ថ្លែងប្រាប់ក្រុមអ្នកសារព័ត៌មានក្នុងដំណើរទស្សនកិច្ច​សិក្សា​ស្វែង​យល់ពី​តំបន់បេតិកភណ្ឌក្នុង​តំបន់រមណីយដ្ឋានអង្គរ លោក យិត ចាន់ដារដ្ឋ អគ្គនាយករងអាជ្ញាធរជាតិអប្សរាបានឲ្យដឹងថា ការស្នើ​សុំ​ចុះបញ្ជីទីតាំងណាមួយជាសម្បត្តិបេតិកភណ្ឌពិភពលោករបស់អង្គការយូណេស្កូ ត្រូវឆ្លងកាត់ការវាយតម្លៃ ហើយ​​សម្បត្តិបេតិកភណ្ឌនេះ​ត្រូវ​មាន​លក្ខណៈ​លេចធ្លោជាសកល (Outstanding Universal Value)។

ការវាយតម្លៃភាពលេចធ្លោជាសកលនៃសម្បត្តិបេតិកភណ្ឌពិភពលោកមាន ១០ ចំណុច ដែលក្នុងនោះ ៦ ទាក់ទងនឹងសម្បត្តិបេតិកភណ្ឌវប្បធម៌ និង ៤ ទាក់ទងសម្បត្តិបេតិកភណ្ឌធម្មជាតិ។

លោក យិត ចាន់ដារដ្ឋ បញ្ជាក់យ៉ាងដូច្នេះ​ថា «ការបំពេញបានយ៉ាងហោចណាស់លក្ខខណ្ឌ ១ ក្នុងចំណោមលក្ខខណ្ឌទាំំង​ ១០ នឹងទទួលបានការពិនិត្យវាយតម្លៃ ដើម្បីចុះបញ្ជីជាសម្បត្តិបេតិកភណ្ឌពិភពលោក​ជា​ផ្លូវការ»។

លោកលើកឧទាហរណ៍ជាក់ស្តែង ការចុះបញ្ជីរមណីយដ្ឋានអង្គរជាសម្បត្តិបេតិកភណ្ឌពិភពលោករបស់អង្គការយូណេស្កូកាលពីថ្ងៃទី ១៤ ខែធ្នូ ឆ្នាំ១៩៩២ បានបំពេញនូវលក្ខខណ្ឌរហូតដល់ទៅ ៤ ក្នុងចំណោមលក្ខខណ្ឌទាំង ១០។

ឯកសារពី​លក្ខខណ្ឌទាំង ១០ ដើម្បីចុះបញ្ជីជាសម្បត្តិបេតិកភណ្ឌពិភពលោក

ពាក់ព័ន្ធដំណើរការដើម្បីទទួលបានការវាយតម្លៃចុះបញ្ជីជាសម្បត្តិបេតិកភណ្ឌពិភពលោក លោក យិត ចាន់ដារដ្ឋ បានបញ្ជាក់ថា ជាដំបូងក៏មិនអាចស្នើសុំភ្លាមៗបានដែរ គឺត្រូវដាក់បញ្ចូលទៅក្នុងបញ្ជីបម្រុង (Tentative List) ជាមុន​សិន​។ បន្ទាប់ពីដាក់ពាក្យស្នើសុំចុះបញ្ជីជាផ្លូវការ អ្នកជំនាញរបស់អង្គការយូណេស្កូ (UNESCO) នឹងចុះមកសិក្សា និងវាយតម្លៃយ៉ាងល្អិតល្អន់ ដើម្បីបញ្ជាក់ថាតើសម្បត្តិនោះពិតជាមានតម្លៃលេចធ្លោជាសកលពិតមែនឬអត់។

ប្រសិនបើអ្នកជំនាញរកឃើញថា វាពិតជាមានតម្លៃសកលមែននោះ គណៈកម្មាធិការនឹងយកទៅពិភាក្សានៅក្នុងកិច្ចប្រជុំ ដើម្បីបោះឆ្នោតសម្រេចថាតើគួរទទួលស្គាល់ ទាត់ចោល ឬទាមទារឲ្យភាគីប្រទេស​សាមី​ធ្វើកិច្ចការបន្ថែមទៀតសិន។

បើតាមមន្រ្តីជំនាញអាជ្ញាធរជាតិអប្សរា មុននឹងត្រូវបានចុះបញ្ជី ប្រទេសសាមីក៏ត្រូវតែបង្ហាញពីការត្រៀមខ្លួន ដោយត្រូវបង្កើតប្រព័ន្ធច្បាប់ និងលិខិតបទដ្ឋានគតិយុត្តនានា ដើម្បីការពារសម្បត្តិនោះដោយខ្លួនឯងជាមុនសិន។ ការការពារនេះរួមមាន ការទប់ស្កាត់ការជីកកកាយខុសច្បាប់ និងការគ្រប់គ្រងសកម្មភាពទេសចរណ៍នានា ដើម្បីកុំឲ្យសម្បត្តិដើមបាត់បង់ ដោយត្រូវមានស្ថាប័នការពារច្បាស់លាស់៕

The post ​បំពេញ​លក្ខខណ្ឌយ៉ាងហោចណាស់ ១ ក្នុងចំណោម ១០ ទើបអាចចុះបញ្ជីក្នុងសម្បត្តិបេតិកភណ្ឌពិភពលោក appeared first on Kampuchea Thmey Daily.

យោងតាមក្រសួងទេសចរណ៍ ព្រឹត្តិការណ៍សមរាត្រី Equinox Angkor បានស្តែងឱ្យឃើញពីលក្ខណៈពិសេសរបស់បុព្វបុរសខ្មែរ ក្នុងការ​គិតគូរពីប្លង់ស្ថាបត្យកម្ម ប្លង់សាងសង់ប្រាសាទ ការរៀបចំដីធ្លី ការគន់គូរតាមគណិតវិទ្យា ការគិត​គូរពីដំណើរតារាសាស្ត្រ រួមផ្សំជាមួយជំនឿ ដែលបង្កើតបាន​ជាបាតុ​ភូតរះ​ចំកំពូលកណ្តាល នៃប្រាសាទអង្គរវត្ត។

ព្រឹត្តិការណ៍សមរាត្រី Equinox Angkor គឺជាព្រឹត្តិការណ៍ដ៏ពេញនិយមបំផុតមួយ ដែលទាក់ទាញភ្ញៀវទេសចរជាតិ-អន្តរជាតិពីគ្រប់ទិសទី មកប្រជុំគ្នា​នៅមុខច្រកចូលទិសខាងលិច​នៃប្រាសាទអង្គរវត្ត ដើម្បីទស្សនា និងផ្តិតយករូបភាពពីព្រឹត្តិការណ៍ដ៏អស្ចារ្យនេះ។

ក្រសួងអំពាវនាវឱ្យសាធារណជន និងភ្ញៀវទេសចរជាតិ-អន្តរជាតិទាំងអស់ ចូលរួមទស្សនាព្រឹត្តិការណ៍ដ៏អស្ចារ្យនេះកុំបីខាន និងផ្សព្វផ្សាយអំពីទេសចរណ៍កម្ពុជា ស្របតាមពាក្យស្លោក «ទេសចរណ៍ដើម្បីទាំងអស់គ្នា ទាំងអស់គ្នាដើម្បីទេសចរណ៍»៕

The post ថ្ងៃរះចំកំពូលកណ្ដាលប្រាសាទអង្គរវត្ត នឹងកើតមាននៅខែមីនា appeared first on Kampuchea Thmey Daily.

បើតាមប្រភពដដែល លោក ឆាយ រចនា ប្រធានការិយាល័យសិក្សាកុលាលភាជន៍អង្គរ នៃនាយកដ្ឋានស្រាវជ្រាវបណ្តុះបណ្តាល និងផ្សព្វផ្សាយ បានឱ្យដឹងថា កុលាលភាជន៍ប្រមាណ ២០ប្រភេទ ដែលផលិតនាសម័យអង្គរ ជាពិសេសនៅចុងសតវត្សរ៍ទី៩ រហូតដល់សតវត្សរ៍ទី១៤ ជាប្រភេទកុលាលភាជន៍ រួមមាន៖ ក្រឡ ផើង ក្អម ដន្លាប់ ចាន ពែង ខួច និងការផលិតក្បឿងជាដើម ដែលមនុស្សសម័យបុរាណតែងប្រើប្រាស់ប្រចាំថ្ងៃដោយកុលាលភាជន៍ទាំងនោះ ភាគច្រើនមានប្រភពមកពីស្ថានីយ៍ផលិតភាជន៍ថ្នល់ម្រេចភ្នំគូលែន និងស្ថានីយ៍ផលិតភាជន៍សសី។

លោកបន្តថា ពិព័រណ៍មិនអចិន្ត្រៃយ៍នេះ មានគោលបំណងចង់ឱ្យសាធារណជន បានយល់ដឹងពីឧស្សាហកម្មកុលាលភាជន៍នៅក្នុងសង្គមខ្មែរ មានការរីកចម្រើនខ្លាំង។ បើទោះបីសម័យអង្គរ មានទំនាក់ទំនងជាមួយអន្តរជាតិយ៉ាងណាក៏ដោយ ក៏បុព្វបុរសខ្មែរនៅតែផលិតសម្រាប់ប្រើប្រាស់ប្រចាំថ្ងៃ មិនពឹងផ្អែកលើការនាំចូលឡើយ។ ទាំងនេះបង្ហាញថានៅក្នុងអរិយធម៌ខ្មែរនាសម័យបុរាណកុលាលភាជន៍ក្រៅពីប្រើប្រាស់ក្នុងជីវភាពរស់នៅប្រចាំថ្ងៃនៅក្នុងព្រះបរមរាជវាំងរហូតដល់ប្រជាពលរដ្ឋធម្មតាប៉ុណ្ណោះទេ សូម្បីកិច្ចពិធីគោរពបូជាផ្សេងៗ ឬសម្រាប់រក្សាទុកអធិធាតុរបស់បុព្វការីជនជាដើម។

ជាមួយគ្នានេះ លោកស្រី ឌី ដារី មន្ត្រីផ្នែករដ្ឋបាលរបស់សារមន្ទីរព្រះនរោត្តមសីហនុ-អង្គរ បញ្ជាក់ថា ពិព័រណ៍មិនអចិន្ត្រៃយ៍ រយៈពេល២ខែ ចាប់ផ្តើមថ្ងៃទី២៣ ខែតុលា រហូតដល់ចុងខែធ្នូ ឆ្នាំ២០២៥ បានតាំងបង្ហាញក្នុងសាលជាន់ទី១របស់សារមន្ទីរ។ អ្នកទេសចរ អាចដើរទស្សនាពិព័រណ៍ធំៗ ជាពិព័រណ៍អចិន្ត្រៃយ៍ ពិព័រណ៍មិនអចិន្ត្រៃយ៍ និងវត្ថុបុរាណរាប់រយប្រភេទទៀត ដែលបានអភិរក្ស ថែរក្សាទុកនៅក្នុងសារមន្ទីរ។ បន្ថែមពីនេះ ក៏មានមគ្គុទ្ទេសក៍ទេសចរណ៍ របស់សារមន្ទីរធ្វើបទបង្ហាញជូនតាមសាលពិព័រណ៍នីមួយៗផងដែរ។

លោកស្រី ឌី ដារី បានអំពាវនាវសាធារណជន និងភ្ញៀវទេសចរសូមអញ្ជើញមកទស្សនា និងស្វែងយល់បន្ថែមពីសម្បត្តិបេតិកភណ្ឌនាសម័យបុរេប្រវត្តិ សម័យអង្គរ និងក្រោយសម័យអង្គរ ដែលរួមមាន៖ទាំងវត្ថុសិល្បៈ និងពិព័រណ៍កុលាលភាជន៍ នៅសារមន្ទីរព្រះនរោត្តមសីហនុ-អង្គរ។

សូមជម្រាបថា សារមន្ទីរព្រះនរោត្តមសីហនុ-អង្គរ មានទីតាំងក្នុងភូមិបឹងដូនប៉ា សង្កាត់ស្លក្រាម ក្រុងសៀមរាប។ សារមន្ទីរបើកឱ្យភ្ញៀវទេសចរជាតិ និងអន្តរជាតិ ចូលទស្សនាចាប់ពីថ្ងៃអង្គារ ដល់ថ្ងៃអាទិត្យ វេលាម៉ោង៨:៣០នាទីព្រឹក ដល់ម៉ោង ៤:៣០ល្ងាច៕

The post សារមន្ទីរព្រះនរោត្តមសីហនុ-អង្គរ រៀបចំពិព័រណ៍ ស្តីពីការផលិត និងប្រើប្រាស់កុលាលភាជន៍នៅតំបន់អង្គរ appeared first on Kampuchea Thmey Daily.

លោក ង៉ូវ សេងកាក់ បាន​ឱ្យ​ដឹង​ថាភ្ញៀវ​ទេសចរណ៍​ដែល​មកលេង​ខេត្តសៀមរាបទាំង​៣ដែល​ខ្ពស់ជាង​គេ​គឺមកពី​បណ្ដាលោក​ខាង​លិច ដែល​ភ្ញៀវជនជាតិ​អាមេរិកមាន ៧៤ ៤៩២នាក់ អង់គ្លេស ៦៣ ៥៥៧នាក់ បារាំង ៦០ ៥៨១នាក់។

ដោយ​ឡែក​តាមរយៈការ​លើក​ឡើង​របស់​លោក សេងកាក់ ភ្ញៀវចិន​ដែល​ធ្លាប់​ស្ថិត​នៅ​លំដាប់​កំពូល​មក​លេង​ខេត្ត​សៀមរាប​ពេល​នេះ​ធ្លាក់មកនៅ​ចំណាត់​ថ្នាក់​ទី​៤ ដែល​មាន​ភ្ញៀវជិត៦ម៉ឺននាក់​។ ខណៈ​កូរ៉េខាង​ត្បូងមាន​ជាង៤ម៉ឺននាក់ ជប៉ុន​៣,៨ម៉ឺននាក់ អាល្លឺម៉ង់ជាង៣ម៉ឺននាក់ ប្រហាក់​ប្រហែល​និង​អូស្ត្រាលី ដោយ​ឡែក​រុស្ស៊ី និងឥណ្ឌាមាន​ប្រហាក់​ប្រហែល​គ្នា​ក្នុង​រង្វង់​ជាង​២ម៉ឺននាក់។

បើតាម​របាយការណ៍​ទេសចរណ៍ខេត្ត​សៀមរាប​ក្នុង​រយៈពេល​៨​ខែ​ ឆ្នាំ​២០២៥​នេះ​ខេត្ត​សៀមរាប​ទទួល​បាន​ភ្ញៀវទេសចរណ៍​សរុប ៣ ១១៧ ៧៥៤នាក់ កើនឡើង ៤៥.៧៧ភាគរយ ប្រៀបធៀបនឹងរយៈពេលដូចគ្នា កាលពីឆ្នាំ២០២៤ ដែលមានចំនួន ២ ១៣៨ ៨៥៧នាក់។ 

ជាមួយនឹងកំណើនភ្ញៀវទេសចរនេះ លោក ង៉ូវ សេងកាក់ បានជំរុញដល់មន្រ្ដីពាក់ព័ន្ធបន្ដខិតខំអនុវត្ដតួនាទី ភារកិច្ចឱ្យបានល្អប្រសើរបន្ថែមទៀត ដើម្បីជាការទាក់ទាញភ្ញៀវទេសចរមកទស្សនាខេត្ដសៀមរាបកាន់តែច្រើន ជាពិសេសត្រូវពិនិត្យលើរឿងអនាម័យ និងសណ្ដាប់ធ្នាប់សាធារណជូនភ្ញៀវទេសចរផងដែរ៕ 

អត្ថបទ​ដោយ គឿនវេត​

The post ជនជាតិ​អាមេរិក​មក​លេង​ខេត្ត​សៀមរាប​ច្រើន​ជាង​គេ​ក្នុងរយៈពេល​៨​ខែ​ឆ្នាំ២០២៥​ appeared first on Kampuchea Thmey Daily.

លោក កាទើ មហាំម៉ាត់ណោសស្រ៊ី បញ្ជាក់ថា វិស័យទេសចរណ៍ បានរីកលូតលាស់ ដោយ​ទេស​ចរណ៍អន្តរជាតិមកទស្សនាកម្ពុជា បានកើនឡើងពីប្រមាណ ២៩ ម៉ឺននាក់ ក្នុងឆ្នាំ ១៩៩៨ ឡើងដល់ជាង ៦,៦ លាននាក់ នៅឆ្នាំ ២០១៩ និង ២០២៤។

កម្ពុជាទទួលបានភ្ញៀវទេសចរអន្តរជាតិ ៦,៧ លាននាក់ និងទេសចរជាតិប្រមាណ ២២,៥២ លាននាក់ នៅឆ្នាំ ២០២៤ ក្នុងនោះចំណូលពីទេសចរអន្តរជាតិ ៣ ៦៣៧ លានដុល្លារ កើន​ឡើង ១៨%។ វិស័យទេសចរណ៍បានរួមចំណែក ផលិតផលក្នុងស្រុក ៩,៤%។

គិតត្រឹមឆមាសទី១ ឆ្នាំ ២០២៥​ កម្ពុជាទទួលបានទេសចរអន្តរជាតិប្រមាណ ៣ លាន ៣៦ ម៉ឺននាក់ កើនឡើង ៦% ធៀបនឹងរយ់ពេលដូចគ្នានៅឆ្នាំ ២០២៤៕

The post មន្ត្រី៖ សូចនាករ និងស្ថិតិទេសចរណ៍ មានសារៈ​សំខាន់ សម្រាប់ផែនការសកម្មភាព appeared first on Kampuchea Thmey Daily.

The post ​ភ្លៀងមួយមេ​រួច វាលស្មៅបៃតងខ្ចី ដើមឈើត្រឈឹង​​ត្រឈៃ ក្រាល​ក្របបរិវេណរមណីយដ្ឋានអង្គរ appeared first on Kampuchea Thmey Daily.

វិធានការគន្លឹះទី១ ការផ្សព្វផ្សាយឱ្យស្គាល់ និងទាក់ទាញភ្ញៀវទេសចរ​អន្តរជាតិឱ្យមកទស្សនា​ខេត្ត​សៀមរាប ដោយលើកកម្ពស់ខេត្តសៀមរាបជាគោលដៅទេសចរណ៍វប្បធ៌ម និងធម្មជាតិ តាមរយៈ​ការរៀបចំការប្រកួតប្រជែងថតរូបទេសចរណ៍ឆ្នើមក្នុងព្រឹត្តិការណ៍សំខាន់ៗ។

វិធានការគន្លឹះទី២ បង្ករលក្ខណៈងាយស្រួល ដល់ការសម្រេចចិត្ត និងការរៀបចំដំណើរទេស​ចរណ៍​មកខេត្តសៀមរាប ដោយពង្រឹងការផ្ដល់ព័ត៌មានគោលដៅទេសចរណ៍​ខេត្តសៀមរាបដល់​ភ្ញៀវ​ទេស​ចរបរទេស តាមរយៈការបង្ករលក្ខណៈងាយស្រួលក្នុងការធ្វើការកក់ តាមរយៈថ្នាល​អន​ឡាញ ការីទេសចរណ៍ជាដើម។

វិធានការគន្លឹះទី៣បង្ករលក្ខណៈងាយស្រួល​ក្នុងការមកដល់ភ្ញៀវទេសចរនៅតាម​ច្រកទ្វារអន្តរ​ជាតិ​ ដូចជានៅក្នុងអាកាស​យានដ្ឋានអន្តរជាតិសៀមរាបអង្គរ។

វិធានការគន្លឹះទី៤ សម្រួលដល់ដំណើរកម្សាន្តក្នុងខេត្តសៀមរាប ស្រតាមទិសស្លោក សៀមរាប៖​ តារារះទិសឧត្តរ

វិធានការគន្លឹះទី៥ ដំណើរវិលត្រឡប់ទៅវិញប្រកបដោយការចងចាំល្អ

វិធានការគន្លឹះទី៦ ទាក់ទាញភ្ញៀវទេសចរក្នុងស្រុកមកទស្សនាខេត្តសៀមរាប

វិធានការគន្លឹះទី៧ បង្កើនភាពទាក់ទាញភ្ញៀវទេសចរបរទេសផ្ទៃក្នុង។

យោងតាមគ្រឹះស្ថានអង្គរ មានភ្ញៀវទេសចរបរទេសជិត ៤០ ម៉ឺននាក់ បាន​ទិញ​សំបុត្រ​ចូល​ទស្សនារមណី​យដ្ឋាន​អង្គរ នៅក្នុងត្រីមាសទី១ ឆ្នាំ ២០២៥ ដែលធ្វើឱ្យកម្ពុជារកចំណូលបាន​​​ប្រមាណជាង ១៨ លានដុល្លារ កើនឡើងជាង ១៣% ធៀបនឹងរយៈពេលដូចគ្នាកាលពីឆ្នាំមុន។

កម្ពុជាបានស្វាគមន៍ភ្ញៀវទេចរអន្តរជាតិជាង​ ១,៨៣ លាននាក់ក្នុងត្រីមាសទី១ កើនឡើង១៦,១%ធៀបនឹងរយៈពេលដូចគ្នាកាលពីឆ្នាំមុន បង្ហាញអំ​ពីភាពល្អប្រសើរនៃលំហូរទេសចរណ៍​ទាំង​ក្នុង​តំបន់ និងសកលលោក ក្នុងនោះមានភ្ញៀវទេស​ចរឥណ្ឌូនេស៊ីជាង ៤ ម៉ឺននាក់ កើន៧%។

ក្នុងចំណោមភ្ញៀវទេសចរជាង ១,៨៣ លាននាក់ ទេសចរណ៍ថៃឈរនៅ​លំដាប់​លេខរៀងទី ១ មាន​ចំនួនជាង ៥០,១៦ ម៉ឺននាក់ កើន ១៩,៥% វៀតណាមជាង ៣០,៤៦ ម៉ឺននាក់ កើន ១,៨% និងចិនជាង ២៨,៦១% កើន ៥០,៦%។

នៅក្នុងឆ្នាំ២០២៤ កម្ពុជា​ទទួលបានភ្ញៀវទេសចរណ៍​អន្តរជាតិ​ជាង ៦,៧ លាន​នាក់ ​កើន​ឡើង​ជិត ២៣ ភាគរយ បើធៀបនឹងឆ្នាំ ២០២៣ ដែលមានចំនួន ៥,៤៥ លាននាក់៕

អត្ថបទ៖ ឡេង ដេត

The post កម្ពុជាដាក់ចេញវិធានការគន្លឹះទាក់ទាញកំណើនទេសចរណ៍ទស្សនាខេត្តសៀមរាប​ appeared first on Kampuchea Thmey Daily.

តាមរយៈបណ្ដាញសង្គមហ្វេសប៊ុក ឯកឧត្ដម ហ៊ុន ម៉ានី អំពាវនាវដូច្នេះ៖« សូមបងប្អូនជនរួមជាតិទូទាំងព្រះនគរតាំងចិត្តជ្រះថ្លាចូលរួមបួងសួង អធិដ្ឋានដល់បារមីវត្ថុសក្តិសិទ្ធិក្នុងលោក ទេវតាថែរក្សាទឹកដីព្រះរាជាណាចក្រកម្ពុជាដ៏មានឫទ្ធិចេស្តាគ្រប់ព្រះអង្គយាងប្រោះព្រំថែរក្សាព្រះរាជាណាចក្រកម្ពុជា និងព្រះករុណាជាអម្ចាស់ជីវិតលើត្បូង ព្រមទាំងប្រជានុរាស្រ្តគ្រប់ខេត្តខណ្ឌបូរី នូវសព្ទសាធុការពរជ័យ សិរីបវរមហាប្រសើរគ្រប់ប្រការ »។

កាលពីឆ្នាំមុនៗ សម្ដេចកត្តិសង្គហបណ្ឌិត ម៉ែន សំអន តែងតែដឹកនាំធ្វើ​ពិធីបួងសួង​ចម្រើន​សេចក្តីសុខ​ជូន​ព្រះរាជាណាចក្រ​កម្ពុជា នៅមុខ​ប្រាសាទអង្គរវត្ត​ ដើម្បីបួងសួង​ចម្រើន​សេចក្តីសុខ​ជូន​ដល់​ព្រះរាជាណាចក្រ​កម្ពុជា និង​ប្រជាពលរដ្ឋ​គ្រប់រូប​ និងដើម្បីជាការបង្ហាញការ​ដឹងគុណ​ដល់​បុព្វបុរស​ខ្មែរ ដែល​សង់​អង្គរ និង​ប្រាង្គ​ប្រាសាទបុរាណ​ជាច្រើន​ទុក​ជូន​កូនខ្មែរ​ជំនាន់​ក្រោយ​។​

ប៉ុន្តែនៅឆ្នាំ២០២៥ កម្មវិធីមួយនេះ នឹងរៀបចំឡើងក្រោមព្រះរាជាធិបតីភាពដ៏ខ្ពង់ខ្ពស់បំផុតព្រះករុណាជាអម្ចាស់ជីវិតលើត្បូង  ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា។

ឯកឧត្ដម ហ៊ុន ម៉ានី អនុប្រធានគណៈកម្មការអន្តរក្រសួង ដើម្បីរៀបចំព្រះរាជពិធីបួងសួងចម្រើនសេចក្តីសុខ ជូនដល់ព្រះរាជាណាចក្រកម្ពុជា វាយតម្លៃថាកម្មវិធីនេះនឹងក្លាយជាព្រឹត្តិការណ៍ប្រវត្តិសាស្រ្តដោយទទួលបានព្រះរាជកិត្តិយសដ៏ខ្ពង់ខ្ពស់បំផុតដែលព្រះករុណាព្រះមហាក្សត្រទ្រង់គង់ប្រថាប់ជាព្រះរាជាធិបតីក្នុងព្រះរាជពិធីដោយផ្ទាល់។

គួរជ្រាបថា ដើម្បីដឹកនាំ រៀបចំ ចាត់ចែង សម្របសម្រួលជាមួយស្ថាប័ន និងអង្គភាពពាក់ព័ន្ធ ដើម្បីឱ្យដំណើរការនៃការរៀបចំព្រះរាជពិធីប្រព្រឹត្តទៅបានល្អ  រៀបចំគម្រោងចំណាយផ្សេងៗ រៀបចំការពារសន្តិសុខ របៀបរៀបរយ សណ្តាប់ធ្នាប់ ចរាចរណ៍ និងធានាសុវត្ថិភាពឱ្យបានគ្រប់គ្រាន់ មុន-ក្រោយ ក្នុងពេលប្រារព្ធព្រះរាជពិធី និងតាមផ្លូវឆ្លងកាត់ ទំនាក់ទំនង និងសហការជាមួយអាជ្ញាធរមានសមត្ថកិច្ច ស្ថាប័នពាក់ព័ន្ធក្នុងការអញ្ជើញភ្ញៀវជាន់ខ្ពស់ជាតិ អន្តរជាតិចូលរួមផ្សព្វផ្សាយព័ត៌មានពាក់ព័ន្ធនឹងការប្រារព្ធព្រះរាជពិធីឱ្យបានទូលំទូលាយ ប្រមុខរាជរដ្ឋាភិបាលកម្ពុជា កាលពីថ្ងៃទី០៤ ខែមីនា ឆ្នាំ២០២៥ ថ្មីៗនេះ សម្រេចបង្កើតគណៈកម្មការអន្តរក្រសួង ដើម្បីរៀបចំព្រះរាជពិធីបួងសួងចម្រើនសេចក្តីសុខ ជូនដល់ព្រះរាជាណាចក្រកម្ពុជា។

គណៈកម្មការអន្តរក្រសួង មានសម្ដេច គុយ សុផល ឧបនាយករដ្ឋមន្ត្រី រដ្ឋមន្រ្តីក្រសួងព្រះបរមរាជវាំង ជាប្រធាន, ឯកឧត្ដម ហ៊ុន ម៉ានី ជាអនុប្រធាន, អគ្គលេខាធិការ គណៈកម្មាធិការរៀបចំពិធីបុណ្យជាតិ និងអន្តរជាតិ ឈិន កេតនា ជាអនុប្រធានអចិន្រ្តៃយ៍ និងអនុប្រធានចំនួន៦រូបទៀតគឺ លោកអ្នកឧកញ៉ាមហាភក្ដី គង់ បញ្ញា ទេសរដ្ឋមន្រ្តីទទួលបន្ទុក កិច្ចការទូទៅអមក្រសួងព្រះបរមរាជវាំង, រដ្ឋមន្រ្តីក្រសួងវប្បធម៌ និងវិចិត្រសិល្បៈ រដ្ឋមន្រ្តីក្រសួងធម្មការ និងសាសនា, រដ្ឋមន្រ្តីក្រសួងទេសចរណ៍, រដ្ឋមន្រ្តីក្រសួងព័ត៌មាន និងអភិបាលខេត្តសៀមរាប ព្រមទាំងមានសមាជិក និងសមាជិកា ២៣រូបទៀត៕

ដោយ៖ ង៉ិល ណារ៉ាត់

The post ឯកឧត្ដម ហ៊ុន ម៉ានី ស្នើពលរដ្ឋចូលរួមបួងសួងបារមីវត្ថុសក្តិសិទ្ធិក្នុងលោក ចម្រើនសេចក្ដីសុខដល់កម្ពុជា appeared first on Kampuchea Thmey Daily.