ខណៈស្តូបនយោបាយឈ្នះឈ្នះខេត្តកោះកុង បានស្ថាបនាស្ទើរតែ១០០ភាគរយនោះទេ វិទ្យាស្ថានប្រវត្តិសាស្រ្តយោធា និងសហការជាមួយរដ្ឋបាលខេត្ត បង្កើតជាសិក្ខាសាលាបំប៉នមគ្គទេសក៍នៅស្តូបអនុស្សាវរីយ៍នយោបាយ ឈ្នះ ឈ្នះ កោះកុង ក្នុងគោលបំណងដើម្បីបញ្ចៀសខ្លឹមសារនយោបាយឈ្នះឈ្នះសំណង់ស្ថាបត្យកម្មបូរណ ទីតាំងប្រវត្តិសាស្រ្ត ការពលីកម្មរបស់ថ្នាក់ដឹកនាំជំនាន់មុនៗរហូតដល់បានសុខសន្តិភាព និងភាពរីកចម្រើន។

លោក អន សុធារិទ្ធិ អភិបាលស្តីទីខេត្តកោះកុង បានប្រាប់ទៅកាន់ដល់នាយទាហាន និងមន្រ្តីរាជការពាក់ព័ន្ធដែលជាអ្នកបន្តវេនថា គុណតម្លៃនៃសន្តិភាព វីរភាពអង់អាចក្លាហាន ស្រឡាញ់ស្នេហាមាតុភូមិជាតិ និងការអភិវឌ្ឍរបស់ស្ថាបនិកមគ្គុទ្ទេសក៍ឯក និងប្រតិបត្តិករនយោបាយឈ្នះ ឈ្នះ ដែលនាំមកនូវសន្តិភាព និងការឯកភាពជាតិ សម្រាប់ទាំងអស់បន្ត។

លោកស្នើដល់អ្នកពាក់ព័ន្ធ ចូលរួមបន្តផ្សព្វផ្សាយ និងបញ្ជ្រាបចំណេះដឹងរយៈពេល៣ថ្ងៃនេះ ទៅកាន់ ក្នុងមជ្ឈដ្ឋានជុំវិញវិញខ្លួន តាមទិសស្លោក «ពលរដ្ឋម្នាក់ មគ្គទេសក៍ម្នាក់»។ លោកក៏មានក្តីសង្ឃឹមថាវគ្គនេះជាព្រឹត្តិការណ៍ប្រវត្តិសាស្ត្រមួយ ក្នុងចំណោមព្រឹត្តិការណ៍ជាច្រើនទៀត ក្នុងដំណើរឆ្ពោះទៅការដាក់សម្ពោធឱ្យប្រើប្រាស់ស្តូបឈ្នះ ឈ្នះ កោះកុង នាពេលខាងមុខ។

ដូច្នេះនាយទាហាន និងក្រុមស្ម័គ្រចិត្ត នឹងយល់កាន់តែច្បាស់លាស់អំពីខ្លឹមសារនយោបាយឈ្នះ ឈ្នះ និងសមិទ្ធផលសំខាន់ៗតាមរយៈការក្រេបយកចំណេះដឹង ឬបង្ហាញពីសេចក្តីត្រូវការរបស់ខ្លួនក្នុងនាមខ្លួនជាអ្នកបន្តវេន ប្រកបដោយទឹកចិត្តក្លាហាន និងស្មារតីស្ថាបនា។

ចំណែកឯលោកឧត្តមសេនីយ៍ទោ សាយ សក្កិសុវុទ្ធី តំណាងគ្រូបង្គោលមគ្គទេសក៍នៅស្តូបអនុស្សាវរីយ៍នយោបាយ ឈ្នះ ឈ្នះ ថ្លែងថា ការផ្សព្វផ្សាយខ្លឹមសារ និងរូបភាពតឹងតាងជូនដល់នាយទាហានក្នុងមជ្ឈដ្ឋានកងទ័ព និងមន្រ្តីរាជការពាក់ព័ន្ធ ដែលជាតួអង្គអនុវត្តផ្ទាល់ ក្នុងការអនុវត្តនយោបាយឈ្នះ ឈ្នះ ដោយទាមទារការយកចិត្ត ទុកដាក់បន្ថែមទៀតបញ្ចៀសព័ត៌មានក្នុងស្រទាប់យុវជន យុវនារីកម្ពុជា។ តួនាទីមគ្គទ្ទេសក៍នៅពេលនេះគឺមានភាពចាំបាច់ ក្នុងការពាំនាំនូវរឿងរ៉ាវពីសង្គ្រាមមកកាន់សន្តិភាពទៅដល់អ្នកចូលទស្សនាពីគ្រប់មជ្ឈដ្ឋាន បានយល់ច្បាស់នូវប្រវត្តិសាស្ត្រកម្ពុជា៕

(អត្ថបទៈសិរីវឌ្ឍនៈ)

The post អភិបាលរងខេត្តកោះកុង ប្រាប់យុវជនបន្តវេនរៀបចំខ្លួនក្លាយជាមគ្គទេសក៍ថែរក្សាសន្តិភាព appeared first on Kampuchea Thmey Daily.

លោក​បាន​មាន​ប្រសាសន៍​ថា ពលករខ្មែរ ដែលបានមកពីប្រទេសថៃ តាមព្រំដែនអន្តរជាតិដូង ស្រុកកំរៀង ខេត្តបាត់ដំបង សរុបប្រមាណជា ១៧,៨៦៧នាក់ ដោយឡែកខេត្តស្វាយរៀង ចំនួន ១៧នាក់ ស្រី៩នាក់ ច្រកព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន សរុបប្រមាណជា ៧៤៧នាក់ ក្នុងនោះខេត្តស្វាយរៀង ចំនួន ៣នាក់ ស្រី ២នាក់ និងតាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ សរុបប្រមាណ ២៨៨នាក់ ស្រី ១០១នាក់ ក្នុងនោះខេត្តស្វាយរៀង មិនមាន នាថ្ងៃសុក្រ ទី១ ខែសីហា ឆ្នាំ២០២៥ គិតចាប់ពីម៉ោង ៩:០០នាទីព្រឹក រហូតដល់ម៉ោង ៣:០០នាទីរសៀល។

ចំពោះបងប្អូនពលករខ្មែរយើងដែលត្រឡប់ពីប្រទេសថៃ តាមច្រកព្រំដែនខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ដែលត្រូវទៅខេត្តស្វាយរៀង សូមធ្វើការទំនាក់ទំនង: 071 968 6805 , 010 801 584 , 069 328 600 , 088 922 7007៕
ដោយ ៖ ភក្ដី

The post បងប្អូនពលករខ្មែរ​​ត្រឡប់​មក​ពី​ថៃ ២០នាក់ ត្រូវ​អាជ្ញាធរខេត្តស្វាយរៀង ដឹក​ជញ្ជូន​ពួក​គាត់​ទៅ​គេហដ្ឋាន​វិញ appeared first on Kampuchea Thmey Daily.

នេះជាប្រសាសន៍លើកឡើងរបស់ លោកកើត ឆែ អភិបាល​រង​រាជធានី​តំណាងលោក ឃួង ស្រេង អភិបាល នៃគណៈអភិបាលរាជធានីភ្នំពេញ ខណៈ​លោក​និង​លោកគ្រូ ធម្មទានាចារ្យ ចាន់ សេរី អញ្ជើញជាអធិបតីភាព ក្នុងវគ្គតម្រង់ទិសស្តីពី ការ​ពង្រឹង​ការផ្តល់សេវាសុខាភិបាល គុណតម្លៃក្នុងការប្រាស្រ័យទាក់ទងរវាងគ្រូពេទ្យនិងអ្នកជម្ងឺនាព្រឹកថ្ងៃទី២៧កុម្ភៈនេះ នៅសាលារាជធានីភ្នំពេញ។

លោកកើត ឆែ បានមានប្រសាសន៍លើកឡើង​ថា គ្រូពេទ្យនិងគ្រូបង្រៀនសុទ្ធតែជាអ្នកមានគុណ។សម្រាប់​គ្រូ​បង្រៀន ដែលជាមាតាទី២ អាចបង្រៀនយើងឱ្យចេះដឹងបានត្រឹមតែក្នុងរយៈពេលយ៉ាងច្រើនជាង២០ឆ្នាំប៉ុណ្ណោះ តែសំរាប់គ្រូពេទ្យវិញ មានគុណសម្បត្តិច្រើនជាងគ្រូបង្រៀនថែមទៀត ដោយគ្រូពេទ្យ មានគុណប្រយោជន៍ជាមួយយើង ចាប់​តាំង​ពី​មនុស្សមិនទាន់ចាប់កំណើត រហូតដល់ស្លាប់ មានន័យថា មិនទាន់មានកូនក៏ទៅប្រឹក្សាជាមួយគ្រូពេទ្យ មានផ្ទៃពោះ សំរាលកូនក៏ត្រូវការគ្រូពេទ្យ ពោលគឺមនុស្សគ្រប់រូបត្រូវការគ្រូពេទ្យរហូតដល់ថ្ងៃស្លាប់។

លោកកើត ឆែ បាន​បន្ត​ថា សុខភាពជារឿងសំខាន់ណាស់សំរាប់មនុស្សម្នាក់ៗ ដូច្នេះហើយ ទើបរាជរដ្ឋាភិបាលនីតិកាលទី៧ ក្រោម​ការ​ដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានយកចិត្តទុកដាក់ខ្លាំងណាស់លើបញ្ហាសុខមាលភាពប្រជាពលរដ្ឋនេះ។ បើប្រជាពលរដ្ឋមានសុខភាពល្អ កម្លាំងរឹងមាំ យើងនឹងរួមគ្នាអភិវឌ្ឍន៍ប្រទេសឱ្យរីកចំរើន និងឈានទៅសម្រេចបាននូវចក្ខុវិស័យ ក្លាយជាប្រទេសមានប្រាក់ចំណូលមធ្យមកម្រិតខ្ពស់និងនៅឆ្នាំ២០៥០នឹងក្លាយជាប្រទេសមានប្រាក់ចំណូលកំរិតខ្ពស់ឬជាប្រទេសអ្នកមាន។

លោក កើត ឆែ បានបញ្ជាក់ថា ការអញ្ជើញ លោកគ្រូ អ្នកគ្រូពេទ្យ​មកបណ្តុះបណ្តាលក្នុងវគ្គតម្រង់ទិសខាងលើនេះ គែមិនមែនមានន័យថា លោកគ្រូ អ្នកគ្រូពេទ្យមានកំហុសឆ្គងឬបំពេញការងារមិនល្អនោះទេ។ លោកគ្រូ អ្នកគ្រូពេទ្យកន្លងមកនេះ បានបំពេញការងារល្អណាស់ ដើម្បីសុខុមាលភាព​ប្រជាពលរដ្ឋ។

ជាក់ស្តែង​ក្នុង​ដំណាក់កាល​ នៃការរីករាលដាលជម្ងឺកូវីដ-១៩ ដោយសារគុណសម្បត្តិ លោកគ្រូ អ្នកគ្រូពេទ្យ បានធ្វើឱ្យប្រជាពលរដ្ឋស្លាប់តិច។ ការបណ្តុះបណ្តាលក្នុងវគ្គតម្រង់នេះ គឺដើម្បីឱ្យគ្រូពេទ្យបានដឹងពីគុណតម្លៃរបស់ខ្លួនឯង បំពេញនូវចំណុចខ្វះខាត ឈានទៅបំពេញអំពើជាកុសលឱ្យកាន់តែល្អបន្ថែមទៀត ពិសេស​រួមគ្នាទប់ស្កាត់ការវៃប្រហារពីក្រុមអគតិ ថាគ្រូពេទ្យ មិនល្អ គ្មានវិជ្ជាជីវៈ។

គួរ​បញ្ជាក់​ថា វគ្គតម្រង់ទិសស្តីពី ការពង្រឹងការផ្តល់សេវាសុខាភិបាលខាងលើនេះ មានគោលបំណង ដើម្បីពង្រឹងការផ្តល់សេវាសុខាភិបាល តាមរយៈការចូលរួមអនុវត្ត គោលនយោបាយ របស់រាជរដ្ឋាភិបាល ដោយការលើកកម្ពស់សមត្ថភាពផ្តល់សេវា ថែទាំសុខភាព ស្រប តាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ ដែលខ្លឹមសារមេផ្តោតសំខាន់លើ កំណារពារ និងព្យាបាលជម្ងឺផ្លូវចិត្តតាមរយៈ ទំនាក់ទំនងដោយពាក្យសម្តី និងកាយវិការល្អ (ឥរិយាបថល្អ) ដើម្បីទទួលបាននូវគុណ តម្លៃខ្ពស់ (កេរ្តិ៍ឈ្មោះ កិត្តិយសល្អ)។

ក្រោយ​ពី​សិក្សា​រួច​សិក្ខាកាម នឹងទទួលបានការយល់ដឹងនូវវិធីប្រាស្រ័យទាក់ទង ដើម្បីទទួលបាននូវប្រសិទ្ធផល សុជីវធម៌ សីលធម៌ ក្នុងការប្រតិបត្តិល្អនូវ (កាយ វាចា ចិត្ត) ក្នុងទំនាក់ទំនង ទាំងពាក្យសំដី និង មិនមែនពាក្យសម្តី (កាយវិការ) យល់ដឹងនូវវិធីគ្រប់គ្រងចិត្ត គំនិត និងអារម្មណ៍ ដើម្បី ធ្វើឱ្យទំនាក់ទំនងមានគុណតម្លៃខ្ពស់៕

ដោយ ៖ ស្រីរ័ត្ន

The post គ្រូបង្រៀន​ជា​មាតាទី២ តែគ្រូពេទ្យ​ជាអ្នក​ជួយ​មនុស្ស​ចាប់​តាំង​ពី មិនទាន់ចាប់កំណើត រហូត​ដល់ថ្ងៃស្លាប់ appeared first on Kampuchea Thmey Daily.

ការ​ស្នើបែបនេះ​របស់លោកហ៊ុន សុរិទ្ធី បាន​ធ្វើឡើង​ខណៈ​លោក​អញ្ជើញ​ជា​អធិបតី​តំណាងលោកឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងកិច្ចប្រជុំស្តីពីការ​ផ្សព្វផ្សាយការងារ គ្រប់គ្រង​វត្តមានជនបរទេសដល់ម្ចាស់ និងអ្នកគ្រប់គ្រង ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល ក្នុងភូមិសាស្រ្តរាជធានីភ្នំពេញ នារសៀល ថ្ងៃទី៦ ខែកុម្ភៈ ឆ្នាំ២០២៥នេះ នៅសាលារាជធានីភ្នំពេញ។

លោកហ៊ុន សុរិទ្ធី បានមានប្រសាសន៍លើកឡើង​ថា ការ​អញ្ជើញ បងប្អូនដែលជាម្ចាស់ និងអ្នកគ្រប់គ្រង ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល មកប្រជុំ នាពេលនេះ មានគោលបំណងផ្សព្វផ្សាយពីខ្លឹមសារនៃការគ្រប់គ្រងវត្តមានជនបរទេស ដើម្បីធានាបានថា ជនបរទេសដែលស្នាក់នៅទីតាំងអាជីវកម្មរបស់បងប្អូន គឺសុទ្ធតែជាជនដែលស្នាក់នៅដោយស្របច្បាប់ មិនមានបទល្មើស មិនរត់គេចមកលាក់ខ្លួន។

បងប្អូនត្រូវជៀសឱ្យបានពីការចោទប្រកាន់ថា ជាអ្នកផ្សំគំនិតបិទបាំងបទល្មើស ឬ លាក់​បាំងជន​បរទេស​ស្នាក់​នៅខុសច្បាប់នៅកម្ពុជា។

លោក​ហ៊ុន សុរិទ្ធី បាន​បន្ត​ទៀត​ថា សម្រាប់អាជ្ញាធររាជធានីភ្នំពេញ ពិតជាគាំទ្រ ចំពោះការបើកអាជីវកម្មរបស់បងប្អូន តែយើងក៏មិនចង់ឃើញបងប្អូនអនុវត្តខុសច្បាប់ ដូចជាការជួលទីតាំងអាជីវកម្ម បើក​ជាកន្លែងលេងល្បែងស៊ីសងខុសច្បាប់ ឬ លាក់ទុកជនបរទេសមិនស្របច្បាប់នោះទេ។

ដើម្បីឱ្យបងប្អូនជាម្ចាស់ និងអ្នកគ្រប់គ្រង ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួលរួចផុតទោសទណ្ឌនៃផ្លូវច្បាប់ ខណៈមានជនបរទេសមកជួលស្នាក់នៅ បងប្អូនត្រូវរាយការណ៍តាមប្រព័ន្ឋ FPCS ដែល​ជា​ប្រព័ន្ឋគ្រប់គ្រងទិន្នន័យស្នាក់នៅរបស់ជនបរទេស ទូទាំងប្រទេសកម្ពុជា។ ធ្វើបែបបទគ្រប់គ្រងរដ្ឋបាល ដោយយកមកប្រថាប់ត្រានៅសង្កាត់ ដែលមានកិច្ចសន្យាច្បាស់លាស់ តើថា ជនបរទេសទាំងនោះស្នាក់នៅប៉ុន្មាននាក់ ប៉ុន្មានថ្ងៃ ខែជាដើម។ បើបងប្អូនមិនអនុវត្តតាមការណែនាំខាងលើនេះទេ នៅពេលមានបញ្ហា បងប្អូនអាចប្រឈមមុខចំពោះផ្លូវច្បាប់ហើយ៕

ដោយ ៖ ស្រីរ័ត្ន

The post អភិបាលរងរាជធានី ស្នើ​ឱ្យ​សមត្ថកិច្ច​ និង​ម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ appeared first on Kampuchea Thmey Daily.

លោក​កើត ឆែ​បាន​មាន​ប្រសាសន៍​លើក​ឡើង​ថា ព្រឹត្តិការណ៍បាល់ទាត់ មិត្តភាព អបអរសាទរ «ទិវាសន្តិភាពនៅកម្ពុជា» គ្រោងនឹងមានមហាជនចូលទស្សនាជាង៥ម៉ឺននាក់ នៅពហុកីឡាដ្ឋានមរតកតេជោ។ ព្រឹត្តិការណ៍នេះ អាចធ្វើទៅបានដោយសារប្រទេសជាតិរបស់យើងមានសន្តិភាព។ បើគ្មានសន្តិភាពគឺមិនមានអ្វីទាំងអស់។ កីឡារស់នៅក្នុងសន្តិភាព។ បើប្រទេសជាតិមួយធ្លាក់ចូលទៅក្នុងសង្គ្រាមគឺមិនអាចធ្វើអ្វីបានទេ កីឡាករទាំងអស់នឹងត្រូវទៅធ្វើសង្គ្រាមមិនខាន។ យើងត្រូវចងចាំថា មានសន្តិភាពគឺមានអ្វីទាំងអស់ សន្តិភាពជាសម្បត្តិដែលមិនអាចកាត់ថ្លៃបានដែលយើងត្រូវរួមគ្នាថែរក្សាសន្តិភាពនេះឲ្យបានគង់វង់ ក្រោយពីបាត់អស់រយៈពេល៥០០ឆ្នាំ។

លោកកើត ឆែ បានបន្តផងទៀតថា ពាក្យថាសន្តិភាពគឺងាយនិយាយ ប៉ុន្តែការរកសន្តិភាពពិតជាពិបាកណាស់។សម្ដេចតេជោ ហ៊ុន សែន បានរំដោះប្រទេសជាតិពីរបបប្រល័យពូជសាសន៍ប៉ុលពត ឆ្នាំ១៩៧៩ ប៉ុន្តែប្រទេសជាតិទាំងមូល មិនទទួលបានសន្តិភាពពេញលេញនោះទេ។ សម្ដេចតេជោហ៊ុន សែន បានស្វែងរកសន្តិភាព អស់រយៈពេល១១ឆ្នាំ ពោលគឺចាប់ពីឆ្នាំ១៩៨៧ដល់ឆ្នាំ១៩៩៨ ក្រោមគោលនយោបាយឈ្នះឈ្នះ របស់សម្តេច ទើបធ្វើឱ្យប្រទេសជាតិមានសន្តិភាពពេញលេញ។

គិតមកដល់ពេលនេះប្រទេសកម្ពុជាមានសន្តិភាពរយៈពេល២៦ឆ្នាំហើយ ហើយត្រូវបានរាជរដ្ឋាភិបាលកំណត់យកថ្ងៃទី២៩ ធ្នូ ជាទិវាសន្តិភាព ជារៀងរាល់ឆ្នាំ។យើងប្ដេជ្ញារក្សាសន្តិភាពឲ្យបានគង់វង្សទោះបីក្នុងតម្លៃណាក៏ដោយ និងការពារសម្ដេចបវរធិបតីដែលជាស្ថាបនិក បន្តការរក្សាសន្តិភាពនៅកម្ពុជា។

ជាការរំលឹកដល់ការសម្រេចបាននូវការបញ្ចប់សង្គ្រាមទាំងស្រុង និងការកសាងបាននូវសន្តិភាព និងឯកភាពជាតិពេញលេញ នៅព្រះរាជាណាចក្រកម្ពុជា ដោយនយោបាយឈ្នះឈ្នះ កាលពី ថ្ងៃទី២៩ ខែធ្នូ ឆ្នាំ១៩៩៨។

គួរបញ្ជាក់ថា នាថ្ងៃទី១មករា ២០២៤ រាជរដ្ឋាភិបាលនៃព្រះរាជាណាចក្រកម្ពុជាសម្រេចត្រូវបានកំណត់យកថ្ងៃទី២៩ ខែធ្នូ ជារៀងរាល់ឆ្នាំ ជា “ទិវាសន្តិភាពនៅកម្ពុជា” ដែលជាថ្ងៃ បុណ្យជាតិផ្លូវការមួយនៅព្រះរាជាណាចក្រកម្ពុជា ដើម្បីជាការឆ្លើយតបទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺ ការស្រឡាញ់សន្តិភាព និង ការស្អប់ខ្ពើមសង្គ្រាម។

ក្នុងនោះដែរលោកខៀវ ភារិទ្ធិ សមាជិកអចិន្ត្រៃសហភាពសហព័ន្ធយុវជនកម្ពុជា (ស.ស.យ.ក.) តំណាងឯកឧត្ដមឧបនាយករដ្ឋមន្ត្រីហ៊ុន ម៉ានី ប្រធាន សសយក បានលើកឡើងថា ក្រុមកីឡាបាល់ទាត់ សសយក ដឹកនាំឯកឧត្ដមហ៊ុន ម៉ានី និងឧបនាយករដ្ឋមន្ត្រីមួយចំនួនជាអនុប្រធាន ស ស យ ក ទាំងអស់រួមជាមួយកីឡាករជើងខ្លាំងមួយចំនួនទៀតនិងប្រកួតជាមួយក្រុមកីឡាករបាត់ទាត់តារាកម្ពុជានៅគូទី២។ មូលហេតុជ្រើសរើសយកកីឡាបាល់ទាត់មកប្រកួតក្នុងពិធីអបអរសាទរ «ទិវាសន្តិភាពនៅកម្ពុជា»ដោយកីឡានេះមានអ្នកទស្សនាច្រើន។

លោកហេង នរះកក្ដដា តំណាងក្រុមកីឡាករតារាកម្ពុជា ក្នុងឱកាសនោះក៏បានលើកឡើងផងដែរថា ព្រឹត្តិការណ៍ខាងលើនេះគឺកើតចេញពីគំនិតផ្ដួចផ្ដើមរបស់សម្ដេចអគ្គមហាសេនាបតីតេជោហ៊ុនសែន ហើយកីឡាករដែលត្រូវប្រកួតនៅក្នុងព្រឹត្តិការណ៍នេះគឺមានចំនួន៤ក្រុម ស្មើនិង២គូប្រកួត ដោយប្រើបច្ចេកទេសនៃការប្រគួតតាមស្តង់ដារ អន្តរជាតិគឺ៩០នាទី ចែកចេញជា២តង់។

ក្រុមបាល់ទាត់តារាកម្ពុជា ធ្លាប់បានបង្កើតនូវព្រឹត្តិការណ៍នៃការប្រកួតជាច្រើនលើករួចមកហើយ ដើម្បីរកថវិកាជួយទៅដល់ការងារសង្គម ពិសេសជួយដល់មន្ទីរពេទ្យ ហើយនៅក្នុងពេលនេះ ក្រុមបាល់ទាត់តារាកម្ពុជា មានកិត្តិយសបានចូលប្រកួតនៅក្នុងព្រឹត្តិការណ៍ដ៏ធំខាងលើនេះទៀត។

គួរបញ្ជាក់ថា ព្រឹត្តិការណ៍បាល់ទាត់មិត្តភាព ដើម្បីអបអរសាទរ «ទិវាសន្តិភាពនៅកម្ពុជា» ថ្ងៃទី២៩ ខែធ្នូ ឆ្នាំ២០២៤ សាលារាជធានីភ្នំពេញសហការជាមួយសហព័ន្ធកីឡាបាល់ទាត់កម្ពុជា សហភាពសហព័ន្ធយុវជនកម្ពុជា (ស.ស.យ.ក.) ក្រុមបាល់ទាត់តារាកម្ពុជា និងសហព័ន្ធកីឡាប្រដាល់គុនខ្មែរ នឹងរៀបចំព្រឹត្តិការណ៍បាល់ទាត់មិត្តភាព នៅពហុកីឡាដ្ឋានមរតកតេជោ ដោយមានការប្រកួតចំនួន២គូ ដោយគូទី១ ក្រុមបាល់ទាត់គុនខ្មែរប្រកួតជាមួយក្រុមបាល់ទាត់ តារាកម្ពុជា និងគូទី២ ក្រុមបាល់ទាត់ ស.ស.យ.ក.ប្រកួតជាមួយក្រុមបាល់ទាត់តារាកម្ពុជា ហើយសម្តេចធិបតីនាយករដ្ឋមន្ត្រី នឹងអញ្ជើញជាអធិបតី ដ៏ខ្ពង់ខ្ពស់សម្រាប់ការប្រកួតគូទី២ រវាងក្រុមបាល់ទាត់ ស.ស.យ.ក. និងក្រុមបាល់ទាត់តារាកម្ពុជា នៅវេលាម៉ោង១៧និង០០នាទី៕

ដោយ ៖ ស្រីរ័ត្ន

The post លោក កើត ឆែ ៖ សន្តិភាពគឺជាទ្រព្យសម្បត្តិដែលមិនអាចកាត់ថ្លៃបានយើងមិនត្រូវឱ្យ៥០០ ឆ្នាំមុន វិលត្រឡប់មកវិញទេ appeared first on Kampuchea Thmey Daily.

បើគ្មាន «សន្តិភាព» ទេ ម៉្លេះ​យើង​មិន​អាច​រៀប​ចំ​ការ​បោះឆ្នោតជាច្រើនបានយ៉ាង​ទៀងទាត់ និង​មាន គណបក្សនយោបាយជាច្រើន បានចូលរួមប្រកួតប្រជែងនោះឡើយ។

នេះ​ជា​ការ​លើកឡើងរបស់លោក កើត ឆែ អភិបាលរង នៃ​គណៈអភិបាលរាជធានីភ្នំពេញ ខណៈលោកបានអញ្ជើញជាតំណាងលោកឃួង ស្រេង អភិបាល នៃគណៈអភិបាលរាជធានីភ្នំពេញ ក្នុងពិធីបើក «វគ្គតម្រង់ទិសស្តីពីការគ្រប់គ្រងរដ្ឋបាលក្រុង ស្រុក ខណ្ឌ ជូនដល់ក្រុមប្រឹក្សាខណ្ឌ ទើបជាប់ឆ្នោតថ្មី អាណត្តិទី៤»នាព្រឹកថ្ងៃទី១០ ខែធ្នូ ឆ្នាំ២០២៤នេះនៅសាលារាជធានីភ្នំពេញ។

លោក​កើត ឆែ បានបន្ត​ថា នៅក្នុងឆ្នាំ១៩៩៣ ដោយ​ប្រទេស​កម្ពុជា​កំពុងស្ថិតក្នុង​សង្គ្រាមស៊ីវិល​នៅឡើយ គួប​ផ្សំ​នឹង​ក្រុម​ខ្មែរ​ក្រហមបានកាន់កាប់ តំបន់មួយចំនួនផងនោះ ទើបធ្វើឱ្យការបោះឆ្នោតពុំអាចដំណើរការបានពេញលេញលើផ្ទៃ ប្រទេស។ ប៉ុន្តែ បន្ទាប់ពីការដាក់ចេញនូវ «នយោបាយឈ្នះ ឈ្នះ» ដោយ សម្តេចតេជោ ប្រធានព្រឹទ្ធសភា និងជា អតីតនាយករដ្ឋមន្ត្រី នាថ្ងៃទី២៩ ខែធ្នូ ឆ្នាំ១៩៩៨ ទើបប្រទេសកម្ពុជាបានបញ្ចប់ទាំងស្រុងនូវសង្គ្រាមស៊ីវិល និងសម្រេចបាននូវឯកភាពជាតិ ទឹកដី ក្រោមម្លប់ «សន្តិភាព» ហើយប្រទេសកម្ពុជា ក៏បានរៀបចំការបោះឆ្នោតយ៉ាងទៀងទាត់ ស្របតាមរដ្ឋធម្មនុញ្ញ និងច្បាប់ ចាប់ពីពេលនោះរហូតមកទល់បច្ចុប្បន្ន។

លោកកើត ឆែ បានមានប្រសាសន៍លើក​ឡើង​ថា វគ្គ​តម្រង់​ទិស​នេះ​គឺ ដើម្បី​ឱ្យ​ប្រធានក្រុមប្រឹក្សាខណ្ឌ សមាជិក-សមាជិកា ក្រុមប្រឹក្សាខណ្ឌទាំង១៤ ទទួលបានចំណេះដឹងលើទិដ្ឋភាពច្បាប់ស្តីពីការគ្រប់គ្រងរដ្ឋបាលរាជធានី-ខេត្ត-ក្រុង-ស្រុក-ខណ្ឌ និងលិខិតបទដ្ឋាន គតិយុត្តពាក់ព័ន្ធ ដើម្បីពង្រឹងការអនុវត្តតួនាទី-ភារកិច្ចរបស់ខ្លួន។

លោក​កើត ឆែ បាន​បញ្ជាក់​ថា ​ច្បាប់​ស្តី​ពី​ការគ្រប់គ្រងរដ្ឋបាល រាជធានី-ខេត្ត-ក្រុង-ស្រុក-ខណ្ឌ និងច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានី-ខេត្ត-ក្រុង-ស្រុក-ខណ្ឌ បានចូលជាធរមានកាលពីឆ្នាំ២០០៨, គណៈកម្មាធិការជាតិរៀបចំការបោះឆ្នោត (គ.ជ.ប) បានរៀបចំការ បោះឆ្នោតជ្រើសរើសក្រុមប្រឹក្សា នៃរដ្ឋបាលថ្នាក់ក្រោមជាតិទាំងនេះ បានចំនួន ០៤ លើករួចមកហើយ ដែលលើកក្រោយបានប្រព្រឹត្តទៅកាលពីថ្ងៃទី២៦ ខែឧសភា ឆ្នាំ២០២៤។

លោកកើត ឆែ បានបន្តទៀតថា៖ វគ្គតម្រង់ទិសស្តីពីការគ្រប់គ្រងរដ្ឋបាលខណ្ឌ ជូនដល់ក្រុមប្រឹក្សាខណ្ឌនេះ ត្រូវបាន រៀបចំឡើងជាធម្មតា នៅរៀងរាល់ដើមអាណត្តិ ដើម្បីអង្គដែលកើតចេញពីការបោះឆ្នោតទាំងសកល និងអសកលមានសមត្ថភាព ចំណេះដឹង បទពិសោធន៍ ចូលរួមលើកកម្ពស់ការផ្តល់សេវាសាធារណៈ ការអភិវឌ្ឍមូលដ្ឋាន ឆ្លើយតបទៅនឹងសេចក្តីត្រូវការ របស់បងប្អូនប្រជាពលរដ្ឋ។

វគ្គតម្រង់ទិសនេះមានគោលបំណងផ្សព្វផ្សាយ និងបញ្ជាបអំពីទ្រឹស្តី និង លិខិតបទដ្ឋានគតិយុត្តមួយចំនួនពាក់ព័ន្ធនឹងការអនុវត្តតួនាទី ភារកិច្ចរបស់រដ្ឋបាលខណ្ឌ និងការដ្ឋានកំណែ ទម្រង់សំខាន់ៗដែលពាក់ព័ន្ធនឹងរដ្ឋបាលថ្នាក់ក្រោមជាតិ ដែលរួមមាន៖ កំណែទម្រង់វិមជ្ឈការ និងវិសហវិមជ្ឈការ, កំណែទម្រង់រដ្ឋបាលសាធារណៈ និងកំណែទម្រង់ការគ្រប់គ្រងហិរញ្ញវត្ថុសាធារណៈ។

ទទួលបានចំណេះដឹងលើការកសាងផែនការអភិវឌ្ឍរយៈពេល ០៥ ឆ្នាំ និងកម្មវិធីវិនិយោគ បីឆ្នាំរំកិល, សិទ្ធិអំណាច និងការទទួលខុសត្រូវរបស់ក្រុមប្រឹក្សា ក៏ដូចជាការធ្វើបច្ចុប្បន្នភាពបន្ថែមលើទិដ្ឋភាព «មុខងារ និងរចនាសម្ព័ន្ធរដ្ឋបាលខណ្ឌ» ជាពិសេស «ការផ្ទេរមុខងារក្នុងវិស័យអប់រំ យុវជន និងកីឡាទៅឱ្យ រដ្ឋបាលក្រុង ស្រុក ខណ្ឌផងដែរ»៕

ដោយ ៖ ស្រីរ័ត្ន

The post ប្រជាធិបតេយ្យ​នៅ​កម្ពុជា​មាន​ភាព​រឹងមាំ ដោយសារ​កម្ពុជាមាន «សន្តិភាព» និង «ស្ថិរភាពនយោបាយ» ដែល​រក​បាន​ពី​សម្តេចតេជោ ហ៊ុន សែន appeared first on Kampuchea Thmey Daily.

ការលើកឡើងរបស់ លោកកើត ឆែ បានធ្វើឡើងនារសៀលថ្ងៃទី២៤ ខែកញ្ញា ឆ្នាំ២០២៤នេះ ខណៈលោក អញ្ជើញជាអធិបតី តំណាងលោក ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុង«ពិធីប្រគល់វិញ្ញាបនបត្រនិងបណ្ណសរសើរជូនដល់សិស្សានុសិស្ស ក្នុងឆ្នាំសិក្សា ២០២៣-២០២៤ នៃសាលាអន្តរជាតិស៊ីលីត» នៅរាជបណ្ឌិតសភាកម្ពុជា។

លោក កើត ឆែ បានមានប្រសាសន៍ថា៖រាជរដ្ឋាភិបាលកម្ពុជា អាណត្តិទី៧ ក្រោមការដឹកនាំប្រកប ដោយភាពស្វាហាប់ សមត្ថភាព ថាមពល និងគតិបណ្ឌិតរបស់ សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រី បានយកចិត្តទុកដាក់ណាស់ក្នុងការកសាងមូលធនមនុស្ស សម្រាប់ការអភិវឌ្ឍសេដ្ឋកិច្ច- សង្គមជាតិ ដើម្បីសម្រេចបាន នូវគោលដៅ កម្ពុជា ជាប្រទេសមានចំណូលខ្ពស់នៅឆ្នាំ២០៥០។

លោកកើត ឆែ ការអប់រំកម្រិតចំណេះទូទៅនៅតាមគ្រឹះស្ថានរដ្ឋ និងឯកជន ត្រូវអនុវត្តនូវស្តង់ដាររួមតែមួយ ពោលគឺការយកចិត្ត ទុកដាក់លើចំណេះដឹង សីលធម៌ គុណធម៌ ឥរិយាបថ ចេះគោរព ចាស់ទុំ ព្រឹទ្ធាចារ្យ ជាដើម ។ បន្ថែមលើនេះ សិស្សានុសិស្សក៏នឹងត្រូវទទួលនូវការបណ្តុះបណ្តាលបន្ថែម លើផ្នែកបច្ចេកវិទ្យា ដូចជាការរៀនប្រើប្រាស់កុំព្យូទ័រ ដើម្បីដើរឱ្យទាន់ការ វិវត្តនៃវិស័យបច្ចេកវិទ្យាឌីជីថល ដែលជារបត់មួយថ្មី ក្នុងបរិបទ ឧស្សាហកម្ម ៤.០។

លោកបានបន្តថា «សន្តិភាព» ពិតជាមានតម្លៃដែលមិនអាចកាត់ថ្លៃបាន ដូច្នេះត្រូវចូលរួមថែរក្សា «សន្តិភាព»ទាំងអស់គ្នាដើម្បីការអភិវឌ្ឍ និងភាពសុខសាន្ត របស់បងប្អូនប្រជាពលរដ្ឋខ្មែរយើង។

លោកកើត ឆែ ក្នុងឱកាសនោះ ក៏បានផ្តាំផ្ញើដល់លោកគ្រូ-អ្នកគ្រូ មាតាបិតា អាណាព្យាបាល សិស្សទាំងអស់ត្រូវបន្តខិតខំសិក្សារៀនសូត្រ នៅឆ្នាំសិក្សាបន្ទាប់ ឱ្យបាន ទ្វេដង និងត្រូវមានវិន័យទាំងក្នុងការសិក្សា និងការរស់នៅ ស័ក្តិសមជា «កូនល្អ សិស្សល្អ និងមិត្តល្អ»។

ក្រៅពីការក្រេបជញ្ជក់យកចំណេះដឹង ពីលោកគ្រូ-អ្នកគ្រូ ត្រូវរៀនសូត្រអំពីអ្វីដែលហៅថា «មេរៀនបំនិន ជីវិត» ដែលផ្តោតលើ សីលធម៌រស់នៅ, ការអោនលំទោន គោរពចាស់ទុំ, ការចែករំលែក និងចេះជួយយកអាសារគ្នា ជាដើម។ ត្រូវចូលរួមគោរពច្បាប់ចរាចរផ្លូវគោក ចៀសវាងឱ្យបានដាច់ខាត នូវការសេពគ្រឿងស្រវឹង, គ្រឿងញៀន, បារី និងបារីអេឡិចត្រូនិច (វេប) ចៀសវាងការហូប ភេសជ្ជៈផ្អែមខ្លាំង ដែលប្រឈមនឹងជំងឺ ទឹកនោមផ្អែម។ត្រូវថែទាំសុខភាពផ្ទាល់ខ្លួន។ ត្រូវរំលឹកដឹងគុណដល់ឪពុកម្តាយ ដែលជាអ្នកមានគុណ ដោយឪពុកម្តាយ មិនត្រឹមតែជាអ្នកផ្តល់កំណើត ឱ្យក្មួយៗ តែនៅបានចិញ្ចឹមបីបាច់ ក្មួយៗ ឱ្យមានសុខភាពល្អ ផ្តល់នូវចំណេះដឹង និងជាអ្នករៀបចំ ក្មួយៗ ឱ្យមានគូរស្រករថែមទៀត ដើម្បីកសាងគ្រួសារមួយ ដែលមានសុភមង្គល និងចំរុងចំរើន។

លោកបញ្ជាក់ថា៖ ជម្រៅទឹកសមុទ្រ កំពស់ភ្នំ ចំងាយពីផែនដីទៅព្រះច័ន្ធជាដើម គឺសុទ្ធតែវាស់បាន តែសម្រាប់ជម្រៅទឹកចិត្តឳពុក ម្តាយ មានសំរាប់កូន គឺវាស់មិនបានទេ។ដូច្នេះទេសូមក្មួយៗ ត្រូវដឹងគុណដល់ឪពុកម្តាយរបស់យើង។

លោក ឃុន លីមាន នាយកសាលា អន្តរជាតិ អ៊ុលីត បានអោយដឹងថា៖ សាលា អន្តរជាតិ អ៊ីលីត បានចាប់ផ្តើម បង្កើតឡើងនៅ ឆ្នាំ២០១៧ មានទីតាំងនៅអគារលេខ៥១៤ ផ្លូវវេងស្រេង ភូមិ ត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ។សាលា អន្តរជាតិ អ៊ីលីតបានដំណើរការ អស់រយៈពេល ៧ឆ្នាំ ៤ខែហើយ ដែលមានសិស្សសិក្សាសរុបទាំងអស់ចំនួន៧៨០នាក់ ព្រមទាំងគ្រូបង្រៀនជាតិ និងអន្តរជាតិចំនួន ៧២នាក់។ បង្រៀន៣ភាសា និង៣កម្មវិធី នោះគឺកម្មវិធីសិក្សាចំណេះដឹងទូទៅភាសាខ្មែរ,កម្មវិធីសិក្សាថ្នាក់អន្តរជាតិនិងកម្មវិធីសិក្សា ថ្នាក់ក្រៅម៉ោង មានអង់គ្លេស ចិន និង Computer ។

លោកនាយក បានបញ្ជាល់ថា៖ សំរាប់ថ្ងៃអនាគតសាលាមានចក្ខុវិស័យ និងបេសកកម្មយ៉ាងរឹងមាំ គឺ បង្កើតនិងរៀបចំ សាលា Digital ថ្នាក់រៀន Digital គ្រូ Digital សិស្សDigital ក្នុង បុព្វហេតុចូលរួមក្នុងគោលនយោបាយរាជរដ្ឋាភិបាល Digital ឆ្នាំ២០២២-២០៣៥ ក្នុងគោលបំណងក សាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០។

គួរបញ្ជាក់ថា៖ សិស្សានុសិស្ស នៃសាលាអន្តរជាតិស៊ីលីត ដែលទទួលវិញ្ញាបនបត្រនិងបណ្ណសរសើរមាន

ចំនួន ១៨៦ រូប ក្នុងនោះ ជ័យលាភីពីលេខ១ ដល់លេខ៣ ចំនួន ៩៤ រូប ចាប់ពីកម្រិតបឋម ដល់ថ្នាក់ទី១១៕

ដោយ ៖ ស្រីរ័ត្ន

The post ការបណ្តុះបណ្តាចំណេះទូទៅហើយ សិស្សានុសិស្ស ត្រូវបន្តបណ្តុះបណ្តាលបន្ថែម លើផ្នែកបច្ចេកវិទ្យា ទើបដើរឱ្យទាន់ការវិវត្តនៃវិស័យបច្ចេកវិទ្យាឌីជីថល appeared first on Kampuchea Thmey Daily.

ការណែនាំ​បែបនេះ​របស់លោក​កើត ឆែ​ បាន​ធ្វើឡើង​នា​ព្រឹក​ថ្ងៃទី​១០​កញ្ញា ឆ្នាំ​២០២៤​នេះ នៅ​សាលាខណ្ឌ​ពោធិ៍​សែន​ជ័យ ខណៈ​លោក អញ្ជើញ​ជា​អធិបតីភាព​តំណាង​ឱ្យ​ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ ក្នុង​ពិធី​ប្រកាស​ចូលកាន់​តំណែង​លោក​សំ សា​រ៉ាវុធ ជា​អភិបាលរងខណ្ឌ​ពោធិ​សែន​ជ័យ​ជំនួស​លោក​អ៊ិត ជំនិត ដែល​ត្រូវ​ទៅកាន់​តំណែង​ថ្មី​ជា​ប្រធាន​ក្រុមប្រឹក្សា​ខណ្ឌ​ពោធិ៍​សែន​ជ័យ​។

លោក​កើត ឆែ បាន​មានប្រសាសន៍ថា ដើម្បី​បន្ត​និរន្តរភាព​រដ្ឋបាល​និង​បន្ត​ពង្រឹង​ស្នាដៃ​ការងារ​ឲ្យ​កាន់តែ​ល្អ​ផូរផង់​ទៀត​នោះ លោក​អភិបាលរងខណ្ឌ​ដែល​ត្រូវ​បាន​ប្រកាស​ចូលកាន់​មុខតំណែង​នាពេលនេះ​ត្រូវ​បង្កើន​ស្មារតី​យកចិត្ត​ទុក ដាក់ និង​ការ​ទ​ទទួលខុសត្រូវ​ក្នុងការ​បំពេញ​តួនាទី​ភារកិច្ច​ក៏ដូចជា​ត្រូវ​ពង្រឹង​កិច្ច សហប្រតិបត្តិ​ល្អ​ជា​មួយនឹង​បណ្តា​អង្គភាព​រដ្ឋ​,​មន្ទីរ​អង្គភាព​ជំនាញ​,​វិស័យ​ឯកជន​, និង​អង្គការ​សង្គម​ស៊ីវិល​នឹង​ត្រូវ​ចាត់ទុកថា សាមគ្គីភាព​ផ្ទៃក្នុង គឺជា​កត្តា​ជ័យជំនះ​គ្រប់​ភារកិច្ច​។

លោក​អភិបាលរង​បញ្ជាក់​ថា ពិធី​ប្រកាស​តែងតាំង​ក្នុង​ថ្ងៃ​នេះ ធ្វើឡើង​ជាធម្មតា​នៅក្នុង​ដំណើរការ​មុខងារសាធារណៈ​សម្រាប់​អាជីព​ជា​មន្ត្រីរាជការ​ស៊ីវិល​ដែល​តែងតែ​មាន​ការតែងតាំង ប្រគល់​ភារកិច្ច ផ្ទេរ​ភារកិច្ច សម្រួល​ភារកិច្ច​និង​ចូល​និវត្តន៍​ទៅតាម​នីតិ​វិធី​ដែល​កំណត់​ដោយ​ច្បាប់​។

លោក​អភិបាលរង​បាន​បន្ត​ថា ធ្វើជា​មន្ត្រី​បម្រើ​ប្រជាពលរដ្ឋ ត្រូវ​ចាត់ទុកថា អ្នក​នៅ​ជុំវិញ​យើង​,​អ្នកក្រោមបង្គាប់​យើង​សុទ្ធតែ​ជា​គ្រូ​របស់​យើង​ពួកគាត់​មាន ទស្សនៈ​ល្អៗ​យើង​ត្រូវ​ទទួលយក​នឹង​បន្ត​ខិតខំ​ស្រាវជ្រាវ​ពី​គោល​ការ​ច្បាប់​ដើម្បី បម្រើ​ប្រជាពលរដ្ឋ​ឱ្យ​ចំ​គោលដៅ​។

ក្នុង​ឱកាស​នោះ​ដែរ លោក​អភិបាលរង ក៏បាន​អំពាវនាវ​ឱ្យ​មន្ត្រី អាជ្ញាធរ ក្រុមប្រឹក្សា​ខណ្ឌ​ក៏​ដូច​ប្រជាពលរដ្ឋ​ក្នុង​ខណ្ឌ​ពោធិ៍​សែន​ជ័យ ត្រូវ​បន្ត​ចូលរួម​គាំទ្រ​គម្រោង​ព្រែកជីក​ហ្វូណន តេ​ជោ​ដែលជា​គំនិត​ផ្តួច​ផ្តើម​ដ៏​ខ្ពង់ខ្ពស់​បំផុត​របស់​ស​ម្តេច​តេ​ជោ​ប្រធានព្រឹទ្ធសភា និង​បាន​បើក​ការដ្ឋាន កាលពី​ថ្ងៃ​ទី​៥​សីហា ឆ្នាំ​២០២៤ ក្នុង​អាណត្តិ​របស់​រាជរដ្ឋាភិបាល​នីតិ​កាល​ទី​៧​ក្រោម​ការដឹកនាំ​ប្រកបដោយ​គតិបណ្ឌិត​រប​ស់ស​ម្តេច​មហា​បវរ​ធិបតី​ហ៊ុន ម៉ា​ណែ​ត ជា​នាយក​រដ្ឋ មន្ត្រី និង​បន្ត​គាំទ្រ​សមិទ្ធផល​មួយ​នេះ​ដើម្បី​ផល​ប្រ​យោ​ជ​ន៍​ខ្មែរ​សិទ្ធ​សាធ និង​ជា  ​ទ្រព្យសម្បត្តិ​មហាសាល​របស់​ប្រជាជន​កម្ពុជា​។

ជាមួយគ្នានេះ​ ត្រូវ​បន្ត​ផ្សព្វផ្សាយ ឱ្យ​បាន​ទូលំទូលាយ​ដល់​ប្រជាពលរដ្ឋ​ក្នុង​ការ​គាំទ្រ​សារ​សំឡេង​ពិសេស​របស់​សម្តេច​តេ​ជោ​ប្រធាន​ព្រឹទ្ធសភា​និង​កិច្ច​សម្ភាសន៍​បកស្រាយ​របស់ លោកស្រី​រដ្ឋមន្ត្រីក្រសួង​ពាណិជ្ជកម្ម​ដែល​បាន​ពន្យល់​យ៉ាង​ក្បោះក្បាយ​អំពី​កិច្ចសហប្រតិបត្តិការ​តំបន់ត្រីកោណ​អភិវឌ្ឍ​ន៍​កម្ពុជា​.​ឡាវ​.​វៀតណាម​(CLV.DTA)​ដើម្បី​រួមគ្នា​បន្សាប​ចរន្ត​ប្រឆាំង​និង​ត្រូវ​ចូលរួម​ឲ្យ​បាន​គ្រប់ៗ​គ្នា​គាំទ្រ​មូលនិធិ​កសាង​ហេ​ដ្ឋា​រចនា  ​សម្ព័ន្ធ​តាម​ព្រំដែន ស្របតាម​ការ​អំពាវនាវ​ដ៏​ខ្ពង់ខ្ពស់​របស់​សម្តេច​ធិបតី​នាយក​រដ្ឋ​មន្ត្រី​៕

ដោយ ៖ ស្រីរ័ត្ន

The post អំណាច​ជា​ភ្លើង បើ​យើង​ប្រើប្រាស់​ភ្លើង ប៉ះពាល់​ដល់​ពលរដ្ឋ គេ​នឹង​រក​វិធី​ដើម្បី​ពន្លត់ភ្លើង​នោះ​ឱ្យ​បាន appeared first on Kampuchea Thmey Daily.