទាន់ពេលវេលា។

អគ្គិភ័យនេះបង្កការខូចខាតយ៉ាងធ្ងន់ធ្ងរ ដល់ដេប៉ូបញ្ចូល និងលក់ហ្គាស ចំនួន ០១ រួចរាលដាលដល់ផ្ទះប្រជាពលរដ្ឋចំនួន ០៥ល្វែង , រថយន្ត ០៣គ្រឿង , ម៉ូតូសណ្តោងរម៉ក់ ០១គ្រឿង និងបង្គោលភ្លើងចំនួន ០៤ដើម តែសំណាងគ្មានមនុស្សរងរបួស។

ក្នុងនោះមន្រី្ដជំនាញប្រើប្រាស់រថយន្តពន្លត់អគ្គិភ័យ របស់ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ និងរថយន្តជំនួយ របស់ក្រសួងមហាផ្ទៃ មកអន្តរាគមន៍បាញ់ពន្លត់អោយរលត់ជាស្ថាពរ។ ចំពោះមូលហេតុ សមត្ថកិច្ច កំពុងបើកការស្រាវជ្រាវនៅទីតាំងកើតហេតុ ៕ អត្ថបទ ៖ រដ្ឋា

The post អគ្គិភ័យឆេះដេប៉ូបញ្ជូល និងលក់ហ្គាស រាលដាលដល់ផ្ទះពលរដ្ឋចំនួន ០៥ល្វែង បង្កការខូចខាតយ៉ាងធ្ងន់ធ្ងរ appeared first on Kampuchea Thmey Daily.

ហេតុការណ៍នេះបង្កភ្ញាក់ផ្អើលកាលពីវេលាម៉ោង០៣រសៀល ថ្ងៃទី០១ ខែមករា ឆ្នាំ២០២៦ នៅចំណុចឃ្លាំងស្តុកទុយោជ័រ ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

តាមការបញ្ជាក់ពីប្រជាពលរដ្ឋនៅក្បែរៗនោះបានអោយដឹងថា មុនកើតហេតុ គេបានឃើញផ្សែងខ្មៅហ៊ុយ ចេញពីក្រោយផ្ទះរបស់ពួកគាត់ ដែលខាងក្រោយនោះគឺ មានឃ្លាំងស្តុកជ័រមួយកន្លែង។  ភ្លាមៗ គាត់មានការភ័យស្លន់ស្លោរ ខ្លាចមានការរាលដាលកាន់តែខ្លាំង បានប្រញាប់ប្រញាល់រាយការណ៍ជូនសមត្ថកិច្ចមូលដ្ឋាន ដើម្បីបន្តទាក់ទងទៅកាន់មន្រ្តីជំនាញពន្លត់អគ្គិភ័យ អោយជួយបញ្ចេញរថយន្តមកកាន់ទីតាំងខាងលើនេះផងដែរ ជៀសវាងមានការរាលដាលបន្តទៅទៀត។

អគ្គិភ័យនេះដែរ បានបង្កការខូចខាតឃ្លាំងស្តុកទុយោជ័រ រួមជាមួយសម្ភារៈមួយចំនួន អស់ស្ទើរទាំងស្រុង ក្នុងនោះបានប្រើប្រាស់រថយន្តពន្លត់អគ្គិភ័យ របស់ស្នងការដ្ឋាននគរបាលរាជធានីភ្នំពេញ នឹងរថយន្តជំនួយទីក្រុងនរា , រថយន្ត បុរីប៉េងហួត , រថយន្តសាលាខណ្ឌច្បារអំពៅ អស់ជាច្រើនគ្រឿង អន្តរាគមន៍បាញ់អោយរលត់ជាស្ថាពរ។ ចំពោះមូលហេតុ សមត្ថកិច្ចជំនាញកំពុងធ្វើការស្រាវជ្រាវ រកមូលហេតុ ៕ អត្ថបទ ៖ រដ្ឋា

The post ឆាបឆេះឃ្លាំងស្តុកជ័រ រួមសម្ភារៈមួយចំនួនខូចខាតស្ទើរទាំងស្រុង នៅសង្ដាត់និរោធ appeared first on Kampuchea Thmey Daily.

អគ្គិភ័យនេះដែរបានកើតឡើងកាលពីវេលាម៉ោង ០៨ព្រឹកថ្ងៃទី ១៥ ខែវិច្ឆិកា ឆ្នាំ២០២៥ នៅចំណុចគល់ស្ពានអាកាសមរតកតេជោ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

បើតាមប្រភពព័ត៍មានពីពលរដ្ឋរស់នៅផ្នែកខាងក្រោយបានអោយដឹងថា មុនកើតហេតុ គេបានធុំក្លិនឈ្ងៀមផ្សែង ភ្លាមៗក៏នាំគ្នាស្ទុះរត់ចេញមកមើល បានប្រទះឃើញផ្សែងខ្មៅលាយលំអណ្តាតភ្លើងឆេះផ្ទះបាត់ទៅហើយ ។ ខណៈពេលនោះប្រជាពលរដ្ឋបាននាំគ្នា ជួយយកទឹកពន្លត់ដែរ ប៉ុន្តែមិនអាចគ្រប់គ្រងបាន នឹងមានការរាដាលយ៉ាងឆាប់រហ័សព្រោះមានខ្យល់មកខ្លាំងស្របពេលភ្លើងឆេះ ទើបពលរដ្ឋប្រញាប់ប្រញាល់រាយការណ៍ជូនសមត្ថកិច្ច ដើម្បីអន្តរាគម៍ទីតាំងឆាបឆេះ ។

អគ្គិភ័យខាងលើនេះដែរបានឆាបឆេះផ្ទះប្រក់ស័ង្កសីចំនួន ១២ខ្នងអស់ទាំងស្រុង នឹងបានប្រើប្រាស់រថយន្តពន្លត់អគ្គិភ័យ ចំនួន ១២គ្រឿង ក្នុងនោះមានរថយន្តរបស់ការិយាល័យបង្ការពន្លត់អគ្គិភ័យ នឹងរថយន្តជំនួយទីក្រុងនរា បាញ់អោយរលត់ជាស្ថាពរ ។ ចំពោះមូលហេតុសមត្ថកិច្ចសន្និដ្ឋានជំហានដំបូង សង្ស័យឆ្លងចរន្តអគ្គិសនី ៕ អត្ថបទ  ៖ រដ្ឋា

The post សង្ស័យឆ្លងចរន្តអគ្គិសនីឆាបឆេះផ្ទះឈើប្រក់ស័ង្កសី អស់ចំនួន១២ខ្នង ទាំងព្រឹកនៅក្បែរគល់ស្ពានអាកាសមរតកតេជោ appeared first on Kampuchea Thmey Daily.

សូមបញ្ជាក់ថា ហេតុការណ៍ឆេះក្លឹបកម្សាន្ដ មីតណាយព្រីមៀរ នៅតាមបណ្ដោយផ្លូវ៥០ម៉ែត្រ ក្នុងភូមិប្រការ សង្កាត់ព្រៃស ខណ្ឌដង្កោ កាលពីថ្ងៃទី៥ ខែកុម្ភៈម្សិលមិញនេះ មានជនរងគ្រោះសរុប៧នាក់ ក្នុងនោះស្លាប់ភ្លាមៗ២នាក់ និងរបួសធ្ងន់ចំនួន៥នាក់ ហើយមកដល់រសៀលថ្ងៃទី៦កុម្ភៈនេះ មានជនរងគ្រោះពីរនាក់បន្ថែមទៀតបានស្លាប់នៅក្នុងមន្ទីរពេទ្យ។

សរុបមក ជនរងគ្រោះក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ គិតមកដល់រសៀលថ្ងៃទី៦កុម្ភៈនេះ មានជនរងគ្រោះចំនួន៤នាក់បានបាត់បង់ជីវិត និង៣នាក់ទៀតកំពុងសង្គ្រោះបន្ទាន់៕

The post ជនរងគ្រោះពីរនាក់ទៀត ក្នុងហេតុការណ៍ឆេះក្លឹបនៅខណ្ឌដង្កោ បានស្លាប់នៅរសៀលនេះ appeared first on Kampuchea Thmey Daily.

អគ្គីភ័យនេះបានកើតឡើងកាលពីល្ងាចថ្ងៃសុក្រនៅឯមន្ទីរពេទ្យមួយក្នុងទីក្រុង Jhansi ក្នុងរដ្ឋ Uttar Pradesh ប្រទេសឥណ្ឌា។ ក្រុមមន្ត្រីបាននិយាយថា អណ្តាតភ្លើងបានរាលដាលយ៉ាងលឿនឆ្លងកាត់បន្ទប់ថែទាំទារក ដែលមានទារកចំនួន ៥៥ នាក់កំពុងត្រូវបានព្យាបាល ទារកចំនួន ៤៥ នាក់ត្រូវបានជួយសង្គ្រោះ និងកំពុងទទួលបានការថែទាំសុខភាព។

ការស៊ើបអង្កេតដំបូងចង្អុរលើភាពយឺតយ៉ាវនៃពិធីសារសុវត្ថិភាព រួមទាំងឧបករណ៍ពន្លត់អគ្គីភ័យដែលផុតកំណត់ និងការជូនដំណឹងអំពីអគ្គីភ័យដែលយឺតយ៉ាវ ដែលបានពន្យារពេលកិច្ចខិតខំប្រឹងប្រែងជួយសង្គ្រោះ។ អាជ្ញាធរ​កំពុង​ធ្វើ​ការ​ស៊ើបអង្កេត​យ៉ាង​ហ្មត់ចត់​ដើម្បី​កំណត់​ពី​មូលហេតុ​នៃ​ការ​ឆេះ និង​អ្នក​ទទួលខុសត្រូវ។

យោងតាមលោក Brajesh Pathak ឧបនាយករដ្ឋមន្ត្រីនៃរដ្ឋ Uttar Pradesh ដែលបានទៅពិនិត្យមន្ទីរពេទ្យ និង​ជួបជាមួយក្រុមគ្រួសារកាលពីថ្ងៃសៅរ៍ បាន​សន្យា​គាំទ្រ​រដ្ឋាភិបាល​សម្រាប់​ក្រុម​គ្រួសារ​ជនរងគ្រោះ និង​បាន​សន្យា​ថា​នឹង​មាន​ការ​ស៊ើបអង្កេត​ឲ្យ​បាន​ហ្មត់ចត់។

លោក​បាន​និយាយថា៖​«យើងនឹងកំណត់អត្តសញ្ញាណអ្នកដែលទទួលខុសត្រូវចំពោះសោកនាដ​កម្មនេះ ហើយចាត់វិធានការយ៉ាងតឹងរ៉ឹង រដ្ឋាភិបាល​ឈរ​ជាមួយ​គ្រួសារ​ក្នុង​គ្រា​លំបាក​នេះ»។ លោក​បាន​បន្ថែម​ថា ការ​ធ្វើ​តេស្ត DNA ក៏កំពុង​ត្រូវ​បាន​ធ្វើ​ហើយសាកសព​ទារក​នឹង​ត្រូវ​ប្រគល់​ទៅ​ឲ្យ​ក្រុម​គ្រួសារ​របស់​ពួកគេ។

សមាជិក​គ្រួសារ​ដែល​មាន​ការ​តក់ស្លុត និង​សោកសៅ​បាន​បោះ​ជំរំ​នៅ​ក្បែរ​មន្ទីរពេទ្យ​កាលពី​ថ្ងៃ​សៅរ៍ ដើម្បី​ទាមទារ​ចម្លើយ​ជុំវិញ​អ្វី​ដែល​ពួកគេ​ជឿ​ថា​ហេតុការណ៍នេះកើតឡើងដោយសារតែ​វិធានការ​សុវត្ថិភាព​មិន​ល្អ។ ខណៈ​ពេល​ដែល​សំឡេង​រោទិ៍​ភ្លើង​ត្រូវ​បាន​គេ​ដំឡើង​នៅ​ក្នុង​បន្ទប់​ថែទាំ​ ឪពុក​ម្តាយ និង​សាក្សី​បាន​និយាយ​ថា គ្មានអ្នកណា​បាន​ធ្វើ​សកម្មភាព​ក្នុង​ពេល​មាន​អគ្គិភ័យ​នោះ​ទេ ខណៈបុគ្គលិក​មន្ទីរពេទ្យ​បាន​ធ្វើ​សកម្មភាព​បន្ទាប់​ពី​ពួកគេ​ឃើញ​មាន​ផ្សែង និង​ភ្លើង។

គួរបញ្ជាក់ថាអគ្គីភ័យគឺជារឿងធម្មតានៅក្នុងប្រទេសឥណ្ឌា ដែលច្បាប់សាងសង់ និងបទដ្ឋានសុវត្ថិភាពជារឿយៗត្រូវបានបំពានដោយអ្នកសាងសង់ និងអ្នករស់នៅ។ ការ​ថែទាំ​មិន​បាន​ល្អ និង​កង្វះ​ឧបករណ៍​ពន្លត់​អគ្គិភ័យ​ត្រឹមត្រូវ​ក្នុង​ប្រទេស​ក៏​នាំ​ឲ្យ​មាន​មនុស្ស​ស្លាប់​ច្រើនផងដែរ៕

អត្ថបទ៖ ប៊ុន សុភាព

The post ទារកទើបកើត១០នាក់ស្លាប់​ក្នុង​អគ្គីភ័យ​ឆេះ​អគារមន្ទីរពេទ្យនៅភាគខាងជើងឥណ្ឌា​ appeared first on Kampuchea Thmey Daily.

យោងតាមការិយាល័យគ្រប់គ្រងគ្រាអាសន្នក្នុងតំបន់បានឱ្យដឹងថា មនុស្ស​៧នាក់បានស្លាប់ និង​២នាក់ទៀតកំពុងបាត់ខ្លួន បន្ទាប់ពីផ្ទះមួយបានឆាបឆេះកាលពីព្រឹកថ្ងៃសៅរ៍នៅក្នុងទីក្រុង Huainan នៃខេត្ត Anhui ភាគខាងកើតប្រទេសចិន។ ប៉ុន្តែក្រោយមកក៏បានរកឃើញមនុស្ស២នាក់ដែលបាត់ខ្លួននិងបានបញ្ជាក់ថាបានស្លាប់ ដែលនាំឲ្យចំនួនអ្នកស្លាប់កើនដល់៩នាក់។

អគ្គីភ័យ​បាន​ឆាបឆេះ​កាលពី​វេលា​ម៉ោង​៥​ទៀបភ្លឺ​នៅផ្ទះ​៤​ជាន់​ដែល​សង់​ដោយ​ខ្លួនឯង​ក្បែរ​រោងចក្រ​ថាមពល Tianji ក្នុងស្រុក Panji ខណៈជាន់​ខាង​លើ​សង់​ពី​ដែក​ត្រូវ​បាន​បំផ្លាញ​ទាំង​ស្រុង​ក្នុង​គ្រោះ​អគ្គិភ័យ។ មកដល់ពេលនេះមិនទាន់មានព័ត៌មានលម្អិត និងមូលហេតុពិតប្រាកដដែលបណ្ដាលឲ្យកើតមានអគ្គីភ័យដ៏សាហាវនេះនោះទេ ដោយកំពុង​ស្ថិតនៅក្រោម​ការស៊ើបអង្កេត ​ខណៈកងពន្លត់អគ្គីភ័យក្នុងតំបន់ និងនាយកដ្ឋានសន្តិសុខសាធារណៈ និងការគ្រប់គ្រងគ្រាអាសន្ន កំពុងបន្តធ្វើប្រតិបត្តិការជួយសង្គ្រោះ។

គួរបញ្ជាក់នេះមិនមែនជាករណីដំបូងដែលមានអគ្គីភ័យឆាបឆេះបែបនេះ​នោះទេ ដោយសារប្រទេសចិនជាញឹកញាប់តែងតែមានករណីអគ្គីភ័យកើតឡើងមិនថានៅទីក្រុងឬតំបន់ទីប្រជុំជនដោយសារប្រទេសនេះមានសំណង់អគារច្រើននិងរញ៉េរញ៉ៃ និងខ្លះមិនត្រូវតាមស្ដង់ដារសុវត្តិភាពដែលបានធ្វើឲ្យរដ្ឋាភិបាលប្រទេសចិនប្រកាសរឹតបន្ដឹងច្បាប់សាងសង់អគារនិងស្ដង់ដារសុវត្តិភាពផងដែរ៕

អត្ថបទ៖ ប៊ុន សុភាព

The post ​ភ្លើង​ឆេះ​ផ្ទះ​ដ៏សាហាវឆក់យកជីវិតមនុស្ស ៩នាក់នៅភាគខាងកើតប្រទេសចិន appeared first on Kampuchea Thmey Daily.

កងពលតូចលេខ៧០ គឺកើតចេញពីវរសេនាធំលេខ៧០ ដែលត្រូវបានសម្រួលមកជាកងពលតូចថ្មើរជើងលេខ៧០ តាមអនុក្រឹត្យលេខ៥១ អនក្រ ចុះថ្ងៃទី១៥ ខែតុលា ឆ្នាំ១៩៩៤ របស់រាជរដ្ឋាភិបាលស្ថិតក្រោមការដឹកនាំបញ្ជាដោយផ្ទាល់របស់អគ្គសេនាធិការ នៃកងយោធពលខេមរភូមិន្ទនាកាលនោះ គឺមាននាយឧត្ដមសេនីយ៍ ម៉ៅ សុផាន់ ជាមេបញ្ជាកងពលរហូតដល់ឆ្នាំ២០២៣។

នៅថ្ងៃទី៦ ខែកញ្ញា ឆ្នាំ២០១៨ ដើម្បីអនុវត្តន៍ផែនការកំណែទម្រង់កងយោធពលខេមរភូមិន្ទ កងពលតូចថ្មើរជើងលេខ៧០ ត្រូវបានផ្ទេរក្របខណ្ឌពីអគ្គបញ្ជាការដ្ឋានក្រោមចំណុះផ្ទាល់បញ្ជាការដ្ឋានកងទ័ពជើងគោក និងបានកែប្រែឈ្មោះពីកងពលតូចថ្មើរជើងលេខ៧០ មកជាកងពលតូចលេខ៧០ តាមប្រកាស លេខ ៥៤២ប.ឈ/០៥១៩ ចុះថ្ងៃទី២៣ ខែឧសភា ឆ្នាំ២០១៩ របស់ក្រសួងការពារជាតិ។

តាមរបាយការណ៍សង្ខេប កងពលតូចលេខ៧០ មានភារកិច្ច ដែលបាននិងកំពុងបំពេញភារកិច្ចលើកិច្ចការងារមួយចំនួនដូចជាគ្រប់គ្រងចំនួនទ័ព រៀបចំទុកដាក់ ថែរក្សាគ្រឿងបំពាក់ សម្ភារបច្ចេកទេស អាវុធយុទ្ធភ័ណ្ឌ គ្រាប់រំសេវ គ្រឿងយន្ត គ្រឿងចក្រ យុទ្ធោបករណ៍ ធានាបានសុវត្ថិភាព ត្រៀមប្រយុទ្ធ បម្រើ​ប្រយុទ្ធ  ការពារថ្នាក់ដឹកនាំជាន់ខ្ពស់ជាតិ និងអន្តរជាតិ គោលដៅសំខាន់ និងការពារក្បួនរបស់ថ្នាក់ដឹកនាំក្រសួងការពារជាតិ ហើយក៏ជាតម្រួតយោធាដែលមានតួនាទីត្រួតពិនិត្យរាល់វិន័យសណ្ដាប់ធ្នាប់យោធិន ត្រៀមកម្លាំងជាប្រចាំរងចាំបទបញ្ជា និងបានចូលរួមសហការជាមួយកងរាជអាវុធហត្ថលើផ្ទៃប្រទេស បញ្ជាការដ្ឋានកងអង្គរក្ស និងអគ្គស្នងការនគរបាលជាតិ សមត្ថកិច្ចពាក់ព័ន្ធ ទប់ស្កាត់រាល់ការប៉ុនប៉ងផ្តួលរំលំរាជរដ្ឋាភិបាល រក្សាបាននូវសន្តិភាព ស្ថិរភាពនយោបាយ និងសន្តិសុខ សណា្តប់ធា្នប់ក្នុងរាជធានីភ្នំពេញ និិងចូលរួមហ្វឹកហ្វឺនជាមួយភាគីកូរ៉េ។

នៅថ្ងៃទី២៣ ខែវិច្ឆិកា ឆ្នាំ២០០០  បានប្រើប្រាស់កម្លាំងចូលរួមបង្រ្កាបក្រុមភេរវកម្ម CFF ដោយកម្ទេចក្រុមខ្មាំងនៅនឹងកន្លែងបាន១នាក់ និងចាប់ឈ្លើយសឹកបានចំនួន៣៧នាក់ ព្រមទាំងរឹបអូសអាវុធបានចំនួន៤៧ដើម។  

កងពលតូចលេខ៧០ ក៏បានបម្រើពលរដ្ឋមិនយកកម្រៃ តាមរយៈការជួយពន្លត់អគ្គីភ័យជាង២០០លើក សង្គ្រោះពលរដ្ឋ និងជម្លៀសពលរដ្ឋរងគ្រោះព្រោះទឹកជំនន់ សង្គ្រោះពលរដ្ឋជួបគ្រោះថ្នាក់ជាង២៩០០លើក បាញ់ថ្នាំមូស បាញ់ថ្នាំការពារមេរោគកូវីដ១៩ សង្គ្រោះករណីបាក់អគារនៅខេត្តព្រះសីហនុ ជួយសង្គ្រោះបុរសម្នាក់ដែលធ្លាក់ជាប់ក្នុងគន្លាតភ្នំនៅខេត្តបាត់ដំបង ករណីបាក់អគារនៅខេត្តកែប ករណីឆេះកាស៊ីណូនៅក្រុងប៉ោយប៉ែត ករណីបាក់ពិដានកាស៊ីណូនៅខេត្តតាកែវ  ជួយសង្គ្រោះអ្នកប៉ុនប៉ងលោតសម្លាប់ខ្លួនពីលើអគារចំនួន០២លើក និងកាលពីខែកក្កដា កន្លងទៅនេះ បានចូលរួមក្នុងប្រតិបត្តិការស្វែងរកឧត្ថម្ភាចក្រដែលបានធ្លាក់នៅភ្នំយ៉ាវយ៉ៃ ស្រុកវាលវែង ខេត្តពោធិ៍សាត់៕​

ដោយ៖ ង៉ិល ណារ៉ាត់

The post កងពលតូចលេខ៧០ មានប្រវត្តិបែបណា? ៣០ឆ្នាំមកនេះ បានបម្រើសង្គមជាតិ និងពលរដ្ឋដូចម្ដេចខ្លះ? appeared first on Kampuchea Thmey Daily.

ភ្លើងឆេះយ៉ាងសន្ធោសន្ធៅបានឆាបឆេះរថយន្តក្រុងនៅលើផ្លូវហាយវេនៅជាយក្រុងបាង​កក​ភាគខាងជើង ខណៈដែល​រថយន្ត​ក្រុង​នោះ​បានដឹកកុមារចំនួន៣៨​នាក់ ចាប់ពីអាយុមត្តេយ្យ​ដល់ក្មេងវ័យ​ជំទង់ និងគ្រូបង្រៀន៦នាក់កំពុងធ្វើដំណើរទៅសាលារៀន។

តាមរយៈ​ការ​ផ្សាយ​របស់​​​សារព័ត៌មាន​ថៃ​ ស្ថាប័ន​ព្រះបរមរាជវាំង ស្ថាប័ន​​​រដ្ឋាភិបាល​​ និង​ស្ថាប័ន​​អបរំ​ សុទ្ធ​តែ​បាន​សំដែង​មរ​ណៈទុក្ខ​ដ៏ក្រៀម​ក្រំ​​ក្នុង​ហេតុការណ៍​ឆេះ​​រថយន្តក្រុង​​នៅថ្ងៃ​អង្គារ​ទី​១ខែ​តុលា​ ក្នុងខេត្ត​ Pathum Thani។

ព្រះអង្គម្ចាស់ក្សត្រី Sirivannavari Nariratana បានបង្ហោះសារ​ក្នុងបណ្តាញ​សង្គម Instagram  ក្នុង​ន័យ​ថា​៖«ខ្ញុំសូមចូលរួមរំលែកទុក្ខដល់ក្រុមគ្រួសាររបស់សិស្ស និងលោកគ្រូអ្នកគ្រូទាំងអស់ និងចូលរួមកាន់ទុក្ខសោកនាដកម្មនេះ»។

នាយករដ្ឋមន្ត្រី Paetongtarn Shinawatra បាននិយាយនៅក្នុងការបង្ហោះនៅលើប្រព័ន្ធផ្សព្វផ្សាយសង្គម X ថា «ក្នុងនាមជាម្តាយ ខ្ញុំចង់ចូលរួមរំលែកទុក្ខយ៉ាងក្រៀមក្រំបំផុតចំពោះគ្រួសារ»៕​

ដោយ រ៉ាន់ រើយ​

The post ស្ថាប័ន​ជាតិ​សំខាន់​ៗ​របស់ថៃ​​សំដែង​មរណទុក្ខ​​ appeared first on Kampuchea Thmey Daily.