អត្តឃាត Archives - Kampuchea Thmey Daily

បុរសជនជាតិបរទេសម្នាក់ លោតសម្លាប់ខ្លួនពីលើអគារមួយកន្លែងដោយមិនដឹងមូលហេតុក្នុងសង្កាត់ឃ្មួញ

Ung Meng — Mon, 06 Apr 2026 08:32:46 +0000

ពលរដ្ឋបានប្រទះឃើញសពជនបរទេសម្នាក់ ស្លាប់សង្ស័យដោយសារលោតសម្លាប់ខ្លួនពីលើអគារខុនដូ មួយកន្លែងនៅក្នុងសង្កាត់ឃ្មួញដោយមិនទាន់ដឹងពីមូលហេតុ បង្កមានការភ្ញាក់ផ្អើលពលរដ្ឋក្បែងនោះទាក់ទងរាយការណ៍សមត្ថកិច្ចចុះមកកន្លែងកើតហេតុ។

ហេតុការណ៍នេះបង្កភ្ញាក់ផ្អើលកាលពីវេលាម៉ោង ១១ព្រឹកថ្ងៃទី ០៦ ខែមេសា ឆ្នាំ២០២៦ នៅតាមបណ្តោយផ្លូវបេតុង កែងផ្លូវ ៩២ ក្នុងភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ។

តាមការបញ្ជាក់ពីនគរបាលបានអោយដឹងថា ជនរងគ្រោះជាអ្នកស្នាក់នៅចំណុចអគារខុនដូខាងលើ ប៉ុន្តែមិនមានអ្វីគួរអោយកត់សម្គាល់ថា បុរសខាងមានវិបត្តិអ្វី ឬទឹកមុខស្រពោននោះឡើយ ។ លុះមកដល់វេលាម៉ោង ០៦ព្រឹក ក៏មានផ្អើលឆោរឡោរ ថាមានមនុស្សលោតសម្លាប់ខ្លួនពីលើអគារស្លាប់បាត់ទៅហើយ។ ភ្លាមៗ ប្រជាពលរដ្ឋបានប្រញាប់រាយការណ៍ជូន សមត្ថកិច្ចមូលដ្ឋាន ដើម្បីចុះអន្តរាគមន៍។

បច្ចុប្បន្ន សមត្ថកិច្ចជំនាញចក្ខុកោសល្យវិច័យ នៃស្នងការដ្ឋាននគរបាលរាជធានីភ្នំពេញ ស្រាវជ្រាវនៅទីតាំងខាងលើ ដើម្បីធ្វើការត្រួតពិនិត្យ។ ចំណែកសព សមត្ថកិច្ចបានយកទៅតម្កល់នៅវត្តស្ទឹងមានជ័យ រងចាំសាច់ញ្ញាត្តិមកទទួលធ្វើបុណ្យតាមប្រពៃណី៕ អត្ថបទ ៖ រដ្ឋា

The post បុរសជនជាតិបរទេសម្នាក់ លោតសម្លាប់ខ្លួនពីលើអគារមួយកន្លែងដោយមិនដឹងមូលហេតុក្នុងសង្កាត់ឃ្មួញ appeared first on Kampuchea Thmey Daily.

កូរ៉េខាងត្បូង ប្រឈមនឹងវិបត្តិធ្វើអត្តឃាតកើនឡើងក្នុងចំណោមមនុស្សចាស់

Bun sopheap — Mon, 04 Aug 2025 03:19:12 +0000

ប្រទេសកូរ៉េខាងត្បូងកំពុងប្រឈមនឹងវិបត្តិសុខភាពផ្លូវចិត្តដែលកំពុងកើនឡើងក្នុងចំណោមប្រជាជនវ័យចំណាស់ខណៈដែលមនុស្សវ័យចំណាស់ជិត ១០ នាក់បានស្លាប់ដោយសារការធ្វើអត្តឃាតជារៀងរាល់ថ្ងៃរវាងឆ្នាំ ២០១៩ ដល់ឆ្នាំ ២០២៣ដែលមានចំនួនសរុបចំនួន ១៨,០៤៤ នាក់បានស្លាប់ក្នុងរយៈពេល ៥ ឆ្នាំកន្លងមកនេះ។ នេះបើយោងតាមការចេញផ្សាយរបស់ Asia News Network នៅថ្ងៃទី០៤ខែសីហានេះ។

របាយការណ៍ថ្មីមួយពី Journal of the Korean Medical Association បង្ហាញពីការព្រួយបារម្ភយ៉ាងខ្លាំងអំពីការធ្វើអត្តឃាតមនុស្សចាស់នៅក្នុងប្រទេសកូរ៉េខាងត្បូង។ នៅឆ្នាំ ២០២៣ មនុស្សប្រហែល ៤១នាក់ក្នុងចំណោម ១០០,០០០ នាក់ដែលមានអាយុចាប់ពី ៦៥ ឆ្នាំឡើងទៅបានស្លាប់ដោយការធ្វើអត្តឃាត។ អត្រានោះគឺខ្ពស់ជាងមនុស្សវ័យក្មេង ៤៥%។ អ្នកជំនាញនិយាយថា នេះបង្ហាញពីតម្រូវការបន្ទាន់សម្រាប់ការគាំទ្រ និងការថែទាំកាន់តែប្រសើរឡើងសម្រាប់មនុស្សចាស់។

លោកវេជ្ជបណ្ឌិត Oh Dae-jong ដែលបានសរសេររបាយការណ៍បាននិយាយថា មនុស្សវ័យចំណាស់ទំនងជាមិនសូវសុំជំនួយផ្នែកសុខភាពផ្លូវចិត្តទេ ហើយជារឿយៗជ្រើសរើសវិធីដ៏គ្រោះថ្នាក់បន្ថែមទៀតដើម្បីបញ្ចប់ជីវិតរបស់ពួកគេ។ នេះធ្វើឱ្យវាមានសារៈសំខាន់ខ្លាំងណាស់ក្នុងការជួយពួកគេទាន់ពេល។ មូលហេតុទូទៅនៃការធ្វើអត្តឃាតចំពោះមនុស្សចាស់រួមមានការមានន អារម្មណ៍ឯកោ បញ្ហាលុយកាក់ បាត់បង់ប្តី ឬប្រពន្ធ បញ្ហាគ្រួសារ បញ្ហាសុខភាព និងអារម្មណ៍ដូចជាបន្ទុកដល់អ្នកដទៃ។

របាយការណ៍នេះអំពាវនាវឱ្យមានយុទ្ធសាស្ត្របង្ការការធ្វើអត្តឃាតទូទាំងប្រទេសដែលសម្របសម្រួល រួមទាំងបុគ្គលិកពេទ្យដែលបានទទួលការបណ្តុះបណ្តាលដែលអាចស្គាល់សញ្ញាព្រមានជាមុន។ គិតត្រឹមខែវិច្ឆិកា ឆ្នាំ ២០២៣ មនុស្សចាស់ឥឡូវនេះមានចំនួនជិត ២០% នៃចំនួនប្រជាជនកូរ៉េខាងត្បូង ដោយបញ្ជាក់ពីតម្រូវការសម្រាប់សកម្មភាពបន្ទាន់ដើម្បីគាំទ្រដល់សុខភាពផ្លូវចិត្តក្នុងចំណោមប្រជាសាស្រ្តដែលមានវ័យចំណាស់របស់កូរ៉េខាងត្បូង៕

មនុស្សចាស់អង្គុយនៅតាមផ្លូវក្នុងប្រទេសកូរ៉េខាងត្បូង

អត្ថបទ៖ ប៊ុន សុភាព

The post កូរ៉េខាងត្បូង ប្រឈមនឹងវិបត្តិធ្វើអត្តឃាតកើនឡើងក្នុងចំណោមមនុស្សចាស់ appeared first on Kampuchea Thmey Daily.

នារីម្នាក់ ជិះរថយន្តឡើងលើស្ពានជ្រោយចង្វារបញ្ចប់ជីវិតខ្លួនឯង ដោយមិនដឹងមូលហេតុ

អ៊ិន ពិសី — Mon, 21 Oct 2024 03:20:51 +0000

នារីម្នាក់ បើករថយន្តមួយគ្រឿង ម៉ាក TOYOTA Prius ឡើងមកលើស្ពានជ្រោយចង្វារ ដើម្បីបញ្ចប់ជីវិតរបស់ខ្លួនបានសម្រេច ដោយពុំទាន់ដឹងមូលហេតុ បន្សល់ទុករថយន្តលើស្ពាន។

ហេតុការណ៍ខាងលើបង្កការភ្ញាក់ផ្អើលនៅវេលាម៉ោង ៣ ទៀបភ្លឺ ថ្ងៃទី ២១ ខែតុលា ឆ្នាំ ២០២៤ លើស្ពានជ្រោយចង្វា ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តម៉ាក Toyota Prius ពណ៌ស ពាក់ផ្លាកលេខភ្នំពេញ 2CA-4950 បើកបរដោយនារីម្នាក់ ធ្វើដំណើរតាមបណ្ដោយផ្លូវជាតិលេខ ៦ អា ក្នុងទិសដៅពីកើតមកលិច សំដៅឡើងស្ពានជ្រោយចង្វារ លុះបើកមកដល់ពាក់កណ្ដាលស្ពាន ស្រាប់តែនារីជាអ្នកបើករថយន្តបានឈប់លើស្ពាន រួចបើកទ្វាររថយន្តលោតចូលក្នុងទន្លេ បន្សល់ទុករថយន្តមួយគ្រឿងនៅលើស្ពាន ភ្លាមៗអ្នកធ្វើដំណើរតាមផ្លូវបានរាយការណ៍ទៅសមត្ថកិច្ចមូលដ្ឋានឲ្យចុះមកកន្លែងកើតហេតុ។

ក្រោយពេលកើតហេតុសមត្ថកិច្ចបានយករថយន្តរក្សាទុកនៅអធិការនគរបាលខណ្ឌជ្រោយចង្វារ ធ្វើការស្រាវជ្រាវរកក្រុមគ្រួសារមកទទួលយករថយន្តត្រឡប់ទៅវិញ៕

អត្ថបទ ៖ ម៉េង

The post នារីម្នាក់ ជិះរថយន្តឡើងលើស្ពានជ្រោយចង្វារបញ្ចប់ជីវិតខ្លួនឯង ដោយមិនដឹងមូលហេតុ appeared first on Kampuchea Thmey Daily.

ស្ត្រីម្នាក់ មិនដឹងជាមានវិបត្តិអ្វី យកកាំបិត អារ.កសម្លាប់ខ្លួនស្លាប់ក្នុងថ្លុកឈាម បន្សល់ទុកកូនស្រីឱ្យកំព្រា

Kang Tola — Fri, 20 Sep 2024 10:57:30 +0000

ភ្នំពេញ ៖ ផ្ទុះការភ្ញាក់ផ្អើលមួយ បន្ទាប់ពីស្ត្រីម្នាក់មិនដឹងមានវិបត្តិអ្វី បានជាយកកាំបិតចិតផ្លែឈើមកអារ.កខ្លួនឯងបញ្ចប់ជីវិត ដេកស្លាប់ក្នុងថ្លុកឈាម បន្សល់ទុកឱ្យកូនស្រីកំព្រាម្តាយ។

ហេតុការណ៍នេះបង្កភ្ញាក់ផ្អើល កាលពីវេលាម៉ោង ០១ នឹង ៥០នាទីរសៀលថ្ងៃទី២០ ខែកញ្ញា ឆ្នាំ២០២៤ នៅត្រង់ចំណុចផ្ទះល្វែងមួយកន្លែង ស្ថិតនៅតាមបណ្តោយផ្លូវលំ ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។ ជនរងគ្រោះឈ្មោះ ញឹប សុវតី អាយុ៣៩ឆ្នាំ ស្នាក់នៅកន្លែងកើតហេតុខាងលើ។

តាមប្រភពព័ត៌មានពីកូនបង្កើតរបស់ស្ត្រីរងគ្រោះបានឱ្យដឹងថា មុនពេលកើតហេតុសព្វថ្ងៃខ្លួនរស់នៅជាមួយម្តាយតែ០២នាក់នោះទេ ដោយឪពុករបស់ខ្លួនមានបេសកកម្មធ្វើការនៅតាមខេត្ត។ នៅថ្ងៃកើតហេតុ ខ្លួនបានឃើញម្តាយមានអាការៈចម្លែក ដើរចុះដើរឡើងពេញផ្ទះ។ ភ្លាមៗកូនស្រីបានសួរទៅកាន់ម្តាយថា « ម៉ាក់កើតអី អត់ស្រួលខ្លួនមែនទេ មិចៗយកថ្នាំលេប » ប៉ុន្តែម្តាយមិនបានឆ្លើយតបអ្វីសូម្បីមួយម៉ាត់។

លុះមកដល់វេលាម៉ោង១១ព្រឹក កុមារីខាងលើក៏បានឡើងទៅលើ ដើម្បីងូតទឹករៀបចំខ្លួនទៅរៀន ស្របពេលឡើងទៅលើមិនទាន់បានងូតទឹកផង ក៏ស្រាប់តែឮសម្លេងទឹកហូរនៅជាន់ក្រោម ខណៈនោះកូនស្រី បានរត់ចុះមកក្រោមគោលបំណងទៅបិទទឹក ក៏ស្រាប់តែប្រទះឃើញម្តាយរបស់ខ្លួន ដេកលើថ្លុកឈាម ដោយឃើញមានកាំបិតចិតផ្លែឈើ១នៅជាប់នឹងខ្លួនម្តាយ ហើយឃើញបំពង់កម្តាយ មានស្នាមដាច់ ទើបកុមារីជាកូនស្រី បានរត់ទៅយកក្រណាត់រុំបំពង់កម្តាយកុំឱ្យហូរឈាមរួច ប្រញាប់ទាក់ទងរករថយន្តពេទ្យ ដើម្បីជួយទាន់ពេលវេលា។ ប៉ុន្តែជាអកុសលស្ត្រីរងគ្រោះបានស្លាប់បាត់បង់ជីវិត មុនពេលរថយន្តសង្គ្រោះមកដល់បាត់ទៅហើយ។

ក្រោយពេលកើតហេតុ សមត្ថកិច្ចមូលដ្ឋានក៏ដូចជាមន្ត្រីជំនាញផ្នែកកោសល្យវិច័យ បានមកដល់រួចធ្វើការត្រួតពិនិត្យសព ។ បន្ទាប់ពីត្រួតពិនិត្យរួច សមត្ថកិច្ចបានប្រគល់ឱ្យក្រុមគ្រួសារយកសពទៅធ្វើបុណ្យតាមប្រពៃណីនៅឯស្រុកកំណើត៕

ដោយ ៖ សុខា

The post ស្ត្រីម្នាក់ មិនដឹងជាមានវិបត្តិអ្វី យកកាំបិត អារ.កសម្លាប់ខ្លួនស្លាប់ក្នុងថ្លុកឈាម បន្សល់ទុកកូនស្រីឱ្យកំព្រា appeared first on Kampuchea Thmey Daily.

ជាង ១ ខែ បាត់បង់ MC ប្រុស ២ រូប ដោយធ្វើអត្តឃាតបញ្ចប់ជីវិតខ្លួនឯងគួរឲ្យសង្វេគបំផុត

អ៊ិន ពិសី — Mon, 29 Jul 2024 01:53:19 +0000

ពិតជារឿងដ៏គួរឲ្យសង្វេគ និងរន្ធត់បំផុតសម្រាប់មហាជនអ្នកគាំទ្រ ព្រមទាំងអ្នកក្នុងចង្កោមសិល្បៈ ខណៈគិតមកដល់ខែកក្កដានេះ ពោលគឺមានរយៈពេលជាង ១ ខែ ប៉ុណ្ណោះ មាន MC ប្រុសវ័យក្មេងចំនួន ២ រូប បានជ្រើសរើសផ្លូវបញ្ចប់ជីវិតខ្លួនឯងដោយរូបភាពផ្សេងគ្នា។

ជាការពិតការបាត់បង់ MC (ពិធីករ) វ័យក្មេងរបស់ខ្មែរទាំង ២ រូបនេះ បានបន្សល់ទុកនូវភាពសោកសៅ និងស្តាយស្រណោះជាខ្លាំងសម្រាប់ក្រុមគ្រួសារ ក៏ដូចជាមិត្តភ័ក្ដិធ្លាប់រួមអាជីពកន្លងមក។ MC ប្រុសទាំង ២ រូប ដែលបានធ្វើអត្តឃាតបញ្ចប់ជីវិតខ្លួនឯងនោះគឺ ៖ ១.លោក ម៉ូវ សុគន្ធ ហៅ MC Mario បានសម្រេចចិត្តបញ្ចប់ជីវិតទាំងវ័យក្មេង ដោយការលោតទឹកសម្លាប់ខ្លួននៅស្ពានបាឡេ(ឫស្សីកែវ) កាលពីវេលាម៉ោង ៥ និង ០២ នាទីទៀបភ្លឺ ថ្ងៃទី ១៩ ខែមិថុនា ឆ្នាំ ២០២៤។ បន្ទាប់ ពីការលោតទឹកសម្លាប់ខ្លួន សាកសពរបស់ MC Mario ត្រូវបានក្រុមគ្រួសាររកឃើញ កាលពីព្រឹកថ្ងៃទី ២០ ខែមិថុនា។ ២.លោក ហម វាសនា ហៅ MC ចេកខ្ចី បានសម្រេចធ្វើអត្តឃាតចាក់សាំងដុតសម្លាប់ខ្លួនយ៉ាងរន្ធត់បំផុត ដែលករណីនេះកើតឡើងនៅឯស្រុកពញាក្រែក ខេត្តត្បូងឃ្មុំ។ នេះបើយោងតាមការបង្ហោះចែករំលែកពីសំណាក់មិត្តភ័ក្ដិ និងអ្នកដែលធ្លាប់ស្គាល់គ្នាជាមួយលោក វាសនា ហៅ MC ចេកខ្ចី កាលពីរសៀលថ្ងៃទី ២៥ ខែកក្កដា ឆ្នាំ ២០២៤។ ទោះបីជាយ៉ាងណា គេក៏នៅមិនទាន់ដឹងច្បាស់ទេថា ការធ្វើអត្តឃាតចាក់សាំងដុតសម្លាប់ខ្លួនរបស់ MC ចេកខ្ចី នេះ គឺដោយសារវិបត្តិផ្លូវចិត្តធ្ងន់ធ្ងរអ្វីឡើយ។ ប៉ុន្តែបើតាមការទម្លាយសារសំឡេងមួយបានបញ្ជាក់ថា លោកអាចមានរឿងវិបត្តិផ្លូវចិត្តពាក់ព័ន្ធបញ្ហារឿងលុយកាក់។

តាមរយៈដំណឹង នៃការស្លាប់របស់ MC ទាំង ២ នាក់ ខាងលើនេះដែរ ពិតជារឿងដ៏រន្ធត់ខ្លាំងណាស់សម្រាប់មហាជនអ្នកគាំទ្រ និងសិល្បៈរួមអាជីព ខណៈគេឃើញមានមិត្តសិល្បករមួយចំនួន បានផ្ញើសារចូលរួមរំលែកទុក្ខដ៏ក្រៀមក្រំនេះជាមួយគ្រួសារអ្នកទាំង ២ ផងដែរ៕

អត្ថបទ ៖ ចាន់រ៉ា

The post ជាង ១ ខែ បាត់បង់ MC ប្រុស ២ រូប ដោយធ្វើអត្តឃាតបញ្ចប់ជីវិតខ្លួនឯងគួរឲ្យសង្វេគបំផុត appeared first on Kampuchea Thmey Daily.

តូចចិត្តខ្លួនឯងមានជំងឺប្រចាំកាយ យកកូនកាំបិតចាក់សម្លាប់ខ្លួនក្នុងបន្ទប់

Kang Tola — Mon, 22 Jul 2024 14:02:27 +0000

ភ្នំពេញ ៖ បុរសម្នាក់បានសម្រេចចិត្តបានធ្វើអត្តឃាតខ្លួនឯងយកកូនកាំបិតចាក់លើដងខ្លួនជាច្រើនកន្លែងបណ្ដាលឲ្យស្លាប់នៅក្នុងថ្លុកឈាម ទាំងខ្លួនអាក្រាតកាយនៅក្នុងបន្ទប់ និងដាក់គន្លឹះទ្វារ បង្អួចពីខាងក្នុងជាប់ទៀតផង។

ហេតុការណ៍នេះបង្កមានការភ្ញាក់ផ្អើលកាលពីវេលាម៉ោង១២ ថ្ងៃត្រង់ថ្ងៃទី២២ ខែកក្កដា ឆ្នាំ២០២៤ នៅក្នុងភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

បើតាមប្រភពព័ត៌មានពីកន្លែងកើតហេតុ បានឱ្យដឹងថា ជនរងគ្រោះឈ្មោះ គឹម ម៉ារ៉ាឌី ភេទប្រុស អាយុ៣៩ឆ្នាំ ស្នាក់នៅក្នុងបន្ទប់កើតហេតុខាងលើតែម្នាក់ឯង អត់មានប្រពន្ធកូនទេ គាត់មើលការខុសត្រូវបន្ទប់ជួល ឱ្យឪពុកម្ដាយរស់នៅឯសហរដ្ឋអាមេរិក ចំណែកបងប្អូនរស់នៅកន្លែងផ្សេងៗគ្នា នឹងទាក់ទងគ្នាតាមទូរសព្ទរាល់ថ្ងៃ។

សូមបញ្ជាក់ថា កាលពីថ្ងៃទី១៩ ខែកក្កដា ប្អូនប្រុសរបស់គាត់ម្នាក់បានទាក់ទងគាត់បានជាធម្មតា ហើយនៅថ្ងៃទី២០ ខែកក្កដា អត់បានទាក់ទងមកទេ រហូតដលថ្ងៃទី២១ ខែកក្កដា ទាក់ទងបានធម្មតា លុះដល់ថ្ងៃទី២២ ខែកក្កដា ស្រាប់តែទាក់ទង់លែងបាន ហើយប្អូនប្រុសបង្កើតបានយកលុយចំនួន ១២០ដុល្លារ ឱ្យជនរងគ្រោះ ពេលទៅដល់ឃើញទ្វារ និងបង្អួចបិទជិត ព្រមទាំងជាប់គន្លឹះពីខាងក្នុងទៀតផង ប្អូនប្រុសក៏បានស្រែកហៅ ប៉ុន្តែអត់ឭឆ្លើយ ដោយមានការងឿងឆ្ងល់ក៏បានហៅបងប្អូនមកពីកន្លែងផ្សេងៗឱ្យមកជួយមើល រួចជួលជាងកាត់គន្លឹះទ្វារចូលទៅមើលឃើញជនរងគ្រោះស្លាប់នៅក្នុងថ្លុកឈាមបាត់ទៅហើយ ដោយមានស្នាមចាក់ជាច្រើនកន្លែងពេញដងខ្លួន ទើបមានការភ្ញាក់ផ្អើលឆោឡោ។

ប្រភពដដែលបានឱ្យដឹងទៀតថា ជនរងគ្រោះមានជំងឺប្រចាំកាយរលាកស្រោមខួរ ព្រោះតែខំរៀនខ្លាំងពេក ហើយដំបូងឡើយមានស្មារតីធម្មតាៗទេ ប៉ុន្តែកាលពី៧ឆ្នាំមុនត្រូវបានចោរប្លន់យកម៉ូតូ១គ្រឿង ទើបធ្វើឱ្យគាត់ចេះតែមានការភ័យខ្លាចរហូតមក។

ក្រោយពេលនគរបាលប៉ុស្តិ៍ចោមចៅទី១ និងនគរបាលខណ្ឌពោធិ៍សែនជ័យ ដែលបានចុះទៅកាន់ទីនោះហើយរាយការណ៍ជូននគរបាលការិយាល័យបច្ចេកទេស វិទ្យាសាស្ត្រនៃស្នងការរាជធានីភ្នំពេញ ចុះធ្វើកោសល្យវិច័យ បានបញ្ជាក់ថា ជនរងគ្រោះបានធ្វើអត្តឃាតចាក់សម្លាប់ដោយខ្លួនឯងពិតប្រាកដមែន ចំណែកសពត្រូវបានប្រគល់ជូនក្រុមគ្រួសារយកទៅធើ្វបុណ្យតាមប្រពៃណី៕

អត្ថបទ ៖ ម៉េង

The post តូចចិត្តខ្លួនឯងមានជំងឺប្រចាំកាយ យកកូនកាំបិតចាក់សម្លាប់ខ្លួនក្នុងបន្ទប់ appeared first on Kampuchea Thmey Daily.

យុវតីម្នាក់សម្រេចចិត្តចងកសម្លាប់ខ្លួនឯង ខណៈឪពុកម្ដាយរារាំងមិនឲ្យមានស្នេហា

Sokhom Khon — Sun, 19 May 2024 12:37:02 +0000

យុវតីម្នាក់ខឹងឪពុកម្ដាយមិនឲ្យមានស្នេហាតូចចិត្តប៉ុនប៉ងរកសម្លាប់ខ្លួនជាច្រើនដងមកហើយ ប៉ុន្តែមិនបានសម្រេច លើកនេះបានសម្រេចដូចបំណងមែន។

ហេតុការណ៍ភ្ញាក់ផ្អើលនេះបានកើតឡើង នៅវេលាម៉ោង៦និង១០នាទីព្រឹក ថ្ងៃទី១៩ ខែឧសភា ឆ្នាំ២០២៤ នៅក្នុងការដ្ឋានទី៨ ក្នុងក្រុមហ៊ុនចម្ការចេក(វៀតណាម)ស្ថិតក្នុងភូមិ៣ ឃុំស្រែអង្ក្រង ស្រុកកូនមុំ។

លោក ហ៊ួន ផល្លា នាយប៉ុស្តិ៍ស្រែអង្ក្រងបានឲ្យដឹងថា យុវតីធ្វើអត្តឃាតសម្លាប់ខ្លួនឯងនោះ ឈ្មោះ ស៊ុត វៃអាយុ១៥ឆ្នាំ ជនជាតិខ្មែរ ស្នាក់នៅក្នុងក្រុមហ៊ុនកន្លែងកើតហេតុខាងលើ មានស្រុកកំណើតភូមិសៀមបូក ឃុំសៀមបូក ស្រុកសៀមបូក ខេត្តស្ទឹងត្រែង។

លោកនាយប៉ុស្តិ៍បានបញ្ជាក់ថា យុវតីរូបនេះបានរកធ្វើអត្តឃាតខ្លួនឯងជាច្រើនដងមកហើយដែរ ប៉ុន្តែមិនបានសម្រេច ដោយខឹងឪពុកម្ដាយបំបែកបំបាក់មិនឲ្យមានស្នេហា ទើបសម្រេចចិត្តធ្វើអត្តឃាតចងកសម្លាប់ខ្លួនឯងទាំងនៅវ័យក្មេង។

លោកថា ម្ដាយយុវតីបានឆ្លើយបំភ្លឺប្រាប់សមត្ថកិច្ច មុនពេលកើតហេតុ កូនចៅបានចាកចេញទៅធ្វើការងារអស់នៅសល់តែម្ដាយនិងកូនស្រីនៅតូចចាំផ្ទះ ហើយឃើញកូនស្រីទៅបន្ទប់ទឹកយូរពេក ក៏ម្ដាយឲ្យកូនស្រីនៅតូចទៅមើល ក៏ស្រែកឆាឡោឡើងហើយឲ្យគេមកជួយ ប៉ុន្តែហួសពេលទៅហើយ។ យុវតីចងកជាប់នឹងថ្នឹមរោងការដ្ឋានទី៨ យកខ្សែលីឡុងដែលគេចងចេកនិងវេចខ្ចប់នៅក្នុងការដ្ឋាន។

ក្រោយពេលកើតហេតុ សមត្ថកិច្ចជំនាញ និងគ្រូពេទ្យបានចុះមកដល់កន្លែងកើតហេតុ ធ្វើកោសល្យវិច្ច័យលើជនរងគ្រោះ ពិតជាធ្វើអត្តឃាតចងកសម្លាប់ខ្លួនឯងពិតប្រាកដមែន មិនមែនជារឿងឃាតកម្មឡើយ។

បច្ចុប្បន្នសពយុវតីរងគ្រោះត្រូវបានសមត្ថកិច្ចធ្វើកំណត់ហេតុប្រគល់ទៅឲ្យសាច់ញាតិយកទៅធ្វើបុណ្យតាមប្រពៃណី៕

អត្ថបទ៖ វុទ្ធឦសាន

The post យុវតីម្នាក់សម្រេចចិត្តចងកសម្លាប់ខ្លួនឯង ខណៈឪពុកម្ដាយរារាំងមិនឲ្យមានស្នេហា appeared first on Kampuchea Thmey Daily.

បុរស២នាក់ផ្សេងគ្នា ខឹងប្រពន្ធប៉ងធ្វើអត្តឃាត ក្នុងពេលតែមួយ

Kang Tola — Tue, 07 May 2024 12:35:04 +0000

ភ្នំពេញ ៖ បុរស២នាក់ផ្សេងគ្នា សុទ្ធតែចិត្តខ្លាំងដូចគ្នា ក្រោយពីផ្ទុះជម្លោះជាមួយប្រពន្ធ តូចចិត្តខ្លួនឯង យកកន្ត្រៃ កូនកាំបិត ចាក់.ក ចាក់ពោះ ប៉ុនប៉ងសម្លាប់ខ្លួនដូចគ្នា ក្នុងពេលតែមួយ កាលពីវេលាម៉ោង៤និង៤០នាទីរសៀល ថ្ងៃទី០៧ ខែឧសភា ឆ្នាំ២០២៤ កើតឡើងនៅតាមផ្លូវបេតុងក្រុម៤ ភូមិព្រៃព្រីងជើង២ និងមួយករណីទៀត នៅមុខចាយតិយ្យ ក្នុងវត្តជម្ពូវ័ន ភូមិជម្ពូវ័ន១ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ករណីទី១ ជនរងគ្រោះមានឈ្មោះ សុខ ចាន់ដារិទ្ធ ភេទប្រុស អាយុ៣៥ឆ្នាំ (ប្រើប្រាស់គ្រឿងញៀន) មុខរបររត់ម៉ូតូកង់បី ស្នាក់នៅជាមួយបងប្រុស ក្នុងភូមិព្រៃទា២ សង្កាត់ចោមចៅទី៣ ខណ្ឌពោធិ៍សែនជ័យ ។ បើតាមប្រភពបានឱ្យដឹងថា មុនកើតហេតុ ជនរងគ្រោះបើកម៉ូតូកង់បី ពណ៌លឿង ពាក់ស្លាកលេខ កំពង់ស្ពឺ 1N-5149 ដឹកប្រពន្ធ បើកតាមផ្លូវបេតុងពីលិចទៅកើតសុខៗ ស្រាប់តែផ្ទុះជម្លោះជាមួយប្រពន្ធ ដោយខឹងប្រពន្ធដៀលត្មះ តូចចិត្តខ្លួនឯង យកកន្ត្រៃចាក់.ក ចាក់ដៃ ពោះខ្លួនឯង ឈាមហូរស្រោចខ្លួន បង្កឱ្យភ្ញាក់ផ្អើល ប្រពន្ធរត់គេចទៅបាត់ ជនរងគ្រោះទុកម៉ូតូកង់បីចោល ដើរទៅផ្ទះក្បែរនោះបាត់ ធ្វើឱ្យបងប្អូនហួសចិត្ត លួងនាំទៅពេទ្យ។

ករណីទី២ ដែលកើតឡើងដំណាលគ្នាដែរនោះ ជនរងគ្រោះ មានឈ្មោះ ពុធ សីហា ភេទប្រុស អាយុ៣១ឆ្នាំ ស្នាក់នៅផ្ទះជួលក្នុងភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើត នៅក្រុងដូនកែវ ខេត្តតាកែវ។ ជនរងគ្រោះទី២នេះ កន្លងមកធ្លាប់ប៉ុនប៉ងលេបថ្នាំសម្លាប់ខ្លួនម្តងហើយ តែបងប្អូនជួយទាន់ ស្រាប់តែនៅរសៀលថ្ងៃនេះ ជនរងគ្រោះផ្ទុះជម្លោះជាមួយប្រពន្ធ ខឹងប្រពន្ធ បងប្អូនស្តីបន្ទោស រឿងមិនខំប្រឹងធ្វើការងារ កន្លង ទាញម៉ូតូហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1JI-4463 ជិះចូលទៅក្នុងបរិវេណវត្តជម្ពូវ័ន ចូលដល់ឈាបនដ្ឋាន ទាញកូនកាំបិតចុងស្រួច ចាក់ពោះខ្លួនឯង ច្រើនកាំបិត ប៉ុនប៉ងសម្លាប់ខ្លួន តែមិនស្លាប់ ឈាមហូរស្រោច ផ្អើលកម្មករសំណង់ ព្រះសង្ឃ ហើយត្រូវបានបងប្អូនទៅដល់ ដឹកតាមម៉ូតូកង់បី យកទៅគ្លីនិកឡាំប៊ុនថន។

ករណីចាក់ខ្លួនឯង ប៉ុនប៉ងសម្លាប់ ២ករណីផ្សេងគ្នា ក្នុងពេលតែមួយ ក្នុងសង្កាត់ចោមចៅទី៣ ខណ្ឌពោធិ៍សែនជ័យ ដូចគ្នា ជនរងគ្រោះទាំង២នាក់ រងរបួសធ្ងន់ដូចគ្នា បងប្អូនយកទៅពេទ្យដោយខ្លួនឯង៕

ដោយ ៖ សុខា

The post បុរស២នាក់ផ្សេងគ្នា ខឹងប្រពន្ធប៉ងធ្វើអត្តឃាត ក្នុងពេលតែមួយ appeared first on Kampuchea Thmey Daily.